Ads by Google X
رواية نعم هذه انا زوجتك الفصل الحادى والعشرون -->

رواية نعم هذه انا زوجتك الفصل الحادى والعشرون

رواية نعم هذه انا زوجتك الفصل الحادى والعشرون


     الفصل الحادي والعشرون


    ااااااه صرخت بها فريده بقوه عندما وجدت فمها قد امتلا بالشطه وهيا تتحسس منها بشده
    لتذهب مسرعه الي الحمام وتغلق عليها الباب وهيا بالكاد تستطيع ان تاخذ نفسها
    ليفزع الجميع عليها
    عمر بخوف وعصبيه وهو يحاول دفع الكرسي الي الامام .......فيه ايه ياسليم ايه اللي حصل
    ليصمت سليم غير مدرك لما حدث ليذهب مره اخري الي طاوله الطعام ليتذوق طبقها فيجده ليس به اي شي
    يدعوا لذالك ...
    بينما الجميع في حاله خوف فهي بالداخل لا تكف عن البكاء ففمها تقريبا يحترق
    فايزه بخوف ......اطلعي يافريده اطلعي ياحببيتي قوليلنا ايه الي حصل
    ندي ببكاء ....اطلعي يافريده علشان خاطري انا خايفه عليكي قوي
    بينما الجميع في حاله صدمه ويتهامسوا فيما بينهم
    غير منتبهين علي تلك الحيه وابنه اختها اللتان يتهامسان بسعاده علي نجاح خطتهم
    فاتن بخوف مصطنع ...طيب هيا فيها ايه في حاجه في الاكل مش عجباها
    فايزه بخوف ......ابدا هيا عندها حساسيه من الشطه بس علشان كدا مش بنحطها في الاكل غير كدا مفيش حاجه
    لتبتسم سالي بمكر ......ربنا يستر ان شاء الله خير



    FLASHBACK
    بينما فايزه تقف بجوار سعديه بالمطبخ تشرف علي انتهاء الطعام وطريقه تقديمه
    فايزه وهيا تنظر الي سعديه ......اوعي ياسعديه تحطي شطه في طبق الاكل بتاع فريده علشان اخر مره انسيتي وحطيتي كانت هتموت مننا
    سعديه بابتسامه ...متخافيش ياستي والله مش هيحصل اي حاجه انا رصيت السفره وحطيت طبق الست فريده جمب البشمهندس عمر وسبت مكان للكرسي زي ماامرتي والاكل كله سخن جدا ومتغطي
    فايزه بابتسامه فهي تحب هذه السعديه بشده .....تسلميلي ياسعديه انا عارفه انك مش بتقصري ....جهزي بقي اوضه الضيوف اللي تحت علشان عمر مش هيعرف يطلع السلم...يلا بسرعه هما شكلهم وصلوا وانا هتمم علي كل حاجه هنا
    سعديه بابتسامه ........حاضر ياستي كل حاجه هتبقي جاهزه متشيليش هم خالص
    لتذهب سريعا الي غرفه عمر لكي ترتبها قبل قدومه
    فايزه وهيا تنظر الي السفره برضا ......كدا كله تمام اروح انا اشوف عمر واقوله حمد الله علي السلامه
    لتذهب فايزه لتسلم علي عمر وتخبرهم بان الطعام قد جهز
    فتدخل سالي بهدوء كي لا يشعر بها احد وتحضر علبه الشطه فهي قد علمت بحساسيه فريده من الشطه
    فتمسكها وتنظر اليها بخبث ......شكلي هنتقم منك بسرعه يافريده
    بينما قد التف الجميع حول عمر ليسلم عليه تتسلل سالي بهدوء وتخلط الشطه مع اكل فريده وتضع المزيد والمزيد ثم تنسحب ببطئ وتضعها مكانها وترجع لتسلم علي عمر
    Back




