-->

روايه لعيه القدر الفصل السادس عشر

روايه لعيه القدر الفصل السادس عشر


     (الفصل السادس عشر)
    ﺣﺎﺯﻡ : ﺍﻳﻪ ﺍﻟﻠﻲ ﺍﻧﺎ ﻋﻤﻠﺘﻪ ؟؟؟ ﺭﻣﻴﺖ ﻣﺮﺍﺗﻲ ﻭﺑﻨﺘﻬﺎ ﻭﺭﺣﺖ ﺍﺗﺠﻮﺯﺕ ﻭﻣﺎ ﻋﺒﺮﺗﻬﻤﺶ ؟؟؟ ﻫﺎﻩ ؟؟
    ﺷﻮﻕ : ﻣﺤﻤﻮﺩ ﺍﺳﻜﺖ
    ﻣﺤﻤﻮﺩ : ﻻ ﻳﺎ ﺍﺑﻦ ﺍﻻﻛﺎﺑﺮ ﺍﻧﺖ ﺑﺲ ﺧﻠﻴﺖ ﻭﺍﺣﺪﻩ ﺗﺤﺒﻚ ﻭﺗﺤﻤﻞ ﻣﻨﻚ ﻭﺭﻣﻴﺘﻬﺎ ﻭﺭﺣﺖ ﺳﺎﻓﺮﺕ ﻭﺭﺟﻌﺖ ﺑﻌﺪ ﺳﻨﻴﻦ ﺑﺘﺘﻔﻀﻞ ﻋﻠﻴﻬﻢ ﻭﺑﺘﺘﻔﻀﻞ ﻋﻠﻲ ﺑﻨﺘﻚ ﺍﻧﻚ ﺑﺘﺼﺮﻑ ﻋﻠﻴﻬﺎ ... ﻟﻮ ﻓﻲ ﺣﺪ ﻭﺍﻃﻲ ﻭﻧﺪﻝ ﻓﺪﻩ ﻣﺶ ﺍﻧﺎ .... ﺍﻟﻨﺪﻝ ﻫﻮ ﺍﻟﻠﻲ ﻣﻄﻠﻌﺶ ﺭﺍﺟﻞ ﻭﺧﻠﻲ ﺑﺤﺒﻴﺒﺘﻪ ﺑﻌﺪ ﻣﺎ ﺳﻠﻤﺘﻪ ﻧﻔﺴﻬﺎ
    ﻟﺤﻈﻪ ﺻﻤﺖ ﺭﻫﻴﺒﻪ ﺳﻴﻄﺮﺕ ﻋﻠﻲ ﺍﻟﻜﻞ ﻭﺍﺧﻴﺮﺍ ﺣﺎﺯﻡ ﻧﻄﻖ
    ﺣﺎﺯﻡ : ﺍﻓﻨﺪﻡ ؟؟ ﺍﻧﺖ ﺑﺘﻘﻮﻝ ﺍﻳﻪ ؟؟ ﻛﺪﺑﻪ ﺟﺪﻳﺪﻩ ﺩﻱ ﻛﻤﺎﻥ ؟؟ ﻭﻻ ﻣﺴﺮﺣﻴﻪ ﻋﺎﻣﻠﻬﺎ ﺍﻧﺖ ﻭﺑﻨﺖ ﻋﻤﻚ ؟؟ ﺍﻧﺎ ﺳﺒﻖ ﻭﻟﻌﺒﺘﻮ ﺑﻴﺎ ﺯﻣﺎﻥ ﻭﺍﺗﺠﻮﺯﺗﻮﺍ ﻋﻠﻲ ﻗﻔﺎﻳﺎ ﻟﻜﻦ ﺩﻩ ﻛﺎﻥ ﺯﻣﺎﻥ ﺍﻧﺎ ﺍﻟﻨﻬﺎﺭﺩﻩ ﻏﻴﺮ ﺯﻣﺎﻥ ؟؟
    ﻣﺤﻤﻮﺩ : ﻣﻴﻦ ﺩﻩ ﺍﻟﻠﻲ ﻟﻌﺐ ﻋﻠﻴﻚ ﻭﻻ ﺍﺗﺠﻮﺯ ﻋﻠﻲ ﻗﻔﺎﻙ ؟؟ ﻭﻻ ﻣﻜﺴﻮﻑ ﺗﻘﻮﻝ ﺍﻧﻚ ﻣﺶ ﺭﺍﺟﻞ ﻭﻣﺶ ﻗﺪ ﻋﻤﻠﺘﻚ ؟؟
    ﺣﺎﺯﻡ : ﺍﻧﺎ ﺭﺍﺟﻞ ﻏﺼﺐ ﻋﻦ ﺍﻧﻔﻚ
    ﻣﺤﻤﻮﺩ : ﺍﻩ ﻭﻋﻠﺸﺎﻥ ﺍﻧﺖ ﺭﺍﺟﻞ ﺭﻭﺣﺖ ﻧﻤﺖ ﻣﻌﺎﻫﺎ ﻭﺑﻌﺪﻫﺎ ﻫﺮﺑﺖ ﻭﺳﺎﻓﺮﺕ ﺻﺢ ؟؟ ﻭﺭﻣﺘﻠﻬﺎ ﺷﻴﻚ ﻭﻗﻮﻟﺘﻠﻬﺎ ﺑﺦ !!
    ﺣﺎﺯﻡ : ﺍﻧﺎ ﺳﺎﻓﺮﺕ ﻋﻠﺸﺎﻧﻬﺎ ... ﻋﻠﺸﺎﻥ ﺍﻗﻒ ﻋﻠﻲ ﺭﺟﻠﻴﺎ ﻭﺍﺭﻭﺡ ﺍﻃﻠﺒﻬﺎ ﻣﻦ ﺍﺑﻮﻫﺎ ﻭﺍﻧﺎ ﻭﺍﻗﻒ ﻣﺶ ﺭﺍﻗﺪ ﻣﺸﻠﻮﻝ ، .. ﻣﺎ ﻫﺮﺑﺘﺶ ﺍﺑﺪﺍ
    ﻣﺤﻤﻮﺩ : ﺍﻣﺎﻝ ﻣﺎ ﺭﺟﻌﺘﺶ ﻟﻴﻪ ؟؟ ﻭﻟﻤﺎ ﺭﺟﻌﺖ ﻣﺎ ﺭﻭﺣﺘﻠﻬﺎﺵ ﻟﻴﻪ ؟؟ ﻭﻟﻤﺎ ﻛﻠﻤﺘﻚ ﻓﻲ ﺍﻟﺘﻠﻴﻔﻮﻥ ﻗﻮﻟﺖ ﻻﻣﻚ ﺗﻄﺮﺩﻫﺎ ﻟﻴﻪ ﺩﻩ ﺍﻧﺖ ﻛﻤﺎﻥ ﻃﻠﺒﺘﻠﻬﺎ ﺍﻟﺨﺪﻡ ﻳﻄﺮﺩﻭﻫﺎ ﻭﻳﻤﻨﻌﻮﻫﺎ ﺗﻀﺎﻳﻖ ﺍﻟﺴﺖ ﺍﻟﻬﺎﻧﻢ ﻭﺍﻟﺪﺗﻚ ؟؟؟
    ﺣﺎﺯﻡ : ﺍﻳﻪ ﻛﻤﻴﻪ ﺍﻟﺘﺨﺎﺭﻳﻒ ﺩﻱ ؟؟؟ ﻣﺎ ﺗﺘﻜﻠﻤﻲ ﺍﻧﺘﻲ ﺳﺎﻛﺘﻪ ﻟﻴﻪ ؟؟؟ ﺍﻧﺎ ﻛﻨﺖ ﻫﻤﻮﺕ ﻭﺍﺳﻤﻊ ﺣﺮﻑ ﻣﻨﻚ ﺑﺲ ﺍﻧﺘﻲ ﺑﻌﺘﻴﻨﻲ ﺏ ١٠٠ ﺍﻟﻒ ﺍﻟﻠﻲ ﻗﺒﻀﺘﻴﻬﻢ ﻭﺭﺣﺘﻲ ﺍﺗﺠﻮﺯﺗﻲ ﺑﻴﻬﻢ ، ﻛﻨﺖ ﺑﺘﻌﺬﺏ ﻭﺍﻗﺼﻲ ﺍﻣﻨﻴﻪ ﻟﻴﺎ ﺍﺳﻤﻊ ﺻﻮﺗﻚ ... ﻛﻨﺖ ﺑﻜﻠﻢ ﺍﻣﻲ ﻣﻠﻴﻮﻥ ﻣﺮﻩ ﺍﺳﺄﻟﻬﺎ ﻋﻨﻚ ﻭﺗﻘﻮﻟﻲ ﺍﻧﻚ ﻗﺒﻀﺘﻲ ﻭﻣﺸﻴﺘﻲ
    ﻣﺤﻤﻮﺩ : ﺍﺗﻔﻀﻞ ﺑﻘﻲ ... ﺍﻧﺖ ﻓﺎﻛﺮﻧﺎ ﻣﺨﺘﻮﻣﻴﻦ ﻭﻻ ﺩﺍﻗﻴﻦ ﻋﺼﺎﻓﻴﺮ ؟؟؟ ﻃﻴﺐ ﻣﻌﺎﻙ ﺑﺘﺤﺒﻬﺎ ﻣﺎ ﺭﺟﻌﺘﺶ ﻟﻴﻪ ؟؟؟
    ﺣﺎﺯﻡ : ﺭﺟﻌﺖ ... ﺭﺟﻌﺖ ﺍﻭﻝ ﻣﺎ ﻗﺪﺭﺕ ﺍﻗﻒ .. ﻗﻄﻌﺖ ﻋﻼﺟﻲ ﻭﺭﺟﻌﺖ ﻋﻠﺸﺎﻥ ﺍﺧﺪﻫﺎ ﻭﺍﺟﻴﺒﻬﺎ ﺗﺒﻘﻲ ﺟﻨﺒﻲ ﻭﺍﻭﻝ ﺣﺎﺟﻪ ﻋﻤﻠﺘﻬﺎ ﺭﻭﺣﺖ ﺑﻴﺘﻬﺎ
    ﺷﻮﻕ : ﺍﻧﺖ ﻋﻤﺮﻙ ﻣﺎﺟﻴﺖ ﺑﻴﺘﻨﺎ
    ﺣﺎﺯﻡ : ﻻ ﺟﻴﺖ ... ﺟﻴﺖ ﺑﻌﺪ ﺷﻬﺮﻳﻦ ﺑﺎﻟﻈﺒﻂ ﺟﻴﺖ ﻭﻛﺎﻥ ﺗﻮﻗﻴﺘﻲ ﺭﺍﺋﻊ ﺍﻟﺼﺮﺍﺣﻪ ... ﺟﻴﺖ ﻭﺷﻮﻓﺘﻚ ﺑﻔﺴﺘﺎﻥ ﻓﺮﺣﻚ ﻭﺍﻧﺘﻲ ﻓﻲ ﺣﻀﻨﻪ ﻭﻫﻮ ﺿﺎﻣﻚ ﻭﻣﺨﺒﻴﻪ ﻭﺷﻚ ﻓﻲ ﺣﻀﻨﻪ ﻭﻧﺎﺳﻴﻪ ﺍﻟﻌﺎﻟﻢ ﺑﺎﻟﻠﻲ ﻓﻴﻪ .... ﺭﺟﻌﺖ ﻳﺎ ﺷﻮﻕ ﺑﺲ ﺍﻧﺘﻲ ﺍﻟﻠﻲ ﺍﺳﺘﻌﺠﻠﺘﻲ ﻗﻮﻱ
    ﺷﻮﻕ ﺑﺼﺘﻠﻪ ﺑﺎﺳﺘﻐﺮﺍﺏ ﻭﺑﻨﻈﺮﻩ ﺗﺎﻳﻬﻪ
    ﻣﺤﻤﻮﺩ : ﺍﺿﺤﻚ ﺑﻘﻲ ﻋﻠﻴﻬﺎ ... ﺩﻣﻮﻋﻬﺎ ﻣﺎﻓﺎﺭﻗﺘﻬﺎﺵ ﻃﻮﻝ ﺍﻟﻔﺮﺡ ﻭﺍﺳﺘﻌﺠﻠﺖ ﻻﻧﻬﺎ ﻛﺎﻧﺖ ﺣﺎﻣﻞ ﻭﻛﺎﻥ ﻻﺯﻡ ﻧﻠﺤﻖ ﻗﺒﻞ ﻣﺎ ﺍﻟﻔﻀﻴﺤﻪ ﺗﺒﺎﻥ .. ﻭﺑﻌﺪﻳﻦ ﻟﻤﺎ ﺟﻴﺖ ﺯﻱ ﻣﺎ ﺑﺘﻘﻮﻝ ﻛﺪﻩ ﻣﺤﺪﺵ ﺷﺎﻓﻚ 










    ﻟﻴﻪ؟؟
    ﺣﺎﺯﻡ : ﺍﻧﺖ ﻛﺪﺍﺏ ... ﺍﻧﻄﻘﻲ ﻗﻮﻟﻲ ﺣﺎﺟﻪ ... ﺍﺣﻨﺎ ﻣﻜﻨﺶ ﺑﻴﻨﺎ ﺍﻟﻌﻼﻗﻪ ﺩﻱ ... ﺍﻧﺎ ﻣﺎﻟﻤﺴﺘﻜﻴﺶ ﻛﺪﻩ
    ﻣﺤﻤﻮﺩ : ﻣﺶ ﺑﻘﻮﻟﻚ ﻧﺪﻝ ؟؟
    ﺣﺎﺯﻡ : ﺷﻮﻕ ﻓﻀﻠﺖ ﻣﺤﺘﻔﻈﻪ ﺑﺸﺮﻓﻬﺎ ﺍﻧﺎ ﻣﺎ ﻟﻤﺴﺘﻬﺎﺵ ﻛﺪﻩ
    ﻣﺤﻤﻮﺩ : ﺍﻩ ﻭﺍﻧﺖ ﻣﺘﺨﻴﻞ ﻻﻧﻚ ﻣﺎ ﻟﻤﺴﺘﺶ ﺷﺮﻓﻬﺎ ﺍﻧﻬﺎ ﻣﺶ ﻫﺘﺤﻤﻞ ؟؟ ﻭﺍﻫﻲ ﺣﻤﻠﺖ ﻫﺘﻔﻀﻞ ﺗﻨﻜﺮ ﻻﻣﺘﻲ
    ﺣﺎﺯﻡ : ﺷﻮﻕ ﺍﺗﻜﻠﻤﻲ ﺍﻧﺘﻲ ﻋﺎﻳﺰ ﺍﺳﻤﻌﻚ ﺍﻧﺘﻲ ﻣﺶ ﺍﻟﺒﻨﻲ ﺍﺩﻡ ﺩﻩ .... ﺭﻫﻒ ﺑﻨﺘﻲ ؟؟؟
    ﺷﻮﻕ : ﺍﻧﺖ ﻟﺴﻪ ﺑﺘﺴﺄﻝ ؟؟ ﻣﺴﺄﻟﺘﺶ ﻧﻔﺴﻚ ﺍﻧﺖ ﻣﺘﻌﻠﻖ ﺑﻴﻬﺎ ﻛﺪﻩ ﻟﻴﻪ ؟؟؟ﻣﺴﺄﻟﺘﺶ ﻧﻔﺴﻚ ﺍﻧﺖ ﺑﺘﺤﺒﻬﺎ ﻛﺪﻩ ﻟﻴﻪ ؟؟ ﺭﻫﻒ ﺣﺘﻪ ﻣﻨﻚ
    ﺣﺎﺯﻡ ﻗﻌﺪ ﻓﻲ ﻣﻜﺎﻧﻪ ﻟﻤﺎ ﺗﺨﻴﻞ ﻛﻞ ﺍﻟﻠﻲ ﻋﻤﻠﻪ ﻓﻲ ﺷﻮﻕ ﻭﺑﻨﺘﻬﺎ .... ﺑﻨﺘﻪ ﺑﺲ ﺭﺍﻓﺾ ﻳﺼﺪﻕ
    ﺣﺎﺯﻡ : ﺍﺳﺘﺤﺎﻟﻪ .... ﻟﻤﺎ ﺍﻧﺘﻲ ﺭﺟﻌﺘﻲ ﺍﻟﺒﻴﺖ ﺍﻣﻲ ﻣﻘﺎﻟﺘﻠﻴﺶ ﻟﻴﻪ ؟؟ﺍﻧﺎ ﻳﺎﻣﺎ ﻛﻠﻤﺘﻬﺎ ﻭﺍﺗﺮﺟﻴﺘﻬﺎ ﺣﺘﻲ ﺗﺮﻭﺣﻠﻚ ﺍﻟﺒﻴﺖ ﻭﺗﻄﻠﺐ ﻣﻨﻚ ﺗﻴﺠﻲ ﺍﻧﺘﻲ ﺣﺘﻲ ﺟﻮﺍﺑﻲ ﻟﻴﻜﻲ ﺍﻟﻠﻲ ﺳﺒﺘﻪ ﻣﻊ ﻣﻨﻴﺮﻩ ﻗﻄﻌﺘﻴﻪ ﻭﺭﻣﻴﺘﻴﻪ
    ﺷﻮﻕ : ﻣﻔﻴﺶ ﺣﺎﺟﻪ ﻭﺻﻠﺘﻨﻲ ﻣﻦ ﻣﻨﻴﺮﻩ ﻭﺍﻧﺎ ﺭﻭﺣﺖ ﻻﻣﻚ ﻛﺘﻴﺮ ﻭﺍﺗﺮﺟﻴﺘﻬﺎ ﺣﺘﻲ ﺗﺨﻠﻴﻨﻲ ﺍﺳﻤﻊ ﺻﻮﺗﻚ ﺑﺲ ﻫﻴﺎ ﺭﻓﻀﺖ ﻭﻛﻞ ﻣﺮﻩ ﺗﻄﺮﺩﻧﻲ ﻭﻓﻲ ﻣﺮﻩ ﺳﻤﻌﺘﻨﻲ ﺻﻮﺗﻚ ﺑﺘﻘﻮﻟﻬﺎ ﺗﺪﻳﻨﻲ ﻗﺮﺷﻴﻦ ﻭﺗﻤﺸﻴﻨﻲ ﻭﺗﻔﻬﻤﻨﻲ ﺣﺪﻭﺩﻱ ﺍﻳﻪ
    ﺣﺎﺯﻡ : ﻣﺤﺼﻠﺶ ﺍﺑﺪﺍ ﺍﻧﺎ ﻛﻨﺖ ﺑﺘﻤﻨﻲ ﺍﺳﻤﻊ ﺻﻮﺗﻚ
    ﺷﻮﻕ : ﺍﻧﺎ ﺳﻤﻌﺘﻚ ﺑﻮﺩﻧﻲ ﺑﺘﻘﻮﻟﻬﺎ ﺍﺭﻣﻲ ﺍﻟﻤﻤﺮﺿﻪ ﺩﻱ ﺑﺮﻩ ﻭﻣﺴﺘﻐﺮﺏ ﻫﻴﺎ ﺍﺯﺍﻱ ﻣﺶ ﻋﺎﺭﻓﻪ ﺗﺘﻌﺎﻣﻞ ﻣﻌﺎﻳﺎ ﻭﻟﻤﺎ ﻗﻮﻟﺘﻠﻬﺎ ﺍﻧﻲ ﺣﺎﻣﻞ ﻛﻠﻤﺘﻚ ﻭﻗﺎﻟﺘﻠﻚ ﺍﻧﻲ ﺣﺎﻣﻞ ﺍﻧﺖ ﺳﺎﻋﺘﻬﺎ ﺍﺗﺠﻨﻨﺖ ﻭﻗﻮﻟﺘﻠﻬﺎ ﺍﻥ ﺍﻧﺎ ﺑﺘﺒﻠﻲ ﻋﻠﻴﻚ ﻭﺍﺭﻭﺡ ﺍﺭﻣﻲ ﺑﻼﻳﺎ ﻋﻠﻲ ﺣﺪ ﺗﺎﻧﻲ ﻭﻃﻠﺒﺖ ﺧﻠﻴﻞ ﻭﻣﻜﺮﻡ ﻳﺮﻣﻮﻧﻲ ﺑﺮﻩ ﻭﻫﺪﺩﺗﻬﻢ ﻟﻮ ﺩﺧﻠﻮﻧﻲ ﺗﺎﻧﻲ ﻫﺘﺮﻓﺪﻫﻢ ﻫﻤﺎ ﻭﻣﻨﻴﺮﻩ ﺩﻱ ﻣﻌﻄﺘﻨﻴﺶ ﺍﻱ ﺣﺎﺟﻪ ﻭﻣﻮﺻﻠﻨﻴﺶ ﻣﻨﻚ ﺍﻱ ﺟﻮﺍﺏ ﺍﺑﺪﺍ ﻭﻻ ﻛﻨﺖ ﻫﺮﺑﺖ ﻭﺍﺳﺘﻨﻴﺘﻚ ﺗﺮﺟﻊ
