-->

روايه لغيه القدر الفصل السايع

روايه لغيه القدر الفصل السايع


     (الفصل السابع)

    ﺑﻌﺪ ﻣﺎ ﺭﻭﺣﻮﺍ ﺍﻟﺒﻴﺖ ﺣﺎﻭﻝ ﺣﺎﺯﻡ ﻳﻨﺰﻝ ﻣﻦ ﺍﻟﻌﺮﺑﻴﻪ ﺑﺲ ﻣﺎﻗﺪﺭﺵ ﻳﻘﻒ ﺗﺎﻧﻲ ﻋﻠﻲ ﺭﺟﻠﻴﻪ
    ﻣﻘﺪﺭﺵ ﻧﻬﺎﺋﻲ
    ﺟﺎﺑﻮﻟﻪ ﻛﺮﺳﻴﻪ ﻭﻃﻠﻌﻮﻩ ﺍﻭﺿﺘﻪ ﻭﺣﻄﻮﻩ ﻓﻲ ﺳﺮﻳﺮﻩ
    ﻭﺭﺟﻊ ﺗﺎﻧﻲ ﻟﻨﻘﻄﻪ ﺍﻟﺼﻔﺮ
    ﺭﺟﻊ ﻣﺸﻠﻮﻝ ﻣﻦ ﺗﺎﻧﻲ
    ﺻﻔﻴﻪ : ﺣﺒﻴﺒﻲ ﺣﺎﺯﻡ ﻓﻲ ﺍﻳﻪ ﻣﺎﻟﻚ؟
    ﺣﺎﺯﻡ : ﺍﻧﺎ ﻭﻋﺪﺗﻚ ﻣﺶ ﻫﻌﻴﻄﻠﻚ ... ﻣﻤﻜﻦ ﺗﺴﻴﺒﻴﻨﻲ ﻟﻮﺳﻤﺤﺘﻲ ﻟﻮﺣﺪﻱ ﺍﺭﺟﻮﻛﻲ
    ﺻﻔﻴﻪ : ﺣﺒﻴﺒﻲ ﻳﻌﻨﻲ ﻫﻴﺎ ﻣﺶ ﻣﺴﺘﺎﻫﻠﻪ
    ﺣﺎﺯﻡ : ﺍﺑﻮﺱ ﺍﻳﺪﻙ ﺳﻴﺒﻴﻨﻲ ﻟﻮﺣﺪﻱ
    ﺻﻔﻴﻪ ﻣﻊ ﺍﺻﺮﺍﺭ ﺍﺑﻨﻬﺎ ﺳﺎﺑﺘﻪ ﻭﺧﺮﺟﺖ ﻭﺟﻮﺍﻫﺎ ﺍﺭﺗﻴﺎﺡ ﺭﻫﻴﺐ ﺍﻧﻬﺎ ﻋﻤﻠﺖ ﺍﻟﺼﺢ ﻛﺪﻩ ....
    ﻟﻮ ﻓﻲ ﺣﺎﺟﻪ ﻏﻠﻂ ﻋﻤﻠﺘﻬﺎ ﻫﻴﺎ ﺣﺒﺲ ﺧﻠﻴﻞ ﻭﻫﺘﺤﺎﻭﻝ ﺗﺼﻠﺤﻬﺎ ﺗﺎﻧﻲ ﺑﺲ ﻣﺶ ﻭﻗﺘﻪ ...
    ﻋﺒﺪﺍﻟﻤﻨﻌﻢ ﺩﺧﻞ ﻟﺤﺎﺯﻡ ﺍﻟﻠﻲ ﻛﺎﻥ ﺭﺍﻗﺪ ﻋﻠﻲ ﺳﺮﻳﺮﻩ ﻓﻲ ﺍﻟﻈﻠﻤﻪ ﺟﺎﻣﺪ ﻭﻻ ﺑﻴﺘﺤﺮﻙ ﻭﻻ ﺑﻴﺘﻜﻠﻢ ﻭﻻ ﺣﺘﻲ ﺑﻴﻌﻴﻂ
    ﻋﺒﺪﺍﻟﻤﻨﻌﻢ : ﺍﻧﺎ ﺍﺳﻒ ﻳﺎ ﺍﺑﻨﻲ ﺳﺎﻣﺤﻨﻲ ... ﺣﻘﻚ ﻋﻠﻴﺎ
    ﺣﺎﺯﻡ : ﻭﺍﻧﺖ ﻋﻤﻠﺖ ﺍﻳﻪ ﻋﻠﺸﺎﻥ ﺍﺳﺎﻣﺤﻚ؟؟
    ﻋﺒﺪﺍﻟﻤﻨﻌﻢ : ﺍﻧﺎ ﻛﺒﺮﺕ ﺍﻻﻣﻞ ﺟﻮﺍﻙ ﻭﺍﻟﺪﺗﻚ ﻗﺎﻟﺘﻠﻚ ﻭﺍﻧﺎ ﻣﺨﻠﻴﺘﻜﺶ ﺗﺼﺪﻗﻬﺎ ﻭﺯﺭﻋﺖ ﺍﻻﻣﻞ ﺟﻮﺍﻙ ﺍﻧﺎ ﺍﻟﺴﺒﺐ
    ﺣﺎﺯﻡ : ﻻ ﻳﺎ ﻋﻤﻲ ﺍﻧﺖ ﺑﺲ ﻛﻨﺖ ﻣﺨﺪﻭﻉ ﻓﻴﻬﺎ ﺯﻳﻲ ﻣﺶ ﺍﻛﺘﺮ ... ﺍﻧﺖ ﻛﻨﺖ ﻣﺼﺪﻗﻬﺎ ﺯﻳﻲ ... ﻣﺎ ﺗﺘﺄﺳﻔﺶ
    ﻋﺒﺪﺍﻟﻤﻨﻌﻢ : ﻃﻴﺐ ﺣﺎﻭﻝ ﺗﻨﺎﻡ ﺷﻮﻳﻪ ﻭﺗﺮﺗﺎﺡ
    ﺣﺎﺯﻡ : ﺍﻧﺎﻡ؟؟ ﺍﻟﻨﻮﻡ ﺩﻩ ﺑﻘﻲ ﺣﺎﺟﻪ ﺑﻌﻴﻴﻴﺪﻩ ﻗﻮﻱ ... ﺭﻭﺡ ﺍﻧﺖ ﺍﺭﺗﺎﺡ ﻭﺳﻴﺒﻨﻲ ﻟﻮﺣﺪﻱ ﻟﻮ ﻣﻤﻜﻦ
    ﻋﺒﺪﺍﻟﻤﻨﻌﻢ ﻋﺎﺭﻑ ﺍﻥ ﺣﺎﺯﻡ ﻓﻲ ﺍﻟﺤﺎﻻﺕ ﺩﻱ ﺑﻴﺤﺐ ﻳﻔﻀﻞ ﻟﻮﺣﺪﻩ ﻓﺴﺎﺑﻪ ﻭﺧﺮﺝ
    ﺣﺎﺯﻡ ﺭﺍﺟﻊ ﺷﺮﻳﻂ ﺣﻴﺎﺗﻪ ﻣﻊ ﺷﻮﻕ ﻭﺍﻓﺘﻜﺮ ﻛﻞ ﻛﻠﻤﻪ ﻗﺎﻟﺘﻬﺎ
    # ﻻ ﻋﺎﺩﻱ ﻣﺎ ﺗﺸﻐﻠﺶ ﺑﺎﻟﻚ ﺑﻴﺎ ﺣﻀﺮﺗﻚ ﺍﻧﺎ ﻫﻌﺮﻑ ﺍﺗﻌﺎﻣﻞ ﻣﻌﺎﻩ
    # ﻫﻮ ﺍﻧﺖ ﻣﺤﺘﺎﺝ ﻟﻤﺤﺎﺿﺮﻩ؟؟ ﺍﻋﺘﻘﺪ ﺍﻥ ﺩﻱ ﺣﺮﻳﺘﻚ ﺍﻟﺸﺨﺼﻴﻪ ﻭﺑﻌﺪﻳﻦ ﺍﻧﺖ ﻣﺶ ﻋﻴﻞ ﺻﻐﻴﺮ 









    ﻭﺗﻘﺪﺭ ﺗﺤﺪﺩ ﺍﻧﺖ ﻋﺎﻳﺰ ﺍﻳﻪ؟
    # ﻫﻮ ﻓﻲ ﺍﺣﻠﻲ ﻣﻦ ﺍﻟﻘﻌﺪﻩ ﺩﻱ ... ﺟﻮ ﺭﺍﺋﻊ ... ﺗﻜﻴﻴﻒ .. ﺍﺳﺘﺮﺧﺎﺀ ... ﺑﻘﻠﺐ ﻓﻲ ﻣﺠﻠﻪ ... ﻭﻻ ﺑﺘﻮﻉ ﺍﻟﺴﻴﻤﺎ ﺣﺘﻲ ... ﻫﻮ ﺣﺪ ﻳﻼﻗﻲ ﺍﻟﺮﺍﺣﻪ ﻭﻳﻘﻮﻟﻬﺎ ﻷ؟؟؟ ﺩﻩ ﺣﺘﻲ ﻳﺒﻘﻲ ﺍﻫﺒﻞ
    # ﻃﺎﻟﻤﺎ ﻣﺶ ﻫﻄﻮﻝ ﻳﺒﻘﻲ ﺳﻴﺒﻨﻲ ﺑﻘﻲ ﺍﺳﺘﻤﺘﻊ ﺑﺎﻟﻔﺘﺮﻩ ﺍﻟﺒﺴﻴﻄﻪ ﺍﻟﻠﻲ ﻫﻘﻀﻴﻬﺎ ﻫﻨﺎ ... ﻋﺎﻳﺰ ﺣﺎﺟﻪ ﺍﻃﻠﺒﻬﺎ ﻣﺶ ﻋﺎﻳﺰ ﺍﺳﻜﺖ ﻭﺑﻄﻞ ﺗﻌﻤﻞ ﺯﻱ ﺍﻟﻌﻴﺎﻝ ﺍﻟﺼﻐﻴﺮﻩ ﺍﻟﺰﻧﺎﻧﻪ
    # ﺗﺨﻴﻞ ﻟﻠﺤﻈﻪ ﻟﻮ ﺍﻧﺖ ﻓﻘﻴﺮ !!!
    # ﻧﺖ ﻣﺎ ﺗﻌﺮﻓﺶ ﺍﻣﻚ ﻋﻤﻼﻟﻲ ﺭﺍﺗﺐ ﻗﺪ ﺍﻳﻪ؟ ﺳﻴﺒﻨﻲ ﺍﺳﺘﺮﺯﻕ ﺑﻘﻲ .. ﺳﻴﻄﺮ ﻋﻠﻲ ﺍﻟﺒﺎﻗﻴﻴﻦ ﻭﺑﻌﺪﻳﻦ ﺍﻧﺎ ﻟﻮ ﻣﺸﻴﺖ ﻫﻴﺠﻴﺒﻮﺍ ﻏﻴﺮﻱ ... ﺍﻧﺎ ﺍﺣﺴﻨﻠﻚ
    # ﺑﺎﻟﺮﺍﺗﺐ ﺩﻩ ﻣﺶ ﻫﺠﺮﻱ
    ...# ﺍﻧﺖ ﻋﻨﺪﻙ ﻛﺘﻴﺮ ﻗﻮﻱ ﺍﻧﺎ ﻣﺤﺘﺠﺎﻩ ﻣﻨﻚ
    ﺻﻮﺗﻬﺎ ﻋﻤﺎﻝ ﻳﺮﻥ ﺟﻮﻩ ﺩﻣﺎﻏﻪ ﻭﻣﺶ ﻋﺎﺭﻑ ﻳﻮﻗﻔﻪ ﻧﻬﺎﺋﻲ ﺍﻭ ﻳﺨﻠﻴﻪ ﻳﺴﻜﺖ
    ﺍﻓﺘﻜﺮ ﻣﺎﻣﺘﻪ ﻭﻫﻴﺎ ﺑﺘﻘﻮﻟﻪ ﺍﻧﻬﺎ ﻗﺒﻀﺖ ﻭﻣﺸﻴﺖ
    ﺍﻓﺘﻜﺮ ﻣﻨﻴﺮﻩ ﻭﻫﻴﺎ ﺑﺘﻘﻮﻟﻪ ﻗﺮﺕ ﺍﻟﺠﻮﺍﺏ ﻭﺍﺑﺘﺴﻤﺖ ﻭﻋﻄﺘﻪ ﻻﻣﻚ
    ﺍﻓﺘﻜﺮ ﻛﺘﻴﺮ ﻭﺣﺲ ﻗﺪ ﺍﻳﻪ ﻫﻮ ﻛﺎﻥ ﻏﺒﻲ؟؟ ﻗﺪ ﺍﻳﻪ ﻫﻮ ﻛﺎﻥ ﻋﺎﻳﺶ ﻓﻲ ﻭﻫﻢ ﻛﺒﻴﺮ؟؟؟ ﻭﻫﻢ ﺍﻟﺤﺐ
    ﺻﺮﺥ ﺑﺼﻮﺗﻪ ﻛﻠﻪ : ﻻﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ ﻛﻔﺎﺍﺍﻳﻪ ﺣﺮﺍﺍﺍﺍﻡ ﻛﻔﺎﻳﻪ ﺑﻘﻲ
    ﻋﺒﺪﺍﻟﻤﻨﻌﻢ ﺟﺎﻟﻪ ﻳﺠﺮﻱ ﻟﻘﺎﻩ ﺑﻴﻌﻴﻂ ﻓﺎﺧﺪﻩ ﻓﻲ ﺣﻀﻨﻪ
    ﺣﺎﺯﻡ ﺑﻌﻴﺎﻁ : ﻟﻴﻪ ﻋﻤﻠﺖ ﻓﻴﺎ ﻛﺪﻩ؟ ﻟﻴﻪ ﻛﺴﺮﺗﻨﻲ ﺑﺎﻟﺸﻜﻞ ﺩﻩ؟ ﺍﻧﺎ ﻏﻠﻄﺖ ﻓﻲ ﺍﻳﻪ ﻣﻌﺎﻫﺎ؟؟ ﺍﻧﺎ ﺣﺒﺘﻬﺎ ﺑﺠﺪ؟؟ ﺍﻧﺎ ﺣﺒﺘﻬﺎ ﺑﺠﺪ ﻳﺎ ﻋﻢ ﻋﺒﺪﻭ
    ﺍﻣﻪ ﻭﺍﻗﻔﻪ ﺑﺮﻩ ﺍﻟﺒﺎﺏ ﺑﺘﻘﻨﻊ ﻧﻔﺴﻬﺎ ﺍﻥ ﺍﻟﻠﻲ ﻋﻤﻠﺘﻪ ﺩﻩ ﻫﻮ ﺍﻟﺼﺢ ﻭﺍﻥ ﺍﺑﻨﻬﺎ ﻓﻲ ﻣﺤﻨﻪ ﻭﻫﻴﻌﺪﻳﻬﺎ
    ﺍﻟﺼﺒﺢ ﺍﻟﺪﻛﺘﻮﺭ ﺟﺎﻟﻪ ﻳﻄﻤﻦ ﻋﻠﻴﻪ ﻭﺍﺗﻔﺎﺟﺊ ﺑﻴﻪ ﻛﺪﻩ ﻭﻛﺎﻥ ﻫﻴﺘﺠﻨﻦ
    ﺍﻟﺪﻛﺘﻮﺭ : ﺍﻧﺎ ﺳﺎﻳﺒﻚ ﻭﺍﻗﻒ ﺍﻳﻪ ﺍﻟﻠﻲ ﺟﺮﺍﻟﻚ؟؟
    ﺍﻟﺪﻛﺘﻮﺭ ﺣﺎﻭﻝ ﻳﻌﺮﻑ ﺳﺒﺐ ﺍﻻﻧﺘﻜﺎﺳﻪ ﺍﻳﻪ ﺑﺲ ﻣﺤﺪﺵ ﻗﺎﻟﻪ
    ﻧﻘﻠﻮﻩ ﻋﻠﻲ ﺍﻟﻤﺴﺘﺸﻔﻲ ﻭﻫﻮ ﻭﺍﻓﻖ ﻳﺮﻭﺡ ﻣﻌﺎﻫﻢ ﻣﻦ ﻏﻴﺮ ﺣﺘﻲ ﻣﺎ ﻳﻌﺘﺮﺽ ﻭﻛﺄﻧﻪ ﻣﺴﻠﻮﺏ ﺍﻻﺭﺍﺩﻩ ﻣﻔﻴﺶ ﺍﻱ ﺷﻴﺊ ﻓﺎﺭﻕ ﻣﻌﺎﻩ ﺍﻭ ﻫﺎﻣﻮ
    ﺷﻮﻕ ﻣﺤﻤﻮﺩ ﺍﺧﺪﻫﺎ ﻭﺭﻭﺣﻮﺍ ﺍﺧﺮ ﺍﻟﻠﻴﻞ ﻭﺍﻭﻝ ﻣﺎ ﺩﺧﻠﻮﺍ ﺷﻘﺘﻬﻢ ﻭﺍﺗﻘﻔﻞ ﻋﻠﻴﻬﻢ ﺑﺎﺏ ﻭﺍﺣﺪ ﺷﻮﻕ ﺍﺗﻔﺘﺤﺖ ﻓﻲ ﺍﻟﻌﻴﺎﻁ ﻭﻣﺤﻤﻮﺩ ﻣﺤﺎﻭﻟﺶ ﻳﺴﻜﺘﻬﺎ ﻻﻥ ﻫﻮ ﻛﻤﺎﻥ ﻛﺎﻥ ﻋﺎﻳﺰ ﻳﻌﻴﻂ ﺯﻳﻬﺎ
    ﺩﺧﻠﺖ ﺍﻭﺿﻪ ﺻﻐﻴﺮﻩ ﻭﻧﺎﻣﺖ ﻓﻴﻬﺎ ﻭﻫﻮ ﺩﺧﻞ ﺍﻭﺿﺘﻪ ﺍﻟﺮﺋﻴﺴﻴﻪ ﻭﺗﺨﻴﻞ ﻟﻮ ﺳﻤﻴﻪ ﻫﻴﺎ ﺍﻟﻠﻲ ﻫﻨﺎ ﻣﻌﺎﻩ
    ﺷﻮﻕ ﺩﻣﻮﻋﻬﺎ ﻧﺰﻟﻪ ... ﺣﺎﺯﻡ ﻛﻤﺎﻥ ﺩﻣﻌﻪ ﻧﺰﻟﺖ ﻏﺼﺐ ﻋﻨﻪ
    ﺳﻤﻴﻪ ﺑﺘﻌﻴﻂ ﺑﺄﻟﻢ ... ﻣﺤﻤﻮﺩ ﺑﻴﻌﻴﻂ ﻣﻦ ﻓﺮﺍﻕ ﺣﺒﻴﺒﺘﻪ
    ﻭﻛﺎﻧﺖ ﻟﻴﻠﻪ ﺻﻌﻴﺒﻪ ﻋﻠﻲ ﺍﻟﻜﻞ ....
