الفصل السادس
شروق:انت وعدتني بعد موت اخوك أننا هنتجوز
محمد: والله كلمت ابويا ومش راضي
شروق :لو انت عايز الموضوع هيتم
محمد :انتي بتهزري صح
شروق :صحيح ابوك عايز اني اكتب الأرض باسمه
محمد :غريبه ليه مع ان ابويا عارف ان الارض دي بفلوس جمال
شروق :اصل البت هنا جت
محمد :واي المشكله انها جت يعني
شروق :عايزه حقها
محمد:البت دي غريبه اوي
شروق :انت رايك اي
محمد :مش عارف بس ده حقك وحق بناتك
شروق :اقولك حاجه بس متزلش
محمد:قولي مش هزعل
شروق :لما جيت قولت انك بتحبني قولت انك طمعان في أرض اخوك
محمد:معقول وليه الحمد لله عندي اللي يكفيني ويكفي عيالي ومش عايز حاجه من عيال اخويا غير اني اربيهم
شروق : مانت ممكن كنت تربيهم من غير جواز
محمد :شروق انتي عارفه كويس اوي انك انتي اللي كنتي بتجري ورايا
شروق : انا مين اللي قال كده
محمد : محمد لبسك اللي بقي ضيق من يوم ما جوزك ما مات
شروق:عادي يعني تخنت شويه
محمد : هههههههههههه ماشي ياستي هعتبر اللي كنت بتعملي معايا ده كان عادي
شروق :اللي هو اي بقي
فلاش باك
محمد طالع من عالسلم وشروق وافقه بتمسح السلم والعبايه مرفوعه
شروق :مش تقول حاجه كده تخضني
محمد :هو في حد يسمح السلم بليل كده
شروق :مانت شايف طول النهار طالعين نازلين غير شغل شقتي غير الشغل عن بابا تحت
محمد :ربنا يقويكي ويديكي الصحه
شروق :والله انا كل شويه اعمل حاجه في الشقه فاضي بقي
محمد:ربنا يصبرك علي فراق جوزك
شروق :قلبي وجعني اوي والله يا محمد
محمد :حاسس بيكي والله يا شروق
شروق :مش عارفه اعيش من غيرو
محمد :والله كلنا قلبنا وجعنا عليه
شروق:انا عامله مكرونه بالبشاميل وفراخ تاكل
محمد :اي ده انا ضعيف جدا قدام المكرونه
شروق :مانا عارفه
محمد :بس للاسف اكيد رحاب مستنياني
شروق :اه ماشي تصبح على خير
محمد وانتي من اهله ودخل شقته لقاه الهدوم علي الكرنه والشقه ريحتها مش حلوه ورحاب نايمه في الصاله عالارض ب العبايه السمرا
محمد :رحاب يا رحاب قومي
رحاب :اي ده انا نمت عالارض ولا اي
محمد :اه قومي
رحاب :معلش من التعب والله
محمد :عامله اكل اي
رحاب :اكل ماحنا لسه واكلين تحت
محمد :اه يعني اللي جعان دلوقتي يعمل اي
رحاب :هقوم اسلق بيض. واجيب جبنه
محمد :بيض وجبنه
رحاب :امال عايز تاكل اي
محمد :انتي ليه مش بتعملي اكل هنا في الشقه
رحاب :واجيب صحه منين هنا. وتحت وغير اني لازم اعمل اكل للناس في الأرض عندكم
محمد :نامي يا رحاب مش عايز حاجه
رحاب :هقوم انام جوا جسمي وجعني من نومه الأرض
محمد :قومي ياختي ده اللي انتي فالحه فيه
رحاب :قصدك اي فيك اي انهارده
محمد : مافيش الشقه مبهدله اوي ليه كده ومافيش لقمه حلوه اكلها
رحاب :انا قائمه انام مش ناقصه خناق
محمد:قومي وبعدها دخل البلاكونه كانت شروق بتنشر
شروق : سهران ليه انهارده
محمد :هي المكرونه طلعت من الفرن
شروق : هههههههههههه ما قولنا كده
محمد :بصراحه مش عايز اكل حاجه غيرها دلوقتي
شروق :عنيا حاضر ودخلت جابت طبق مكرونه وعليه فراخ اتفضل خد
محمد :اوعي تقعي بس
شروق :هي مراتك نايمه
محمد :اه نايمه اي الدخان ده
شروق :بخور بحب اولا بخور قبل ما انام
محمد:ريحته حلوه اوي
شروق :بكره ابقي ادي مراتك شويه
محمد قولي ليها تروق شقتها الاول
شروق :معلش تعبانه طول النهار
محمد :يعني انتي اللي مش تعبانه يعني
هبه :ماما يا ماما انتي فين
شروق:تصبح على خير
محمد :هخلص واخلي الطبق عالسور عندك
شروق :ماشي حاضر ودخلت نعم يا هبه
هبه :بتكلمي مين
