-->

رواية ليلة زفاف الفصل الثالث

رواية ليلة زفاف الفصل الثالث


     الفصل الثالث


    ماهر:ليه يا مرام..ليه عملتي كده...ليه قررتي تتجوزيه وتسيبيني
    مرام:هكون مرتاحة معاه هو
    ماهر:بتحبيه؟
    -قلتلك قبل كده ان الحب اخر اولوياتي
    -امال ع اي اساس متخيلة انه علاقتكم هتنجح؟
    -انا وهو متقاربين ..نفس المستوى المادي والاجتماعي ...وبحترمه وبثق فيه
    اكملت مرام بنبرة حزينة: الاحترام والثقة اهم بكتير من الحب ...لو اتكسروا مش هيتصلحوا تاني
    ماهر:قصدك اني كسرت احترامك وثقتك؟
    -انت شايف انك كسرتهم؟
    -مرام بلاش الطريقة دي ...بلاش تلعبي معايا
    -مين فينا اللي بيلعب ع التاني ؟
    -لو عملت حاجة واجهيني...عاتبيني يا ستي ..لكن تفضلي ساكتة وانا افضل افكر انا عملت ايه انا ايه اللي هببته....مانا اكيد مش هعرف
    -لا رد



    -وبالمناسبة ان كنا بنلعب ع بعض ف اللعبة دي انتي اللي ابتديها
    Flashback
    في كافيه قريب من المشفى يجلس مرام وماهر ويحتسي كلا منهما قهوته
    مرام:ايه مالك ؟
    ماهر:مش عارف ...المفروض افرح لإنك اخيرا حنيتي عليا وقبلتي اني اعزمك ع القهوة...ولا اقلق..لتكوني محضرة لي حاجة
    مرام:شغل التحضير واللف و الدوران سيباهولك انت ...انا لما بعوز حاجة باخدها من غير لف ولا دوران
    ماهر(بضحكة استهزاء):تمام...ايه بقى اللي انتي عاوزاه
    مرام:انت اللي عاوز...وانا قررت اديك اللي انت عاوزه...بس بمزاجي
    ماهر:بمعنى
    مرام:انت شايفني تارجت...وانا معنديش مانع اكون كده...اللعبة لعبتك...بس قواعد اللعبة انا اللي ححددها
    -واللي هي ؟
    -مفيش وعود ...مفيش إلتزامات .....مفيش علاقة هتم بينا....مفيش رابط هيجمعنا فيوم من الايام
    -امال هنعمل ايه
    -نفس اللعبة اللي بتلعبها مع كل تارجت لطيفة بتحطها فدماغك...خروجات ...فسح ....كلام حلو....ملاغية....نتعرف ع بعض...نحب بعض...او بالأحرى نعمل نفسنا بنحب بعض
    يقترب ماهر منها ويسند ساعده ع الطاولة ويقول مبتسما:عاوزة ترضي غرورك
    تبتسم مرام وتقترب منه هي الاخرى :وانت عاوز فرصة عشان تقرب مني
    -واللي يخرج عن قواعد اللعبة ؟
    تعود مرام بظهرها للخلف وترتشف قهوتها وتقول :ساعتها اللعبة تنتهي
    -نصيحة ليكي بلاش الحماس والغرور ياخدك لحتة متعرفيش ترجعي منها....اللعبة دي جديدة عليكي وانا عندي خبرة اكتر منك
    -في اللعب او حتى ف الحياة الواقعية...لازم تعرف طبيعة خصمك...سواء لعبة جديدة او قديمة...لازم تعرف اني متعودتش اخسر
    يعود ماهر بظهره للخلف قائلا:يبقى استعدي...لإن من هنا ورايح كل عاداتك هتتغير
    -هنشوف...اوعدك هكون تارجت مميز..عمرك ما هتقدر تنساه
    -من غير ما تقولي...انا عارف