    *****************************
    تخرج فريده من الحمام محمره العينين تمسك معدتها بتالم ظاهر علي وجهها الذي احمر من شده الحراره
    عمر بخوف وغضب فهو لايستطيع ان يتحرك بقدم ويد مجبرتين .......انتي كويسه مش كدا ايه يافريده ردي عليا الي حصل لكل دا
    فريده وهيا بالكاد تستطيع ان تتحدث .......الا....كل ....الاكل كان فيه شطه كتير قوي
    فايزه بدهشه ...انتي بتقولي ايه يافريده انا مخليه بالي كويس ياحببتي ومنبهه علي سعديه
    سليم بتاكيد ......وانا دوقت الاكل مكنش فيه شطه خالص يافريده دا كله حصل ازاي
    لتبتسم سالي مره اخري .....فهي قد بدلت طبق فريده بطبقها عند انشغالهم بها
    فريده بدموع........والله كان فيه شطه انا انخنقت وكنت هموت لتزداد في البكاء
    ليحضنها الحاج محمود ويربت علي ظهرها بحنو بالغ......الحمد يابنتي انك بخير والله عين وصابتنا
    اسماعيل بحزن علي ابنه قلبه ......الحمد لله ياحببتي انها عدت علي خير
    لتمسح فريده دموعها بيديها ...انا هطلع علي فوق وانتو كملو اكلكم
    عمر بضيق ......ممكن ياسليم تساعدني اروح اوضتي انا مش جعان وعايز ارتاح
    لتنظر اليه فريده بحزن فهي تعلم انه غاضب لانه لم يكن اول من يطمئن عليها
    فايزه بهدوء وهيا تحاول ان تغير مودهم قليلا ......ياسليم انا جهزت لعمر اوضه الضيوف علشان السلم مش هيقدر يطلعه وديه يابني خليه يرتاح
    ليوما لها سليم ويذهب ليدفع عمر ليدخله غرفته
    عمر وهو ينظر الي فريده بحزن .....شكرا يامرات عمي عن اذنكوا
    ليدفعه سليم فتلحق به فاتن وسالي




    ندي وهيا تلكز فريده في جمبها ......ايه هتسيبه للبت ام عرقوب الملزقه دي
    فريده بحزن وهيا تدعي عدم اللامبالاه......انا تعبانه وعايزه ارتاح شويه عن اذنكوا
    مليكه بضيق وهيا تدفع فريده وراء عمر .......يالا ياختي لو عايزه ترتاحي ارتاحي معاه ومتخرجيش من اوضته خالص انتي فاهمه وخلي بالك من البت ام عرقوب دي علشان انا حاسه انها حاطه عينها من جوزك
    فريده بضيق......وانا كمان حاسه بكدا
    ندي بعصبيه ......لا انا متاكده بقي علشان حسام قالي انها عينها من عمر
    لتنظر اليها فريده بدهشه ......والله يعني حسام كمان اكد الكلام دا
    ندي بسخريه .....دي شكلها ماشيا تشقط في الناس
    ان مكنش دا يبقي دا
    مليكه بخوف مصطنع ......طيب لما اخلي بالي من جوزي لتلوف عليه هو كمان
    فريده .....طيب انا هروح بقي علشان مديهاش فرصه
    لتذهب فريده الي عمر وتدق الباب وتدخل لتجد فاتن وسالي يبدلان ثيابه
    لتندفع بسرعه ناحيتهم
    فريده وهيا تدفع سالي لتبتعد عن عمر وتاخذ منها ملابسه ......عنك ياسوسو ياحببتي انا هغيرله مش عايزين نتعبك
    لتسحب سالي منها التشيرت ......لا ولا تعب ولا حاجه
    انا اصلا مبتعبش وانا بعمل لعمر حاجه
    فريده بغضب اعماها وهيا تنظر الي تلك الحيه .....احنا هنهزر ......صرخت بها بصوت عالي مما اجفل الجميع بينما عمر يكتم ضحكاته بصعوبه عليها فهيا لا تستطيع مدارات غيرتها
    لتمد سالي يدها لها بخوف فتاخذ فريده التشيرت وتنظر اليهم بابتسامه بارده........ممكن لو سمحتو تروحو تكملو اكل وانا هغير ليه انتوا مكالتوش والاكل هيبرد
    لتجلس فاتن بعند ......لا انا هقعد هنا جمب ابني انا مش جعانه خالص
    لينظر عمر الي والدته بتعب ......ممكن ياماما تروحوا تكملوا اكل لما اغير بس انا اصلا بقيت كويس
    فاتن بضيق ...بس
    عمر بجديه...ماما



