البارت الرابع والعشرون
سلمى: انا اللى بعمل ايه هنا المفروض السؤال ده انا اللى اسأله هو انا مش لسه سايباكى ف البيت
فايزه: اصل انا... انا
قطع كلامها صوت محمود
محمود بارتباك من شوفت سلمى: ازيك يا سلمى.. ايه ده فايزه ازيك انتوا هنا بتعملوا ايه
سلمى: ع فكره مفيش داعى انك تفلسف انا عارفه انك جاي معاها
فايزه: لا والله انا جايه لوحدى
بصتلها باستنكار
فايزه: يووووه بصى انا فعلا جايه لوحدى بس علشان اقابله
(بقلم :سلمى العطار)
بصيت لمحمود
محمود: طيب عن إذنك
فايزه بهمس: اه يا خاين هتسبنا اواجهها لوحدى
سلمى: ها بتقولى ايه حضرتك
هبه: ايه يا بنتى هتفضلى ساعه واقفه هنا
سلمى: اعرفك يا فايزه هبه بنت خالى
.. هبه دى فايزه صاحبتى اللى حكيتلك عنها
هبه: عارفها ازيك يا فايزه
فايزه: الحمد لله بخير
سلمى: عارفاها ازاى
هبه: شوفتها ف عيد ميلادك
سلمى: امم
هبه: طيب يلا ولا ايه بعد اذنك يا فايزه
عرفت من كلامها انها مش عايزه فايزه تسمع كلامنا
سلمى: اوك يا هوبه اسبقينى وانا جايه
هبه: تمام مبسوطه انى شوفتك يا فايزه
مشيت وعن فايزه عليها وكانها بتمنعها او بتطلب منها تاخدنى معاها
سلمى بضحك: ع فكره مفهاش حاجه لو قولتى انك جايه تقابليه
فايزه: والله يا سلمى انا
سلمى: مفيش داعى تلحفى يا بنتى اهم خدى بالك من نفسك اينعم انا عارفه صاحبتى كويس وكمان واثقه ف محمود بس اهو من باب وذكر
فايزه: يعنى انتى مش مضايقه
سلمى: لا يا ستى ويلا بقى علشان هبه متمسكش فيا
فايزه: تمام
سلمى وهي بتمشى: اه اعملى حسابك هنروح مع بعض
فايزه: حاضر
اتجهت للمكان اللى هبه قاعده فيه
سلمى: اسفه اتأخرت
هبه: خلاص يا سلمى اقعدى
سلمى: اطلبيلى اى حاجه اشربها
هبه: هو انتى جايه تشربى
سلمى: اه مش انتى اللى هتدفعى
هبه: ههههههه استغلال يعنى
سلمى: بالظبط كده
هبه: لو سمحت
- اؤمرى حضرتك
هبه: عصير مانجا للاستاذه
سلمى: اتنين
هبه: نعم
سلمى: اه انا مش هشرب وانتى تبصى عليا يعنى
هبه: اوك اتفضل
(بقلم :سلمى العطار)
سلمى: ها بقى يا ستى ايه اللى قالب خلقتك كده
هبه: انا هتجنن يا سلمى عماد مش معبرنى خالص ولا كاننا مخطوبين انا بقيت اخاف لو اتجوزنا ينسى انه سايب واحده ف البيت من كتر شغله
سلمى: اهدى بس كده وكل حاجه ليها حل
هبه: حل ايه بس
سلمى: حاولى تلفتى انتباهه انه مقصر معاكي
هبه: زهقت كل يوم خناق بسبب الموضوع ده احنا تقريبا مبنتكلمش ف حاجه تانيه
- اتفضلوا العصير
سلمى: ميرسى
سلمى: علشان انتى دماغك ناشفه وهو ملتزم وبيحب شغله
هبه: ياريت ع كده بس ده يا سلمى الوقت اللى بيخلص فيه واكون عايزه اكلمه القيه بينام منى وكل شويه نتكلم الصبح يا هوبه اصل انا جاي من الشغل تعبان اصل كنت ف مؤتمر وبعدها عديت ع الشقه اشوف الترتيبات وجاى هلكان انا مليت يا ناس انتى بتشربى ايه