    ﻋﺪﺕ ﺍﻻﻳﺎﻡ ﺑﺒﻂﺀ ... ﺷﻮﻕ ﻧﻔﺴﻬﺎ ﺗﺨﺮﺝ ﺗﺴﺄﻝ ﻋﻠﻲ ﺣﺎﺯﻡ ﻻﻥ ﻟﺴﻪ ﻓﻲ ﺍﻣﻞ ﺑﺴﻴﻂ ﺟﻮﺍﻫﺎ ﺑﺲ ﺍﺑﻮﻫﺎ ﻭﺍﻣﻬﺎ ﻣﺎﻧﻌﻴﻨﻬﺎ ﺗﺨﺮﺝ ﻋﻠﺸﺎﻥ ﻋﻴﺐ ﺍﻟﻌﺮﻭﺳﻪ ﺗﺨﺮﺝ
    ﺣﺎﺯﻡ ﻓﻀﻞ ﻓﺘﺮﻩ ﻓﻲ ﺍﻟﻤﺴﺘﺸﻔﻲ ﻭﻣﺮﻩ ﻭﺍﺣﺪﻩ ﻗﺮﺭ ﻳﺴﺎﻓﺮ ﺗﺎﻧﻲ
    ﺻﻔﻴﻪ : ﻫﺘﺴﺎﻓﺮ ﺗﺎﻧﻲ ﻟﻴﻪ؟
    ﺣﺎﺯﻡ : ﻋﺎﻳﺰ ﺍﻗﻒ ﻋﻠﻲ ﺭﺟﻠﻴﺎ ... ﻣﺶ ﻫﺮﺟﻊ ﻏﻴﺮ ﻭﺍﻧﺎ ﻭﺍﻗﻒ ... ﻋﺒﺪﺍﻟﻤﻨﻌﻢ ﺟﻬﺰ ﻧﻔﺴﻚ ﻟﻮ ﻫﺘﺴﺎﻓﺮ ﻣﻌﺎﻳﺎ؟؟
    ﻋﺒﺪﺍﻟﻤﻨﻌﻢ : ﻃﺒﻌﺎ ﻳﺎ ﺍﺑﻨﻲ ﻫﺴﺎﻓﺮ ﻣﻌﺎﻙ
    ﺣﺎﺯﻡ ﺍﺧﺪ ﻋﺒﺪﺍﻟﻤﻨﻌﻢ ﻭﺳﺎﻓﺮﻭﺍ
    ﺷﻮﻕ ﺍﺧﻴﺮﺍ ﺟﻮﺯﻫﺎ ﺧﺮﺝ ﻟﺸﻐﻠﻪ ﻭﻫﻴﺎ ﻛﻤﺎﻥ ﺭﺟﻌﺖ ﺷﻐﻠﻬﺎ
    ﻭﺍﻭﻝ ﻳﻮﻡ ﺗﺨﺮﺝ ﻓﻴﻪ ﺟﺮﻳﺖ ﻋﻠﻲ ﺑﻴﺖ ﺣﺎﺯﻡ ﻭﻫﻨﺎﻙ ﻗﺎﺑﻠﻬﺎ ﻋﻢ ﻣﻜﺮﻡ
    ﺷﻮﻕ : ﻫﻮ ﺣﺎﺯﻡ
    ﻗﺎﻃﻌﻬﺎ ﻣﻜﺮﻡ : ﻣﺸﻲ ﺧﻼﺹ
    ﺷﻮﻕ ﺑﺎﺳﺘﻐﺮﺍﺏ : ﻣﺸﻲ؟؟ ﻫﻮ ﻛﺎﻥ ﻫﻨﺎ؟؟
    ﻣﻜﺮﻡ : ﺑﻘﺎﻟﻪ ﻳﺠﻲ ﺍﺳﺒﻮﻋﻴﻦ ﻫﻨﺎ ﻭﻳﺪﻭﺏ ﻣﺸﻲ ﺑﺎﻟﻠﻴﻞ
    ﺷﻮﻕ : ﺍﺳﺒﻮﻋﻴﻦ ﻫﻨﺎ ... ﻭﻣﺎ ﺳﺄﻟﺶ ﻭﻻ ﻣﺮﻩ ﻋﻠﻴﺎ؟؟
    ﻣﻜﺮﻡ : ﻭﻳﺴﺄﻝ ﻋﻠﻴﻜﻲ ﻟﻴﻪ ﻳﺎ ﻫﺎﻧﻢ؟؟ ﺍﺫﺍ ﻛﺎﻥ ﺑﻨﻔﺴﻪ ﺍﻣﺮﻧﺎ ﻣﺎ ﻧﺪﺧﻠﻜﻴﺶ ﻳﺒﻘﻲ ﻳﺴﺄﻝ ﻋﻠﻴﻜﻲ ﻟﻴﻪ؟
    ﺷﻮﻕ ﻫﻨﺎ ﺍﻱ ﺍﻣﻞ ﻟﻴﻬﺎ ﺍﺗﺪﻣﺮ ﻭﻣﺎﺕ
    ﺍﺳﺒﻮﻋﻴﻦ ﺑﺤﺎﻟﻬﻢ ﻳﺎ ﺣﺎﺯﻡ ﻭﻣﺎ ﺗﺴﺄﻟﺶ ﻋﻠﻴﺎ؟؟؟ ﻟﻴﻪ ﻳﺎ ﺣﺎﺯﻡ ﻛﺪﻩ؟ ﺩﻩ ﺍﻧﺎ ﺣﺒﻴﺘﻚ
    ﺣﺎﺯﻡ ﻛﺎﻥ ﺟﻮﺍﻩ ﺍﺻﺮﺍﺭ ﻭﻋﺰﻳﻤﻪ ﺍﻧﻪ ﻻﺯﻡ ﻳﻜﻤﻞ ﻭﻻﺯﻡ ﻳﻘﻒ ﺗﺎﻧﻲ ﻋﻠﻲ ﺭﺟﻠﻴﻪ ... ﻣﺶ ﻋﺎﻳﺰ ﻳﺒﻘﻲ ﺿﻌﻴﻒ ﻛﺪﻩ ... ﻣﺶ ﻋﺎﻳﺰ ﺷﻔﻘﻪ ﺣﺪ ﺗﺎﻧﻲ ... ﻣﺶ ﻋﺎﻳﺰ ﺣﺪ ﻳﺴﺘﻐﻠﻪ ﺗﺎﻧﻲ ...
    ﻋﻤﻞ ﻋﻤﻠﻴﻪ ﺗﺎﻧﻴﻪ ﻭﺍﺗﺤﺴﻦ ﺑﻴﻬﺎ ﻭﺭﺟﻊ ﻟﻌﻼﺟﻪ ﺍﻟﻄﺒﻴﻌﻲ
    7 ﺷﻬﻮﺭ ﺑﺤﺎﻟﻬﻢ ﻓﺎﺗﻮ ﻣﻦ ﺳﺎﻋﻪ ﻣﺎ ﺭﺟﻊ ﺗﺎﻧﻲ
    ﻋﺒﺪﺍﻟﻤﻨﻌﻢ : ﻣﺎﻟﻚ ﻳﺎ ﺍﺑﻨﻲ ﺳﺮﺣﺎﻥ ﻓﻲ ﺍﻳﻪ؟
    ﺣﺎﺯﻡ : ﺍﻧﺎ ﻫﻨﺰﻝ ﻣﺼﺮ
    ﻋﺒﺪﺍﻟﻤﻨﻌﻢ : ﺍﺷﻤﻌﻨﻲ؟؟
    ﺣﺎﺯﻡ : ﻋﺎﻳﺰ ﺍﺷﻮﻑ ﺷﻮﻕ ﻣﺮﻩ ﺍﺧﻴﺮﻩ ... ﻋﺎﻳﺰ ﺍﺳﺄﻟﻬﺎ ﻟﻴﻪ ﺳﺎﺑﺘﻨﻲ ﻭﻟﻴﻪ ﺍﺗﺨﻠﺖ ﻋﻨﻲ ﻛﺪﻩ؟ ﻣﺤﺘﺎﺝ ﺍﺟﺎﺑﻪ
    ﻧﺰﻝ ﺣﺎﺯﻡ ﻟﻤﺼﺮ ﺗﺎﻧﻲ ﻋﻠﺸﺎﻥ ﻳﺒﺮﺩ ﺍﻟﻨﺎﺭ ﺍﻟﻠﻲ ﺟﻮﺍﻩ
    ﺷﻮﻕ ﺣﻤﻠﻬﺎ ﻛﺒﺮ ﻭﻋﺎﻳﺸﻪ ﻣﻊ ﻣﺤﻤﻮﺩ ﺑﺎﺑﻬﻢ ﻣﻘﻔﻮﻝ ﻋﻠﻴﻬﻢ ﺑﺲ ﺍﻻﺗﻨﻴﻦ ﺑﻘﻮﺍ ﺍﻏﺮﺍﺏ ﺟﺪﺍ ﺑﻌﺪ ﻣﺎ ﻛﺎﻧﻮﺍ ﺍﺻﺤﺎﺏ ﺟﺪﺍ
    ﺍﺗﻔﻖ ﻣﺤﻤﻮﺩ ﻣﻊ ﺍﻟﺪﻛﺘﻮﺭﻩ ﺍﻟﻠﻲ ﻫﺘﻮﻟﺪﻫﺎ ﺍﻧﻬﺎ ﺗﻘﻮﻝ ﺍﻥ ﺍﻟﺒﻴﺒﻲ ﺍﺑﻦ ﺳﺒﻊ ﺷﻬﻮﺭ ﻻﻥ ﺍﻫﻞ ﻣﺮﺍﺗﻪ ﺻﻌﺎﻳﺪﻩ ﻭﻫﻮ ﻏﻠﻂ ﻣﻊ ﻣﺮﺍﺗﻪ ﻗﺒﻞ ﺍﻟﺠﻮﺍﺯ ﻭﺍﻟﺪﻛﺘﻮﺭﻩ ﻭﺍﻓﻘﺖ ﺗﺴﺎﻋﺪﻩ ﻃﺎﻟﻤﺎ ﻫﻤﺎ ﻣﺘﺠﻮﺯﻳﻦ ﻋﻠﻲ ﺳﻨﻪ ﺍﻟﻠﻪ ﻭﺭﺳﻮﻟﻪ
    ﺍﺧﻴﺮﺍ ﺟﻪ ﻣﻌﺎﺩ ﺍﻟﻮﻻﺩﻩ ﻭﺷﻮﻕ ﻛﺎﻧﺖ ﻓﻲ ﻣﻨﺘﻬﻲ ﺗﻌﺒﻬﺎ ﻭﺑﺘﻮﻟﺪ ﻭﺍﻟﺪﻛﺘﻮﺭﻩ ﺟﺖ ﺗﻜﺸﻒ ﻋﻠﻴﻬﺎ
    ﺷﻮﻕ : ﻟﻮ ﺳﻤﺤﺘﻲ ﻭﻟﺪﻳﻨﻲ ﻗﻴﺼﺮﻱ
    ﺍﻟﺪﻛﺘﻮﺭﻩ : ﻟﻴﻪ ﺍﻧﺘﻲ ﺍﻣﻮﺭﻙ ﻃﺒﻴﻌﻴﻪ؟؟
    ﺷﻮﻕ : ﺍﻧﺎ ﻋﺎﻳﺰﻩ ﻗﻴﺼﺮﻱ ﺍﺭﺟﻮﻛﻲ
    ﺍﻟﺪﻛﺘﻮﺭﻩ ﻣﻊ ﺍﺻﺮﺍﺭ ﺷﻮﻕ ﻭﻣﺤﻤﻮﺩ ﻛﻤﺎﻥ ﺍﺗﺪﺧﻞ ﺑﻨﺎﺀﺍ ﻋﻠﻲ ﺭﻏﺒﻪ ﺷﻮﻕ ﻭﻃﻠﺒﻮﺍ ﻣﻨﻬﺎ ﺗﻮﻟﺪﻫﺎ ﻗﻴﺼﺮﻱ ﻓﻮﺍﻓﻘﺖ
    ﻭﻓﻌﻼ ﻭﻟﺪﺗﻬﺎ ﻗﻴﺼﺮﻱ
    ﻭﺍﺧﻴﻮﺍ ﻭﻟﺪﺕ ﺑﻨﻮﺗﻪ ﺻﻐﻨﻮﻧﻪ ﻣﺎ ﺗﺘﻌﺪﺍﺵ ﺍﻻﺗﻨﻴﻦ ﻛﻴﻠﻮ ﻧﺘﻴﺠﻪ ﺿﻌﻒ ﺷﻮﻕ ﻭﺩﻩ ﺳﺎﻋﺪ ﺍﻥ ﺍﻟﻜﻞ ﻳﺼﺪﻕ ﺍﻧﻬﺎ ﻓﻌﻼ ﺑﻨﺖ ﺳﺒﻊ ﺷﻬﻮﺭ
    ﺑﻌﺪ ﻣﺎ ﺷﻮﻕ ﻓﺎﻗﺖ ﺍﻟﺪﻛﺘﻮﺭﻩ ﺩﺧﻠﺘﻠﻬﺎ ﻭﻛﺎﻧﺖ ﻫﻴﺎ ﻭﻣﺤﻤﻮﺩ ﻟﻮﺣﺪﻫﻢ ﻓﺪﺧﻠﺖ ﻭﻗﻔﻠﺖ ﺍﻟﺒﺎﺏ
    ﺍﻟﺪﻛﺘﻮﺭﻩ : ﺍﻧﺎ ﻋﺎﻳﺰﻩ ﺍﻓﻬﻢ ﺑﻘﻲ ﺍﻳﻪ ﺍﻟﻠﻲ ﺑﻴﺤﺼﻞ ﺩﻩ؟
    ﻣﺤﻤﻮﺩ : ﺧﻴﺮ ﻳﺎ ﺩﻛﺘﻮﺭﻩ ﻣﺎﻫﻮ ﺍﻧﺎ ﻓﻬﻤﺘﻚ ﺍﻟﻮﺿﻊ ﻛﻠﻪ
    ﺍﻟﺪﻛﺘﻮﺭﻩ : ﻻ ﻣﻔﻬﻤﺘﻨﻴﺶ ﺣﺎﺟﻪ .. ﺍﻧﺘﻮ ﻟﻴﻪ ﺍﺻﺮﻳﺘﻮﺍ ﺍﻧﻬﺎ ﺗﻮﻟﺪ ﻗﻴﺼﺮﻱ؟؟؟ ﺍﻧﺎ ﺍﻗﻮﻟﻜﻢ ... ﻻﻥ ﺳﻴﺎﺩﺗﻚ ﻟﺴﻪ ﺑﻨﺖ
    ﻣﺤﻤﻮﺩ : ﺍﻳﻪ؟ ﺑﻨﺖ؟؟ ﺍﺯﺍﻱ ﻳﻌﻨﻲ؟ ﺍﻣﺎﻝ ﺍﻟﺤﻤﻞ ﺩﻩ ﺍﻳﻪ؟
    ﺍﻟﺪﻛﺘﻮﺭﺓ : ﺍﻧﺖ ﺑﻘﻲ ﻭﺿﻌﻚ ﺍﻳﻪ؟
    ﻣﺤﻤﻮﺩ : ﺍﺯﺍﻱ ﺑﻨﺖ ﻭﺍﺯﺍﻱ ﺣﺎﻣﻞ؟؟ ﻓﻬﻤﻴﻨﻲ ﺍﻧﺘﻲ ﺍﻻﻭﻝ؟؟
