(الفصل الثالث)
فى فيلا عاصم
فى غرفة روح
كانت بتكلم جنه صحبتها
روح : أه والله زى مابقولك كده يابنتى
جنه : يعنى خلاص النحس هيتفك وهنشتغل
روح : الحمد لله العزومه جت بفايده
جنه بخبث : طب ايه جت بوظيفه بس
روح بعدم فهم : قصدك ايه يابت
جنه : يعنى مش يمكن تكون بقصة حب
روح : انتى هبله صح ياما انا مكملتش ساعتين معاهم
جنه : وايه ال يخلى واحد أول مايشوف بنت يشغلها بالسهوله دى عنده غير ان يكون أعجب بيها قوليلى يابت هو حلو كده زى بتوع الروايات كده ولا ايه
روح : تصدقى أنا غلطانه ان بكلمك جنه روحى نامى
جنه : ايه يارمضان بهزر مبتهزرش ها قولى بقا
روح : انتى هتشوفيه بكره بطلى رغى بقا
جنه : اشطا اما اشوف ياختى
روح بنعاس : يلا تصبحى على خير بقا مش قادره اركز تانى
جنه : وانتى من اهل الجنه ياقلبى
روح : حبيبتى مع السلامه فى حفظ الله
جنه : الله يسلمك
روح قفلت مع جنه ونامت علطول من الارهاق
فى فيلا الحديدى
فى غرفة أدهم
كان نايم على السرير ومبتسم وخياله كله فى روح ال خطفت قلبه من أول ماشافها وكل مايفتكر ان هتكون قصاده دايما فى الشركه بيفرح جدا ونفسه النهار يطلع عشان يشوفها
قاطعه من شروده دخول ندى
ندى : أدهومى
أدهم برفعة حاجب : أدهومك عايزه ايه ياندى عارف مصلحه
ندى بتزمر طفولى : كده برضوا يا أدهومى تعرف عن اختك كده اهئ اهئ اهئ
أدهم بضحك : يخربيت جنانك عايزه ايه يابت
ندى سبلت عينيها ببراءه : بنوته جميله وعايزه تقعد مع أخوها حبيبها حرام
أدهم : لاء مش حرام ياختى تنورى طبعا بس داخله من غير حاجه كده ايدك فاضيه
ندى بتفكير : صدق صح نسيت أجيب فيشار بيبسى أى حاجه معلش تتعوض تتعوض المهم قولى بقا
أدهم : اها جينا للمهم قولى
ندى بغمزه : ايه
أدهم بعدم فهم : ايه
ندى بخبث : ايهه من ساعة ماجينا من عند صاحبة ماما وانت سرحان ومش بتكلم حد ايه بقا
أدهم بابتسامه : باين عليا أووى كده
ندى : اممم جدا ايه بقا وقعت ولا لسه
أدهم : بصراحه كده بصراحه أه
ندى : الصراحه البت جمر وتتحب أنا نفسى حبيتها
أدهم : طب ماتقوليش عليها بت بس عشان معلقيش
ندى بصدمه مصطنعه : لحقت تزعقلى عشانها يانهااار احوس اومال بعد كده هتطردنى من البيت
أدهم : بلاش شغل امينه رزق ده مش عليا انا
ندى : احم فاهمنى انت دايما يا أدهومى
أدهم : اممم مش أختى
ندى بنعاس : طب تصبح على خير بقا عشان هروح انام
أدهم : وانتى من أهل الخير ياندوش
ندى خرجت وأدهم نام وذهب فى ثبات عميق بعد تفكير طويل فى روح
فى صباح اليوم التالى
فى فيلا عاصم استيقظت روح بنشاط وقامت دخلت الحمام واخدت شاور واتوضت وخرجت بدلت ملابسها لدريس من اللون الابيض وعليه نجوم رقيقه جدا وحجاب لون سماوى وكوتشى ابيض وكانت غايه فى الجمال نزلت بلغت خالتها وخرجت ركبت تاكسى وطلعت على بيت جنه وكلمتها وبلغتها انها نازله
روح : يلا يابنتى اتاخرنا
جنه : انتى مصحيانى من الساعه خامسه وتقولى اتاخرنا يلا ياختى
وركبوا التاكسى وطلعوا على شركه الحديدى
وبعد وقت وصلوا الشركه ودخلوا والحظ انهم يشوفوا خالد لتانى مره
جنه بغضب : انت تانى
خالد بصدمه : انتى ايه ال جابك هنا
جنه : وانت مالك انت يارخم حد بيسالك عن حاجه
خالد وهو يجز على اسنانه : أنا رخم حسابك بيكتر معايا أووى
روح : جنه يلا اتاخرنا
جنه بصتله بضيق : انا همشى بس عشان مش فضيالك انما لو شوفتك فى حته تانى تبقا تستاهل ال هيحصلك يلا ياروح وبصتله بعند ومشيت
خالد خبط كف على كف : وربنا مجنونه وراح يكمل شغله
روح وجنه دخلوا عند مكتب أدهم وسالوا السكرتيره وقالتلهم انها هتدخل تبلغه
نهى خبطت ودخلت
نهى : مستر أدهم فى اتنين بره عايزين حضرتك
أدهم : مين هما
نهى : واحده فيهم اسمها روح
أدهم بلهفه : دخليهم بسرعه
نهى خرجت بلغتهم ان هو فى انتظارهم ودخلوا
أدهم أول ماشافها وقف بابتسامه واستقبلهم
أدهم بابتسامه : أهلا وسهلا نورتوا المكان كله اتفضلوا
