(الفصل الثالث عشر)
وبعد لحظات دخل نواف بكل شموخ وعيونه مصوبه ع حبيبة قلبه ليان والي مبهور فيها وف جمالها الخيالي جلس نواااف جمبها وباس جبينها وبارك لها وهو يمسك ايدها البارده م الخجل والتوتر... ليان حست بحرارة جسمه وتوترت وهي تشوفه يمسك يهدها الصغيره ويغطيها بآيده الكبيره وكانه يدفيها بدفئ ايده وبعد لحظات دخلوا ابو نوااف وام ليان وصقر وولد عمه احمد وثلاثه م ولاد عمه وسلمو علئ نوااف وباركوا له ..
امال شافت صقر وسعت عيونها م الفرح ...وصارت تناظره وشوي تاكله بعيونها... هي ماتحبه بس تحب فلوسه...واشوي اتصدمت وهي تناظر الي جمبه
معقوووووله وووششش جايبه هنا ذااااا
اتخبت وهي تفكر.. رااجعت افكارها لما قال لها انه اليوم مشغول وعنده زوواج ولد عمه بس لعيونها راح يسوي الي تبيه معقوله يكون اخو صقر معقوله احمد يقرب له... ياربي ساعدني انا وش سويت ...وش ذي الصدفه المرررره الي شفتها اليوم
بس مبين ان فيه فرق احمد متواضع وصقر مغرور وصقر مبين فيه الغنئ والفلوس واحمد مبين انه شخص عادي.... لا لا ان شاء الله اكون يتهيئ لي... وين اتهيئ وانا اشوفهم جمب بعض وواضح ان لهم صلة قرابه... بس ليييه زعلانه لييه احس لزعلي مبرر .. هنا بقلبي ليييه احس اني متحسفه...
………
وبعد لحظات طلعوا اولاد عم نوااف وبقئ نوواف وليان بالكوشه طلعوا الحريم وسلمو وامه واخته نووف وامال وامها وسلموا ع نواف وليان وباركوا لهم.. امال لما قربت م ليان ابتسمت بآستهزاء : مبروووك ياليوون اتمنئ لك السعاده ههه ..
وبعدها طلع نووااف وترك القاعه وصارت الحريم ترقص وتهيص ولما شبعوا م الرقص قالت لهم ام نواااف: ياحريم البوفيه جاهز اتفضلو للعشاء..
وراحوا الحريم وخبصوا م البوفيه الي كان انواع واشكال م الاكلات م المشاوي والعيوش واللحوم بآنوااعها والمعكرونات بآنوااعها والحمص والسلطات والاكلات البحريه والشعبيه والغربيه بآنواعها وكل الي يخططر بالبال موجود.. كانت ام نوواااف مشرفه انها ماتنقص شي وتعمل اكبر بوفيه وافخمها علشان الناس تحكئ وتقول عنها بكل ماهو جميل..
خلص العرس وجاء الوقت الي بيروحون ...نوواااف كان متشقق م الوناسه وطاير م الفرح ويتفكر باللحظه الي تركب فيها ليان معاااه بالسياره ويصيرون لوحدهم ويجتمع معها...
ركبوا السياره الفخمه الي كانت مزينه م برا بالورود وبالشرائط الحمراء وعليها اضواء وكانت تبرق .. طلعت ليان السياره م بعد توصيات امها الي كانت تبوسها وعيونها ماكفت م الدموع ..كانت دموع فرح ودموع فراق بالنسبه لها البيت راح يفضئ بدون ليان... وامال ماهمتها كانت تناظرها م بعيد وبحقد.
وبعد لحظات ركب جمبها نوواااف وكانت المفاجآه ان سواااقهم كان احمد ... لان احمد قريب م نوااف احسن م صقر ... لأن صقر ونوااف مايتواطنون مع بعص بسبب غرور صقر واخلاقه الشينه..
احمد بآبتسامه: مبروووك يامعرسنا
نووااف وهو متشقق م الونااسه: الله يبارك فيك عقبالك ياخووي
احمد: لا مو الحين لي م تجي الي ببالي ذيك الساعه اتزوج
نوااف يبتسم:. ومين الي ببالك
احمد: بعدين لما اضبطها اقولك...
نوواف مسك ايد ليان الي كانت بارده م التوتر والخجل: اسكت تراك اشغلتني عن حرمتي ههه
احمد: هااا بدت النذاله تزوجنا وبتنسئ اصحابك هااا
نواااف: اييه م حقي انساهم دام عندي هالملاك م حقي انساهم.
