-->

روايه معاقه لكن اعشقها الحلقه الخامسه

روايه معاقه لكن اعشقها الحلقه الخامسه


     #معاقة_لكن_اعشقها💘


    ♡الحلقة الخامسة 


    💙اتمني تعجبكم💙


    ......: اسف يا انسة انتي مرفوضة 


    الاء بدموع😥: بس ليه 


    ........: علشان انتي معاقة الأحسن تقدمي في مسابقات المعاقين بس مش هنا للأسف 


    الاء قامت من النوم مفزوعة وبتعيط😭


    الاء بدموع وخوف😥: اعوذ بالله من الشيطان الرجيم يارب🤲 انا خايفة اوي ايه الحلم ده ده اشارة صح يارب🤲 لا ارجوك مش عايزاه يتحقق انا ممكن انهار لو حصل كده يارب اكسب والمسابقة تعدي علي خير يارب وميحصلش حاجة من اللي شفتها في الحلم ده


    الاء قامت ومسحت دموعها وراحت تصلي الفجر وتلبس علشان تروح المسابقة 


    الاء وهي خارجة من الباب 


    الاء: ماما انا نازلة عايزة حاجة 


    والدة الاء﴿نهال﴾🤨: مش عايزة وهعوز منك ايه يعني 


    الاء🙂: انا حبيت اسألك لو محتاجة حاجة بس مش اكتر المهم انا كنت عايزة اقولك اني رايحة مسابقة الإلقاء النهاردة وقلت لبابا امبارح في التليفون وما تخافيش الميس هترجعني المدرسة بعد ما نخلص وهاجي قبل ما بابا يجي من السفر ان شاء الله 


    نهال: ماشي لما نشوف اخرة الشعر والزفت ده ايه مش عارفة انا ايه اللي دخلك في الكلام ده ما كنا مرتاحين 


    الاء: يا ماما يا حبيبتي دي موهبتي وانا بحب الشعر من وانا صغيرة ودي فرصة وجاتلي لحد عندي مش هينفع اتراجع واسيبها 


    نهال: ماشي روحي يلا علشان ما تتأخريش 


    الاء: ماشي سلام ادعيلي


    الاء باست راسها ونزلت عشان ما تتأخرش 

    ♡♡♡♡♡♡♡♡♡♡♡♡♡♡♡♡♡♡♡

    الاء وفريدة بعد لما نزلوا من العربية ومتجهين الي المدرسة 


    الاء: فريدة أنا خايفة أوي الحلم ده ما يدلش علي خير أبداً حاسة إن في حاجة هتحصل مش كويسة في المسابقة حاسة إنهم هيرفضوني 


    فريدة: يا الاء يا حبيبتي ممكن تهدي كده و بطلي توتر لو فضلتي كده هتنسي القصيدة وهتتلخبطي زي السنة اللي فاتت فاكرة ومش عايزين اللي حصل السنة اللي فاتت يتعاد من تاني والحلم ده ياريت تنسيه وتهدي وتبقي قوية وواثقة من نفسك وخليكي واثقة ان ربنا يا حبيبتي هيقف جمبك ويساندك دايما خلي إيمانك بربنا كبير يا روحي 


    الاء بدموع: ونعم بالله 


    وبصت للسماء وهي بتترجا ربنا انه يكون معاها ويوفقها 


    الاء وفريدة دخلوا المدرسة اول ما دخلوا قابلوا ميس ريهام 


    الاء وفريدة: صباح الخير يا ميس 


    ريهام: صباح النور يا بنات 


    الاء معلش انا مش هعرف اروح معاكي النهاردة المسابقة علشان عندي تدريب في سواق تبع المدرسة هيوديكي ويجيبك ويوصلك للبيت لو عايزة وانا كلمت حد هناك هيبقي معاكي ما تخافيش 


    الاء: عادي يا ميس ولا يهمك واوعد حضرتك اني هكون قد المسئولية ان شاء الله 


    ريهام: انا متأكده من ده يا حبيبتي 


    بعد ما ريهام مشيت 


    الاء لفريدة: شفتي قلتلك هتحصل حاجة اهي الميس مش هتيجي معايا هعمل ايه دلوقتي


    فريدة: بس ربنا معاكي صح ولا ايه ثقي في ربنا وخليكي واثقة في نفسك انتي قوية وهتنجحي وتشرفي المدرسة ان شاء الله 


    الاء ضمت فريدة لحضنها جامد هي فعلا بتدعمها وبتقويها هي مثال فعلا للصديقة المثالية هي دي الصداقة ان احنا ندعم بعض نقوي بعض دايما نقف مع بعض هو ده معني الصداقة اللي بجد الصداقة اللي تقويك وتشجعك مش اللي تهدك وتكسرك 


    الاء: انا مش عارفة لو مكنتيش جمبي كنت هعمل ايه كنت زماني ضعت وفشلت انتي بجد أكبر نعمة ربنا رزقني بيها ربنا يديمك نعمة في حياتي 


