الفصل الثالث
وفجأه روان بتعيط علي آخرها وبتحاول ترمي نفسها ف البحر وتنتحر….
مرات الدكتور،،بتعملي ايييييييييييي تعالي
روان ومنهاره،،انا مخنوقه مخنوقه سيبيني ارتاح عشان خاطري معتش عايزه اعيش مش عايزه اكون حمل علي حد
مرات الدكتور،،لي بتعملي كدا انا حاولت بقدر الإمكان اسعدك وانتي لي مصممه تزعليني منك
روان،،انا امي كان نفسها تشوفني لابسه خمار وكنت مفكراكي هتحبيني بخماري لكن انتي مش عايزاني البسه.
مرات الدكتور بغيظ،،كنتي قولي انك زعلاانه.. لكن ماتعمليش عامله زي عملتك دي انتي عايزه تودينا ف داهيه انتي عايزه تنتحري وانتي مش واخده بالك انك بتنحتري عشان خمار هوا انتي فكرك أن الخمار لعبه هوا مش ليه شروط ولاازم تلتزمي بيها انتي تعرفي اي عن دينك ؟؟
روان،،تقصدي اي ؟؟
مرات الدكتور،،يعني انتي تعرفي اي عن دين الإسلام ي ابله روان
روان،،مش فاهمه تقصدي اي بالظبط
مرات الدكتور،،انا لما رفضت انك تلبسي خمار كان عشانك انتي مش عشاني انا قدامك لاابسه طرحه وبلبس بناطيل كمان وع الأقل عارفه ديني كويس
روان،،يعني بتلبسي بناطيل وعارفه دينك ازاي ممكن تفهميني؟؟
مرات الدكتور،،شكل لسانك طويل وهتتعبيني معاكي اسمعي ع الاقل لما الواحد يكون مسلم وبيحب ربنا المفروض يبقا عارف ربنا بيحب اي وبيكره اي مش يتصرف بدماغو يعني انتي دلوقت كنتي عايزه تنتحري ومافكرتيش بكدا انك بتخالفي كلاام ربنا والي بيموت منتحر بيموت كافر ومافكرتيش ف اي عواقب غير الي ف دماغك طب لي ماقولتليش انك حابه الخمار كدا كنت هلبسهولك لكن انتي عايزه تلبسيه ومش عارفه قيمتو اصلاا
روان بعياط،،اسفه ماكنتش اعرف ان الإنتحار حرام بس حقك عليا هسمع كلاامك وهتعلم منك ولو علي الخمار مع اني كنت بتمني امي تلبسهولي بس خلااص هلبسه لما اكبر وأعدك اسمع كلاامك.. بس ماتزعليش مني والله ماما وحشتني وعملت كدا عشان عايزه اروحلها.
مرات الدكتور،،هيا كدا مش هتكون مبسوطه منك لو عملتي كدا وهتبقي ف حته عند ربنا هيا مش هتحب تشوفك فيها اصلاا انتي فهماني؟
روان،،اسفالك بجد معتش هعمل كدا تاني
مرات الدكتور،،ماشي ي روان يارب تكون اخر مره وماتزعلنيش منك تاني عشان انا زعلي وحش وانا مش عايزه اوريكي الوش التاني
روان،،حاضر
مرات الدكتور،،طب يلاا نروح الجنينه زمان ابو عصام مستنينا هناك وانتي اخرتينا
روان،،اسفه يلاا نروح……
………..
مرات الدكتور ماكانتش عايزه روان تلبس الخمار لأن روان بنت جميله جدا وعنيها اللون العسلي الفاتح الجميل وكمان وشها منور وهيا ماكانتش حابه أن روان تاخد خطوه زي دي وهيا اصلاا ماخدتهاش ف كانت غيرانه من روان جدا وعرفت أن روان ممكن تتعبها ف المستقبل لأنها بس عشان فكرت أنها تمنعها من لبس الخمار فكرت ف الإنتحار فبكدا هيكون من الصعب انها تمشي عليها اي كلمه فهتبدا تقلق منها
…..
ف الجنينه…
الدكتور،، حابه تركبي اي من المراجيح دي ي روان؟
روان،،المرجيحه دي العروسه
الدكتور،،كدا هتتعبي منها
روان،،ماتقلقش انا كنت بركبها علطول
الدكتور،،خلااص الي تحبيه روحي اركبيها
روان،،شكرا
…..
وبعد لعب طويل ولف كتير وبعد يوم متعب…
روان لما روحت صلت العصر والمغرب..
مرات الدكتورف نفسها لما شافتها بتصلي من بعيد،،وكمان بتصلي؟! دا انا مفكرتش عمري اعملها.. اخر الزمن تيجي مفعوصه زي دي وتعمل حاجات انا اصلا مابعملهاش دا انتي حكايتك معايا هتبقا طويله
…..
روان،،مش هتصلي ي ماما
مرات الدكتور،،لا ي حبيبتي انا مش بصلي
روان،،مش بتصلي لي؟
مرات الدكتور،،فتحي دماغك شويه معايا هكون مش بصلي لي يعني غير………
روان،،خلااص فهمت تمام انا هدخل انام بقا هوا حضرتك عندك منبه
مرات الدكتور،، اه عندي بس لي منبه؟؟
روان،،عشان اظبطه للفجر
مرات الدكتور ف نفسها بحقد،،وكمان فجر انتي مش ناويه تجيبيها البر……
وفجأه…. روان،،سرحتي ف اي ي ماما؟؟!
