(الفصل الثامن)
يجي تاني يوم السفرية لدهب بالنسبة لتمارا و احمد
نروح ل أحمد
يصحي احمد من النوم و يدخل الحمام ياخد شاور و يلبس و ينزل ياخد عربيته و تبدأ رحلته في السفر ل دهب
ننتقل ل تمارا
تصحي من النوم هي كمان و تاخد شاور و تلبس و تودع مامتها و تاخد عربيتها هي كمان و تنطلق الي دهب
يوصل احمد دهب و يقعد في فندق ******* و يملي الابلكيشن و ياخد المفتاح و يدخل اوضته و ياخد شاور من طول الطريق و يفتح اللاب و يكتب تم بحمد الله الوصول إلي دهب و يعمل إشارة للفندق ال هو فيه و ينام
ننتقل ل تمارا و هي في الطريق لسة تفتح داتا من التاب ال في العربية و تلاقي أن احمد قاعد ف فندق ******* و تحدد لوكيشن الفندق و تروح هناك و توصل و هي بتملي الابلكيشن تسأل الريسبشن عن احمد و تعرف أنه في اوضة 808 و لحسن حظها الاوضة ال جمبه فاضية تاخدها اوضة 809 و تاخد المفتاح و تطلع هي كمان تاخد شاور و تنام
يصحوا بعد كدة من النوم و ينزلوا عشان يتغدوا
يفتح احمد الباب عشان ينزل يلاقي تمارا هي كمان نازلة و يشوفها احمد
احمد بيناديها : تمارا
تمارا : احمد ! .... ازيك عامل ايه... ايه ال جابك هنا
احمد : انا تمام الحمدلله جاي هنا اغير جو شوية ... انتي عاملة ايه
تمارا : انا كويسة الحمدلله ... كنت رايح فين
احمد : كنت نازل اتغدي تيجي ؟
تمارا : يلا بينا
يوصلوا المطعم بتاع الفندق و يوصل الويتر
الويتر : تأمروا ب ايه يا فندم
احمد : تاكلي ايه
تمارا : ستيك و معاه باربيكيو صوص و كول سلو
احمد : و انا سمك فيليه
و يجي الاكل و يتكلموا
احمد : وانتي جاية هنا بقي تعملي ايه
تمارا : انا ورايا شغل تصوير هنا.... لازم تيجي معايا
احمد : انتي مصورة ؟
تمارا : يابني انا اشهر مصورة في مصر مسمعتش عن تمارا نضال ولا ايه 
احمد : ده انتي تصوريني سيشن بقي
تمارا : وانا موافقة بس بشرط
احمد : ايه
تمارا : تيجي معايا السيشن و تشوفني وانا بصور
احمد : تمام مفيش مشكلة ... امتي
تمارا : بكرة أن شاء الله الساعة 12 الضهر
احمد : اشطا هاجي معاكي
تمارا : دهب هتعجبك اوي لازم تجرب تغطس
احمد : اكيد .... انتي هتغطسي ؟
تمارا : اه طبعا
احمد : خلاص وانا معاكي
تمارا : هات بقي رقمك عشان اتصل عليك لما نتقابل بكرة
احمد : 010********
تمارا : تمام سجلتك هبقي اتصل عليك
احمد : اشطا
و يخلصوا غدا و يطلعوا و بعد شوية تمارا تتصل علي احمد
احمد : أيوة مين
تمارا : انا تمارا يا احمد ده رقمي ابقي سجلني بقي
أحمد : تمام
تمارا : متنساش بقي بكرة الساعة 12
احمد : مش هنسي متقلقيش
تمارا : ماشي .. تصبح على خير
احمد : وانتي من اهل الخير
يجي تاني يوم و تصحي تمارا الساعة 10:30 و اول حاجة تعملها تتصل ب احمد
تمارا : أيوة يا احمد .. صباح الخير
احمد (بصوت وهو لسة صاحي) : صباح النور
تمارا : يلا البس انا لسة صاحية برضوا هقوم البس
احمد : تمام انا هقوم برضوا نتقابل علي الساعة 11:30 في المطعم نفطر
تمارا : اشطا
احمد : يلا سلام
تمارا : سلام
كل واحد فيهم ياخد شاور و يظبط اموره و يلبس و ينزلوا يتقابلوا ف المطعم و يقعدوا عشان يفطروا
احمد : تفطري ايه
تمارا : اي حاجة
احمد : هاتلنا لو سمحت بيض اومليت و لانشون و فول و طعمية و هيأ الدنيا كدة
الويتر ب ابتسامة : تؤمر يا فندم
يوصل الفطار و يفطروا
احمد : قوليلي بقي الموديل ال هتصوريه ولد ولا بنت
تمارا : بنت
احمد : تمام .. مستني اشوف سيشن جامد
تمارا : أن شاء الله حاجة فوق العظمة 
و يضحكوا و شوية و يخلصوا فطار و يقابلوا الموديل اسمها ميرنا
تمارا : ازيك يا ميرنا عاملة ايه
ميرنا : تمام الحمدلله يا حبيبتي ... انتي عاملة ايه
تمارا : الحمدلله كويسة
ميرنا : مش تعرفينا
تمارا : احمد ... ميرنا
يسلموا علي بعض
احمد : فرصة سعيدة
ميرنا : انا اسعد
و يبدأوا يصوروا السيشن و فعلا يطلع حاجة جميلة و يخلصوا
تمارا : أن شاء الله الصور هبعتهالك بعد اسبوع
ميرنا : براحتك يا حبيبتي ... مش عايزه حاجة
تمارا : تسلمي يا حبيبتي
ميرنا : باي
تمارا و احمد : باي
و يروحوا يقعدوا شوية ف الكافيه و توري تمارا السيشن ل احمد
احمد : انتي طلعتي مصورة عالمية.... انا كدة اصريت تصوريني
تمارا : يا باشا انت تؤمر
احمد : ايه رأيك بكرة
تمارا : تمام مفيش مشكلة ... انا اصلا مكانش ورايا شغل غير بتاع ميرنا و هقعد شوية هنا استجم
احمد : تمام ... احنا كدة مع بعض
تمارا : تمام بكرة ... باي
احمد : باي
يطلعوا اوضهم تمارا تبعت غدا عندها ف الاوضة و تنام و احمد يقعد يفكر شوية في تمارا و وصية مراته
احمد ( في نفسه ) : انا باين عليا هحبها ولا ايه .. البنت قمر فعلا و لذيذه ربنا ييسر الامور أن شاء الله و اقدر انفذ وصيتك يا يارا .... و يقرر يبعت اكل يتغدي و يعدي الوقت بعدها يقرر ينام بدري عشان يصحي و يجهز لليوم بكرة
يا ترا ايه ال هيحصل بكرة هنشوف الحلقة الجاية أن شاء الله