    ﺍﻟﺪﻛﺘﻮﺭﻩ : ﻫﻮ ﻣﻤﻜﻦ ﺗﻜﻮﻥ ﻣﺮﺍﺗﻚ ﻏﻠﻄﺖ ﻣﻊ ﺣﺪﻭﺍﻧﺖ ﺍﺑﻦ ﻋﻤﻬﺎ ﻓﺎﺗﺠﻮﺯﺗﻬﺎ ﻣﺜﻼ ﺗﺴﺘﺮ ﻋﻠﻴﻬﺎ ﻭﺑﺎﻟﺘﺎﻟﻲ ﻣﺎ ﻟﻤﺴﺘﻬﺎﺵ ﺻﺢ؟ ﺳﻴﻨﺎﺭﻳﻮ ﻣﻘﺒﻮﻝ
    ﻣﺤﻤﻮﺩ : ﻟﻮ ﺳﻤﺤﺘﻲ ﻓﻬﻤﻴﻨﻲ ﺣﻀﺮﺗﻚ ﺍﻻﻭﻝ









    ﺍﻟﺪﻛﺘﻮﺭﻩ : ﺍﻓﻬﻤﻚ ﺍﻳﻪ؟
    ﻣﺤﻤﻮﺩ : ﺍﺯﺍﻱ ﺣﺎﻣﻞ ﻭﺍﺯﺍﻱ ﺑﻨﺖ؟؟
    ﺍﻟﺪﻛﺘﻮﺭﻩ : ﺧﻄﺄ ﺷﺎﺋﻊ ﺑﺘﻘﻊ ﻓﻴﻪ ﺍﻟﺒﻨﺎﺕ ﻭﺑﺘﻄﻤﻦ ﻧﻔﺴﻬﺎ ﺍﻧﻪ ﻃﺎﻟﻤﺎ ﻣﻔﻴﺶ ﻋﻼﻗﻪ ﻛﺎﻣﻠﻪ ﺗﻤﺖ ﻣﺶ ﻣﻤﻜﻦ ﺗﺤﻤﻞ ﻭﺩﻩ ﻏﻠﻂ ﻻﻧﻬﺎ ﻋﺎﺩﻱ ﻣﻤﻜﻦ ﺗﺤﻤﻞ ﻭﺑﺴﻬﻮﻟﻪ ﻣﺶ ﺷﺮﻁ ﺍﺑﺪﺍ ﺗﻤﺎﺭﺱ ﺍﻟﻌﻼﻗﻪ ﻛﺎﻣﻠﻪ ﻭﺩﻩ ﺍﻟﻠﻲ ﺣﺼﻞ ﻣﻊ ﺑﻨﺖ ﻋﻤﻚ .. ﺻﺢ ﻛﺪﻩ ﻭﻻ ﺍﻳﻪ؟ ﺍﻧﺘﻲ ﻣﻌﻤﻠﺘﻴﺶ ﺣﺴﺎﺏ ﺍﻧﻚ ﻣﻤﻜﻦ ﺗﺤﻤﻠﻲ؟ ﺑﺲ ﺍﻟﻤﻔﺮﻭﺽ ﺍﻧﻚ ﻣﻤﺮﺿﻪ ﻭﻓﺎﻫﻤﻪ ﺩﻩ؟ ﻭﻻ ﺍﻳﻪ؟ ﻳﺎﺗﺮﻱ ﻛﺎﻥ ﻳﺴﺘﺎﻫﻞ ﺍﻟﻠﻲ ﺍﻧﺘﻲ ﻗﺒﻠﺘﻲ ﺗﺨﺎﻃﺮﻱ ﻋﻠﺸﺎﻧﻪ؟ ؟
    ﺷﻮﻕ ﻏﻤﻀﺖ ﻋﻨﻴﻬﺎ ﺑﻮﺟﻊ ﻭﺗﻌﺐ : ﺍﺭﺟﻮﻛﻢ ﺍﻧﺎ ﻋﺎﻳﺰﻩ ﺍﺭﺗﺎﺡ
    ﺳﺎﺑﻮﻫﺎ ﻟﻮﺣﺪﻫﺎ ﻭﻫﻴﺎ ﻓﻀﻠﺖ ﺗﻔﺘﻜﺮ ﺣﺒﻴﺒﻬﺎ ﻭﻛﻞ ﺣﺎﺟﻪ ﻋﻤﻠﺘﻬﺎ ﻋﻠﺸﺎﻧﻪ ﻭﺍﺯﺍﻱ ﻗﺎﺑﻞ ﺣﺒﻬﺎ ﻓﻲ ﺍﻻﺧﺮ
    ﺧﺮﺟﺖ ﺷﻮﻕ ﻣﻦ ﺍﻟﻤﺴﺘﺸﻔﻲ ﻭﺭﺍﺣﺖ ﺑﻴﺖ ﺍﺑﻮﻫﺎ
    ﺣﺎﺯﻡ ﻧﺰﻝ ﻣﺼﺮ ﻭﺍﻭﻝ ﻣﺎ ﻧﺰﻝ ﺭﺍﺡ ﻋﻠﻲ ﺑﻴﺖ ﺷﻮﻕ ﻭﻭﻗﻒ ﺑﻌﻴﺪ ﻫﻮ ﻭﻋﺒﺪﺍﻟﻤﻨﻌﻢ ﻣﺮﺍﻗﺒﻴﻦ ﺍﻟﺒﻴﺖ ﻻﻥ ﺣﺎﺯﻡ ﻣﺘﺮﺩﺩ ﻳﺪﺧﻞ
    ﻭﻗﻔﺖ ﻋﺮﺑﻴﻪ ﻗﺪﺍﻡ ﺍﻟﺒﻴﺖ ﻭﻧﺰﻟﺖ ﻣﻨﻬﺎ ﺷﻮﻕ ﻭﺟﻮﺯﻫﺎ ﺟﻨﺒﻬﺎ ﻣﺴﻨﺪﻫﺎ
    ﺣﺎﺯﻡ ﻗﻠﻖ ﻋﻠﻴﻬﺎ ﻭﺧﺎﻑ ﻭﺍﺳﺘﻐﺮﺏ ﻟﻴﻪ ﻣﺴﻨﺪﻳﻨﻬﺎ ﺑﺲ ﺍﻻﺟﺎﺑﻪ ﻋﺮﻓﻬﺎ ﻋﻠﻲ ﻃﻮﻝ ﻟﻤﺎ ﻧﺰﻟﺖ ﺍﻣﻬﺎ ﺗﺰﻏﺮﺩ ﻭﺗﺴﺘﻘﺒﻞ ﺑﻨﺘﻬﺎ ﻭﺗﺸﻴﻞ ﺍﻟﺒﻴﺒﻲ
    ﻋﺒﺪﺍﻟﻤﻨﻌﻢ : ﺍﻋﺘﻘﺪ ﻳﺎ ﺣﺎﺯﻡ ﻣﺎﻟﻮﺵ ﻻﺯﻣﻪ ﺑﻘﻲ ... ﺳﻴﺒﻬﺎ ﻓﻲ ﺣﺎﻟﻬﺎ ﻣﻊ ﺟﻮﺯﻫﺎ ﻭﺍﺑﻨﻬﺎ ﺩﻭﻝ ... ﺑﻘﻲ ﻓﻲ ﺑﻴﺒﻲ ﻓﻲ ﺍﻟﻨﺺ ﺳﻴﺒﻬﻢ ﻭﻣﻨﻬﻢ ﻟﺮﺑﻨﺎ ﻳﺎﻻ ﻳﺎ ﺍﺑﻨﻲ
    ﺣﺎﺯﻡ ﻣﺸﻲ ﻣﻌﺎﻩ ﻭﻗﺮﺭ ﺍﻧﻪ ﻳﺴﺎﻓﺮ ﺑﺲ ﺍﻟﻤﺮﻩ ﺩﻱ ﺑﻼ ﺭﺟﻌﻪ
    ﻭﻓﻌﻼ ﺳﺎﻓﺮ ﺗﺎﻧﻲ ﺑﺲ ﺍﻟﻤﺮﻩ ﺩﻱ ﻟﻮﺣﺪﻩ ﻭﻋﺒﺪﺍﻟﻤﻨﻌﻢ ﺳﺎﻓﺮ ﻳﻘﻌﺪ ﻓﻲ ﺑﻠﺪﻫﻢ ﻳﺮﺍﻋﻲ ﻋﺰﺑﻪ ﺣﺎﺯﻡ ﻭﺍﺭﺍﺿﻴﻬﻢ
    ﺻﻔﻴﻪ ﺑﻌﺪ ﻣﺎ ﻋﺪﺕ ﺳﻨﻪ ﻭﺍﺗﺎﻛﺪﺕ ﺍﻥ ﺍﺑﻨﻬﺎ ﻣﺎ ﺑﻴﻔﻜﺮﺵ ﻓﻲ ﺍﻟﺮﺟﻮﻉ ﻗﺮﺭﺕ ﺍﻧﻬﺎ ﺗﺮﻭﺡ ﺗﺨﺮﺝ ﻋﻢ ﺧﻠﻴﻞ ﻣﻦ ﺣﺒﺴﻪ
    ﻭﻓﻌﻼ ﺧﺮﺟﺘﻪ ﻭﻋﻄﺘﻠﻪ ﺗﻌﻮﻳﺾ ﻣﻨﺎﺳﺐ ﻣﻜﻨﺶ ﻗﺎﺑﻠﻪ ﻧﻬﺎﺋﻲ ﺑﺲ ﻋﻴﺎﻟﻪ ﻗﺒﻠﻮﻩ ﻭﺳﺎﻓﺮ ﻣﻌﺎﻫﻢ ﺑﻠﺪﻫﻢ
    ﻭﺑﻜﺪﻩ ﺻﻔﻴﻪ ﺑﺘﻨﺎﻡ ﻣﺮﺗﺎﺣﻪ ﺍﻟﺒﺎﻝ
    ﺑﺲ ﻣﻌﻨﺪﻫﺎﺵ ﻓﻜﺮﻩ ﺍﻧﻬﺎ ﺩﻣﺮﺕ ﺍﺭﺑﻊ ﺍﺷﺨﺎﺹ ﺍﻭﻟﻬﻢ ﺍﺑﻨﻬﺎ ﻭﺣﺮﻣﺘﻬﻢ ﻣﻦ ﻧﻮﻡ ﺍﻟﻠﻴﻞ ﻭﺣﺮﻣﺘﻬﻢ ﻣﻦ ﺍﻟﺮﺍﺣﻪ
    ﺷﻮﻕ ﻛﺎﻧﺖ ﻣﺮﺍﻗﺒﻪ ﻣﺤﻤﻮﺩ ﺍﺑﻦ ﻋﻤﻬﺎ ﺍﻟﻠﻲ ﻛﺎﻧﺖ ﺑﺘﺤﺒﻪ ﻭﺑﺘﺘﻤﻨﺎﻟﻪ ﺍﻟﺴﻌﺎﺩﻩ
    ﺷﺎﻳﻔﺎﻩ ﺑﻴﺪﺑﻞ ﻭﺑﻴﻤﻮﺕ ﻗﺪﺍﻣﻬﺎ ﻓﻲ ﺍﻟﻴﻮﻡ ﻣﻴﺖ ﻣﺮﻩ
    ﻗﺮﺭﺕ ﺍﻧﻬﺎ ﺗﺴﺎﻋﺪﻩ ﺯﻱ ﻣﺎﻫﻮ ﺳﺎﻋﺪﻫﺎ ﻓﻲ ﻳﻮﻡ
    ﺧﺮﺟﺖ ﻭﺭﺍﺣﺖ ﻟﺴﻤﻴﻪ ﺍﺳﺘﻨﺘﻬﺎ ﻭﻫﻴﺎ ﺧﺎﺭﺟﻪ ﻣﻦ ﺷﻐﻠﻬﺎ
    ﺳﻤﻴﻪ ﺍﻭﻝ ﻣﺎ ﺷﺎﻓﺘﻬﺎ ﺳﺮﻋﺖ ﺧﻄﻮﺍﺗﻬﺎ
    ﺷﻮﻕ : ﺍﺳﺘﻨﻲ ﻳﺎ ﺳﻤﻴﻪ
    ﺳﻤﻴﻪ : ﻋﺎﻳﺰﻩ ﺍﻳﻪ ﻣﻨﻲ؟ ﻣﻌﺪﺵ ﻋﻨﺪﻱ ﺣﺎﺟﻪ ﺗﺎﺧﺪﻳﻬﺎ ﻣﻨﻲ
    ﺷﻮﻕ ﻣﺴﻜﺘﻬﺎ ﻣﻦ ﺩﺭﺍﻋﻬﺎ ﻭﻗﻔﺘﻬﺎ
    ﺷﻮﻕ : ﺍﺳﻤﻌﻴﻨﻲ ﻭﺑﺲ ﻭﺑﻌﺪﻫﺎ ﺍﻣﺸﻲ ﻫﻤﺎ ﻛﻠﻤﺘﻴﻦ ... ﻫﺠﺎﻭﺑﻚ ﻋﻠﻲ ﺍﻟﺴﺆﺍﻝ ﺍﻟﻠﻲ ﺗﻌﺒﻚ ﺍﻟﻜﺎﻡ ﺷﻬﺮ ﺍﻟﻠﻲ ﻓﺎﺗﻮﺍ
    ﺳﻤﻴﻪ : ﺳﺆﺍﻝ ﺍﻳﻪ؟
    ﺷﻮﻕ : ﻟﻴﻪ؟ ﻣﺤﻤﻮﺩ ﺑﻴﺤﺒﻚ ﻑ ﻟﻴﻪ؟
    ﺳﻤﻴﻪ : ﻋﻠﺸﺎﻥ ﻫﻮ ﻭﺍﻃﻲ ﻭﻛﺎﻥ ﺑﻴﺘﺴﻠﻲ
    ﺷﻮﻕ : ﺍﻧﺘﻲ ﻣﻦ ﺟﻮﺍﻛﻲ ﻣﻘﺘﻨﻌﻪ ﺑﺎﻻﺟﺎﺑﻪ ﺩﻱ؟؟ ﺗﻌﺎﻟﻲ ﺍﺳﻤﻌﻴﻨﻲ ﻭﺍﻣﺸﻲ
    ﺭﺍﺣﻮﺍ ﻭﻗﻌﺪﻭﺍ ﻣﻊ ﺑﻌﺾ
    ﺳﻤﻴﻪ : ﺍﺗﻔﻀﻠﻲ ﻗﻮﻟﻲ ﺍﻟﻠﻲ ﻋﻨﺪﻙ ﻋﻠﺸﺎﻥ ﺑﺲ ﺍﺑﻘﻲ ﻣﺮﺗﺎﺣﻪ ﻭﺍﺑﻘﻲ ﻋﻤﻠﺖ ﻛﻞ ﺍﻟﻠﻲ ﻋﻠﻴﺎ
    ﺷﻮﻕ : ﻻﺯﻡ ﺍﻻﻭﻝ ﺍﺣﻜﻴﻠﻚ ﺣﻜﺎﻳﺘﻲ ﻣﻦ ﺍﻭﻟﻬﺎ ﻭﺣﻜﺎﻳﺘﻲ ﺑﺪﺃﺕ ﻣﻦ ﺷﻐﻠﻲ ﻳﻮﻡ ﻣﺎ ﺭﺣﺖ ﻋﻨﺪ ﻣﺮﻳﺾ ﺍﻟﺒﻴﺖ ﻋﻠﺸﺎﻥ ﺍﺭﺍﻋﻴﻪ ﻭﻫﻨﺎﻙ ﺑﺪﺃﺕ ﻗﺼﻪ ﺣﺒﻲ .....
