الفصل السادس والعشرون
(جماعة أنا بقول اللغي الأشخاص إللي في الرواية ونخليها اكشن ما بين شري وهيثم وحمزة وهلال والمجهول والله تبقي عظمة
)
الام خبطت علي سدرها بشهقه:ي لهوي عليكم اربعة كيلو رز مليتو بيهم الجنينة كلها
هلال بخوف: يما دي زهرة وعمال اجلها بس امي هتزعج وهي أبدا
هلال طلع يجري وساب زهرة تخوض المعركة دي لوحدها 
زهرة برعب:طبعا أنا لو حلفتلك بي ايه ان هلال هو إللي بدء مش هتصدقي
زهرة طلعت تجري ونسيت سكر
الام بقرف:وايه دا كمان الجرف دي
سكر فضلت تهوهو ودخلت تجري ورا زهرة وهلال
زينة لسكر: ايه دا سبوكي لوحدك كدة ليه ي روحي تعالي تعالي
زينة شالت سكر وفضلت تلعب معاها
_______عند هلال
هلال خارج من الحمام كان بياخد دش وخارج مش لابس التيشرت
هو لسة خارج وزهرة بتفتح الباب
زهرة بكسوف:متلبس انت كمان عرفنا ان عندك عضلات
هلال بضحك:ايه دا أنتي فلتي من امي
زهرة بغيظ:اسكت عشان مش طيقاك
هلال بيقرب منها:ليه بس كدة
زهرة بخجل:ابعد
هلال بيقرب اكتر:ليه
زهرة بقيت عاملة زي الفراوليا من الكسوف وهلال بيقرب منها وهو مش لابس حاجة
هلال فضل يقرب من زهرة وفضل يبوس فيها وزهرة مش قدرة تاخد نفسها من الكسوف
واخيرا هلال بعد بصعوبة زهرة ما صدقت بعد ما كلها بقيت حمرا
زهرة نزلت جري علي المبطخ تشرب وهي مش قادرة تاخد نفسها من الكسوف وهلال مبسوط جدااا
زهرة مع نفسها:بس ي قلبي بس اهدي اهدي
زينة داخلة وشايلة سكر:ايه دا في ايه مالك
زهرة بدهشه:يااا دنا نسيتك ي سكر معلش بقي
_________بليل
الكل متجمع عشان احمد جاي يطلب ريتاج وطبعا والدته جت
الكل موجود في هلال
سارة بعصبية:مش هتجوز أنا مش هتجوز والا هقتل نفسي
زينة:سارة اهدي في ايه
سارة: أنا مش عايزة اتجوز في ايه الله هو عافية ولا نزلت تحت وشفت العريس مش بعيد اقتله باقرب سكينة
احمد من ورا الباب:حتي لو كنت أنا
سارة بصدمة:انت بتعمل ايه هنا
احمد بابتسامة مستفزة:جاي اشوف عروستي المجنونه
سارة سكت ومش عرفة تعمل ايه من الفرحة والصدمة في نفس ذات الوقت
زهرة: إيه ي عروسة رايك ايه
سارة:هو أنا تمام وكل حاجة وهقلك رأي بس ممكن تسبلي زهرة عشر دقايق بس
زهرة بخوف:لالا أنا هنزل تحت
سارة:عندك
زهرة:هلال اللحقني
هلال وهو خارج:دا كلام ستات ملناش دعوة يلا ي جماعة
هلال اخد زينة واحمد وخرج
زهرة بخوف:سرسور ي قمر
سارة بغيظ:بقي تقوليلي هتتجوزي عمو مسعد وعندو 48 سنة ومتجوز تلات مرات وكاهم ماتو وهو عنده القلب تعاليلي
زهرة بخوف:سرسور كنت بهزر معاكي
سارة:وماله نهزر سوا
سارة قربت من زهرة ونطت عليها وفضلت تزغزغ فيها
زهرة بضحك:ههاهههاها خلاص والله خلاص حرمت
نسيبهم يضحكو مع بعض شوية
________عند زينة
زينة خارجة الجنينة لقيت حسام قاعد علي كرسي وفاتح الفون
زينة قربت منه بصوت عالي:انت بتعمل ايه عندك
حسام بخضة:في ايه ي بنتي حرام عليكي قطعتيلي الخلف
زينة:ايوا إيه إللي جابك عندنا انت
حسام:جاي ازور بنت خالتي
زينة:ي روحي طب متجيش عندنا تاني بعد كدة
حسام:هسالك سؤال وتجاوبي بصراحة أنتي مولدوة دبش كدة ولا ايه
زينة بعصبية:عارف لو مسكتك هعمل فيك ايه ياد انت
حسام:ياد روحي ي بابا اللعبي بعيد يلا هنرش ميا
زينة:يعني كمان قاعد في بيتنا وبتتكلم انت تخرس خالص
حسام: حاضر
زينة:هشششش
حسام: حاضر
زينة:بقلك اخرس مسمعش صوتك متردش
حسام هز رأسه زينة ضحكت ودخلت
حسام مع نفسه:اممم فكرة حلوة بردو
الكل اتجمع عيلة هلال وزهرة كلهم في بيت هلال وقرءو فاتحت احمد وسارة والاتنين كانو مبسوطين جدا
حسام بصوت عالي: أنا عايز اقول حاجة
رافت:اتفضل يبني
حسام: أنا طالب ايد الانسة زينة
زينة كانت بتشرب كحت علي ما اخر ما عندها
زهرة بضحك:اهدي بس هتنفضحي
زينة بنرفزة نسيت أن في حد موجود:تطلب ايد مين ياد
رافت:خبر ايه يبت مالك
زينة:اسفة يبوي