سلمى بطلت اشرب من العصير: تصدقى المانجا هنا تجنن
هبه بصوت كيد: تصدقى انك مستفزه
سلمى: عيب يا هوبه انا والله مركزه معاكى وبسمعك
هبه: طيب قوليلى بقى اعمل ايه يا ست المركزه
اخدت شويه من العصير وبصتلها ب اهتمام
سلمى: طيب ما يمكن يتغير بعد الجواز يعنى الوقت اللى بيقضيه مع الناس ف ترتيب الشقه هيقضيه معاكى
هبه: هو انا هستنا لما نتجوز وبعد كده اشوفه هيتغير ولا ايه
سلمى: ده الحل
هبه: اه ولنفترض بقى انه متغيرش ابقى انا ادبست رسمى
سلمى: وتفترضى الوحش ليه وبعدين اللى انا اعرفه انه بيحبك وكمان واضح انك بتحبيه
هبه: ايوه يا سلمى بس انا حابه اخرج واسهر معاه ونشترى حاجات فرحنا مع بعض يختار معايا كل حاجه ف الشقه ده من دلوقتى مش عارف يشاركنى ف كده هيعمل ايه لما نتجوز
سلمى: تحبى اكلمه
هبه: ياريت انا اصلا جايباكى علشان كده عايزاكى توصليله انى محتاجه وجوده وكمان عرفيه ان الواحد لازم يكون قريب من خطيبته ف فتره الخطوبه بدل ما انا حاسه انه مجبور عليا
سلمى: حاضر اى خدمات تانى
هبه: لا كده كفايه
سلمى: اكمل العصير
هبه: اكملى يا طفسه
سلمى: بس بقى احنا دافعين فلوس
هبه: ههههههه على فكره انا اللى هدفع مش انتى
سلمى: انا وانتى واحد
هبه: هتكلميه امتى
سلمى: حدديلى معاه ميعاد ع اخر الاسبوع لانى مسافره بكره
هبه: مش لما اعرف احدد لنفسى معاه ميعاد
سلمى: يا بنتى انتى اول ما تقوليله سلمى سعيد عايزه تقابلك ع اخر الاسبوع هيفضى نفسه من دلوقتى
هبه: ايه الغرورو ده
سلمى: دى ثقه يا بنت خالى
هبه: طيب يا بنت عمتى
سلمى: انا هقوم امشى بقى
هبه: سلام
سلمى: سلام يا روحى هوبه متنسيش تشربى العصير هههه
هبه: امشى يا سلمى... مجنونه
سلمى: كبسه
فايزه: بسم الله الرحمن الرحيم
سلمى: اتخضيتى يا كتكوته... بعد اذنك بقى يامحمود هنمشى
محمود : بدرى كده
سلمى: اه معلش عندنا سفر بكره
محمود بص لفايزه: اوصلكوا
سلمى: لا مش عايزين نتعبك
فايزه: ليه يا سلمى
سلمى: اخرسى ويلا
فايزه: تمام عن اذنك
محمود: براحه يا سلمى... وبص لفايزه وقالها خدى بالك من نفسك
فايزه: وانت كمان
سلمى وحطت ايدها ع خدها وبصتلهم باعجاب: ها وايه تانى
فايزه: يلا
(بقلم :سلمى العطار)
طلعنا من الكافيه وانا ميته من الضحك
سلمى: ياه لو مريم كانت هنا والله ما كانت ضيعت اللحظه من غير تصوير
فايزه: خلاص يا سلمى
سلمى: خلاص ايه ده انتى كان ناقص تقوليله يا بيبى وتبقى شبه العيال النحنيح اللى كانوا بيتقابلوا ايام الدروس
فايزه: يوه بقى
سلمى: خلاص هسكت بس بشرط تقوليلى كنتوا بتتكلموا ف ايه
فايزه: ده بعينك