مرات الدكتور،،هااا بتقولي اي ي حبيبتي اه بصي هوا المنبه موجود بس عطلاان هبقا اصلحه بكرا واظبطهولك
روان،،تمام تصبحي علي خير
مرات الدكتور،،وانتي من اهله ي روان
……
البت دي مش ناويه تجيبها البر لازم اتصرف مش هتيجي مفعوصه زي دي وتبقا احسن مني وتعلمني الصح من الغلط لاازم احط لكل حاجه حدود وأحط النقط علي الحروف النهارده قبل بكره أما اشوف اخرتها معاكي ي…...وابتسمت بخبث
…..
وعدت تلاات سنين بالنظام دا وروان بتسمع كلاام مرات الدكتور وبتلبس زي ماهيا تقولها ومرات الدكتور بتغير منها وروان شالت حكايه الخمار دي من دماغها خالص والدكتور مهتم بروان جامد ومايعرفش ان مراته بتغير منها وكل الي علي الدكتور يعمله يذاكر لروان ف وقت فراغه وبيدلها دروس ف جميع المواد وروان كانت مقدره دا كلو وبتطلع من الأوائل وجات اخر سنه من الإعدادي……
وف امتحانات اخر السنه روان مش بتنام من القلق ولا التوتر وخايفه من الامتحان جدا وفجأه روان بتصوت علي آخرها وطلعت تجري علي الحمام وصحت البيت كلو علي صويتها
روان،،ااااااااااه ي بطني ااااااااااااااه
الدكتورصحا من النوم مخضوض،،في اي ي روان مالك؟؟
روان،،…….
مرات الدكتور،،الي يشوفك يقول ف ثانويه عامه إذا كنتيش مخلصه الماده وصماها ومراجعه عليها مليون مره ومسمعهالي كنتي هتعملي اي ي روان؟؟
روان،،بطني بطناااااااااااااي اااااااه
الدكتور،،بسرعه هاتي اي حاجه مسكنه واعمليلها حاجه سخنه بسسسرعه
مرات الدكتور،،حطت منوم لروان ف المايه عشان تاخده وماتقدرش تقوم للإمتحان ولو صحت تنام ف اللجنه.
روان شربت المايه والحاجه السخنه ونامت وراحت ف سابع نومه
…….تاني يوم…….
الدكتور،،روان،،روان،،
روان،،مش بترد …….
الدكتور،،اصحي ي روان اتأخرتي ع الإمتحان
روان،،مش بترد…….
الدكتور،،بسم الله الرحمن الرحيم…. البت حصلها اي ؟؟.
وبسرعه دخل يجيب السماعه بتاعته عشان يشوف روان مالها لقي شنطه الأدوية الخاصه بيه مفتوحه والحاجات الي فيها متبهدله!!
ولقي الجيب الي فيه منوم مفتوح وناقص من شريط الحبوب الي فيها حبابه!
سأل مراته،،فين الحبايه الناقصه ي منار؟؟..
منار(مرات الدكتور)،،اه...اصل..اص..هوا ..هي مش دي اااه انا اديتها لروان امبارح مش دي حبايه المغص؟؟
الدكتوربغضب،،لا ي منار دي منوم هوا انتي تايهه عن المسكن يعني بتفتح الجيب دا لي اصلااااا؟؟!
منار،،ماكنتش اعرف والله …. هوا طلع بتاع اي الحبوب دا؟؟
…..
وطبعا منار عارفه كل حاجه وعارفه أنه منوم واتعمدت تديه لروان عشان تضيع مستقبلها بس أنكرت قدام الدكتور أنها ماتعرفش…
…...
هنا جري بسرعه علي اوضه روان وعلقلها محلول فيه دوا عشان روان تقدر تفوق وتروح الإمتحان…
روان،،بدات تفوق والدكتور بدأ يرش عليها مايه ساقعه عشان تصحصح اكتر وبعد ما روان فاقت..
انا فين…..في اي حصلي ….حاسه اني دايخه وجسمي مكسر انا مالي؟؟
الدكتور،،انتي كويسه وكل حاجه بس صحصحي عشان تلحقي امتحانك وماتروحيش متأخره
روان بخضه،،يالهوي انا نسيت امتحاني خالص حاسه اني كنت ف غيبوبه ياربي…..
ونطت من علي السرير تجري ولبست ف ثواني وبسرعه بسرعه صلت الصبح لأنها ماصلتش الفجر ف اليوم دا من الي حصلها وراحت امتحانها…
………..وبعد اسبوعين امتحانات……….
وقت النتيجه بتاعت روان..
روان بتوتر،،دا رقم جلوسي اهو ي بابا
مرات الدكتور ف نفسها،،يارب ماتجيبي حاجه
الدكتور،،مليني كدا ي روان
روان،،حاضر بس ثواني ي بابا ممكن اقولك حاجه..
الدكتور،،اتفضلي ي حبيبتي
روان،،انا خايفه جدا ومرعوبه هوا حضرتك هتزعل مني لو جبت مجموع وحش؟؟
الدكتور،،بس ي بت اسكتي.. أن شاء الله خير والاولي زي كل مره
روان,,يارب يااااااارب
الدكتور بصدمه،،اي دا ي روان
روان ،،خير ي بابا خيييير
الدكتور،،مكنتش اتصور تجيبي المجموع دا انا مش مصدق
ازاي دا مجموعك انتي!!!اكيد فيه حاجه غلط!
ازاي دا مجموعك انتي!!!اكيد فيه حاجه غلط!روان ،،خير ي بابا طمني
الدكتور،،للاسف انتي……..