    -طب ابتدي انا؟
    -لأ إستني....ده انا مزاكرك صم وواخد فيكي إمتياز كمان
    -(بإنبهار مصطنع) اوه...احب اسمع
    -(يقول بثقة)مرام حازم صلاح الجبالي ...نجلة رجل الاعمال المشهور حازم الجبالي....٢٧سنة....بكالريوس نسا وتوليد طب عين شمس....ماجستير من جامعة سانت إليزابيث ف كاليفورنيا...مفيش مجال للغلط ف حياتك...تحبي تكوني مثالية ف اي حاجة بتعمليها....الشغل هو اولويتك الاولى....اما الحب
    -تقاطعه مرام:وهم...الحب وهم...سراب...كل الناس بتجري عليه وسط الصحرا وقليلين اللي يلاقوه....انا لما احب اجري مجريش ورا سراب...اجري ورا الحقيقة............خلينا بقى فيك....احكي عن نفسك ؟
    -ماهر محمد سيد بدوي ....٣٢ سنة ...ماجستير طب نفسي جامعة القاهرة....واضح جدا من شكلي ان البنات بتموت فيا
    -ثقة ولا غرور
    -تؤ...تقدير نفس
    تنظر مرام لماهر وتقيمه.....على قدر كافي من الوسامة بالفعل ...ابيض البشرة ....شعره بني طويل نسبيا بالنسبة لرجل....يحافظ ع لياقته
    -اممممم مش ببص للحياة بنفس نظرتك..مفيش حد مثالي ....ومفيش حد مبيغلطش ....الحب مش سراب زي ما انتي فاكرة .....بتحبي والدك والدتك ؟
    -طبعا
    -بس انتي لسه قايلة ان الحب وهم وانه ملوش وجود
    -انا بتكلم عن حب تاني...غير حب الاهل
    -الحب مفيهوش انواع....الحب حب ....الحب هو الحاجة اللي ربنا حطها في قلوبنا
    الحاجة اللي بتحلي علاقاتنا وروابطنا ...وبدونها العلاقات هتبقى مجرد تبادل منفعة مش اكتر وحقوق وواجبات ع كل طرف وساعتها ومع الوقت العيشة هتبقى مستحيلة
    -اول بوينت ليك
    -مش كده برضه ولا ايه
    يكملا إحتساء القهوة و يتطلع كلا منهما بإعجاب للأخر
    Back.


    مرام:أديك بنفسك قلت...لعبة...وانت خرجت عن قواعد اللعبة ...بالتالي كان لازم اللعبة تنتهي
    -لا يا مرام...يمكن انتي اللي ابتديتي اللعبة بس ان كان في حد حينهيها فهو انا مش حد تاني ...ويإما النهاية ترضينا احنا الاتنين ...يإما عليا وعلى غيري
    -يا نهار اسود الساعة بقت ٧
    -اه الساعة بقت ٧
    -هتأخر ع الفرح
    -وإيه المشكلة...انتي رايحة تتجوزي ولا تستقبلي المعازيم
    -يخربيت اليوم اللي عرفتك فيه
    -شكرا
    -انت سايق كده ورايح ع فين......يا نهار اسود....احنا ف الصحراوي
    -(بضحك)اه...ايه رأيك
    بعد ثواني بدأت العربية تتعطل حتى توقفت ...نزل ماهر ومرام من العربية ليروا ما بها
    -ماهر:ايه اللي حصل للعربية ؟
    -(بصوت عالي )انت بتسألني انا....بتسألني انا ....عربيتي دي ولا عربيتك...انطق عربيتي ولا عربيتك ...انت مخك كان فين لما خطفتني....خاطفني ف الصحراوي وكمان العربية عطلانة
    -مخي طار...مخي طار لما سعادتك فجأة وبدون سبب قررتي تتجوزي .....بالمناسبة هو مبيحبكيش...عاوز يتجوزك عشان يتقرب من والدك وشغله مش اكتر
    -(بصدمة مصطنعة) بجد معقول....مكنتش اعرف...ميرسي إنك قلتلي
    -يعني كنتي عارفة؟
    -طبعا
    -ويا ترى هتبقي مبسوطة مع بني ادم مبيحبكيش
    -عمره ما هيفكر يزعلني...عمره ما هيضايقني ...لإن مصلحته فإني اكون سعيدة ومبسوطة
    -ولنفرض ان مصلحته تمت...ومبقاش عاوز منك حاجة ...ومبقتيش تهميه...وراح شاف بني ادمة تانية يكون بيحبها
    -ساعتها كل واحد يروح لحاله



