الفصل الاول
_هو انت كل ما تحصل حاجه ما بينى وبين اختك تتلكك وتعمل خناقه ويوصل بيك الامر انك عاوز تضربنى ى حسن
_اى اللى دخل اختى ف الموضوع دلوقت انا بسالك كنتى فين وانتى عماله تماطلى ف الكلام وبتنرفزينى
_انا يعنى هروح فين انا كنت عند مرات اخوك تحت بشوفها لانها تعبانه واختك طلعت وكالعاده قعدت ترمى كلام انى مبخلفش وبتحرق دمى فأنا قولتلها كل واحد بياخد نصيبه انا اخدت نصيبى فيك وربنا عوضنى بيك اى غلطت
_انتى قولتى كده بس،ولا عايرتيها انها متجوزتش
_تفتكر ى حسن انى كده ،انا مش هحلف ولا هقولك تسال مرات اخوك ماهى كانت قاعده معانا انا هقولك انى فعلا ندمانه انى قولتلها كده عارف ليه لانك خذلتنى واقف بتحاسبنى علشان اختك اللى عمرها ما حبتنى وانا من يوم ماتجوزتك بعاملها بما يرضى الله ومعرفش هى كارهانى ليه مع انها بتعامل اميره مرات اخوك احسن معامله اشمعنى انا اللى بتعاملنى كده كأنى ضرتها دى بتغيير عليك ى حسن
""انا عارفه ان حسن بيحبنى واوى كمان بس من يوم مااتجوزنا واحنا معندناش اى مشكله غير اخته جميله بتغير على حسن جدا كانه جوزها وانا اخدته منها وعكس كده معاملتها مع طارق اخوه عاديه جدا ودا مخلينى هتجنن"
_انتى اتجننتى بقى ى ورد تغير اى هى بس بتحبنى زياده لانى الكبير وانى عوضتها عن غياب ابونا وكنت سندها وضهرها، انا تعبت منكم ومبقتش عارف اعمل اى مقدرش اجى على اختى الوحيده دى وصيه ابويا ليا ومقدرش اجى برده عليكى لانى بحبك وغصب عنى لو قسيت عليكى بس انا تعبت واعصابى مبقتش مستحمله ضغطكم عليا
_خلاص ى حسن خلاص
"نهيت الكلام مع حسن لانى عارفه اخره اى هيطلب منى انزل اعتذر لها وانا خلاص فعلا طاقتى خلصت ف المناهده وانى كل مره اروح اعتذر واتودد لها وانا مغلطش ف حاجه واقول امشى امورى عشان خاطره بس كفايه بقى مش لان ربنا مارادش انى اخلف انى استحمل معايرتها ليا "
قطع تفكيرى جرس الباب واكتشفت ان حسن خرج ومحستش بيه وكان اللى بيخبط طارق سلفى
_اتفضل ى طارق ،معلش حسن خرج
_لا ى ورد انا جايلك انتى
_طيب اتفضل خير
.
_انا عرفت من اميره اللى حصل تحت ،وسمعت كمان اللى جميله قالته لحسن وعارف انها كدبت عليه ولانه بيحبها وخايف على زعلها اكيد اتخانق معاكى
_ايوه ى طارق انا والله مفيش ف قلبى لها حاجه بس مش عارفه هى ليه بتعمل معايا كده ومستغربه انها بتعامل اميره مراتك احسن معامله كانها اختها ومتقوليش زى حسن انها بتحبه زياده شويه لانها شايفه فيه باباكم الله يرحمه طبيعى انها تكون بتحبكم زى بعض بالعكس المفروض تكون قريبه ليك انت اكتر لانك توأمها
_بس حسن عنده حق ى ورد هى بتحبه زياده بس اللى هو ميعرفوش انه مش حب اخت لاخوها
"اتصدمت لما طارق قالى كده يعنى اى... جميله بتحب حسن حب ست لراجل ،دى اكيد مش طبيعيه دى مريضه بس اللى خلى الدنيا تلف بيا واللى خلانى مش حاسه بحاجه لما سمعت طارق بيقولى
_حسن مش اخونا ى ورد .....
تعليقات
إرسال تعليق