-->

روايه لغيه القدر الفصل الخامس

روايه لغيه القدر الفصل الخامس

     

    (الفصل الخامس)

    ﺷﻮﻕ ﻛﻞ ﻣﺤﺎﻭﻻﺗﻬﺎ ﺍﻧﻬﺎ ﺗﺮﺟﻊ ﻟﺤﺎﺯﻡ ﺛﻘﺘﻪ ﺑﻨﻔﺴﻪ ﻛﺎﻧﺖ ﻓﺎﺷﻠﻪ
    ﻫﻴﺎ ﻋﺎﺭﻓﻪ ﺍﻧﻪ ﻣﺶ ﻋﺎﺟﺰ ﺍﺑﺪﺍ ﻫﻮ ﺑﺲ ﻓﺎﻗﺪ ﺍﻟﺜﻘﻪ ﻓﻲ ﻧﻔﺴﻪ ﻭﻫﻴﺎ ﻣﺤﺘﺎﺟﻪ ﺗﺮﺟﻌﺎﻟﻪ ﺑﺎﻱ ﻃﺮﻳﻘﻪ
    ﺣﺒﻴﺒﻬﺎ ﻣﺤﺘﺎﺟﻠﻬﺎ ﻭﻫﻴﺎ ﻻﺯﻡ ﺗﻘﻒ ﺟﻨﺒﻪ
    ﺣﺒﻪ ﻛﺎﻥ ﺍﻛﺒﺮ ﻣﻦ ﺍﻱ ﺷﻴﺊ ... ﺍﻱ ﺷﻴﺊ ﻏﻴﺮﻩ ﻣﺎﻟﻮﺵ ﺍﻱ ﻣﻌﻨﻲ ﻧﻬﺎﺋﻲ
    ﻣﻔﻴﺶ ﺣﺎﺟﻪ ﻏﻴﺮ ﺣﺎﺯﻡ ﻭﺑﺲ ﻣﻔﻴﺶ ﻏﻴﺮ ﺣﺒﻴﺒﻬﺎ ﻭﺑﺲ
    ﻓﻲ ﻳﻮﻡ ﻛﺎﻧﺖ ﻣﻌﺎﻩ ﺍﻟﺼﺒﺢ ﻭﺍﻣﻪ ﺩﺧﻠﺖ ﻋﻠﻴﻬﻢ
    ﺻﻔﻴﻪ : ﺣﺒﻴﺒﻲ ﺍﻧﺎ ﻋﻨﺪﻱ ﺍﻟﻨﻬﺎﺭﺩﻩ ﺍﺟﺘﻤﺎﻉ ﻣﻊ ﺍﻟﺠﻤﻌﻴﻪ ﺍﻟﺨﻴﺮﻳﻪ ﺑﺘﺎﻋﺘﻨﺎ ﻭﻫﻨﻘﻀﻲ ﺍﻟﻴﻮﻡ ﻛﻠﻪ ﺑﺮﻩ ﻭﻫﺮﺟﻊ ﺍﺧﺮ ﺍﻟﻠﻴﻞ ... ﻓﻲ ﺍﻱ ﻣﺸﻜﻠﻪ؟؟؟
    ﺣﺎﺯﻡ : ﻻ ﻃﺒﻌﺎ ﺍﺗﻔﻀﻠﻲ ﺭﻭﺣﻲ
    ﺻﻔﻴﻪ : ﻣﻌﻠﺶ ﻳﺎ ﺷﻮﻕ ﺍﻟﻨﻬﺎﺭﺩﻩ ﺍﺟﺎﺯﻩ ﺍﻟﺨﺪﻡ ﻭﻋﺒﺪﺍﻟﻤﻨﻌﻢ ﻫﻴﺮﺟﻊ ﺍﺧﺮ ﺍﻟﻨﻬﺎﺭ ﻫﻮ ﺭﺍﺡ ﻳﺰﻭﺭ ﺣﺪ ﻣﺶ ﻓﺎﻛﺮﻩ ﻣﻴﻦ ... ﺍﻧﺘﻲ ﻣﺴﺆﻟﻪ ﻋﻦ ﺣﺎﺯﻡ ﻟﺤﺪ ﻣﺎ ﻳﺮﺟﻊ
    ﺷﻮﻕ : ﻣﺎ ﺗﻘﻠﻘﻴﺶ ﻳﺎ ﻫﺎﻧﻢ ﺍﺑﺪﺍ
    ﺻﻔﻴﻪ : ﻃﻴﺐ ﻳﺎﻻ ﺍﺳﻴﺒﻜﻢ ﺑﺎﻱ
    ﻣﺸﻴﺖ ﻭﺳﺎﺑﺘﻬﻢ ﻟﻮﺣﺪﻫﻢ ﻓﻲ ﺍﻟﻔﻴﻼ ﺍﻟﻄﻮﻳﻠﻪ ﺍﻟﻌﺮﻳﻀﻪ
    ﺷﻮﻕ : ﻋﻠﻲ ﻓﻜﺮﻩ ﺍﻧﺖ ﺑﻘﺎﻟﻚ ﻓﺘﺮﻩ ﺑﻌﻴﺪ
    ﺣﺎﺯﻡ : ﻋﻠﻲ ﻓﻜﺮﻩ ﺩﻩ ﺍﻟﺼﺢ
    ﺷﻮﻕ : ﺍﻧﺎ ﻣﺎﻟﻴﺶ ﺩﻋﻮﻩ ﺑﺎﻟﺼﺢ ﻭﺍﻟﻐﻠﻂ ﺍﻧﺎ ﻟﻴﺎ ﺩﻋﻮﻩ ﺍﻧﻲ ﺑﺤﺒﻚ ﻭﺑﺲ
    ﺣﺎﺯﻡ : ﻃﺎﻟﻤﺎ ﻣﺶ ﻫﻨﻘﺪﺭ ﻧﺘﺤﻤﻞ ﺗﻜﻠﻔﻪ ﺍﻟﺤﺐ ﻳﺒﻘﻲ ﻣﺎﻟﻮﺵ ﻻﺯﻣﻪ
    ﺷﻮﻕ : ﺍﻧﺎ ﺍﻗﺪﺭ
    ﺣﺎﺯﻡ : ﻭﺍﻧﺎ ﻣﺎ ﺍﻗﺪﺭﺵ ﻭﻋﻠﺸﺎﻥ ﻛﺪﻩ ﺍﻧﺴﺤﺒﺖ
    ﺷﻮﻕ : ﺍﻧﺖ ﻛﻤﺎﻥ ﺗﻘﺪﺭ ﺍﻧﺖ ﺑﺲ ﺧﺎﻳﻒ ﺗﺤﺎﻭﻝ ... ﻭﺍﻗﻒ ﺑﺘﺘﻔﺮﺝ ﻣﻦ ﺑﻌﻴﺪ ﺧﺎﻳﻒ ﺗﻮﺭﻁ ﻣﺸﺎﻋﺮﻙ
    ﺣﺎﺯﻡ : ﺧﺎﻳﻒ ﺍﻭﺭﻁ ﻣﺸﺎﻋﺮﻱ؟؟؟ ﺍﻧﺎ ﻣﺸﺎﻋﺮﻱ ﺍﺗﻮﺭﻃﺖ ﻣﻦ ﺯﻣﺎﻥ ﻗﻮﻱ
    ﺷﻮﻕ : ﺍﻣﺎﻝ ﺧﺎﻳﻒ ﺗﻜﻤﻞ ﺣﺒﻚ ﻟﻴﻪ؟
    ﺣﺎﺯﻡ : ﻓﻲ ﻓﺮﻕ ﺑﻴﻦ ﺧﺎﻳﻒ ﻭﺑﻴﻦ ﺍﻧﻪ ﺷﻴﺊ ﺧﺎﺭﺝ ﻋﻦ ﺍﺭﺍﺩﺗﻲ
    ﺷﻮﻕ : ﺑﻴﺘﻬﻴﺄﻟﻚ ﻟﻜﻦ ﻛﻞ ﺣﺎﺟﻪ ﻓﻲ ﺍﻳﺪﻙ ... ﺍﻧﺎ ﻛﻤﺎﻥ ﺍﻫﻮ ﺑﻴﻦ ﺍﻳﺪﻳﻚ
    ﻭﻻﻧﻬﺎ ﺑﺘﺤﺒﻪ ﻗﺮﺑﺖ ﻣﻨﻪ ﻭﺳﻠﻤﺘﻠﻪ ﻧﻔﺴﻬﺎ ﻋﻠﻲ ﻃﺒﻖ ﻣﻦ ﺫﻫﺐ ...................
    ﺍﺧﺮ ﺍﻟﻨﻬﺎﺭ ﻗﺒﻞ ﻣﺎ ﻋﺒﺪ ﺍﻟﻤﻨﻌﻢ ﻳﺠﻲ
    ﺣﺎﺯﻡ : ﺍﻧﺘﻲ ﻣﺎ ﺗﻌﺮﻓﻴﺶ ﺍﻧﺘﻲ ﻋﻤﻠﺘﻲ ﻓﻴﺎ ﺍﻳﻪ؟ ؟ ﺍﻧﺎ ﺑﺤﺒﻚ ﻗﻮﻱ
    ﺷﻮﻕ : ﺍﻧﺎ ﻣﻌﻤﻠﺘﺶ ﺍﻱ ﺣﺎﺟﻪ ﻏﻴﺮ ﺍﻧﻲ ﺣﺒﻴﺘﻚ ﻭﺑﺲ
    ﺣﺎﺯﻡ : ﺍﻧﺘﻲ ﺭﺟﻌﺘﻴﻠﻲ ﺣﻴﺎﺗﻲ ﻛﻠﻬﺎ
    ﺷﻮﻕ : ﺗﺘﺠﻮﺯﻧﻲ ﻳﺎ ﺣﺎﺯﻡ؟؟؟
    ﺣﺎﺯﻡ ﺑﺼﻠﻬﺎ ﺑﺎﺳﺘﻐﺮﺍﺏ ﺍﻥ ﻫﻴﺎ ﺍﻟﻠﻲ ﺑﺘﺘﻄﻠﺐ ﻣﻨﻪ ﺩﻩ
    ﺷﻮﻕ : ﺍﻳﻪ ﻫﻮ ﻻﺯﻡ ﻳﻌﻨﻲ ﺍﻟﺮﺍﺟﻞ ﺍﻟﻠﻲ ﻳﻘﻮﻟﻬﺎ؟
    ﺣﺎﺯﻡ : ﻻ ﻃﺒﻌﺎ ﺑﺲ ﻣﺴﺘﻐﺮﺏ ﻻﻧﻲ ﻫﻀﻄﺮ ﺍﺻﺪﻕ ﺍﻧﻚ ﺑﺘﺤﺒﻴﻨﻲ ﺑﺠﺪ





