البارت التالت
طنط.....
صاحبه السكن : اه طنط ينفع اللى انتوا عملتوه ده
سلمى: احنا اسفين والله الوقت سرقنا وبعدين احنا والله مبعدناش عن المنطقه
صاحبه السكن: دى اول واخر مره انا هعديها بس علشان اول يوم ولسه سنه اولى وكده لكن بعد كده اى طالبه هتتاخر بره انا هكلم اهلها يشوفوا بقى هى كانت فين اتفضلى انتى وهى واعتبروها اخر مره
طلعوا البنات الشقه
مريم: ايه ده النور ده اتفتح ازاى
فايزه: فى اصوات جوه لا انا مش داخله الشقه دى مسكونه ولا ايه
سلمى بضحك: نبطل هبل بقى شقه ايه اللى مسكونه ودخلت
سلمى: السلام عليكم
- وعليكم السلام مين حضرتك
سلمى: المفروض انا اللى اسأل السؤال ده بس عادى انا سلمى اولى رياض وحضرتك
-انا جيهان تالته علم نفس
سلمى: اهلا وسهلا تحبى نساعدك فى حاجه
جيهان: لا شكرا يا حبيبتي
مريم: لا احنا بنعزم بس مش اكتر يعنى لو قولتى اه كنا هنساعدك بالمناسبه انا مريم ودى فايزه
ضحكت جيهان: اكيد سنه اولى
فايزه: هو باين علينا قوى كده
(بقلم :سلمى العطار )
جيهان: اه يعنى سنه اولى بيبقى ليها رهبه كده
مريم: اه صحيح انتى منين
جيهان: انا من البحيره وانتوا
فايزه: احنا من الشرقيه
جيهان: والله عرفت
سلمى: احنا مشهورين ع كده
جيهان: طبعا بنات الشرقيه معروف عنهم الاخلاق والكرم وروحهم حلوه وبيحبوا يكونوا صدقات
مريم: والله يا بنتى ده من ذوقك
سلمى: خلاص هنسيبك بقى تظبطى حاجتك ولو احتاجتى حاجه احنا بره
جيهان: تسلموا يا حبايبى
طلعوا البلكونه وفضلوا قاعدين شويه يسمعوا مزيكا وموبايل سلمى رن
مريم: يا رناتك
سلمى: ده بابا يا جزمه
فايزه: بتهزر معاكي يا سلمى
مريم: مش هنبدا التحفيل متخافيش
سلمى: لا وعلى ايه انا هكلمه فوق السطح تمام
مريم: لو اتاخرتى هناكل الشيبسي بتاعك ههههههههههه
طلعت سلمى تكلم والدها
الو يا بابا
سعيد: عامله ايه يا سولى
سلمى: الحمد لله تمام
سعيد: وحشتيني والله
سلمى: والله وانت عامل ايه وماما عامله ايه
والدتها: وحشتيني يا حبيبه ماما
سلمى: وانتى كمان يا حبيبتي عامله ايه من غيرى
فاطمه: يعنى انتى مش عارفه انا عامله ايه من غيرك وفضلت تعيط
سلمى: خلاص بقى يا فوفه البس وانزلك انتى عارفانى مجنونه واعملها
فاطمه: لا خلاص انا كويسه انتى عامله ايه فى الغربه
سلمى: غربه ايه يا حجه انا كلها اربع ساعات بالكتير واكون عندك
فاطمه: والله لو خمس دقايق
سلمى: ايه ماما امال لما اتجوز هتعملى ايه
فاطمه: لا دى تفرق على الاقل هكون مطمنه عليكى مع راجل
(بقلم :سلمى العطار )
سلمى بضحك: والله يا ماما انا خايفه ان هو اللى يكون مطمن ان معاه راجل ههههههههههه
فاطمه: اهو كلامك ده اللى مطفشهم من حوليكى
سلمى: خلاص يا ماما انا هقفل بقى علشان انام
فاطمه: فى جامعه بكره
سلمى: مش عارفه بس لازم ننزل علشان نعرف المدرج والجدول وكده
فاطمه: ماشى يا ماما ربنا يوفقك سلام
سلمى: سلام
وقبل ما تنزل سمعت زى ما يكون فى حد بيضرب حاجه وصوت نهجان فضلت تركز شويه لحد ما شافت خيال على السطح اللى جنبها نزلت جرى
مريم:ايه يا بنتى بتجرى ليه
سلمى: هى العماره اللى جنبنا سكن شباب
طلعت جيهان لا وحياتك دى اللى جنبنا واللى قصادنا واللى ورانا كمان
سلمى: ايه ده مش على اساس ان ده سكن طالبات هى الشباب كمان بتاخد سكن
جيهان: طبعا هما مش زينا من اماكن بعيده واكيد صعب عليهم السفر كل يوم
سلمى: ده على كده الخناقات محدش هيقدر عليها والمشاكل هنا كتير لا احنا لازم نغير السكن ده
جيهان: لا خلاص تقريبا محصلش خناقات وحياتك ده خناقات البنات اكتر
سلمى: ازاى وانا اصلا نازله من فوق وكان ف اتنين بيضربوا بعض
جيهان بضحك: لا ده اكيد عمرو وصل مش اكتر هو كده ع طول
