الفصل الثالث عشر
ياسين : شيطان أحلامك!...
ورد : الصورة دي انا عملتها بعد الحفلة بيوم
ياسين : طيب و دلوقتي ايه النظام
ورد : بعد اللي انا شوفته منك... لحد النهاردة.. مبقتش شيطان و بردو مش ملاك
ياسين : ماشي يا ستي
ورد : تعالى بقا بره... كفاية اللي انت شوفته و لا ايه
ياسين : لا استني انا شوفت هنا كتب كتير.. بتوع ايه دول
ورد : انا بحب اقرأ و كمان بكتب قصص و روايات
ياسين : انا كمان بحب القراءة... و بقرأ انجليزي كمان
ورد : و انا كمان... بس برضو بقرأ عربي
ياسين : استني دا فيه بلكونة هنا كمان
و طلعوا هما الاتنين البلكونه
ياسين : كل ده ورد... انتي اللي زرعاه مش كدة
ورد : اه
ياسين : الواحد من كتر الراحة النفسية مش عايز يخرج منها
ورد : تعالى نلعب لعبة الازازة
ياسين : اه اللي احنا بنلف فيها الازازة و اسئلة و كدة... ماشي
و لفت الازازة و كان المفروض ورد تسأل
ورد : عندك استعداد تحب و تتجوز تاني؟
ياسين : بصي لو كانت انسانة بجد بحبها يبقى ليه لا
ورجعت لفت تاني و جه على ياسين انه يسأل
ياسين : عمرك حبيتي قبل كدة؟
ورد : اه
ياسين : بجد... كان عندك كام سنة
ورد : كنت في الحضانة
ياسين : و حبيتي مين في الحضانة
ورد : كان ولد بيقعد جنبي في نفس الديسك
ياسين : هههه انا بقول الايام دي
ورد : لا
ياسين اترسمت على وشه ابتسامة كدة
نادية : ورد هاتي الباشمهندس و تعالي
ورد : حاضر يا ماما
وراحوا الصالة لقوا نادية حاطة فطير مشلتت و الكلام ده
نادية : اتفضل يا استاذ ياسين
ياسين : لا شكرا و الله مش عايز
نادية : انت اكيد جعان
و بعد الحاح قعد اكل
ياسين : تعرفي يا مدام نادية انا عمري ما اكلت فطير فلاحي قبل كدة خالص
نادية : و الله.... طيب ايه رأيك
ياسين : تسلم ايدك اكيد
و بعد ما خلص اكل
ياسين : عن اذنكوا بقا امشي انا
نادية : يا ابني ما انت قاعد
ياسين : لا يدوب اروح... و تسلم ايدك مرة تانية
نادية : روحي يا ورد وصليه للباب
و وقف ياسين عند الباب...
ياسين : مع انه كان يوم طويل بس كان حلو بكل تفصيلة فيه
ورد : اظن محدش عمل فيك كدة قبل كدة
ياسين : عندك حق فعلا... يلا مع السلامة
ورد : مع السلامة
و دخلت ورد الاوضة و كانت طايرة من الفرحه
ورد : الحق بقا انام علشان بكرا تسليم المشروع
و جه تاني يوم و صحيت ورد و اتشيكت و راحت الشغل
و بعد ما وصلت الشغل لقت الموظفين قاعدين و بيهزروا و دخل ياسين
ياسين : "صباح الخير "
و كان مبتسم