    ﺷﻮﻕ ﺑﺼﺘﻠﻪ ﻭﻣﺴﻜﺖ ﻭﺷﻪ ﺑﺎﻳﺪﻳﻬﺎ ﺍﻻﺗﻨﻴﻦ

    ﺷﻮﻕ : ﺍﻧﺖ ﻟﺴﻪ ﻋﻨﺪﻙ ﺷﻚ ﻓﻲ ﺣﺒﻲ ﻳﺎ ﺣﺎﺯﻡ؟؟ ﺑﻌﺪ ﻛﻞ ﺍﻟﻠﻲ ﺣﺼﻞ ﺑﻴﻨﺎ ﺩﻩ؟ ؟ ﺍﺯﺍﻱ؟؟
    ﺣﺎﺯﻡ : ﺍﻳﻪ ﺍﻟﻠﻲ ﺣﺼﻞ ﺑﻴﻨﺎ؟؟ ﺍﺣﻨﺎ ﻣﺎ ﺣﺼﻠﺶ ﺑﻴﻨﺎ ﺣﺎﺟﻪ؟؟
    ﺷﻮﻕ : ﻻ ﻃﺒﻌﺎ ﺣﺼﻞ ﻭﺣﺼﻞ ﻛﺘﻴﺮ ﻛﻤﺎﻥ
    ﺣﺎﺯﻡ : ﺍﻫﺪﻱ ﺷﻮﻳﻪ ... ﺍﻧﺎ ﻣﺶ ﻗﺼﺪﻱ ﺍﻗﻠﻞ ﻣﻦ ﻗﻴﻤﻪ ﺍﻟﻠﻲ ﺣﺼﻞ ﻻﻥ ﻣﻌﻨﺎﻩ ﻛﺒﻴﺮ ﻗﻮﻱ ... ﺍﻧﺎ ﺑﺲ ﻋﺎﻳﺰ ﺍﺳﻤﻌﻬﺎ ﻣﻨﻚ ﻛﻞ ﺷﻮﻳﻪ ﺍﻧﻚ ﺑﺘﺤﺒﻴﻨﻲ
    ﺷﻮﻕ : ﺍﻧﺎ ﺑﺤﺒﻚ ﻭﺑﻌﺸﻘﻚ ﻭﺑﻤﻮﺕ ﻓﻴﻚ ﻭﺣﻴﺎﺗﻲ ﻛﻠﻬﺎ ﺑﻘﺖ ﺑﻴﻦ ﺍﻳﺪﻳﻚ ... ﺍﻧﺎ ﻣﺶ ﺑﺲ ﺳﻠﻤﺘﻚ ﻧﻔﺴﻲ ﺍﻧﺎ ﺳﻠﻤﺘﻚ ﻛﻴﺎﻧﻲ ﻛﻠﻪ ... ﻭﺍﻧﺖ ﻟﺴﻪ ﻣﺠﺎﻭﺑﺘﺶ ﻋﻠﻲ ﺳﺆﺍﻟﻲ ﺗﺘﺠﻮﺯﻧﻲ؟؟؟
    ﺣﺎﺯﻡ : ﻫﻮ ﺩﻩ ﺳﺆﺍﻝ ﺍﺻﻼ .... ﻃﺒﻌﺎ ﻫﺘﺠﻮﺯﻙ ﻭﻫﻌﻴﺶ ﻋﻠﻲ ﻃﻮﻝ ﻓﻲ ﺣﻀﻨﻚ ﻭﻣﺶ ﻫﺘﺒﻌﺪﻱ ﻋﻨﻲ ﺗﺎﻧﻲ ... ﺑﺲ ﺍﻧﺎ ﻋﻨﺪﻱ ﺷﺮﻁ
    ﺷﻮﻕ ﺑﻌﺪﺕ ﻋﻨﻪ ﻓﻤﺴﻜﻬﺎ ﻋﻠﺸﺎﻥ ﻣﺎ ﺗﺒﻌﺪﺵ
    ﺷﻮﻕ : ﺷﺮﻁ؟؟ ﺷﺮﻁ ﺍﻳﻪ؟؟
    ﺣﺎﺯﻡ : ﻣﺎ ﺗﺨﻠﻴﺶ ﺷﻌﺮﻙ ﻳﻄﻮﻝ ﻋﺎﻳﺰﻭ ﻋﻠﻲ ﻃﻮﻝ ﻗﺼﻴﺮ
    ﺿﺤﻜﻮﺍ ﺍﻻﺗﻨﻴﻦ ﻭﻫﻨﺎ ﻋﺒﺪ ﺍﻟﻤﻨﻌﻢ ﺟﻪ ﻭﺧﺒﻂ ﻭﺩﺧﻞ
    ﻛﺎﻧﺖ ﻓﻲ ﺍﺑﺘﺴﺎﻣﻪ ﺻﺎﻓﻴﻪ ﺣﻘﻴﻘﻴﻪ ﻋﻠﻲ ﻭﺷﻮﺷﻬﻢ
    ﻋﺒﺪﺍﻟﻤﻨﻌﻢ : ﺍﻟﻮﻗﺖ ﺍﺗﺎﺧﺮ ﻋﻠﻴﻜﻲ ﻳﺎ ﺷﻮﻕ
    ﺣﺎﺯﻡ ﻣﺎﺳﻚ ﺍﻳﺪﻫﺎ ﻭﻣﺶ ﻋﺎﻳﺰ ﻳﺴﻴﺒﻬﺎ
    ﺣﺎﺯﻡ : ﻭﻟﻮ ﻣﺶ ﻋﺎﻳﺰﻫﺎ ﺗﺮﻭﺡ ! ؟؟
    ﺷﻮﻕ : ﻫﺠﻴﻠﻚ ﺑﺪﺭﻱ ﺍﺗﻔﻘﻨﺎ ﺑﺲ ﻋﻠﺸﺎﻥ ﺑﺎﺑﺎ
    ﺣﺎﺯﻡ ﺑﺺ ﻟﻌﺒﺪﺍﻟﻤﻨﻌﻢ ﻭﻫﻮ ﻣﺶ ﻓﺎﻫﻢ ﻫﻮ ﻋﺎﻳﺰ ﻣﻨﻪ ﺍﻳﻪ؟
    ﻋﺒﺪﺍﻟﻤﻨﻌﻢ : ﻣﺶ ﻓﺎﻫﻢ ﺍﻧﺖ ﻋﺎﻳﺰ ﺍﻳﻪ؟
    ﺣﺎﺯﻡ : ﺍﻃﻠﻊ ﺑﺮﻩ ﻫﻜﻮﻥ ﻋﺎﻳﺰ ﺍﻳﻪ؟ ﺳﻴﺒﻨﺎ ﻟﻮﺣﺪﻧﺎ ﺷﻮﻳﻪ
    ﻋﺒﺪﺍﻟﻤﻨﻌﻢ : ﻣﺎ ﺍﻧﺘﻮ ﻣﻦ ﺍﻟﺼﺒﺢ ﻟﻮﺣﺪﻛﻢ
    ﺣﺎﺯﻡ ﺑﺼﻠﻪ ﻓﺨﺮﺝ ﻋﻠﻲ ﻃﻮﻝ
    ﺣﺎﺯﻡ : ﻣﺎ ﺗﺘﺄﺧﺮﻳﺶ ﻋﻠﻴﺎ
    ﺷﻮﻕ : ﻣﺶ ﻫﺘﺄﺧﺮ ﺍﺑﺪﺍ ﻳﺎ ﺣﺒﻴﺒﻲ
    ﺣﺎﺯﻡ : ﻋﺎﻳﺰ ﺍﻓﺘﺢ ﻋﻴﻨﻲ ﺍﻻﻗﻴﻜﻲ
    ﺷﻮﻕ : ﻃﻴﺐ ﻣﺎ ﺗﺼﺤﺎﺵ ﺑﺪﺭﻱ ﺑﻘﻲ
    ﺳﺎﺑﺘﻪ ﻭﻣﺸﻴﺖ ﻭﻫﻮ ﻓﻲ ﻗﻤﻪ ﺳﻌﺎﺩﺗﻪ ﻭﻛﺄﻥ ﺍﻟﺪﻧﻴﺎ ﻓﺘﺤﺘﻠﻪ ﺍﻳﺪﻳﻬﺎ ﻣﻦ ﺟﺪﻳﺪ
    ﻋﺒﺪﺍﻟﻤﻨﻌﻢ ﺭﺟﻌﻠﻪ : ﺍﻧﺖ ﻣﺒﺴﻮﻁ ﻛﺪﻩ ﻟﻴﻪ؟ ﺍﻧﺎ ﺍﻭﻝ ﻣﺮﻩ ﺍﺷﻮﻓﻚ ﻛﺪﻩ؟ ﺣﺘﻲ ﻗﺒﻞ ﺍﻟﺤﺎﺩﺛﻪ ﻣﺎﺷﻔﺘﻜﺶ ﻛﺪﻩ
    ﺣﺎﺯﻡ : ﻋﻠﺸﺎﻥ ﺩﻱ ﺍﻭﻝ ﻣﺮﻩ ﺍﺣﺐ ﻳﺎ ﻋﺒﺪﻭ ﺍﻭﻝ ﻣﺮﻩ .....
    ﻋﺒﺪﺍﻟﻤﻨﻌﻢ : ﻫﻴﺎ ﺍﻧﺴﺎﻧﻪ ﺟﻤﻴﻠﻪ ﻭﺗﺘﺤﺐ ﺍﻟﺼﺮﺍﺣﻪ
    ﺣﺎﺯﻡ : ﺟﺪﺍ ... ﺑﻘﻮﻟﻚ ﻫﺎﺗﻠﻲ ﺍﻟﻤﻮﺏ ﺑﺘﺎﻋﻲ ﻭﺍﻟﻼﺏ ﻋﺎﻳﺰﻫﻢ
    ﻋﺒﺪﺍﻟﻤﻨﻌﻢ : ﺍﻟﻼﺏ؟؟؟ ﺍﺷﻤﻌﻨﻲ؟
    ﺣﺎﺯﻡ : ﻋﺎﻳﺰﻭ ﺍﻧﺎ ﺣﺮ ﻣﻤﻜﻦ ﻭﻻ ﻷ؟
    ﻋﺒﺪﺍﻟﻤﻨﻌﻢ ﺟﺎﺑﻠﻪ ﺍﻟﻼﺏ ﺑﺘﺎﻋﻪ ﻭﺳﺎﺑﻪ ﻟﻮﺣﺪﻩ ....
    ﺍﻟﻨﻬﺎﺭ ﻃﻠﻊ ﻭﻋﺒﺪﺍﻟﻤﻨﻌﻢ ﺩﺧﻞ ﻟﺤﺎﺯﻡ ﻳﺼﺤﻴﻪ ﻭﺟﺎﻳﺒﻠﻪ ﻓﻄﺎﺭ
    ﺣﺎﺯﻡ : ﺷﻮﻕ ﻓﻴﻦ؟؟
    ﻋﺒﺪ ﺍﻟﻤﻨﻌﻢ : ﻃﻴﺐ ﻓﺘﺢ ﻋﻴﻨﻚ ﺍﻻﻭﻝ .... ﻋﻠﻲ ﺍﻟﻌﻤﻮﻡ ﺷﻮﻕ ﻟﺴﻪ ﻣﺎﺟﺘﺶ
    ﺣﺎﺯﻡ : ﻫﻮ ﺍﻟﻮﻗﺖ ﺍﻳﻪ؟
    ﻋﺒﺪﺍﻟﻤﻨﻌﻢ : ﺍﻟﺴﺎﻋﻪ 10 ﺍﻟﺼﺒﺢ ﻳﻌﻨﻲ ﻟﺴﻪ ﺑﺪﺭﻱ ﻫﺘﻴﺠﻲ ﻣﺎ ﺗﻘﻠﻘﺶ
    ﺣﺎﺯﻡ ﺍﺑﺘﺴﻢ ﻭﻫﻮ ﺑﻴﻔﺘﻜﺮ ﺍﻭﻗﺎﺗﻬﻢ ﺍﻣﺒﺎﺭﺡ
    ﺣﺎﺯﻡ : ﻋﻤﻲ ﻋﺒﺪﻭ
    ﻋﺒﺪﺍﻟﻤﻨﻌﻢ : ﺃﺅﻣﺮﻧﻲ ﺣﺒﻴﺒﻲ
    ﺣﺎﺯﻡ : ﺍﻧﺎ ﻛﻠﻤﺖ ﺍﻣﺒﺎﺭﺡ ﺍﻟﺪﻛﺘﻮﺭ ﻭﻗﺮﺭﺕ ﺍﺳﺎﻓﺮ ﺍﻟﻨﻬﺎﺭﺩﻩ ﻫﺎﻋﻤﻞ ﺍﻟﻌﻤﻠﻴﻪ
    ﻋﺒﺪﺍﻟﻤﻨﻌﻢ ﺑﻔﺮﺣﻪ : ﺑﺠﺪ ﻳﺎ ﺣﺎﺯﻡ .. ﺑﺠﺪ؟؟
    ﺣﺎﺯﻡ : ﻋﺎﻳﺰ ﻟﻮ ﻓﻲ ﺍﻣﻞ ﻭﻟﻮ ﺣﺘﻲ ﺑﺴﻴﻂ ﺍﺳﺘﻐﻠﻪ ... ﻋﺎﻳﺰ ﺍﺭﻭﺡ ﻟﺸﻮﻕ ﺍﻃﻠﺐ ﺍﻳﺪﻳﻬﺎ ﻭﺍﻧﺎ ﻭﺍﻗﻒ ﻋﻠﻲ ﺭﺟﻠﻴﺎ
    ﻋﺒﺪﺍﻟﻤﻨﻌﻢ : ﺭﺑﻨﺎ ﻳﺴﻌﺪﻙ ﺣﺒﻴﺒﻲ ...
    ﺑﻠﻎ ﻣﺎﻣﺘﻪ ﻗﺮﺍﺭﻩ ﻭﻓﺮﺣﺖ ﺑﻴﻪ ﺟﺪﺍ ﺑﺲ ﻣﻘﻠﻬﺎﺵ ﺍﻧﻪ ﻧﺎﻭﻱ ﻳﺘﺠﻮﺯ ﺷﻮﻕ
    ﻓﻀﻞ ﻣﺴﺘﻨﻲ ﺷﻮﻕ ﺗﻴﺠﻲ ﻭﻟﻼﺳﻒ ﻣﺠﺘﺶ ﻭﻛﻞ ﺷﻮﻳﻪ ﻗﻠﻘﻪ ﺑﻴﺰﻳﺪ
    ﺣﺎﺯﻡ : ﻋﺒﺪﻭ ﺍﻧﺎ ﺑﻔﻜﺮ ﺃﺃﺟﻞ ﺳﻔﺮﻱ ﻟﺤﺪ ﻣﺎ ﺍﻗﻮﻝ ﻟﺸﻮﻕ
    ﻫﻨﺎ ﺍﻣﻪ ﺩﺧﻠﺖ : ﺍﻋﻤﻠﻬﺎﻟﻬﺎ ﻣﻔﺎﺟﺄﺓ ﻃﺎﻟﻤﺎ ﻫﻴﺎ ﻣﻬﻤﻪ ﻗﻮﻱ ﻛﺪﻩ
    ﺣﺎﺯﻡ : ﻣﺶ ﻋﺎﻳﺰ ﺍﺳﺎﻓﺮ ﻣﻦ ﻏﻴﺮ ﻣﺎ ﺍﺷﻮﻓﻬﺎ ﺍﻻﻭﻝ
    ﺻﻔﻴﻪ : ﺍﻧﺖ ﺣﺠﺰﺕ ﺧﻼﺹ ﻭﻫﻴﺎ ﺑﻜﺮﻩ ﻟﻤﺎ ﺗﻴﺠﻲ ﺍﻧﺎ ﻫﻘﻮﻟﻬﺎ ﻓﻴﻦ ﺍﻟﻤﺸﻜﻠﻪ؟ ﺍﻟﻤﻬﻢ ﺍﻧﺎ ﻣﺶ ﻫﻘﺪﺭ ﺍﺳﺎﻓﺮ ﻣﻌﺎﻙ
    ﺣﺎﺯﻡ ﺍﺳﺘﻐﺮﺏ : ﻣﺶ ﻫﺘﺴﺎﻓﺮﻱ ﻣﻌﺎﻳﺎ؟؟
    ﺻﻔﻴﻪ : ﻣﺶ ﻫﻴﻨﻔﻊ ﺍﺳﻴﺐ ﺍﻟﺸﻐﻞ ﻭﺍﻟﺸﺮﻛﻪ ﻣﻦ ﺳﺎﻋﺖ ﻣﺎ ﺍﻧﺖ ﺳﻴﺒﺘﻬﺎ ﻭﻛﻞ ﺣﺎﺟﻪ ﺑﻘﺖ ﻓﻮﻕ ﺭﺍﺳﻲ
    ﺣﺎﺯﻡ : ﻣﺶ ﻫﻴﻨﻔﻊ ﺗﺴﻴﺒﻲ ﺍﻟﺸﻐﻞ ﻟﻜﻦ ﻋﺎﺩﻱ ﺗﺴﻴﺒﻴﻨﻲ ﺍﻧﺎ !! ﻋﻠﻲ ﺍﻟﻌﻤﻮﻡ ﺑﺮﺍﺣﺘﻚ
    ﺻﻔﻴﻪ : ﻣﺎ ﺗﺰﻋﻠﺶ ﻣﻨﻲ ﺍﻧﺎ ﻃﺒﻌﺎ ﻋﺎﻳﺰﻩ ﺍﻛﻮﻥ ﻣﻌﺎﻙ
    ﺣﺎﺯﻡ ﺑﺘﻬﻜﻢ : ﻃﺒﻌﺎ
    ﺻﻔﻴﻪ : ﺍﻧﺎ ﻏﻴﺮﺕ ﺗﺬﻛﺮﺗﻲ ﻭﺧﻠﻴﺘﻬﺎ ﺑﺎﺳﻢ ﻋﺒﺪﻭ .... ﻋﺒﺪﻭ ﻫﻴﺴﺎﻓﺮ ﻣﻌﺎﻙ
    ﺣﺎﺯﻡ : ﻋﺒﺪﻭ ﻋﻨﺪﻩ ﺣﻴﺎﺗﻪ ﻫﻨﺎ
    ﻋﺒﺪﺍﻟﻤﻨﻌﻢ : ﻣﺎﻟﻜﺶ ﺩﻋﻮﻩ ﺑﺤﻴﺎﺗﻲ ... ﻣﺮﺍﺗﻲ ﻭﺍﺗﻮﻓﺖ ﻭﻋﻴﺎﻟﻲ ﻭﻛﻞ ﻭﺍﺣﺪ ﻓﻲ ﺑﻴﺘﻪ ... ﻭﺍﻧﺖ ﺍﺻﻼ ﺑﻌﺘﺒﺮﻙ ﺯﻳﻬﻢ ﻭﻋﻤﺮﻱ ﺍﺑﺪﺍ ﻣﺎ ﻫﺴﻴﺒﻚ ﻟﻮﺣﺪﻙ
    ﺣﺎﺯﻡ ﺣﺲ ﺍﻥ ﻋﺒﺪﺍﻟﻤﻨﻌﻢ ﺑﻴﺤﺒﻪ ﺍﻛﺘﺮ ﻣﺎ ﺍﻣﻪ ﺑﺘﺤﺒﻪ