    ﺣﻜﺘﻠﻬﺎ ﺷﻮﻕ ﻟﺤﺪ ﻣﺎ ﺍﺗﻘﺎﺑﻠﺖ ﻫﻴﺎ ﻭﻣﺤﻤﻮﺩ ﻋﻠﻲ ﺍﻟﻤﺤﻄﻪ
    ﺷﻮﻕ : ﻭﻋﻠﺸﺎﻥ ﻣﺤﻤﻮﺩ ﻛﺎﻥ ﻃﻮﻝ ﻋﻤﺮﻩ ﺍﺥ ﻟﻴﻨﺎ ﻭﻣﻬﺘﻢ ﺑﻴﻨﺎ ﻛﺎﻥ ﻻﺯﻡ ﻳﺴﺎﻋﺪﻧﻲ ﻭﺩﻱ ﻛﺎﻧﺖ ﻣﺴﺎﻋﺪﺗﻪ
    ﺳﻤﻴﻪ : ﺍﻧﺘﻲ ﻋﺎﻳﺰﻩ ﺗﻘﻮﻟﻲ ﺍﻳﻪ؟
    ﺷﻮﻕ : ﻋﺎﻳﺰﻩ ﺍﻗﻮﻟﻚ ﺍﻧﻪ ﻣﺒﻄﻠﺶ ﻳﺤﺒﻚ ﺍﺑﺪﺍ ... ﻭﺍﻧﻪ ﻛﻞ ﻳﻮﻡ ﺍﺧﺮ ﺍﻟﻠﻴﻞ ﺑﻴﺪﺧﻞ ﺍﻭﺿﺘﻪ ﻳﻌﻴﻂ ﺯﻱ ﺍﻟﻌﻴﺎﻝ ﺍﻟﺼﻐﻴﺮﻩ .. ﻛﻞ ﻳﻮﻡ ﺑﺴﻤﻌﻪ ﺍﺧﺮ ﺍﻟﻠﻴﻞ ... ﺍﺣﻨﺎ ﺍﻟﺘﻼﺗﻪ ﺍﺗﻈﻠﻤﻨﺎ ... ﻣﻴﻦ ﺑﻘﻲ ﻏﻠﻄﺎﻥ ﻣﻴﻦ ﺍﻟﻠﻲ ﻇﻠﻤﻨﺎ ﺍﻟﻠﻪ ﺍﻋﻠﻢ؟؟
    ﻣﺤﻤﻮﺩ ﻣﺎ ﺑﻄﻠﺶ ﻳﺤﺒﻚ ﺍﺑﺪﺍ ... ﺑﺲ ﻣﺶ ﻓﻲ ﺍﻳﺪﻩ ﺣﺎﺟﻪ
    ﺳﻤﻴﻪ : ﻭﺩﻟﻮﻗﺘﻲ؟؟ ﻓﻲ ﺍﻳﺪﻱ ﺍﻧﺎ ﺍﻳﻪ؟
    ﺷﻮﻕ : ﻓﻲ ﺍﻳﺪﻙ ﺍﻧﻜﻢ ﺗﻌﻴﺸﻮﺍ ﺑﻘﻲ ... ﺍﺭﺟﻌﻮﺍ ﻟﺒﻌﺾ ... ﻋﻴﺸﻮﺍ ﻣﻊ ﺑﻌﺾ
    ﺳﻤﻴﻪ : ﻳﺎ ﺳﻼﻡ ﺑﺎﻟﺒﺴﺎﻃﻪ ﺩﻱ؟؟؟
    ﺷﻮﻕ : ﺍﻳﻮﻩ ﺑﺎﻟﺒﺴﺎﻃﻪ ﺩﻱ ... ﺍﻧﺘﻲ ﺑﺘﺤﺒﻴﻪ ﻭﻫﻮ ﺑﻴﺤﺒﻚ ﻭﺍﻧﺎ ﺍﺧﺖ ﻟﻴﻪ ﻭﺑﺲ
    ﺳﻤﻴﻪ : ﻭﺍﻧﺘﻲ ﻫﻴﻜﻮﻥ ﻭﺿﻌﻚ ﺍﻳﻪ؟
    ﺷﻮﻕ : ﻳﺎ ﺍﻣﺎ ﻳﻄﻠﻘﻨﻲ ﻳﺎ ﺍﻣﺎ ﺗﻘﺒﻠﻲ ﺍﻧﻲ ﺍﻓﻀﻞ ﻣﻮﺟﻮﺩﻩ ﻟﻔﺘﺮﻩ ﻣﺆﻗﺘﻪ ﺑﺎﻱ ﻭﺿﻊ ﺣﺘﻲ ﻟﻮ ﺧﺪﺍﻣﻪ ﻓﻲ ﺑﻴﺘﻜﻢ
    ﺳﻤﻴﻪ : ﻭﺍﻧﺘﻲ ﻫﺘﻘﺒﻠﻲ ﻭﺿﻊ ﺯﻱ ﺩﻩ ﺍﺻﻼ؟
    ﺷﻮﻕ : ﻣﺤﻤﻮﺩ ﺟﻤﻴﻠﻮ ﻓﻮﻕ ﺭﺍﺳﻲ ﻭﻫﻘﺒﻞ ﺑﺎﻱ ﻭﺿﻊ ﺍﻧﺘﻮ ﺗﺨﺘﺎﺭﻭﻩ ... ﺍﻟﻜﻮﺭﻩ ﺩﻟﻮﻗﺘﻲ ﻓﻲ ﻣﻠﻌﺒﻚ ﻗﺮﺭﻱ ﺑﻘﻲ ﺍﻧﺘﻲ ﻫﺘﻌﻤﻠﻲ ﺍﻳﻪ؟ ﺑﻌﺪ ﺍﺫﻧﻚ
    ﺭﻭﺣﺖ ﺷﻮﻕ ﻭﻫﻨﺎﻙ ﻟﻘﺖ ﻣﺤﻤﻮﺩ ﻣﺴﺘﻨﻴﻬﺎ
    ﻣﺤﻤﻮﺩ : ﻛﻨﺘﻲ ﻓﻴﻦ ﻭﺍﺗﺎﺧﺮﺗﻲ ﻟﻴﻪ؟
    ﺷﻮﻕ : ﻛﻨﺖ ﻣﻊ ﺳﻤﻴﻪ
    ﻣﺤﻤﻮﺩ : ﺳﻤﻴﻪ؟؟ ﻟﻴﻪ؟
    ﺷﻮﻕ : ﻋﻤﻠﺖ ﺍﻟﻠﻲ ﻛﺎﻥ ﻣﻔﺮﻭﺽ ﺍﻧﺖ ﺗﻌﻤﻠﻪ ﻣﻦ ﺯﻣﺎﻥ
    ﻣﺤﻤﻮﺩ : ﻭﺍﻟﻠﻲ ﻫﻮ ﺍﻳﻪ ﺑﻘﻲ ﺳﻴﺎﺩﺗﻚ؟؟
    ﺷﻮﻕ : ﺗﺒﻘﻲ ﻓﺎﻫﻤﻪ ﻟﻴﻪ ﺍﻧﺖ ﺳﻴﺒﺘﻬﺎ ... ﻣﺎ ﺗﺴﻴﺒﻬﺎﺵ ﻓﻲ ﺣﻴﺮﻩ ﻭﻗﻠﻖ ﻭﺗﻔﻀﻞ ﺗﻘﻮﻝ ﻟﻴﻪ ﺯﻳﻲ ﺍﻧﺎ ﻛﺪﻩ .... ﻛﻞ ﻳﻮﻡ ﺑﺴﺄﻝ ﻧﻔﺴﻲ ﻟﻴﻪ ﺣﺎﺯﻡ ﻋﻤﻞ ﻣﻌﺎﻳﺎ ﻛﺪﻩ؟ ﻟﻴﻪ ﺧﺎﻧﻲ ﻭﺧﺪﻋﻨﻲ ﺑﺎﻟﺸﻜﻞ ﺩﻩ؟ ﻓﺤﺮﺍﻡ ﺍﺳﻴﺐ ﺳﻤﻴﻪ ﺗﻔﺘﺮﺽ ﺍﻧﻚ ﺧﻨﺘﻬﺎ ﻭﺧﺪﻋﺘﻬﺎ ﻻﻧﻪ ﺍﺣﺴﺎﺱ ﻭﺣﺶ ﻗﻮﻱ
    ﻣﺤﻤﻮﺩ : ﻭﺑﻌﺪﻳﻦ ﺍﺳﺘﻔﺪﺗﻲ ﺍﻳﻪ ﻟﻤﺎ ﻋﻤﻠﺘﻲ ﻛﺪﻩ؟ ﺍﻳﻪ ﺍﻟﻠﻲ ﺍﻟﻤﻔﺮﻭﺽ ﻳﺤﺼﻞ؟؟
    ﺷﻮﻕ : ﺗﺘﺠﻮﺯﻭﺍ
    ﻣﺤﻤﻮﺩ ﺿﺤﻚ : ﻧﺘﺠﻮﺯ ﺑﺠﺪ؟ ﺍﻧﺘﻲ ﻫﺒﻠﻪ ﻭﻻ ﺍﻳﻪ؟ ﻭﺍﻧﺘﻲ ﻭﺭﻫﻒ؟؟
    ﺷﻮﻕ : ﺍﻧﺎ ﺑﺸﺘﻐﻞ ﻭﺭﺍﺗﺒﻲ ﻫﻴﻜﻔﻴﻨﻲ ﺍﻧﺎ ﻭﺑﻨﺘﻲ ﻭﺍﻧﺖ ﺍﺗﺠﻮﺯ ﺳﻤﻴﻪ ﻭﻋﻴﺸﻮﺍ ﺑﻘﻲ ﻣﻊ ﺑﻌﺾ ﻣﺴﺘﻨﻲ ﺍﻳﻪ؟ ﺍﻣﺎ ﺗﺘﺠﻮﺯ ﻫﻴﺎ ﻛﻤﺎﻥ
    ﻣﺤﻤﻮﺩ : ﺳﺆﺍﻝ ﻭﺍﺣﺪ ﺑﺲ ... ﺗﻘﺪﺭﻱ ﺗﻘﻮﻟﻴﻠﻲ ﻫﻘﻮﻝ ﻻﺑﻮﻳﺎ ﺍﻳﻪ؟ ﻭﻻ ﻟﻌﻤﻲ ﺍﻳﻪ؟ ﺍﻧﺘﻲ ﻧﺎﺳﻴﻪ ﺍﻧﻚ ﺑﻨﺖ ﻋﻤﻲ
    ﺷﻮﻕ : ﻣﺶ ﻧﺎﺳﻴﻪ ﺑﺲ ﺍﺣﻨﺎ ﻣﺶ ﺍﻭﻝ ﺍﺗﻨﻴﻦ ﻳﻄﻠﻘﻮﺍ
    ﻣﺤﻤﻮﺩ : ﻟﻮ ﺍﺑﻮﻛﻲ ﻛﺎﻥ ﻭﺣﺶ ﻣﻌﺎﻛﻲ ﻗﺮﺍﻁ ﺑﻌﺪ ﻣﺎ ﺗﺘﻄﻠﻘﻲ ﻫﻴﺒﻘﻲ 24 ﻗﺮﺍﻁ
    ﺷﻮﻕ : ﻣﺎﻟﻜﺶ ﺩﻋﻮﻩ ﺑﻴﺎ ﺑﻘﻲ ﺍﻧﺖ ﻋﻤﻠﺖ ﺍﻟﻠﻲ ﻋﻠﻴﻚ ﻭﺍﻛﺘﺮ ﺯﻳﺎﺩﻩ ﺇﻟﺤﻖ ﺑﻘﻲ ﺣﺒﻴﺒﺘﻚ ﻻﻧﻲ ﺳﻤﻌﺖ ﺍﻥ ﻣﺘﻘﺪﻣﻠﻬﺎ ﻣﻬﻨﺪﺱ ﻋﺎﻳﺶ ﺑﺮﻩ .. ﻳﻌﻨﻲ ﻋﺮﻳﺲ ﻣﻦ ﺍﻟﻨﻮﻉ ﺍﻟﻠﻲ ﻣﺎ ﻳﺘﺮﻓﻀﺶ ﻓﺎﻟﺤﻘﻬﺎ ﻗﺒﻞ ﻣﺎ ﺗﻄﻴﺮ ... ﺍﻧﺎ ﻧﺼﺤﺘﻚ ﻭﺍﻧﺖ ﺣﺮ ﺑﻘﻲ
    ﻣﺤﻤﻮﺩ ﺳﺎﺑﻬﺎ ﻭﺧﺮﺝ ﻳﺘﻤﺸﻲ ﻭﺭﺍﺡ ﻟﻤﻜﺎﻧﻪ ﺍﻟﻤﻔﻀﻞ ﻭﺍﻭﻝ ﻣﺎ ﻭﺻﻞ ﺍﺗﻔﺎﺟﺊ ﺑﺴﻤﻴﻪ ﻫﻨﺎﻙ
    ﻓﺤﺐ ﻳﻨﺴﺤﺐ ﺑﺴﺮﻋﻪ ﻗﺒﻞ ﻣﺎ ﺗﺸﻮﻓﻪ ﺑﺲ ﺷﺎﻓﺘﻪ ﻭﻧﺎﺩﻟﺘﻪ
    ﺳﻤﻴﻪ : ﻣﺎ ﻗﻮﻟﺘﻠﻴﺶ ﻟﻴﻪ؟
    ﻣﺤﻤﻮﺩ : ﺍﻧﺘﻲ ﻣﺎ ﺍﺳﺘﻨﺘﻴﺶ ﺗﺴﻤﻌﻲ ﺍﻧﺘﻲ ﺍﺗﻬﻤﺘﻴﻨﻲ
    ﺳﻤﻴﻪ : ﺍﻧﺎ ﺍﺗﺼﺪﻣﺖ ﺑﺨﺒﺮ ﺧﻄﻮﺑﺘﻚ ﻛﻨﺖ ﻣﺴﺘﻨﻲ ﺍﻋﻤﻞ ﺍﻳﻪ؟ ﺍﻧﺎ ﺑﺸﺮ
    ﻣﺤﻤﻮﺩ : ﻭﺍﺩﻳﻜﻲ ﻋﺮﻓﺘﻲ ﺍﻟﺤﻘﻴﻘﻪ ﺍﻫﻮﻩ
    ﺳﻤﻴﻪ : ﻭﺑﻌﺪﻳﻦ؟
    ﻣﺤﻤﻮﺩ : ﺍﻧﺎ ﻣﺶ ﻋﺎﺭﻑ ﻭﺑﻌﺪﻳﻦ؟ ﺍﻧﺎ ﻣﻌﻨﺪﻳﺶ ﺑﻌﺪﻳﻦ؟؟ ﺍﻧﺎ ﻣﺶ ﻋﺎﺭﻑ ﺍﻋﻤﻞ ﺍﻳﻪ ﺍﻭ ﺍﻳﻪ ﺍﻟﺼﺢ؟؟؟ ﺍﻧﺎ ﺑﺤﺒﻚ ﻭﺩﻩ ﺷﻴﺊ ﻭﺍﺿﺢ ﻭﺿﻮﺡ ﺍﻟﺸﻤﺲ ﺑﻌﺪ ﻛﺪﻩ ﺑﻘﻲ ﻣﺶ ﻋﺎﺭﻑ
    ﺳﻤﻴﻪ : ﻭﺍﻧﺎ ﻛﻔﺎﻳﻪ ﻋﻠﻴﺎ ﺣﺒﻚ
    ﻣﺤﻤﻮﺩ : ﺗﻘﺼﺪﻱ ﺍﻳﻪ؟
    ﺳﻤﻴﻪ : ﺍﻗﺼﺪ ﺍﻧﻲ ﺑﺤﺒﻚ ﻭﺍﻱ ﻗﺮﺍﺭ ﻫﺘﺎﺧﺪﻩ ﺍﻧﺎ ﻣﻌﺎﻙ ﻓﻴﻪ
    ﻣﺤﻤﻮﺩ : ﻭﺍﻟﻌﺮﻳﺲ ﺑﺘﺎﻉ ﺍﻟﺨﻠﻴﺞ؟؟
    ﺳﻤﻴﻪ ﺍﺑﺘﺴﻤﺖ : ﻫﻴﺎﺧﺪ ﺍﺳﺘﻤﺎﺭﻩ 6 ﺯﻱ ﻏﻴﺮﻩ
    ﻣﺤﻤﻮﺩ ﺍﺑﺘﺴﻢ : ﺍﻧﺎ ﺑﺤﺒﻚ ﻓﻮﻕ ﻣﺎ ﺗﺘﺨﻴﻠﻲ ... ﺍﻧﺎ ﺍﺗﻌﺬﺑﺖ ﻓﻲ ﺑﻌﺪﻙ ﻛﺘﻴﺮ ﻗﻮﻱ ... ﻭﺍﻛﺘﺮ ﺣﺎﺟﻪ ﻭﺟﻌﺎﻧﻲ ﻫﻮ ﺍﻧﻲ ﻣﺶ ﻗﺎﺩﺭ ﺍﻗﻮﻟﻚ ﺍﻧﻲ ﻣﺒﺤﺒﺶ ﻏﻴﺮﻙ
    ﺳﻤﻴﻪ : ﺭﺑﻨﺎ ﺍﻥ ﺷﺎﺀﺍﻟﻠﻪ ﻣﺶ ﻫﻴﻔﺮﻗﻨﺎ ﻋﻦ ﺑﻌﺾ ﻭﻫﻴﺠﻤﻌﻨﺎ ﺑﺎﻣﺮﻩ ﻫﻮ
    ﻣﺤﻤﻮﺩ : ﺑﺈﺫﻥ ﺍﻟﻠﻪ ... ﺭﻭﺣﻲ ﺑﻘﻲ ﻋﻠﺸﺎﻥ ﻣﺎ ﺗﺘﺄﺧﺮﻳﺶ ﻭﺍﻧﺎ ﺍﻭﻝ ﻣﺎ ﺍﻋﺮﻑ ﺭﺍﺳﻲ ﻣﻦ ﺭﺟﻠﻴﺎ ﻫﺒﻠﻐﻚ ﻭﺻﻠﺖ ﻻﻳﻪ؟
    ﻣﺤﻤﻮﺩ ﻭﺷﻮﻕ ﻓﻀﻠﻮﺍ ﻓﺘﺮﻩ ﻃﻮﻳﻠﻪ ﻳﺘﺨﺎﻧﻘﻮﺍ ﻻﻧﻬﺎ ﻋﻴﺰﺍﻩ ﻳﺘﺠﻮﺯ ﻭﻳﻄﻠﻘﻬﺎ ﻭﻫﻮ ﺭﺍﻓﺾ ﺍﻟﺤﻞ ﺩﻩ 









    ﻧﻬﺎﺋﻲ
    ﺷﻮﻕ ﺭﺍﺣﺖ ﻟﺴﻤﻴﻪ ﻭﺧﺮﺟﻮﺍ ﻭﺍﺗﺼﻠﺖ ﺑﻤﺤﻤﻮﺩ ﻳﻘﺎﺑﻠﻬﺎ ﻭﺟﺎﻟﻬﺎ ﺍﺗﻔﺎﺟﺊ ﺑﻴﻬﻢ ﻣﻊ ﺑﻌﺾ
    ﻣﺤﻤﻮﺩ : ﻭﺑﻌﺪﻳﻦ؟ ﻣﺮﺍﺗﻲ ﻭﺣﺒﻴﺒﺘﻲ؟؟؟
    ﺷﻮﻕ : ﻃﻠﻘﻨﻲ ﻭﺍﺗﺠﻮﺯﻫﺎ
    ﻣﺤﻤﻮﺩ : ﻣﺶ ﻫﻄﻠﻘﻚ ﺍﻧﺘﻲ ﻛﺪﻩ ﺑﺘﺤﻜﻤﻲ ﻋﻠﻲ ﻧﻔﺴﻚ ﺑﺎﻟﺬﻝ ﺍﻟﻌﻤﺮ ﻛﻠﻪ ...
