الفصل الحادي والعشرون
الممرضة:ي مدام ي مدام
مروة بفزع:ايه ايه حصل حاجة ادم كويس صح
الممرضة:ي مدام اهدي المريض لسة زي ما هو في العناية مفقش بس أنا قلت اجي اقول لحضرتك ان في اوضة فاضية وفيها سرير ممكن تنامي فيها
مروة:لا شكرا ليكي جدا أنا مش هنام
الممرضة مشيت ومروة قامت بصة من ازاز الباب علي ادم وفضلت تحمد ربنا انو كان حلم
عدي الليل بطوله علي الكل وبالاخص هلال ومروة ودي كانت اصعب ليلة قضوها في حياتهم
جاء الصباح
ولسة هلال علي نفس قعدته وعمال يدعي لادم
ومروة مسكه مصحف وبتقرء
علاء:اتفضل ي هلال
هلال بتوهان:لا شكرا ي علاء مليش نفس
علاء:لازم تاكل انت من امبارح بليل كدة
هلال بحزن وضيق علي اخوه :علاء لو سمحت سبني علي راحتي
علاء راح عند مروة
علاء:امسكي ي مروة
مروة مكنتش في الدنيا اصلا:علاء وحشات اغلي حاجة عندك سبني دلوقت
علاء بصلها وحط الاكل بيأس
مروة لقيت الممرضة بتاعت امبارح معدية
مروة: لو سمحت
الممرضة:نعم
مروة: ممكن اطلب منك طلب عشان خطري
الممرضة:اؤمريني حضرتك
مروة:ممكن ادخل اشوف ادم عشان خطري بسرعة
الممرضة:انا اسفة ي فندم والله بس كدة هيحصلي مشاكل
مروة بحزن:والله دقيقة وحدة ابص عليه بس
الممرضة بقلة حيلة:تمام بس تعالي لازم تتعقمي الاول عشان مينفعش تخشي العناية كدة
مروة بفرحة:شكرا جداااا
مروة راحت مع الممرضة ولبست لبس معقم ودخلت لادم
مروة اول ما دخلت لقيت ادم شكله يصعب على الكافر دموعها نزلت زي الشلالات بس من غير صوت
مروة قربت منه ومسكت ايده وباستها
مروة بحزن:فوق ي ادم فوق عشان خاطري وأنا وانت هنحاول نرجع
الممرضة:يلا لو سمحت الدكتور طالع مش عايزة مشاكل
مروة باست ايد ادم تاني وخرجت
الدكتور جه وكشف علي ادم والجرح وخرج
هلال بخوف:ها ي دكتور طمنا
الدكتور بابتسامة: الحمدلله هو كدة عدي مرحلة الخطر
هلال:بجد يعني نقدر ندخله
الدكتور:هو دلوقت هينقل اوضة عادية بس بردو هيتحط تحت الملاحظة الأربعة وعشرين ساعة دول وممكن يفوق في اي وقت وممكن تدخلوله واحد واحد بس بهدؤ
الدكتور مشي وهلال دخل لادم الاول
هلال قرب من ادم وقعد علي كرسي قدامه ومسك ايده وفضل وباس رأسه
هلال بحزن:يااااه اول مره نتفرق كدة ي صاحبي بقلنا خمستاشر سنة مع بعض عمر ما عدي يوم غير وأنا وانت مع بعض حتي بعد ما اتجوزنا كنا بنتكلم في الفون علي طول تعرف لما كنت بفضل اقلك ربنا يريحني منك عمري ما كنت فاكر ان ممكن دا يحصل وتبعد عني امبارح كانت اسؤ ليلة في حياتي وأنا مش شايفك قدامي ي اخويا كل حاجة بنعملها مع بعض وديما بتجبلي المصايب وأنا بحلهالك وافضل اقلك متكلمنيش تاني بس عمر ما عدي يوم وأحنا متخانقين طب فاكر يوم فرح طارق وريتال
____________فلاش باااك
ادم:اوووباااا
هلال:ايه يلا مالك
ادم:شايف البطل إللي داخل علينا دا
هلال:فعلا ديل الكلب عمره ما يتعدل
