Ads by Google X

رواية داوي قلبي الفصل العاشر


 

#داوي_قلبي ❤️

#البارت_العاشر_والحادي_عشر


جود يشعر أنها واخيرا سعيدة


جود: تعالي نتمشي علي البحر شويه


ندي بسعاده: يلا ...


ويبدأون في المشي على البحر


ليحدث لهم شئ غريب .....


بقرا الودع انا بقرا الودع


تعالي يا بيه اشوفلك الطالع


ينظر لها فيجدها امرأة عجوز غريبه المظهر ترتدي الكثير من الأشياء في يدها وعلي صدرها بأشكال غريبه


جود: لا مالناش في الكلام ده 

ندي : ايوه لا يعلم الغيب الا الله


المرأة العجوز: اسمعني ومش هتندم

جود يمشي ويتركها حتي تقول له


المرأة العجوز: هتتعب اوي في حياتك واللي فكره سهل وبسيط مافيش اصعب منه خلي بالك عاللي ليك واعرف انك هتتعب عشان تحافظ عليه ...


يقف لحظات ليستمع لها وثم لا يعيطها اهتمام ويذهب مع ندي


ندي تنظر له مبتسمه وهم واقفون امام البحر 

جود: ايه انا شكلي حلو اوي كده

ندي بخجل : ...........

جود: انا اسف اني احرجتك انا عارف اني فصيل 

ندي: انت عارف يا جود انا برتاحلك اوي انا كان نفسي الشخص اللي اتجوزة يبقي صديق قبل ما يكون حبيب وزوج احكي له عن كل حاجه ويفهمني ويحتويني احس معاه بالأمان وابقي مطمنه اني ليا ضهر يحميني من الأيام والزمن وكل ده لقيته فيك انا من اول يوم شفتك فيه وانا حاسه اني مطمنه  ...


جود : انا عايزك يا ندي تعرفي اني لما اتجوزتك في البدايه ما كنتش بحس وجودي معاكي تاديه واجب أو عشان غلطه اخويا انا لما شوفتك يوم الفرح لمستي قلبي انتي حاجه حلوة يا ندي مش بتتكرر كتير انت لازم تعرفي قيمه نفسك وان وجودك في حياتي فرقلي كتير انا بحبك يا ندي 


ندي: ...............

ثم تتذكر كلمه خالد: انا بحبك يا ندي .....


جود: سرحتي في ايه


ندي: لا افتكرت نفس الكلمه 


جود: من خالد


ندي: ايوه حسيت اد ايه ان الحب كلام فاضي ومش موجود علي أيده حسيت اد ايه كنت غبيه واديت قلبي لحد ما يستحقهوش ماوقفش جمبي 


الدنيا جت عليا اوي ........بس حاسه ان ربنا بيعوضني خير بيك ....


جود مبتسما: اوعدك اللى جاي احسن أن شاء الله ماعدش وجع ولا تعب ولا حزن مفيش الا سعادة ..


يمسك يدها وكأنه يحتضنها مبتسما ...


جود: تيجي نتجنن


ندي: ازاي


جود: اجري وانا اجري وراكي 


ندي: عشان الناس تقول اتهبلنا 


جود: ومالهم الناس الناس مش هيتبسطوا لينا ولا هيحزنوا لينا مش هياكلونا ولا هيحمونا ووقت ما هنحتجلهم مش هنلاقيهم فمالكيش دعوة بيهم الناس مش بيعجبها العجب اساسا ...


ندي بضحك: طيب اعمل ايه بقا


جود: اجري .....بس أن مسكتك هعاقبك و........


لم يكمل كلمته حتي كانت ابتعدت عنه


ليجري ورائها يحاول امساكها ولكن لا جدوي فهي سريعه عنه ....


تجري وتضحك وشعرها يطير ورائها وقرص الشمس أصبح باللون البرتقالي .......


وهو كذلك يضحك حتي وقف ومسك قلبه ....


تنظر وراءها فوجدته يمسك قلبي 


خافت عليه كثيرا واقتربت منه وهي متوترة


ندي: انت كويس 


جود وامسك بيدها : مسكتك


ندي بعد أن عرفت أنه غش: غشاش واللهي غشاش 


جود:هههههههههههه هتتعاقبي يعني هتتعاقبي


ندي: واي العقاب بقا 


جود: اني هافضل في حياتك علطول طابق علي نفسك


ندي: وانت فاكر أن ده عقاب دا جائزة 


ينظر لها مبتسما ولا يعرف كيف مر كل هذا الوقت بدون الشعور به ...


جود: جودي فاتها زعلانه 


ندي: ايوه احنا اتأخرنا عليها 


يستعدوا للرحيل ويركبوا السيارة  ...ويمشوا


رجل يقف بعيدا يحمل الكاميرا ويقلب في الصور اللي صورها ل جود وندي صورهم وهما بيضحوا وهما بيجروا وهوا ماسك أيدها ..