    ماهر بعصبية:ايه البرود ده...ايه البرود ده...جوازة دي ولا مصلحة....لو مصلحتنا مع بعض نكمل ولو مصلحتنا مش مع بعض منكملش....فين الحب....فين العشم.....فين الاهتمام.....مرام انتي بتحبي اللعب دي حاجة تخصك...لكن الجواز عمره ما كان لعبة....عشان وقت ما يعجبك تتجوزي ووقت ما يعجبك تطلقي
    -انت مين اصلا عشان تعلي صوتك عليا
    -(بصوت أعلى)انت تخرسي خالص...تعرفي تخرسي ولا لأ
    سكتت مرام...كانت دائما هي من تتحكم بزمام الحوار....لكن تلك اول مرة تجده بتلك الحالة....لأول مرة يوجد من يفرض سيطرته عليها....ستمررها له هذه المرة...هذه المرة فقط
    مرام :مفيش ورشة او استراحة قريبة حتى
    -هصلح انا العربية
    -ازاي يعني
    -ميخصكيش...خليكي جوه العربية
    ذهبت مرام وجلست بتذمر بداخل العربية واخرج ماهر عدة الميكانيكي من العربية وبدأ في إصلاحها...احست مرام بالملل ونظرت لكاسيت السيارة وقررت تشغيله ليفاجئها بصوت تامر حسني يقول :ما تتغيري بقى حرام عليكي ...لينفجر ماهر ضاحكا تغير مرام الاغنية...يانا يا مفيش اصل معنديش ف الحب هزار ..يانا يا بلاش ومتحسبهاش مفيهاش اعذار ...يضحك ماهر ...تغضب مرام وتغير الاغنية...اه انا سي السيد وكلامي هو اللي هيمشي يعلو صوت ضحك ماهر تغير مرام الاغنية....إلا انا إلا انا ..انا لأ حاسبي ده انا بابا.. إلا انا إلا انا.. يا قمر بعيون كدابة.
    مرام:لأ كده كتير...تغير الاغنية ...ناسيني ليه بتتعب قلبي وياك ...ده ميهونش ابدا عليا انساك...تعالى لومني ريح قلبي وارتاح ...تعالى يالي نفسي فحضنك ارتاح
    سكت كلا من ماهر ومرام وقامت بإغلاق كاسيت الاغاني ونظرت لشباك العربة بضيق
    في غرفة المراقبة ينظر مازن وحازم الجبالي لكاميرا المراقبة التي بجراج الفندق
    مازن(بثقة):متخافش يا عمي...جوازنا انا ومرام هيتم ...والنهاردة
    يتصل ماهر بأحد الاصدقاء



    صديق مازن:مازن ...حبيبي مبروك يا عريس....عارف اني ندل ومقدرتش اجي بس
    يقاطعه مازن:ولا يهمك يابو علي بس عاوز منك خدمة سريعة كده
    صديقه:قول ؟
    مازن:في رقم عربية هديهولك عاوز اي كمين او اي نقطة مرور او حتى اي كارتة حوالين القاهرة توقفها وتحجز صاحبها....رقم العربية ********
    صديقه:تمام...اعتبره نفذ


    إرسال تعليق