احمد يصفر: اوووووهه خطير وربي
نووواف طنشه وقرب م اذن ليان وهمس لها: وربي طالعه قمر ... حتئ القمر استحئ منك واختفئ
ليان ابتسمت بخجل وماتكلمت...
نوااف ورجع وهمس مرره ثانيه: احبـكك
ليان حست بقشعريره بجسمها واحمرتت خدودها م الخجل اكثر وهي تسمع كلامه الحلو..
احمد يضحك: ههههه وش تسوي انت خف عالبنت شوي اشوفك عاد ماصرت تصبر.. عالاقل احترم وجودي ..
ليان كن حد كب عليها موووويه م السحئ ونزلت راسها ... اما نووواف غصب عنه ضحك: وربي انت قليل ادب قاط اذنك تتسمع علينا وتراقب الحركات اقول اسكت وانتبه لسواقتك لا احذفك م الدريشه هالحين
احمد: يلا ماصار شي ونوصل اثقل واترك البنت لي وصلت للفندق سوي الي تبي
نواااف: زوجتي حلالي وش دخلك انت ياملقوف
وماهي الا لحظات ووصلوا للفندق ونزلوا المعاريس ورجع احمد وهو بالسياره اتصلت فيه امال... احمد لا شاف رقمها يفز قلبه م يوم لقاها فبيت انوار وهو مجنون فيها...
احمد بحب: ياهلا بالحب
امال بطفش: وش سويت
احمد: روقينا شوي لسئ نزلت ولد عمي وزوجته للفندق... آآآه وانا اشوفهم كنت اقول بنفسي ليت انا وانتي مكانهم... ربي يسعدهم..
امال بتوتر: طيب ماتصلت بالبنت..
احمد بضيق: لييه تبين تخربين حياتهم مو حرام هذول معاريس ولييه تحقدين عليها كذا
امال بدلع: لا تبيني اكون حبيبه لك تحمل الي قلتلك عليه.
احمد: لا جيت وخلصت ورجعت للبيت اتسبح واكلمها
امال: طيب حلو
سكر احمد وهو يحس بضيق مايدري للييه بيطاوعها ف الي بتسويه ولو كان يدري المقصود ولد عمه وزوجته كان يضحي بكل شي ولا سوئ فيهم ذي العمله السوده....
__________________________*
بالفندق عند ليان ونواااف جلست ليان عالسرير وهي متوتره وايدينها ترجف جلس جمبها نووااف ورفع الطرحه وهو منبهر بالقمر الي قاعد جنبه وقرب وده يبوس شفتها بس هي مالت بوجهها للجانب الاخر واحمر وجهها وحست بآنحراج وهي تشوف نظراته الي بتاكلها وعيونه معلقه بعيونه وبعدها نزلت عالفستان الي كان مبرز ومبين معالم جسمها وم فوق كان مكشوف وجسمها الابيض المتناسق مع لون الفستان السكري الي خلت نوااف ذايب بهالجمال الساحر.. رجع نوااف وقرب بس هي قامت واستآذنت منه انها راح تغير ملابسها.. مشت للحمام وصارت تغير بس تعبت وهي تحاول تنزل الفستان ماتدري وش تسوي...
اترددت انها تروح وتقول لنوااف يفتح لها ازرار ثوبها الي كانت ورا وايدها وماوصلت علشان تفتحها والفستان كان ضيق ع جسمها مررره لكذا ماقدررت.
طلعت ووقفت م غير لا تتكلم كانت مفهيه بفمها ومترردده وش تقوله..
نواف مستغرب فيها وقرب لها وهو يمسك كتوفها... بس ليان انتفضت بخوف وتراجعت لورا.. نوااف ابتسم بحب: وش فيك ليوون انا زووجك والا خجلانه مني؟
ليان ماتكلمت نزلت راسها بخجل وشبكت ايدينها ببعض بتوتر وبعدها تكلمت بتلعثم: انـ... انا....