    ﺻﻔﻴﻪ ﺳﺎﺑﺘﻬﻢ

    ﺣﺎﺯﻡ : ﻭﺷﻮﻕ ﻳﺎ ﻋﻢ ﻋﺒﺪﻭ؟
    ﻋﺒﺪﺍﻟﻤﻨﻌﻢ : ﻭﺍﻟﻠﻪ ﻣﺎ ﺍﻋﺮﻑ ﻳﺎ ﺍﺑﻨﻲ .... ﺑﺲ ﻣﺎ ﺍﻋﺘﻘﺪﺵ ﺍﺑﺪﺍ ﺍﻧﻬﺎ ﻫﺘﺰﻋﻞ ﻟﻤﺎ ﺗﻌﺮﻑ ﺍﻧﻚ ﺳﺎﻓﺮﺕ ﺗﻜﻤﻞ ﻋﻼﺟﻚ ﺑﺎﻟﻌﻜﺲ ﺩﻱ ﻫﺘﻔﺮﺡ ﺟﺪﺍ
    ﺣﺎﺯﻡ : ﺍﻧﺖ ﺷﺎﻳﻒ ﻛﺪﻩ؟ ﻛﻨﺖ ﺣﺘﻲ ﺍﺟﻠﺘﻪ ﻟﺒﻜﺮﻩ ﺍﻭ ﺍﺭﻭﺣﻠﻬﺎ ﺍﻻﻭﻝ ﺍﻃﻠﺐ ﺍﻳﺪﻫﺎ
    ﻋﺒﺪﺍﻟﻤﻨﻌﻢ : ﻣﺶ ﻫﻀﺤﻚ ﻋﻠﻴﻚ ﻳﺎ ﺣﺎﺯﻡ ﺑﺲ ﺍﻟﺤﻘﻴﻘﻪ ﻣﺶ ﺍﻱ ﺍﻫﻞ ﻫﻴﻮﺍﻓﻘﻮﺍ ﻳﺠﻮﺯﻭﺍ ﺑﻨﺘﻬﻢ ﻟﻮﺍﺣﺪ .....
    ﺣﺎﺯﻡ : ﻣﺸﻠﻮﻝ ﻛﻤﻠﻬﺎ .... ﺧﻼﺹ ﻳﺒﻘﻲ ﺍﺳﺎﻓﺮ ﻭﺍﻗﻒ ﻋﻠﻲ ﺭﺟﻠﻴﺎ ﻭﺍﺭﺟﻌﻠﻬﺎ ﻭﺍﻗﻒ ﺻﺢ؟
    ﻋﺒﺪﺍﻟﻤﻨﻌﻢ : ﺩﻩ ﺍﻟﺼﺢ ﻭﻫﻴﺎ ﻫﺘﺘﻔﻬﻢ ﺩﻩ ... ﻣﺎ ﺗﻘﻠﻘﺶ ﻫﻴﺎ ﻫﺘﺮﻭﺡ ﻓﻴﻦ؟ ﻭﺑﻌﺪﻳﻦ ﻋﻠﺸﺎﻥ ﺗﺘﻄﻤﻦ ﺍﻛﺘﺮ ﺍﻛﺘﺒﻠﻬﺎ ﺭﺳﺎﻟﻪ ﻭﺳﻴﺒﻬﺎﻟﻬﺎ ﻣﻊ ﻣﻨﻴﺮﻩ .... ﺍﻧﺎ ﺍﺿﻤﻨﻠﻚ ﻣﻨﻴﺮﻩ ﺗﻮﺻﻠﻬﺎﻟﻬﺎ
    ﺣﺎﺯﻡ : ﺧﻼﺹ ﻫﻜﺘﺒﻠﻬﺎ ﺭﺳﺎﻟﻪ ﻓﻌﻼ
    ﻋﺒﺪﺍﻟﻤﻨﻌﻢ ﺟﺎﺑﻠﻪ ﻭﺭﻗﻪ ﻭﻗﻠﻢ ﻭﺳﺎﺑﻪ ﻳﻜﺘﺐ ﺭﺳﺎﻟﺘﻪ ﻟﺤﺒﻴﺒﺘﻪ ﻋﻠﺸﺎﻥ ﺗﺴﺘﻨﻲ ﺭﺟﻮﻋﻪ ﻣﻊ ﻭﻋﺪ ﺍﻧﻪ ﻣﺶ ﻫﻴﺘﺄﺧﺮ ﻋﻠﻴﻬﺎ
    ﺣﺎﺯﻡ ﺍﺧﺮ ﺍﻟﻨﻬﺎﺭ ﻣﺸﻲ ﻫﻮ ﻭﻋﺒﺪﺍﻟﻤﻨﻌﻢ ﻭﺍﺗﺤﺮﻛﻮﺍ ﻭﺣﺎﺯﻡ ﺣﺎﺳﺲ ﺍﻧﻪ ﺳﺎﻳﺐ ﻗﻠﺒﻪ ﺑﻌﻴﺪ ﻋﻨﻪ ﻭﻣﺴﺎﻓﺮ
    ﺷﻮﻕ ﻣﻘﺪﺭﺗﺶ ﺗﺮﻭﺡ ﻟﺤﺎﺯﻡ ﻻﻥ ﺍﺑﻮﻫﺎ ﻛﺎﻥ ﺭﺍﻳﺢ ﺍﻟﺒﻠﺪ ﻳﺤﻀﺮ ﻓﺮﺡ ﻭ ﺃﺧﺪ ﻋﻴﻠﺘﻪ ﻣﻌﺎﻩ ﻭﻣﺎ ﺗﻘﺒﻠﺶ ﺍﻱ ﺍﻋﺬﺍﺭ ﺍﺑﺪﺍ
    ﻭﺭﻓﺾ ﺍﻧﻬﺎ ﺗﻔﻀﻞ ﻟﻮﺣﺪﻫﺎ ﻓﻲ ﺍﻟﺒﻴﺖ ﻻﻧﻬﻢ ﻫﻴﺒﺎﺗﻮﺍ ﻳﻮﻣﻴﻦ
    ﺷﻮﻕ ﻛﻞ ﻟﺤﻈﻪ ﺑﺘﻌﺪﻱ ﺑﺴﺎﻋﻪ ﻛﺎﻥ ﺣﺎﺯﻡ ﻭﺍﺣﺸﻬﺎ ﻗﻮﻱ
    ﺣﺎﺯﻡ ﻭﺻﻞ ﺗﺎﻧﻲ ﻳﻮﻡ ﻭﺍﻭﻝ ﺣﺎﺟﻪ ﺍﺗﺼﻞ ﺑﺎﻣﻪ
    ﺣﺎﺯﻡ : ﻣﺎﻣﺎ ﻫﻴﺎ ﺷﻮﻕ ﺟﺖ ﺍﻟﻨﻬﺎﺭﺩﻩ؟؟ ﺍﺣﻨﺎ ﺍﻟﻈﻬﺮ ﺍﻫﻮﻩ
    ﺻﻔﻴﻪ : ﺍﻧﺎ ﺍﻟﺤﻤﺪ ﻟﻠﻪ ﻛﻮﻳﺴﻪ
    ﺣﺎﺯﻡ : ﺍﻧﺎ ﺍﺳﻒ ﻳﺎ ﺳﺖ ﺍﻟﻜﻞ ﺍﻋﺬﺭﻳﻨﻲ ﻃﺒﻌﺎ ﺣﻀﺮﺗﻚ ﺍﻫﻢ ﻣﻌﻠﺶ
    ﺻﻔﻴﻪ : ﻻ ﻳﺎ ﺣﺒﻴﺒﻲ ﻭﻻ ﻳﻬﻤﻚ ﺍﻟﻤﻬﻢ ﻻ ﺷﻮﻕ ﻣﺠﺘﺶ ﺍﻟﻨﻬﺎﺭﺩﻩ ﻛﻤﺎﻥ
    ﺣﺎﺯﻡ : ﻣﻌﻘﻮﻟﻪ ﻟﻴﻪ ﻃﻴﺐ؟
    ﺻﻔﻴﻪ : ﺍﻧﺎ ﻣﺎ ﺍﻋﺮﻓﺶ ﺍﻟﻤﻬﻢ ﻋﻤﻠﺖ ﺍﻳﻪ ﻃﻤﻨﻲ؟
    ﺣﺎﺯﻡ : ﻫﻌﻤﻞ ﺍﻟﻌﻤﻠﻴﻪ ﺑﻜﺮﻩ ﺍﻥ ﺷﺎﺀﺍﻟﻠﻪ
    ﺻﻔﻴﻪ : ﺍﻥ ﺷﺎﺀﺍﻟﻠﻪ ﺗﻘﻮﻡ ﺑﺎﻟﺴﻼﻣﻪ ﺑﺲ ﺍﻧﺖ ﺭﻛﺰ ﺑﺲ ﺍﻧﻚ ﺗﻘﻮﻡ ﻭﺳﻴﺒﻚ ﻣﻦ ﺍﻱ ﺣﺎﺟﻪ ﺗﺎﻧﻴﻪ
    ﺣﺎﺯﻡ : ﺭﺑﻨﺎ ﻳﺴﻬﻞ ... ﺍﻧﺎ ﻫﺪﺧﻞ ﺍﻟﻌﻤﻠﻴﺎﺕ ﺯﻱ ﺍﻟﻮﻗﺖ ﺩﻩ ﻓﻠﻮ ﺷﻮﻕ ﺟﺖ ﻛﻠﻤﻴﻨﻲ ... ﻣﺤﺘﺎﺝ ﺍﻛﻠﻤﻬﺎ ﻳﺎ ﺍﻣﻲ .. ﻟﻮ ﺟﺖ ﻓﻲ ﺍﻱ ﻭﻗﺖ ﻛﻠﻤﻴﻨﻲ
    ﺻﻔﻴﻪ : ﺣﺎﺿﺮ ﺣﺎﺿﺮ ﺍﻱ ﺍﻭﺍﻣﺮ ﺗﺎﻧﻴﻪ؟؟
    ﺣﺎﺯﻡ : ﺍﻟﻌﻔﻮ ﻳﺎ ﺳﺖ ﺍﻟﻜﻞ ﺍﻟﻌﻔﻮ
    ﺗﺎﻧﻲ ﻳﻮﻡ ﺣﺎﺯﻡ ﺑﻴﺠﻬﺰﻭ ﻟﻠﻌﻤﻠﻴﻪ ﻭﻫﻮ ﻣﺘﻮﺗﺮ ﻭﻗﻠﻘﺎﻥ ﻭﺧﺎﻳﻒ
    ﺣﺎﺯﻡ : ﻋﻤﻲ ﻋﺒﺪﻭ ﺍﻧﺎ ﺧﺎﻳﻒ
    ﻋﺒﺪ ﺍﻟﻤﻨﻌﻢ ﻣﺴﻚ ﺍﻳﺪﻩ : ﺩﻱ ﻣﺶ ﺍﻭﻝ ﻣﺮﻩ ﺗﺪﺧﻞ ﺍﻟﻌﻤﻠﻴﺎﺕ
    ﺣﺎﺯﻡ : ﺑﺲ ﺩﻱ ﺍﻭﻝ ﻣﺮﻩ ﺍﻟﻨﺘﻴﺠﻪ ﻫﺎﻣﺎﻧﻲ ﻗﻮﻱ
    ﻋﺒﺪﺍﻟﻤﻨﻌﻢ : ﻟﻮ ﻋﻠﻲ ﺷﻮﻕ ﻓﻬﻴﺎ ﺑﺘﺤﺒﻚ ﺍﻧﺖ ﻭﻣﻬﻤﺎ ﺗﻜﻮﻥ ﺍﻟﻨﺘﻴﺠﻪ ﻫﺘﻔﻀﻞ ﺗﺤﺒﻚ ﻣﺎ ﺗﺨﺎﻓﺶ ﺍﺑﺪﺍ
    ﺣﺎﺯﻡ : ﺍﺗﺼﻞ ﺑﺎﻣﻲ ﻳﻤﻜﻦ ﺗﻜﻮﻥ ﺟﺖ؟
    ﻋﺒﺪﺍﻟﻤﻨﻌﻢ ﺍﺗﺼﻞ ﺑﺎﻣﻪ ﻭﻋﻄﺎﻟﻪ ﺍﻟﺘﻠﻴﻔﻮﻥ
    ﺻﻔﻴﻪ : ﺣﺒﻴﺒﻲ ﺧﻼﺹ ﻫﺘﺪﺧﻞ ﺍﻟﻌﻤﻠﻴﺎﺕ؟؟
    ﺣﺎﺯﻡ : ﺍﻳﻮﻩ ﻳﺎ ﺳﺖ ﺍﻟﻜﻞ ﺍﺩﻋﻴﻠﻲ
    ﺻﻔﻴﻪ : ﻳﺎﺭﺏ ﺗﺮﺟﻌﻠﻲ ﺑﺎﻟﺴﻼﻣﻪ ﻳﺎ ﻋﻤﺮﻱ ﻛﻠﻪ
    ﺣﺎﺯﻡ : ﺷﻮﻕ ﻣﺎ ﺟﺘﺶ ﻳﺎ ﺍﻣﻲ؟؟؟ ﺍﻧﺎ ﻣﺤﺘﺎﺝ ﺍﻛﻠﻤﻬﺎ
    ﺻﻔﻴﻪ : ﺍﻧﺎ ﻣﺶ ﻗﺎﺩﺭﻩ ﺍﻓﻬﻢ ﺍﻳﻪ ﺍﻫﺘﻤﺎﻣﻚ ﺩﻩ ﺑﺎﻟﻤﻤﺮﺿﻪ ﺩﻱ
    ﻳﺪﻭﺏ ﺑﺘﺘﻜﻠﻢ ﻭﺍﻟﺒﺎﺏ ﺧﺒﻂ ﻭﺩﺧﻠﺖ ﺷﻮﻕ ﻭﻟﻘﺘﻬﺎ ﻗﺪﺍﻣﻬﺎ
    ﺟﺖ ﺗﺘﻜﻠﻢ ﻓﺸﺎﻭﺭﺗﻠﻬﺎ ﺗﺴﻜﺖ
    ﺻﻔﻴﻪ : ﻳﺎﻻ ﺍﻥ ﺷﺎﺀﺍﻟﻠﻪ ﺧﻴﺮ ﻫﻜﻠﻤﻚ ﺗﺎﻧﻲ ﺳﻼﻡ .....
    ﻗﻔﻠﺖ ﺍﻟﺘﻠﻴﻔﻮﻥ ﺑﺴﺮﻋﻪ
    ﻋﺒﺪﺍﻟﻤﻨﻌﻢ : ﺍﻳﻪ؟؟