سلمى: بقى كده اتلقى وعدك لما ابلغ الكوتش (تقصد مريم)
فايزه: لو عملتى ايه برضوا مش هقولك خليكى كده بغيظك
سلمى: بقى كده تمام اللى يريحك
وصلت ع البيت
سلمى: سلام يا حلوه
فايزه: هو انتى هتقولى لمريم بجد
سلمى: ايه خايفه
فايزه: لا مبخفش بس انتى عارفه مريم مستفزه ومش هتسكت غير لما تعرف وبصراحه يا لومه انا مكسوفه اتكلم
سلمى: ادام وصلت معاكى لمكسوفه اتكلم ولومه يبقى خلاص هعديها المره دي
فايزه: يخليكى ليا يا ناصره الغلابه
سلمى: والله يا حجه ما معايا فكه
فايزه: اطلعى يا جذمه سلام
سلمى: سلام.. اه خدى بالك من نفسك علشان دى وصيه الغالى ههههههه
فايزه: اطلعى يا سلمى اطلعىىىىىىى
طلعت جرى وسبتها تلعن الساعه اللى بقينا فيها صحاب
سلمى: السلام عليكم
سعيد وفاطمه: وعليكم السلام
سلمى: انا هدخل اريح شويه عايزين حاجه يا حلوين
ودخلت ومستنش حتى ردهم
سعيد: قومى كلميها
فاطمه: لا انت اللى قولت هكلمها
سعيد: لا قومى انتى امها انا مش هعرف اتعامل وبعدين ممكن تتكسف منى
فاطمه: لا معلش مين اللى تتكسف
سعيد: يلا يا فاطمه
فاطمه: حاضر حاضر
خبطت ع الباب ودخلت
فاطمه: سولى عايزه اتكلم معاكي يا ماما
سلمى: ادام فيها سولى ويا ماما يبقى ربنا يستر
فاطمه: عيب يا بنت
سلمى: اسفه يا حجه حضرتك مشرفانى ليه ف اوضتى المتواضعه
فاطمه: الموضوع مهم يا سلمى
سلمى: موضوع ايه
فاطمه: هبه كانت عايزاكى ف ايه
سلمى: مشكله صغيره بينها وبين خطيبها
فاطمه: ربنا يحلها من عنده
سلمى: يارب قوليلى بقوليلى بقى ايه الموضوع المهم
فاطمه: ايه رأيك ف عمرو
سلمى: امم هو ده بقى الموضوع المهم
فاطمه: ياماما ده شاب كويس وابن ناس وعيلته معروفه وكمان ماديا كويسين غير كده عنده شغل الشركه لما يخلص دراسته وكمان يا ستى ناوى يبقى دكتور ف الجامعه
سلمى: اه وايه كمان
فاطمه: اسمعينى للاخر
سلمى: اتفضلى
فاطمه: يا حبيبتي انا عايزه اعرف انتى رافضه ليه ده كفايه انه بيحبك وطالب ايدك من زمان وبابا كان مستنى لما تخلصى الثانويه وهو انتى دلوقتي ف الجامعه يعنى يا ماما
سلمى: ماما لو سمحتى انا لسه قدامى اربع سنين لما اخلص ومش جاهزه لاى ارتباط دلوقتي
فاطمه: هتكون خطوبه بس وكمان عمرو مش معارض انك تكملى دراستك وهيبقى معاكى خطوه بخطوه
سلمى: طيب وبابا
فاطمه: لا لو ع بابا فهو اصلا موافق من بدرى هو انتى فاكره انه وافق تسافرى مع عمرو كده من غير سبب ما كل ده علشان تقربوا من بعض
سلمى: لا والله
فاطمه: هو انا عكيت ولا ايه
سلمى: كملى وبعدين
فاطمه: يا ماما فكرى بس ف الموضوع ده انتى حتى هتكونى جنب هبه يعنى هتلاقى حد يسليكى وكمان شقتك ف الدور الثاني يعنى مش هتطلعى السلالم كتير
سلمى: هو اى هبد يا ماما وخلاص
