بارت 12 ـ تقدر تتحرك، واوعدك مش هظهر حزني قدام طنط..
معرفتش اقول ايه فـ سكت وطلعت بالعربية..
.
.
.
.
كنا واقفين قدام بيتنا وبخبط مستني ماما تفتح وهي كانت لسه بتحاول تنزل من العربية 🙃
ـ حازم !
ـ اذيك يا ماما.
اخدتنى بالحضن وبدأت تدور بعنيها حوليا!!
ـ امال فين فاطمة؟؟
ـ فاطمة بتحارب علشان تنزل من العربية 🙂
ـ اييه!
ـ زي مابقولك كدا.
قامت سايبانى وراحت تدور عليها!!
رحنا لقناها نزلت وبتعد ف نفسها.
ـ احم، اهي فاطمة يا ماما.
وأخيراً اخدت بالها.
ـ هااا اا اسفة مخدش بالي.
ـ لا يا حبيبتي ولا يهمك.
راحت واخدتها فـ حضن حميمي طويل 😒🙄🙄🙄
ـ يلا ياولاد ادخلوا غيرو وارتاحوا وانا هجهزلكم الغدا.
.
.
.
.
دخالنا وماما بتشورلنا علي الاوضة ال هنام فيها.
ـ وهي فين اوضتي انا كمان يا طنط.
اسكتي الله يخربيتك بتهببي تقولي اييه، نهاار اسسسود
ـ ما اهي يا حبيبتي.
ماما بصتلي، وانا عملت نفسي مش واخد بالي وببص فـ السقف.
ـ طب يلا بقا علشان تلحقوا ترتاحوا.
ـ حاضر يا ماما، يلا يا فضيحة.
ـ يلا فين.
ـ هفهمك.
.
.
.
.
الحمدلله نفدنا من ماما بمعجزة.
ـ انت يا استاذ، انا مش هفضل معاك هنا فـ نفس الاوضة انت فاهم.
ـ انتى عندك عقل ولا ال فـ دماغك دي زبالة رصيف.
ـ اتكلم معايا بأدب انت فاهم.
ـ لا دا انتِ شكلك عشتي الدور زيادة.
ومسكتها من لياقت الفستان.
ـ علي فكرة المسكة دي بضيع برستيجي، بعد اذنك لو تكرمت حضرتك نزلني.
ـ هنتلم ونتكلم عدل ولا عايزة تتعلقي.
ـ لا هتلم وهتكلم عدل، نزلني بقا بدل ما ازعلك جامد.
ـ بتقولي حاجه؟!
ـ هااا لا بقولك سيبنى ابوس رجلك، برستيجي بقا فـ الارض.
~~~~~~~~~~~~~~
ناس متجيش إلا بالعين الحمرة.
ـ هاا تحبي تتعلقي تانى.
ـ لا يا كابتن كتر خيرك، تعرف انا سكتلك ليه.
ـ همم ليه؟
ـ علشان لو مديت ايدي عليك كانوا هيقولوا دا اصغر منك ضربتيه ليه.
لقيته قام وبيقرب منى.
ـ لا لالالا بهزر والله ايه انت قفشت ولا ايه..........(يلعن ابو الـ يهزر مع عيال ، انا مش عايزة اجي جنبه علشان ميعيطش بس )
.
.
.
.
.
.
كنا قاعدين فـ الاوضة انا عل السرير وهو عل الكنبة وكل واحد بيقلب فـ الموبيل ومشغول.
ـ بقولك انا داخل اخد حمام والباب مش عليه مفتاح هااا اياكي ثم اياكي تقومي من هنا لحد مـ اخرج.
ـ يا عم اتنيل.
ـ اييييه.
ـ ربنا معاك.
ـ انا حذرتك وخلاص، معاد الغدا فضله خمس دقايق ولو ماما جت وانا جوا ابوس ايدك اوعي تدبشي كلام اهبل زيك، فاهمة
ـ حاضر، من عنيا.
ـ مش مرتاحلك.
هو مش مبطل رغي وانا مشغولة بلعب كاندي كراش ف الموبيل
ـ ياكبتن مـ تخلص بقا قلنا حاضر.
ـ كابتن!! واخلص، لا انا كدا اطمنت.
واخيراً مشي عيل رغاااي 😒🙄
.
.
.
انا زي ما انا مشغولة فـ العبة وراحت طنط دخلت زي ما توقع .
ـ امال جوزك فين يا فاطمة.
انا الصراحة متحمسة وبلعب ومش واخدة بالي ليها هي كمان.
ـ فاااااطمة.
ـ هااا فيه بقا.
ـ مالك يا ضنايا انا بكلمك.
ـ معلش يا طنط اصلي فـ الڤل الـ٢٢٥ فـ متوترة شوية.
ـ لڤل ايه وزفت ايه يا فاطمة بس.
لا بقا دا انتوا عايلة فصيلة والبرود بيجري ف دمكوو🙄
رميت الموبيل.
ـ اسفة يا طنط اندمج مع الموبيل حبتين.
ـ حبتين بس دا انتِ كنتى فـ عالم تانى!!
معرفتش ارد الصراحة حطيت وشي ف الارض.
ـ جوزك فين؟
ـ جوز مين؟!...اهاااا دخل ياخد شور.
ـ طب ادخلي استعجليه الاكل هيبرد.
ـ نعمممم، ادخل لمين يا عنيا؟!
يتبع....
ودمتم سالمين.
#بقلمي_انا_Dàlia
#ارملة_قبل_الزواج