    ﺣﺎﺯﻡ : ﻗﻔﻠﺖ ﺍﻟﻈﺎﻫﺮ ﺣﺪ ﻣﻦ ﺍﺻﺤﺎﺑﻬﺎ ﺟﻪ ﻭﻃﺒﻌﺎ ﺯﻱ ﻣﺎ ﺍﻧﺖ ﻋﺎﺭﻑ ﺩﻭﻝ ﺍﻫﻢ ﻣﻠﻴﻮﻥ ﻣﺮﻩ ﻣﻦ ﺍﺑﻨﻬﺎ ﺍﻟﻠﻲ ﻫﻴﺪﺧﻞ ﺍﻟﻌﻤﻠﻴﺎﺕ
    ﻋﺒﺪﺍﻟﻤﻨﻌﻢ : ﻣﺎ ﺗﻘﻮﻟﺶ ﻛﺪﻩ ﻫﻴﺎ ﺑﺘﺤﺒﻚ ... ﻫﻴﺎ ﺑﺲ ﺣﺒﻬﺎ ﻏﺮﻳﺐ
    ﺣﺎﺯﻡ : ﻣﺎ ﻋﻠﻴﻨﺎ ... ﺷﻮﻕ ﻣﺎ ﺟﺘﺶ
    ﻋﺒﺪﺍﻟﻤﻨﻌﻢ : ﻣﺎ ﺍﻧﺖ ﻋﺎﺭﻑ ﺍﺑﻮﻫﺎ ﻭﺣﺮﻛﺎﺗﻪ ... ، ﺍﻭﻝ ﻣﺎ ﺗﻄﻠﻊ ﺑﺎﺫﻥ ﺍﻟﻠﻪ ﻫﺘﻜﻠﻤﻬﺎ ﺧﻼﺹ
    ﺣﺎﺯﻡ ﺩﺧﻞ ﺍﻟﻌﻤﻠﻴﺎﺕ ﻭﺟﻮﺍﻩ ﺧﻮﻑ ﻛﺒﻴﺮ ﻣﻦ ﺑﻜﺮﻩ
    ﺷﻮﻕ ﺩﺧﻠﺖ ﻭﺻﻔﻴﻪ ﻗﻔﻠﺖ ﺍﻟﺘﻠﻴﻔﻮﻥ
    ﺷﻮﻕ : ﺍﻫﻼ ﺑﺤﻀﺮﺗﻚ ﻳﺎ ﻫﺎﻧﻢ ﺍﻧﺎ ﺍﺳﻔﻪ ﺍﻟﻴﻮﻣﻴﻦ ﺍﻟﻠﻲ ﻓﺎﺗﻮﺍ ﺳﺎﻓﺮﺕ ﺍﻟﺒﻠﺪ ﻣﻊ ﻋﻴﻠﺘﻲ ﻭﻣﺎ ﻗﺪﺭﺗﺶ ﺍﺟﻲ ... ﺑﻌﺪ ﺍﺫﻧﻚ
    ﺻﻔﻴﻪ : ﺍﺳﺘﻨﻲ ﻫﻨﺎ ﺍﻧﺘﻲ ﺭﺍﻳﺤﻪ ﻓﻴﻦ؟
    ﺷﻮﻕ : ﻃﺎﻟﻌﻪ ﻟﺤﺎﺯﻡ
    ﺻﻔﻴﻪ : ﺣﺎﺯﻡ ﻛﺪﻩ؟؟؟ ﻋﻠﻲ ﺍﻟﻌﻤﻮﻡ ﺣﺎﺯﻡ ﻣﺶ ﻓﻮﻕ
    ﺷﻮﻕ ﻗﻠﺒﻬﺎ ﺑﻴﺪﻕ ﺑﺴﺮﻋﻪ : ﻣﺶ ﻓﻮﻕ ! ؟؟ ﻓﻲ ﺍﻟﺠﻨﻴﻨﻪ ﻳﻌﻨﻲ ﻫﺮﻭﺣﻠﻪ
    ﺻﻔﻴﻪ : ﺍﺳﺘﻨﻲ ﻫﻨﺎ ﺣﺎﺯﻡ ﻣﺶ ﻓﻲ ﺍﻟﺒﻴﺖ ﺍﺻﻼ
    ﺷﻮﻕ ﺑﻘﻠﻖ : ﺍﻣﺎﻝ ﻓﻴﻦ؟
    ﺻﻔﻴﻪ ﻃﻠﻌﺖ ﺩﻓﺘﺮ ﺷﻴﻜﺎﺗﻬﺎ ﻭﻣﻀﺘﻪ ﻭﻗﺮﺑﺖ ﻣﻦ ﺷﻮﻕ ﻭﻋﻄﺘﻬﻮﻟﻬﺎ
    ﺻﻔﻴﻪ : ﺳﺎﻓﺮ ﻳﻜﻤﻞ ﻋﻼﺟﻪ ﻭﺳﺎﺑﻠﻚ ﺩﻩ
    ﻋﻄﺘﻬﺎ ﺍﻟﺸﻴﻚ
    ﺷﻮﻕ : ﺍﻳﻪ ﺩﻩ؟
    ﺻﻔﻴﻪ : ﺷﻴﻚ ﺏ 100 ﺍﻟﻒ ﺯﻱ ﻣﺎ ﺍﺗﻔﻘﻨﺎ ﺍﺗﻌﺎﺑﻚ ﻭﻣﺘﺸﻜﺮﻳﻦ
    ﺷﻮﻕ ﻗﻄﻌﺖ ﺍﻟﺸﻴﻚ
    ﺷﻮﻕ : ﺍﺗﻌﺎﺏ ﺍﻳﻪ ﺍﻧﺎ ﻋﺎﻳﺰﻩ ﺍﺷﻮﻑ ﺣﺎﺯﻡ ﻧﻔﺴﻪ؟؟
    ﺻﻔﻴﻪ : ﺑﻘﻮﻟﻚ ﺳﺎﻓﺮ ﻭﺑﻌﺪﻳﻦ ﺍﻟﺸﻴﻚ ﺍﻟﻠﻲ ﻗﻄﻌﺘﻴﻪ ﺩﻩ
    ﻗﺎﻃﻌﺘﻬﺎ ﺷﻮﻕ : ﺍﻧﺎ ﻣﺶ ﻋﺎﻳﺰﻩ ﻓﻠﻮﺱ ﻣﻨﻪ
    ﺻﻔﻴﻪ : ﺍﻣﺎﻝ ﺍﻧﺘﻲ ﻋﺎﻳﺰﻩ ﺍﻳﻪ؟ ﺣﻠﻤﺘﻲ ﺑﺎﻳﻪ ﺍﻛﺘﺮ ﻣﻦ ﺍﻟﻔﻠﻮﺱ؟؟ ﺑﻴﻪ ﻫﻮ ﺷﺨﺼﻴﺎ؟؟؟
    ﺻﻔﻴﻪ ﺿﺤﻜﺖ ﺿﺤﻜﻪ ﻋﺎﻟﻴﻪ ﺑﺘﺮﻳﻘﻪ
    ﺻﻔﻴﻪ : ﺷﻜﻠﻚ ﻓﻌﻼ ﺣﻠﻤﺘﻲ ﺑﻴﻪ !!! ﻳﺎ ﺣﺒﻴﺒﻪ ﻗﻠﺒﻲ ﺍﻧﺘﻲ ﺍﻟﻤﻤﺮﺿﻪ ﺭﻗﻢ 30 ﻣﺜﻼ ﻫﻮ ﺍﻧﺘﻲ ﻓﺎﻛﺮﻩ ﻧﻔﺴﻚ ﺍﻟﻮﺣﻴﺪﻩ
    ﺷﻮﻕ : ﻷ ﺍﻧﺎ ﻏﻴﺮﻫﻢ
    ﺻﻔﻴﻪ :. ﺑﺠﺪ؟؟؟ ﻏﻴﺮﻫﻢ ﺍﺯﺍﻱ؟؟
    ﺷﻮﻕ : ﻫﻮ ﺑﻴﺤﺒﻨﻲ ﻭﺍﻧﺎ ﺑﺤﺒﻪ
    ﺻﻔﻴﻪ : ﺍﻧﺘﻲ ﺗﺤﺒﻴﻪ ﺍﻩ ﻫﻮ ﻷ ﻃﺒﻌﺎ ﺍﻧﺘﻲ ﻫﺒﻠﻪ؟
    ﺷﻮﻕ : ﻫﻮ ﺑﻴﺤﺒﻨﻲ
    ﺻﻔﻴﻪ : ﻃﻴﺐ ﺑﻴﺤﺒﻚ ﻫﻮ ﺳﺎﻓﺮ ﻋﺎﻳﺰﻩ ﺍﻳﻪ ﺑﻘﻲ؟؟
    ﺷﻮﻕ : ﻃﻴﺐ ﺧﻠﻴﻨﻲ ﺍﻛﻠﻤﻪ
    ﺻﻔﻴﻪ : ﻫﻮ ﻟﻮ ﻋﺎﻳﺰ ﻳﻜﻠﻤﻚ ﻛﺎﻥ ﻫﻴﻜﻠﻤﻚ ﻫﻮ ﻣﺴﺎﻓﺮ ﻣﻦ ﺗﻼﺕ ﺍﻳﺎﻡ ﻭﻣﺎﺳﺄﻟﺶ ﻋﻠﻴﻜﻲ
    ﺷﻮﻕ : ﺗﻼﺕ ﺍﻳﺎﻡ؟؟؟
    ﻓﻜﺮﺕ ﺷﻮﻕ ﺍﻥ ﺩﻩ ﺑﻌﺪ ﺍﻟﻠﻲ ﺣﺼﻞ ﺑﻴﻨﻬﻢ ﻋﻠﻲ ﻃﻮﻝ
    ﺻﻔﻴﻪ : ﻳﺎﻻ ﻳﺎ ﺷﺎﻃﺮﻩ ﺍﻟﻌﺒﻲ ﺑﻌﻴﺪ ﻻﻧﻲ ﻣﺶ ﻓﻀﻴﺎﻟﻚ ... ﻋﺎﻳﺰﻩ ﺍﻟﺸﻴﻚ ﻭﻻ ﻫﺘﻘﻄﻌﻴﻪ؟؟؟
    ﺷﻮﻕ : ﺍﻧﺎ ﻣﺶ ﻋﺎﻳﺰﻩ ﻓﻠﻮﺳﻪ ﻷ
    ﺻﻔﻴﻪ : ﻭﻫﻮ ﻣﻌﻨﺪﻭﺵ ﻏﻴﺮ ﻓﻠﻮﺱ ﺍﻧﺘﻲ ﺑﻘﻲ ﻃﻤﻌﺘﻲ ﻓﻲ ﺍﻛﺘﺮ ﻣﻦ ﻛﺪﻩ ﺗﺒﻘﻲ ﻏﺒﻴﻪ ﺍﺗﻔﻀﻠﻲ ﻳﺎﻻ
    ﺻﻔﻴﻪ ﻣﺸﻴﺘﻬﺎ ﻣﻦ ﻗﺪﺍﻣﻬﺎ ﻭﻳﺪﻭﺏ ﺧﺮﺟﺖ ﻭﻗﻔﻠﺖ ﺑﺎﺏ ﻛﺎﻥ ﻣﻨﻴﺮﻩ ﺟﺎﻳﻪ ﺗﺠﺮﻱ ﻭﺭﺍﻫﺎ
    ﺻﻔﻴﻪ : ﺍﺳﺘﻨﻲ ﻋﻨﺎ ﺍﻧﺘﻲ ﺭﺍﻳﺤﻪ ﻓﻴﻦ؟
    ﻣﻨﻴﺮﻩ : ﺍﻧﺎ ﻫﺮﻭﺡ ﻟﻌﻢ ﺧﻠﻴﻞ ﺑﺮﻩ ﻛﺎﻥ ﻋﺎﻳﺰﻧﻲ
    ﺻﻔﻴﻪ ﻗﺮﺑﺖ ﻣﻨﻬﺎ : ﺍﻳﻪ ﺍﻟﻠﻲ ﻓﻲ ﺍﻳﺪﻙ ﺩﻩ؟؟
    ﻣﻨﻴﺮﻩ ﺑﺘﺨﺒﻲ ﺍﻟﺠﻮﺍﺏ ﻭﺭﻱ ﺿﻬﺮﻫﺎ
    ﻣﻨﻴﺮﻩ : ﺩﻩ ﻋﺎﺩﻱ ﺟﻮﺍﺏ ﺟﺎﻳﻠﻲ ﻣﻦ ﺍﻟﺒﻠﺪ
    ﺻﻔﻴﻪ ﺷﺪﺗﻬﺎ ﻣﻦ ﺍﻳﺪﻫﺎ ﻭﻓﺘﺤﺘﻪ ﻭﻗﺮﺗﻪ
    "" ﺣﺒﻴﺒﺘﻲ ﺷﻮﻕ
    ﻣﺎ ﺗﻌﺮﻓﻴﺶ ﺍﻧﺘﻲ ﺑﺎﻟﻨﺴﺒﺎﻟﻲ ﺍﻳﻪ !! ﺍﻧﺎ ﺣﺒﻴﺘﻚ ﺍﻛﺘﺮ ﺭﻭﺣﻲ
    ﺍﻧﺘﻲ ﺍﺻﻼ ﺑﻘﻴﺘﻲ ﺭﻭﺣﻲ ... ﺍﻧﺎ ﻣﻬﻤﺎ ﺍﻭﺻﻔﻠﻚ ﺍﻧﺎ ﺑﺤﺒﻚ ﻗﺪ ﺍﻳﻪ ﺑﺮﺿﻪ ﻣﺶ ﻫﻮﻓﻴﻜﻲ ﺣﻘﻚ ﺍﺑﺪﺍ .... ﻭﺧﺼﻮﺻﺎ ﺑﻌﺪ ﺍﻟﻠﻲ ﺣﺼﻞ ﺑﻴﻨﺎ ﺣﺒﻲ ﻟﻴﻜﻲ ﺑﻘﻲ ﻣﺎﻟﻮﺵ ﺣﺪﻭﺩ ﺍﻧﺘﻲ ﺭﺩﻳﺘﻴﻠﻲ ﺣﻴﺎﺗﻲ ﺍﻟﻠﻲ ﺧﺴﺮﺗﻬﺎ 





    ...