ادم:ي عم استني بس دي قعدة علي تربيزة لوحدها
هلال:ادم مش عايزين مشاكل دا فرح
ادم وهو قايم:ادعيلي بس
هلال:روح ربنا يفضحك زي ما ديما فاضحني
ادم بصله وضحك ومشي
هلال:الله يخربيتك ربنا يستر
ادم:احم لو سمحت ممكن اقعد معاكي
البنت:ليه بس دنا هسليكي
شاب من ورا ادم خبط علي ضهرة:طب ما تيجي نسلي كلنا
ادم:في ايه تقصد ايه بكلامك دا
الشاب بغضب:اقصد اللي بتعاكسها دي تبقي خطيبتي
ادم بحرج:احم أنا اسف مكنتش اعرف
الشاب: وأنا هستناك لما تعرف وهوب اداله بوكس وقعه علي الارض
وفي نفس السانية كان هلال واقف ورا الشاب دا
هلال حط ايده علي كتفه:طب هو مش قالك مكنش يعرف علي ايه مد الايد
الشاب بغضب:وانت بقي تبقي مين جاي تعاكس بردو وكان لسة هيمد ايده علي هلال بس علي مين بقي هلال اداله روسية وقعه علي الارض الناس كلها كانت بتبص عليهم
هلال وادم خرجو برا القاعة
ادم حاطت ايده مكان الضربه:ااااه منك لله بقي عايز ظبط زوايا
هلال بغضب:خليك كدة اما تجبلنا مصيبة من عمايلك دي
ادم بضحك:اعيش وافضحك ي هلووو
هلال:ي اخي ربنا يحريني منك
ادم:طب وهاهون عليك بردو
هلال بضحك مهي دي المصيبة
ادم:خلاص بقي فكك
هلال:انت ماسكني كدة ليه
ادم:ي هلوو انهرده عيد الحب وأنا وانت سنجل وحاجة تقرف خلينا مشين مسكين ايد بعض
هلال ضربه:اوعي يلا انت يظهر هرموناتك ضربت
فضلو يتمشو كتير
ادم:بقلك ي هلوو متحبلي ايس كريم
هلال:حاضر ي روحي اجبلك بالمرا بلالين حمرا ولا بينك
ادم:امم هاتها حمرة وفيها قلوب
هلال:حاضر ي بيبي حاجة تاني
ادم:وشوكليت كتير اوي
هلال قرب من ادم
ادم بخوف:خلاص والله بهزر أنا آسف طيب
هلال راح سلم علي ادم:ادم من انهرده ملكش أصحاب سلام
هلال مشي خطوتين راح ادم نط علي ضهره واتشعلق في رقبته
هلال بضحك:انزل ي مجنون هيفتكرنا غلط
ادم:اجري ي بيبي اجري
هلال مسك ادم من رجليه وجلع يطلع يجري بيه
ادم بصوت ستات: اااأااه نزلني ي ساااافل
الشارع كله كان بيبصلهم ويضحك وفي إللي كان بيصور
_____باااك
هلال فاق من زكرياته
تعرف ي ادم لما فضلت ارن عليك امبارح ومردتش قلبي وجعني أوي وعمال يقلي اخوك في حاجة ولما رحت وفضلت اخبط روحي كانت بتتسحب ولما شفتك واقع والسكينة في بطنك كدة حسيت إني أنا إللي موت انت اغلي حاجة في دنيتي ي ادم
هلال وهو بيكلم دنوعه نزلت
ادم بتعب شديد ومش قادر يطلع الكلمه:يااااه ي هلووو شو ف بق لنا قد ايه اص حاب واو ل مرة اشو فك بتع يط وعلي مين عليا انا
هلال مصدقش ورفع راسه وبصله شكله وهو كدة صعب عليه اوي قام فضل يحضن ويبوس في
ادم بوجع وضحك:خلا ص أنا جس مي كله واج عني
هلال بصله وضحك: حمدالله على سلامتك
ادم بتعب:الله يسلمك
هلال:هنده مروة مش متخيل امبارح كانت عاملة إزاي كام مرة اغمي عليها
ادم:هي دخلتلي امبارح
هلال:مش عارف
ادم:طب اندها بس متقلهاش إني فقت
هلال بغمزة: ماشي ي شقي