ويركب سيارته ويذهب وراءهم 

حتي اطمئن أنهم في المنزل ثم غادر الي وجهته 

...............


في فيلا عاصم السيوفي

يقف المصور في خوف ويعطي له الصور


يحمل الصور بيديه وهو في أشد غضبه ...

ويكسر الكأس الذي في يده من غضبه 

وبوجه احمر : نفذ اللي قلتلك عليه الوضع ماعدش عجبني أنا كنت هاصبر بس الأمور بتتطور  .


يمشي المصور وتاتي الممرضه بسرعه

..: عاصم بيه المدام حالتها في النازل ومفيش فايدة 

عاصم: لازم تفضل عايشه أن ماتت هاموتك

..: طيب سفرها بره هما هيعرفوا يعالجوا حالتها 

عاصم: لا مش وقته لازم تفضل هنا وغوري روحي اقعدي جمبها موتها بموتك


ترتجف خوفا منه ثم تمشي وتدخل لها...

................

بقلم حنين عادل

نروح لجود وندي


جود: خلاص بقا يا جودي هاتفضلي زعلانه لأمتي

جودي بغضب طفولي : مش هاكلمك


ندي: ولا حتي مامي ندي 


جودي: ولا حتي مامي ندي 

جرس الباب بيرن

تذهب الخادمه لتفتح

لتجدها سهير هانم

وتقول ل جود


جود: اهلا يا امي


سهير: هوا لسه فيها امي 


ندي: اذيك حضرتك


سهير بقرف: الحمد لله


جود:ايه بس اللي مزعلك يا امي 


سهير: نسيت امك ومش بتسال عنها


جود: طيب اقعدي بس الاول 


يجلسون .......


جود: انت عارفه انا بحبك قد ايه وان مابيشغلنيش عنك غير الشديد القوي 


سهير: واللهي ...


جود: طب بحق ايات الله اللي حافظها علي يدك ومن ايام ما كنت بعد علي يدك وعلي عدك وفرحه خدي يا مايا وهو نايم علي خدك وقسما باللي قام حدي وقام حدك ماحبيت في الوجود قدك ❤️


سهير بضحكه: عارفاك بتاكل بعقلي حلاوة عشان عارف اني بحب هشام الجخ يعني ماشي يا جود


جود: انتي في القلب مكانك يا أمي مش مجرد كلام


سهير بابتسامه: يا بكاش


تنظر ندي مبتسمه له يحاول اسعاد الجميع وتري سعادته في إسعاد من حوله


سهير: خطوبه امجد وسما هتبقي يوم الخميس


جود: الف مبروك


سهير: الله يبارك فيك ..


ندي: مبروك يا طنط


سهير: طنط الله يبارك فيكي 😏


وتستاذن بالرحيل وتذهب


جود: انا عارف ان طريقه امي معاكي مش كويسه بس هيا طيبه واللهي لما تعرفك كويس هتحبك جدا


ندي: انا ماتضيقتش انا عارفه انها لسه ماتعرفنيش وانا هحاول اخليها تحبني عشان انا اتمني تبقا امي لأني اتحرمت منها...


يبتسم جود لها بحب...

........ ..............

تمر الأيام ولم يتغير شئ تذهب للجامعه وجود لعمله حتي جاء يوم خطوبه سما وأمجد


ندي: بجد انا مش هقدر احضر

جود: لازم يا ندي لازم تحضري 

ندي: يا جود انا في الجامعه مش بكلم حد بقيت بخاف من الزحمه وكرهت الحفلات من يوم اللي حصل ارجوك افهمني


جود: لازم يا ندي لازم ترجعي زي الأول لازم تمحي كلمه خوف من عندك لازم تبقي اجتماعيه دي خطوات في علاجك


ندي: هبقي متوترة ومش طبيعيه 


جود: هبقى معاكي 


ندي : اوك بقلق


جود: ما تخافيش وانا معاكي

انا جبت ليكي فستان عايزك تلبسيه وجبت لجودي


ندى: اوك 


جود: يلا اجهزي ولبسي جودي


ندي : اوك


تبدا في تلبيس جودي وبعدها تلبس لتجد أن الفستان طبق الاصل نسخه كبيرة ونسخه مصغره ترتديه وتضع القليل من الميكب حتي أصبحت مثل الاميرات


يدخل عليهم جود مرتديا بذلته بطلته الوسيمه..

جود ينظر لها ويتفاجئ من جمالها : طالعه زي القمر 

تبتسم له ندي بخجل واضح ورد وجنتيها


جودي وهي تشد في بنطاله: وانا ....


جود يحملها: وانتي قمرين 

هل ستمر تلك الحفله علي خير وهل ستتجاوز ندي خوفها أم للقدر رأي آخر 

تفاعلوا عشان انزل بدري..


جاري نشر بقية الاجزاء اترك تعليق لتصلك وقت الانتهاء من نشرها

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-