    ﺍﻧﺎ ﺳﺎﻓﺮﺕ ﺍﻛﻤﻞ ﻋﻼﺟﻲ ﻭﻫﺮﺟﻌﻠﻚ ﺣﺒﻴﺒﺘﻲ ﻭﺍﻗﻒ ﻋﻠﻲ ﺭﺟﻠﻴﺎ ... ﻣﺶ ﻫﺘﺄﺧﺮ ﻋﻠﻴﻜﻲ ﺍﺑﺪﺍ ... ﺍﺳﺘﻨﻴﻨﻲ ﻭﺍﻧﺎ ﻫﺠﻴﻠﻚ ﻭﺍﻗﻒ ﻭﺍﺩﻕ ﺑﺎﺑﻚ ﻭﻫﺎﺧﺪﻙ ﻣﻦ ﺍﻳﺪﻙ ﻋﻠﻲ ﺑﻴﺘﻲ
    ﻭﻣﺤﺪﺵ ﺍﺑﺪﺍ ﻫﻴﻔﺮﻗﻨﺎ ﻋﻦ ﺑﻌﺾ ﺗﺎﻧﻲ
    ﺣﺒﻴﺒﻚ ﺣﺎﺯﻡ " "
    ﺻﻔﻴﻪ ﻗﺮﺕ ﺍﻟﺮﺳﺎﻟﻪ ﻭﻛﻠﻬﺎ ﻏﻴﻆ ﺍﻥ ﺍﺑﻨﻬﺎ ﺣﺐ ﺍﻟﻤﻤﺮﺿﻪ ﺩﻱ
    ﻗﻄﻌﺖ ﺍﻟﺮﺳﺎﻟﻪ ﻭﺭﻣﺘﻬﺎ ﻓﻲ ﺍﻟﺒﺎﺳﻜﺖ ﻭﺑﺼﺖ ﻟﻤﻨﻴﺮﻩ
    ﺻﻔﻴﻪ : ﻗﺴﻤﺎ ﺑﺎﻟﻠﻪ ﻟﻮ ﺣﺪ ﻋﺮﻑ ﺑﺎﻟﺮﺳﺎﻟﻪ ﺩﻱ ﻻﺧﻠﻴﻜﻲ ﺣﺘﻪ ﻟﻘﻤﻪ ﺍﻟﻌﻴﺶ ﻣﺎ ﺗﻠﻘﻴﻬﺎﺵ ﻓﺎﻫﻤﻪ؟
    ﻣﻨﻴﺮﻩ : ﺑﺲ ﺣﺎﺯﻡ ﺑﻴﻪ
    ﺻﻔﻴﻪ : ﺣﺎﺯﻡ ﺍﻟﻤﺸﻠﻮﻝ ﻭﻻ ﺍﻧﺎ؟؟؟ ﺍﻭﻋﻲ ﺗﺘﺨﻴﻠﻲ ﺍﻧﻲ ﻫﺴﻤﺢ ﻟﺠﺮﺑﻮﻋﻪ ﺯﻱ ﺩﻱ ﺗﺪﺧﻞ ﺑﻴﺘﻲ ﺑﺼﻔﻪ ﻏﻴﺮ ﺍﻧﻬﺎ ﺗﺸﺘﻐﻞ ﻓﺎﻫﻤﻪ؟؟ ﻭﻻ ﺍﻓﻬﻤﻚ ﺑﻄﺮﻳﻘﻪ ﺗﺎﻧﻴﻪ؟
    ﻣﻨﻴﺮﻩ : ﻓﺎﻫﻤﻪ ﻳﺎ ﻫﺎﻧﻢ
    ﺷﻮﻕ ﺭﻭﺣﺖ ﺑﻴﺘﻬﺎ ﺩﻣﻮﻋﻬﺎ ﺳﺎﺑﻘﺎﻫﺎ ﻣﺶ ﻋﺎﺭﻓﻪ ﺗﻔﻜﺮ ﺍﺻﻼ
    ﺑﺲ ﻷ ﻫﻮ ﺑﻴﺤﺒﻬﺎ ﻋﻤﺮﻩ ﺍﺑﺪﺍ ﻣﺎ ﻳﻜﻮﻥ ﺗﻔﻜﻴﺮﻩ ﻛﺪﻩ
    ﻫﻴﺎ ﻫﺘﺴﺘﻨﻲ ﻳﺮﺟﻊ ﻭﺗﺸﻮﻓﻪ ﺍﻛﻴﺪ ﻣﺶ ﻫﻴﺘﺎﺧﺮ ﻧﻬﺎﺋﻲ
    ﻣﺎﻫﻮ ﻣﺎ ﻳﻨﻔﻌﺶ ﺗﻔﻜﺮ ﻏﻴﺮ ﻛﺪﻩ ﺍﺑﺪﺍ ﺍﺑﺪﺍ
    ﻣﺎ ﺗﺘﺤﻤﻠﺶ ﺍﻱ ﺗﻔﻜﻴﺮ ﺗﺎﻧﻲ
    ﻫﻮ ﺑﻴﺤﺒﻬﺎ ﻭﺑﺲ
    ﺣﺎﺯﻡ ﺧﺮﺝ ﻣﻦ ﺍﻟﻌﻤﻠﻴﺎﺕ ﻭﻋﺒﺪﺍﻟﻤﻨﻌﻢ ﻓﻀﻞ ﺟﻨﺒﻪ
    ﺍﻟﺪﻛﺘﻮﺭ : ﻃﺒﻌﺎ ﻟﻤﺎ ﻳﻔﻮﻕ ﻫﻨﻘﺪﺭ ﻧﺤﺪﺩ ﻣﺪﻱ ﻧﺠﺎﺡ ﺍﻟﻌﻤﻠﻴﻪ ...
    ﻋﺒﺪﺍﻟﻤﻨﻌﻢ : ﺑﺲ ﺍﻧﺘﻮ ﻣﺘﻔﺎﺋﻠﻴﻦ ﺻﺢ؟
    ﺍﻟﺪﻛﺘﻮﺭ : ﺍﻛﻴﺪ ﻃﺒﻌﺎ .. ﺍﻧﺎ ﺍﺻﺮﻳﺖ ﺍﻥ ﺣﺎﺯﻡ ﻳﺠﻲ ﻫﻨﺎ ﺑﺎﻟﺬﺍﺕ ﻻﻥ ﺩﻩ ﺍﻛﺒﺮ ﺩﻛﺘﻮﺭ ﺍﻋﺼﺎﺏ ﻓﻲ ﺍﻟﻌﺎﻟﻢ ﻛﻠﻪ
    ﺍﻧﺎ ﻧﻔﺴﻲ ﺟﻴﺖ ﻣﻊ ﺣﺎﺯﻡ ﻋﻠﺸﺎﻥ ﺍﻛﻮﻥ ﻣﻌﺎﻩ ﻭﺍﺗﻌﻠﻢ ﺷﻮﻳﻪ ﻣﻨﻪ ﻣﺎ ﺗﻘﻠﻘﺶ ﻋﻠﻴﻪ
    ﺣﺎﺯﻡ ﻓﺎﻕ ﺍﺧﻴﺮﺍ ﻭﺑﻴﺒﺺ ﺣﻮﺍﻟﻴﻪ
    ﺍﻟﺪﻛﺘﻮﺭ : ﺍﺧﺒﺎﺭﻙ ﺍﻳﻪ ﻃﻤﻨﺎ ﻋﻠﻴﻚ
    ﺣﺎﺯﻡ : ﺍﻧﺎ ﺗﻌﺒﺎﻥ ﺍﻻﻟﻢ ﺻﻌﺐ ﻗﻮﻱ
    ﺍﻟﺪﻛﺘﻮﺭ : ﻻ ﺍﻧﺖ ﻻﺯﻡ ﺗﺠﻤﺪ ﺩﻩ ﻟﺴﻪ ﺍﻻﻟﻢ ﺍﻟﺤﻘﻴﻘﻲ ﻣﺎ ﺑﺪﺃﺵ ﺍﻟﻤﻬﻢ ﺣﺎﻭﻝ ﺗﺤﺮﻙ ﺭﺟﻠﻴﻚ ﺍﻭ ﺻﻮﺍﺑﻌﻚ ﺍﻱ ﺣﺎﺟﻪ
    ﺣﺎﺯﻡ : ﻣﺶ ﻗﺎﺩﺭ
    ﺍﻟﺪﻛﺘﻮﺭ : ﺍﻱ ﺣﺮﻛﻪ ﻭﻟﻮ ﺑﺴﻴﻄﻪ
    ﺣﺎﺯﻡ : ﺍﻻﻟﻢ ﺻﻌﺐ
    ﺭﺍﺡ ﺗﺎﻧﻲ ﻓﻲ ﺍﻟﻨﻮﻡ
    ﻋﺒﺪﺍﻟﻤﻨﻌﻢ : ﻫﻮ ﻣﺎ ﺍﺗﺤﺮﻛﺶ ﺩﻩ ﻣﻌﻨﺎﻩ ﺍﻳﻪ؟
    ﺍﻟﺪﻛﺘﻮﺭ : ﻣﻌﻨﺎﻩ ﺍﻧﻪ ﻟﺴﻪ ﺑﺪﺭﻱ ﺍﻧﻨﺎ ﻧﺤﻜﻢ ﻭﺑﻌﺪﻳﻦ ﻟﺴﻪ ﻣﺎ ﻓﺎﻗﺶ ﻛﻮﻳﺲ ﻣﺎ ﺗﻘﻠﻘﺶ
    ﻋﺒﺪﺍﻟﻤﻨﻌﻢ : ﺑﺲ ﻫﻮ ﻣﺎ ﺣﺮﻛﺶ ﺣﺘﻲ ﺻﻮﺍﺑﻌﻪ
    ﺍﻟﺪﻛﺘﻮﺭ : ﺍﺩﻱ ﻓﺮﺻﻪ ﻻﻋﺼﺎﺑﻪ ﺗﺸﺘﻐﻞ ﺩﻩ ﺍﺣﻨﺎ ﻟﺴﻪ ﺑﻨﻘﻮﻝ ﻳﺎ ﻫﺎﺩﻱ ﻟﺴﻪ
    ﻓﻀﻞ ﻳﻮﻡ ﺑﺤﺎﻟﻪ ﻧﺎﻳﻢ ﻭﺻﺤﻲ ﺗﺎﻧﻲ ﻭﻋﺒﺪﻭ ﻧﺎﺩﻱ ﻋﻠﻲ ﺍﻟﺪﻛﺘﻮﺭ
    ﺍﻟﺪﻛﺘﻮﺭ : ﺍﻋﺘﻘﺪ ﻛﺪﻩ ﺍﺣﺴﻦ؟؟
    ﺣﺎﺯﻡ : ﺍﺍﺍﺍﺍﺍﻩ ﻻ ﺍﻻﻟﻢ ﺑﻴﺰﻳﺪ ﺍﺍﺍﺍﺍﺍﻩ
    ﺍﻟﺪﻛﺘﻮﺭ : ﻣﻌﻠﺶ ﻫﺪﻳﻚ ﻣﺴﻜﻦ ﺑﺲ ﺣﺎﻟﻴﺎ ﺍﻧﺖ ﻻﺯﻡ ﺗﺤﺮﻙ ﺭﺟﻠﻚ ﻋﻠﺸﺎﻥ ﻧﻘﺪﺭ ﻧﺤﺪﺩ ﺍﻟﻌﻤﻠﻴﻪ ﻧﺠﺤﺖ ﻭﻻ ﻷ؟
    ﺍﻟﺪﻛﺘﻮﺭ ﺍﻟﻠﻲ ﻋﻤﻠﻪ ﺍﻟﻌﻤﻠﻴﻪ ﺟﺎﻟﻪ ﻭﻣﺴﺘﻨﻲ ﺑﺮﺿﻪ ﻳﺸﻮﻑ ﻧﺘﻴﺠﻪ ﺷﻐﻠﻪ
    ﺣﺎﺯﻡ ﺣﺮﻙ ﺻﻮﺍﺑﻊ ﺭﺟﻠﻪ ﺣﺮﻛﻪ ﺑﺴﻴﻄﻪ ﺑﺲ ﻛﺎﻧﺖ ﺑﺎﻟﻨﺴﺒﺎﻟﻬﻢ ﺣﺎﺟﻪ ﻛﺒﻴﺮﻩ ﺟﺪﺍ
    ﺍﻟﺪﻛﺘﻮﺭ : ﻛﺪﻩ ﺍﻗﺪﺭ ﺍﻗﻮﻟﻚ ﺍﻥ ﺍﻟﻌﻤﻠﻴﻪ ﻧﺠﺤﺖ ﺍﻟﻤﻬﻢ ﺣﺎﻟﻴﺎ ﺍﻻﻟﻢ ﻣﺎ ﺑﻌﺪ ﺍﻟﻌﻤﻠﻴﻪ ﻫﻴﻜﻮﻥ ﻻ ﻳﺤﺘﻤﻞ ... ﻓﺨﻠﻴﻚ ﺟﻨﺒﻪ
    ﺍﻻﻟﻢ ﺍﺻﻌﺐ ﻣﻦ ﺍﻥ ﺣﺪ ﻳﺘﺤﻤﻠﻪ ﻟﻮﺣﺪﻩ ... ﻓﻠﻮ ﻓﻲ ﺣﺪ ﻣﻬﻢ ﻓﻲ ﺣﻴﺎﺗﻪ ﻳﺴﺘﺤﺴﻦ ﺍﻧﻪ ﻳﺒﻘﻲ ﺟﻨﺒﻪ
    ﺣﺎﺯﻡ ﻛﻞ ﻟﺤﻈﻪ ﺑﺘﻌﺪﻱ ﺑﻴﻤﻮﺕ ﻓﻴﻬﺎ ﻣﻠﻴﻮﻥ ﻣﺮﻩ ... ﻣﻜﻨﺶ ﻣﺘﺨﻴﻞ ﺍﻥ ﻓﻲ ﻭﺟﻊ ﺍﻛﺘﺮ ﻣﻦ ﺍﻟﻠﻲ ﻋﺪﻱ ﻋﻠﻴﻪ ﺍﻟﺴﻨﺘﻴﻦ ﺍﻟﻠﻲ ﻓﺎﺗﻮﺍ ... ﻣﻜﻨﺶ ﻣﺘﺨﻴﻞ ﺍﻥ ﻓﻲ ﻭﺟﻊ ﺯﻱ ﺩﻩ ﺍﺻﻼ
    ﻳﻮﻡ ﻭﺍﺗﻨﻴﻦ ﻋﺪﻭﺍ ﻭﻫﻮ ﺑﻴﻤﻮﺕ
