أسير الماضي
الفصل الثاني 😇
كملت قراية " حيث توفت زوجته بعد معاناة مع مرض السرطان لمدة ٦ أشهر و لم يمضي على زواجهما سوى عام واحد" و ف وسط ما انا بقرأ لقيت صورة تحت الخبر و الصورة دي المفروض
انها صورة مراتي (ميريهان) لقيت ان عيونها هي العيون اللي انا شفتها و انا بحاول انام بس ازاي كل ده حصل احداث كتير اوي دخلت في بعضها ندهت محمد تاني....
محمد :حضرتك بخير..... الحمدلله فكرت ان النوبات رجعتلك تاني
انا : هو انت ليه مبلغتش اني هنا
محمد :حضرتك الموضوع كله ان حالتك مكانتش تسمح بده
انا : طيب ممكن تخرجني برة انا محتاج اشم هوا
محمد: حاضر و كمان بالمرة تسلم على مراتي و بنتي
انا : ماشي. طيب انا هبلغ يحجزولي طيارة انا عايز ارجع مصر
محمد : ماشي التيليفون معاك
و اتمشيت شوية برة و بعد شوية الشرطة جات و حجزت الطيارة
ورجعت مصر و حسيت ان روحي رجعتلي من تاني بس في نفس الوقت حاسس ان الدنيا ضيقة عليا و انا وحيد في الدنيا و لقيت حد جاي عليا من بعيد و اما وصلي قال انا عبدالرحمن صاحب عمرك قولتله بس انا مش عارفك فكرني في الاول بهزر و فضل يضحك و بعدين عرف اني مش بهزر و اني فقدت الذاكرة في الحادثة
انا : انا عايز اروح بيتي بس ممكن توصلني علشان انا مش عارف مكانه فين
عبد الرحمن : حاضر طيب انت هترتاح و لا هتروح على مكتبك
انا : هروح البيت اشوفه الاول و بعدين هاجي على المكتب.
و لما وصلت بيتي في اسكندرية دخلت اوضة من الاوض و قعدت شوية و بعدين عبد الرحمن اخدني على المكتب فضلت احاول افتكر الناس بس و انا بفتكر حسيت ان الدنيا بتلف بيا و محستش بحاجة حوليا و بعد ما فقت لقيت نفسي في المستشفى و حسيت ان كل الاسئلة اللي في عقلي اجابتها موجودة و لما سألنا الدكتور قال اني قدرت افتكر و ابتديت حياتي من جديد وسط الناس القليلين اللي في حياتي و رجعت ياسين مختار اللي حياته عبارة عن شغل و بس.
يا ورد... يا ورد...
ايوة يا ماما انا في الاوضة تعالي
يا بنتي انتي مش هتبطلي قاعدة على صفحة اللي اسمه ياسين دا انا زهقتلك.
ورد: يا ماما يا حبيبتي انا قولتك مليون مرة ان هو مثلي الاعلى و كان كاتب امبارح الظروف اللي مر بيها بعد الحادثة و ازاي رجع لحياته العادية من تاني بالرغم من سنه الصغير
ام ورد (نادية) : انتي حرة بس قومي ذاكري حاجة تنفعك علشان دي آخر سنة في الكلية بتاعتك خلينا نخلص
