الفصل السابع
…..
منار،،ايوا ي احمد عاوز اي بترن ازاي ف وقت زي دا؟
احمد،،اسمعيمي ي ست انتي لو فلوسي الباقيه ماجبتيهاش انا هقول لجوزك علي كل حاجه
منار،،اهدي واستهدي.بالله وكل فلوسك هتكون عندك انت عارف لو حد شم خبر ب الي حصل ل روان وكمان انت الي عملت كدا هنروح ف حديد
احمد،، ماتجمعيش بس انا ماشوفتكيش ولا اعرفك.!!انا قولت الي عندي اهووو ولو فلوسي ماكانتش كامله بكره قولي علي نفسك ي رحمان ي رحيم وماتنسيش كمان اني عارف عنك كل حاجه وبلااويكي مع……
منار،،خلااص اخرس فلوسك علي اقدم جزمه هتكون موجوده عندك بكره
احمد،،تقابليني بكره ف بيتي وبالمره يكون ليا من التورته حته ولا حرام عليا يعني؟
منار،،تقصد اي بالتورته
احمد بخبث،،هتعرفي كلو بكره ف شقتي هنشرب كاسين سوا والقعده هتحلو معاكي بس اعملي حسابك هتغيبي عندي شويه احسن انا عايزك ف موضوع ضروري قوي شبه موضوع شادي معاكي ولا نسيتي؟
منار،،قولتلك اخرس بقا هعملك الي تعوزه كله بس لسانك ماينطقش حرف من الي انت عارفه دا انت عارف اني ممكن اروح ف ستين داهيه لو حد شم خبر بحكايتي مع شادي
احمد،،سرك ف بيير ي حلوه سلاام اقابلك بكره اشوف وشك بخير ي البي
منار ماكانش بإيدها حاجه غير أنها تسمع كلاام احمد ف كل حرف يقولهولها وتنفذه عشان هوا عارف عنها بلااوي سوده ولو منار مانفذتش الي احمد بيطلبو منها منار حياتها كلها هتدمر….
ولحد هنا كان كلو تمام ولكن……
هيا ماكانتش تعرف أن عصام دخل البيت من غير ما تحس وسمع كل مكالمتها مع احمد دا وقلبو اتطمن من ناحيه روان وعرف أن هيا مالهاش اي ذنب ف اللي حصلها وعرف أن امو هيا السبب ف دا كلو يحصل ….ساعتها قلبو اتنفض ازاي امي الي ربتني تطلع بالقذاره دي وهنا دخل عصام علي منار بكل هدوء…..
عصام،،الله كنتي بتكلمي مين ي غاليه؟
منار بتوتر،،كنت….اصل….هوا...ااه كنت بكلم صاحب السوبر ماركت عشان يجيبلي شويه حاجات من تحت خير ي عصام؟
عصام،،كل الخير ي امي كل الخير بإذن الله اصل كنت بحسبك بتكلمي بابا هوا فين صحيح؟
منار،،هوا نايم ف اوضتو
عصام،،تمام ماشي هروحلو هتعوزي حاجه ي غاليه
منار،،لا ي حبيبي شكرا
…….وعصام راح أوضه أبوه…….
منار،،الحمد لله ربنا سترها
…..
عند الدكتور…..
عصام،،ازيك ي بابا عامل اي؟
الدكتور بحزن،،الحمد لله كلو تمام ي حبيبي
عصام،،انت مش عاجبني يابابا خالص مالك من فتره مش بتنزل الشغل ونظامك مش عاجبني في حاجه مضيقاك؟
الدكتور،،روان وحشتني وف نفس الوقت مش قادر انسا الي هيا عملته وبرضو قلقان عليها معرفش هيا فين دلوقت ولا اي اخبارها ؟
عصام بإبتسامه،،ماتقلقش علي روان وان شاء الله تكون كويسه
الدكتور،،الله قولي صحيح مش انت كنت جاي تقعد معانا اي وداك شقتك تاني؟
عصام،،ماهو دا الموضوع الي كنت جاي افتحوا معاك
الدكتور،،طب خير اتكلم انا سامعك
عصام،،هتعرف كل حاجه ي غالي بكرا إن شاء الله
الدكتور،،طب ماتقول دلوقت
عصام،،لا منا مش عايزك تسمع مني بس انا هخليك تسمع وتشوف بعينك بكرا
الدكتور،،استر يااارب جيب العواقب سليمه
عصام بإبتسامه،،هتعرف انك ظلمت ناس كتير بكره وف نفس الوقت انضحك عليك
الدكتور،،لا لا لا شكل الموضوع كبير ماتقولي بقا
عصام،،تؤتؤ تؤتؤ خليها ف معادها بكره
الدكتور،،علي. خيره الله
…….