    ﺣﺎﺯﻡ ﺍﻓﺘﻜﺮ ﺍﻣﻪ ﻟﻤﺎ ﻗﺎﻟﺘﻠﻪ ﺍﻥ ﻧﺠﻮﻱ ﻣﻀﻴﻘﺎﻫﺎ ﻭﺍﻓﺘﻜﺮ ﺍﻟﻜﻼﻡ ﺍﻟﻠﻲ ﻗﺎﻟﻬﻮﻟﻬﺎ
    ﺣﺎﺯﻡ : ﺍﻧﺘﻲ ﺑﺘﻘﻮﻟﻲ ﺍﻳﻪ ؟ ﺍﻟﻜﻼﻡ ﺩﻩ ﺍﻩ ﺣﺼﻞ ﻓﻌﻼ ﺑﺲ ﺍﻟﻜﻼﻡ ﺩﻩ ﻛﻨﺖ ﺑﻮﺟﻬﻪ ﻟﻨﺠﻮﻱ ﺍﻟﻤﻤﺮﺿﻪ ﻣﺶ ﻟﻴﻜﻲ ﺍﺑﺪﺍ ... ﺍﻣﻲ ﻗﺎﻟﺘﻠﻲ ﺍﻥ ﻧﺠﻮﻱ ﻣﻀﻴﻘﺎﻫﺎ ﻭﺍﻧﺎ ﺟﺮﺑﺘﻬﺎ ﻭﺑﺎﻟﺘﺎﻟﻲ ﻛﻨﺖ ﻋﺎﻳﺰ ﺍﻃﻔﺸﻬﺎ ﻋﻠﺸﺎﻥ ﻣﺘﻀﺎﻳﻘﺶ ﺍﻣﻲ
    ﺷﻮﻕ : ﺍﻧﺎ ﻛﻨﺖ ﺍﻟﻤﻤﺮﺿﻪ ﺍﻟﻠﻲ ﺍﻧﺖ ﻛﻠﻤﺘﻬﺎ
    ﺣﺎﺯﻡ : ﻻ ﻻ ﺍﻧﺎ ﻣﺶ ﻣﺼﺪﻕ
    ﺷﻮﻕ : ﻃﻴﺐ ﻣﺎ ﺣﻨﺘﺶ ﺍﺑﺪﺍ ؟؟ ﻣﺮﺟﻌﺘﺶ ﺗﺎﻧﻲ ﻟﻴﻪ ﻛﻨﺖ ﻋﺮﻓﺖ ﺍﻧﻲ ﺍﺗﻄﻠﻘﺖ
    ﺣﺎﺯﻡ : ﺣﻨﻴﺖ ﻭﺭﺟﻌﺖ ﺑﺲ ﺳﺎﻋﺘﻬﺎ ﻟﻘﻴﺘﻚ ﺷﺎﻳﻠﻪ ﺑﻴﺒﻲ ﻓﻤﺤﺒﺘﺶ ﺍﺗﺪﺧﻞ ﻓﻲ ﺣﻴﺎﺗﻚ ﺗﺎﻧﻲ ﻭﺑﻌﺪﺕ ﺗﻤﺎﻣﺎ ﻋﻠﺸﺎﻥ ﺍﻋﺮﻑ ﺍﻋﺎﻟﺞ ﻧﻔﺴﻲ ﻣﻦ ﻭﺟﻌﻲ ﻣﻨﻚ ،، ﻛﻨﺖ ﻣﻘﻬﻮﺭ ﻭﻣﻮﺟﻮﻉ ﻣﻨﻚ ﻗﻮﻱ
    ﺷﻮﻕ : ﻛﻨﺖ ﺷﺎﻳﻠﻪ ﺑﻨﺘﻚ ﻭﻣﻘﻬﻮﺭﻩ ﻣﻨﻚ ﻗﻮﻱ
    ﺣﺎﺯﻡ : ﺍﺯﺍﻱ ﻛﻞ ﺩﻩ ﺣﺼﻞ ؟؟ ﺍﺯﺍﻱ ﺍﻣﻲ ﺗﻌﻤﻞ ﻛﺪﻩ ؟؟ ﻻ ﺍﻣﻲ ﻣﺎ ﺗﻌﻤﻠﺶ ﻛﺪﻩ ﺍﺑﺪﺍ
    ﻻ ﺑﺲ ﻣﻦ ﺟﻮﺍﻩ ﻋﺎﺭﻑ ﺍﻥ ﺍﻣﻪ ﺗﻌﻤﻞ ﺍﻛﺘﺮ ﻣﻦ ﻛﺪﻩ
    ﺷﻮﻕ : ﻃﻴﺐ ﺍﺳﺄﻝ ﺧﻠﻴﻞ ﻫﻮ ﺍﻛﺘﺮ ﻭﺍﺣﺪﻭﻗﻒ ﺟﻨﺒﻲ
    ﺍﻓﺘﻜﺮ ﺧﻠﻴﻞ ﻭﺍﻧﻪ ﺇﺧﺘﻔﻲ ﻭﺍﻧﻪ ﻣﺴﺄﻟﺶ ﻋﻠﻴﻪ ﺍﺑﺪﺍ
    ﺣﺎﺯﻡ : ﺧﻠﻴﻞ ﺳﺎﺏ ﺍﻟﺒﻴﺖ ﻭﺳﺎﻓﺮ ﺑﻠﺪﻩ ﻣﻦ ﺑﺪﺭﻱ
    ﺷﻮﻕ : ﻭﺍﻧﺖ ﻣﺎ ﺳﺄﻟﺘﺶ ﻋﻠﻴﻪ ؟؟ ﺭﻭﺡ ﻳﺎ ﺣﺎﺯﻡ ﺍﺗﺄﻛﺪ ﻣﻦ ﺧﺪﻣﻚ ﻭﻫﻤﺎ ﻛﻠﻬﻢ ﻳﻘﻮﻟﻮﻟﻚ ... ﻛﺎﻡ ﻣﺮﻩ ﺟﻴﺖ ﺑﻴﺘﻜﻢ ﺍﺗﺮﺟﻲ ﺍﻧﻚ ﺑﺲ ﻛﻠﻤﻪ ﻟﻴﻚ ﻭﻛﺎﻡ ﻣﺮﻩ ﺭﻣﺘﻨﻲ ﺑﺮﻩ ... ﺍﻧﺎ ﻛﻨﺖ ﺣﺎﻣﻞ ﻭﻣﻌﺮﻓﺘﺶ ﺍﻋﻤﻞ ﺍﻳﻪ ﻭﻻ ﺍﺭﻭﺡ ﻓﻴﻦ ﻭﻛﻨﺖ ﻋﺎﻳﺰﻩ ﺍﻣﻮﺕ ﻧﻔﺴﻲ ﺍﻭﻻ ﻣﺤﻤﻮﺩ ﻟﺤﻘﻨﻲ ﻭﺳﺎﻋﺪﻧﻲ ﻭﺍﺗﺨﻠﻲ ﻋﻦ ﺣﺒﻴﺒﺘﻪ ﺍﻟﻠﻲ ﻗﺪﺍﻣﻚ ﺩﻱ ﻋﻠﺸﺎﻥ ﻳﺘﺠﻮﺯﻧﻲ ﻭﺣﺒﻴﺒﺘﻪ ﺍﻧﻬﺎﺭﺕ ﻟﻤﺎ ﻫﻮ ﺳﺎﺑﻬﺎ ﻣﻦ ﻏﻴﺮ ﺳﺒﺐ ﻻﻧﻪ ﻣﺤﺒﺶ ﻳﻔﻀﺤﻨﻲ ﻭﺍﺗﺠﻮﺯﻧﻲ ﻭﻳﻮﻡ ﺍﻟﻔﺮﺡ ﺍﻟﻠﻲ ﺍﻧﺖ ﺑﺘﺘﻜﻠﻢ ﻋﻨﻪ ﻛﺎﻥ ﺍﺳﻮﺃ ﻳﻮﻡ ﻓﻲ ﻋﻤﺮﻧﺎ ﻛﻠﻨﺎ .. ﺍﻧﺎ ﺍﻟﻠﻲ ﻣﻮﺟﻮﻋﻪ ﻣﻨﻚ ﻭﻫﻮ ﺍﻟﻠﻲ ﺳﺎﺏ ﺣﺒﻴﺒﺘﻪ ﻭﺣﺒﻴﺒﺘﻪ ﺍﻟﻠﻲ ﺟﺎﻟﻬﺎ ﺍﻧﻬﻴﺎﺭ ﻋﺼﺒﻲ ﺍﻥ ﺣﺒﻴﺒﻬﺎ ﺳﺎﺑﻬﺎ ﻭﺍﺗﺠﻮﺯ ﻣﻦ ﻏﻴﺮ ﺳﺒﺐ ، .. ﻭﺑﻌﺪﻫﺎ ﺭﻭﺣﺘﻠﻚ ﺗﺎﻧﻲ ﺑﻴﺘﻚ ﻭﺳﺄﻟﺖ ﻋﻨﻚ ﻳﻤﻜﻦ ... ﻟﻘﻴﺘﻚ ﺳﺎﻓﺮﺕ ﺑﻌﺪ ﻣﺎ ﻗﻌﺪﺕ ﺍﺳﺒﻮﻋﻴﻦ ... ﺍﺳﺒﻮﻋﻴﻦ ﺑﺤﺎﻟﻬﻢ ﻣﺎ ﺳﺄﻟﺘﺶ ﻋﻠﻴﺎ ﻣﺮﻩ ﻓﺜﺪﻗﺖ ﺍﻧﻚ ﻓﻌﻼ ﻧﺴﻴﺘﻨﻲ
    ﺣﺎﺯﻡ : ﻛﻨﺖ ﺭﺍﺟﻊ ﻭﺍﻗﻒ ﻋﻠﻲ ﺭﺟﻠﻴﺎ ﻭﺑﻌﺪ ﻣﺎ ﺷﻔﺘﻚ ﺭﺟﻌﺖ ﻣﺸﻠﻮﻝ ﺗﺎﻧﻲ ﻭﺭﺟﻠﻴﺎ ﻣﻘﺪﺭﺗﺶ ﺗﺸﻴﻠﻨﻲ ﺗﺎﻧﻲ ﻭﻋﻠﺸﺎﻥ ﻛﺪﻩ ﺳﺎﻓﺮﺕ ﺗﺎﻧﻲ
    ﺷﻮﻕ : ﻓﻀﻠﺖ ﻛﺘﻴﺮ ﻣﺴﺘﻨﻴﺎﻙ ﺗﺮﺟﻊ ﻭﺧﺼﻮﺻﺎ ﺑﻌﺪ ﻣﺎ ﻭﻟﺪﺕ ﺭﻭﺣﺘﻠﻚ ﺗﺎﻧﻲ ... ﺩﺧﻠﺖ ﻻﻣﻚ ﺑﺒﻨﺘﻲ ﻳﻤﻜﻦ ﺗﺤﻦ ﺑﺲ ﻃﺮﺩﺗﻨﻲ ﻭﻗﺎﻟﺘﻠﻲ ﺍﻧﻚ ﺭﺟﻌﺖ ﻭﻓﻀﻠﺖ ﻛﺘﻴﺮ ﻭﺳﺎﻓﺮﺕ ﺗﺎﻧﻲ ﺑﺲ ﻣﺶ ﻧﺎﻭﻱ ﺗﺮﺟﻊ ﺍﺑﺪﺍ
    ﺣﺎﺯﻡ : ﻟﻤﺎ ﻟﻘﻴﺘﻚ ﻓﻲ ﺣﻀﻦ ﺟﻮﺯﻙ ﻭﺷﺎﻳﻠﻪ ﺑﻴﺒﻲ ﻓﻲ ﺍﻳﺪﻙ ﻋﺮﻓﺖ ﺍﻧﻲ ﺧﺴﺮﺗﻚ ﺗﻤﺎﻣﺎ ﻓﻘﺮﺭﺕ ﺍﻧﻲ ﺍﺳﺎﻓﺮ ﻭﻣﺎ ﺍﺭﺟﻌﺶ ﺗﺎﻧﻲ ﻭﺩﻩ ﺍﻟﻠﻲ ﺣﺼﻞ ﺳﺎﻓﺮﺕ ﻭﺭﺟﻌﺖ ﺳﺎﻋﻪ ﻣﺎ ﺷﻔﺘﻨﻲ ﻓﻲ ﺍﻟﻜﺎﻓﻴﻪ ﻭﺍﻭﻝ ﺣﺎﺟﻪ ﻋﻤﻠﺘﻬﺎ ﺟﻴﺖ ﺍﺷﻮﻓﻚ .... ﺍﺍﺍﺍﻩ ﺍﻧﺘﻲ ﻣﺎ ﺗﺘﺨﻴﻠﻴﺶ ﻋﻤﻠﺖ ﺍﻳﻪ ؟؟
    ﺷﻮﻕ : ﻭﺍﻧﺖ ﻣﺎ ﺗﺘﺨﻴﻠﺶ ﺟﺮﺍﻟﻲ ﺍﻳﻪ ؟؟ ﻭﺧﺼﻮﺻﺎ ﻟﻤﺎ ﺍﻟﻜﻞ ﻋﺮﻑ ﺍﻥ ﺭﻫﻒ ﻣﺶ ﺑﻨﺖ ﻣﺤﻤﻮﺩﻭﻃﺮﺩ ﺍﺑﻮﻳﺎ ﻟﻴﺎ ﻭﺗﺒﺮﻳﻪ ﻣﻨﻲ .... ﺍﻟﻌﻴﻠﻪ ﻛﻠﻬﺎ ﺍﺗﺒﺮﺕ ﻣﻨﻲ ... ﻭﺍﺳﺘﻨﻴﺘﻚ ﻋﻠﻲ ﺍﻣﻞ ﺗﺮﺟﻊ ﺗﺎﻧﻲ ﻭﺭﺟﻌﺖ ﺑﺲ ﺭﺟﻌﺖ ﺑﺤﺐ ﺟﺪﻳﺪ ﻭﺍﺩﻳﻚ ﺍﻫﻮﻩ ﺍﺗﺠﻮﺯﺕ
    ﺣﺎﺯﻡ : ﺍﻧﺎ ﻣﺶ ﻣﺼﺪﻕ ﺍﻱ ﺣﺎﺟﻪ ... ﺍﻧﺘﻲ ﺑﺘﻘﻮﻟﻴﻠﻲ ﺍﻥ ﺍﻟﺴﺒﻊ ﺳﻨﻴﻦ ﺍﻟﻠﻲ ﻓﺎﺗﻮﺍ ﺩﻭﻝ ﺍﻧﺎ ﻋﺸﺖ ﻛﺪﺑﻪ ﻛﺒﻴﻴﻴﺮﻩ ﻗﻮﻱ ... ﺍﻧﺘﻲ ﻣﺘﺨﻴﻠﻪ ﺍﻧﺘﻲ ﺑﺘﻘﻮﻟﻲ ﺍﻳﻪ ؟؟؟ ﻭﺍﻥ ﺍﻟﺮﺍﺟﻞ ﺩﻩ ﺑﻄﻞ ﻭﺿﺤﻲ ﺑﺤﺒﻪ ﻣﺶ ﺍﺧﺪ ﻣﻨﻲ ﺣﺒﻴﺒﺘﻲ ﻭﻛﻞ ﺩﻩ ﺑﺴﺒﺐ ﺍﻣﻲ ... ﻭﺍﻥ ﺍﻟﺒﻨﺖ ﺍﻟﻠﻲ ﺟﻮﻩ ﺩﻱ ﺑﻨﺘﻲ ... ﺍﻧﺘﻲ ﻋﺎﺭﻓﻪ ﺍﻧﺎ ﻋﻤﻠﺖ ﺍﻳﻪ ؟؟ ﻋﺎﺭﻓﻪ ﺍﻧﺎ ﻋﻤﻠﺖ ﻓﻴﻜﻲ ﺍﻳﻪ ؟؟؟ ﺍﻧﺎ ﻛﻨﺖ ﺑﻜﺮﻫﻚ ﻗﻮﻱ ﻭﻛﻨﺖ ﻋﺎﻳﺰ ﺍﻭﺟﻌﻚ ﺯﻱ ﻣﺎ ﻭﺟﻌﺘﻴﻨﻲ ... ﺍﻧﺎ ﻳﺎ ﺷﻮﻕ ﺍﻟﻠﻲ ﻛﻨﺖ ﻭﺭﻱ ﻃﺮﺩﻙ ﻣﻨﻮﻛﻞ ﺷﻐﻠﺘﻨﻪ ﺍﺷﺘﻐﻠﺘﻴﻬﺎ !!! ﺍﻧﺎ ﺍﻟﻠﻲ ﺟﻮﻋﺘﻚ ﺍﻧﺘﻲ ﻭﺑﻨﺘﻚ ،،، ﺍﻧﺎ ﺍﻟﻠﻲ ﻋﻤﻠﺖ ﻓﻴﻜﻲ ﻛﻞ ﺩﻩ .... ﺳﺎﻣﺤﻴﻨﻲ ﺍﻧﺎ ﺍﺳﻒ ﺍﻧﺎ ﻻﺯﻡ ﺍﻣﺸﻲ
    ﻳﺪﻭﺏ ﻗﺎﻡ ﻭﻣﺸﻲ ﺧﻄﻮﺗﻴﻦ ﺳﻤﻊ
    ﺭﻫﻒ : ﺑﺎﺑﺎ ...... ﻣﻔﺎﺗﻴﺤﻚ
    ﺍﻟﻜﻞ ﺑﺺ ﻟﺮﻫﻒ ﺍﻟﻠﻲ ﻭﺍﻗﻔﻪ ﻓﻲ ﺍﻟﻤﺪﺧﻞ ﻭﺳﺎﻣﻌﻪ ﻛﻞ ﺣﺮﻑ ﺍﺗﻘﺎﻝ ﻭﺍﻟﻜﻞ ﻭﺍﻗﻒ ﻣﺘﺠﻤﺪ ﻭﻣﺤﺪﺵ ﻋﺎﺭﻑ ﻳﺘﻜﻠﻢ
    ﺭﻫﻒ : ﻋﻠﺸﺎﻥ ﻣﺎ ﺗﻨﺰﻟﺶ ﻭﺗﻄﻠﻊ ﺗﺎﻧﻲ ﻭﺗﺘﻌﺐ
    ﺣﺎﺯﻡ ﻗﺮﺏ ﻣﻨﻬﺎ ﻭﻗﻌﺪ ﻗﺼﺎﺩﻫﺎ ﻣﺶ ﻋﺎﺭﻑ ﻳﻌﻤﻞ ﺍﻳﻪ ؟؟ ﺑﻴﻔﺘﻜﺮ ﻛﻞ ﻛﻠﻤﻪ ﻗﺎﻟﺘﻬﺎ ﻭﺧﺼﻮﺻﺎ ﺍﻣﺎ ﻗﺎﻟﺘﻠﻪ ﺍﻥ ﺍﺑﻮﻫﺎ ﻣﻴﺖ !!! ﺍﻓﺘﻜﺮ ﺧﻮﻓﻬﺎ ... ﺍﻓﺘﻜﺮ ﻣﻨﻈﺮﻫﺎ ﺑﻬﺪﻭﻣﻬﺎ ﺍﻟﻤﺘﺒﻬﺪﻟﻪ ... ﺍﻓﺘﻜﺮ ﻟﻤﺎ ﻛﺎﻧﺖ ﺑﺘﺸﺪ ﺍﻣﻬﺎ ﻋﻠﺸﺎﻥ ﺟﻌﺎﻧﻪ ﻭﺍﻣﻬﺎ ﻣﻌﻬﺎﺵ ﻓﻠﻮﺱ ﺗﺄﻛﻠﻬﺎ ﻭﻫﻮ ﻛﺎﻥ ﺍﻟﺴﺒﺐ ... ﺍﻓﺘﻜﺮ ﻋﺬﺍﺑﻪ ﻃﻮﻝ ﺍﻟﺴﻨﻴﻦ ﺍﻟﻠﻲ ﻓﺎﺗﺖ ﺩﻱ ....
