(الفصل السابع)
نور_اه تاكس أستنى أستنى وديني المطار بسرعه
السواق_حاضر أركبي
نور_بسرعه بالله عليگ
نور في سرها_لا لا انا لازم الحقوا لازم اودعه لازم أقوله باي مينفعش يمشي وهو زعلان مني لا ياربي لا ونبي
بسرعه ارجوگ
السواق_اديني بسوق يبنتي مش هينفع أمشي بسرعه أكتر من كده
نور_عشان خاطري لازم الحقه
السواق_هو خطيبك او حبيبك
نور بدون تفكير _اه اه
السواق_ربنا يخليكوا لبعض
نور بتفكير_خطيبي..!؟ حبيبي؟!!!
اي اللي انا بقوله ده
السواق_اهو يبنتي وصلنا
نور_شكرا ربنا يخليگ
بعد ما وصلت المطار...
محمود استنى لا متركبش ارجوك
الأمن_بعد أذنك يا آنسه ممنوع الدخول
نور_محمووووود اسمع صوتي وارجع اسلم عليک بقاا
الأمن_بعد اذنك ابعدي عن البوابه
نور_بس انا لازم أسلم عليه وحياه اغلى حاجه عندكوا دخلوني وهخرج بسرعه
الأمن_احنا آسفين ممنوع الدخول وهو خلاص ركب الطياره
نور بتحطيم قلپ_يعني خلاص هيسافر من غير اما اسلم عليه
السواق_هاا يبنتي لحقتيه
نور بحزن_لا ملحقتوش انا لي عملت كده ومرضتش انزله من الأول العيب عندي انا اللي غلطانه بدموع...
السواق_استهدي بالله ووحدي الله وربنا يرجعهولك بالسلامه
نور_ممكن ترحعني من مكان ما أخدتني
السواق_اه طبعا أتفضلي اركبي وهوصلك لحد البيت
نور طول الطريق في صمت تمام لحد ما وصلت...
السواق_اتفضلي يا آنسه
نور_....
السواق_يا آنسه اتفضلي وصلنا اهو
نور_معلش انا آسفه مأخدتش بالي اتفضل الفلوس اهي
بعد ما طلعت وخبطت ع الباب....
ماما_اي ده نور كنتي فين ف الوقت ده وكنتي بتعملي اي
نور_كنت عند خلود يا ماما كانت عايزاني في حاجة
ماما_طيب يا حببتي روحي نامي
نور_تصبحي على خير يا ماما
ماما_وانتي من اهل الخير يارب
ـــــتاني يوم....
نور_ماما انا نازله الجامعه تحتاجي مني حاجة قبل اما انزل
ماما _لا يحببتي انزلي ربنا يوفقك ويكرمك يارب
نور_يارب يماما يارب
ـــوهي نازله على السلم....
خلود_نور.
نور_ايوه نعم
خلود_لحقتي محمود إمبارح ف المطار
نور بحزن_لا.. ملحقتوش يا خلود
خلود_طيب مالك حساكي مضايقه من حاجه
نور_لا انا كويسه.. هو محمود وصل ولا لسه
خلود_ اه وصل وكلمني واطمنت عليه
نور_طيب حمدالله على سلامته
خلود _الله يسلمک يقلپي
نور_بعد اذنك عشان عندي محاضرات باي
خلود_باي
؟.......?
محمود_الو يا خلود
خلود_اي يا محمود
محمود_نور عامله ايه هي كويسه
خلود_اه لسه شيفاها وكانت بتسأل عليک
محمود_طيب متقوليلهاش ان انا سألت عليها سلام
ـــبعد مرور تلت شهور ونصــــــــــ
خلود_محمود انت متاكد انك جاي بكره عشانها
محمود_اه بكره ١٥/٣ خمستاشر تلاته عيد ميلادها وانا جاي وهطلب إيديها.....
تعليقات: 0
إرسال تعليق