    ﺷﻮﻕ : ﻣﺤﻤﻮﺩ ﺍﻧﺎ ﻏﻠﻄﺖ ﻳﻮﻡ ﻣﺎ ﻧﺴﻴﺖ ﺗﺮﺑﻴﺘﻲ ﻭﺳﻠﻤﺖ ﻧﻔﺴﻲ ﻟﺮﺍﺟﻞ ﺑﺎﺳﻢ ﺍﻟﺤﺐ ﻭﺩﻩ ﻋﻘﺎﺏ ﺭﺑﻨﺎ ﻟﻴﺎ ﻭﺍﻧﺎ ﻣﺘﺤﻤﻼﻩ ﺍﻧﺖ ﻣﺎﻟﻜﺶ ﺫﻧﺐ ﻭﻻ ﻫﻴﺎ ﻟﻴﻬﺎ ﺫﻧﺐ
    ﻣﺤﻤﻮﺩ : ﺳﻴﺎﺩﺗﻚ ﺳﺎﻛﺘﻪ ﻟﻴﻪ؟
    ﺳﻤﻴﻪ : ﻻﻧﻲ ﻣﺎ ﺍﻗﺪﺭﺵ ﺍﻗﻮﻟﻚ ﻃﻠﻘﻬﺎ ﻭﻻ ﺍﻗﺪﺭ ﺍﻗﻮﻟﻚ ﺍﺗﺠﻮﺯﻧﻲ ﺩﻩ ﻗﺮﺍﺭ ﻓﻲ ﺍﻳﺪﻙ ﺍﻧﺖ ﺑﺲ
    ﻣﺤﻤﻮﺩ : ﻭﺍﻧﺎ ﻫﺨﻠﻴﻪ ﻓﻲ ﺍﻳﺪﻙ ... ﺗﺘﺠﻮﺯﻳﻨﻲ ﻳﺎ ﺳﻤﻴﻪ ﻭﺷﻮﻕ ﻋﻠﻲ ﺫﻣﺘﻲ؟؟؟
    ﺷﻮﻕ : ﻻ ﻳﺎ ﻣﺤﻤﻮﺩ ﻣﺎ ﺗﺤﻄﻨﻴﺶ ﻓﻲ ﺍﻟﻨﺺ ﺑﻴﻨﻜﻢ
    ﻣﺤﻤﻮﺩ : ﺷﻮﻓﻮﺍ ﻭﺍﻓﻘﻨﺎ ﺍﻭ ﺭﻓﻀﻨﺎ ﺍﺣﻨﺎ ﺍﻟﺘﻼﺗﻪ ﻓﻲ ﻣﺮﻛﺐ ﻭﺍﺣﺪﻩ ﻭﻳﺎ ﻧﻮﺻﻞ ﻣﻊ ﺑﻌﺾ ﻟﺒﺮ ﺍﻻﻣﺎﻥ ﻳﺎ ﻧﻐﺮﻕ ﺳﻮﺍ
    ﺩﻩ ﺍﻟﺤﻞ ﺍﻟﻠﻲ ﻋﻨﺪﻱ ... ﺍﻻﻣﻮﺭ ﻛﻠﻬﺎ ﻭﺍﺿﺤﻪ ﻗﺪﺍﻣﻚ ﺳﻤﻴﻪ ... ﺷﻮﻕ ﻣﺮﺍﺗﻲ ﻋﻠﻲ ﺍﻟﻮﺭﻕ ﻟﻜﻦ ﺭﺑﻨﺎ ﻳﻌﻠﻢ ﺍﻧﻬﺎ ﺍﺧﺘﻲ ﻭﺑﻌﺎﻣﻠﻬﺎ ﻋﻠﻲ ﺍﻻﺳﺎﺱ ﺩﻩ ﻭﻟﻮ ﺍﺗﺠﻮﺯﺗﻴﻨﻲ ﻫﺘﺒﻘﻲ ﺍﻧﺘﻲ ﺑﺲ ﻣﺮﺍﺗﻲ ﻭﺣﺒﻴﺒﺘﻲ ﺑﺲ ﻫﺘﻀﻄﺮﻱ ﻗﺪﺍﻡ ﺍﻟﻨﺎﺱ ﻳﻜﻮﻥ ﻟﻴﻜﻲ ﺩﺭﻩ ﻓﻘﺮﺭﻱ ﻭﻟﻤﺎ ﺗﻮﺻﻠﻲ ﻟﻘﺮﺍﺭ ﺑﻠﻐﻴﻨﻲ ﺑﻴﻪ
    ﺷﻮﻕ : ﻳﺎ ﻣﺤﻤﻮﺩ
    ﻗﺎﻃﻌﻬﺎ ﻣﺤﻤﻮﺩ : ﺩﻩ ﺍﻟﻠﻲ ﻋﻨﺪﻱ ﻭﻗﻮﻟﺘﻪ ﻣﺎ ﻳﻨﻔﻌﺶ ﺍﻃﻠﻘﻚ ﻛﺪﻩ ﺍﻧﺘﻲ ﺑﻨﺖ ﻋﻤﻲ ﻭﻃﻼﻗﻨﺎ ﻫﻴﻔﺮﻕ ﺍﻟﻌﻴﻠﻪ ﻧﺼﻴﻦ ﻭﺍﻧﺎ ﻣﺶ ﻫﺨﺘﺎﺭ ﺳﻌﺎﺩﺗﻲ ﻋﻠﻲ ﺣﺴﺎﺏ ﺩﻣﺎﺭ ﺍﻟﻌﻴﻠﻪ ﻛﻠﻬﺎ ﻓﺎﻟﻠﻲ ﻋﻨﺪﻱ ﻗﻮﻟﺘﻮ ﻭﻣﺶ ﻋﺎﻳﺰ ﻛﻼﻡ ﺗﺎﻧﻲ، ... ﺍﻧﺘﻲ ﺭﻭﺣﻲ ﻋﻠﺸﺎﻥ ﻣﺎ ﺗﺘﺎﺧﺮﻳﺶ ﻭﺍﻧﺘﻲ ﻳﺎﻻ ﻋﻠﺸﺎﻥ ﺑﻨﺘﻚ ﺍﻟﻠﻲ ﺳﻴﺒﺎﻫﺎ ﻟﻮﺣﺪﻫﺎ ﻋﻨﺪ ﺍﻣﻚ
    ﺭﻭﺣﻮ ﺑﻴﺘﻬﻢ ﻭﺷﻮﻕ ﻣﻌﺎﻫﺎ ﺑﻨﺘﻬﺎ ﺍﻟﻠﻲ ﻧﺴﺨﻪ ﻣﻦ ﺣﺎﺯﻡ
    ﺿﻤﺎﻫﺎ ﻓﻲ ﺣﻀﻨﻬﺎ ﻭﺍﻓﺘﻜﺮﺕ ﺣﺎﺯﻡ ﻭﺍﺣﻠﻲ ﺍﻳﺎﻡ ﻗﻀﺘﻬﺎ ﻣﻌﺎﻩ ﻭﺍﻓﺘﻜﺮﺕ ﺣﺒﻬﻢ ﺍﻟﺒﺴﻴﻂ ﺍﻟﻠﻲ ﻣﺎﺕ ﻭﻫﻮ ﻓﻲ ﺍﻟﻤﻬﺪ ﻟﺴﻪ
    ﺳﻤﻴﻪ ﺭﻭﺣﺖ ﻭﺳﺮﺣﺎﻧﻪ ﻭﺍﻣﻬﺎ ﻛﻞ ﺷﻮﻳﻪ ﺗﻜﻠﻤﻬﺎ ﻭﻫﻴﺎ ﻣﺶ ﺑﺘﺮﺩ ﻋﻠﻴﻬﺎ .
    ﺍﻣﻬﺎ : ﺑﺖ ﻳﺎ ﺳﻤﻴﻪ ﺭﺩﻱ ﻋﻠﻴﺎ ﻣﺎﻟﻚ؟؟
    ﺳﻤﻴﻪ : ﻣﺤﻤﻮﺩ ﺍﺗﻘﺪﻣﻠﻲ
    ﺍﻣﻬﺎ ﺗﻨﺤﺖ : ﻣﺤﻤﻮﺩ ﻣﻴﻦ؟
    ﺳﻤﻴﻪ : ﺍﻧﺘﻲ ﻋﺎﺭﻓﻪ ﻣﺤﻤﻮﺩ ﻣﻴﻦ
    ﺍﻣﻬﺎ : ﻫﻮ ﻃﻠﻖ ﻣﺮﺍﺗﻪ؟؟
    ﺳﻤﻴﻪ : ﻻ ﻣﻄﻠﻘﻬﺎﺵ ﻭﻻ ﻫﻴﻄﻠﻘﻬﺎ
    ﺍﻣﻬﺎ : ﺍﻣﺎﻝ ﻋﺎﻳﺰﻙ ﺩﺭﻩ ﻋﻠﻴﻬﺎ ... ﻻ ﺑﻘﻲ ﻛﺪﻩ ﻛﺘﻴﺮ ﻗﻮﻱ ... ﻭﺍﻧﺘﻲ ﺑﺘﻔﻜﺮﻱ ﻓﻲ ﺍﻳﻪ ﻫﺎﻩ؟ ﻣﻘﻠﻌﺘﻴﺶ ﻟﻴﻪ ﺍﻟﻠﻲ ﻓﻲ ﺭﺟﻠﻚ ﻭﻋﻄﻴﺘﻮﻟﻪ ﻓﻮﻕ ﺩﻣﺎﻏﻪ؟؟ ﺑﺘﺘﻨﻴﻠﻲ ﺗﻔﻜﺮﻱ ﻓﻲ ﺍﻳﻪ؟ ﺍﻧﺘﻲ ﻧﺴﻴﺘﻲ ﺭﻣﻴﺘﻚ ﻓﻲ ﺍﻟﻤﺴﺘﺸﻔﻲ؟؟؟ ﺍﻧﺘﻲ ﻋﺎﻳﺰﻩ ﺗﻤﻮﺗﻴﻨﻲ ﺑﻘﻬﺮﺗﻲ ﻋﻠﻴﻜﻲ؟؟؟
    ﺳﻤﻴﻪ : ﺍﻣﻲ ﺍﻫﺪﻱ ﺩﻱ ﻛﺎﻧﺖ ﻇﺮﻭﻑ
    ﺍﻣﻬﺎ : ﻇﺮﻭﻑ ﺍﻩ !!! ﻭﺍﻧﺘﻲ ﺑﻘﻲ ﺯﻱ ﺍﻟﺤﻤﺎﺭﻩ ﺻﺪﻗﺘﻲ ﻭﺣﻨﻴﺘﻲ ﺻﺢ؟ ﺑﺖ ﺍﻧﺘﻲ ﺍﻧﺎ ﻫﻮﺍﻓﻖ ﻋﻠﻲ ﺍﻟﻌﺮﻳﺲ ﺍﻟﻠﻲ ﺟﺎﻟﻚ ﻭﻫﺘﺴﺎﻓﺮﻱ ﻣﻌﺎﻩ ﻋﻠﻲ ﺍﻟﻜﻮﻳﺖ ﺍﻧﺘﻲ ﻓﺎﻫﻤﻪ؟
    ﺳﻤﻴﻪ : ﻻ ﻳﺎ ﻣﺎﻣﺎ ﻣﺶ ﻓﺎﻫﻤﻪ ... ﺍﻧﺎ ﺑﺤﺐ ﻣﺤﻤﻮﺩ ﻭﻟﻮ ﻫﺘﺠﻮﺯ ﻫﻴﺒﻘﻲ ﻫﻮ
    ﺍﻣﻬﺎ : ﻃﻴﺐ ﻣﻌﺎﻛﻲ ﻫﺘﺘﺠﻮﺯﻭﺍ ﻓﻴﻦ؟ ﻫﻮ ﻋﻨﺪﻩ ﺷﻘﻪ ﺗﺎﻧﻴﻪ؟
    ﺳﻤﻴﻪ : ﻻ ﻫﻨﺘﺠﻮﺯ ﻓﻲ ﺷﻘﺘﻪ ...