    لتوما له فاتن بضيق وتنهض وتاخذ سالي وتذهب وهيا تتوعد لفريده اكثر واكثر
    لتجلس فريده بجانبه وهيا تنظر اليه بضيق والشرر يتطاير من عينيها
    ليعتدل عمر وهو ينظر اليها بتساؤل .......مالك بتطلعي دخان من ودانك كدا ليه وانتي قاعده
    لتضربه فريده بقوه علي صدره ليتالم عمر وهو يضع يده علي صدره ويطلق ااااه قويه
    فريده بغيظ .....احسن علشان تبقي تخليها تلبسك هدومك تاني بت ملذقه بصحيح
    ليضحك عمر بقوه ......بقي انتي زعلانه من كدا
    طيب تعالي مش تزعلي والله لاصالحك
    لتقف فريده بسرعه وتوتر......شكرا ياعم مش عابزين منك حاجه يالا بقي خليني اغيرلك هدومك علشان اروح اجيب الاكل ....انت مكلتش وانا كمان مكلتش
    عمر بتعب......مش عايز اكل نفسي اتسدت
    فريده بحزن وهيا تحاول ادخال القميص في يده......انا اسفه علشان سديت نفسك بس ان بجد لقيت شطه في الاكل
    عمر وهو ينظر اليها ويمسد علي خديها بحب .....لو الدنيا كلها سديت نفسي انتي لا انتي الوحيده اللي تفتحي نفسي يافريده قلبي
    (شويه حب كدا من بتوع الخطوبه قبل الصدمات)🤣🤣🤣🤣
    لتنهض فريده بخجل وتوتر وهيا تنظر الي الارض......طيب انا هروح اجبلك الاكل
    ولكن عند خروجها وجدت سالي تدخل وهيا تحمل صينيه من الطعام
    سالي بدلع ......انا جبتلك الاكل ياعمر علشان انت مكلتش
    عمر.....ش
    لتقاطعه فريده وهيا تجذب الصينيه من يد سالي بغيظ......متشكرين ياحببتي نتعبلك وانتي عربيه مكسراكي زيه كدا
    يلا بقي علشان احنا مكلناش وجعانين قوي عن اذنك
    نطقت بها فريده وهيا تدفع سالي خارج الغرفه
    وتغلق في وجهها الباب
    سالي بغضب وكره وهيا تنظر الي الباب .......ماشي يافريده والله نهايتك هتبقي علي ايدي ان شاء الله وساعتها مش هرحمك
    ومش هسكت ولا يهدالي بال الا لما عمر يبقي بتاعي انا وبس لتذهب وهيا في قمه غضبها لتصتدم في مليكه
    مليكه وهيا تدفعها عنها وكانها مرض........ابعدي كدا جتك الارف هدومي لسه كوياها
    سالي وهيا تنظر اليها بغل .....امشي يابتاعه انتي من قدامي دلوقتي علشان انا مش طايقه نفسي
    لترد عليها ندي من الخلف......جاتك بتاعه في عينك يابعيده
    لتنظر اليها بقرف وهيا تؤاشر بسبابتها من الاعلي الي الاسفل ......بقي انتي يالي شبه خله السنان انتي بتقولي علي مليكتي امشي يابتاعه ......طيب اخفي انتي من قدامي بقي علشان مش اخلي وشك يبقي شبه قفاكي
    لتضحك مليكه بصوت عالي علي كلام ندي
    لتنظر اليهم سالي بكره ......جاتكم الارقف
    قرف لما يقرفك يابعيده عيله سمجه وملزقه
    نطقت بها ندي وهيا تمسك بيد مليكه وتضحك
    ندي بمكر وهيا تنظر لغرفه عمر ......ايه رايك متيجي نعملهم كبسه
    مليكه بسخريه .....ام رز ولحمه بحبها موت