روح : ميرسى وجلست على الكرسى المجاور للمكتب وجنه امامها
روح بخجل من نظراته : دى جنه صحبتى وأختى بالظبط نغس التخصص ياريت يعنى لو ينفع نكون أنا وهيا فى الشركه مع بعض
أدهم : طبعا ده شئ يشرفنى ان اشغل اتنين زيكم كده
جنه : شكرا لذوق حضرتك
أدهم : الشكر لله انتوا نورتونى
روح ابتسمت وظهر احدى غمزاتها التى تزدادها جمال فوق جمال : نقدر نستلم الشغل من امتى
أدهم سرح فى ضحكتها وبتوهان : تقدروا من دلوقتى حالا طبعا
جنه لاحظت نظراته لروح وكتمت ضحكتها بالعافيه
روح : أوك ايه نوع الشغل
أدهم بجديه : دلوقتى انتوا ال هتبقوا مسئولين عن أى مشاريع خاصه بالشركه والباقى عليه التنفيذ وانا واستاذ خالد مدير الفرع هنكون مشرفين عليكم
جنه : بس مش المفروض هندخل تحت التدريب الأول
أدهم بص لروح بطرف عينه : اكيد مش محتاجين تدريب الشركه بتاعتكم
روح : شكرا
أدهم لسه هيرد قاطعهم دخول خالد المفاجئ بدون خبط على الباب
خالد : أدهومى اتاخرت ليه النه
قطع كلامه لما شاف جنه بالداخل وهى وقفت اول ماشافته
أدهم وهو يجز على اسنانه : عايز ايه ياخالد
جنه : لاااء كده كتير هو انت مراقبنى
خالد : اسالى نفسك انتى
أدهم : انتوا تعرفوا بعض
خالد بغيظ : ماهى دى ال حكتلك عنها
جنه : كمان بتحكى عنى ماتيجى تتبنانى احسن
خالد : هو انا كلمتك يابت انتى
جنه : تعال اضربنى
أدهم : باااااس فى ايه حصل ايه لده كله اومال هتعملوا ايه لو اشتغلتوا مع بعض
جنه : نعععم اشتغل مع مين
خالد : لاءء طبعا انا هشتغل مع دى وشاور على روح
أدهم بحده : عشان يبقا أخر يوم فى عمرك
خالد بخبث : ليه بس يا أدهم
أدهم بجديه : هو أخر كلام هما هيشتغلوا فى التصميمات وانا هكون مشرف على انسه روح وانت مشرف على انسه جنه خلصنا
جنه باعتراض : بس
قاطعتها روح بهمس : خلاص بقا ياجنه مشى الموضوع
جنه بصت لخالد بغيظ : ماشى ياروح
خالد بصلها باستفزاز
أدهم : يلا كلكم روحوا على شغلكم خدهم ياخالد وريهم مكان شغلهم
خالد بص لجنه : قدامى يلا
جنه رفعت سبابتها بتحذير : متوجهليش كلام ممكن
خالد : يلا يا انسه روح سبيها هى وسابهم وخرج
جنه بغيظ : عااا مستفز
وخرجت وراه هى وروح
أدهم جلس على مكتبه : ههههههه وربنا مجانين وابتدا يشتغل باستمتاع عشان روح بقت معاه فى مكان واحد
عند روح وجنه خالد وصلهم مكان عملهم وعرغهم شغلهم ايه وكانوا مبسوطين جدا بالشغل بس برضوا جنه وخالد مش مبطلين خناق خالص
فى كلية ندى
كانت جالسه مع سمر صديقتها فى المدرج
ندى : بس ياستى الواد من ساعة ماشافها وهو هيمان اووى
سمر : ههههههه الله يخربيتك ده لو سمعك بتقولى واد هيعلقك
ندى بتذمر : ومين هيقولوا بس ياسوسو
سمر : مش انا ياختى متخافيش
ندى : طب تشربى حاجه اروح اجبها
سمر : لاء مش دلوقتى لما المحاضره تخلص
ندى : اشطات
وبعد وقت دخل سليم وندى أول ماشافته بصتله بابتسامه خفيفه وهو كان بيحاول ميبصلهاش خالص وابتدى يدى السيكشن من غير اى انتباه ليها خالص وهى لاحظت تجاهله ليها خالص بس قالت يمكن متضايق مش اكتر
بعد المحاضره خرجت هى وسمر وراحوا جلسوا في مكانهم المفضل تحت شجره كبيره جدا
ندى : هاروح اجيب حاجه نشربها بقا
سمر : ماشى هاتيلى لاتيه معاكى
ندى : حاضر
ندى مشيت وسمر طلعت كتابها المفضل ال بتقراه وابتدت تقرا فيه قاطعها من القراءه صوت سليم
سليم : انسه سمر ممكن اتكلم معاكى فى موضوع مهم
سمر باستغراب : حضرتك عايزنى انا
سليم : اه ياريت تحبى امتى بس ياريت بعيد عن ندى خالص
سمر : حاضر هو احتمال ندى متجيش بكره ممكن حضرتك تكلمنى بكره
سليم : تمام متشكر ليكى جدا
سمر : الشكر لله
سليم : عن اذنك
سمر : اتفضل
سليم مشى وسمر بصتله باستغراب ياترى عايزها فى ايه وليه مش عايز ندى تكون موجوده
سمر فى نفسها : وانا مالى بكره اعرف وكملت قراءه
و
بدل ماتدور وتبحث علي الروايات خليها علي تليفونك وحمل تطبيقنا