    ﺍﻣﻬﺎ : ﻧﻌﻢ؟؟؟ ﻛﻞ ﻭﺍﺣﺪﻩ ﺍﻭﺿﻪ ﻳﻌﻨﻲ؟؟؟؟ ﻗﺴﻤﺎ ﺑﺎﻟﻠﻪ ﻻﻗﻠﻊ ﺍﻟﻠﻲ ﻓﻲ ﺭﺟﻠﻲ ﻭﺍﻧﺰﻝ ﻋﻠﻲ ﺩﻣﺎﻏﻚ ﻟﺤﺪ ﻣﺎ ﺗﻌﺮﻓﻲ ﺍﻥ ﺍﻟﻠﻪ ﺣﻖ
    ﺳﻤﻴﻪ : ﻳﺎﻣﺎﻣﺎ ﺍﻧﺘﻲ ﻣﺶ ﻓﺎﻫﻤﻪ ﺣﺎﺟﻪ
    ﺍﻣﻬﺎ : ﻭﻣﺶ ﻋﺎﻳﺰﻩ ﺍﻓﻬﻢ ﺩﻩ ﺍﻧﺘﻲ ﺍﺗﺠﻨﻨﺘﻲ ﻋﻠﻲ ﺍﻻﺧﺮ
    ﺍﻡ ﺳﻤﻴﻪ ﺭﺍﻓﻀﻪ ﺗﻤﺎﻣﺎ ﺍﻟﻤﻮﺿﻮﻉ ﺩﻩ
    ﺷﻮﻕ ﻭﺳﻤﻴﻪ ﺑﻴﺘﺎﻗﺒﻠﻮﺍ ﻭﺑﺘﺤﻜﻴﻠﻬﺎ ﻋﻠﻲ ﺍﻟﻠﻲ ﺣﺼﻞ
    ﺷﻮﻕ : ﻗﻮﻟﻲ ﻻﻣﻚ ﺍﻟﺤﻘﻴﻘﻪ ﻭﺳﺎﻋﺘﻬﺎ ﻫﻴﺎ ﻫﺘﺘﻄﻤﻦ ﻭﻫﺘﻮﺍﻓﻖ
    ﺳﻤﻴﻪ : ﺑﺲ ﺍﻧﺎ ﻣﺎ ﺍﺿﻤﻨﺶ ﺍﻣﻲ ﺗﺴﻜﺖ
    ﺷﻮﻕ : ﻳﺎﻣﺎ ﺩﻗﺖ ﻋﻠﻲ ﺍﻟﺮﺍﺱ ﻃﺒﻮﻝ ﻫﺘﻌﻤﻞ ﺍﻳﻪ ﻳﻌﻨﻲ؟؟ ﺧﻠﻴﻜﻲ ﺍﻧﺎﻧﻴﻪ ﻓﻲ ﺣﺒﻚ ﺷﻮﻳﻪ ... ﻗﻮﻟﻴﻠﻬﺎ ﺧﻠﻴﻬﺎ ﺗﻘﺘﻨﻊ ﻭﺍﻟﺒﺎﻗﻲ ﺍﻟﻠﻲ ﺭﺑﻨﺎ ﺭﺍﻳﺪﻩ ﻫﻴﻜﻮﻥ
    ﺳﻤﻴﻪ ﺍﺧﺮ ﻣﺤﺎﻭﻻﺗﻬﺎ ﻣﻊ ﺍﻣﻬﺎ ﺍﻧﻬﺎ ﺣﻜﺘﻠﻬﺎ ﻛﻞ ﺍﻟﻠﻲ ﺣﺼﻞ ﻭﺍﻣﻬﺎ ﻗﺼﺎﺩﻫﺎ ﻣﺶ ﻣﺴﺘﻮﻋﺒﻪ ﻛﻞ ﺩﻩ
    ﺍﻣﻬﺎ : ﻳﻌﻨﻲ ﺷﻮﻕ ﻣﺶ ﺗﻌﺘﺒﺮ ﻣﺮﺍﺗﻪ؟؟ ﻣﻈﺎﻫﺮﻫﺎ؟؟؟
    ﺳﻤﻴﻪ : ﺍﻳﻮﻩ ﻳﺎ ﺍﻣﻲ
    ﺍﻣﻬﺎ : ﻭﺑﻨﺘﻬﺎ ﻣﻴﻦ ﺑﻴﺼﺮﻑ ﻋﻠﻴﻬﺎ؟؟
    ﺳﻤﻴﻪ : ﻫﻴﺎ ﺑﺘﺸﺘﻐﻞ ﻭﺑﺘﺼﺮﻑ ﻋﻠﻲ ﻧﻔﺴﻬﺎ ﻫﻴﺎ ﻭﺑﻨﺘﻬﺎ ﻭﺑﻌﺪﻳﻦ ﻫﻴﺎ ﻃﻠﺒﺖ ﻣﻨﻪ ﻳﻄﻠﻘﻬﺎ ﺑﺲ ﻣﺤﻤﻮﺩ ﺭﺍﻓﺾ ﻋﻠﺸﺎﻥ ﺍﻋﻤﺎﻣﻪ ﻭﺍﺑﻮﻩ ﻣﺎ ﻳﺰﻋﻠﻮﺵ ﺑﺴﺒﺒﻪ ... ﺷﻮﻓﺘﻲ ﺑﻘﻲ ﻣﺤﻤﻮﺩ ﺭﺍﺟﻞ ﻗﺪ ﺍﻳﻪ؟ ﻣﺶ ﻋﺎﻳﺰ ﻳﺘﺨﻠﻲ ﻋﻦ ﺑﻨﺖ ﻋﻤﻪ ﺣﺘﻲ ﻟﻮ ﻋﻠﻲ ﺣﺴﺎﺏ ﻧﻔﺴﻪ
    ﺍﻣﻬﺎ : ﻭﺍﻧﺘﻲ ﻣﻴﻦ ﻗﺎﻟﻚ ﺑﻘﻲ ﺍﻥ ﺍﻫﻠﻪ ﻫﻴﻮﺍﻓﻘﻮﺍ ﻋﻠﻲ ﺟﻮﺍﺯﻛﻢ ! ؟؟
    ﺳﻤﻴﻪ : ﺩﻱ ﺑﻘﻲ ﻣﺸﻜﻠﺘﻪ ﻫﻮ ﻭﻫﻮ ﻳﺤﻠﻬﺎ
    ﺍﻣﻬﺎ : ﺍﻣﻢ ﺑﻘﻲ ﺷﻮﻕ ﻳﻄﻠﻊ ﻣﻨﻬﺎ ﻛﻞ ﺩﻩ؟
    ﺳﻤﻴﻪ : ﻣﺎ ﺗﻈﻠﻤﻴﻬﺎﺵ ﻫﻴﺎ ﺣﺒﺖ
    ﺍﻣﻬﺎ : ﺣﺒﺖ؟؟؟ ﺩﻱ ﻗﻠﻪ ﺍﺩﺏ ﻣﺶ ﺣﺐ ... ﻣﻦ ﺍﻣﺘﻲ ﺍﻟﺤﺐ ﻳﺒﻘﻲ ﻗﻠﻪ ﺍﺩﺏ ﻛﺪﻩ ... ﻟﻮ ﻫﻴﺎ ﻣﺤﺘﺮﻣﻪ ﻛﺎﻧﺖ ﻋﺮﻓﺖ ﺗﺤﺎﻓﻆ ﻋﻠﻲ ﻧﻔﺴﻬﺎ ﻭﻳﻤﻜﻦ ﺳﺎﻋﺘﻬﺎ ﻛﺎﻥ ﻫﻮ ﻳﺤﺘﺮﻣﻬﺎ ﻭﻳﺠﻲ ﻳﻄﻠﺐ ﺍﻳﺪﻫﺎ ﻟﻜﻦ ﻫﻴﺎ ﺭﺧﺼﺖ ﻧﻔﺴﻬﺎ ﻭﺑﺎﻟﺘﺎﻟﻲ ﻫﻮ ﻋﻤﺮﻩ ﻣﺎ ﻫﻴﻐﻠﻴﻬﺎ ﺗﺎﻧﻲ ... ﺍﻟﻠﻲ ﻳﺒﻊ ﻧﻔﺴﻪ ﺭﺧﻴﺺ ﻳﻔﻀﻞ ﻃﻮﻝ ﻋﻤﺮﻩ ﺭﺧﻴﺺ ... ﺍﻫﻲ ﻫﺘﻔﻀﻞ ﻃﻮﻝ ﻋﻤﺮﻫﺎ ﻣﺬﻟﻮﻟﻪ ﻭﻣﻬﻤﺎ ﺗﻨﺪﻡ ﻋﻤﺮﻫﺎ ﻣﺎ ﻫﺘﻌﺮﻑ ﺗﺮﻓﻊ ﺭﺍﺳﻬﺎ ﺗﺎﻧﻲ ...
    ﺳﻤﻴﻪ : ﺍﻟﻤﻬﻢ ﻣﺶ ﻗﻀﻴﺘﻨﺎ ﺷﻮﻕ ﺩﻟﻮﻗﺘﻲ ... ﺍﻗﻮﻝ ﻟﻤﺤﻤﻮﺩ ﺍﻧﻲ ﻣﻮﺍﻓﻘﻪ؟؟
    ﺍﻣﻬﺎ : ﻗﻮﻟﻴﻠﻪ ﻭﺭﺑﻚ ﻳﺴﻬﻞ ﺑﻘﻲ
    ﺳﻤﻴﻪ ﺑﻠﻐﺖ ﻣﺤﻤﻮﺩ ﻗﺮﺍﺭﻫﺎ ﻭﻫﻮ ﻗﺎﻝ ﻟﺸﻮﻕ
    ﻣﺤﻤﻮﺩ : ﻫﻨﻌﻤﻞ ﺍﻳﻪ؟
    ﺷﻮﻕ : ﻫﺘﺮﻭﺡ ﺗﺒﻠﻎ ﻋﻤﻲ ﺍﺣﻤﺪ ﺍﻧﻚ ﻋﺎﻳﺰ ﺗﺘﺠﻮﺯ ﺳﻤﻴﻪ
    ﻣﺤﻤﻮﺩ : ﻭﺍﻧﺘﻲ ﻣﺘﺨﻴﻠﻪ ﺑﻘﻲ ﺍﻧﻪ ﻫﻴﺎﺧﺪﻧﻲ ﺑﺎﻟﺤﻀﻦ ﻭﻳﻘﻮﻟﻲ ﻣﺒﺮﻭﻙ ﻳﺎ ﺍﺑﻨﻲ؟؟؟
    ﺷﻮﻕ : ﻻ ﻫﺘﺤﺼﻞ ﻣﺸﺎﻛﻞ ﻛﺘﻴﺮ ﺑﺲ ﻫﻨﻮﺍﺟﻬﻬﺎ ﻭﺍﺣﺪﻩ ﻭﺍﺣﺪﻩ ﺍﺗﻜﻞ ﻋﻠﻲ ﺍﻟﻠﻪ ﻭﺭﺑﻨﺎ ﻫﻴﻮﻗﻒ ﺟﻨﺒﻚ
    ﻣﺤﻤﻮﺩ ﻛﻠﻢ ﺍﺑﻮﻩ ﻭﻗﺎﻣﺖ ﺍﻟﻘﻴﺎﻣﻪ ﻓﻲ ﺑﻴﺘﻬﻢ ﻭﺣﺼﻞ ﺍﻟﻠﻲ ﻛﺎﻥ ﻣﺘﻮﻗﻌﻪ ﻭﺍﺑﻮﻩ ﺭﻓﺾ ﺗﻤﺎﻣﺎ ﺍﻟﻔﻜﺮﻩ
    ﺷﻮﻕ ﺭﺍﺣﺖ ﻟﻌﻤﻬﺎ ﻭﻗﺎﻟﺘﻠﻪ ﺍﻧﻬﺎ ﻣﻮﺍﻓﻘﻪ ﻭﺍﻥ ﺍﻟﺸﺮﻉ ﻣﺤﻠﻠﻪ ﻓﻠﻴﻪ ﻧﺮﻓﺾ؟؟
    ﻋﻢ ﺍﺣﻤﺪ : ﺍﻧﺘﻲ ﻋﺎﻗﻠﻪ ﻭﻣﻮﺍﻓﻘﻪ ﺍﻥ ﺟﻮﺯﻙ ﻳﺘﺠﻮﺯ ﻋﻠﻴﻜﻲ؟؟
    ﺷﻮﻕ : ﺍﻳﻮﻩ ﻳﺎ ﻋﻤﻲ ... ﺍﻧﺎ ﻭﻣﺤﻤﻮﺩ ﺑﻨﺤﺐ ﺑﻌﻀﻨﺎ ﻣﻦ ﺻﻐﺮﻧﺎ ﺑﺲ ﻛﺄﺧﻮﺍﺕ ﻭﺩﻩ ﺍﻟﻠﻲ ﺍﻛﺘﺸﻔﻨﺎﻩ ﻟﻤﺎ ﺍﺗﺠﻮﺯﻧﺎ ﻭﺳﻤﻴﻪ ﺩﻱ ﻛﺎﻧﺖ ﺣﺒﻴﺒﺘﻪ ﻭﻇﺮﻭﻑ ﻛﺪﻩ ﻓﺮﻗﺘﻬﻢ ﻋﻦ ﺑﻌﺾ ﻭﺍﻟﻈﺮﻭﻑ ﺩﻱ ﺍﺗﺤﻠﺖ ﻭﺍﻻﻣﻮﺭ ﻭﺿﺤﺖ ﻭﻫﻤﺎ ﺑﻴﺤﺒﻮﺍ ﺑﻌﺾ ﻭﺍﻧﺎ ﺳﻌﺎﺩﻩ ﻣﺤﻤﻮﺩ ﺗﻬﻤﻨﻲ ﻓﻠﻴﻪ ﺑﻘﻲ ﻣﺎ ﻳﺘﺠﻮﺯﺵ ﺣﺒﻴﺒﺘﻪ؟؟ ﺍﻧﺖ ﺍﺑﻮﻩ ﻭﺍﻟﻤﻔﺮﻭﺽ ﺳﻌﺎﺩﻩ ﺍﺑﻨﻚ ﺗﻬﻤﻚ
    ﻋﻢ ﺍﺣﻤﺪ : ﻭﺍﻧﺘﻲ ﺑﻨﺖ ﺍﺧﻮﻳﺎ ﻭﺑﻨﺘﻲ ﻭﺍﻟﻠﻲ ﻣﺮﺿﻬﻮﺵ ﻋﻠﻲ ﺑﻨﺘﻲ ﻣﺎ ﺍﺭﺿﺎﻫﻮﺵ ﻟﻴﻜﻲ
    ﺷﻮﻕ : ﻭﺍﻧﺎ ﻳﺎ ﻋﻤﻲ ﻣﻮﺍﻓﻘﻪ ﻭﻣﺒﺴﻮﻃﻪ ﻛﻤﺎﻥ ... ﺍﻟﻠﻲ ﺍﻛﺘﺸﻔﺘﻪ ﺍﻧﻲ ﻓﻌﻼ ﺑﻨﺘﻚ ﻭﻣﺤﻤﻮﺩ ﺯﻱ ﺍﺧﻮﻳﺎ ﻣﺶ ﺑﻴﻨﺎ ﻳﺎ ﻋﻤﻲ ﺣﺐ ﺍﻻﺯﻭﺍﺝ ﻓﻠﻴﻪ ﻳﻀﻴﻊ ﻋﻤﺮﻩ ﻣﻊ ﻭﺍﺣﺪﻩ ﺯﻱ ﺍﺧﺘﻪ ﻭﻫﻮ ﺑﻴﺤﺐ ﺍﺻﻼ
    ﻋﻢ ﺍﺣﻤﺪ : ﻭﺭﻫﻒ؟؟ ﻣﻔﻜﺮﺗﻮﺵ ﻓﻴﻬﺎ؟
    ﺷﻮﻕ : ﻣﺎﻟﻬﺎ؟ ﻫﺘﻌﻴﺶ ﻓﻲ ﺑﻴﺖ ﻣﻠﻴﺎﻥ ﺣﺐ ﻭﺑﺪﺍﻝ ﻣﺎ ﻳﺒﻘﻲ ﻋﻨﺪﻫﺎ ﺍﻡ ﻭﺍﺣﺪﻩ ﻫﻴﺒﻘﻮﺍ ﺍﺗﻨﻴﻦ
    ﻋﻢ ﺍﺣﻤﺪ : ﻋﻠﻲ ﺭﺃﻱ ﺍﻟﻤﺜﻞ ﻣﺮﺍﺕ ﺍﺑﻮﻙ ﺑﺘﺤﺒﻚ ﻗﺎﻝ ﺗﺒﻘﻲ ﺍﺗﺠﻨﻨﺖ
    ﺷﻮﻕ : ﻟﻴﻪ ﺑﺲ؟؟ ﺍﻧﺎ ﻭﺳﻤﻴﻪ ﺍﺻﺤﺎﺏ ﻭﻣﺘﻔﺎﻫﻤﻴﻦ ﻭﻣﺘﻘﺒﻠﻴﻦ ﺍﻟﻮﺿﻊ ﺍﻭﻗﻒ ﺟﻨﺐ ﺍﺑﻨﻚ ﺍﻧﺖ ﻭﺳﺎﻋﺪﻩ
    ﻋﻢ ﺍﺣﻤﺪ : ﻭﺍﺑﻮﻛﻲ؟ ﻣﻌﻤﻠﺘﻴﺶ ﺣﺴﺎﺑﻪ؟؟
    ﺷﻮﻕ : ﻓﻲ ﺍﻻﺧﺮ ﻛﻠﻪ ﻫﻴﻘﺒﻞ ﺑﺲ ﺍﻧﺖ ﺍﻭﻗﻒ ﺟﻨﺐ ﻣﺤﻤﻮﺩ
    ﺍﻟﺪﻧﻴﺎ ﻛﻠﻬﺎ ﻗﺎﻳﻤﻪ ﻭﺍﻟﻜﻞ ﻣﻌﺘﺮﺽ ﻋﻠﻲ ﺍﻟﺠﻮﺍﺯﻩ ﻭﺧﺼﻮﺻﺎ ﺳﻤﻴﺤﻪ ﻣﺎﻣﺖ ﺷﻮﻕ