    ﺣﺎﺯﻡ : ﻋﻤﻲ ﻋﺒﺪﻭ ﺍﺭﺟﻮﻙ ﺍﻧﺎ ﻋﺎﻳﺰ ﺷﻮﻕ ... ﺍﻧﺎ ﻣﻤﻜﻦ ﺍﺗﺤﻤﻞ ﺍﻱ ﺣﺎﺟﻪ ﻭﻫﻴﺎ ﻣﻌﺎﻳﺎ ﻫﺎﺗﻬﺎﻟﻲ ﺍﺭﺟﻮﻙ ... ﺍﻭ ﺣﺘﻲ ﺑﺲ ﺍﺳﻤﻊ ﺻﻮﺗﻬﺎ ﺍﺭﺟﻮﻙ
    ﺣﺎﺯﻡ ﻣﻦ ﻛﺘﺮ ﺍﻻﻟﻢ ﺩﻣﻮﻋﻪ ﻧﺰﻟﺖ ﻭﺩﻩ ﻛﺎﻥ ﻗﻤﻪ ﺍﻻﻟﻢ ﻟﻌﺒﺪﺍﻟﻤﻨﻌﻢ ﻓﺎﺗﺼﻞ ﺑﺼﻔﻴﻪ
    ﺣﺎﺯﻡ ﺷﺪ ﻣﻨﻪ ﺍﻟﻤﻮﺑﻴﻞ ﻭﺑﻴﻜﻠﻢ ﺍﻣﻪ ﺑﺼﻮﺕ ﺗﻌﺒﺎﻥ ﻣﺨﻠﻮﻁ ﺑﻌﻴﺎﻁ ﻣﺨﻠﻮﻁ ﺑﻮﺟﻊ
    ﺣﺎﺯﻡ : ﺍﺭﺟﻮﻛﻲ ﻳﺎ ﺍﻣﻲ ﺍﻧﺎ ﻋﺎﻳﺰ ﺷﻮﻕ ... ﻫﺎﺗﻴﻬﺎﻟﻲ ﻣﻦ ﺗﺤﺖ ﺍﻻﺭﺽ ﺑﺎﻱ ﻃﺮﻳﻘﻪ ﺍﺗﺼﺮﻓﻲ ...
    ﺻﻔﻴﻪ : ﻭﺑﻌﺪﻳﻦ ﻣﻌﺎﻙ ﻳﺎ ﺣﺎﺯﻡ؟؟
    ﺣﺎﺯﻡ : ﺍﺭﺟﻮﻛﻲ ﻳﺎ ﺍﻣﻲ ﺍﻛﻴﺪ ﺍﺑﻮﻫﺎ ﻣﺎﻧﻌﻬﺎ ﺗﻴﺠﻲ ﺍﻧﺘﻲ ﺭﻭﺣﻴﻠﻬﺎ ﺍﻋﻤﻠﻲ ﺍﻱ ﺣﺎﺟﻪ ﺍﺭﺟﻮﻛﻲ
    ﺻﻔﻴﻪ : ﻻ ﻳﺎ ﺣﺎﺯﻡ ﺍﺑﻮﻫﺎ ﻣﺶ ﻣﺎﻧﻌﻬﺎ ﺗﻴﺠﻲ ﻫﻴﺎ ﺟﺖ ﻣﻦ ﻳﻮﻣﻴﻦ ﻭﺍﺧﺪﺕ ﺣﺴﺎﺑﻬﺎ ﻭﻣﻜﺎﻓﺌﺘﻬﺎ ﻭﻣﺸﻴﺖ
    ﺣﺎﺯﻡ ﺗﻨﺢ : ﺟﺖ؟؟ ﻭﻣﺎ ﺳﺄﻟﺘﺶ ﻋﻠﻴﺎ ! ؟
    ﺻﻔﻴﻪ : ﻻ ﻃﺒﻌﺎ ﺳﺄﻟﺖ ﻭﻗﻮﻟﺘﻠﻬﺎ ﺍﻧﻚ ﺳﺎﻓﺮﺕ ﻭﺧﻼﺹ ﻗﺒﻀﺖ ﻭﻣﺸﻴﺖ
    ﺣﺎﺯﻡ : ﺍﻣﻲ ﺍﻧﺎ ﻣﺶ ﻓﺎﻫﻢ ... ﻳﻌﻨﻲ ﺍﻳﻪ ﻗﺒﻀﺖ ﻭﻣﺸﻴﺖ؟؟
    ﺻﻔﻴﻪ : ﺍﻳﻪ ﺍﻟﻠﻲ ﻣﺶ ﻓﺎﻫﻤﻮ ﻳﺎ ﺣﺒﻴﺒﻲ؟؟؟ ﻫﻴﺎ ﻛﺎﻥ ﻟﻴﻬﺎ ﻭﻇﻴﻔﻪ ﻗﺎﻣﺖ ﺑﻴﻬﺎ ﻗﺒﻀﺖ ﺗﻤﻨﻬﺎ ﻣﺸﻴﺖ ﺍﻳﻪ ﺑﻘﻲ ﺍﻟﻠﻲ ﺍﻧﺖ ﻣﺶ ﻓﺎﻫﻤﻮ؟؟؟
    ﺣﺎﺯﻡ : ﺍﻣﻲ ﻷ ... ﺍﻧﺎ ﻭﻫﻴﺎ ﺑﻨﺤﺐ ﺑﻌﺾ ﺍﻧﺎ ﺑﺤﺒﻬﺎ ﻳﺎ ﺍﻣﻲ
    ﺻﻔﻴﻪ : ﺑﺘﺤﺐ ﻣﻴﻦ ﺍﻟﻤﻤﺮﺿﻪ ﺩﻱ؟؟؟ ﺍﻧﺖ ﺍﻟﻈﺎﻫﺮ ﺍﻧﻚ ﺍﺗﻬﺒﻠﺖ
    ﺣﺎﺯﻡ : ﺍﻧﺎ ﻣﺤﺘﺎﺝ ﺍﻛﻠﻤﻬﺎ ﺍﺭﺟﻮﻛﻲ ﻫﻴﺎ ﻛﻤﺎﻥ ﺑﺘﺤﺒﻨﻲ
    ﺻﻔﻴﻪ : ﺣﺎﺯﻡ ﺣﺒﻴﺒﻲ ﺷﻮﻕ ﻛﺎﻥ ﻣﻄﻠﻮﺏ ﻣﻨﻬﺎ ﺗﻘﻨﻌﻚ ﺗﻌﻤﻞ ﺍﻟﻌﻤﻠﻴﻪ ﻭﺑﺲ ﻣﻬﻤﺎ ﻳﺘﻄﻠﺐ ﻣﻨﻬﺎ ﺍﻻﻣﺮ ﺩﻩ ﻭﻫﺘﻘﺒﺾ ﻓﻲ ﺍﻻﺧﺮ ... ﺍﻟﺪﻛﺘﻮﺭ ﻗﺎﻝ ﺍﻥ ﺍﻟﻌﻤﻠﻴﻪ ﺩﻱ ﻻﺯﻡ ﺗﻌﻤﻠﻬﺎ ﺑﻤﺰﺍﺟﻚ ﻣﺎ ﻳﻨﻔﻌﺶ ﺍﺟﺒﺮﻙ ﻋﻠﻴﻬﺎ ﻭﻭﻋﺪﺕ ﺷﻮﻕ ﻟﻤﺎ ﻟﻘﻴﺘﻚ ﺗﻘﺒﻠﺘﻬﺎ ﺍﻧﻬﺎ ﺗﻘﻨﻌﻚ ﺑﺎﻟﻌﻤﻠﻴﻪ ﻭﻫﺘﻘﺒﺾ ﻭﻓﻌﻼ ﻓﺮﺣﺖ ﻟﻤﺎ ﺍﻧﺖ ﺳﺎﻓﺮﺕ ﻭﻗﺒﻀﺖ 100 ﺍﻟﻒ ﻭﻣﺸﻴﺖ ﻭﻫﻴﺎ ﻣﺒﺴﻮﻃﻪ ﺑﺲ ﻣﺎ ﺗﺨﻴﻠﺘﺶ ﺑﻘﻲ ﺍﻧﻚ ﺍﻧﺖ ﻏﺒﻲ ﻭﻫﺘﺤﺒﻬﺎ ﺑﺠﺪ
    ﺣﺎﺯﻡ : ﻻ ﻻ ﺍﻧﺘﻲ ﺑﺘﻀﺤﻜﻲ ﻋﻠﻴﺎ ... ﺍﻧﺘﻲ ﻣﺎ ﺑﺘﺤﺒﻴﻬﺎﺵ
    ﺻﻔﻴﻪ : ﺍﻳﻪ ﺍﻟﻠﻲ ﺣﺼﻞ ﺑﻴﻨﻜﻢ ﻓﻲ ﺍﻟﻴﻮﻡ ﺍﻟﻠﻲ ﻗﻀﻴﺘﻮﻩ ﻟﻮﺣﺪﻛﻢ؟؟
    ﺣﺎﺯﻡ : ﻣﺤﺼﻠﺶ ... ﺍﻣﻲ ﺍﻧﺎ ﻻﺯﻡ ﺍﻛﻠﻤﻬﺎ ﺑﻨﻔﺴﻲ
    ﺻﻔﻴﻪ : ﺣﺒﻴﺒﻲ ﺷﻮﻕ ﻃﻠﺒﺖ ﺍﻧﻜﻢ ﺗﻘﻀﻮﺍ ﻳﻮﻡ ﻟﻮﺣﺪﻛﻢ ﻭﻻﻧﻚ ﺍﻧﺖ ﺭﺍﻓﺾ ﺗﺨﺮﺝ ﻓﺎﻧﺎ ﻓﻀﻴﺘﻠﻜﻢ ﺍﻟﺒﻴﺖ ﻓﻠﻮ ﻓﻲ ﺣﺎﺟﻪ ﺣﺼﻠﺖ ﻓﺪﻱ ﻣﺘﺮﺗﺒﻪ ﺍﻧﺖ ﻓﺎﻫﻢ؟؟ ﺷﻮﻕ ﺟﺖ ﻭﻗﺒﻀﺖ ﻭﻣﺸﻴﺖ
    ﺣﺎﺯﻡ ﺭﺍﻓﺾ ﻳﺼﺪﻕ ﺍﻣﻪ : ﻃﻴﺐ ﻣﻨﻴﺮﻩ ﻓﻴﻦ؟
    ﺻﻔﻴﻪ : ﺍﻧﺖ ﻋﺎﻳﺰﻫﺎ ﻓﻲ ﺍﻳﻪ؟
    ﺣﺎﺯﻡ : ﺍﻣﻲ ﻫﺎﺗﻲ ﻣﻨﻴﺮﻩ
    ﻣﻨﻴﺮﻩ ﺟﺖ ﻭﻛﻠﻤﺘﻪ ﻭﺻﻔﻴﻪ ﻋﻴﻨﻬﺎ ﻋﻠﻴﻬﺎ
    ﺣﺎﺯﻡ : ﻣﻨﻴﺮﻩ ﺍﻧﺘﻲ ﺍﺩﻳﺘﻲ ﺟﻮﺍﺑﻲ ﻟﺸﻮﻕ ﺑﻨﻔﺴﻚ؟؟
    ﻣﻨﻴﺮﻩ ﺳﺎﻛﺘﻪ ﻣﺶ ﻋﺎﺭﻓﻪ ﺗﻘﻮﻝ ﺍﻳﻪ؟ ﺻﻔﻴﻪ ﺿﺮﺑﺘﻬﺎ ﻋﻠﺸﺎﻥ ﺗﺘﻜﻠﻢ
    ﻣﻨﻴﺮﻩ : ﺍﻳﻮﻩ ﻳﺎ ﺑﺎﺷﺎ ﺍﺩﻳﺘﻬﻮﻟﻬﺎ
    ﺣﺎﺯﻡ : ﻭﺑﻌﺪﻳﻦ؟ ﻋﻤﻠﺖ ﺍﻳﻪ؟
    ﻣﻨﻴﺮﻩ ﻋﻴﻨﻬﺎ ﻣﺘﻌﻠﻘﻪ ﺑﺼﻔﻴﻪ : ﻓﺘﺤﺘﻪ ﻭﻗﺮﺗﻪ ﻭﺿﺤﻜﺖ ﻭﻋﻄﺘﻪ ﻟﻠﻬﺎﻧﻢ
    ﺣﺎﺯﻡ ﻣﺶ ﻣﺼﺪﻕ ﺍﻟﻠﻲ ﺑﻴﺴﻤﻌﻪ
    ﺻﻔﻴﻪ : ﺣﺒﻴﺒﻲ ﺭﻛﺰ ﺍﻧﺖ ﺑﺲ ﻓﻲ ﻋﻼﺟﻚ ﻭﺍﻗﻒ ﻋﻠﻲ ﺭﺟﻠﻴﻚ ﻭﺍﺭﺟﻊ ﻭﺍﻧﺎ ﺍﺟﻴﺒﻠﻚ ﺳﺖ ﺳﺘﻬﺎ ﻭﺑﻌﺪﻳﻦ ﻳﺎ ﺣﺒﻴﺒﻲ ﺍﻧﺎ ﺍﺳﻔﻪ ﺑﺲ ﺍﻧﺖ ﻣﺸﻠﻮﻝ ﻭﻫﻴﺎ ﺟﻤﻴﻠﻪ ﻣﻠﻴﻮﻥ ﺭﺍﺟﻞ ﻳﺘﻤﻨﺎﻫﺎ ﻟﺠﻤﺎﻟﻬﺎ ﺩﻩ ﻫﺘﺒﺼﻠﻚ ﻟﻴﻪ؟ ﺍﻻ ﺍﺫﺍ ﻛﺎﻧﺖ ﻗﺎﺑﻀﻪ ﻭﻗﺎﺑﻀﻪ ﻛﺘﻴﺮ ﻗﻮﻱ ﻛﻤﺎﻥ
    ﺻﻔﻴﻪ ﻣﺶ ﻋﺎﺭﻓﻪ ﺍﻥ ﻛﻼﻣﻬﺎ ﺩﻩ ﺑﻴﺪﻣﺮ ﺍﺑﻨﻬﺎ ﺗﻤﺎﻣﺎ
    ﺣﺎﺯﻡ ﻗﻔﻞ ﺍﻟﺘﻠﻴﻔﻮﻥ ﻭﻫﻮ ﻓﻲ ﺣﺎﻟﻪ ﺻﺪﻣﻪ ... ﺍﻻﻟﻢ ﺍﻟﻠﻲ ﺟﻮﻱ ﻗﻠﺒﻪ ﺣﺎﻟﻴﺎ ﺍﻛﺒﺮ ﺑﻤﺮﺍﺣﻞ ﻣﻦ ﺍﻻﻟﻢ ﺍﻟﻠﻲ ﺣﺎﺳﺲ ﺑﻴﻪ
