Ads by Google X

القائمة الرئيسية

الصفحات

روايه اسير الماضي الحلقه السابعه


 الفصل السابع

و لان ورد مش بتخاف و كدة فضلت ماشية عادي بس ماسكة العصاية و شوية كدة حست بحركة حوليها و لقت خيال حد وراها........

ورد : يا ترى حيوان ايه اللي ورايا ديب و تعلب........ احسن حاجة اني اغمض عيني و اضربوا على راسه.... اتشجعي كدة يا ورد يلا... ١...٢...٣

و تااااخ و سمعت ورد صوت بيقول آه.......

ورد : آه...... يعني دا انسان.....

و فتحت ورد عنيها.........

ورد : يا خبر اسود استاذ ياسين...استاذ ياسين..... ان هببت ايه مني لله

و فضلت تسحب ياسين و سندته على صخرة كدة 

ورد : ياسين.. ياسين... بيتنفس الحمدلله عايش

ياسين : هو انتي مبيجيش من وراكي غير المصايب.. آااااه دماغي... 

ورد : و الله انا آسفة فكرتك حيوان ورايا 

ياسين : حرام عليكي و الله 

ورد : هتقدر تقوم و اسندك... ؟

ياسين : هحاول بس اسنديني 

ورد : ماشي قوم... 

و سندته ورد لحد ما رجعوا عند مامتها و تقى

نادية : ايه اللي حصل يا ورد..

ياسين : انا ياسين مختار... و ورد ضربتني على دماغي بالعصاية اللي في ايدها دي

نادية : هو انت..... دا بنتي معلقة صورتك في الاوضة

ورد : خلاص يا ماما

نادية : يا لهوي لو شفت هي عاملة ايه على الصورة

ورد : خلاص يا نادية

نادية : و الله يا بني رسمالك شنب و قرون هههه يالهوي لو شفتها

ياسين : رسمالي انا...

ورد : خلاص يا ماما في فضايح تانية و لا حاجة

ياسين : ممكن يا ورد تيجي ثانية معايا عايز اتكلم معاكي

ورد : لا

ياسين : يا ستي اعتبريها تعويض للضربة

ورد : و ان كلامك طلع زي يوم الحفلة هضربك ضربة كمان و اخلص منك

ياسين : خلاص ماشي اعملي اللي انتي عايزاه

ورد : ماشي

و اتمشوا شوية

ياسين : بصي و الله انا مكانش قصدي اني ازعلك بالكلام اللي انا قولته

ورد : بس انا زعلت

ياسين : و الله انتي لو عرفتي السبب هتعذريني

ورد : هعذرك..... مفيش مبرر انك تهين واحدة، و يا ترى ايه السبب

ياسين : مش عارف هقولهاك ازاي.... بس انا عمري ما رقصت مع واحدة غير ميريهان 

ورد :..... ميريهان دي مراتك "ربنا يرحمها " مش كدة 

ياسين : اه هي 

ورد :بس مكانش ينفع تهين اي ست لاي سبب 

ياسين قال في سره : انا خايف احبك و ترجعي تسيبيني زيها.. 

بس طبعا اللي طلع منه كله كلمة" انا آسف"

ورد : بس أسفك دا مش هيتقبل كدة من غير حاجة 

ياسين : و عايزاني اعمل ايه علشان اسفي يتقبل.... 

ورد : هطلب منك تلت طلبات و انت هتبقى مضطر تنفذهم بدون تردد او نقاش

ياسين :..... 

الحلقه الثامنه من هنا

تعليقات