    ﺳﻴﺪ ﺍﺑﻮ ﺷﻮﻕ ﺍﻋﺘﺮﺍﺿﻪ ﻛﺎﻥ ﺧﻔﻴﻒ ﻭﺧﺼﻮﺻﺎ ﻟﻤﺎ ﻟﻘﻲ ﺑﻨﺘﻪ ﻣﻮﺍﻓﻘﻪ
    ﻭﺍﻗﺘﻨﻊ ﺑﻔﻜﺮﻩ ﺍﻥ ﺍﻟﺸﺮﻉ ﻣﺤﻠﻠﻪ ﺍﺭﺑﻌﻪ ﻓﻠﻴﻪ ﻳﺮﻓﻀﻮﺍ ﻃﺎﻟﻤﺎ ﺍﻻﻃﺮﺍﻑ ﻣﻮﺍﻓﻘﻪ
    ﺳﻤﻴﺤﻪ ﺭﺍﻓﻀﻪ ﺗﻤﺎﻣﺎ ﻓﻜﺮﻩ ﺩﺭﻩ ﻟﺒﻨﺘﻬﺎ
    ﺳﻤﻴﺤﻪ : ﻟﻤﺎ ﺍﻟﺴﻤﺎ ﺗﻨﻄﺒﻖ ﻋﻠﻲ ﺍﻻﺭﺽ ﻣﺶ ﻫﻮﺍﻓﻖ ... ﻭﺑﻌﺪﻳﻦ ﺩﻩ ﻣﺤﻤﻮﺩ ﻃﻠﻊ ﻧﺪﻝ ﻗﻮﻱ
    ﺷﻮﻕ : ﻣﺤﻤﻮﺩ ﺍﺑﻌﺪ ﻣﺎ ﻳﻜﻮﻥ ﻋﻦ ﺍﻟﻨﺪﺍﻟﻪ ... ﺍﻧﺘﻲ ﻣﺘﻌﺮﻓﻴﺶ ﻣﺤﻤﻮﺩ ﻋﻤﻞ ﻋﻠﺸﺎﻧﻲ ﺍﻳﻪ ﻭﺿﺤﻲ ﺑﺎﻳﻪ؟
    ﺳﻤﻴﺤﻪ : ﻫﻮ ﻋﺎﻣﻠﻚ ﻏﺴﻴﻞ ﻣﺦ ﻳﺎ ﺑﺖ ﻭﻻ ﺍﻳﻪ؟
    ﺷﻮﻕ : ﻣﺎﻣﺎ ﻣﺤﻤﻮﺩ ﻭﺍﻓﻖ ﻳﺘﺠﻮﺯﻧﻲ ﻋﻠﺸﺎﻥ ﻳﺤﻤﻴﻨﻲ ﻣﻦ ﺍﺑﻮﻳﺎ ﻭﺳﺎﺏ ﺣﺒﻴﺒﺘﻪ ﻋﻠﺸﺎﻧﻲ ﻭﺣﻤﺎﻧﻲ ﻣﻦ ﺍﻟﻔﻀﻴﺤﻪ ﻭﺭﺿﻲ ﻳﻜﺘﺐ ﺑﻨﺖ ﻣﺶ ﺑﻨﺘﻪ ﺑﺎﺳﻤﻪ ﻭﻓﻲ ﺍﻻﺧﺮ ﺟﺎﻳﻪ ﺗﻘﻮﻟﻲ ﻋﻠﻴﻪ ﻧﺪﻝ؟؟
    ﺳﻤﻴﺤﻪ ﻣﺶ ﻣﺼﺪﻗﻪ : ﺍﻧﺘﻲ ﺑﺘﻘﻮﻟﻲ ﺍﻳﻪ؟
    ﺷﻮﻕ : ﺑﻘﻮﻟﻚ ﺍﻥ ﺑﻨﺘﻲ ﺑﻨﺖ 9 ﺷﻬﻮﺭ ﻣﺶ 7 ﺭﻫﻒ ﻣﺶ ﺑﻨﺖ ﻣﺤﻤﻮﺩ
    ﺳﻤﻴﺤﻪ : ﻳﺎ ﻟﻬﻮﻭﻭﻱ ﻳﺎ ﻟﻬﻮﻭﻭﻱ
    ﻓﻀﻠﺖ ﺍﻣﻬﺎ ﺗﻠﻄﻢ ﻋﻠﻲ ﺧﺪﻭﺩﻫﺎ ﻭﺗﻘﻮﻝ ﻳﺎ ﻟﻬﻮﻭﻱ
    ﺷﻮﻕ : ﺍﻫﺪﻱ ﻳﺎ ﻣﺎﻣﺎ ﺑﻘﻲ
    ﺳﻤﻴﺤﻪ ﻗﺎﻣﺖ ﺗﻀﺮﺏ ﻓﻲ ﺑﻨﺘﻬﺎ ﺯﻱ ﺍﻟﻤﺠﻨﻮﻧﻪ ﻟﺤﺪ ﻣﺎ ﻫﺪﻳﺖ ﻣﺮﻩ ﻭﺍﺣﺪﻩ ﻭﻓﻀﻠﺖ ﺗﻌﻴﻂ
    ﺷﻮﻕ : ﺍﻧﺎ ﺍﺳﺘﺎﻫﻞ ﺍﻛﺘﺮ ﻣﻦ ﻛﺪﻩ ﺑﺲ ﻣﺤﻤﻮﺩ ﻋﻤﻞ ﺑﺎﺻﻠﻪ ﻟﻼﺧﺮ ﻭﺍﻓﻘﻲ ﺑﻘﻲ ﺍﻧﻪ ﻳﺘﺠﻮﺯ
    ﺳﻤﻴﺤﻪ : ﺍﻧﺘﻲ ﻣﺘﺨﻴﻠﻪ ﻟﻮ ﺍﺑﻮﻛﻲ ﻋﺮﻑ ﺍﻳﻪ ﺍﻟﻠﻲ ﻫﻴﻌﻤﻠﻪ؟
    ﺷﻮﻕ : ﺍﺑﻮﻳﺎ ﻣﺶ ﻫﻴﻌﺮﻑ
    ﺳﻤﻴﺤﻪ : ﻣﻴﻦ ﺍﺑﻮ ﺑﻨﺘﻚ؟؟
    ﺷﻮﻕ : ﺣﺎﺯﻡ
    ﺳﻤﻴﺤﻪ : ﺍﻟﻤﺸﻠﻮﻝ؟؟؟ ﺍﻟﻤﺸﻠﻮﻝ ﻳﺎ ﺷﻮﻕ ... ﻳﻌﻨﻲ ﺍﻧﺘﻲ ﺍﻟﻠﻲ ﺭﺣﺘﻴﻠﻪ ﻫﻮ ﻣﺎ ﻏﺼﺒﻜﻴﺶ ... ﻟﻴﻪ ﻛﺪﻩ؟ ﻛﻨﺘﻲ ﺑﺘﻔﻜﺮﻱ ﺍﺯﺍﻱ؟؟
    ﺷﻮﻕ : ﻛﺎﻥ ﻓﺎﻗﺪ ﺛﻘﺘﻪ ﺑﻨﻔﺴﻪ ﻭﺍﻧﺎ ﺣﺒﻴﺖ
    ﺳﻤﻴﺤﻪ : ﺣﺒﻴﺘﻲ ﺍﻳﻪ؟ ﺗﺮﺟﻌﻴﻠﻲ ﺛﻘﺘﻪ ﺑﻨﻔﺴﻪ؟؟ ﻗﺎﻟﻚ ﻛﻠﻤﺘﻴﻦ ﻳﻀﺤﻚ ﻋﻠﻴﻜﻲ ﺑﻴﻬﻢ ﺻﺪﻗﺘﻴﻪ ﻭﺳﻠﻤﺘﻴﻠﻪ ﻧﻔﺴﻚ ..
    ﻳﺎﻏﺒﻴﻪ ﻳﺎ ﻣﺘﺨﻠﻔﻪ .... ﻫﻮ ﻓﻲ ﺭﺍﺟﻞ ﻳﺤﺐ ﻭﺍﺣﺪﻩ ﻳﻌﻤﻞ ﻓﻴﻬﺎ ﻛﺪﻩ؟ ﺍﻟﻠﻲ ﺑﻴﺤﺐ ﻭﺍﺣﺪﻩ ﺑﻴﺨﺎﻑ ﻋﻠﻴﻬﺎ ﻭﻳﺤﻤﻴﻬﺎ ﻣﻦ ﻧﻔﺴﻪ ﻗﺒﻞ ﺍﻟﻨﺎﺱ ﺩﻩ ﺍﻟﻠﻲ ﺑﻴﺤﺐ
    ﺷﻮﻕ : ﻋﺎﺭﻓﻪ ﻋﺎﺭﻓﻪ ﻋﺎﺭﻓﻪ ... ﻛﻞ ﻭﺍﺣﺪ ﻳﺠﻲ ﻳﻘﻮﻟﻲ ﻧﻔﺲ ﺍﻟﻜﻠﻤﻪ ﺩﻱ
    ﺳﻤﻴﺤﻪ : ﻻﻥ ﺩﻩ ﺍﻟﺼﺢ ... ﻓﻴﻦ ﺩﻳﻨﻚ؟؟ ﻓﻴﻦ ﺗﺮﺑﻴﺘﻚ؟؟ ﻓﻴﻦ ﻋﺰﻩ ﻧﻔﺴﻚ؟؟ ﻟﻴﻪ ﻓﺮﻃﺘﻲ ﻓﻲ ﻛﻞ ﺩﻩ؟ ﻭﻋﻠﺸﺎﻥ ﺧﺎﻃﺮ ﻣﻴﻦ؟؟ ﺍﻫﻮ ﺭﻣﺎﻛﻲ ﻭﻣﺸﻲ ﻭﺍﻣﻪ ﺭﻣﺘﻚ ﺑﺮﻩ ﺯﻱ ﺍﻟﻜﻼﺏ ... ﺍﺧﺪﺗﻲ ﺍﻳﻪ؟
    ﺷﻮﻕ : ﺍﻣﻲ ﻛﻔﺎﻳﻪ ﺑﻘﻲ
    ﺳﻤﻴﺤﻪ : ﻛﻔﺎﻳﻪ ﺍﻳﻪ؟ ﻭﺯﻓﺖ ﺍﻳﻪ؟ ﺑﻘﻲ ﺩﻱ ﺍﺧﺮﺕ ﺗﺮﺑﻴﺘﻲ ﻓﻴﻜﻲ ﻭﺗﻌﺒﻲ ﻭﺷﻘﺎﻱ ... ﺗﻀﻴﻌﻲ ﻋﻤﺮﻙ 










    ﻛﻠﻪ ﻛﺪﻩ؟
    ﺭﺑﻨﺎ ﻳﺴﺎﻣﺤﻚ ﻳﺎ ﺷﻮﻕ ﻣﺶ ﻫﻘﻮﻟﻚ ﻏﻴﺮ ﻛﺪﻩ ﺭﺑﻨﺎ ﻳﺴﺎﻣﺤﻚ
    ﻭﺍﺧﻴﺮﺍ ﺍﻟﻜﻞ ﺍﻗﺘﻨﻊ ﻭﺗﻢ ﻓﺮﺡ ﻣﺤﻤﻮﺩ ﻭﺳﻤﻴﻪ
    ﺍﻟﻔﺮﺡ ﻛﺎﻥ ﻏﺮﻳﺐ ﻻﻥ ﻓﻲ ﺍﻟﻔﺮﺣﺎﻥ ﻣﻦ ﻗﻠﺒﻪ ﻭﻓﻲ ﺍﻟﻠﻲ ﻣﺶ ﻋﺎﻳﺰ ﻳﻈﻬﺮ ﻓﺮﺣﺘﻪ ﻭﻓﻲ ﺍﻟﻠﻲ ﺯﻋﻼﻥ
    ﻛﻞ ﻭﺍﺣﺪ ﺟﻮﺍﻩ ﺣﺎﺟﻪ ﻣﺨﺘﻠﻔﻪ
    ﺷﻮﻕ ﺭﺍﺣﺖ ﻟﺒﻴﺖ ﺍﺑﻮﻫﺎ ﻛﺎﻡ ﻳﻮﻡ ﻋﻠﺸﺎﻥ ﺗﺴﻴﺐ ﺍﻟﻌﺮﺳﺎﻥ ﺑﺮﺍﺣﺘﻬﻢ .... ﻭﺍﻟﻜﻞ ﻣﺴﺘﻐﺮﺏ ﻣﻦ ﻓﺮﺣﺘﻬﺎ ﺍﻭ ﺑﻴﺴﻤﻮﻩ ﺑﺮﻭﺩﻫﺎ ....
    ﺑﺘﻌﺪﻱ ﺍﻻﻳﺎﻡ ﻭﺷﻮﻕ ﺑﺘﺤﺎﻭﻝ ﺗﻜﻮﻥ ﻣﺨﺘﻔﻴﻪ ﻓﻲ ﺑﻴﺖ ﻣﺤﻤﻮﺩ ﻭﺗﺴﻴﺒﻬﻢ ﻟﻮﺣﺪﻫﻢ ﻭﺗﻘﻔﻞ ﺑﺎﺏ ﺍﻭﺿﺘﻬﺎ ﻋﻠﻴﻬﺎ
    ﺳﻤﻴﻪ ﻭﺷﻮﻕ ﻣﺘﻔﺎﻫﻤﻴﻦ ﺟﺪﺍ ﻻﻥ ﺳﻤﻴﻪ ﺷﺎﻓﺖ ﺷﻮﻕ ﻓﻌﻼ ﺍﺧﺖ ﻟﻴﻬﺎ ﻭﻟﺠﻮﺯﻫﺎ
    ﺑﺲ ﺍﻻﻳﺎﻡ ﻣﺎ ﺑﺘﻔﻀﻠﺶ ﻛﺪﻩ ﻋﻠﻲ ﻃﻮﻝ
    ﺳﻤﻴﻪ ﺣﻤﻠﺖ ﻭﻛﺎﻧﺖ ﺣﺎﻣﻞ ﻓﻲ ﺗﻮﺃﻡ ﻭﺩﻩ ﻓﺮﺡ ﻛﺘﻴﺮ ﻭﺯﻋﻞ ﺍﻛﺘﺮ
    ﺷﻮﻕ ﺧﺪﻣﺖ ﺳﻤﻴﻪ ﺟﺎﻣﺪ ﺑﺲ ﺍﻟﻤﺸﻜﻠﻪ ﻛﺎﻧﺖ ﻓﻲ ﺍﻟﺤﻤﻮﺍﺕ
    ﺍﻡ ﺳﻤﻴﻪ ﻭﺍﻡ ﺷﻮﻕ ﻛﺎﻧﻮﺍ ﻋﻠﻲ ﻃﻮﻝ ﻳﺘﺼﺎﺩﻣﻮﺍ ﻣﻊ ﺑﻌﺾ
    ﺍﺧﻴﺮﺍ ﺳﻤﻴﻪ ﻭﻟﺪﺕ ﻭﺟﺎﺑﺖ ﻭﻟﺪ ﻭﺑﻨﺖ ﻭﺳﻤﻮﻫﻢ ﻣﻠﻚ ﻭﻋﻤﺮ
    ﻭﻛﺎﻧﻮﺍ ﻓﺮﺣﻪ ﻣﺤﻤﻮﺩ ﻭﺳﻤﻴﻪ
    ﻭﻓﻲ ﻣﺮﻩ ﻛﺎﻧﺖ ﺍﻟﻌﻴﻠﺘﻴﻦ ﻣﻌﺰﻭﻣﻴﻦ ﻓﻲ ﺑﻴﺖ ﻋﻢ ﺳﻴﺪ ﺍﺑﻮ ﺷﻮﻕ ﻭﻛﺎﻧﺖ ﺍﻟﺸﻘﻪ ﻣﺰﺣﻮﻣﻪ
    ﺳﻴﺪ : ﺍﻟﻮﺿﻊ ﻛﺪﻩ ﻳﺎ ﻣﺤﻤﻮﺩ ﻣﺶ ﻫﻴﻨﻔﻊ ﺍﻧﺖ ﺗﺠﻴﺒﻠﻚ ﺷﻘﻪ ﻛﻤﺎﻥ ﻟﺒﻨﺘﻲ ﺍﺫﺍ ﻛﺎﻥ ﺑﻴﺘﻨﺎ ﻭﻛﺒﻴﺮ ﻭﺯﺣﻤﻪ ﺍﻣﺎﻝ ﺷﻘﺘﻚ ﺍﻟﺼﻐﻴﺮﻩ ﺑﺘﻌﻤﻞ ﻓﻴﻬﺎ ﺍﻳﻪ؟
    ﺍﻟﻜﻞ ﺍﺗﺼﺪﻡ ﺑﺠﻤﻠﺘﻪ ﺩﻱ
    ﺷﻮﻕ : ﺑﺲ ﺍﻧﺎ ﻣﺶ ﻋﺎﻳﺰﻩ ﺷﻘﻪ ﺗﺎﻧﻴﻪ
    ﺳﻴﺪ : ﺍﺳﻜﺘﻲ ﺍﻧﺘﻲ، ... ﺩﻟﻮﻗﺘﻲ ﺍﻧﺘﻲ ﻣﻌﺎﻛﻲ ﺑﻨﺘﻚ ﻭﻫﻮ ﻣﻌﺎﻩ ﺗﺆﺍﻡ ﻭﺍﻧﺘﻲ ﺍﺗﻨﺎﺯﻟﺘﻲ ﻭﻭﺍﻓﻘﺘﻲ ﺍﻧﻪ ﻳﺘﺠﻮﺯ ﻋﻠﻴﻜﻲ ﻟﻜﻦ ﺍﻛﺘﺮ ﻣﻦ ﻛﺪﻩ ﻣﺶ ﻫﻴﻨﻔﻊ
