(الفصل العاشر)
يجي تاني يوم ال هتوري فيه تمارا الصور ل احمد تتصل بيه أول ما تصحي
تمارا : صباح الخير
احمد : صباح النور
تمارا : افتح الفيس دلوقتي
احمد : ليه في ايه
تمارا : افتح بس
احمد : ماشي
يفتح احمد الفيس يلاقي صفحة تمارا عاملاله تاج و منشن علي الصور بتاعته و هي علي الصفحة و ينبهر من حلاوة الصور و الصور واخدة لايكس كتير 120000 لايكس و كومنتات كتير اووي
احمد : ايه الجمال ده يا بنتي
تمارا (بكسوف) : ديه أقل حاجة
احمد : بجد انا فرحان اووي
تمارا : دايما يا حبيبي 
احمد ( مندهش ) : ايه قولتي ايه
تمارا ( بكسوف ) : متكسفنيش بقي
احمد : بالله عليكي لا تقوليها تاني
تمارا ( بكسوف ) : دايما يا حبيبي
احمد : انا جايلك الاوضة دلوقتى
تمارا (مخضوضة) : دلوقتي ؟!
احمد : اه عايز اقولك حاجة
تمارا : طب استني...
احمد (يقاطعها) : يلا انا جاي باي
و تمارا تنط من علي السرير بسرعة تلبس حاجة و تحط شال علي كتفها و الباب يخبط تفتح تلاقي احمد
تمارا : اتفضل
و يخشوا يقعدوا
احمد : بصي يا تمارا انا الصراحة اول ما شوفتك اعجبت بيكي...
تمارا (تقاطعه) : انا ال اول ما شوفتك حبيتك حسيت بانجذاب كبير من ناحيتك لدرجة اني الصراحة اول ما روحت من عندك بعد ما كنت بعزيك انا و ماما دورت علي صفحتك و عرفت منها انك جاي هنا دهب و كنت بتأمل كل صورك و بالصدفة الحلوة أن انا كمان كنت رايحة عشان شغل ميرنا
احمد (بهزار) : كل ده ... للدرجادى بتحبيني يا طمطم 
تمارا مكسوفة و مش عارفة ترد
احمد يقوم مقرب عليها و يبوسها من دماغها
احمد : بحبك يا احلي تمارا في الدنيا
تمارا (بفرح) : وانا كمان
احمد : انا بكرة بقي عاملك مفاجأة
تمارا : مفاجأة ايه
احمد : هتعرفي .... انا هرجع انا بقي الاوضة ... باي يا قلبي
تمارا : باي يا حبيبي
يرجع احمد الاوضة و يفكر انهم يطلعوا رحلة سفاري و تخييم في الصحرا و ينزل يشوف لو في اي جروب سفاري و تخييم هتطلع في نفس اليوم و يلاقي رحلة سفاري و تخييم لمدة 4 ايام هتبدا في نفس اليوم الساعة 5 يحجز احمد الرحلة لفردين هو و تمارا و يرجع الفندق و يتصل بيها و ترد تمارا
تمارا : أيوة يا احمد
احمد : البسي دلوقتي و حضري شنطة سفرك
تمارا : ليه
احمد : البسي بس
تمارا : ما تقولي يابني
احمد : انتي لسة هتسالي ... انا جايلك
و يجيلها احمد و يفتح الدولاب و يطلع كل الهدوم و يختار طقم منهم تلبسه
احمد : البسي ده
تمارا : يابني فهمني
احمد : يابنتي اسمعي الكلام ادخلي خدي شاور و البسي الطقم ده و لما تخلصي قوليلي
تمارا : ماشي
بعد ما تمارا تاخد شاور و تلبس تتصل ب احمد
تمارا : لبست
احمد : تمام و انا كمان جايلك اهوه
يروحلها احمد
تمارا : تقدر تقولي بقي رايحين فين
احمد : رحلة سفاري و تخييم .. 4 ايام
تمارا (بفرحة) : الله 
احمد : شوفتي بقي هي ديه المفاجأة 
تمارا : احلي مفاجأة يا حبيبي
احمد : والله حبيبي ديه بتوقع قلبي في رجلي
تمارا : تسلم يا قلبي
و يروحوا الباص ال هيوديهم الصحرا
الفصل الحادي عشر من هنا
تعليقات: 0
إرسال تعليق