الحلقة الاولي....
عمارة الحجة زينب
احمد...../ انت عارف يا علي ان الوقت بيجري وانا لازم الاقي شقه في اسرع وقت انا خلاص مش قادر اقعد تاني عند حماتي الموضوع بقى صعب عليا وعلى اسراء و هي زيها زي اي ست من حقها يكون ليها شقه لوحدها.....
علي...../ياعم ما تخافش ان شاء الله هتلاقي شقه في اقرب وقت و هتكون على قد الفلوس اللي معاك......
احمد...../حبيبي يا علي انا عارف ان انا تعبتك معايا....
علي..../تعب ايه يا احمد اللي بتتكلم عليه احنا صحاب ومفيش ما بينا الكلام ده......
احمد....../ سبحان الله بتيجي على السيره اهي بتتصل.....الو.
اسراء.../ ايه يا احمد عملت ايه......
احمد...../النهارده رايح اشوف شقه و لو عجبتني هتصل بيكي انت و مامتك تيجوا تشوفوها....
اسراء..../ماشي يا حبيبي ربنا يقويك يارب.....
علي...../ هااا هنعمل ايه دلوقت....
احمد..../في شقه في عماره جنبنا كنت عارف انها للبيع تعالا نروح نشوفها....
علي..../تمام بس العماره دي فين...
احمد.../عماره اسمها عماره الحجه زينب..
علي.../انت مجنون انت مش عارف ايه اللي حصل في شقه من شقق العماره دي وبعدين العماره دي مفيهاش غير شقه واحده بس هي اللي فاضيه و دي اللي بقولك عليها....
احمد..../هههههه ايوه هي دي وبعدين انا عارف كويس جدا ايه اللي حصل فيها وبعدين دي كانت مجرد حادثه....
علي...../مجرد حادثه ايه يا احمد دي عيله كلها ماتت فيها وبعدين دي اي حد بيسكن الشقه دي بيمشي منها على طول....
احمد..../انا ميهمنيش الكلام دة يا على دي مجرد خيالات لناس مش اكتر وبعدين انا سامع ان الشقه سعرها لقطه...
علي..../انا مش موافق يا احمد على الموضوع ده....
احمد..../جمد قلبك بس و تعالي نروح نشوفها.....
علي..../يا احمد فكر شويه والله القصص اللي سمعتها دي كلها حقيقه.....
احمد..../ماشي يا عم تعالى بس....
ف الطريق للعمارة.....
احمد.../العماره اهي تعالى نطلع نتكلم مع الحاجه زينب....
علي..../تعالى انت مش هتجيبها البر انا عارف......
بواب العمارة...../بتدور على حد يا بشواات......
احمد...../احنا جايين نقعد مع الحجه زينب و نتفرج على الشقه المعروضه للبيع.....
بواب العمارة..../ احم احم انت تقصد الشقه اللي في الدور الاخير يا باشا....
احمد..../ ايوه لو سمحت ممكن تدي خبر للحجه وتقولها اننا جايين نتفرج على الشقه....
بوااب العمارة..../ بتعجب شديد... حاضر يا باشا اتفضل...
يتبعععع..
بدل ماتدور وتبحث علي الروايات خليها علي تليفونك وحمل تطبيقنا