    ﺭﻫﻒ : ﺍﻧﺖ ﺯﻋﻼﻥ ﻋﻠﺸﺎﻥ ﺍﻧﺎ ﺑﻨﺘﻚ ؟؟؟ ﺑﺲ ﺍﻧﺎ ﻣﺶ ﺯﻋﻼﻧﻪ ... ﻛﻨﺖ ﺯﻋﻼﻧﻪ ﺍﻥ ﻣﺤﻤﻮﺩ ﺑﺎﺑﺎﻳﺎ ﻻﻧﻪ ﺑﻴﺤﺐ ﻋﻴﺎﻟﻪ ﺑﺲ ﺍﻩ ﺑﻴﺤﺒﻨﻲ ﺑﺲ ﻣﺶ ﺯﻳﻬﻢ ﻟﻜﻦ ﻃﻮﻝ ﻣﺎ ﻫﻮ ﻣﺶ ﺍﺑﻮﻳﺎ ﻓﻤﺶ ﻫﺰﻋﻞ .. ﺍﻧﺎ ﺑﺤﺒﻚ ﺍﻧﺖ ﻭﺍﻧﺖ ﺑﺘﺤﺒﻨﻲ ﻭﺩﻱ ﺣﺎﺟﻪ ﺣﻠﻮﻩ ﻭﻻ ﺍﻧﺖ ﺯﻋﻼﻥ ،؟؟
    ﺣﺎﺯﻡ : ﻫﻮ ﺍﻧﺘﻲ ﻛﺒﻴﺮﻩ ﻛﺪﻩ ﻟﻴﻪ ﻭﻛﻼﻣﻚ ﻛﺒﻴﺮ ﻗﻮﻱ .... ﺑﺼﻲ ﺍﻧﺎ ﻭﺭﺍﻳﺎ ﻣﺸﻮﺍﺭ ﻣﻬﻢ ﺑﺲ ﻫﺮﺟﻊ ﻭﻫﻨﺘﻜﻠﻢ ﺍﺗﻔﻘﻨﺎ ؟؟
    ﺷﺎﻭﺭﺕ ﺑﺪﻣﺎﻏﻬﺎ ﻭﻫﻮ ﺑﺎﺳﻬﺎ ﻭﺧﺮﺝ ﻭﺍﻟﺪﻧﻴﺎ ﻛﻠﻬﺎ ﺑﺘﻠﻒ ﺑﻴﻪ
    ﻛﻞ ﻟﺤﻈﻪ ﻭﺟﻊ ﻭﺃﻟﻢ ﺳﺒﺒﻬﺎ ﻟﺸﻮﻕ ﺣﺴﻬﺎ ﺩﻟﻮﻗﺘﻲ ...
    ﻓﻀﻞ ﻛﺘﻴﺮ ﻣﺶ ﻋﺎﺭﻑ ﻳﺮﻭﺡ ﻓﻴﻦ ﻭﻻ ﻳﻌﻤﻞ ﺍﻳﻪ ﻓﻀﻞ ﺳﺎﻳﻖ ﻋﺮﺑﻴﺘﻪ ﻛﺘﻴﻴﻴﻴﺮ ﻗﻮﻱ ﻟﺤﺪ ﻣﺎ ﻟﻘﻲ ﻧﻔﺴﻪ ﺑﺎﻟﻠﻴﻞ ﻓﻲ ﺍﻟﺒﻠﺪ ﻋﻨﺪ ﻋﻢ ﻋﺒﺪ ﺍﻟﻤﻨﻌﻢ ﺍﻟﻠﻲ ﺍﻭﻝ ﻣﺎ ﻟﻤﺢ ﺍﻟﻌﺮﺑﻴﻪ ﺟﺮﻱ ﻋﻠﻴﻪ ﻭﻟﻘﺎﻩ ﻓﻲ ﺍﻟﻌﺮﺑﻴﻪ ﻭﻛﺄﻧﻪ ﻣﻐﻴﺐ ﻓﺨﺮﺟﻪ ﻭﺳﻨﺪﻩ ﺍﺣﺪ ﻣﺎ ﺩﺧﻠﻪ ﺍﻭﺿﺘﻪ ﻭﻃﻠﺐ ﻣﻨﻪ ﻳﻨﺎﻡ ﻭﺍﻟﻐﺮﻳﺒﻪ ﺍﻧﻪ ﻏﻤﺾ ﻋﻨﻴﻪ ﻭﻧﺎﻡ ﺑﺲ ﻛﻮﺍﺑﻴﺲ ﺑﺘﻬﺎﺟﻤﻪ ﻃﻮﻝ ﺍﻟﻠﻴﻞ ﺑﻴﺤﻠﻢ ﺑﺸﻮﻕ ﻭﺑﺮﻫﻒ ﻭﺑﻴﺘﺨﻴﻞ ﻧﻔﺴﻪ ﺷﻴﻄﺎﻥ ﺑﻴﻌﺬﺑﻬﻢ
    ﺍﺧﻴﺮﺍ ﺍﻟﻨﻬﺎﺭ ﻃﻠﻊ ﻭﻫﻮ ﻧﺰﻝ ﻟﻘﻲ ﻋﺒﺪﺍﻟﻤﻨﻌﻢ ﻣﺠﻬﺰ ﻓﻄﺎﺭ ﻭﻗﻌﺪﻭﺍ ﻣﻊ ﺑﻌﺾ ﺑﺼﻤﺖ
    ﻋﺒﺪ ﺍﻟﻤﻨﻌﻢ : ﺍﻳﻪ ﺍﻟﻠﻲ ﺣﺼﻞ ﻣﺎﻟﻚ ؟؟ ﺍﻧﺖ ﺗﺎﻳﻪ ﻟﻴﻪ ؟
    ﺣﺎﺯﻡ : ﺭﻫﻒ ﺗﺒﻘﻲ ﺑﻨﺘﻲ ......
    ﻋﺒﺪ ﺍﻟﻤﻨﻌﻢ ﻓﻀﻞ ﻛﺘﻴﺮ ﺳﺎﻛﺖ ﻭﻣﺎ ﺭﺩﺵ
    ﺣﺎﺯﻡ : ﺍﻧﺖ ﻣﺎ ﺍﺗﻔﺎﺟﺌﺘﺶ ؟؟؟ ﻟﻴﻪ ﻣﺎ ﺍﺗﻔﺎﺟﺌﺘﺶ ؟؟؟
    ﻋﺒﺪ ﺍﻟﻤﻨﻌﻢ : ﻻﻧﻲ ﻛﻨﺖ ﺷﺎﻛﻚ
    ﺣﺎﺯﻡ : ﺷﺎﻛﻚ ﺍﺯﺍﻱ ﻭﺍﻳﻪ ﺍﻟﻠﻲ ﺧﻼﻙ ﺗﺸﻚ ؟ ﻭﻟﻤﺎ ﺷﻜﻴﺖ ﻣﺎ ﻗﻮﻟﺘﻠﻴﺶ ﻟﻴﻪ ؟؟؟
    ﻋﺒﺪ ﺍﻟﻤﻨﻌﻢ : ﻋﺮﻓﺖ ﺍﻟﺤﻘﻴﻘﻪ ﻣﻦ ﻓﺘﺮﻩ ﻭﺟﻴﺘﻠﻚ ﻋﻠﺸﺎﻥ ﺍﻗﻮﻟﻚ ﺑﺲ ﻟﻼﺳﻒ
    ﺣﺎﺯﻡ : ﻛﺎﻥ ﻳﻮﻡ ﺧﻄﻮﺑﺘﻲ ﺻﺢ ؟؟ ﻭﻋﻠﺸﺎﻥ ﻛﺪﻩ ﻛﻨﺖ ﺑﺘﻬﺎﺟﻢ ﺷﺎﻫﻨﺪﺍ ؟؟ ﻃﻴﺐ ﻟﻴﻪ ﻣﺎ ﻗﻮﻟﺘﻠﻴﺶ ؟؟ ﻟﻴﻪ ﺧﺒﻴﺖ ؟؟
    ﻋﺒﺪﺍﻟﻤﻨﻌﻢ : ﺍﻧﺖ ﺑﺘﺴﺄﻝ ﻟﻴﻪ ﺑﺠﺪ ؟؟ ﻫﻮ ﻣﺶ ﺍﻧﺎ ﺟﻴﺖ ﺍﻓﺘﺢ ﺳﻴﺮﻩ ﺷﻮﻕ ﺍﻧﺖ ﺍﺗﺠﻨﻨﺖ ﻭﻻ ﻧﺴﻴﺖ ؟؟؟ ﺍﻧﺖ ﺳﻤﻴﺘﻨﻲ ﻫﺎﺩﻡ ﺍﻟﻠﺬﺍﺕ ... ﻛﻨﺖ ﻋﺎﻳﺰﻧﻲ ﺑﻌﺪ ﺳﺒﻊ ﺳﻨﻴﻦ ﺑﺮﺍﻗﺒﻚ ﺑﺘﺘﻌﺬﺏ ﻭﺗﺘﻮﺟﻊ ﻭﺍﻭﻝ ﻣﺮﻩ ﺍﺷﻮﻓﻚ ﺑﺘﻀﺤﻚ ﻭﻣﺒﺴﻮﻁ ﺍﻓﺘﺢ ﻛﻞ ﺟﺮﻭﺣﻚ ﺗﺎﻧﻲ ؟؟ ﻭﺑﻌﺪﻳﻦ ﻛﺎﻥ ﺷﻚ ﻓﺨﻔﺖ ﻳﻄﻠﻊ ﺳﺮﺍﺏ ﻭﻳﺒﻘﻲ ﻛﻞ ﺍﻟﻠﻲ ﻋﻤﻠﺘﻪ ﺍﻧﻲ ﺻﺤﻴﺖ ﺟﺮﻭﺡ ﻗﺪﻳﻤﻪ ﻭﺧﻼﺹ ... ﻣﻜﻨﺶ ﻳﻨﻔﻊ ﺍﻗﻮﻟﻚ ... ﻛﺎﻥ ﻻﺯﻡ ﺍﻧﺖ ﻳﺎ ﺣﺎﺯﻡ ﻃﺎﻟﻤﺎ ﺭﺟﻌﺖ ﻭﻗﺎﺑﻠﺘﻬﺎ ﻛﺎﻥ ﻻﺯﻡ ﺗﺴﺄﻟﻬﺎ ﻟﻴﻪ ﺳﺎﺑﺘﻚ ؟؟ ﻟﻴﻪ ﺧﺎﻧﺘﻚ ؟؟ﻟﻴﻪ ﺑﺎﻋﺘﻚ ؟؟؟
    ﺣﺎﺯﻡ : ﻛﻨﺖ ﻋﺎﻳﺰﻧﻲ ﺍﺳﺄﻟﻬﺎ ؟؟؟ ﺍﻗﻮﻟﻬﺎ ﺍﻧﺖ ﻟﻴﻪ ﻓﻀﻠﺘﻲ ﺍﺑﻦ ﻋﻤﻚ ﻋﻠﻴﺎ ﻭﺍﻧﺎ ﻣﺸﻠﻮﻝ ﻭﻋﺎﺟﺰ ؟؟ ﻛﻨﺖ ﻋﺎﻳﺰﻧﻲ ﺍﻗﻮﻟﻬﺎ ﻟﻴﻪ ﻓﻀﻠﺘﻲ ﺍﻟﻔﻠﻮﺱ ﻋﻨﻲ ؟؟ ﻛﻨﺖ ﻋﺎﻳﺰﻧﻲ ﺍﻗﻮﻟﻬﺎ ﺍﻳﻪ ؟؟؟ ﻣﺘﺨﻴﻠﺘﺶ ﺍﺑﺪﺍ ﺍﻥ ﺍﻟﺮﻭﺍﻳﻪ ﻟﻜﻮﻥ ﻟﻴﻬﺎ ﺟﺎﻧﺐ ﺗﺎﻧﻲ ﺟﺎﻧﺐ ﻣﻮﺟﻊ ﻗﻮﻱ ... ﺑﺲ ﺍﻧﺖ ﻋﺮﻓﺖ ﻣﻨﻴﻦ؟؟
    ﻋﺒﺪ ﺍﻟﻤﻨﻌﻢ : ﻗﺎﺑﻠﺖ ﺧﻠﻴﻞ ﺻﺪﻓﻪ ﻭﻫﻮ ﺍﻟﻠﻲ ﻗﺎﻟﻲ











    ﺣﺎﺯﻡ : ﻭﺧﻠﻴﻞ ﻣﺎ ﻗﺎﻟﻴﺶ ﻟﻴﻪ ؟؟ﻟﻴﻪ ﻫﻮ ﻛﻤﺎﻥ ﺍﺗﺨﻠﻲ ﻋﻨﻲ ﻭﺑﻌﺪ ﻭﻣﺸﻲ ؟؟
    ﻋﺒﺪﺍﻟﻤﻨﻌﻢ : ﻫﻮ ﻛﻤﺎﻥ ﻧﺎﺑﻪ ﻣﻦ ﺍﻟﺤﺐ ﺟﺎﻧﺐ
    ﺣﺎﺭﻡ : ﻗﺼﺪﻙ ﺍﻳﻪ ؟؟
    ﻋﺒﺪﺍﻟﻤﻨﻌﻢ : ﻗﺼﺪﻱ ﺍﻥ ﻭﺍﻟﺪﺗﻚ ﻋﺮﻓﺖ ﺍﻧﻪ ﺍﺳﺘﺤﺎﻟﻪ ﻳﺨﺒﻲ ﻋﻨﻚ ﻭﺍﻭﻝ ﻣﺎ ﻫﻴﺸﻮﻓﻚ ﻫﻴﻘﻮﻟﻚ ﻭﻣﺶ ﻫﻴﻨﻔﻊ ﺗﺸﺘﺮﻳﻪ ﺍﻭ ﺗﻄﺮﺩﻩ ﻻﻧﻪ ﺑﺮﺿﻪ ﻫﻴﻮﺻﻠﻚ ﻓﺎﺗﺨﻠﺼﺖ ﻣﻨﻪ ﺧﺎﻟﺺ
    ﺣﺎﺯﻡ : ﻋﻤﻠﺘﻠﻪ ﺍﻳﻪ ؟؟ ﺍﻭﻋﻲ ﻳﻜﻮﻥ ﺟﺮﺍﻟﻪ ﺣﺎﺟﻪ ؟؟
    ﻋﺒﺪ ﺍﻟﻤﻨﻌﻢ : ﺍﺗﻬﻤﺘﻪ ﺑﺎﻟﺴﺮﻗﻪ ﻭﺍﺗﻘﺒﺾ ﻋﻠﻴﻪ ﻭﺍﺗﺤﺒﺲ ﺗﻘﺮﻳﺒﺎ ﺳﻨﻪ ﻟﺤﺪ ﻣﺎ ﺍﺗﻄﻤﻨﺖ ﺍﻧﻚ ﻣﺶ ﻫﺘﺮﺟﻊ ﻑ ﺍﺗﻨﺎﺯﻟﺖ ﻭﺧﺮﺟﺘﻪ
    ﺣﺎﺯﻡ ﺑﺼﺪﻣﻪ : ﻫﻮ ﻟﻠﺪﺟﻪ ﺩﻱ ﺍﻧﺎ ﺍﻋﻤﻲ ﻭﻻ ﻏﺒﻲ ﻭﻻ ﻗﻠﻴﻞ ﺍﻻﺻﻞ .. ﺍﻧﺎ ﺍﺗﺸﻐﻠﺖ ﺑﻨﻔﺴﻲ ﻟﺪﺭﺟﻪ ﺍﻧﻲ ﻋﻤﺮﻱ ﻣﺎﺯﻓﻜﺮﺕ ﺍﺳﺄﻝ ﻋﻠﻴﻪ ﻣﻊ ﺍﻧﻲ ﺑﻌﺘﺒﺮﻩ ﺯﻱ ﺟﺪﻱ .. ﻫﻮ ﺍﻧﺎ ﻭﺣﺶ ﻳﺎ ﻋﺒﺪﻭ ؟؟
    ﻋﺒﺪ ﺍﻟﻤﻨﻌﻢ : ﻻ ﻳﺎ ﺍﺑﻨﻲ ﺍﻧﺖ ﻣﺶ ﻭﺣﺶ ﺑﺲ ﺍﻟﻈﺮﻭﻑ ﻫﻴﺎ ﺍﻟﻠﻲ ﻭﺣﺸﻪ
    ﺣﺎﺯﻡ ﻗﺎﻡ ﻣﻦ ﻣﻜﺎﻧﻪ ﻭﺧﺎﺭﺝ
    ﻋﺒﺪ ﺍﻟﻤﻨﻌﻢ : ﺍﻧﺖ ﺭﺍﻳﺢ ﻓﻴﻦ ؟؟
    ﺣﺎﺯﻡ : ﺭﺍﻳﺢ ﻟﻌﻢ ﺧﻠﻴﻞ
    ﻋﺒﺪ ﺍﻟﻤﻨﻌﻢ ﺭﺍﺡ ﻣﻌﺎﻩ ﻭﻭﺻﻠﻪ ﻟﺤﺪ ﺑﻴﺘﻪ ﻭﻫﻨﺎﻙ ﻧﺰﻝ ﻗﺎﺑﻞ ﺍﻟﺮﺍﺟﻞ ﺍﻟﻄﻴﺐ ﺍﻟﻠﻲ ﺍﺳﺘﻘﺒﻠﻪ ﺍﺣﺴﻦ ﺍﺳﺘﻘﺒﺎﻝ ﻭﻛﺄﻧﻪ ﺣﻔﻴﺪﻩ ﺍﻟﻠﻲ ﻏﺎﻳﺐ
    ﺣﺎﺯﻡ : ﺳﺎﻣﺤﻨﻲ ﻳﺎ ﻋﻢ ﺧﻠﻴﻞ ﺍﻧﻲ ﺍﺗﺸﻐﻠﺖ ﻋﻨﻚ ﺍﻟﻔﺘﺮﻩ ﺩﻱ ﻛﻠﻬﺎ ﻭﺍﻋﺬﺭﻧﻲ ﺍﻧﺎ ﻣﻌﺮﻓﺘﺶ ﺑﺎﻟﻠﻲ ﺣﺼﻞ ﻏﻴﺮ ﺍﻣﺒﺎﺭﺡ ﺑﺲ
    ﺧﻠﻴﻞ : ﻳﺎ ﺍﺑﻨﻲ ﺍﺳﺎﻣﺤﻚ ﻋﻠﻲ ﺍﻳﻪ ؟ ﺍﻧﺖ ﻛﻨﺖ ﻓﻴﻦ ﻛﺘﺮ ﺧﻴﺮﻙ ﻭﺑﻌﺪﻳﻦ ﺧﻼﺹ ﺩﻩ ﻣﻮﺿﻮﻉ ﻭﺧﻠﺺ ﻭﺍﻧﺖ ﻣﺎﻟﻜﺶ ﺫﻧﺐ
    ﺣﺎﺯﻡ : ﻣﺎﻟﻴﺶ ﺫﻧﺐ ﺍﺯﺍﻱ ﻭﻛﻞ ﺍﻟﻠﻲ ﺣﺼﻠﻚ ﻛﺎﻥ ﺑﺴﺒﺒﻲ ؟؟
    ﺧﻠﻴﻞ : ﻻ ﻳﺎ ﺍﺑﻨﻲ ﻣﺎ ﺗﺤﻤﻠﺶ ﻧﻔﺴﻚ ﻓﻮﻕ ﻃﺎﻗﺘﻬﺎ ﻭﺗﺸﻴﻞ ﺫﻧﺐ ﻣﺶ ﺫﻧﺒﻚ ﻭﺑﻌﺪﻳﻦ ﺧﻼﺹ ﺧﻠﺺ ﻭﻋﺪﻱ