نواف وهو يحاوط ايدينه بخصرها: وش فيك حبييتي تكلمي
ليان وهي تآشر له ع ظهرها ووجهها وانفها احمروا م قربه لها: ابيـ... ابيك تفتح لي ازرار الفستان ماقدرت افتحه
نواااف بآبتسامه جذااابه: ماطلبتي شي ياقلبي... ولييه كل ذا الحيا كان قلتيلي م الاول
ليان نزلت راسها وحست بقشعريره وهي تحس بآصابع نوااف الي كان يمررها ع ظهرها برقه غمضت عيونها شوي وم ثم فتحتها وهي تحس انا جسمها حار م الحيا وودها لو يخلص فتح الازرار وتمشي للحمام وتفتك م ذا الاحراج الي مسيطر.. عليها
وشوي حست فيه وهو يداعب رقبتها وظهرها ويمرر اصابعه بظهرها العاري.. اتفآجات وحست بالصيحه ماتدري ليييه بغت تبكي يمكن حست انها رخيصه وهي تحس بشي غريب. فجاآه تزوجت وصارت بغرفه لوحدها مع رجال بس لما حست ان ازرار الفستان كلها انفتحت ماصدقت انها مسكت فستاها الطويل م اطرافه وركضت بسرعه للحمام وهي تتنفس الصعداء وهي تتذكر قربه وحركاته لها وصارت تبتسم م غبائها وافكارها السطحيه.
………
اخذت شاور وصارت تنشف شعرها وف خاطرها كانت تبتسم وتقول: راح اقعد هنا واآلعب ف ذي المووويه وانتعش بالرفاهه بذا الفندق الراقي وقربت اخذت انواع الشامبوهات وصارت تكبها بشعرها واخذت سائل الاستحمام وصارت تحطه ع جسمها وصارت تفرك جسمها بالليفه وتلعب بالمويه علشان تقهر نوااف شوي وتتاخر وتتركه ينتظرها...
بس ف نفس الوقت عند نوااف كان ينتظر ليان ومطفي الاضاءه وتاركها خافته وعامل جو رومنسي علشان لا جات ليان .. وصار يستغرب تاخرها بس مايبغئ يزعجها... وشوي وسمع صوت الجوال يرن .. مشئ عالكمودينه ولقاه يرن عرف انه جوال ليان .. اخذه وكان راح يدق عليها باب الحمام ويعطيها الجوال افتكر احد م اهلها ويمكن شي مهم صاير. بس بالصدفه جات عينه ع اسم الجوال وانصدم .. مكتووب (حبيبي)
صار يكلم نفسه وهو مصدوم ... م ذا حبيبي.. انا مو مكلمها وجوالي مسكر .. معقوله ليان تحب غيري... وشوي ماتمالك نفسه وجاااه فضول قبل لا يظلمها وياخذ عنها افكار يمكن توقعه بشكوك احسن يرد عالجواال ويتآااكد..
رد نوواف وهو ينافخ م العصبيه بس ماتكلم يبغئ يسمع م عالجوال.. وانصدم اكثر وهو يسمع كلام الطرف الثاني..
احمد: الوووو وينك ياحبي وربي اشتقتلك.. كيف كانت ليلتك مع ذا الوصخ.. وربي قاعد اتخيلك وياااه وقلبي مقبوض وحاس اني مخنوووق ومو قادر اتخيلك وياااه ماتوقعت يجي يوم ويقربك واحد غيري وربي بمووت م الغيره ..ياليااان... ليييووون وينك لييه ساكته.. سمعيني صوتك الحلو.. اقول لا نام الخبل حقك اتصلي فيني تراااني بموت م شوقي لك.. تعـ ....... ماتحمل نوااف يسمع اكثر وسكر بوجهه وصار يسب ويلعن .. ماتوقع ذا الشي م ليان وكان مقهور ومايدري وش يسوي يحس انه انضحك عليه وانغرا بجمالها ونسئ اخلاقها رغم انه كان يشوف اخلاقها عاليه بس بعد الحين مايشوفها الا وحده فاسقه وماتستاهله وصدق كلام امه وصار يتردد كلامها فباله يوم قالتله انها تبغئ فلوسه وبس...
وماهي الا لحظات وطلعت ليان ببراءه م الحمام وهي تبتسم وجلست عالتسريحه واخذت تستشور شعرها وكانت لابسه قميص نومم احمرر قصير لفوق الركبه .. بس استغربت نظراات نواااف وعيونه الحمرا وشكله الي مبين انه معصب خافت بس حاولت تتجاهل نظراته الحاده لها وحست بخوف منه بس سكتت وماتكلمت ..بس ماطال استغرابها لان نوااااف نطق وبكل عصبيه وحرقة قلب: حبيبك اتصل فيك وكان يعبر لك ع شوقه وحرقة قلبه ع زوااجك مني... وكمل بصراخ: داااامك تحبين غيري ليييه تزوجتيني.
ليان انصدمت م كلامه وآللتفتت له بنظرات كلها تسآولات وحيره؟؟؟!!!......