حسام:طب يلا يلا ي جماعة نقرء الفاتحة اهي موافقة
زينة:مين هي إللي موافقة أنا مش بطيق اشوفك اصلا
حسام:اهو شفته محبا ما بعد عداوة يلا ي جماعة نقرء الفاتحة بسرعة
رافت:طب مش لما نتفج لاول
حسام:صدقني ي عمو مش هنختلف يلا يلا
الكل بصله وضحك وبدؤ يقرو الفاتحة وزينة نفسها تمسك حسام تديله علقة بس من جواها قلبها كان بيرقص من الفرحة
علاء:طيب بما أن الكل متجمع واحمد وطنط موجودين يبقي اعمل إللي عايزه
علاء خرج برا ودخل تاني والكل مستغرب هو هيعمل ايه
علاء:اتفضل ي شيخنا
علاء داخل ومعاه المأذون والكل مصدوم
احمد: إيه الهبل دا ومين قالك إني موافق
علاء بنرفزة:ولا لم نفسك كدة ملكش دعوة علي الاقل عشان اشوفها براحتي واعمل إللي عيزاه متبقاش واقفلي زي اللقمة في الزور
احمد:لا بردو كتب الكتاب مع الفرح
هلال:ما تبطل تنشيف دماغ بقي وإلا كدة يا هاجل أنا كمان هه
علاء بهمس:مردودالك يبو نسب
هلال:عد الجمايل بقي ها رايك
احمد بضيق:ماشي موافق بس نكتب كتابي أنا وسارة كمان
حسام بسرعة: وأنا زينة بردو
المأذون:في إيه ي جماعة العيلة كلها هتتجوز ولا ايه
رافت بضحك:خلاص عاد خير البر عاجلوو ابدء ي مولانا
الكل كان مبسوط جدا لان خلاص كل واحد هيبقي مع ملكته الخاصة
هلال لزهرة:مالك
زهرة بتعب:مليش بس جنبي وجعني شوية
هلال بقلق:طب تعالي نروح لدكتور
زهرة بابتسامة:لالا دا وجع عادي
الماذون كتب اول حاجة كتب كتاب علاء وريتاج وبعديه احمد وسارة وبعديه حسام وزينة
حسام بفرحة كبيرة:ااااه اخيرا بقيتي مراتي
زينة اتكسفت وبصت للارض
حسام:وهعلمك الادب واقطعلك لسانك
زينة برفعة حاجب:بتقول ايه
حسام بخوف:بقول إني مبسوط أوي هاتي حضن
زينة:ابعد لاغزك
حسام: رومانسية أوي ماشاء الله
____في الجنينة
علاء وريتاج وقفين
علاء بفرحة:يااااه ي حلم بعيد اخيرا بقيتي ملكي أنا وبس
ريتاج بفرحة: أنا مش مصدقة أنا مبسوطة اوي
علاء: وأنا طاير من الفرحة واحسن حاجه أن اخوكي هيبعد عن دماغنا
ريتاج بكسوف: أنا بحبك اوي ي علاء اوي
علاء مصدقش شالها وفضل يلف بيها
____عند احمد
احمد:هتفضلي مبوزة كدة كتير نفسي اخد حضن زيهم
سارة بعصبية:انت تخرس خالص مسمعش صوتك
احمد بضحك:ليه بس كدة ي صاحبي
سارة:مقلتليش ليه انك جاي تتقدملي
احمد:حبيت اعملها مفجأة
سارة بضيق:اممم
احمد:مخلاص بقي
سارة:
احمد قرب منها باسها في خدها وطلع يجري
سارة بصدمة:ي سافل
____نرجع لهلال
هلال في الفون:اللوو ي برنس مفيش جديد
مجهول:لا ولا حاجة زي ما هما مستنينك أما ترجع
هلال:طب عايزك تخلي بالك منهم كويس اوي
مجهول:حاضر ي كبير
هلال قفل راح المطبخ لقي زهرة وقفة
هلال بقلق:مالك
زهرة بداري وشها:مايش أنا خارجة
هلال مسكها ورفع وشها:ايه دا أنتي بتعيطي مالك حصل ايه
زهرة انفجرت من العياط:جنبي جنبي وجعني أوي مش قادرة اخد نفسي منه حسا إني هموت
هلال بخوف:كل دا ومقلتيش ليه
زهرة:محبتش اشغلكم
هلال:والله طب يلا
هلال شال زهرة وخرج بيها ركبها العربية تحت انظار الكل ومحدش فاهم مالها زهرة
____في المستشفي
هلال:ها ي دكتور طمني
الدكتور:لازم تدخل العمليات حالا الزايدة علي اخرها
هلال خاف جدا علي زهرة
وزهرة كانت خايفة جدا دي اول مرة هتعمل فيها عمليه
زهرة جهزت ولبست لبس عمليات ونايمة علي السرير وهلال ماسك اديها
زهرة بخوف وتعب: أنا خايفة اوي
هلال بيملس علي شعرها: أنا مش قلت طول منا معاكي متخافيش يلا اجمدي كدة عشان تخرجيلي بسرعة
زهرة:عايزة اقلك حاجة
هلال:ايه
زهرة وهي ماشية بالترولي والممرضين بيزقوها:(بحبك)
الكلمة دي كانت كفيلة انها تخلي هلال قلبه يقف من الصدمة هو بقي بيعشق زهرته بس مكنش متخيل انها ممكن تحبه بالسهوله
مر ساعة وزهرة لسة في العمليات وهلال عمال يدعلها والعيلة كلها جت مستنين زهرة
بدل ماتدور وتبحث علي الروايات خليها علي تليفونك وحمل تطبيقنا