    ﺣﺎﺯﻡ : ﺧﻠﺺ ﺍﺯﺍﻱ ﻭﺍﻧﺎ ﻟﺴﻪ ﺑﻌﺎﻧﻲ ﻣﻦ ﺍﻟﻤﺎﺿﻲ ﺩﻩ ﻟﺪﻟﻮﻗﺘﻲ ؟؟؟
    ﺧﻠﻴﻞ : ﺷﻮﻕ ﺻﺢ ؟؟؟
    ﺣﺎﺯﻡ : ﻫﻮ ﻓﻲ ﻏﻴﺮﻫﺎ ﺍﻛﺘﺮ ﺣﺪ ﻭﺟﻌﻨﻲ
    ﺧﻠﻴﻞ : ﻭﺍﻧﺖ ﻭﺟﻌﺘﻬﺎ ... ﻭﺧﺼﻮﺻﺎ ﻟﻤﺎ ﻃﻠﺒﺖ ﻣﻨﻨﺎ ﻧﺮﻣﻴﻬﺎ ﺑﺮﻩ ﻭﻣﺎ ﻧﺪﺧﻠﻬﺎﺵ ﺍﻟﻔﻴﻼ ﺗﺎﻧﻲ ... ﻛﺎﻥ ﻧﻔﺴﻲ ﺍﻋﺮﻑ ﺍﻧﺖ ﺍﺯﺍﻱ ﻗﻮﻟﺖ ﻛﺪﻩ ... ﺍﻧﺎ ﻛﻨﺖ ﻋﻠﻲ ﻃﻮﻝ ﺑﺸﻮﻓﻜﻢ ﻓﻲ ﺍﻟﺠﻨﻴﻨﻪ ﻣﻊ ﺑﻌﺾ ﻭﺑﺸﻮﻑ ﺿﺤﺘﻚ ﺍﻟﻠﻲ ﻫﻴﺎ ﺭﺟﻌﺘﻬﺎﻟﻚ ﻭﻛﻨﺖ ﻓﺎﻛﺮﻙ ﺑﺘﺤﺒﻬﺎ
    ﺣﺎﺯﻡ : ﺍﻧﺎ ﻓﻌﻼ ﻛﻨﺖ ﺑﺤﺒﻬﺎ ... ﻋﻢ ﺧﻠﻴﻞ ﺍﻧﺖ ﻻﺯﻡ ﺗﺤﻜﻴﻠﻲ ﻛﻞ ﺍﻟﻠﻲ ﺣﺼﻞ ﻓﻲ ﻏﻴﺎﺑﻲ ﺑﺎﻟﺘﻔﺼﻴﻞ ﺍﺭﺟﻮﻙ
    ﺣﻜﺎﻟﻪ ﺧﻠﻴﻞ ﻛﻞ ﺣﺎﺟﻪ ... ﺍﺯﺍﻱ ﺷﻮﻕ ﻛﺎﻧﺖ ﺑﺘﻴﺠﻲ ﻛﻞ ﻳﻮﻡ ﻭﺍﻣﻪ ﺑﺘﻄﺮﺩﻫﺎ ؟؟ ﻭﺍﺯﺍﻱ ﻣﻨﻌﺖ ﻣﻨﻴﺮﻩ ﺗﺪﻳﻠﻬﺎ ﺍﻟﺠﻮﺍﺏ ﻭﻗﻄﻌﺘﻪ ﻭﺍﺯﺍﻱ ﺭﻣﺘﻬﺎ ﺑﺮﻩ ﻟﻤﺎ ﻋﺮﻓﺖ ﺍﻧﻬﺎ ﺣﺎﻣﻞ ﻭﺍﺯﺍﻱ ﻫﻮ ﺧﻼﻫﻢ ﻳﻄﺮﺩﻭﻫﺎ ؟؟ ﻭﺍﺯﺍﻱ ﻫﻮ ﺍﺗﻘﺒﺾ ﻋﻠﻴﻪ ﻭﺗﻠﺒﻴﺴﻪ ﻗﻀﻴﻪ ﺍﻟﺴﺮﻗﻪ
    ﺣﺎﺯﻡ ﺑﻴﺴﻤﻊ ﻭﻫﻮ ﺣﺎﺳﺲ ﺍﻧﻪ ﻗﺪﺍﻡ ﻓﻴﻠﻢ ﻣﺶ ﺣﻴﺎﺗﻪ ﺍﻟﻠﻲ ﻛﺎﻥ ﻣﺨﺪﻭﻉ ﻓﻴﻬﺎ ...
    ﺧﻠﻴﻞ : ﺑﺲ ﻭﺑﻌﺪﻫﺎ ﺍﺗﺴﺠﻨﺖ ﻭﻫﻨﺎ ﺍﺗﻔﻄﻌﺖ ﺍﺧﺒﺎﺭ ﺷﻮﻕ ﻋﻨﻲ ﺑﺲ ﻛﻞ ﺍﻟﻠﻲ ﻋﺮﻓﺘﻪ ﺍﻧﻬﺎ ﺍﺗﺠﻮﺯﺕ ﺍﺑﻦ ﻋﻤﻬﺎ ﻋﻠﺸﺎﻥ ﻳﺤﻤﻴﻬﺎ
    ﺣﺎﺭﻡ : ﻳﺎﺍﺍﺍﻩ ﻳﺎ ﻋﻢ ﺧﻠﻴﻞ ﺑﺎ ﺭﻳﺘﻨﻲ ﻛﻨﺖ ﺟﻴﺘﻠﻚ ﺍﻭﻝ ﻣﺎ ﺭﺟﻌﺖ ﻣﻦ ﺍﻟﺴﻔﺮ ﻳﺎ ﺭﻳﺖ ...
    ﺧﻠﻴﻞ : ﻫﻮ ﺍﻧﺖ ﻟﻴﻪ ﺑﻘﻲ ﺳﻴﺒﺖ ﺷﻮﻕ ؟؟ ﻟﻴﺖ ﺍﺗﺨﻠﻴﺖ ﻋﻨﻬﺎ ؟؟ ﺩﻱ ﻣﺶ ﺍﺧﻼﻗﻚ ﺍﺑﺪﺍ
    ﺣﺎﺯﻡ : ﺍﻣﻲ ﻟﻌﺒﺖ ﻋﻠﻴﻨﺎ ﻛﻠﻨﺎ ... ﻓﻬﻤﺘﻨﻲ ﺍﻧﻬﺎ ﻛﺎﻧﺖ ﻣﺄﺟﺮﺍﻫﺎ ﻋﻠﺸﺎﻥ ﺗﻤﺜﻞ ﻋﻠﻴﺎ ﺍﻟﺤﺐ ﻭﺍﻧﻬﺎ ﻗﺒﻀﺖ ﻭﻣﺸﻴﺖ
    ﺧﻠﻴﻞ : ﻭﺍﻧﺖ ﻟﻴﻪ ﺻﺪﻗﺘﻬﺎ ؟؟ ﻛﺎﻥ ﻻﺯﻡ ﺗﺜﻖ ﻓﻴﻬﺎ
    ﺣﺎﺯﻡ : ﻭﺛﻘﺖ ﻓﻴﻬﺎ
    ﻋﺒﺪ ﺍﻟﻤﻨﻌﻢ : ﻭﺛﻘﻨﺎ ﻛﻠﻨﺎ ﻓﻴﻬﺎ ﺑﺲ ﻳﻮﻡ ﺭﺟﻌﻨﺎ ﻛﺎﻥ ﻓﺮﺣﻬﺎ ﻓﺎﻟﻌﺒﻪ ﺍﺗﺴﺒﻜﺖ ﺻﺢ
    ﺧﻠﻴﻞ : ﻃﻴﺐ ﻟﻴﻪ ﻗﻠﺘﻠﻨﺎ ﻧﻄﺮﺩﻫﺎ ؟
    ﺣﺎﺯﻡ : ﻓﺎﻛﺮ ﻧﺠﻮﻱ ﺍﻟﻤﻤﺮﺿﻪ ؟؟
    ﺧﻠﻴﻞ : ﺍﻟﻤﺠﻨﻮﻧﻪ ﺩﻱ ؟
    ﺣﺎﺯﻡ : ﺍﻳﻮﻩ ﻫﻴﺎ ... ﺍﻣﻲ ﻓﻬﻤﺘﻨﻲ ﺍﻥ ﺷﻮﻕ ﻫﻴﺎ ﻧﺠﻮﻱ ﻭﺍﻥ ﻫﻴﺎ ﺑﺘﻀﺎﻳﻘﻬﺎ ﻭﻃﻠﺒﺖ ﻣﻨﻲ ﺍﻥ ﺍﻧﺎ ﺍﺗﺼﺮﻑ
    ﺧﻠﻴﻞ : ﻳﻌﻨﻲ ﺍﻧﺖ ﻳﻮﻣﻬﺎﻛﻨﺖ ﻓﺎﻛﺮ ﺍﻥ ﺩﻱ ﻧﺠﻮﻱ ؟؟
    ﺣﺎﺯﻡ : ﺑﺎﻟﻈﺒﻂ ؟؟؟
    ﺧﻠﻴﻞ : ﻳﺎ ﺍﻟﻠﻪ ﻭﺷﻮﻕ ﻓﻴﻦ ﺩﺍﻭﻗﺘﻲ ﻭﺍﻳﻪ ﺍﺭﺍﺿﻴﻬﺎ ؟
    ﺣﺎﺯﻡ : ﺷﻮﻕ ﻣﻮﺟﻮﺩﻩ ﻫﻴﺎ ﻭﺑﻨﺘﻬﺎ ﺍﻭ ﺑﻨﺘﻲ
    ﺧﻠﻴﻞ : ﻃﻴﺐ ﻭﻫﺘﻌﻤﻞ ﺍﻳﻪ ؟؟؟ ﺍﻧﺖ ﺍﺗﺠﻮﺯﺕ ﺻﺢ ؟ ﻫﺘﻌﻤﻞ ﺍﻳﻪ ﻣﻊ ﻣﺮﺍﺗﻚ ﻭﻫﺘﻔﻀﻞ ﻣﻊ ﻣﻴﻦ ؟؟ ﻭﺑﻨﺘﻚ ﻫﺘﻌﺘﺮﻑ ﺑﻴﻬﺎ ﻭﻻ ﻷ ؟؟ ﺩﻩ ﺍﻟﻤﻬﻢ ﺣﺎﻟﻴﺎ
    ﺣﺎﺯﻡ : ﺍﻧﺎ ﻣﺶ ﻋﺎﺭﻑ ﺣﻴﺎﺗﻲ ﻛﻠﻬﺎ ﺍﺗﻠﺨﺒﻄﺖ ﻭﺍﺩﺭﺑﻜﺖ ﻭﻣﺶ ﻋﺎﺭﻑ ﺍﻋﻤﻞ ﺍﻳﻪ ﻭﻻ ﻓﺎﻫﻢ ﻛﻞ ﺩﻩ ﻟﻴﻪ ؟؟ ﻭﻣﺮﺍﺗﻲ ﺍﻋﻤﻞ ﻓﻴﻬﺎ ﺍﻳﻪ ﻭﺷﻮﻕ ﺫﻧﺒﻬﺎ ﺍﻳﻪ ؟؟ ﻭﺭﻫﻒ ؟؟؟ﺍﻧﺎ ﻣﺶ ﻋﺎﺭﻑ
    ﺣﺎﺯﻡ ﻣﺸﻲ ﻣﻦ ﻋﻨﺪ ﺧﻠﻴﻞ ﻭﺭﻭﺡ ﺑﻴﺘﻪ ﻭﻋﺒﺪ ﺍﻟﻤﻨﻌﻢ ﺍﺻﺮ ﻳﺮﻭﺡ ﻣﻌﺎﻩ ﻟﺤﺪ ﻣﺎ ﺍﻣﻮﺭﻩ ﺗﺴﺘﻘﺮ ﻛﻠﻬﺎ
    ﺩﺧﻞ ﺑﻴﺘﻪ ﻛﺎﻥ ﻣﺮﺍﺗﻪ ﻣﻮﺟﻮﺩﻩ ﻭﺍﺑﻮﻫﺎ ﻭﺍﻣﻬﺎ ﻭﺍﻣﻪ ﻛﻤﺎﻥ ﻓﺪﻫﻞ ﻗﻌﺪ ﺑﺲ ﺳﺎﻛﺖ ﺗﻤﺎﻣﺎ ﺑﻴﺒﺺ ﻻﻣﻪ ﻭﻛﺄﻧﻪ ﺍﻭﻝ ﻣﺮﻩ ﻳﺸﻮﻓﻬﺎ
    ﺍﺧﻴﺮﺍ ﺣﻤﺎﻩ ﻭﺣﻤﺎﺗﻪ ﻣﺸﻴﻮﺍ ﻭﻓﻀﻞ ﻫﻮ ﻭﻣﺮﺍﺗﻪ ﻭﺍﻣﻪ
    ﺻﻔﻴﻪ : ﺍﻧﺖ ﺳﺎﻛﺖ ﻟﻴﻪ ﻛﺪﻩ؟؟ ﻓﻲ ﺍﻳﻪ؟؟
    ﺣﺎﺯﻡ : ﺗﺨﻴﻠﻲ ﺗﺒﻘﻲ ﻋﺎﻳﺸﻪ ﻣﻊ ﺷﺨﺺ ﻋﻤﺮﻙ ﻛﻠﻪ ﻭﺗﻜﺘﺸﻒ ﻓﺠﺄﻩ ﺍﻧﻚ ﻣﺎ ﺗﻌﺮﻓﻬﻮﺵ ﻧﻬﺎﺋﻲ ؟؟
    ﺻﻔﻴﻪ : ﺍﺯﺍﻱ ﺑﻘﻲ ؟؟
    ﺣﺎﺯﻡ : ﺍﻧﺘﻲ ﺍﺯﺍﻱ ﻛﺪﻩ ؟؟ ﺍﺯﺍﻱ ﻗﺎﺩﺭﻩ ﺗﻨﺎﻣﻲ ﺍﻟﻠﻴﻞ ؟؟ ﻭﺑﺠﻴﻠﻚ ﻧﻮﻡ ؟؟
    ﺻﻔﻴﻪ : ﺍﻩ ﺑﻨﺎﻡ ﻟﻴﻪ ﺑﻘﻲ ؟؟ ﻛﻨﺖ ﻋﻤﻠﺖ ﺍﻳﻪ ﺍﻧﺎ ﻋﻠﺸﺎﻥ ﻣﺎ ﻳﺠﻴﻠﻴﺶ ﻧﻮﻡ ؟؟
    ﺣﺎﺯﻡ : ﻋﻤﻠﺘﻲ ﺍﻳﻪ ؟؟ ﺑﺠﺪ ﺑﺘﺴﺄﻟﻲ ﻋﻤﻠﺘﻲ ﺍﻳﻪ ؟؟
    ﻭﻓﻒ ﻭﺑﺪﺃ ﻳﺘﻨﺰﻓﺰ ﻭﺻﻮﺗﻪ ﻳﻌﻠﻲ ﻭﻛﻠﻬﻢ ﻭﻗﻔﻮﺍ
    ﺣﺎﺯﻡ : ﻋﻤﻠﺘﻲ ﺍﻳﻪ ؟؟ ﺍﺑﺪﺃ ﻣﻨﻴﻦ ؟؟ ﺍﺑﺪﺃ ﺑﺸﻮﻕ ﻭﺍﻟﻠﻲ ﻋﻤﻠﺘﻴﻪ ﻓﻴﻬﺎ ؟؟ ﻭﻻ ﺑﺨﻠﻴﻞ؟؟ ﻭﻻ ﺑﻴﺎ ﺍﻧﺎ ؟؟ ﺍﻧﺖ ﺩﻣﺮﺗﻴﻨﻲ
    ﺷﺎﻫﻨﺪﺍ : ﻫﻮ ﺍﺣﻨﺎ ﻣﺶ ﻫﻨﺨﻠﺺ ﺑﻘﻲ ﻣﻦ ﻗﺼﻪ ﺷﻮﻕ ﻭﺑﻨﺘﻬﺎ ؟؟؟ ﻟﺤﺪ ﺍﻣﺘﻲ ﻳﺎ ﺣﺎﺯﻡ ؟؟
    ﺣﺎﺯﻡ : ﻣﺶ ﺑﻨﺘﻬﺎ ﻟﻮﺣﺪﻫﺎ ﻳﺎ ﺷﺎﻫﻨﺪﺍ !! ﺑﻨﺘﻲ ﺍﻧﺎ ﻛﻤﺎﻥ
    ﺷﺎﻫﻨﺪﺍ ﻣﺶ ﻣﺴﺘﻮﻋﺒﻪ ﻫﻮ ﺑﻴﻘﻮﻝ ﺍﻳﻪ ؟؟ ﻭﺍﻣﻪ ﻣﺼﺪﻭﻣﻪ ﺍﻥ ﻟﻌﺒﺘﻬﺎ ﻫﺘﺘﻜﺸﻒ
    ﺷﺎﻫﻨﺪﺍ : ﺍﻧﺖ ﺑﺘﻘﻮﻝ ﺍﻳﻪ ؟؟
    ﺣﺎﺯﻡ : ﺩﻩ ﺍﻟﻠﻲ ﻋﺮﻓﺘﻪ ﺍﻣﺒﺎﺭﺡ ﺍﻥ ﺭﻫﻒ ﺑﻨﺘﻲ ﻭﺍﻥ ﺍﻣﻲ ﻟﻌﺒﺖ ﺑﻴﻨﺎ ﻟﻌﺒﻪ ﺩﻧﻴﺌﻪ
    ﺻﻔﻴﻪ : ﺍﻧﺖ ﻫﺘﺼﺪﻕ ﺍﻟﻜﺪﺍﺑﻪ ﺩﻱ !!! ﺩﻱ ﻗﺒﻀﺖ ﻭﻣﺸﻴﺖ ﻭﺑﺎﻋﺘﻚ ﻭﺍﺗﺠﻮﺯﺕ ﻏﻴﺮﻙ
    ﺣﺎﺯﻡ : ﺑﺠﺪ ﺑﺎﻋﺘﻨﻲ ؟؟ ﻭﻻ ﺍﻧﺘﻲ ﻟﻌﺒﺘﻴﻬﺎ ﺻﺢ !!! ﻓﻬﻤﺘﻴﻨﻲ ﺍﻥ ﻧﺠﻮﻱ ﺑﺘﻀﺎﻳﻘﻚ ﻭﺧﻠﻴﺘﻴﻨﻲ ﺍﺷﺘﻤﻬﺎ ﻭﺍﻫﻴﻨﻬﺎ ﻭﺍﻗﻮﻝ ﺍﺩﻳﻬﺎ ﻗﺮﺷﻴﻦ ﻭﺍﻃﺮﺩﻳﻬﺎ ﻭﺍﻧﺎﺩﻱ ﺍﻟﺨﺪﻡ ﻳﺮﻣﻮﻫﺎ ﺑﺮﻩ ﻭﻫﻴﺎ ﻛﺎﻧﺖ ﺷﻮﻕ .. ﻻ ﺑﺮﺍﻓﻮ ﻟﻌﺒﺘﻴﻬﺎ ﺻﺢ ... ﻃﺐ ﻟﻤﺎ ﻗﺎﻟﺘﻠﻚ ﺍﻧﻬﺎ ﺣﺎﻣﻞ ﻣﺎ ﺻﻌﺒﺘﺶ ﻋﻠﻴﻜﻲ ؟؟ ﺣﻔﻴﺪﺗﻚ ﻣﺼﻌﺒﺶ ﻋﻠﻴﻜﻲ !!!