    ﻓﻀﻞ ﻛﺘﻴﺮ ﺳﺎﻛﺖ ﻣﺶ ﻣﺴﺘﻮﻋﺐ ﺍﺻﻼ ﺍﻳﻪ ﺍﻟﻠﻲ ﺣﺼﻞ؟؟ ﻋﻘﻠﻪ ﺯﻱ ﻣﺎ ﻳﻜﻮﻥ ﻣﺸﻠﻮﻝ ﻋﻦ ﺍﻟﺘﻔﻜﻴﺮ
    ﺟﺴﻤﻪ ﻣﺸﻠﻮﻝ ﻭﻋﻘﻠﻪ ﻣﺸﻠﻮﻝ
    ﺩﺧﻞ ﻋﺒﺪﺍﻟﻤﻨﻌﻢ ﺷﺎﻓﻪ ﻓﻲ ﺍﻟﺤﺎﻟﻪ ﺩﻱ ... ﺣﺎﻭﻝ ﻳﻜﻠﻤﻪ ﻣﺎ ﺑﻴﺮﺩﺵ ﻭﻻ ﺑﻴﺘﺄﻟﻢ ﻭﻻ ﺑﻴﺘﻮﺟﻊ
    ﻧﺎﺩﻱ ﻟﻠﺪﻛﺘﻮﺭ ﺍﻟﻠﻲ ﺑﺮﺿﻪ ﻣﻌﺮﻓﺶ ﻫﻮ ﻣﺎﻟﻪ
    ﻋﻄﻮﻟﻪ ﻣﻬﺪﺉ ﻋﻠﺸﺎﻥ ﻳﻨﺎﻡ ﻳﻤﻜﻦ ﻟﻤﺎ ﻳﻔﻮﻕ ﻳﺘﺤﺴﻦ
    ﺷﻮﻕ ﻗﻠﺒﻬﺎ ﻣﻠﻴﺎﻥ ﻭﺟﻊ ﺭﺍﺣﺖ ﺗﺎﻧﻲ ﻟﺼﻔﻴﻪ ﺗﺘﺮﺟﺎﻫﺎ ﺗﺴﻤﺤﻠﻬﺎ ﺗﻜﻠﻢ ﺣﺎﺯﻡ ﻭﻟﻮ ﻣﺮﻩ ﻭﺻﻔﻴﻪ ﻃﺮﺩﺗﻬﺎ ﻣﻦ ﺑﻴﺘﻬﺎ
    ﺣﺎﺯﻡ ﻓﺎﻕ ﻭﺑﻴﺘﺄﻟﻢ ﺑﺼﻤﺖ ﻭﻣﻬﻤﺎ ﻋﺒﺪﺍﻟﻤﻨﻌﻢ ﻳﺤﺎﻭﻝ ﻳﺨﻠﻴﻪ ﻳﺘﻜﻠﻢ ﺍﻭ ﺣﺘﻲ ﻳﺘﻮﺟﻊ ﺍﻟﻲ ﺍﻥ ﺣﺎﺯﻡ ﺭﺍﻓﺾ ﺗﻤﺎﻣﺎ ﺣﺘﻲ ﺍﻟﻜﻼﻡ
    ﻋﺒﺪﺍﻟﻤﻨﻌﻢ ﺍﺗﺼﻞ ﺑﺼﻔﻴﻪ ﻳﻔﻬﻢ ﻣﻨﻬﺎ ﺍﻳﻪ ﺍﻟﻠﻲ ﺣﺼﻞ ﻭﺣﺎﺯﻡ ﻣﺎﻟﻪ؟ ﺣﻜﺎﻟﻬﺎ ﺣﺎﻟﺘﻪ ﻭﺍﻥ ﺻﺤﺘﻪ ﺍﺗﺪﻫﻮﺭﺕ ﺗﻤﺎﻣﺎ ﺑﻌﺪ ﻣﺎ ﻛﺎﻥ ﺑﻴﺘﺤﺴﻦ ﻭﺑﻴﺴﺘﺠﻴﺐ ﻟﻠﻌﻼﺝ
    ﺻﻔﻴﻪ ﻗﺎﻟﺘﻠﻪ ﻋﻠﻲ ﺍﻟﻠﻲ ﺣﺼﻞ ﻭﺍﻥ ﺷﻮﻕ ﻗﺒﻀﺖ ﻭﻣﺸﻴﺖ ﺑﺲ ﻋﺒﺪﺍﻟﻤﻨﻌﻢ ﻣﺎ ﺻﺪﻗﻬﺎﺵ
    ﺍﺗﺼﻞ ﺑﻤﻨﻴﺮﻩ ﻭﻗﺎﻟﺖ ﻧﻔﺲ ﺍﻟﻜﻼﻡ ﺗﺎﻧﻲ
    ﺭﺟﻊ ﻟﺤﺎﺯﻡ ﻭﻓﻀﻞ ﺭﺍﻳﺢ ﺟﺎﻱ ﻳﺘﻜﻠﻢ ﻭﺣﺎﺯﻡ ﻣﺶ ﺑﻴﺮﺩ
    ﻋﺒﺪﺍﻟﻤﻨﻌﻢ ﺑﺰﻋﻴﻖ : ﻣﺎﻫﻮ ﻣﺎ ﺗﻘﻨﻌﻨﻴﺶ ﺍﻧﻚ ﻣﺼﺪﻕ ﺍﻧﻬﺎ ﻣﺎ ﺑﺘﺤﺒﻜﺶ ... ﺍﻧﺎ ﻟﻮ ﺍﻟﺪﻧﻴﺎ ﻛﻠﻬﺎ ﻗﺎﻟﺖ ﺍﻧﻬﺎ ﻣﺎ ﺑﺘﺤﺒﻜﺶ ﻣﺶ ﻫﺼﺪﻕ ... ﺍﻣﻚ ﺑﺘﻜﺮﻫﻬﺎ ﻭﺍﻧﺖ ﻋﺎﺭﻑ ﺩﻩ ﻛﻮﻳﺲ ... ﻟﻴﻪ ﻣﺎ ﺍﻓﺘﺮﺿﺘﺶ ﺍﻧﻬﺎ ﺑﺘﻀﺤﻚ ﻋﻠﻴﻚ؟؟
    ﺣﺎﺯﻡ ﺍﻧﺘﺒﻪ ﻭﺑﺼﻠﻪ ﺯﻱ ﺍﻟﻐﺮﻳﻖ ﺍﻟﻠﻲ ﻋﺎﻳﺰ ﺍﻱ ﺍﻣﻞ ﻭﻟﻮ ﺣﺘﻲ ﻛﺪﺍﺏ ﻳﺘﻌﻠﻖ ﺑﻴﻪ
    ﻋﺒﺪﺍﻟﻤﻨﻌﻢ : ﺍﻳﻮﻩ ﺍﻣﻚ ﺗﻌﻤﻠﻬﺎ ... ﺗﻤﻨﻊ ﺷﻮﻕ ﺍﻧﻬﺎ ﺗﻜﻠﻤﻚ ﻋﻠﺸﺎﻥ ﻣﺎ ﺗﺘﻤﺎﺩﺍﺵ ﻓﻲ ﺣﺒﻚ ﻟﻴﻬﺎ ...
    ﺣﺎﺯﻡ ﺍﺧﻴﺮﺍ ﻧﻄﻖ : ﻭﻣﻨﻴﺮﻩ؟؟
    ﻋﺒﺪﺍﻟﻤﻨﻌﻢ : ﻣﻨﻴﺮﻩ ﺧﺪﺍﻣﻪ ﻻ ﺭﺍﺣﺖ ﻭﻻ ﺟﺖ ﻭﺑﻜﻠﻤﻪ ﻣﻦ ﺍﻣﻚ ﻫﺘﻘﻮﻝ ﻛﻞ ﺍﻟﻠﻲ ﺗﻄﻠﺒﻪ ﻣﻨﻬﺎ .. ﺍﻧﺎ ﺷﻮﻓﺖ ﻓﻲ ﺷﻮﻕ ﺍﻧﺴﺎﻧﻪ ﺣﺒﺖ ﺑﺠﺪ ... ﻣﻜﻨﺘﺶ ﻣﺠﺮﺩ ﻣﻤﺮﺿﻪ ﻷ ... ﺷﻮﻕ ﺑﺘﺤﺒﻚ ﻳﺎ ﺣﺎﺯﻡ ﺑﺠﺪ ﻭﺍﻭﻋﻲ ﺗﺼﺪﻕ ﺣﺪ ﻳﻘﻮﻟﻚ ﻏﻴﺮ ﻛﺪﻩ
    ﺗﺼﺪﻕ ﻓﻲ ﺣﺎﻟﻪ ﻭﺍﺣﺪﻩ
    ﺣﺎﺯﻡ ﺑﺼﻠﻪ ﺑﺎﺳﺘﻔﺴﺎﺭ
    ﻋﺒﺪﺍﻟﻤﻨﻌﻢ : ﺍﻥ ﺷﻮﻕ ﻧﻔﺴﻬﺎ ﺗﻘﻮﻟﻚ ﺍﻧﻬﺎ ﻣﺎ ﺑﺘﺤﺒﻜﺶ ... ﺳﺎﻋﺘﻬﺎ ﺑﺲ ﺻﺪﻕ ... ﺷﺪ ﺣﻴﻠﻚ ﺑﻘﻲ ﻋﻠﺸﺎﻥ ﺗﺮﺟﻊ ﻟﺤﺒﻴﺒﺘﻚ ﺑﺴﺮﻋﻪ
    ﺍﻣﻞ ﺟﺪﻳﺪ ﺍﻧﺘﻌﺶ ﺟﻮﻩ ﺣﺎﺯﻡ ﻭﺑﺪﺃ ﻳﺤﺎﻭﻝ ﻳﻘﻒ ﻭﻳﻘﻮﻡ ﻋﻠﺸﺎﻥ ﻳﻘﺪﺭ ﻳﺮﺟﻊ ﻟﺤﺒﻴﺒﺘﻪ ﺑﺴﺮﻋﻪ
    ﺑﺪﺃ ﻋﻼﺟﻪ ﺍﻟﻄﺒﻴﻌﻲ ﻭﺩﻩ ﻛﺎﻥ ﻗﻤﻪ ﺍﻟﻌﺬﺍﺏ ﻟﺪﺭﺟﻪ ﺍﻧﻪ ﺑﺪﺃ ﻳﺮﻓﻀﻪ ... ﻣﺶ ﻗﺎﺩﺭ ﻳﺨﻄﻲ ﺍﻭ ﻳﻘﻒ ... ﺑﻴﻮﻗﻔﻮﻩ ﻓﻲ ﺍﻟﻤﻤﺮ ﺍﻟﻤﺨﺼﻮﺹ ﻭﻋﺎﻳﺰﻳﻨﻪ ﻳﺘﺤﺮﻙ ﻭﻫﻮ ﺍﺧﺮﻩ ﻟﺤﻈﺎﺕ ﻭﻳﻮﻗﻊ ﻓﻤﺎﺑﺎﻟﻚ ﺍﻧﻪ ﻳﺘﺤﺮﻙ !!!
    ﻋﺒﺪ ﺍﻟﻤﻨﻌﻢ : ﺑﺺ ﻳﺎ ﺣﺎﺯﻡ ﺗﺨﻴﻞ ﺍﻥ ﺷﻮﻕ ﻭﺍﻗﻔﻪ ﻓﻲ ﺍﺧﺮ ﺍﻟﻤﻤﺮ ﺩﻩ ﻭﻟﻤﺎ ﺗﻮﺻﻞ ﻟﻼﺧﺮ ﻫﻴﺎ ﺟﺎﻳﺰﺗﻚ ... ﺗﺨﻴﻞ ﻋﻴﻨﻬﺎ .. ﺗﺨﻴﻞ ﺣﺒﻬﺎ ... ﺗﺨﻴﻠﻬﺎ ﻗﺎﻋﺪﻩ ﺩﻟﻮﻗﺘﻲ ﻭﺍﻣﻚ ﻻﻋﺒﻪ ﻓﻲ ﺩﻣﺎﻏﻬﺎ ﻭﻻ ﺍﻟﻠﻪ ﺍﻋﻠﻢ ﻗﺎﻟﺘﻠﻬﺎ ﺍﻳﻪ؟ ... ﺷﻮﻕ ﻣﺴﺘﻨﻴﺎﻙ ﻗﻮﻡ ﺍﻭﻗﻒ ﻋﻠﺸﺎﻥ ﻧﺮﺟﻌﻠﻬﺎ ﺍﺣﻨﺎ ﺑﻘﺎﻟﻨﺎ ﺷﻬﺮ ﺍﻫﻮﻩ
    ﺣﺎﺯﻡ ﺍﻟﻜﻼﻡ ﺍﺩﺍﻟﻪ ﺩﻓﻌﻪ ﻛﺒﻴﺮﻩ ﺍﻧﻪ ﻳﺤﺎﻭﻝ ﻳﻮﻗﻒ ﺍﻭ ﻳﺘﺤﺮﻙ ﻋﻠﺸﺎﻥ ﺧﺎﻃﺮ ﺣﺒﻴﺒﺘﻪ
    ﻛﻞ ﻣﺎ ﺑﻴﻮﻗﻊ ﺑﻴﻔﺘﻜﺮ ﺍﻟﻠﺤﻈﺎﺕ ﺍﻟﺨﺎﺻﻪ ﺍﻟﻠﻲ ﻗﻀﻮﻫﺎ ﻣﻊ ﺑﻌﺾ ... ﺑﻴﻔﺘﻜﺮ ﻋﻨﻴﻬﺎ ﻣﺘﻌﻠﻘﻪ ﺑﻌﻨﻴﻪ ... ﻓﺒﻴﻮﻗﻒ ﺗﺎﻧﻲ ﻭﻳﻀﻐﻂ ﻋﻠﻲ ﻧﻔﺴﻪ ﺍﻛﺘﺮ ﻭﺍﻛﺘﺮ ....
    ﻻﺯﻡ ﻳﻮﻗﻒ ﻋﻠﺸﺎﻥ ﻳﺮﺟﻊ ﻟﺤﺒﻴﺒﺘﻪ
    ﺍﻻﻳﺎﻡ ﺑﺘﻌﺪﻱ ﻭﺷﻮﻕ ﺍﻟﺨﻮﻑ ﻭﺍﻟﻘﻠﻖ ﺑﻴﻜﺒﺮﻭﺍ ﺟﻮﺍﻫﺎ ﺷﻬﺮ ﺑﺤﺎﻟﻪ ﻛﻞ ﻳﻮﻡ ﺗﺮﻭﺡ ﺗﺴﺄﻝ ﻋﻨﻪ ﻭﺑﺮﺿﻪ ﻣﺎ 