فاطمه:طيب اقول لبابا ايه
سلمى: سيبنى افكر
فاطمه يومين وتعرفينا قرارك
سلمى: لا يومين ايه خليها لما انزل الاجازه الجايه
فاطمه: ماشى المهم تفكرى بعقلك
سلمى: حاضر
فاطمه: طيب اسيبك ترتاحى بقى
سلمى: ماشى
_____________
ايه يا ابو الصحاب عملت ايه
محمود: كانت كل حاجه تمام لحد لما الست سلمى شرفت
(بقلم :سلمى العطار)
عمرو: يعنى ايه معرفتش تقولها اى حاجه
محمود: لا كلمتها
عمرو: طيب يا عم مالك
محمود: انت بس لو تشيل البت بتعتك دى عننا هنبقى كويسين والله
عمرو: ايه البت بتعتك دى احترم نفسك
محمود: خلصانه يا عم اه بكره مشيين ع خمسه
عمرو: خمسه ليه بدرى كده
محمود: تعليمات السنيوره
عمرو: والله هتشل منها دى بحالات بس بحبها يا اخى
محمود: اه انت هتقولى اجهز بقى بكره علشان منتأخرش
عمرو: الله المستعان يلا يا كبير اسيبك
محمود: سلام يا زميلى
عمرو: سلام
لو سمحت يا فادى اهدى مينفعش العصبيه دى ف الشغل
فادى: محمد اطلع من دماغى
محمد: فادى انا مش بس مدير اعمالك انا كمان صاحبك وودلاد بلد واحده يعنى لو حاجه مضايقاك تقدر تتكلم معايا
فادى: انا نازل مصر كمان شهر
محمد: ايه انت بتهزر صح واخير قررت تعمل العروض اللى اتقدمتلك هناك انت مش عارف انا مبسوط من الخطوه دى قد ايه
فادى: اهدى ع نفسك انا نازل اجازه مش شغل
محمد: اجازه فين معلش ف مصر مصر اللى بقالك اكتر من عشر سنين متعرفش حاجه عن اهلك اللى هناك دلوقتي عايز تنزلهم
فادى: محمد انت صاحبى صح
محمد: ايوه ويمكن اخوك كمان
فادى: بص هو انا مقرر انزل اجازه بس انت هتحجزلى كذا عرض كده علشان بصراحه انا مش حابب اقعد ف البيت كتير
محمد: مش حابب تقعد ف البيت كتير ولا مش حابب تشوفها كتير
فادى بحده: محمد مش علشان كلمتك كصاحب هتتمادى
محمد: اسف يا بروف
فادى: محمد
محمد: خلاص يا عم انا ماشى
فادى: متنساش بقى
محمد: ماشى هتعمل ايه ف الامتحانات
فادى: ف كذا بنت قدامى هيظبطونى متشغلش بالك
محمد بضحك:مأمن نفسك يعنى
فادى: اهو اخر سنه وتعدى
محمد: ماشى يا بروف هههه
فادى: امشى اطلع بره
____________
مريم: بقالكوا نص ساعه مش ع بعضكوا
فايزه: مفيش حاجه
سلمى: اه طبعا مفيش حاجه زى ما فايزه بتقول مش كده يا فايزه
فايزه: اه طبعا
مريم: طيب متصعوش ع صايع
سلمى: قولنا مفيش حاجه بطلى بقى
مريم: ماشى هعديها بمزاجى ويلا اتخمدوا علشان السفر بكره
سلمى: يلا سلام
فايزه: سلام يا لومه يا عسل
مريم: مش قولنا ف حاجه
فايزه: ارتاحى يا اخت
سلمى: سلااااااام
مريم: سلام
طلعت المفتاح اللى معلقاه ف سلسلتى وفتحت صندوق اسرارى وفضلت ابص ع الحاجات اللى فيه وبدأت اسردهم حاجه حاجه
سلمى: يا ترى حلمى هيتتحقق وبالسهوله دى