    ﺻﻔﻴﻪ : ﺍﻧﺖ ﻛﻨﺖ ﻣﺸﻠﻮﻝ ﻋﺎﻳﺰﻧﻲ ﺍﺻﺪﻕ ﺣﺘﻪ ﻣﻤﺮﺿﻪ ﺍﻧﻬﺎ ﺣﺎﻣﻞ ﻣﻨﻚ ؟؟ ﺍﻧﺖ ﻣﺘﺨﻠﻒ ﻭﻻ ﺍﻫﺒﻞ ﻭﻻ ﺑﺘﺼﺪﻕ ﺍﻱ ﺣﺎﺟﻪ ﻭﺧﻼﺹ ؟؟؟ ﺩﻱ ﺑﺘﻨﺼﺐ ﻋﻠﻴﻚ ﻭﺍﺣﺪﻩ ﻣﻄﻠﻘﻪ ﻭﻣﻌﺎﻫﺎ ﻋﻴﻠﻪ ﻭﺍﺳﺘﻐﻠﺖ ﻋﻼﻗﻪ ﻗﺪﻳﻤﻪ ﻋﻠﺸﺎﻥ ﺗﺄﻣﻦ ﻧﻔﺴﻬﺎ ﻭﺑﻨﺘﻬﺎ ﺑﻄﻞ ﻫﺒﻞ ﺑﻘﻲ
    ﺣﺎﺯﻡ : ﻟﺤﺪ ﺍﻣﺘﻲ ﻫﺘﻔﻀﻠﻲ ﻛﺪﻩ ؟؟ ﺍﻧﺎ ﺍﻳﻮﻩ ﻛﻨﺖ ﻣﺸﻠﻮﻝ ﺑﺲ ﻣﻜﻨﺘﺶ ﻋﺎﺟﺰ ، .. ﻣﻜﻨﺘﺶ ﻣﺴﻠﻮﺏ ﺍﻻﺭﺍﺩﻩ ﺯﻱ ﻣﺎ ﺍﻧﺘﻲ ﻛﻨﺘﻲ ﺑﺘﻌﺎﻣﻠﻴﻨﻲ !! ﻣﻜﻨﺘﺶ ﻋﻴﻞ ﺻﻐﻴﺮ ﻣﺎﻟﻮﺵ ﺍﻱ ﺣﻖ ﻳﻘﺮﺭ ﺍﻱ ﺣﺎﺟﻪ ... ﻭﺑﻌﺪﻳﻦ ﺍﻧﺎ ﻋﺎﺭﻑ ﻋﻤﻠﺖ ﻣﻌﺎﻫﺎ ﺍﻳﻪ ﻛﻨﺘﻲ ﺳﺄﻟﺘﻴﻨﻲ ؟؟؟ ﻻ ﻭﺣﺠﺰﺗﻴﻠﻲ ﻋﻠﻲ ﻳﻮﻡ ﻓﺮﺣﻬﺎ ﻭﺍﺻﺮﻳﺘﻲ ﺍﺟﻲ ﺍﻟﻴﻮﻡ ﺩﻩ ﻛﻨﺖ ﻣﺴﺘﻐﺮﺏ ﺍﺷﻤﻌﻨﺎ ﺍﻟﻴﻮﻡ ﺩﻩ ﺍﺗﺎﺭﻳﻜﻲ ﺑﺘﺨﻄﻄﻲ ﺗﻘﺘﻠﻴﻨﻲ ... ﺩﺑﺤﺘﻴﻨﻲ ﺑﻴﻜﻴﻨﻪ ﺑﺎﺭﺩﻩ ﻭﺗﻠﻤﻪ ﻛﻨﺘﻲ ﻋﺎﺭﻓﻪ ﺍﻧﻲ ﻣﺶ ﻫﺴﺘﻨﻲ ﻟﺘﺎﻧﻲ ﻳﻮﻡ ﻭﻫﺮﻭﺣﻠﻬﺎ ﻭﻫﺸﻮﻓﻬﺎ ﺑﻔﺴﺘﺎﻥ ﻓﺮﺣﻬﺎ ... ﻛﻞ ﺩﻩ ﻟﻴﻪ ؟؟ ﻃﻴﺐ ﻭﺧﻠﻴﻞ ﺍﻟﺮﺍﺟﻞ ﺍﻟﻄﻴﺐ ﺗﺤﺒﺴﻴﻪ ؟؟ ﻛﻨﺘﻲ ﻋﺎﺭﻓﻪ ﺍﻧﻪ ﻫﻴﻘﻮﻟﻲ ﻓﻜﺎﻥ ﻻﺯﻡ ﺗﺨﻠﺼﻲ ﻣﻨﻪ ﻫﻮ ﻛﻤﺎﻥ
    ﺻﻔﻴﻪ : ﺧﻠﻴﻞ ﻛﺪﺍﺏ ﻭﺣﺮﺍﻣﻲ ﻭﺍﻧﺎ ﻣﺮﺿﻴﺘﺶ ﺍﻗﻮﻟﻚ ﻋﻠﺸﺎﻥ ﺑﺘﺤﺒﻪ ﻭ
    ﺣﺎﺯﻡ : ﻛﻔﺎﻳﻪ ﺑﻘﻲ ﺿﻴﻌﺘﻲ ﺳﺒﻊ ﺳﻨﻴﻦ ﻣﻦ ﻋﻤﺮﻱ ﻫﺘﻀﻴﻌﻲ ﺍﻳﻪ ﺗﺎﻧﻲ ؟؟؟ ﺍﻧﺘﻲ ﻋﻨﺪﻙ ﺍﺩﻧﻲ ﻓﻜﺮﻩ ﺍﻧﺎ ﻋﻤﻠﺖ ﻓﻲ ﺷﻮﻕ ﺍﻳﻪ ؟؟ ﻭﻋﻤﻠﺖ ﻓﻲ ﺑﻨﺘﻲ ﺍﻳﻪ ؟؟؟ ﺍﻧﺎ ﻓﻀﻠﺖ ﻭﺭﺍﻫﺎ ﺍﻃﺮﺩﻫﺎ ﻣﻦ ﺷﻐﻞ ﻭﺭﻱ ﺷﻐﻞ ﻟﺤﺪ ﻣﺎ ﺧﻠﺘﻬﺎ ﻣﻌﻬﺎﺵ ﺗﻤﻦ ﺭﻏﻴﻒ ﻋﻴﺶ ﺗﺄﻛﻞ ﺑﻴﻪ ﺑﻨﺘﻲ !! ﺍﻧﺘﻲ ﻣﺘﺨﻴﻠﻪ ؟؟ ﻛﺎﻧﺖ ﺑﺘﻤﺴﺢ ﻣﺪﺍﺧﻞ ﺍﻟﻌﻤﺎﺭﺍﺕ ﻭﺍﻟﺴﻼﻟﻢ ﻋﻠﺸﺎﻥ ﺗﺎﺧﺪ ﻋﺸﺮﻩ ﺟﻨﻴﻪ ﺗﺄﻛﻞ ﺑﻨﺘﻲ !!! ﻭﺍﻧﺎ ﺍﻟﻠﻲ ﻋﻤﻠﺖ ﻛﺪﻩ ... ﺑﻌﺘﻠﻬﺎ ﻋﻠﻲ ﻋﻠﺸﺎﻥ ﻳﻌﺮﺽ ﻋﻠﻴﻬﺎ ﻓﻠﻮﺱ ﻭﻳﻨﺎﻡ ﻣﻌﺎﻫﺎ !!! ﻣﺶ ﻋﺎﺭﻑ ﻛﻨﺖ ﻫﻌﻤﻞ ﺍﻳﻪ ﻟﻮ ﺟﻮﻉ ﺑﻨﺘﻬﺎ ﺧﻼﻫﺎ ﺗﻮﺍﻓﻖ ؟؟؟ ﺷﻐﻠﺘﻬﺎ ﺧﺪﺍﻣﻪ ﻓﻲ ﺍﻟﻔﻨﺪﻕ ... ﺍﻧﺎ ﻋﺬﺑﺘﻬﺎ ﻭﻛﻞ ﺩﻩ ﻟﻴﻪ ﻋﻠﺸﺎﻥ ﻫﻴﺎ ﻣﺶ ﻋﺎﺟﺒﻪ ﺳﻴﺎﺩﺗﻚ ﻭﺍﻧﺘﻲ ﺍﺧﺪﺗﻲ ﻗﺮﺍﺭ ﺍﻧﻬﺎ ﻣﺎ ﺗﻨﻔﻌﺶ ﺻﺢ ؟؟؟
    ﺻﻔﻴﻪ : ﺍﻳﻮﻩ ﻣﺎ ﺗﻨﻔﻌﺶ ﻭﻟﻮ ﺍﻟﺰﻣﻦ ﺭﺟﻊ ﺗﺎﻧﻲ ﻫﻌﻤﻞ ﻧﻔﺲ ﺍﻟﻠﻲ ﻋﻤﻠﺘﻪ ﻭﺍﻟﺒﻨﺖ ﺩﻱ ﻣﺶ ﺑﻨﺘﻚ ﺍﻧﺖ ﻋﺎﺟﺰ ﻭﻣﺸﺎﻭﻝ ﻣﺘﺨﻠﻴﺶ ﻭﺍﺣﺪﻩ ﺗﻀﺤﻚ ﻋﻠﻴﻚ
    ﺣﺎﺯﻡ : ﺍﻧﺎ ﻣﺶ ﻋﺎﺟﺰ ﻭﺭﻫﻒ ﺑﻨﺘﻲ .. ﻣﻦ ﺍﻭﻝ ﻣﺮﻩ ﺷﻔﺘﻬﺎ ﻭﺣﺴﻴﺖ ﺑﺤﺎﺟﻪ ﺭﺑﻄﺘﻨﻲ ﺑﻴﻬﺎ
    ﺻﻔﻴﻪ : ﺍﻭﻋﻲ ﺗﺘﺨﻴﻞ ﺍﻧﻲ ﻫﺴﻤﺤﻠﻚ ﺗﻜﺘﺒﻬﺎ ﺑﺎﺳﻤﻚ ﻭﻻ ﺗﻔﻜﺮ ﺗﺮﺟﻊ ﻟﻠﻤﺮﺿﻪ ﺩﻱ ؟؟
    ﺣﺎﺯﻡ : ﻫﺘﻤﻨﻌﻴﻨﻲ ﺍﺯﺍﻱ ؟؟؟ ﺍﻧﺘﻲ ﺍﺗﺠﻮﺯﺗﻲ ﺻﺢ ؟؟ ﻛﻨﺖ ﺯﻋﻼﻥ ﺍﻧﻚ ﺍﺗﺠﻮﺯﺗﻲ ﺑﺲ ﺩﻟﻮﻗﺘﻲ ﻷ ﺍﻧﺎ ﻓﺮﺣﺎﻥ ﺟﺪﺍ ﻻﻧﻚ ﺍﺧﺘﺮﺗﻲ ﻭﺍﺣﺪ ﻧﺴﺨﻪ ﻣﻨﻚ ﺑﺎﻟﻈﺒﻂ ... ﺍﺧﺘﺮﺗﻲ ﻧﺼﺎﺏ ﻭﺍﻟﻠﻲ ﻋﻤﻠﺘﻴﻪ ﻓﻲ ﺷﻮﻕ ﻭﺑﻨﺘﻬﺎ ﻫﻴﻄﻠﻊ ﻋﻠﻴﻜﻲ ﻛﻠﻪ ﻭﺩﻟﻮﻗﺘﻲ ﺑﻘﻲ ﺍﺗﻔﻀﻠﻲ ﺑﺮﻩ ﺑﺒﺘﻲ ﺭﻭﺣﻲ ﻟﺠﻮﺯﻙ ﻻﻳﻘﻴﻦ ﻋﻠﻲ ﺑﻌﺾ
    ﺻﻔﻴﻪ : ﺍﻭﻋﻲ ﺗﻨﺴﻲ ﺍﻥ ﺩﻩ ﺑﻴﺘﻲ ؟؟
    ﺣﺎﺯﻡ : ﻻ ﺳﻮﺭﻱ ﺍﻟﻔﻴﻼ ﺑﺘﺎﻋﺘﻲ ﺍﺗﻔﻀﻠﻲ ﺑﺮﻩ
    ﺻﻔﻴﻪ : ﺑﻜﺮﻩ ﻫﺘﻌﺮﻑ ﻗﻴﻤﻪ ﺍﻟﻠﻲ ﺍﻧﺎ ﻋﻤﻠﺘﻪ
    ﻣﺸﻴﺖ ﺻﻔﻴﻪ ﻭﻫﻮ ﻓﻀﻞ ﻭﺍﻗﻒ ﻛﺘﻴﺮ ﻭﺑﻌﺪﻫﺎ ﺑﺺ ﻟﻤﺮﺍﺗﻪ ﺍﻟﻠﻲ ﻧﺴﻲ ﺗﻤﺎﻣﺎ ﺍﻧﻬﺎ ﻣﻮﺟﻮﺩﻩ
    ﺣﺎﺯﻡ : ﻗﻮﻟﻲ ﺍﻱ ﺣﺎﺟﻪ
    ﺷﺎﻫﻨﺪﺍ : ﺍﻗﻮﻝ ﺍﻳﻪ ؟؟ ﺣﺒﻴﺒﺘﻚ ﺍﻟﻠﻲ ﻛﻨﺖ ﻓﺎﻛﺮﻫﺎ ﺧﺎﻳﻨﻪ ﻃﻠﻌﺖ ﺑﺮﻳﺌﻪ ﻭﻣﻌﺎﻫﺎ ﺑﻨﺘﻚ ﻓﻲ ﺍﻳﻪ ﻳﺘﻘﺎﻝ ؟؟ ﻣﺒﺮﻭﻙ ﻋﻠﻴﻚ ﺭﻭﺣﻠﻬﻢ
    ﺣﺎﺯﻡ : ﺍﺭﻭﺣﻠﻬﻢ ؟؟ ﺍﻧﺘﻲ ﻣﺘﺨﻴﻠﻪ ﺍﻧﻲ ﻣﺒﺴﻮﻁ ﺑﺎﻟﻮﺿﻊ ﺩﻩ ؟؟ ﺍﻧﺎ ﻣﻮﺟﻮﻉ ﻓﻮﻕ ﻣﺎ ﺗﺘﺨﻴﻠﻲ
    ﺷﺎﻫﻨﺪﺍ : ﺣﺎﺳﻪ ﺑﻮﺟﻌﻚ ﻻﻧﻲ ﻋﺎﻳﺸﻪ ﻧﻔﺲ ﺍﻟﻮﺟﻊ ﺩﻩ ﺣﺎﻟﻴﺎ ﺭﻭﺡ ﻟﺤﺒﻴﺒﺘﻚ ﻋﻮﺿﻬﺎ ﺍﻟﺴﻨﻴﻦ ﺍﻟﻠﻲ ﻓﺎﺗﺖ
    ﺣﺎﺯﻡ : ﺍﻧﺘﻲ ﺣﺒﻴﺒﺘﻲ ﻣﺶ ﺷﻮﻕ ... ﺷﻮﻕ ﻣﺎﺿﻲ ﺍﻧﺘﻲ ﻣﺶ ﻋﺎﻳﺰﻩ ﺗﻔﻬﻤﻲ ﻟﻴﻪ ؟؟ﺍﻧﺘﻲ ﺍﻟﺤﺎﺿﺮ ﻭﺍﻟﻤﺴﺘﻘﺒﻞ
    ﺷﺎﻫﻨﺪﺍ : ﻃﻴﺐ ﻫﺼﺪﻗﻚ ﻭﺑﻨﺘﻚ ؟؟ ﻫﺘﻌﻤﻞ ﻓﻴﻬﺎ ﺍﻳﻪ ؟؟
    ﺣﺎﺯﻡ : ﺑﻨﺘﻲ ﻫﻜﺘﺒﻬﺎ ﺑﺎﺳﻤﻲ ﻭﺗﺎﺧﺪ ﺣﻘﻮﻗﻬﺎ
    ﺷﺎﻫﻨﺪﺍ : ﺍﻧﺎ ﺗﻌﺒﺎﻧﻪ ﻭﻋﺎﻳﺰﻩ ﺍﻧﺎﻡ ﺑﻌﺪ ﺍﺫﻧﻚ .. ﻓﻜﺮ ﻫﺘﻌﻤﻞ ﺍﻳﻪ ﻭﺍﺑﻘﻲ ﺑﻠﻐﻨﻲ ﺑﻘﺮﺍﺭﻙ
    ﺳﺎﺑﺘﻪ ﻭﻃﻠﻌﺖ ﻭﻫﻮ ﻓﻀﻞ ﻃﻮﻝ ﺍﻟﻠﻴﻞ ﺩﻣﺎﻏﻪ ﻫﺘﻨﻔﺠﺮ ﻭﺫﻛﺮﻳﺎﺕ ﻛﺘﻴﺮﻩ ﺑﺘﺤﺎﻭﻝ ﺍﻃﻠﻊ ﻭﻫﻮ ﺑﻴﻜﺒﺘﻬﺎ
    ﺍﺧﻴﺮﺍ ﺍﻟﻨﻬﺎﺭ ﻃﻠﻊ ﺧﺮﺝ ﻭﺭﺍﺡ ﻟﻠﻤﺤﺎﻣﻲ ﺑﺘﺎﻋﻪ
