-->

روايه ارمله قبل الزواج البارت السادس

روايه ارمله قبل الزواج البارت السادس


     بارت 6 ـ افتحى الباب احسنلك. 

    ـ انا م بتهددش يا صغنن. 

    ـ طب لو قد كلامك خلينى اطلع. 

    ـ انا بقا كلام بدون افعال، ومش فاتحة


    سمعت صوت رجلها وهى ماشية 

    ـ انتِ رايحة فيــــن. 

    ـ وانت مالك. 


    كان صوتها بيبعد، بدأت اضرب الباب برجلى لحد ما كسرته، نزلت علشان اشوفها راحت فين. 


    ـ انتِ ياحجـــة انتِ يابت. 

    دخلت الصالون ملقتهاش، بعدور وشي لقيتها طالعة من المطبخ وف ايدها طبق فاكهة. 

    ـ ايه عامل دوشة ليه، وبعدين انا مش كنت حبساك طلعت ازاى😕

    ـ انتِ مفكرة ان باب عشت الفراخ ده هيبقى صعب انى افتحه😎

    ـ تقصد ان اوضتى عشت فراخ!!

    ـ ما شاء الله طلعتى بتفهمى.

    ـ مهى عشت الفراخ بتبقى فـ مزرعة الحيوانات😒

    ـ تقصدى ان بيتى مزرعة حيوانات!!!!

    ـ ما انت نبيه وبتفهم اهو🙄


    فضلنا قعدين هى مسكتتش غير لما خلصت طبق الفاكهة كله، راحت متنهدة.


    ـ لو لسة جعانة خدى ايدى كليها. 🙄

    ـ اه والله انا لسة جعانة.

    ـ ايه ياحجة، انتِ طافحة طبق الفاكهة كله لوحدك.

    ـ انت بتعد وراية يا صغنن انت.

    ـ ممكن مسمعكيش تقوليلى ياصغنن دى تانى 😡


    رحت ضارب ايدى عل الطربيظة ال قدامى، قامت هي مفزوعة.

    ـ ما براحة يا عم، وبعدين ما انت بتقولى ياحجة.

    ـ انتِ اكبر منى عايزانى اقولك ايه.😏

    ـ ما انت كمان اصغر منى، يابنى انا بخاف اجى جنبك لتعيط، وميغركش انى قصيرة، لا انا امرمطك هنااااا

    ـ اخلاق سرسجية قذرة 🙄🙄🙄🙄


    فضلت تلف قصادى وانا بقلب ف الموبيل والصراحة باين عليها انها جعانة بس مش عايزة تقول.


    ـ تحبي اطلبلك حاجه من برا .

    ـ فـ الوقت ده!! 

    ـ عادى احنا ف اسكندرية. 

    ـ احنا فين ياعنا. 


    قالت يا عنيا وهي ماسكة الطبق بايد وايدها التانية على وسطها، بصتلها من تحت لفوق.. 

    ـ انا رفضت اكون ظابط ف قسم الآداب علشان مسمعش كلمة يا عنيا ولا اشوف واحدة بتتكلم بالمنظر ده بس ما شاء الله عليكى بتفجأينى بمميزاتك القذرة. 

    ـ انت ازاى تجبنى اسكندرية من غير ماعرف😡


    قعدت عل القنبة وانا مش مستحمل غبائها اكتر من كدا.


    ـ م تكلمنى زى ما بكلمك.

    ـ انتِ عايزة تتخنقي صح! 

    ـ رد على سؤالى.😡

    ـ على ما اعتقد انك كنتى جاية بكامل وعيك، يعنى لو طفلة معاية ف العربية كانت قرأة اليفط والاشارات وعرفت اننا فـ طريق اسكندرية.

    ـ انا عايزة اكلم ماما دلوقت انا كنت مفكرة انى اول ما الشمس تطلع هرحلها.

    ـ الباب يفوت جمل والطريق قدامك.

    ـ انت بتطردنى 😕

    ـ اه 😒

    ـ طب والله هقعد فوق قلبك 

    قامت متربعة عل القنبة.


    اول ما الساعة جت 6 الصبح 


    ـ انا طالع نص ساعة تكونى جهزتى الاكل..


    قبل ما اطلع لقيتها وقفة ف وشي.

    ـ ابعدى.

    ـ انا مش خدامتك يا صغنن.

    ـ ايوه يعنى ايه مش فاهم.

    ـ يعنى لو عايز تاكل يبقا زى الشاطر كدا تدخل المطبخ وتجهز معايا الاكل🙂

    ـ ماشي.


    لقيتها استغربت .

    ـ انت بتتكلم جد!!!!!

    ـ اصلى مش واثق فيكى الصراحة، ممكن طحتيلى سم ف الاكل .


    رحت سبتها وطلعت وكنت عارف انها بتاكل ف نفسها من الغيظ.


    ~~~~~~~~~~~~~~~~~~


    كنا وقفين فـ المطبخ انا وهو، كررنا نعمل سندوتشات برجر، كان هو واقف يحمر البرجر وانا كنت بقطع الطماطم شرايح، بعد ما خلصت رحت اشوفه عمل ايه، لقيته عمل البرجر فحمة...


    ـ ايه ال انت هببته ده الله يخرب بيتك😡


    لقيته حط ايده على رأسه وبيبص على البرجر وهو محتار ومش عارف يعمل ايه، وقفت جنبه وطلعتهم بسرعة قبل ما يولع فينا، وهو كان واقف وراية بيتفجر وانا بطلعهم،  كان بيبص من فوق راسي،  خلصت وبتعدل لقيته ف وشي. 


    ـ ممكن اعدى.

    حسيته ندمان على البرجر ال حرقه كان بيبص بندم.....وشكله كيووت اوى.


    ياكبتن انت لو حرقت قلبى مش هتزعل كدا علشان قتعطين برجر قالب بوزك زي الاطفال😂😂😂

     

    عملت غيرهم وحطيت الاكل عل السفرة وكنا لسه هناكل لقيت الجرس ضرب فجأه.

    ـ كمل اكل انا هروح افتح.

    معبرنيش ف قمت افتح.


    واول ما فتحت لقيت بنت واقفة ومعاها شنتط هدومها، قامت رفعلى حجبها وقلتلى.


    ـ انتِ مين!؟


    يتبع....🙄


    تفاعلوووو. 


    ودمتم سالمين 


    #ارملة_قبل_الزواج 

    البارت السابع من هنا