عصام راح شقتو واول مافتح الباب ولسه رايح يدخل التزحلق ف قشره موزه!
عصام،،ااااااه ي ضهري اااااه الحقيني ي روان
روان بضحك،،هاهاهاهاهاهاه تستاهل
عصام،،تقصدي اي بأستاهل ؟!
روان،،انا الي حطيتلك قشره الموزه عشان تتزحلق وكنت عامله حسابي اني اجبسلك كمان بس جات سليمه!
عصام بصدمه,،،يالهوووووي كنتي عايزه تكسريني لي يبنتي كدا انا عملت فيكي اي؟؟
روان،،غيييبت عليااااااا وانا قاعده لوحدي ف شقتك دي الله ينفع بنوته رقيقه ...كيوته ...قمر... زييي كدا تقعد ف شقه لوحدها؟
عصام،،انتي كيوته!! لا ورقيقه كمان ؟!!انا حاسس اني مصحاب بلطجي ومقعده معايا ف الشقه
روان،،انت لسه شوفت بلطجه
عصام،،انا خايف المره الجايه لو ماسمعتش كلاامك تحدفيني بسكينه ولا تفتحي دماغي!
روان،،الله ي ماشاء الله ي ماشاء الله انت كدا عايز تترقي لأحسن تتحسد وانت عرفت منين ي شاطر اني هعمل كدا دا فعلاا الي كنت هعمله.
عصام،،يابوووووي منك عيّله يابووووي ربنا يكفينا شرك ي شيخه
روان،،عشان تبقا تسمع كلاام ميس روان بعد كدا
عصام،،ميس كمان ي بنتي انا لو كنت اتجوزت كنت خلفت عيال قدك
روان،،انا قولتلك اهووووو اسمي من هنا ورايح المييس ، اسمي اي ي شاطر؟؟….وبتقرصه من ودنه…
عصام،،حاضر حاضر ي احلي ميس روان ف المجره.
روان بتقرص اكتر علي ودنه،،لا مش بحب المحن قول ميس روان بس من غير محن يبقا اسمي اي؟؟
عصام،،مييييييس رواااااااان ارحمي ودني بقااااا ااااااه
روان،،ايوا كدا شطور ي ثكووووور
عصام،،شطور ي اي يختي؟!
روان،،ي ثكووووووور
عصام،،وتطلع اي ثكووور دي هيا كمان؟!
روان،،دا دلع جديد اخترعته من سكر ….مسكر….سكووور يعني فهمت؟!
عصام،،ااااه فهمت بس انتي بتطلعي لسانك فيها لي مش المفروض سكر بحرف السين؟؟
روان،،ماهي ماتبقاش حلوه لو مادلعتهاش هيا كمان ي ناصح
عصام،،يختي يختي عليكي يماااا لسه هشوف منك
روان،،اممممممم بقولك ؟
عصام،،خيييير
روان،،عملت اي مع ابوك؟
عصام واتعدل،،اسكتي ي بت ي روان دا انا عندي ليكي حته خبر
روان،،ااطربني
عصام،،بكره ي روان هقولك كل حاجه وهاخدك معايا كمان
روان،،معتش فاهمه هتاخدني معاك فين؟
عصام،،مالكيش دعوه انتي ماتحشريش نفسك بس بكره هتفرحي قوي وفرحتك هتبقي من قلبك
روان،،يااااارب ي خويا بس كدا.كدا.انا هفرح اصلاا لأني رايحه دار المسنين بكره ولا انت نسيت؟
عصام،،ااااه افتكرت بس بكره عندي ليكي حاجه مهمه جدا لازم تشوفيها بعينك
روان بحزن،،يعني مش هروح الدار بكره؟
عصام،،لا هتروحي بعد بكره عشان بكره يوم مهم جدا هيغير حاجات كتير ف حياتك
روان،،ماشي ي عصام اما نشوف اخرتها
عصام،،غريبه يعني ماولعتيش ف الشقه؟
روان،،تصدق انك رخم طب تصدق دي فكره بقا
عصام،،فكره اي؟
روان،،عشان اولع فيك واستريح منك!