    ﺍﻟﻤﺤﺎﻣﻲ : ﺧﻴﺮ ﺑﺎ ﺑﺎﺷﺎ ﻛﻨﺖ ﻛﻠﻤﺘﻨﻲ ﻭﺍﻧﺎ ﺟﻴﺘﻠﻚ
    ﺣﺎﺯﻡ : ﻻ ﺍﻟﻤﻮﺿﻮﻉ ﻣﺴﺘﻌﺠﻞ .. ﻟﻮ ﻭﺍﺣﺪﻋﺎﻳﺰ ﺑﻜﺘﺐ ﻋﻴﻠﻪ ﺑﺎﺳﻤﻪ ﻳﻌﻤﻞ ﺍﻳﻪ ؟؟
    ﺍﻟﻤﺤﺎﻣﻲ : ﺍﺧﻄﺎﺭ ﻭﻻﺩﻩ ﻭﻗﺴﻴﻤﻪ ﺍﻟﺠﻮﺍﺯ
    ﺣﺎﺯﻡ : ﺍﺧﻄﺎﺭ ﻭﻻﺩﻩ ﺍﻳﻪ ﺑﻘﻮﻟﻚ ﻭﺍﺣﺪ ﺍﻛﺘﺸﻒ ﺍﻥ ﻋﻨﺪﻩ ﻋﻴﻞ
    ﺍﻟﻤﺤﺎﻣﻲ : ﻭﺍﻟﻌﻴﻞ ﻋﻨﺪﻩ ﻗﺪ ﺍﺑﻪ ﻭﻣﻜﺘﻮﺏ ﺑﺎﺳﻢ ﻣﻴﻦ ؟
    ﺣﺎﺯﻡ : ﺑﺎﺳﻢ ﺣﺪ ﺗﺎﻧﻲ ﻧﻌﻤﻞ ﺍﻳﻪ ؟؟
    ﺍﻟﻤﺤﺎﻣﻲ : ﻫﺘﻐﻴﺮ ﻧﺴﺒﻪ ﻣﻤﻜﻦ ﺑﺘﺤﻠﻴﻞ ﺍﻝ DNA ﻳﺜﺒﺖ ﺍﻥ ﺍﻟﻌﻴﺎ ﺍﺑﻨﻪ ﻭﻳﻐﻴﺮ ﺍﻟﻨﺴﺐ
    ﺣﺎﺯﻡ : ﺑﺲ ﻛﺪﻩ ؟
    ﺍﻟﻤﺤﺎﻣﻲ : ﺍﻩ ﺑﺲ ﻛﻤﺎﻥ ﻣﻄﻠﻮﺏ ﻗﺴﻴﻤﻪ ﺟﻮﺍﺯ ﻟﻼﻡ
    ﺣﺎﺯﻡ : ﻗﺴﻴﻤﻪ ﺟﻮﺍﺯ ؟؟ﻭﺩﻱ ﺿﺮﻭﺭﻳﻪ ؟؟
    ﺍﻟﻤﺤﺎﻣﻲ : ﺍﻣﺎﻝ ﻫﺘﻜﺘﺐ ﺍﺳﻢ ﺍﻻﻡ ﺍﻳﻪ ؟؟
    ﺣﺎﺯﻡ ؛ ﻣﺘﺸﻜﺮ
    ﺍﻟﻤﺤﺎﻣﻲ : ﺍﻧﺎ ﻣﺶ ﻓﺎﻫﻢ ﺣﺎﺟﻪ
    ﺣﺎﺯﻡ : ﺑﻌﺪﻳﻦ ﺳﻼﻡ
    ﻗﺎﻡ ﻣﺸﻲ ﻭﺭﻭﺡ ﺑﻴﺘﻪ ﻟﻤﺮﺍﺗﻪ ﺍﻟﻠﻲ ﻛﺎﻧﺖ ﻓﻲ ﺣﺎﻟﻪ ﻳﺮﺛﻲ ﻟﻬﺎ
    ﺣﺎﺯﻡ : ﺷﺎﻫﻨﺪﺍ ﺍﻧﺎ ﻣﺤﺘﺎﺟﻚ ﻗﻮﻳﻪ ﻭﻭﺍﻗﻔﻪ ﺟﻨﺒﻲ ﻭﻓﻜﺮﻱ ﻣﻌﺎﻳﺎ ﻫﻨﻌﻤﻞ ﺍﻳﻪ ؟؟
    ﺷﺎﻫﻨﺪﺍ : ﻻ ﺩﻩ ﻗﺮﺍﺭﻙ ﺍﻧﺖ
    ﺣﺎﺯﻡ : ﻃﻴﺐ ﻋﻠﺸﺎﻥ ﺍﺳﺠﻞ ﺭﻫﻒ ﺑﺎﺳﻤﻲ ﻻﺯﻡ ﺍﺗﺠﻮﺯ ﺷﻮﻕ
    ﺷﺎﻫﻨﺪﺍ : ﻃﻴﺐ ﺭﻭﺡ ﺍﺗﺠﻮﺯﻫﺎ
    ﺣﺎﺯﻡ : ﺷﻮﻓﻲ ﺍﻧﺎ ﺩﻣﺎﻏﻲ ﻫﺘﻨﻔﺠﺮ ﻣﻦ ﺍﻟﺘﻔﻜﻴﺮ ﻭﺍﻟﻠﻲ ﻭﺻﻠﺘﻠﻪ ﺍﻧﻲ ﻫﺘﺠﻮﺯ ﻓﻌﻼ ﺷﻮﻕ ﺑﺲ ﺟﻮﺍﺯ ﺻﻮﺭﻱ ﻟﺤﺪ ﻣﺎ ﺍﻛﺘﺐ ﺍﻟﺒﻨﺖ ﺑﺎﺳﻤﻲ ﻭﺑﻌﺪﻫﺎ ﻫﻄﻠﻘﻬﺎ
    ﺷﺎﻫﻨﺪﺍ : ﻭﺑﻌﺪﻳﻦ ؟؟ﻭﺍﻟﺒﻨﺖ ؟؟
    ﺣﺎﺯﻡ : ﺑﺮﺍﺣﺘﻬﺎ ﻋﺎﻳﺰﻩ ﺗﻔﻀﻞ ﻫﻨﺎ ﺑﺮﺍﺣﺘﻬﺎ ﻋﻨﺪ ﺍﻣﻬﺎ ﺑﺮﺍﺣﺘﻬﺎ
    ﺷﺎﻫﻨﺪﺍ : ﺍﻧﺖ ﻋﺎﻳﺰﻧﻲ ﺍﺭﺑﻲ ﺑﻨﺖ ﺣﺒﻴﺒﺘﻚ ؟؟ ﺍﻧﺖ ﻣﺶ ﺷﺎﻳﻒ ﺍﻧﻚ ﺑﺘﻄﻠﺐ ﻣﻨﻲ ﻛﺘﻴﺮ ﻗﻮﻱ ؟؟
    ﺣﺎﺯﻡ : ﺷﺎﻫﻨﺪﺍ ﺍﻭﻋﻲ ﺗﺘﺨﻠﻲ ﻋﻨﻲ ﺧﻠﻴﻜﻲ ﺟﻨﺒﻲ
    ﺷﺎﻋﻨﺪﺍ : ﺭﺑﻨﺎ ﻳﺴﻬﻞ ﺑﻌﺪ ﺍﺫﻧﻚ ﻋﻨﺪﻱ ﺷﻐﻞ
    ﻫﻴﺎ ﺧﺮﺟﺖ ﻭﻫﻮ ﺭﺍﺡ ﻟﺸﻮﻕ ﺩﺧﻞ ﻋﻨﺪﻫﺎ ﻭﻓﻀﻠﻮﺍ ﻛﺘﻴﺮ ﺳﺎﻛﺘﻴﻦ
    ﺣﺎﺯﻡ : ﺭﻫﻒ ﻓﻴﻦ ؟؟
    ﺷﻮﻕ : ﺭﺍﺣﺖ ﻋﻨﺪ ﻣﺤﻤﻮﺩ ﻳﻮﻣﻴﻦ ﺗﺮﻳﺢ ﺍﻋﺼﺎﺑﻬﺎ ﻣﻦ ﺍﻟﻤﺸﺎﻛﻞ ﺩﻱ ﻟﺤﺪ ﻣﺎ ﻧﺸﻮﻑ ﻫﻨﻌﻤﻞ ﺍﻳﻪ ؟؟
    ﺣﺎﺯﻡ : ﺍﻧﺘﻲ ﻋﺎﻳﺰﻩ ﺗﻌﻤﻠﻲ ؟
    ﺷﻮﻕ : ﻣﻌﺮﻓﺶ ﻳﺎ ﺣﺎﺯﻡ ﻣﻌﺮﻓﺶ
    ﺣﺎﺯﻡ : ﺍﻧﺘﻲ ﻟﻴﻪ ﻣﻘﻮﻟﺘﻠﻴﺶ ﺍﻥ ﺭﻫﻒ ﺑﻨﺘﻲ ؟؟ ﻟﻴﻪ ﺧﺒﻴﺘﻲ ﻋﻨﻲ ؟؟
    ﺷﻮﻕ : ﻣﺶ ﻋﺎﺭﻓﻪ ... ﻛﻨﺖ ﻣﺘﺮﺩﺩﻩ ... ﻛﻨﺖ ﺧﺎﻳﻔﻪ ...
    ﺣﺎﺯﻡ : ﺧﺎﻳﻔﻪ ؟؟ ﺧﺎﻳﻔﻪ ﻣﻦ ﺍﻳﻪ ؟؟
    ﺷﻮﻕ : ﺍﻧﻚ ﺗﺎﺧﺪﻫﺎ ﻭﺗﺨﺘﻔﻲ ﻭﺍﻧﺎ ﻣﻌﺮﻓﺶ ﺍﻭﺻﻠﻚ ﺗﺎﻧﻲ ﺯﻱ ﺯﻣﺎﻥ ﻭﻣﻌﺮﻓﺶ ﺍﺭﺟﻊ ﺑﻨﺘﻲ ﻟﺤﻀﻨﻲ
    ﺣﺎﺯﻡ : ﻭﻫﻮ ﺍﻧﺎ ﺍﻋﻤﻠﻬﺎ ﻳﺎ ﺷﻮﻕ ؟؟
    ﺷﻮﻕ : ﺑﺎﻟﻨﺴﺒﺎﻟﻲ ﻋﻤﻠﺘﻬﺎ ﺍﻣﺎ ﺳﺎﻓﺮﺕ ﻭﺳﻴﺒﺘﻨﻲ
    ﺣﺎﺯﻡ : ﺩﻩ ﻛﺎﻥ ﻏﺼﺐ ﻋﻨﻲ ﻭﻛﺎﻥ
    ﻗﺎﻃﻌﺘﻪ : ﺑﺎﻟﻨﺴﺒﺎﻟﻲ ﻛﺎﻥ ﺑﺘﺘﺨﻠﻲ ﻋﻨﻲ
    ﺣﺎﺯﻡ : ﻭﺑﺎﻟﻨﺴﺒﺎﻟﻲ ﻛﻨﺘﻲ ﺑﺎﻳﻌﺎﻧﻲ










    ﺷﻮﻕ : ﻭﺑﻌﺪﻳﻦ ؟؟
    ﺣﺎﺯﻡ : ﻣﺶ ﻋﺎﺭﻑ ... ﻋﻘﻠﻲ ﻋﺎﺟﺰ ﻋﻦ ﺍﻱ ﻗﺮﺍﺭﺍﺕ ﺑﺲ ﺍﻟﻠﻲ ﺍﻋﺮﻓﻪ ﺍﻥ ﺭﻫﻒ ﻻﺯﻡ ﺗﺘﻜﺘﺐ ﺑﺎﺳﻤﻲ
    ﺷﻮﻕ : ﺣﻘﻚ ﻭﺣﻘﻬﺎ
    ﺣﺎﺯﻡ : ﻋﻠﺸﺎﻥ ﺍﻋﻤﻞ ﻛﺪﻩ ﻻﺯﻡ ﻗﺴﻴﻤﻪ ﺟﻮﺍﺯﻧﺎ ﺍﻧﺎ ﻭﺍﻧﺘﻲ ﻋﻠﺸﺎﻥ ﺍﺳﺠﻠﻬﺎ ﺑﺎﺳﻤﻨﺎ
    ﺷﻮﻕ : ﺍﻧﺖ ﻋﺎﻳﺰ ﺗﺘﺠﻮﺯﻧﻲ ؟؟ ﻭﻣﺮﺍﺗﻚ ﻣﻮﺍﻓﻘﻪ ؟؟
    ﺷﻮﻕ ﻣﺴﺘﻨﻴﻪ ﺍﺟﺎﺑﻪ ﺍﻟﺴﺆﺍﻝ ﺩﻩ ﻣﻦ ﺯﻣﻦ ﻃﻮﻳﻞ ... ﻗﻠﺒﻬﺎ ﻫﻴﺨﺮﺝ ﻣﻦ ﻣﻜﺎﻧﻪ ... ﻋﺎﻳﺰﻩ ﺗﺴﻤﻌﻬﺎ ﻣﻨﻪ ... ﺍﻧﻪ ﻗﺪ ﺍﻳﻪ ﺍﺷﺘﺎﻗﻠﻬﺎ ؟؟؟
    ﺣﺎﺯﻡ : ﺍﻟﺠﻮﺍﺯ ﻫﻴﺒﻘﻲ ﺻﻮﺭﻱ .. ﻋﻠﻲ ﺍﻟﻮﺭﻕ ﺑﺲ ﻋﻠﺸﺎﻥ ﺍﻋﺮﻑ ﺍﻛﺘﺒﻬﺎ ﺑﺎﺳﻤﻲ ﻭﺷﻮﻳﻪ ﻭﺗﺸﻮﻓﻲ ﺣﻴﺎﺗﻚ ﺑﺮﺍﺣﺘﻚ .. ﺑﺲ ﻧﺤﻔﻆ ﺣﻖ ﺭﻫﻒ ﻭﺗﺘﻜﺘﺐ ﺑﺎﺳﻢ ﺍﺑﻮﻫﺎ
    ﺷﻮﻕ ﺍﺣﻼﻣﻬﺎ ﺍﺗﻜﺴﺮﺕ ﻋﻠﻲ ﺻﺨﺮﻩ ﺍﻟﻮﺍﻗﻊ ﻭﺣﺴﺖ ﺑﺎﻟﺪﻧﻴﺎ ﻛﻠﻬﺎ ﺑﺘﻨﻬﺎﺭ ﻗﺪﺍﻣﻬﺎ ... ﺑﻌﺪ ﻛﻞ ﺩﻩ ﻋﺎﻳﺰ ﻳﺘﺠﻮﺯﻫﺎ ﺻﻮﺭﻱ ؟؟ ﺑﻌﺪ ﺍﻟﻌﺬﺍﺏ ﺩﻩ ﺩﻱ ﺍﺧﺮﺗﻬﺎ .... ﻫﻴﺎ ﻣﺘﺴﺘﺎﻫﻠﺶ ﻛﻞ ﺩﻩ ﺍﺑﺪﺍ ﻭﻓﺎﻗﺖ ﻋﻠﻲ ﺻﻮﺗﻪ
    ﺣﺎﺯﻡ : ﻫﻨﺸﻮﻑ ﻣﺤﺎﻣﻲ ﻳﻜﺘﺐ ﻋﻘﺪ ﺟﻮﺍﺯ ﻭﻳﺨﻠﺺ ﺍﻟﻤﻮﺿﻮﻉ ﺩﻩ ﻛﻠﻪ ﻫﺎﻩ ﻗﻮﻟﺘﻲ ﺍﻳﻪ ؟؟
    ﺷﻮﻕ : ﺣﺎﺯﻡ ............ ﻗﻮﻡ ﺍﻃﻠﻊ ﺑﺮﻩ
    ﺣﺎﺯﻡ ﺑﺪﻫﺸﻪ : ﻧﻌﻢ ؟
    ﺷﻮﻕ : ﺍﻟﻠﻲ ﺍﻧﺖ ﺳﻤﻌﺘﻪ .. ﺍﻃﻠﻊ ﺑﺮﻩ ..
