رواية صفقة ثم عشق الفصل التاسع والعشرون

 

الفصل التاسع والعشرون

زين طلع ينام لقي عشق نايمه
زين بحزن:سامحيني بقا يا عشق والله مش هعمل كدة تاني
عشق ببرود:نام يا زين
زين بتذمر:حاضر هتخمد وراح نام وهو هيموت من الغيظ منها

صحت الصبح عشق حضرت الفطار وزين نزل وهو لابس بدله رسميه

عشق:انت لبست من غير ما حد يساعدك ليه
زين ببرود:مش عايز حد انا رايح الشركه وقعد يفطر
عشق بتحدي:مفيش مرواح الشركه يا زين
زين بتحدي اكبر:رايح الشركه يا عشق
عشق:ماشي بس اعرف انك هترجع مش هتلاقيني ف البيت
زين:اوففف بقي انا مش بحب قاعدة البيت
عشق:كلها اسبوع واعمل الي انت عايزة
زين:كتير اسبوع مش هقدر
عشق:مش كتير واطلع اخلع البدله وانزل افطر عشان تاخد الدوا
زين:ربنا علي الظالم والمفتري

عشق ضحكت

زين:مش هعرف اغيرها لوحدي
عشق ببرود:زي ما لبستها أخلعها مش انت مش عايز مساعدة من حد
زين:انت مش طيبه علي فكرة وقلبك قاسي
عشق:بطل شغل الاطفال واطلع يلا
زين:منك لله انا الي جبته لنفسي

وطلع غير وعشق قاعدة تضحك عليه

عند مروان راح عند سلمي البيت

مامت سلمي:منور يا حبيبي
مروان:دة بنورك يا ماما والنبي يا ماما عايز اتجوز سلمي بدري وهي موافقه
مامت سلمي بتضحك:ما لسه بدري
مروان:لاء مش بدري موافقه
مامت سلمي:وانا موافقه

مروان بفرحه:الفرح الاسبوع الجاي
مامت سلمي:الاسبوع الجاي
مروان:ايوة انا جاهز من كل ناحيه وانا عايزاها عشان خاطري
مامت سلمي:ماشي موافقه
مروان:كدة زي الفل هجيب امي بليل ونقعد نتفق برواقه كدة
مامت سلمي:ماشي وبتضحك

مشي مروان راح الشركه

مامت سلمي بضحك:شوفتي الواد
سلمي بضحك:ايوة
مامت سلمي:ربنا يتمملك علي خير

عند زين اتصل مروان علي عشق

عشق:ايوة يا مروان
مروان:عامله ايه
عشق:الحمدلله
مروان:انا خلصت شغل ف الشركه وجاي عشان عايزكو ماشي
عشق:ماشي مستنين
زين:ف ايه
عشق:مروان خلص شغل ف الشركه وعايزنا وجاي
زين:تمام ماشي

وبعد فترة قصيرة جه مروان

عشق:تعالي ادخل يا مروان عامل ايه
مروان:الحمدلله زين جوه صح
عشق:ااه جوه
مروان:زوزة قلبي عامل ايه
زين بتذمر:قاعد زي الست ف البيت هكون عامل ايه
مروان بضحك:أحسن عشان تتربي من أول وجديد
زين:خد اختك عندك يومين كدة عشان خاطري

عشق:لاء انا قعدالك هنا
مروان:أحسن برافو عليكي يا عشق المهم كنت عايز اقلكو حاجه
زين وعشق:قول
مروان:فرحي انا وسلمي الاسبوع الجاي
عشق بفرحه:والله هاااااا اخيرا
زين:الف مبروك يا صاحبي
مروان:الله يبارك فيك

زين:يبقي انا كمان فرحي الاسبوع الجاي
عشق بصدمه:نعم
زين:انا كنت ناوي افوق بس من الجرح واعملك أكبر فرح انتي مش أقل من البنات عشان معملكيش فرح لازم مرات زين السيوفي يتعملها فرح يتحكي بيه وتلبسي فستان ابيض زي اي عروسه
مروان:الف مبروك ليكو يبقي كدة الفرحه هتبقي فرحتين حلو جدا هروح ابلغ ماما استأذن انا. مشي مروان وعشق لسه باصه لزين وبتعيط

زين:بتعيطي ليه انا قولت حاجه غلط
عشق:لاء بس مكنتش متخيله انك هتعملي فرح شكرا حقيقي بس انا حامل
زين:بطنك لسه مش باينه وحتي لو باينه هعملك فرح بردو انتي مش أقل من حد مفجأة حلو صح سامحيني بقي
عشق راحت حضنته:مسمحاك طبعا انا بس كنت بمثل الزعل بس انا مقدرش ازعل منك
زين بضحك:هي لحظه رومانسيه وكل حاجه بس انتي دايسه علي الجرح ااه
عشق بعدت:أسفه ولا أقولك تستاهل وقعدو يضحكوا مع بعض

وجه اليوم المنتظر يوم فرح كلا من زين السيوفي ومروان المصري اصحاب اكبر شركات الاستيراد و التصدير ف الشرق الاوسط

تابع الفصل الثلاثون هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال