الفصل الثاني
شروق :وانتي عايزه ترفض يا رحاب ولا اي
رحاب :مقولتش كده يا مرات عمي والله
هنا :بعيد مش لما اشوفه مش يمكن ميعجبنيش
شروق :ده دكتور كبير في القاهره هتسبي الأرياف وتروحي القاهره يلا بينا نطلع الشقه وطلعت هنا الشقه والغرور خدها
هنا :فضلت تبص في المرايا كنت واثقه أنه هيتقدم ليا لو شافني ودخلت ندي
ندي :مالك عامله كده ليه
هنا :عامله اي مش فاهمه
ندي :شكلك فرحانه اوي ومش همك كسر قلب رحاب
هنا :رحاب مين اللي اتكسر قلبها ليه هي كانت بتحبه
ندي :هنا فيه اي انا مش فاهمه
هنا :بقولك اي اخرجي برا مش عايزه صداع
ندي :ماشي يا هنا برحتك ودخلت ندي عند رحاب
سماح :في حاجه يا ندي
ندي :مرات عمي انا كنت عايزه رحاب
سماح :نايمه يا حبيبتي
ندي :اه ماشي هاجي ليها وقت تاني
سماح :ماشي يا حبيبيتي
محمد:انتي ازاي تعملي كده
سماح :عملت ايه مش فاهمه
محمد:هي ندي اللي كانت عالباب صح
سماح :ايوه ورحاب تعبانه مش قادره تتكلم معاه حد
محمد:بقولك اي انتي فاهمه كويس اوي انا كان قصدي اي كام لازم تقولي ليها تدخل
سماح :بقولك اي يا محمد انا بنتي الوحيده اللي بيجي ليها عرسان في البيت ده يدخلوا البيت بعدها عالطول مش بيجوا تاني والموضوع ده مش مريحني
محمد:اخرسي وطي صوتك قصدك اي يعني
سماح :مش قصدي حاجه واوعي كده بالله عليك لما اشوف بنتي
وطلعت هبه شقتها
محمد؛كنتي فين يا هبه
هبه :كنت عند جدي مجدي وعايز حضرتك تنزل دلوقتي
محمد:طيب ادخلي جوا يا حبيبتي مع اختك
هبه :حاضر يا بابا
وجمع مجدي ولاده التلاته جمال ومحمد وأشرف
محمد:نعم يا حاج
مجدي :كل واحد طلع شقته ومحدش قال رايئه في العريس يعني
جمال :الرأي رايك باحاج
مجدي :لا يابني الراي هنا بيكون لابو العروسه شوف بنتك واديني الرد
جمال :انا شايف أنه عريس كويس رايك اي يا محمد
اشرف :بس انا مستغرب من حاجه يا حاج هو ليه مرحش كلم جمال عالطول علي بنته يعني ليه كلم محمد
جمال :هو فيه بينا الكلام ده برضه احنا كلنا واحد وبنتي بنتكم كلكم يااشرف
مجدي :مالك يا محمد
محمد:مافيش يابابا شوف انتو عايزين اي وانا معاكوا
جمال :بس شكلك متغير يا محمد
محمد:تعبان شويه من شغل الأرض
مجدي :معلش يابني انا رامي عليك الحمل كله انت عارف ان جمال مدرس وملوش في الأرض وأشرف مهندس
محمد :تحت امرك يا حاج المهم شوفوا انتو هتعملوا اي وعرفوني
جمال :احنا عارفين أصله ونسبه الجمعه الجايه يجي يقرا الفاتحه
مجدي :وانا راي كده برضه
اشرف :خير باذن الله يالله بعد اذنكم ودخل اشرف شقته وكانت مراته عزه جوا هي عالطول بتحب تكون في شقتها ومش بتحب تقعد مع. حد
اشرف :مساء الخير يا عزه
عزه :مساء الخير يا حبيبي اي العريس عجب رحاب
اشرف ده كان جاي ل هنا
عزه :ازاي ده مش قولت كان عايز رحاب
اشرف :والله انا حاسس بحاجه غريبه اوي بس اي هي مش عارف
عزه :ربنا يستر اهو اي فرح يدخل البيت وخلاص
اشرف :عندك حق يا حبيبتي عملتي اي عند الدكتور
عزه :للاسف حمل
اشرف :خير باذن الله انتي عندي بالدنيا والله ربنا يخليكي ليا
وفي شقه مديحه كانت قاعده هي وناهد