    ندي وهيا تكاد تموت غيظا من تفاهه صديقتها .......يلا ياختي انا هلاقيها من مين ولا من مين ياربي
    ليدقو الباب بقوه لتصرخ فريده في وجههم .......ايه في ايه ياجزمه منك ليها
    لتدخل ندي راسها داخل الغرفه وتنظر الي عمر بابتسامه كبيره وهيا تقلد صوت دنيا سمير غانم ......باشااااا .....سوري يعني بس هنقطع عليكوا اللحظه الرومانسيه دي وهنخطف المزه منك
    ليضحك عمر عليها ضحكه اذابت قلب فريده .......خديها ياستي اصلا صاحبتك ملهاش في الرومانسيات خالص
    فريده بتذمر ودلع ....انا ياعمر !!!😔
    لينظر اليها عمر بحب ومكر .......هو بعد انا ياعمر دي انا هيبقي فيا اعصاب يالا يابت انتي وهيا وسيبوني مع مراتي شويه
    لتجري فريده من امامهم الي الخارج وهيا تعض علي شفتيها سافل ياعمر 🤣
    مليكه وهيا تنظر اليه بضحك ......كدا كهربت البت
    ندي هيا الاخري .....والله ماينفع كدا البت ركبها سابت ياعيني.. يلا عن اذنك بقي خلينا نشوفها






    ليذهبو اليها وياخذوها ويجلسو بالحديقه
    لتقص عليهم ندي ماحدث في المحاضره
    فريده بدهشه .......يخربيت سنينك ياشيخه عملتي كل دا والله انتي مصيبه
    مليكه بتذمر ......مليش دعوه انتي تعيدي المشهد من تاني علشان انا عايزه اضحك ونفسي اصور رد فعل رانيا وانتي بتقولي دا جوزي 🤣
    لينفجروت جميعا في الضحك
    ندي بضحك ....والله انتي هبله
    فريده بضحك بس انا كان نفسي ابوسكوا امبارح وانتو بتظبطو الي اسمها سالي
    مليكه بضحك .....مشوفتيناش واحنا بنعيد تاديبها تاني قدام باب اوضتك
    فريده بتساؤل ....امتي
    مليكه لما كانت جايبه الاكل لعمر قال ايه انا رايحه اودي الاكل لعمر علشان هو متغداش كويس فاحنا روحنا وراها وغسلناها🤣🤣
    الا صحيح يافريده ايه الي حصل ساعه الاكل انتي كنتي هتموتي وقولتي الاكل فيه شطه بس سليم اكد انه مفيهوش حاجه
    فريده بضيق .....مش عارفه اول لما اكلت الاكل كنت هموت فجاه انخنقت ونفسي انقطع جريت علي الحمام وقعدت ارجع الاكل كان زي مايكون حد كب بطرمان الشطه كله في الطبق ....بس بجد مش عارفه ازاي مكنش الاكل فيه شطه
    مليكه وهيا تغير الموضوع ......المهم جهزي نفسك كدا علشان فرحي انا وانتي كمان شهرين
    ندي بضيق.....بتفكريني ليه يازفته مش كفايا هفضل زوجه مع ايقاف التنفيذ سنه كامله
    لتضحك مليكه وفريده عليها....مستعجله قوي ياختي
    طيب متعملي فرحك معانا وخلاص
    ندي بابتسامه حالمه ......ياريت
    هو انا اطول ابقي مع حبايبي
    فريده بضحك ......منحرمش منكو ا ياحبيبي




    لتاتي حبيبه من خلفهم ......مامي بابا بيقولك يلا علشان نروح
    لتقبلها مليكه بحب صادق ......ماشي ياقلبي يالا سلمي علي طنط فريده وطنط ندي
    ندي بسخريه ......والله وبقيتي طنط ياندي
    بصي يابيبه ياحببتي انتي تقوليلها ديده وقوليلي ندي او ندوش ميهمكيش
    لتبتسم حبيبه لهم بطفوله ......طيب
    لتنهض مليكه وتسلم عليهم......انا همشي بقي اشوفكوا بكره
    فريده بحب .....ماشي ياقلبي
    لتقترب حبيبه من فريده وتهمس في اذنِها بصوت مسموع .......عارفه ياديده انا شوفت طنط الطويله الوحشه دي وهيا بتحطلك الشطه في الطبق وبعدين انتي قعدتي تعيطي
    اييييييه ............