عصام،،لا لا اعقلي كدا واتمسي وقولي يمساااا
روان،،يامساااااااااااااا
عصام،،انا جعان
روان،،مش اكتر مني
عصام،،طب هناكل اي؟؟
روان،،ناكل اي حاجه موجوده
عصام،،انا هطلب دليڤري
روان،،تمام طب انجز عشان خمس دقائق وممكن تلاقي دراع من دراعاتك ناقص!!
عصام،،استر يااارب لا انا هلحق نفسي بقا
روان،،شطوررر
……
…...وبليل…...
عصام،،بقولك ي روان
روان،،خير
عصام،،في دره فشار قومي اعملي شويه خلينا نتسلي
روان،،ماتقوم تعمل كنت الخدامه بتاعتك
عصام،،ياساتر ياارب عليكي اي طوله لسانك دي خلااص خلاااص هقوم اعمله انا وماتفكريش تأكلي منه عشان هولع فيكي
روان وحطت رجل علي رجل،،هاكل غصب عنك وان كان عاجبك
عصام،،اما اشوف
وراح عمل فشار كتير وحط الطبق قدامه وقعد ياكل
بس روان كانت راحت ف النوم …...
وهوا ف نفسه وبيبصلها….ازاي امي حاولت تإذي انسانه زيك ازاي جالها قلب تعمل كدا معاكي انتي اي ذنبك ف دا كلو لا وكمان بطيبه قلبك بتتعاملي عادي وماتعرفيش خطوره الي انتي فيه بس بكره هتكتشفي كل حاجه وحقك هيرجعلك وتاخدي حقك من كل الي اذوكي انتي اذاي يحصل معاكي كدا انا بجد مش عارف اقولك اي ولا اواجهك ازاي بالحقيقه
بس ماتقلقيش ي حبيبتي انا هقف جمبك حتي لو هكون ضد امي …
وفجأه….روان فتحت عين ومغمضه التانيه زي ماهيا وراحت غامزه لعصام،، بتبص عليا وانا عامله نفسي نايمه لي
عصام اتعدل ف قعدتو واتنحنح،،احم احم هااا هوا انا هبص عليكي لي يختي؟
روان،،ي ولااااااا منا كنت شيفاك ي خبيث انت
عصام،،استغفر الله العظيم منك ي شيخه انا هبص عليكي لي انا كنت سرحان
روان،،وسرحان ف مين وانت باصصلي؟
عصام،،بت اظبطي لأحسن اجيبك من شعرك ايوااااا انا بقولك اهوووو اعقلي كدا وقولي ي عقل
روان،،لا حتي دي بتقولها غلط اسمها اتمسي وقولي ي مسادا انت شكلك……
دا انت شكلك……عصام،،خلااااااااص والله احلف اروح ابات عند صاحبي واسيبك ف الشقه لوحدك
روان,,وتسيبني ابات ف شقه زي دي لوحدي
عصام،،خلاص بلاش البصه دي قومي نامي يلااا وخلي الليله دي تعدي
روان بحزن،،انا اسفه
عصام بحنان،،كنت بهزر معاكي ي رورو
روان،،طب صحيح اي الحاجه الي انت قولتلي بكرا أنها هتغير حياتي؟
عصام،،هتعرفيها بكره
روان،،تمام