هلال خرج وبيمثل الحزن
مروة:مفقش
هلال بتمثيل:للاسف
مروة:طب أنا هدخله
مروة دخلت لادم وقعدة مكان هلال ومقدرتش تقاوم وغصب عنها باست ادم في خده
مروة بحزن: فوق بقي وحشتني اوي
ادم من جواه طاير من الفرحة
مروة قعدة ومسكت ايده:تعرف ي ادم أنا بحبك اوي اه والله انت اكتر حد حبيته في حياتي من اول مرة شوفتك فيها مع هلال وانت في قلبي ولما كنت بكلمك كنت ببقي مبسوطة أوي يمكن كنت بتكسف او بصدك لكن أنا من جويا كنت ببقي طايرة من الفرح ولا لما جيت وطلبت ايدي كنت حسا إني اسعد انسانه في الدنيا ومحدش في سعادتي ولا يوم كتب الكتاب لما حضنتني حضنك دافئ اوي ي ادم حسيت في بالامان حيتنا كانت حلوة وسعيدة ي ادم بس انت بوظتها خربت كل حاجة أنا كنت بحلم بحياة اجمل بس للاسف تعرف لما شفتك بالمنظر دا انت واللي اسمها شري اتمنيت إني اموت ولا اشوفك بالمنظر دا مكنتش مصدقة وكنت بقول دا اكيد كابوس ادم بيحبني ومستحيل يعمل كدة انت كسرتني ي ادم وجرحتني اوي وأنا مرضتش اقول لاي حد علي إللي حصل غير زهرة وعاصم لاني مش مصدقه انك تعمل كدة فيا أنا عرفة انك نفسك في فرصة تانيه ترجع بيها كل إللي حصل بس خلاص ي ادم مبقاش ينفع اندم مبينفعش بعد فوات الاوان
كلامها كان زي السكاكين في قلب ادم
مروة كانت لسة هتكمل بس جهاز القلب صفر والدكتور دخل بسرعة
الدكتور:هو حصل ايه
مروة بخوف:معرفش أنا كنت بتكلم معاه
الدكتور:اتفضلي برااا دا لازم يتعمله صدمات كهربية بسرعة
الدكتور فضل عند ادم ومروة مرعوبة
واخيرا الدكتور خرج وهو بينفخ بضيق
مروة بخوف:هو كويس صح
الدكتور بضيق:المرادي جت سليمة وسبق وقلت دا بين الحياة والموت وممكن أي حاجة تأثر عليه افتكرو ان الطعنه كانت قوية جدا وخلو بالكم
الدكتور مشي
هلال:طب أنا هروح اخد دش بسرعة عشان ابات مع ادم وانتو تروحو
علاء:تمام
هلال مشي وعلاء راح يعمل مكالمة تليفون
مروة فضلت تبص وتتسحب لغاية ما دخلت اوضة ادم من غير ما حد يشوفها
مروة قربت منه وسكت ايده: أنا اسفة والله اسفة مكنت اقصد اتعبك لو كان جرالك حاجة كنت هموت من بعد سامحني
ادم بتعب مش قادر يفتح عنيه:طب مم كن فر صة تا نيه
مروة اول ما بصتله وفرحت جدا انو فاق
ادم بتعب:ها
مروة سكت ولسة هتفكر
ادم بتمثيل:ااااااه
مروة بخوف:مالك انت كويس انده الدكتور
ادم بتعب:خاي فة عل يا
مروة بصتله برفعة حاجب ونسيت انو تعبان راحت ضربته في سدره: انت مش محترم
ادم بوجع شديد:اااااااه
مروة بخوف:اووو معلش أنا اسفة والله نسيت
ادم بوجع:خل اص مح صلش حا جة ها ممك ن فر صة تانيه
مروة:ماشي ي ادم هي فرصة وحدة بس بس وحيات امي لو فكرت تلعب بديلك تاني
ادم بتعب:توبه
مروة بصتله وضحكت
الباب خبط طق طق
مروة:اتفضل
_حمدالله علي سلامتك ي ادم بيه
ادم بص بصدمة
(تفتكرو مين
)
بدل ماتدور وتبحث علي الروايات خليها علي تليفونك وحمل تطبيقنا