    ﺷﻘﺘﻜﻢ ﺍﻭﺿﺘﻴﻦ ﺍﻭﺿﻪ ﺍﻧﺘﻲ ﻓﻴﻬﺎ ﺍﻧﺘﻲ ﻭﺑﻨﺘﻚ ﻭﺍﻭﺿﻪ ﻫﻤﺎ ﺍﻻﺭﺑﻌﻪ ﻓﻴﻬﺎ
    ﺗﻘﺪﺭﻱ ﺗﻘﻮﻟﻴﻠﻲ ﻟﻤﺎ ﻳﻜﺒﺮﻭﺍ ﺑﻌﺪﻛﺎﻡ ﺷﻬﺮ ﻫﺘﻌﻤﻠﻮﺍ ﺍﻳﻪ؟
    ﺍﻟﻮﺿﻊ ﻛﺪﻩ ﻣﺎ ﻳﻨﻔﻌﺶ
    ﺍﺣﻤﺪ : ﻓﻌﻼ ﻋﻨﺪﻙ ﺣﻖ ﻭﺩﻩ ﺣﻖ ﺑﻨﺘﻚ ﻳﺎ ﺍﺧﻮﻳﺎ ... ﻣﺤﻤﻮﺩ ﺍﻧﺎ ﻫﺴﺎﻋﺪﻙ ﺑﻜﻞ ﺍﻟﻠﻲ ﺍﻗﺪﺭ ﻋﻠﻴﻪ ﻭﺗﺠﻴﺐ ﻛﻞ ﺍﻟﻠﻲ ﻣﻌﺎﻙ ﻭﺗﺸﺘﺮﻱ ﻟﺒﻨﺖ ﻋﻤﻚ ﺷﻘﻪ ﺗﻠﻴﻖ ﺑﻴﻬﺎ ﺗﻘﻌﺪ ﻓﻴﻬﺎ ﻫﻴﺎ ﻭﺑﻨﺘﻬﺎ
    ﻣﺤﻤﻮﺩ : ﺭﺑﻨﺎ ﻳﺴﻬﻞ ﻳﺎ ﺑﺎﺑﺎ
    ﺳﻴﺪ : ﺍﺑﻨﻚ ﺑﻴﺎﺧﺪﻧﺎ ﻋﻠﻲ ﻗﺪ ﻋﻘﻠﻨﺎ ﻳﺎ ﺍﺣﻤﺪ
    ﺍﺣﻤﺪ : ﻻ ﻳﺎ ﺳﻴﺪ ﻷ ﻣﺤﻤﻮﺩ ﺭﺍﺟﻞ ﻭﻃﺎﻟﻤﺎ ﻗﺪﺭ ﻳﺘﺠﻮﺯ ﺗﺎﻧﻲ ﻳﺒﻘﻲ ﻳﺘﺤﻤﻞ ﻧﺘﻴﺠﻪ ﻗﺮﺍﺭﻩ ﻭﻳﻔﺘﺢ ﺑﻴﺘﻴﻦ ﺣﺘﻲ ﻟﻮ ﻟﻮ ﻫﻴﺸﺘﻐﻞ ﺍﻟﺼﺒﺢ ﻭﺑﻌﺪ ﺍﻟﻈﻬﺮ ﺍﻭ ﻳﻄﻠﻊ ﻳﻮﻣﻪ ﻛﻠﻪ ﺑﺮﻩ
    ﺍﻟﻠﻲ ﻳﺎﺧﺪ ﻗﺮﺍﺭ ﻳﺒﻘﻲ ﻗﺪﻩ ﻭﻳﺘﺤﻤﻠﻪ ﻟﻼﺧﺮ
    ﻣﺤﻤﻮﺩ : ﺣﺎﺿﺮ ﻳﺎﺑﺎ ﻫﺸﻮﻑ ﺷﻐﻞ ﺗﺎﻧﻲ ﺣﺎﺿﺮ ﻳﺎ ﻋﻤﻲ ﻫﺤﺎﻭﻝ ﺍﺩﻭﺭ ﻋﻠﻲ ﺷﻘﻪ
    ﺍﻡ ﺳﻤﻴﻪ : ﺍﻫﻮ ﺩﻩ ﺍﻟﻠﻲ ﻛﻨﺖ ﺧﺎﻳﻔﻪ ﻣﻨﻪ .... ﺍﻧﻬﻢ ﻳﺸﺄﻃﻮﻙ ﻟﺒﻌﺾ ﻭﺍﻧﺖ ﻣﺎ ﺗﻘﺪﺭﺵ ﺣﺘﻲ ﺗﻔﺘﺢ ﺑﻮﻗﻚ ﻭﺍﻧﺎ ﺍﻟﻤﻔﺮﻭﺽ ﺍﻧﺎ ﻭﺑﻨﺘﻲ ﺍﺣﻂ ﺟﺰﻣﻪ ﻓﻲ ﺑﻮﻗﻲ ﻭﺍﺳﻜﺖ ... ﻣﺶ ﻛﻔﺎﻳﻪ ﻛﻞ ﺍﻟﻠﻲ ﻋﻤﻠﺘﻪ ﻻ ﻛﻤﺎﻥ ﺗﺎﺧﺪﻟﻬﺎ ﺷﻘﻪ ﻻ ﻛﺪﻩ ﻛﺘﻴﺮ ﻗﻮﻱ
    ﻣﺤﻤﻮﺩ : ﺣﻤﺎﺗﻲ ﺍﻫﺪﻱ ﻟﻮ ﺳﻤﺤﺘﻲ
    ﺳﻴﺪ : ﺍﻧﺘﻲ ﻳﺎ ﻭﻟﻴﻪ ﺭﺿﻴﺘﻲ ﺑﻨﺘﻚ ﺗﺘﺠﻮﺯ ﻭﺍﺣﺪ ﻣﺘﺠﻮﺯ ﻭﻣﺨﻠﻒ ﺍﺣﻤﺪﻱ ﺭﺑﻨﺎ ﻭﺍﺳﻜﺘﻲ ﻛﻤﺎﻥ ﺟﺎﻳﻪ ﺗﺘﻄﻮﻟﻲ ﻟﺴﺎﻧﻚ
    ﺍﻣﻬﺎ : ﺍﻧﺎ ﺍﻟﻠﻲ ﺍﺣﻤﺪ ﺭﺑﻨﺎ
    ﺳﻤﻴﻪ : ﻣﺎﻣﺎ ﺍﻫﺪﻱ ﻟﻮ ﺳﻤﺤﺘﻲ
    ﺍﻣﻬﺎ : ﺍﻫﺪﻱ ﻟﻴﻪ؟ ﺑﻜﺮﻩ ﻋﻴﺎﻟﻚ ﺩﻭﻝ ﻳﻜﺒﺮﻭﺍ ﻭﻣﺤﺘﺎﺟﻴﻦ ﻟﻜﻞ ﻗﺮﺵ ﺍﺑﻮﻫﻢ ﺑﻴﻘﺒﻀﻮﺍ ﻟﻜﻦ ﺗﻴﺠﻲ ﺍﻟﻬﺎﻧﻢ ﺗﺸﺎﺭﻛﻚ ﻓﻴﻪ
    ﺳﻴﺪ : ﺗﺼﺪﻗﻲ ﺍﻟﻮﺍﺣﺪ ﻛﺎﻥ ﻏﻠﻄﺎﻥ ﺍﻧﻪ ﻭﺍﻓﻖ ﺍﻧﻪ ﻳﺘﺠﻮﺯ ﻃﺎﻟﻤﺎ ﺍﻧﺘﻮ ﻗﻼﻳﻞ ﺍﻻﺻﻞ ﻛﺪﻩ
    ﺳﻤﻴﺤﻪ : ﺍﻫﺪﻱ ﻳﺎ ﺳﻴﺪ
    ﺳﻴﺪ : ﻻ ﻣﺶ ﻫﻬﺪﻱ ﻭﺍﻧﺖ ﻳﺎ ﺍﺣﻤﺪ ﻣﺎ ﺗﺸﻮﻓﻠﻚ ﺣﻞ ﻭﻻ ﻋﺎﺟﺒﻚ ﻛﻼﻡ ﺣﻤﺎﻩ ﺍﺑﻨﻚ
    ﺍﺣﻤﺪ : ﻻ ﻣﺶ ﻋﺎﺟﺒﻨﻲ ﻳﺎ ﺍﻡ ﺳﻤﻴﻪ ﺍﻧﺘﻲ ﻭﺍﻓﻘﺘﻲ ﺗﺠﻮﺯﻱ ﺑﻨﺘﻚ ﻟﻮﺍﺣﺪ ﻣﺘﺠﻮﺯ ﻭﻋﻨﺪﻩ ﺑﻨﺖ ﻭﺩﻟﻮﻗﺘﻲ ﺟﺎﻳﻪ ﺗﻨﻜﺮﻱ ﺣﻘﻮﻗﻬﺎ ﻻ ﺩﻱ ﻣﺶ ﺍﺻﻮﻝ
    ﺍﻡ ﺳﻤﻴﻪ : ﻻ ﺍﺻﻮﻝ ﻭﻧﺺ ﻭﻛﻔﺎﻳﻪ ﺑﻘﻲ ﺍﻧﻪ ﻣﺨﻠﻴﻬﺎ ﻓﻲ ﺑﻴﺘﻪ ﻭﺑﻴﺮﺑﻲ ﺑﻨﺖ ﻣﺶ ﺑﻨﺘﻪ ﻭﺳﺘﺮ ﻋﺮﺿﻬﺎ ﻭﺣﻤﺎﻛﻢ ﻣﻦ ﺍﻟﻔﻀﻴﺤﻪ ﻟﻜﻦ ﺗﻴﺠﻮﺍ ﻋﻠﻲ ﺑﻨﺘﻲ ﻓﻸ ﻭﺍﻟﻒ ﻷ ﺩﻩ ﻣﺶ ﻫﺴﻤﺢ ﺑﻴﻪ ﺍﺑﺪﺍ
    ﺍﻟﻜﻞ ﺳﻜﺖ ﺗﻤﺎﻣﺎ ﻭﻣﺤﺪﺵ ﻣﺴﺘﻮﻋﺐ ﻫﻴﺎ ﻗﺎﻟﺖ ﺍﻳﻪ؟
    ﺷﻮﻕ ﺑﺘﺒﺺ ﻻﺑﻮﻫﺎ ﻭﺍﻟﻜﻞ ﺑﻴﺒﺺ ﻟﺒﻌﺾ ﻭﻣﺤﺪﺵ ﻋﺎﺭﻑ ﺍﻳﻪ ﺍﻟﻠﻲ ﻫﻴﺤﺼﻞ ﻓﻲ ﺍﻟﺪﻗﺎﻳﻖ ﺍﻟﺠﺎﻳﻪ ﺩﻱ
    ﺳﻴﺪ : ﺑﻨﺖ ﻣﺶ ﺑﻨﺘﻪ؟؟ ﻭﺳﺘﺮ ﻋﺮﺿﻬﺎ؟؟ ﺍﻧﺘﻲ ﺍﺗﺠﻨﻨﺘﻲ ﻳﺎ ﻭﻟﻴﻪ ﺍﻧﺘﻲ ﻭﻻ ﺍﻳﻪ؟ ﻗﺴﻤﺎ ﺑﺎﻟﻠﻪ ﺍﻧﺎ ﺍﻗﺘﻠﻚ ﻣﻜﺎﻧﻚ ﻫﻨﺎ؟
    ﻣﺤﻤﻮﺩ : ﻋﻤﻲ ﺍﻫﺪﻱ ﻭﺍﻧﺘﻲ ﻳﺎ ﺣﻤﺎﺗﻲ ﺍﺳﻜﺘﻲ ﺑﻘﻲ ﻭﺍﺗﻔﻀﻠﻲ ﺩﻟﻮﻗﺘﻲ
    ﺳﻤﻴﻪ : ﻣﺎﻣﺎ ﻛﻔﺎﻳﻪ ﺑﻘﻲ ﺍﺳﻜﺘﻲ
    ﺳﻴﺪ : ﻻ ﺗﺴﻜﺖ ﻟﻴﻪ؟ ﻫﻴﺎ ﺗﺮﻣﻲ ﺑﻨﺎﺕ ﺍﻟﻨﺎﺱ ﺑﺎﻟﺒﺎﻃﻞ ﻭﺑﺲ .. ﻗﺴﻤﺎ ﺑﺎﻟﻠﻪ ﻟﻮﻻ ﺍﻧﻚ ﺳﺖ ﻛﺒﻴﺮﻩ ﻟﻜﻨﺖ ﺭﺑﻴﺘﻚ ﻣﻦ ﺍﻻﻭﻝ ﻭﺟﺪﻳﺪ
    ﺍﻡ ﺳﻤﻴﻪ : ﻟﻤﺎ ﺗﺮﺑﻲ ﺑﻨﺘﻚ ﺍﻻﻭﻝ ﺍﺑﻘﻲ ﺗﻌﺎﻝ ﺭﺑﻴﻨﻲ
    ﺳﻴﺪ ﺭﺍﻳﺢ ﻧﺎﺣﻴﻪ ﺍﻟﺴﺖ ﻭﻫﻴﻤﺪ ﺍﻳﺪﻩ ﻋﻠﻴﻬﺎ
    ﺳﻴﺪ : ﺍﺧﺮﺳﻲ ﻳﺎ ﻭﻟﻴﻪ
    ﻣﺤﻤﻮﺩ ﻭﻗﻒ ﻓﻲ ﻭﺵ ﻋﻤﻪ ﻭﻣﺴﻚ ﺍﻳﺪﻩ
    ﻭﺍﻟﻜﻞ ﻫﻴﻤﺴﻚ ﻓﻲ ﺧﻨﺎﻕ ﺑﻌﺾ
    ﺳﻴﺪ : ﺑﺖ ﻳﺎ ﺷﻮﻕ ﺭﺩﻱ ﻋﻠﻲ ﺍﻟﻮﻟﻴﻪ ﺩﻱ ﻭﺍﺧﺮﺳﻴﻬﺎ
    ﺭﺩﻱ ﻗﻮﻟﻴﻠﻬﺎ ﺍﻧﻚ ﺍﺷﺮﻑ ﻣﻦ ﺍﻟﺸﺮﻑ ﻭﺍﻥ ﺩﻱ ﺑﻨﺖ ﻣﺤﻤﻮﺩ
    ﺷﻮﻕ ﺑﺼﺖ ﻟﻼﺭﺽ ﻭﻋﻴﻄﺖ ﻭﺳﻜﺘﺖ
    ﺳﻴﺪ : ﺍﻧﺘﻲ ﻳﺎ ﺑﺖ ﺭﺩﻱ
    ﺍﻡ ﺳﻤﻴﻪ : ﺗﺮﺩ ﺗﻘﻮﻝ ﺍﻳﻪ؟ ﻣﺎﻫﻮ ﺍﻟﺠﻮﺍﺏ ﺑﻴﺒﺎﻥ ﻣﻦ ﻋﻨﻮﺍﻧﻪ ﺍﻣﺎﻝ ﺍﻧﺎ ﻟﻴﻪ ﻭﺍﻓﻘﺖ ﺍﻥ ﺑﻨﺘﻲ ﺗﺘﺠﻮﺯﻩ ... ﻻﻧﻪ ﻭﻋﺪﻧﻲ ﺍﻧﻲ ﺑﻨﺘﻲ ﺑﺲ ﺍﻟﻠﻲ ﻟﻴﻬﺎ ﺣﻘﻮﻕ ﻋﻠﻴﻪ ﻭﺍﻥ ﺷﻮﻕ ﺍﺧﺘﻪ ﻭﺑﺲ ﻭﺍﻧﻪ ﺟﻮﺍﺯﻫﻢ ﻛﺎﻥ ﻋﻠﺸﺎﻥ ﻳﺴﺘﺮﻫﺎ ﻭﻳﺤﻤﻴﻬﺎ ﻣﻦ ﺍﻟﻔﻀﻴﺤﻪ ﻟﻜﻦ ﺩﻟﻮﻗﺘﻲ ﺑﻘﻲ ﺧﻼﺹ ﻛﺪﻩ ﻛﻔﺎﻳﻪ
    ﺍﻟﻨﺎﺱ ﻭﻋﺮﻓﻮﺍ ﺍﻧﻬﻢ ﻣﺘﺠﻮﺯﻳﻦ ﻭﺍﻥ ﺩﻱ ﺑﻨﺘﻪ ﻭﺍﻫﻮ ﻛﺘﺒﻬﺎ ﺑﺎﺳﻤﻪ ﻳﺒﻘﻲ ﺧﻼﺹ ﺑﻘﻲ ﻳﻄﻠﻘﻮﺍ ﻭﻛﺪﻩ ﻫﻮ ﻋﺪﺍﻩ ﺍﻟﻌﻴﺐ ﻭﻋﻤﻞ ﺑﺎﺻﻠﻪ ﻟﻼﺧﺮ ﻣﻊ ﺑﻨﺖ ﻋﻤﻪ ﻭﻳﺸﻮﻑ ﺑﻘﻲ ﻋﻴﺎﻟﻪ ﻭﺑﻴﺘﻪ ﻭﻣﺮﺍﺗﻪ
    ﺳﻴﺪ : ﺍﻧﺘﻲ ﻛﺪﺍﺑﻪ .. ﻣﺤﻤﻮﺩ ﺭﺩ ﻋﻠﻲ ﺣﻤﺎﺗﻚ
    ﻣﺤﻤﻮﺩ ﺳﻜﺖ ﻭﺑﺺ ﻟﻼﺭﺽ
    ﺷﻮﻕ : ﻻ ﻳﺎ ﺑﺎﺑﺎ ﻣﺶ ﻛﺪﺍﺑﻪ ﻛﻞ ﻛﻠﻤﻪ ﻧﻄﻘﺘﻬﺎ ﺻﺢ
    ﺳﻴﺪ ...

    إرسال تعليق