مريم: بعيدا عن اننا مش عارفين مين عمرو بس هو بيتخانق ليه من اول يوم
جيهان: هههههه ده كيس ملاكمه يا بنتى
سلمى: معطلكوش انا هدخل انام تصبحوا على خير
جيهان: وانتى بخير هاا سلمى
سلمى:نعم
جيهان: دى اوضه اروى
سلمى: انا اخترتها ولما اروى دى تيجى تبقى تختار اوضه تانيه مش حوار يعنى
جيهان بقلة حيله : معتقدش دى كل سنه تعمل مشكله بسبب الاوضه دى هى اصلا عصيبه ومحدش بيقدر عليها
سلمى: على نفسها يا بنتى انا داخله انام
مريم: وانا كمان هقوم انام
فايزه:استنى خدينى معاكى تصبحى خير يا جوجو
جيهان: ما تفضلوا معايا شويه
مريم: انتى بتخافى ولا ايه
جيهان: لا بس بصراحه انا مبعرفش انام لوحدى علشان كده يعنى ممكن تفضلوا معايا
فايزه: خلاص تعالى معانا فى الاوضه لما صحبتك تيجى
مريم بضحك: كملت معانا واحده مبتعرفش تنام وحد معاها فى الاوضه وواحده مبتعرفش تنام غير وحد معاها فى الاوضه ووجهت كلامها لجيهان تعالى يا اختى
(بقلم :سلمى العطار )
الوقت بيعدى والساعه عدت ١٢ وسلمى لسه صاحيه
سلمى: اوف ايه ده بقى انا مش عارفه انام ليه اكلم ماما لا لا اكيد هتقلق احسن حاجه اشوف البنات لو صاحيين اقعد معاهم
طلعت من اوضتها وخبطت على اوضه مريم وفايزه مردوش قالت اكيد نايمين راحت تخبط على اوضه جيهان بس كانت مقفوله رجعت اوضتها تانى وفضلت قاعده ع السرير تلعب فى الموبايل سمعت صوت حد بيقول ابتهالات
سلمى: الله ايه الصوت الجميل ده فى حد صوته حلو كده وفضلت مركزه فى الصوت لحد ما راحت فى النوم
الصبح صحيت مريم وصحت فايزه وجيهان وراحت صحت سلمى وخلصوا لبس ونازلين الجامعه
جيهان وجهت كلامها للبنات: كل واحده تقفل اوضتها بالقفل علشان باب الشقه بيفضل مفتوح
سلمى: ليه يا بنتى هي الاوض فيها الدهب يعنى
جيهان: لا بس طنط منبهه على كده علشان حصلت اكتر من حاله سرقه وطردت البنات دى ف كل واحده تقفل اوضتها والمفتاح يبقى معاها مش عايزين مشاكل او حد يتلكك علينا
سلمى: امرنا لله
قفلوا الاوض ونزلوا واول ما وصلوا سلمى: يا الله انا نسيت اجيب ورق التقديم
جيهان: يا بنتى عادى احنا اول يوم لسه مفيش دراسه يعنى بتدخلى بالبطاقه لحد متعملى الكارنه ومفيش تقديم من اول يوم
سلمى: معلش مش هتاخر هجيبه بسرعه وارجع
جيهان: براحتك
مريم: متتاخريش هتستناكى فى الكافتريا
سلمى: تمام
وطلعت الشقه تانى وجابت الورق ونزلت جرى وهى ع السلم خبطت فى بنت
- ايه الغباء مش تفتحي
سلمى: غباء!! ايه قله الذوق دى بس ع العموم انا اسفه
- اتفضلى هاتى الحاجات اللى وقعتيها
سلمى: لا انتى كده زودتيها وخبطتها تانى ومشيت
- انا هوريكى من هى اروى
طلعت اروى لقت الاوضه مقفوله بالقفل وطبعا المفتاح مع سلمى
نزلت لصاحبه السكن يا طنط المفتاح
صاحبه السكن: ازيك يا اروى يا حبيبتى عامله ايه
اروى: الحمد لله يا طنط عايزة مفتاح الاوضه
صاحبه السكن: طيب يا حبيبتي تعالى اقعدى
اروى: لا معلش عايزه ارتاح طالعه بدرى من البيت ومنمتش كويس
صاحبه السكن: اصل فى بنت امبارح اخدت الاوضه علشان تفضل مع صحابها وانتى عارفه بنات سنه اولى بيبقوا مرتبطين ببعض
اروى: يعنى ايه يا طنط انتى عارفه ان الاوضه دى ليا من زمان ازاى توافقى انها اصلا تقعد فيها
صاحبه السكن: والله انا قولتلها بس هى قالت هتتصرف معاكى
اروى: يعنى هى قالت كده تمام هنبقى نشوف مين اللى هيتصرف مع التانى بس لما تشرف السنيوره
صاحبه السكن: لو كده ممكن تقعدى فى اى اوضه ترتاحى فيها لما تيجي يا بنتى الاوض كلها مفتوحه
اروى: لا يا طنط شكرا
طلعت اروى وهى مضايقه من اللى حصل وان ازاى واحده تانيه تقعد فى اوضتها وفضلت رايحه جايه فى الشقه لحد مخطرلها فكره