شروق:ده عمك
هبه :عمي وليه وافقه تتكلمي معاه في البلاكونه
شروق :فيها اي كنت بنشر وهو كان واقف
هبه :اه ولو وحده من عماتي بصت من البلاكونه بقي
شروق :هو انا بعمل حاجه غلط
هبه :والله معرفش
شروق :انتي ازاي تتكلمي معايا كده
هبه : اتكلمت قولت اي مش فاهمه
شروق :ادخلي نامي مش عايزه اسمع صوت وبدأ محمد يركز جدا مع شروق لبسها حركتها كلامها وبدأ يشوف عيوب مراته
وجه في يوم هبه نزلت خبط علي شروق
شروق :خير في اي يا محمد
محمد :شروق بصراحه انا بحبك
شروق :انت بتقول اي
محمد :مش عيب انك تتجوزي تاني
شروق :اه بس اخو جوزي
محمد :وليه لا انتي عرفتينا واحنا عرفناكي وانا كده كده هتجوز تاني
شروق :انت اي اللي حصلك
محمد :بقيت مجنون بيكي بصراحه
شروق :محمد اعقل كلامك ده يودي في داهيه
محمد :ده شرع الله وأما إنا مش شايف ان غلط
شروق :وهنقول للناس هنا اي
محمد :اسمعي كلامي بالظبط وانا اخلي اللي هنا يقولوا اتجوز مرات اخوك وبدأ كل شويه شروق تعيط قدام حماها
مجدي :مالك فيكي اي
شروق : حسام ابن خالي كل شويه يروح لبابا
مجدي :ايوه عايز اي يعني
شروق :عايز بتجوزني وإنا مش عايزه اتجوز بعد جوزي
مجدي :اه حصل اللي مكنتش عامل حسابه
شروق : إنا عايزك تكلم بابا وتقوله لا
مجدي :مش بايدي يابنتي ازاي اقول لابوكي لا
شروق :انا عايزه اعيش في شقه جوزي
مجدي :سيبها على الله وهو هيحلها
شروق : يارب والله ياعمي أنا مش بفكر في جواز خالص
مجدي :عارف يابنتي المهم متتكلميش مع حد في حاجه لحد ما اشوف حل
شروق :حاضر يا بابا
رجوع
شروق :انت يا حبيبي اللي كنت زهقان من مراتك
محمد : والبركه فيكي طول عمري كان عجبني حالي
شروق :خلاص يا قلبي انا هتجوز اخوك وخلصنا
محمد :ده انا اقتلك فيها
شروق :طيب هنحلها ازاي
محمد :مش عارف بس عزه مش هتوافق وانا عارف ان اشرف بيحبها
شروق :وبيحب ابوك برضه
محمد :انا لازم افكر في فكره جديده
هبه :عمي محمد
شروق :هبه تعالي يا حبيبتي عمك كان جاي يشوف الكلام الغريب اللي اختك كانت جايه تقولو
هبه :جاي دلوقتي علشان يعرف الكلام ده
محمد :جدك يا حبيبتي عايز يعرف ماما عايزه اي من غير ما يضغط عليها
هبه :اه ماشي يا عمي
محمد :امشي انا بقي عايزين حاجه تصبحوا علي خير
هبه :وانت من اهله يا عمي
شروق :مالك وافقه كده ليه
هبه :مافيش حاجه يا ماما
شروق : انا داخله انام
وفي شقه محمود
محمود:يعني اي ابوكي كده دمر كل شي انتي ملكيش ورث خالص
هنا :اكيد ليا بس بعد موت جدي
محمود : انتي عبيطه صح
هنا : ليه بس
محمود :انتي كده ملكيش ورث يا حلوه
هنا :طيب والعمل اي دلوقتي
محمود : مش عارف كل حاجه راحت خالص
هنا :معقول ازاي بس
محمود:امشي من قدامي لو سمحت دلوقتي
هنا :طيب انا ذنبي اي
محمود:هنا انا مش طايق نفسي ارجوكي
هنا :طيب هدي نفسك يا حبيبي
محمود :جوازه نحس من اولها
هنا :اخس عليك يا محمود وانا ذنبي اي
محمود:داخله عليا بالخراب بس يا حبيبتي
هنا :انا يا محمود بعد كل اللي عملته علشانك
محمود: عملتي اي علشاني
هنا :ده بابا مات بسببي
محمود :هنا انا مش عايز اتعصب عليكي غوري من قدامي دلوقتي
هنا :انت ليه بتعمل فيا كده ده انا حبيتك من قلبي
محمود :ابتدأ شغل الدراما اهو
هنا :طلقني يا محمود
محمود:ضرب هنا بالقلم عارفه اخر وحده قالت ليا الكلمه دي حصل فيها اي
هنا :اي ده انت كنت متجوز قبل كده يا كداب
محمود : انا هعرفك الكداب ده هيعمل فيكي اي وخد هنا اوضه في الشقه مهجوره جدا فيها جميع ادوات التعذيب انصدمت لما شافت......