    ﺣﺎﺯﻡ : ﻓﻲ ﺍﻳﻪ ﻳﺎ ﺷﻮﻕ ﺍﺣﻨﺎ ﺑﻨﺘﻜﻠﻢ
    ﺷﻮﻕ : ﻓﻲ ﺍﻥ ﺍﻧﺖ ﺍﻧﺎﻧﻲ ﻣﺎﺑﺘﻔﻜﺮﺵ ﻏﻴﺮ ﻓﻲ ﻧﻔﺴﻚ ﻭﺑﺲ .. ﺍﻧﺎ ﺍﺯﺍﻱ ﺣﺒﻴﺘﻚ ﺍﺻﻼ ﻓﻲ ﻳﻮﻡ ﻣﻦ ﺍﻻﻳﺎﻡ ؟؟ ﺍﻧﺖ ﻣﻦ ﺯﻣﺎﻥ ﺍﻧﺎﻧﻲ ... ﺑﺘﻮﺟﻊ ﻛﻞ ﺍﻟﻠﻲ ﺣﻮﺍﻟﻴﻚ ﻭﻣﺎ ﺑﺘﻬﺘﻤﺶ ... ﻛﻨﺖ ﺑﺘﺠﺮﺣﻨﻲ ﻭﺍﻗﻮﻝ ﻣﻌﻠﺶ ﻋﻠﺸﺎﻥ ﺗﻌﺒﺎﻥ ﻭﺭﺍﻗﺪ ﻭﺍﺳﺎﻣﺢ ﻭﺍﺭﺟﻌﻠﻚ ﻭﺍﻧﺖ ﺗﺘﻤﺎﺩﻱ ﻭﺍﺳﺎﻣﺢ ... ﺍﻧﺎ ﺳﺎﻣﺤﺘﻚ ﻋﻠﻲ ﺗﺠﻮﻳﻌﻲ ﺍﻧﺎ ﻭﺑﻨﺘﻚ ... ﺳﺎﻣﺤﺘﻚ ﻋﻠﻲ ﻛﻞ ﺣﺎﺟﻪ ... ﻭﺍﻧﺖ ﺑﺘﺘﻤﺎﺩﻱ .. ﻛﻞ ﻣﺎ ﺗﺘﻌﺐ ﺗﻴﺠﻴﻠﻲ ﻫﻨﺎ ﻭﺍﻧﺎ ﺍﻓﺘﺢ ﺩﺭﻋﺎﺗﻲ ﻟﻴﻚ ﻭﺍﺿﻤﻚ .. ﻛﻞ ﻣﺎ ﺑﺘﺘﺨﺎﻧﻖ ﻣﻊ ﺍﻟﺴﻨﻴﻮﺭﻩ ﺑﺘﺎﻋﺘﻚ ﺑﺘﺠﺮﻱ ﻋﻠﻴﺎ ﻭﺍﻧﺎ ﺑﺴﻤﻌﻚ ﻭﺍﻧﺼﺤﻚ ﻭﺍﺧﻠﻴﻚ ﺗﺮﺟﻌﻠﻬﺎ ... ﺍﻧﺖ ﻳﻮﻡ ﺧﻄﻮﺑﺘﻚ ﺟﻴﺘﻠﻲ ﻫﻨﺎ ﻭﺍﻧﺎ ﻟﺒﺴﺘﻚ ﻟﺨﻄﻴﺒﺘﻚ ﻭﻳﻮﻡ ﻓﺮﺣﻚ ﺟﻴﺖ ﻫﻨﺎﻭﺍﺳﺘﻘﺒﻠﺘﻚ ﺑﺎﺑﺘﺴﺎﻣﻪ ﺍﻧﺖ ﺍﻳﻪ ﻳﺎ ﺍﺧﻲ ﻣﺎ ﺑﺘﺤﺴﺶ ...
    ﺑﻌﺪ ﻛﻞ ﺩﻩ ﺟﺎﻱ ﺗﻘﻮﻟﻲ ﺟﻮﺍﺯ ﺻﻮﺭﻱ ﻭﻋﻠﻲ ﺍﻟﻮﺭﻕ .... ﺍﻧﺖ ﻋﺎﺭﻑ ﺍﻧﺎ ﺍﻛﺘﻔﻴﺖ ﻣﻨﻚ ﻭﺑﻨﺘﻲ ﻣﻜﺘﻮﺏ ﺑﺎﺳﻢ ﺭﺍﺟﻞ .. ﺭﺍﺟﻞ ﺑﻴﺘﺤﻤﻞ ﺍﻟﻤﺴﺆﻟﻴﻪ ﺣﺘﻲ ﻟﻮ ﻣﺶ ﻣﺴﺆﻟﻴﺘﻪ ... ﻭﺍﻧﺎ ﺭﺍﺿﻴﻪ ﺑﺎﻟﺮﺍﺟﻞ ﺍﻟﻠﻲ ﻫﻴﺎ ﻣﻜﺘﻮﺑﻪ ﺑﺎﺳﻤﻪ ... ﺍﻣﺎ ﺍﻧﺖ ﺍﻧﺎ ﻣﺶ ﻋﻴﺰﺍﻙ ﻓﻲ ﺣﻴﺎﺗﻨﺎ ﺍﻛﺘﺮ ﻣﻦ ﻛﺪﻩ ﻓﻠﻮ ﺳﻤﺤﺖ ﺍﻃﻠﻊ ﺑﺮﻩ
    ﺷﻮﻕ ﻛﺎﻧﺖ ﺑﺘﻨﻬﺞ ﺑﻌﺪ ﻛﻞ ﺍﻟﻜﻼﻡ ﺩﻩ ... ﺍﺧﻴﺮﺍ ﺍﻧﻔﺠﺮﺕ ﻭﺛﺎﺭ ﺍﻟﺒﺮﻛﺎﻥ ﺍﻟﻠﻲ ﺟﻮﺍﻫﺎ .. ﻭﻓﻌﻼ ﺍﻟﻤﺜﻞ ﺑﻴﻘﻮﻝ ﺍﺗﻖ ﺷﺮ ﺍﻟﺤﻠﻴﻢ ﺍﺫﺍ ﻏﻀﺐ
    ﺣﺎﺯﻡ : ﺷﻮﻕ ﺍﺳﻤﻌﻴﻨﻲ
    ﺷﻮﻕ : ﺍﻃﻠﻊ ﺑﺮﻩ ﻟﻮ ﺳﻤﺤﺖ ﻳﺎ ﺍﻣﺎ ﻫﻄﻠﻊ ﺍﻧﺎ
    ﺣﺎﺯﻡ : ﻫﺴﻴﺒﻚ ﺗﻬﺪﻱ ﻭﻧﺒﻘﻲ ﻧﺘﻜﻠﻢ
    ﺧﺮﺝ ﺣﺎﺯﻡ ﻭﻫﻴﺎ ﺍﻧﻬﺎﺭﺕ ﺗﻌﻴﻂ ﻋﻠﻲ ﻛﻞ ﺍﺣﻼﻣﻬﺎ ﺍﻟﻠﻲ ﺍﺗﻔﺘﺖ ﻭﺍﻧﻬﺎﺭﺕ .. ﻛﻞ ﺍﻣﻞ ﻟﻴﻬﺎ ﺍﻧﻬﺎﺭ ﻭﺍﺗﺤﻄﻢ ...
    ﺣﺎﺯﻡ ﺧﺮﺝ ﻣﻦ ﻋﻨﺪﻫﺎ ﻣﺴﺘﻐﺒﻲ ﻧﻔﺴﻪ ﺑﺲ ﺑﺮﺿﻪ ﻣﺶ ﻓﺎﻫﻢ ﻫﻴﺎ ﻣﻌﻘﻮﻟﻪ ﺗﻜﻮﻥ ﻟﺴﻪ ﺑﺘﺤﺒﻪ ﻛﺪﻩ ؟؟
    ﺑﺲ ﻫﻮ ﺑﻴﺤﺐ ﻣﺮﺍﺗﻪ ﻭﻻﺯﻡ ﻳﻜﻮﻥ ﻣﺨﻠﺺ ﻟﻬﺎ .. ﻣﺮﺍﺗﻪ ﻋﻠﻲ ﻃﻮﻝ ﻭﺍﻗﻔﻪ ﺟﻨﺒﻪ ﻭﺳﻨﺪﺍﻩ .. ﻣﺶ ﺩﻱ ﺟﺰﺍﺗﻬﺎ ﺍﻧﻬﺎ ﺣﺒﺘﻪ ...
    ﺑﺲ ﺷﻮﻕ ﺍﺗﻈﻠﻤﺖ ﻛﺘﻴﺮ ﻗﻮﻱ ... ﻭﺍﺗﺤﻤﻠﺖ ﺍﻛﺘﺮ ﻭﺍﻛﺘﺮ ... ﻭﻣﻦ ﺣﻘﻬﺎ ....
    ﻣﻦ ﺣﻘﻬﺎ ﺍﻳﻪ ؟ ﺗﻌﻮﺿﻬﺎ ؟؟ ﺷﻮﻕ ﺧﻼﺹ ﻣﺠﺮﺩ ﻣﺎﺿﻲ ﺧﻠﻴﻚ ﻓﻲ ﺍﻟﺤﺎﺿﺮ ﻭﺍﻟﺤﺎﺿﺮ ﻓﻴﻪ ﺷﺎﻫﻲ ﻣﺮﺍﺗﻚ
    ﺷﻮﻕ ﺭﺍﺣﺖ ﺗﺸﻮﻑ ﺑﻨﺘﻬﺎ ﻭﻫﻨﺎﻙ ﺣﻜﺖ ﻟﻤﺤﻤﻮﺩ ﻛﻞ ﺍﻟﻠﻲ ﺣﺼﻞ ﻭﻋﻴﻄﺖ ﻛﺘﻴﺮ ﻭﻫﻮ ﻣﺶ ﻋﺎﺭﻑ ﻳﻌﻤﻠﻬﺎ ﺍﻳﻪ ؟؟؟
    ﻣﺤﻤﻮﺩ : ﺍﻗﻮﻟﻚ ﺭﺃﻳﻲ ﻭﺗﻨﻔﺬﻳﻪ ؟؟
    ﺷﻮﻕ : ﻗﻮﻝ ﺍﺭﺟﻮﻙ
    ﻣﺤﻤﻮﺩ : ﺗﺮﻭﺣﻲ ﺑﻴﺘﻪ ﺗﻠﻤﻲ ﻛﻞ ﺣﺎﺟﺘﻚ ﻭﺣﺎﺟﻪ ﺑﻨﺘﻚ ﻭﺗﻄﻠﻌﻲ ﻋﻠﻲ ﺷﻘﺘﻨﺎ ﺍﻟﻘﺪﻳﻤﻪ ﻭﺗﻔﺘﺤﻴﻬﺎ ﻭﺗﻌﻴﺸﻲ ﻓﻴﻬﺎ ﻭﺗﺮﺟﻌﻲ ﻟﻠﺸﻐﻞ ﺍﻟﻠﻲ ﺭﻓﻀﺘﻴﻪ ﺩﻩ ﻭﺗﻘﻔﻲ ﻋﻠﻲ ﺭﺟﻠﻴﻜﻲ ﺍﻧﺘﻲ ﻣﺶ ﺿﻌﻴﻔﻪ ﺍﻧﺘﻲ ﻗﻮﻳﻪ .. ﺍﻟﻠﻲ ﺗﻘﻒ ﻗﺼﺎﺩ ﺍﻟﻌﺎﻟﻢ ﻛﻠﻪ ﻭﺗﺮﺑﻲ ﺑﻨﺘﻬﺎ ﻭﻣﻬﻤﺎ ﺗﺒﻘﻲ ﺍﻟﻈﺮﻭﻑ ﻋﻤﺮﻫﺎ ﻣﺎ ﺗﻐﻠﻂ ﺗﺒﻘﻲ ﻗﻮﻳﻪ ﻭﻗﻮﻳﻪ ﺟﺪﺍ ﻛﻤﺎﻥ ﻟﻴﻪ ﻣﻊ ﺣﺎﺯﻡ ﺑﻘﻲ ﺑﺘﺒﻘﻲ ﺑﻤﻨﺘﻬﻲ ﺍﻟﻀﻌﻒ ﻭﺍﻻﻧﻜﺴﺎﺭ ؟؟
    ﺷﻮﻕ : ﺍﻧﺎ ﺑﺤﺒﻪ
    ﻣﺤﻤﻮﺩ : ﻋﻤﺮ ﻣﺎ ﻛﺎﻥ ﺍﻟﺤﺐ ﺿﻌﻒ ﺍﻭ ﺍﻧﻜﺴﺎﺭ ... ﻟﻮ ﺍﻟﺤﺐ ﻳﺎ ﺷﻮﻕ ﻣﺶ ﻫﻴﻮﻗﻔﻚ ﻋﻠﻲ ﺭﺟﻠﻴﻜﻲ ﻭﻳﺴﻨﺪﻟﻚ ﻇﻬﺮﻙ ﻳﺒﻘﻲ ﻣﺎﻟﻮﺵ ﻻﺯﻣﻪ .. ﺍﻟﺤﺐ ﺍﻟﻠﻲ ﻳﻜﺴﺮ ﻭﻳﺄﺧﺮ ﻭﻳﻀﻌﻒ ﻣﺎﻟﻮﺵ ﻗﻴﻤﻪ ﻓﻲ ﺣﻴﺎﺗﻨﺎ ﻭﻗﻠﺘﻪ ﺍﺣﺴﻦ .. ﺧﻠﻴﻜﻲ ﺷﻮﻕ ﺍﻟﻠﻲ ﺭﺍﻓﻌﻪ ﺭﺍﺳﻬﺎ ﻃﻮﻝ ﻋﻤﺮﻫﺎ ﻭﻣﺎﺗﻮﻃﻴﺶ ﺍﻳﻮﻩ ﻏﻠﻄﺘﻲ ﺑﺲ ﻛﻔﺎﻳﻪ ﺑﻘﻲ ﺩﻓﻌﺘﻲ ﺍﻟﺘﻤﻦ ﻛﻔﺎﻳﻪ ﺭﺑﻚ ﺑﻴﺴﺎﻣﺢ ﻭﻳﻐﻔﺮ ... ﻛﻔﺎﻳﻪ ﻳﺎ ﺷﻮﻕ
    ﻛﻼﻡ ﻣﺤﻤﻮﺩ ﻋﻄﺎﻫﺎ ﺩﻓﻌﻪ ﺍﻣﻞ ﻛﺒﻴﺮﻩ ﻓﻘﺎﻣﺖ ﻓﻌﻼ ﻟﻤﺖ ﻛﻞ ﺣﺎﺟﺘﻬﺎ ﻭﺣﺎﺟﻪ ﺑﻨﺘﻬﺎ ﻭﺭﺍﺣﺖ ﻋﻠﻲ ﺍﻟﺸﻘﻪ ﺍﻟﻠﻲ ﺍﺗﺠﻮﺯﺕ ﻓﻴﻬﺎ ﻟﻘﺖ ﺳﻤﻴﻪ ﻭﺍﻣﻬﺎ ﻫﻨﺎﻙ ﻧﻈﻔﻮﻫﺎ ﻭﺟﻬﺰﻭﻫﺎ ﻟﻴﻬﺎ .. ﺍﺳﺘﻘﺮﺕ ﻫﻴﺎ ﻭﺑﻨﺘﻬﺎ ﻭﺭﻭﻗﻮﺍ ﺣﺎﺟﺘﻬﻢ ﻭﻗﻔﻠﻮﺍ ﺑﺎﺑﻬﻢ ﻋﻠﻴﻬﻢ ...
    ﺭﻫﻒ : ﻣﺎﻣﻲ ﺍﺣﻨﺎ ﻫﻨﻌﻴﺶ ﻫﻨﺎ ؟؟؟
    ﺷﻮﻕ : ﺍﻳﻮﻩ ﺣﺒﻴﺒﺘﻲ ... ﺍﻧﺘﻲ ﻋﻨﺪﻙ ﻣﺎﻧﻊ ؟؟
    ﺭﻫﻒ : ﻷ ... ﻃﻴﺐ ﻭﺣﺎﺯﻡ ؟؟
    ﺷﻮﻕ : ﺍﻩ ﻣﻦ ﺣﺎﺯﻡ ﻳﺎ ﺭﻫﻒ ... ﺑﺼﻲ ﺑﻤﺎ ﺍﻧﻚ ﻛﺒﻴﺮﻩ ﻭﺑﺘﻔﻬﻤﻲ ﺍﻧﺎ ﺍﺳﻔﻪ ﺍﻻﻭﻝ ﺍﻧﻲ ﺧﺒﻴﺖ ﻋﻠﻴﻜﻲ ﺍﻥ ﺣﺎﺯﻡ ﻳﺒﻘﻲ ﺑﺎﺑﺎﻛﻲ ...
    ﺭﻫﻒ : ﺍﻧﺎ ﻣﺶ ﺯﻋﻼﻧﻪ ﻣﻨﻚ ... ﺑﺲ ﻫﻮ ﺍﺣﻨﺎ ﺳﻴﺒﻨﺎ ﺑﻴﺘﻪ ﻟﻴﻪ ؟؟ﻣﺶ ﺍﻟﻤﻔﺮﻭﺽ ﺍﻥ ﺍﺣﻨﺎ ﻛﻠﻨﺎ ﻧﻌﻴﺶ ﻣﻊ ﺑﻌﺾ ؟؟
    ﺷﻮﻕ : ﺍﻟﻤﻔﺮﻭﺽ ﺑﺲ ﻫﻮ ﻣﺘﺠﻮﺯ ﻭﻋﺎﻳﺶ ﻣﻊ ﻣﺮﺍﺗﻪ ﺍﻩ ﻫﻮ ﺑﻴﺤﺒﻚ ﻭﻋﺎﻳﺰﻙ ﺑﺲ ﻣﺶ ﻋﺎﻳﺰﻧﻲ ﺍﻧﺎ
    ﺭﻫﻒ : ﻳﻌﻨﻲ ﺍﻳﻪ ؟؟
    ﺷﻮﻕ : ﻣﺶ ﻋﺎﺭﻓﻪ .... ﻳﻌﻨﻲ ﻫﻮ ﻋﺎﻳﺰﻙ ﺍﻧﺘﻲ ﺑﺲ ﺍﻧﺎ ﻷ ﻻﻧﻪ ﻋﻨﺪﻩ ﺷﺎﻫﻨﺪﺍ ﻣﺮﺍﺗﻪ .. ﻟﻮ ﺍﻧﺘﻲ ﺣﺒﻴﺒﺘﻲ ﻋﺎﻳﺰﻩ ﺗﺮﻭﺣﻲ ﺗﻌﻴﺸﻲ ﻣﻌﺎﻩ ﻋﻨﺪ ﺷﺎﻫﻲ ﺻﺤﺒﺘﻚ ﻭﺗﻌﻴﺸﻲ ﻓﻲ ﺑﻴﺘﻬﻢ ﺍﻟﻜﺒﻴﺮ ﺩﻩ ﺣﻘﻚ ﺍﻧﺎ ﻣﺶ ﻫﻤﻨﻌﻚ ....
