-->

روايه حب مفاجئ الفصل الثالث

روايه حب مفاجئ الفصل الثالث


     (الفصل الثالث)

    نور بتضحك عادي وفجأه تشوف وتنطق وتقول اا احمد!
    محمود_بصيت ملقتش حد واستغربت في اي يا نور
    نور_محمود روحني البيت عند ماما
    محمود_في اي يبنتي مالك ملامح وشك متغيره لي وعينك مالها
    نور ودموع نازله بهدوء_مفيش بالله عليك روحني دلوقتي
    أرجوك...
    محمود_طيب حاضر اهدي
    ركبوا العربيه في صمت تااام...
    محمود_تحبي اوصلك لحد مامتك ف الشقه
    نور_لا لا انا كويسه انا همشي انا كويسه اه
    محمود_طيب خدي بالك من نفسك
    ماما_نور بنتي في اي اي جرالك مالك
    نور_ماما انا تعبانه شويه سبيني ممكن!
    ماما_طيب فهميني في ايه اتخانقتي مع محمود او زعلك او قالك حاجة تضايقك
    نور_ماما سبيني ارجوكي دلوقتي سبينيي بقاا
    ماما_نزلت لمحمود وسألته.. في ايه يا محمود مالها نور
    محمود_والله يا طنط ما فاهم ولا عارف مالها كنا قاعدين وبنتكلم عادي وفجأه حصل كده ومتهيألي سمعت اسم احمد منها
    ماما_احمــــــــــد!!!!
    محمود_هو في اي يا طنط انا مش فاهم حاجة ممكن تفهميني
    ماما_لا لا مفيش انا هطلع اشوفها بعد إذنك
    محمود_أذنك معاكي
    خلود_اي دا في اي يا محمود رجعتوا بسرعه لي ومالك حساك مخنوق
    محمود_حصل حاجة غريبه اوي انهرده بعد ما وصلنا وكنا بنهزر وكل حاجة تمم نور متهيألي شافت شخص وقالت اسمه احمد ولما سألت مامتها رده فعلها زي نور
    خلود_طب يمكن انت فاهم غلط او الأحداث اترتبت غلط.. او او كان في حد ف حياتها اسمه احمد مثلا!!









    محمود_لا لا مستحيل يكون في حاجة من دي
    خلود_حبيبي اهدى دي مش حاجة عيب ما انت كمان كان في موضوع جميله ولا نسيت!
    محمود_خلود اي لزمته انك تجيبي سيره الموضوع ده
    خلود_مقصدش والله افكرک بحاجة بس كنت اقصد ان دي مش حاجة عيب
    محمود_انا هدخل اغير هدومي وبكره يبقى ربنا يحلها وافهم منها
    خلود_ماشي ادخل ومتفكرش كتير
    ـــاليوم التانـي....
    محمود_يا ترى هي فين ومجتش لي
    انا خايف أن يكون جرالها حاجه
    لا لا ان شاء الله كويسه
    وهكذا اليوم اللي بعده مجتش..
    محمود _انا هروحلها يعني هروحلها وأفهم منها كل حاجة
    نور_ماما الباب بيخبط
    ماما_افتحي انتي عشان إيدي مشغوله وبعمل حاجة
    فتحت...
    محمود_إذيك يا أستاذه مبتجيش لي الجامعه
    نور_محمود!! ... اا طب تعالى ادخل ماما محمود اللي جه
    ماما_تعالى يبني اتفضل البيت بيتک
    محمود_تسلميلي يا طنط
    نور_تشرب اي ياض
    محمود_ياض برضوا!! طب اعملي قهوه سكر زياده
    نور_مش لازم احط سكر على فكره
    محمود_ليي!!
    نور_عشان هحط صباعي جواهاا هيهيهيهيهه
    محمود_اتفووو ع الآرف انجزيي وتعالي عشان عاوزک ف حاجة كده
    نور_اشطا ثواني وجايه ربنا يستر مش بتعوزني غير ف المشاكل
    هاا جيت ارغي








    محمود_بصي نتكلم جد بقا تمم؟
    نور_تمم مستعده اهو يا رايق
    محمود_نور انتي شوفتي مين واحنا في المطعم او كان إيه فيكي عشان يحصل اللي حصل ده
    نور بتوتر ووشها اتغير_امم مش عارفه حسيت بتعب فجأه عادي
    محمود_نور انا عارف انک بتكذبي واللي خلاني عايز اعرف الموضوع اني سمعت اسم احمد منك لما حصل ده
    نور_اا احمد مين
    محمود_بصي انا مستعد احكيلك كل حاجة انتي عايزه تعرفيها عني بس ريحي قلبي واحكيلي
    انا مستعد احكيلك عن ألمي ووجعي بتاع زمان اللي لسه لحد دلوقتي بعاني منه من جميله
    نور_مين جميله يا محمود
    هحكيلك كل حاجة بس انتي ريحيني واحكيلي
    نور_بص يا محمود.. احمد ده......؟؟!


    إرسال تعليق