    فريدة: يا لولي يا حبيبتي انتي مش صاحبتي انتي اختي يلا بقي علشان مانتأخرش 


    الاء: يلا 


    الساعة تسعة الحصة الاولي خلصت وده معاد الاء انها تروح المسابقة نزلت واستنت السواق اللي هيوصلها وراحت المسابقة 


    الاء اول ما وصلت دخلت قاعة كبيرة فيها ناس كتييير مشتركة من كافة الفئات العمرية 

    خافت اوي وفضلت تستغفر وتدعي ربنا في سرها 

    ♡♡♡♡♡♡♡♡♡♡♡♡♡♡♡♡♡♡♡

    عند مالك 

    مالك في الشركة وكان لابس لبس كلاسيك 


    إيمان السكرتيرة: أستاذ مالك ممكن أسأل حضرتك سؤال


    مالك: اتفضلي 


    إيمان: هو ليه حضرتك عايز تنزل وتمثل انك واحد من المتسابقين 


    مالك: مع اني مش مضطر اجاوبك بس هقولك انا عايز انزل اراقب سلوكهم اخلاقهم افعالهم لازم الشخص اللي هيكسب في الأخر لازم يكون يستحق الفوز بالمسابقة عنده الموهبة والأخلاق علشان الناس تحترمه ويبقي قدوة لأجيال قادمة فهمتي 


    إيمان بأبتسامة: ايوه سيادتك فهمت بجد حضرتك انسان مفيش منه كتير في الزمن ده للأسف عن إذنك 


    مالك سمح لها بالخروج واستعد علشان يروح المسابقة 

    ♡♡♡♡♡♡♡♡♡♡♡♡♡♡♡♡♡♡♡

    في المسابقة 


    الاء دخلت القاعة الذي يتواجد بها المتسابقين ووقفت لوحدها ومحبتش تختلط بحد 


    في بنات كانوا واقفين وشافوها وخدوا بالهم من ايديها 


    بنت منهم ﴿لارا﴾: ايه ده بصوا شايفيين البنت المعاقة اللي هناك 


    ﴿رفيدة﴾: ايه ده ودي جاية تعمل ايه هنا يا حرام


    ﴿روان﴾: ما تيجوا نتسلي عليها


    لارا ورفيدة: يلا


    رفيدة: بس بس انتي يا اسمك ايه انتي


    الاء: انا 


    رفيدة: ايوه انتي كنت عايزة اقولك ان احسنلك تمشي وما تشاركيش في المسابقة علشان مش هيختروكي اصل الصراحة مش بيختاروا معوقين ههههههههه

    رفيدة والبنات اللي معاها فضلوا يضحكوا 


    في الوقت ده مالك كان داخل القاعة كواحد من المتسابقين وسمع الكلام اللي قالته رفيدة ل ألاء مالك اتعصب بشدة واستغرب من الاء انها مشيت ومردتش عليهم


    الاء بعد لما سابتهم ومشيت طلعت بره القاعة ولقيت كرسي قعدت عليه 


    الاء بدموع منهمرة بغزارة ماسكة التليفون وبتتصل بحد


    الاء بدموع: الو 


    خالة الاء﴿مروة﴾: الو الاء مالك بتعيطي ليه يا حبيبتي 


    الاء: اصل يا خالتو وحكتلها علي الموقف اللي حصل من رفيدة والبنات اللي ضحكوا 


    الاء: خالتو انا هنسحب من المسابقة وهمشي مش هقدر ادخل بعد اللي حصل 


    مروة: لا طبعا بطلي غباء هما قالوا كده علشان يخلوكي تنسحبي ولو مشيتي يبقي هما فازوا عليكي اوعي تمشي ادخلي وكملي المسابقة واثبتلهم العكس وخلي عندك ثقة في ربنا اولا وفي نفسك ثانيا 


    الاء: حاضر سلام 


    مروة: سلام بالتوفيق يا حبيبتي 


    وبالفعل الاء بعد لما خلصت المكالمة مسحت دموعها ودخلت القاعة بكل ثقة وأول لما شافت رفيدة والبنات اللي كانوا معاها ابتسمت علشان تضايقهم وتقولهم انا مش هنفذلكم اللي انتوا عايزينه وهكمل في المسابقة وهما اتغاظوا جدا لما شافوا الابتسامة اللي علي وشها واتفاجأوا انها رجعت تاني الاء بعد لما شافتهم مضايقين حست بإنتصار وثقة أكتر وفي الوقت اللي الاء دخلت فيه مالك كان واقف ابتسم لما شافها وفرح انها رجعت وما استسلمتش وذهب لينضم للجنة الحكم 


    المسابقة بدأت و كان دور رفيدة قبل الاء دخلت رفيدة وقفت علي المسرح ولسه هتقول مالك قاطعها 


    مالك:.......... 

    💘💘💘💘💘استوب💘💘💘💘💘💘

    🌹معاقة لكن اعشقها 🥰🌹


    🍀 الحلقه السادسه من هنا

    إرسال تعليق