    ﺭﻫﻒ : ﻻ ﻳﺎ ﻣﺎﻣﻲ ﺍﻧﺎ ﻭﺍﻧﺘﻲ ﻣﻊ ﺑﻌﺾ ﻭﻋﻠﻲ ﻃﻮﻝ ﻫﻨﻔﻀﻞ ﻣﻊ ﺑﻌﺾ ﻭﻟﻮ ﻫﻮ ﻣﺶ ﻋﺎﻳﺰﻧﺎ ﻣﻊ ﺑﻌﺾ ﻳﺒﻘﻲ ﻣﺶ ﻫﻴﺎﺧﺪﻧﺎ ﻣﻦ ﺑﻌﺾ ... ﺍﻧﺘﻲ ﻭﻋﺪﺗﻴﻨﻲ ﻫﻨﻔﻀﻞ ﺍﻧﺎ ﻭﺍﻧﺘﻲ ﻣﻊ ﺑﻌﺾ ﺻﺢ ﻳﺎ ﻣﺎﻣﻲ ؟؟
    ﺷﻮﻕ ﺿﻤﺘﻬﺎ : ﺻﺢ ﻳﺎ ﻗﻠﺐ ﻣﺎﻣﺎ ﺻﺢ
    ﺣﺎﺯﻡ ﺭﺟﻊ ﺑﻴﺘﻪ ﻛﺎﻧﺖ ﻣﺮﺍﺗﻪ ﻗﺎﻋﺪﻩ ﻓﻲ ﺍﻭﺿﺘﻬﺎ ﺑﺘﻠﺒﺲ ﻭﺗﺠﻬﺰ ﻭﻫﻮ ﺭﺍﺟﻊ ﻋﻠﻲ ﺍﺧﺮﻩ ﺗﻌﺒﺎﻥ ﻣﻮﺟﻮﻉ ﻣﺘﻠﺨﺒﻂ
    ﺷﺎﻫﻨﺪﺍ : ﺍﺧﻴﺮﺍ ﺭﺟﻌﺖ ؟ ﺍﺩﺧﻞ ﺧﺪ ﺷﺎﻭﺭ ﺳﺮﻳﻊ ﻭﺍﺣﻠﻖ ﺩﻗﻨﻚ ﻭﺍﺟﻬﺰ ﺑﺴﺮﻋﻪ
    ﺣﺎﺯﻡ : ﻟﻴﻪ ﺍﻥ ﺷﺎﺀ ﺍﻟﻠﻪ ؟؟
    ﺷﺎﻫﻨﺪﺍ : ﻫﻨﺴﻬﺮ ﺑﺮﻩ ﻣﻮﺍﻋﺪﻩ ﺻﺤﺒﺎﺗﻲ ﻧﺴﻬﺮ ﻣﻌﺎﻫﻢ .. ﺍﺣﻨﺎ ﻣﺨﺘﻔﻴﻦ ﻣﻦ ﺳﺎﻋﻪ ﺣﺎﺩﺛﻪ ﺭﻫﻒ
    ﺣﺎﺯﻡ : ﻳﻮﻡ ﺗﺎﻧﻲ ﺍﻟﻨﻬﺎﺭﺩﻩ ﺗﻌﺒﺎﻥ ...
    ﺷﺎﻫﻨﺪﺍ : ﺑﻘﻮﻟﻚ ﻣﻮﺍﻋﺪﻩ ﺻﺤﺒﺎﺗﻲ
    ﺣﺎﺯﻡ : ﻭﺍﻧﺎ ﺑﻘﻮﻟﻚ ﺗﻌﺒﺎﻥ
    ﺷﺎﻫﻨﺪﺍ : ﺧﺪ ﻣﺴﻜﻦ ﻭﻳﺎﻻ ﺳﺎﻋﺘﻴﻦ ﻭﻧﺮﺟﻊ
    ﺣﺎﺯﻡ : ﺷﺎﻫﻨﺪﺍ !! ﺗﻌﺒﺎﻥ ﻭﻣﺶ ﻗﺎﺩﺭ ﺍﺧﺮﺝ ﻭﻣﺶ ﻋﺎﻳﺰ ﺍﺧﺮﺝ ﺍﺻﻼ ﺍﺷﻮﻑ ﺣﺪ ﺍﻭ ﺍﺳﻬﺮ ﻣﻊ ﺣﺪ .. ﺍﻧﺘﻲ ﻋﺎﻳﺰﻩ ﺗﺨﺮﺟﻲ ﺍﺗﻔﻀﻠﻲ ﺳﻴﺒﻴﻨﻲ ﻓﻲ ﺣﺎﻟﻲ ﺑﻘﻲ
    ﺷﺎﻫﻨﺪﺍ ﻣﺶ ﻋﺎﺟﺒﻬﺎ ﺍﻟﻜﻼﻡ : ﺷﻮﻕ ﻗﺎﻟﺘﻠﻚ ﺍﻳﻪ ؟؟ ﻫﺘﺘﺠﻮﺯﻫﺎ ﺍﻣﺘﻲ ؟؟
    ﺣﺎﺯﻡ : ﺭﻓﻀﺖ ﺍﻟﺠﻮﺍﺯ ﺍﺻﻼ
    ﺷﺎﻫﻨﺪﺍ : ﺭﻓﻀﺖ ﺍﻟﺠﻮﺍﺯ ﻋﺎﻣﻪ ﻭﻻ ﺭﻓﻀﺖ ﺍﻟﺠﻮﺍﺯ ﺍﻟﺼﻮﺭﻱ ؟؟ ﻫﻬﻬﻬﻬﻬﻪ ﻛﺎﻧﺖ ﻋﺎﻳﺰﺍﻙ ﺍﻧﺖ ﻛﻠﻚ ﻋﻠﻲ ﺑﻌﻀﻚ .. ﺻﺢ ؟
    ﺣﺎﺯﻡ : ﺍﻟﻠﻪ ﺍﻋﻠﻢ ﻫﻴﺎ ﻋﺎﻳﺰﻩ ﺍﻳﻪ ﺑﻌﺪ ﺍﺫﻧﻚ ﺍﻧﺎ ﻫﺪﺧﻞ ﺍﺧﺪ ﺷﺎﻭﺭ ﻭﺍﻧﺎﻡ
    ﺷﺎﻫﻨﺪﺍ : ﻭﺍﻧﺎ ﻫﺨﺮﺝ ﻣﻊ ﺻﺤﺒﺎﺗﻲ ﻫﻨﺴﻬﺮ ﺑﺮﻩ ﺗﺼﺒﺢ ﻋﻠﻲ ﺧﻴﺮ
    ﺳﺎﺑﺘﻪ ﻭﺧﺮﺟﺖ ﻭﻫﻮ ﻓﻜﺮ ﻛﺘﻴﺮ ﻳﻨﺰﻝ ﻳﺮﻭﺡ ﻟﺸﻮﻕ ﺑﺲ ﺍﻓﺘﻜﺮ ﺍﻧﻬﺎ ﻣﺠﺮﻭﺣﻪ ﻣﻨﻪ ﻭﺯﻋﻼﻧﻪ ... ﺍﻟﺼﺒﺢ ﻳﺪﺧﻞ ﺭﻫﻒ ﺑﻨﻬﻢ ..
    ﺍﻟﺼﺒﺢ ﻗﺎﻡ ﻛﺎﻧﺖ ﻣﺮﺍﺗﻪ ﻧﺎﻳﻤﻪ ﺟﻨﺒﻪ ﻟﺒﺲ ﻭﻧﺰﻝ ﻭﺭﺍﺡ ﻟﺮﻫﻒ ﻭﺷﻮﻕ .. ﺧﺒﻂ ﻛﺘﻴﺮ ﺑﺲ ﻣﺤﺪﺵ ﻓﺘﺢ ،، .
    - ﺍﻛﻴﺪ ﺭﺍﺣﻮﺍ ﺍﻟﻤﺪﺭﺳﻪ .. ﺭﻫﻒ ﺍﺗﺤﺴﻨﺖ ﻣﻤﻜﻦ ﺗﻜﻮﻥ ﻭﺩﺗﻬﺎ ﻭﺭﺍﺣﺖ ﻣﺸﻮﺍﺭ ﻣﺜﻼ ؟؟
    ﺑﻴﻜﻠﻢ ﻧﻔﺴﻪ ﺣﺎﺯﻡ .. ﻃﻠﻊ ﻣﻔﺘﺎﺣﻪ ﻭﻓﺘﺢ ﻳﺴﺘﻨﺎﻫﻢ .. ﺩﺧﻞ ﺍﻭﺿﻪ ﺭﻫﻒ ﻭﻟﻘﺎﻫﺎ ﻣﺮﺗﺒﻪ ﺯﻳﺎﺩﻩ ﻋﻦ ﺍﻟﻠﺰﻡ ﻓﻘﻠﺒﻪ ﺍﺗﻘﺒﺾ ﻭﺭﺍﺡ ﻧﺎﺣﻴﻪ ﺍﻟﺪﻭﻻﺏ ﻓﺘﺤﻪ ﻭﺍﺗﻔﺎﺟﺊ ﺑﻴﻪ ﻓﺎﺿﻲ ... ﺭﺍﻓﺾ ﻳﺼﺪﻕ ﻓﺮﺍﺡ ﺍﻭﺿﻪ ﺷﻮﻕ ﻭﻓﺘﺢ ﺩﻭﻻﺑﻬﺎ ﻭﻧﻔﺲ ﺍﻟﺤﻜﺎﻳﻪ ... ﺷﻮﻕ ﺳﺎﺑﺘﻠﻪ ﺍﻟﺒﻴﺖ ﻭﻣﺸﻴﺖ .. ﺍﺧﺪﺕ ﺑﻨﺘﻪ ﻭﻣﺸﻴﺖ ...
    ﺍﺗﺼﻞ ﺑﺘﻠﻴﻔﻮﻧﻬﺎ ﺑﺲ ﻣﺮﺩﺗﺶ ﻋﻠﻴﻪ ... ﻛﺎﻥ ﻫﻴﺘﺠﻨﻦ ﻭﻣﺶ ﻋﺎﺭﻑ ﻳﻌﻤﻞ ﺍﻳﻪ ؟؟
    ﺭﺍﺡ ﻋﻠﻲ ﺷﻐﻠﻪ ﻭﻃﻠﺐ ﻋﻠﻲ ﻭﺍﻭﻝ ﻣﺎ ﺩﺧﻠﻪ
    ﺣﺎﺯﻡ : ﺗﻘﻠﺐ ﺍﻟﺪﻧﻴﺎ ﻛﻠﻬﺎ ﻭﺗﻌﺮﻓﻠﻲ ﺷﻮﻕ ﻓﻴﻦ ﻫﻴﺎ ﻭﺑﻨﺘﻲ
    ﻋﻠﻲ : ﺑﻨﺘﻚ ؟؟ ﺑﻨﺘﻚ ﻣﻴﻦ ؟؟
    ﺣﺎﺯﻡ : ﺭﻫﻒ ... ﺭﻫﻒ ﺑﻨﺘﻲ
    ﻋﻠﻲ ﺑﺼﺪﻣﻪ : ﺑﻨﺘﻚ ﺍﺯﺍﻱ ؟؟ ﻭﻟﻤﺎ ﻫﻴﺎ ﺑﻨﺘﻚ ﻛﻨﺖ ﺑﺘﺮﻣﻴﻬﻢ ﻓﻲ ﺍﻟﺸﺎﺭﻉ ﻭﺗﺠﻮﻋﻬﻢ ﻟﻴﻪ ؟؟ ﺣﺪ ﻋﺎﻗﻞ ﻳﻌﻤﻞ ﻛﺪﻩ ﻓﻲ ﺑﻨﺘﻪ ؟؟
    ﺣﺎﺯﻡ : ﻣﻜﻨﺘﺶ ﺍﻋﺮﻑ ﺍﻛﻴﺪ ... ﻟﺴﻪ ﻋﺎﺭﻑ ﺍﻧﻬﺎ ﺑﻨﺘﻲ
    ﻋﻠﻲ : ﻭﻗﻠﺒﻚ ﻣﺎ ﻗﺎﻟﻜﺶ؟؟ ﺑﺲ ﻋﺎﺭﻑ ﺗﺴﺘﺎﻫﻞ ﻭﻛﻮﻳﺲ ﺍﻧﻬﺎ ﻃﻠﻌﺖ ﺑﻨﺘﻚ ﻋﻠﺸﺎﻥ ﺍﻧﺖ ﺗﺘﻌﺬﺏ ﺑﻜﻞ ﺍﻟﻠﻲ ﻋﻤﻠﺘﻪ ﻓﻴﻬﻢ ... ﻛﻮﻳﺲ ﺍﻧﻬﺎ ﻃﻠﻌﺖ ﺑﻨﺘﻚ ﺍﻟﻠﻲ ﺍﻧﺖ ﺟﻮﻋﺘﻬﺎ ﺑﺎﻳﺪﻙ
    ﺣﺎﺯﻡ : ﻋﻠﻲ !! ﻭﺍﻟﻠﻪ ﻣﺎ ﻧﻘﺼﺎﻙ ﺍﻧﺎ ﻓﻴﺎ ﺍﻟﻠﻲ ﻣﻜﻔﻴﻨﻲ ... ﻋﺎﻳﺰ ﺍﻋﺮﻑ ﻣﻜﺎﻥ ﺷﻮﻕ ﻓﻴﻦ ؟؟
    ﻋﻠﻲ : ﻋﻠﺸﺎﻥ ﺗﺎﺧﺪ ﻣﻨﻬﺎ ﺑﻨﺘﻬﺎ ﺻﺢ ؟؟؟ﻋﻠﺸﺎﻥ ﻛﺪﻩ ﻫﺮﺑﺖ ﻣﻨﻚ ؟
    ﺣﺎﺯﻡ : ﻋﻠﻲ !!!
    ﻋﻠﻲ : ﺍﻧﺎ ﺍﺳﻒ ﻳﺎ ﺣﺎﺯﻡ ... ﻣﺶ ﻫﺴﺎﻋﺪﻙ ﺗﺤﺮﻡ ﺍﻡ ﻣﻦ ﺑﻨﺘﻬﺎ
    ﺣﺎﺯﻡ : ﻫﻮ ﺍﻧﺖ ﺑﺘﺘﻜﻠﻢ ﻭﺗﺮﺩ ﻋﻠﻲ ﻧﻔﺴﻚ ؟؟؟ﺍﻧﺎ ﻣﺶ ﻫﺎﺧﺪ ﺭﻫﻒ ﻣﻦ ﺷﻮﻕ ﺍﻧﺎ ﺑﺲ ﻋﺎﻳﺰ ﺍﺭﺟﻌﻬﻢ ﺍﻟﺒﻴﺖ ﻭﻳﺒﻘﻮﺍ ﺗﺤﺖ ﺭﻋﺎﻳﺘﻲ
    ﻋﻠﻲ : ﻃﻴﺐ ﻭﻫﻴﺎ ﺳﺎﺑﺘﻚ ﻟﻴﻪ ؟
    ﺣﺎﺯﻡ : ﻃﻠﺒﺖ ﻣﻨﻬﺎ ﻧﺘﺠﻮﺯ ﻋﻠﺸﺎﻥ ﺍﻛﺘﺐ ﺍﻟﺒﻨﺖ ﺑﺎﺳﻤﻲ ﺭﻓﻀﺖ ﻭﺍﻫﻲ ﺳﺎﺑﺘﻠﻲ ﺍﻟﺒﻴﺖ
    ﻋﻠﻲ : ﻫﻴﺎ ﺑﺘﺤﺒﻚ ﻛﻼﻣﻚ ﻣﺶ ﻣﻨﻄﻘﻲ ... ﻋﻤﺮﻫﺎ ﻣﺎ ﺗﺮﻓﺾ ﺗﺘﺠﻮﺯﻙ .. ﻟﻴﻪ ﻣﺸﻴﺖ ﻳﺎ ﺣﺎﺯﻡ ؟؟
    ﺣﺎﺯﻡ : ﺟﻮﺍﺯ ﺻﻮﺭﻱ ﻋﻠﻲ ﺍﻟﻮﺭﻕ ﺑﺲ
    ﻋﻠﻲ ﺿﺤﻚ : ﻻﺯﻡ ﻓﻌﻼ ﺗﺮﻓﺾ ﻭﺗﻤﺸﻲ ... ﺍﻧﺖ ﻣﺶ ﻣﻌﻘﻮﻝ ﻋﻠﻲ ﺍﻟﻌﻤﻮﻡ ﺣﺎﺿﺮ ﻫﻌﺮﻓﻠﻚ ﻣﻜﺎﻧﻬﺎ ﺍﻟﻤﻬﻢ ﺣﺎﻟﻴﺎ ﻓﻲ ﺍﺟﺘﻤﺎﻉ ﻟﻤﺠﻠﺲ ﺍﻻﺩﺍﺭﻩ ﻭﻭﺍﻟﺪﺗﻚ ﻣﻮﺟﻮﺩﻩ ﺗﻌﺎﻝ ﻧﺤﻀﺮﻩ ﺍﻻﻭﻝ
    ﺣﺎﺯﻡ : ﻭﺍﻟﺪﺗﻲ ؟؟ ﻭﺍﻟﺪﺗﻲ ﺍﻳﻪ ﺍﻟﻠﻲ ﺟﺎﺑﻬﺎ ؟؟
    ﻋﻠﻲ : ﻣﺶ ﻟﻮﺣﺪﻫﺎ
    ﺣﺎﺯﻡ ﺍﺗﻨﻔﺾ ﻭﺍﻗﻒ : ﻫﻴﺎ ﻭﺻﻠﺖ ﺍﻧﻬﺎ ﺗﺠﻴﺒﻪ ﻫﻨﺎ ؟؟ ﺩﻩ ﺍﻟﻠﻲ ﻛﻨﺖ ﻋﺎﻣﻞ ﺣﺴﺎﺑﻪ
    ﺭﺍﺡ ﻋﻠﻲ ﺍﻻﺟﺘﻤﺎﻉ ﻭﺍﻭﻝ ﻣﺎ ﺩﺧﻞ ﺍﻟﻜﻞ ﻭﻗﻒ ﻣﺎﻋﺪﺍ ﻣﺎﻣﺘﻪ
    ﺣﺎﺯﻡ ﺑﺺ ﻟﺤﺴﺎﻡ ﺟﻮﺯﻫﺎ
    ﺣﺎﺯﻡ : ﺳﻴﺎﺩﺗﻚ ﺍﻳﻪ ﺍﻟﻠﻲ ﺟﺎﺑﻚ ﻫﻨﺎ ...
    ﺣﺴﺎﻡ : ﺍﻧﺎ ﻣﻦ ﻫﻨﺎ ﻭﺭﺍﻳﺢ ﺍﻟﻠﻲ ﻫﺤﻀﺮ ﺍﻻﺟﺘﻤﺎﻋﺎﺕ
    ﺣﺎﺯﻡ : ﺩﻩ ﻓﻲ ﺍﻻﺣﻼﻡ
    ﺻﻔﻴﻪ : ﺣﺎﺯﻡ !!! ﻫﻮ ﻫﻴﺤﻀﺮ ﻧﻴﺎﺑﻪ ﻋﻨﻲ ... ﺍﻧﺎ ﻋﻤﻠﺘﻠﻪ ﺗﻮﻛﻴﻞ ﻭﻫﻮ ﻣﺴﺆﻝ ﻋﻦ ﺍﻻﺳﻬﻢ ﺑﺘﺎﻋﺘﻲ ﻓﻲ ﺍﻟﺸﺮﻛﻪ .. ﻣﻦ ﻫﻨﺎ ﻭﺭﺍﻳﺢ ﻫﻮ ﻣﻌﺎﻙ ﻓﻲ ﺍﻻﺩﺍﺭﻩ
    ﺣﺎﺯﻡ ﻭﻗﻒ ﻭﺍﺗﺼﺪﻡ ﻭﻣﻌﺮﻓﺶ ﻳﻘﻮﻝ ﺍﻳﻪ ؟ ﺩﻩ ﺍﻟﻠﻲ ﻛﺎﻥ ﺧﺎﻳﻒ ﻣﻨﻪ ﺑﺎﻟﻈﺒﻂ .. ﺍﻣﻪ ﺗﺪﺧﻞ ﻧﺼﺎﺏ ﺷﺮﻛﺘﻪ .....
    ﺣﺎﺯﻡ ....

    إرسال تعليق