مديحه :الله حلوه البسبوسه دي عملتيها انتي
ناهد :مش انا دي شروق
مديحه :رجعت اللي في بوقها ليه كده الله يسامحك
ناهد :مالك فيكي اي
مديحه :مش قولت ليكي كذه مره مش بحب اكل حاجه من ايديها
ناهد :بطلي بقي سواد فيه اي اشمعنا دي اللي عملا من ناحيتها كده
مديحه :مش عارفه والله بس بحس انها مش كويسه وأن البيت مش بيخلف بسببها
ناهد :استغفري ربنا علي كلامك ده حرام مهي سماح مخلفه اهي
مديحه :سماح متجوزه من قبل شروق
ناهد :بطلي جهل بقي وحرام عليكي
مديحه :برحتك انتي متعرفيش عملوا اي في موضوع العريس
ناهد :جاي يقرا الفاتحه الجمعه الجايه
مديحه :خلينا نخلص بقي من هنا دي
ناهد :بت روحي شقتك يلا انا مش عايزه ذنوب
مديحه :ماشي حاضر وجه يوم الجمعه اليوم اللي جاي محمود فيه دخلت هنا عند رحاب والغريبه أن رحاب كانت طبيعة جدا
هنا :رحاب عامله اي
رحاب :الحمد لله الف الف مبروك يا عروسه
هنا :اي ده انتي مش زعلانه
رحاب :ازعل ليه يا عبيطه انتي ده فرح اختي
هنا :بس علشان العريس طلع عايز يتجوزني انا
رحاب :ده نصيب يا قلبي الف الف مبروك ليكي يا حبيبتي
هنا :انتي ونعم الاخت والله ربنا يخليكي ليا
رحاب :تسلمي حبيبتي يالله علشان نخلص اللي ورنا
هنا :حبيبتي وفعلا تم اليوم علي خير وكانت رحاب فرحنا جدا وعامله ترقص ودخلت البلكونه ودخل وراها محمود
محمود :ازيك يا رحاب عامله اي
رحاب : الحمد لله بخير الف مبروك يا جوز اختي
محمود :هو انتي مش زعلانه مني
رحاب :انا ليه هو فيه حاجه تزعل
محمود:ايوه علشان كنت كلمتك أن جاي اطلب ايدك بعدين غيرت راي
رحاب : هههههههههههه تعالي يا عروسه اسمعي عريسك بيقول اي
هنا : خير فيه اي
رحاب :بيقولي أننا شبهه بعض اوي في حد قمر زي هنا كده
محمود:والله انتو الاتنين حلوين ربنا يخليكم لبعض
هنا :طيب ندخل جوا بقي ولا اي
رحاب :بعد اذنكم يا حبيبتي ودخلت وعدا 3شهور واتجوزت هنا بعد ما كانت حبت محمود جدا في فتره الخطوبه من كلامه الناعم أسلوبه الكويس جدا
وفي يوم الفرح
محمود :الف الف مبروك يا عروسه
هنا :الله يبارك فيك الشقه حلوه اوي
محمود :حبيبتي حلوه علشان انتي نورتيها يا قلبي
هنا :ربنا يخليك ليا
محمود :طبعا انتي عارفه أن شغلي في القاهره وانا عندي شقه هناك
هنا :ايوه بابا قالي
محمود :انا فيا عيوب وحشه اوي
هنا :خير اي هي
محمود::انا مش بحب الزيارات العائليه كتير
هنا :كده كده هنكون في القاهره واهلي صعب عقبال ما يجوا
محمود :شكلك هتكوني سعيده معايا اصل بحب اوي اللي يفهم دماغي
هنا : اكيد يا حبيبي
محمود:طيب يلا بينا
هنا :علي فين
محمود؛هنسافر
هنا :دلوقتي معقول
محمود :اااه ومالو
هنا :طيب الصبح احسن
محمود:ده انا لسه بشكر فيكي
هنا :حاضر ماشي بس نتصل ب بابا ولا اي
محمود :وهو انتي مش مع جوزك ياقلبي
هنا :اه صحيح وتاني يوم راحوا أهلها علشان يباركوا ليها فضلوا يخبطوا محدش فتح اتصل جمال علي محمود مش بيرد
هنا :ده بابا اللي بيتصل
محمود :عارف وقفل الفون المفروض يبقي في وقت للاتصال وانا مش عايز ارد دلوقتي عندك مانع
هنا :لا معنديش 