    ﺭﺟﻌﺶ

    ﻟﺤﺪ ﻣﺎ ﻭﺻﻠﺖ ﻟﻤﺮﺣﻠﻪ ﻣﺎﻋﺪﺵ ﻳﻨﻔﻊ ﻓﻴﻬﺎ ﺍﻻﻧﺘﻈﺎﺭ
    ﺭﺍﺣﺖ ﻟﺼﻔﻴﻪ ﻭﺗﺎﻧﻲ ﻃﻠﺒﺖ ﻣﻨﻬﺎ ﺍﻧﻬﺎ ﺗﻜﻠﻤﻪ ﻭﻟﻮ ﻣﺮﻩ
    ﺻﻔﻴﻪ ﻛﺎﻥ ﻻﺯﻡ ﺗﺘﺼﺮﻑ ﻻﻧﻬﺎ ﻫﺘﺴﺘﻨﻲ ﺣﺎﺯﻡ ﻭﻣﺴﻴﺮﻩ ﻫﻴﺮﺟﻊ ﻭﺍﻥ ﻟﻘﺎﻫﺎ ﻣﺴﺘﻨﻴﺎﻩ ﻫﻴﺮﺟﻌﻠﻬﺎ
    ﺻﻔﻴﻪ : ﻭﻟﻮ ﺧﻠﻴﺘﻚ ﺗﺴﻤﻌﻴﻪ ﺑﻨﻔﺴﻚ ﺍﻥ ﻫﻮ ﻣﺶ ﻋﺎﻳﺰﻙ ﻭﺍﻧﻪ ﻣﺎ ﺑﻴﺤﺒﻜﻴﺶ؟؟؟
    ﺷﻮﻕ : ﺣﺎﺯﻡ ﺑﻴﺤﺒﻨﻲ ... ﺣﺎﺯﻡ ﺑﻴﺤﺒﻨﻲ
    ﺻﻔﻴﻪ : ﻃﻴﺐ ﻣﺎﺷﻲ ﺍﻧﺎ ﻫﻄﻠﻊ ﺍﺟﻴﺐ ﺗﻠﻴﻔﻮﻧﻲ ﻭﻫﻜﻠﻤﻪ ﻗﺪﺍﻣﻚ ﻭﻫﺨﻠﻴﻜﻲ ﺗﺴﻤﻌﻴﻪ ﺑﻨﻔﺴﻚ ﺑﻴﻘﻮﻝ ﺍﻧﻪ ﻣﺎ ﺑﻴﺒﺤﻜﻴﺶ ﺍﺗﻔﻘﻨﺎ؟
    ﺻﻔﻴﻪ ﻃﻠﻌﺖ ﺍﻭﺿﺘﻬﺎ ﻭﺍﺗﺼﻠﺖ ﺑﺤﺎﺯﻡ
    ﺻﻔﻴﻪ : ﺣﺒﻴﺒﻲ ﺍﻧﺖ ﻻﺯﻡ ﺗﺸﻮﻓﻠﻚ ﺣﻞ
    ﺣﺎﺯﻡ : ﻓﻲ ﺍﻳﻪ ﻳﺎ ﺍﻣﻲ ﻣﺎﻟﻚ ﺑﺲ؟؟
    ﺻﻔﻴﻪ : ﺍﻟﻤﻤﺮﺿﻪ ﺍﻟﻠﻲ ﺟﻨﻨﺘﻨﻲ ﺩﻱ
    ﺣﺎﺯﻡ ﺑﻠﻬﻔﻪ : ﺷﻮﻕ؟؟؟
    ﺻﻔﻴﻪ : ﺷﻮﻕ ﺷﻮﻕ ﺷﻮﻕ ... ﻻ ﻃﺒﻌﺎ ﻣﺶ ﺷﻮﻕ ....
    ﺣﺎﺯﻡ ﺑﺨﻴﺒﻪ ﺍﻣﻞ : ﺍﻣﺎﻝ ﻣﻴﻦ؟
    ﺻﻔﻴﻪ : ﺍﻟﻌﺎﺷﻘﻪ ﺍﻟﻮﻟﻬﺎﻧﻪ ﺍﺳﻤﻬﺎ ﺍﻳﻪ؟ ﻧﺠﻮﻱ
    ﺣﺎﺯﻡ : ﻳﻴﻴﻴﻪ ﺍﻣﻲ ﺍﺧﻠﺼﻲ ﻣﻨﻬﺎ
    ﺻﻔﻴﻪ : ﻫﻴﺎ ﻣﺼﺮﻩ ﺍﻧﻚ ﺑﺘﺤﺒﻬﺎ ﻭﺍﻥ ﺑﻴﻨﻜﻢ ﻗﺼﻪ ﺣﺐ ﺭﻫﻴﺒﻪ ﺍﻗﻮﻟﻬﺎ ﺍﻳﻪ؟ ﺩﻱ ﻛﻞ ﻳﻮﻡ ﺗﻴﺠﻲ ﻭﺗﻘﻮﻟﻲ ﺍﻧﻬﺎ ﺑﺘﺤﺒﻚ .. ﻋﻄﻴﺘﻬﺎ ﻓﻠﻮﺱ ... ﻃﺮﺩﺗﻬﺎ .... ﺑﺮﺿﻪ ﺗﻘﻮﻟﻲ ﺍﻧﻚ ﺑﺘﺤﺒﻬﺎ ﻭﺍﻧﻬﺎ ﺗﺴﻤﻌﻬﺎ ﻣﻨﻚ ﺑﻨﻔﺴﻬﺎ
    ﺣﺎﺯﻡ : ﻳﻮﻭﻭﻭﻩ ﻳﺎ ﺍﻣﻲ ﺍﻧﺘﻲ ﻋﺎﻳﺰﻩ ﺍﻳﻪ ﻣﻨﻲ ﺩﻟﻮﻗﺘﻲ؟
    ﺻﻔﻴﻪ : ﺍﻧﺎ ﻫﻨﺰﻝ ﺑﺎﻟﺘﻠﻴﻔﻮﻥ ﻭﻫﻔﺘﺢ ﺍﻻﺳﺒﻴﻜﺮ ﺍﻧﺖ ﺑﻘﻲ ﺳﻤﻌﻬﺎ ﺍﻧﻚ ﻣﺎ ﺑﺘﺤﺒﻬﺎﺵ ﻭﺍﻧﻬﺎ ﻣﺠﺮﺩ ﻣﻤﺮﺿﻪ ﻻ ﺭﺍﺣﺖ ﻭﻻ ﺟﺖ ﺧﻼﺹ
    ﺣﺎﺯﻡ : ﻳﻮﻭﻭﻭﻩ ... ﺣﺎﺿﺮ ﺍﺗﻔﻀﻠﻲ
    ﺻﻔﻴﻪ : ﺣﺎﺯﻡ ﺍﻧﺎ ﻣﺶ ﻋﻴﺰﺍﻫﺎ ﺗﺮﺟﻊ ﺗﺎﻧﻲ
    ﺣﺎﺯﻡ : ﺣﺎﺿﺮ ﻳﺎ ﺍﻣﻲ ﺍﻧﺰﻟﻲ
    ﺻﻔﻴﻪ ﻧﺰﻟﺖ ﻭﻓﺘﺤﺖ ﺍﻻﺳﺒﻴﻜﺮ ﺯﻱ ﻣﺎ ﺍﺗﻔﻘﺖ ﻣﻊ ﺍﺑﻨﻬﺎ
    ﺻﻔﻴﻪ : ﻫﺎﻩ ﻳﺎ ﺣﺎﺯﻡ ﻗﻮﻟﻲ ﺍﻋﻤﻞ ﺍﻳﻪ ﻓﻲ ﺍﻟﻤﻤﺮﺿﻪ ﺩﻱ؟؟
    ﺣﺎﺯﻡ : ﺍﺩﻳﻬﺎ ﻗﺮﺷﻴﻦ ﻭﻣﺸﻴﻬﺎ ﺍﺗﺼﺮﻓﻲ ﻳﺎ ﺍﻣﻲ
    ﺻﻔﻴﻪ : ﺣﺒﻴﺒﻲ ﺍﺩﻳﺘﻬﺎ ﻗﺮﺷﻴﻦ
    ﺣﺎﺯﻡ : ﺍﻣﺎﻝ ﻫﻴﺎ ﻋﺎﻳﺰﻩ ﺍﻳﻪ؟
    ﺻﻔﻴﻪ : ﻋﻴﺰﺍﻙ ﺍﻧﺖ ﻳﺎ ﺣﺒﻴﺒﻲ
    ﺣﺎﺯﻡ : ﺑﻘﻮﻟﻚ ﺍﻳﻪ ﺍﻧﺎ ﻣﺶ ﻧﺎﻗﺺ ... ﻣﺘﺨﻠﻔﻪ ﺩﻱ ﻭﻻ ﺍﻳﻪ؟ ﻫﻮ ﺍﻧﺎ ﺑﺮﺿﻪ ﻫﺒﺺ ﻟﻤﻤﺮﺿﻪ !! ﺍﺗﺼﺮﻓﻲ ﻣﻌﺎﻫﺎ .. ﺗﻼﻗﻴﻬﺎ ﻃﻤﻌﺎﻧﻪ ﻓﻲ ﻗﺮﺷﻴﻦ ﺯﻳﺎﺩﻩ
    ﺻﻔﻴﻪ : ﺣﺒﻴﺒﻲ ﺑﺘﻘﻮﻝ ﺍﻧﻜﻢ ﺑﺘﺤﺒﻮﺍ ﺑﻌﺾ ﻭﺍﻥ ﺑﻴﻨﻜﻢ ﺣﺎﺟﺎﺕ ﻛﺘﻴﺮﻩ
    ﺣﺎﺯﻡ : ﺍﻣﻲ ﺍﻧﺎ ﻣﺶ ﻓﺎﺿﻲ ﻟﺪﻟﻊ ﺍﻟﻤﻤﺮﺿﺎﺕ ﻭﻣﺎﻳﺼﺘﻬﻢ ﺩﻱ ... ﻧﺴﻴﺖ ﻧﻔﺴﻬﺎ ﺩﻱ ﻭﻻ ﺍﻳﻪ؟ ﻣﻤﺮﺿﻪ ﺍﻳﻪ ﺍﻟﻠﻲ ﺍﻧﺎ ﻫﺤﺒﻬﺎ ﻋﻠﻲ ﺍﺧﺮ ﺍﻟﺰﻣﻦ !!! ﻣﺶ ﻛﻞ ﻭﻗﺖ ﺣﻠﻮ ﺑﻴﺒﻘﻲ ﺣﺐ ... ﺍﻣﻲ ﺍﺗﺼﺮﻓﻲ ﺍﺩﻳﻬﺎ ﻗﺮﺷﻴﻦ ﺍﻃﺮﺩﻳﻬﺎ ﺍﻋﻤﻠﻲ ﺍﻟﻠﻲ ﺗﻌﻤﻠﻴﻪ ﺑﺲ ﻣﺎ ﺗﻜﻠﻤﻨﻴﺶ ﻓﻲ ﺍﻟﺘﻔﺎﻫﺎﺕ ﺩﻱ ... ﻗﺎﻝ ﻣﻤﺮﺿﻪ ﻗﺎﻝ ... ﺑﻘﻮﻟﻚ ﺍﻟﻤﻤﺮﺿﻪ ﺟﺎﻳﻪ ﺗﺪﻳﻠﻲ ﺍﻟﻌﻼﺝ ﺳﻼﻡ ﺑﻘﻲ
    ﺻﻔﻴﻪ : ﻣﻤﺮﺿﻪ ﺗﺎﻧﻲ ﻳﺎ ﺣﺒﻴﺒﻲ؟؟؟
    ﺣﺎﺯﻡ : ﻻ ﻳﺎ ﺳﺖ ﺍﻟﻜﻞ ﻣﻤﺮﺿﺎﺕ ﻫﻨﺎ ﻣﺨﺘﻠﻔﻴﻦ ﺗﻤﺎﻣﺎ ﻋﻦ ﺍﻟﻠﻲ ﻋﻨﺪﻙ ﺩﻭﻝ ﻭﺑﻌﺪﻳﻦ ﺩﻭﻝ ﻋﺎﺭﻓﻴﻦ ﺍﺧﺮﻫﻢ ﻣﺎ ﺑﻴﻄﻤﻌﻮﺵ ﺯﻱ ﺍﻟﻠﻲ ﻋﻨﺪﻙ ... ﺳﻼﻡ ﺩﻟﻮﻗﺘﻲ ﻫﻜﻠﻤﻚ ﺑﻌﺪﻳﻦ
    ﻗﻔﻞ ﺣﺎﺯﻡ ﻭﺷﻮﻕ ﻛﺎﻧﺖ ﻫﺘﻨﻄﻖ
    ﺷﻮﻕ : ﻗﻔﻞ
    ﺻﻔﻴﻪ : ﻣﺸﻐﻮﻝ ﻣﺶ ﺳﻤﻌﺘﻴﻪ !!! ﺍﺗﻔﻀﻠﻲ ﺑﻘﻲ
    ﺷﻮﻕ : ﻻ ﺍﻧﺎ ﻣﺶ ﻣﺼﺪﻗﻪ ﺍﻧﺎ ﻋﺎﻳﺰﻩ ﺍﻧﺎ ﺍﻛﻠﻤﻪ
    ﺻﻔﻴﻪ : ﺍﻧﺘﻲ ﻫﺘﺸﺘﻐﻠﻴﻠﻲ ﻭﻻ ﺍﻳﻪ؟ ﺍﻧﺘﻲ ﺳﻤﻌﺘﻴﻪ ﺑﻨﻔﺴﻚ ﻭﺍﻧﺎ ﻋﻤﻠﺘﻠﻚ ﻗﻴﻤﻪ ﻋﻠﺸﺎﻥ ﺑﺲ ﺍﻧﺘﻲ ﺳﺎﻋﺪﺗﻴﻪ .... ﻭﺗﻌﺒﻚ ﺗﺎﺧﺪﻱ ﻗﻴﻤﺘﻪ ﻓﻠﻮﺱ ﺍﻛﺘﺮ ﻣﻦ ﻛﺪﻩ ﻣﺎ ﺗﻄﻤﻌﻴﺶ ﺍﺗﻔﻀﻠﻲ
    ﺷﻮﻕ : ﺣﺎﺯﻡ ﺑﻴﺤﺒﻨﻲ
    ﻋﻴﻄﺖ ﺷﻮﻕ ﻭﻫﻴﺎ ﺑﺘﻘﻮﻝ ﻧﻔﺲ ﺍﻟﺠﻤﻠﻪ ﺩﻱ
    ﺻﻔﻴﻪ : ﻃﻴﺐ ﺣﺒﻴﻪ ﻳﺎ ﺣﺒﻴﺒﺘﻲ ﺑﺮﺍﺣﺘﻚ ﻓﻲ ﺍﺣﻼﻣﻚ ﺍﺗﻔﻀﻠﻲ ﺑﻘﻲ
    ﺷﻮﻕ : ﺍﻧﺘﻲ ﻣﺶ ﻓﺎﻫﻤﻪ ﺣﺎﺟﻪ
    ﺻﻔﻴﻪ : ﻭﻣﺶ ﻋﺎﻳﺰﻩ ﺍﻓﻬﻢ ﺍﺗﻔﻀﻠﻲ
    ﺷﻮﻕ : ﺍﻧﺎ ﺣﺎﻣﻞ ...........

    الفصل السادس من هنا

    إرسال تعليق