#الجزء_التانى
لاقيتها ع السرير والسرير كله دم وهى مطعونه ف قلبها بالسكينه
اول ما شوفت المنظر اتخضيت
وفضلت اصوت
لاقيته جاى بسرعه
وبيقولى ف ايه
بص ع السرير رجع لورا
مكانش عارف ينطق
مسكت الفون بسرعه واتصلت بالبوليس
لاقيته بيقولى بتعملى ايه
قولتله بتصل بالبوليس
شد منى الفون
وقالى متكلميش حد
خدت منه الفون ومسمعتوش وكلمتهم
بعد حوالى ربع ساعه البوليس وصل
وخدونا يحققوا معانا
كانت اسئلة الشرطة المعتاده
ليها اعداء
حد بيكرها
عندها مشاكل مع حد
كل ده انا كنت بنفى
وعمرو كمان اتسال نفس الاسئله
عدى يومين ع الموضوع والموضوع مكانش بيهدى
ككنا كل يوم ف القسم
بنتسال ونجاوب
كل قرايب جوزى اتسالوا
بقوا يجوا كتير
بقى ياخدهم معاه ف اوضة المكتب
يتكلموا بعيد عنى
ومعرفش ليه
كنت حاسه انى هجنن
لحد ما ف الاخر جتلنا عمته
وقالت انها هتقعد معانا يومين لحد ما تفهم مين اللى قتل اميره وقتلها ليه
وتانى يوم بعد وجودها خدها عمرو وقالها عايز اتكلم معاكى
ودخلوا اوضة المكتب
ولاقيتهم بعد شويه صوتهم بيعلى
وبتقوله انا مش هسكت زيهم
وهحكى كل حاجه
وخرجت من اوضة المكتب ع اوضتها فوق وهى باين عليها انها متعصبه اووى
جيت اطلع وراها
لاقيته بيوقفنى وبيقولى سبيها
وسالته ف ايه
قالى مفيش وزعقلى وفضل يقولى متدخليش ف اللى مالكيش فيه دول اهلى وخرج بره البيت
متحركتش من مكانى وقولت ماليش دعوه
لحد تانى يوم قبل استجوبها ف القسم
الفطار كان جهز وعمته منزلتش
طلبت من الشغاله تطلع تندهلها
اول ما طلعت لاقيتها بتصوت
طلعت جرى اشوف ف ايه
لاقيت عمته مشنوقه قدامى ..........
