الفصل الثامن عشر
ورد : انا جيت اهو يا ماما عايزة ايه
نادية : انا كنت بناديكي علشان تاكلي و عايزة اقولك حاجة كدا
ورد : لا انا شبعانة.... ايه الموضوع بقا
نادية : في عريس متقدملك قال لمرات عمك في البلد
ورد : تاني العيلة هتتدخل في حياتنا... مش كفاية اللي هم عملوه معاكي ايام ما كنا لسة هناك
نادية : يا بنتي دا كان زمان.. و بعدين الراجل دكتور و عنده بيته فاضل العفش بس و بعدين انا عايزة افرح بيكي و اشيل عيالك قبل ما اموت
ورد : بعد الشر عليكي يا حبيبتي
سلمى : ما تقابلي العريس يا ورد.. شوفيه
ورد :.....
نادية : شوفيه بس مش لازم تقبليه
ورد قامت دخلت الاوضة و كانت زعلانة و كل اللي كان في بالها ياسين و بسرعة رجعت افتكرت انهم بيمثلوا
و بعدين قعدت تفكر هتطفش العريس ازاي
و لقت فكرة...
ورد : عايز تتجوزني.... هتشوف
و جه تاني يوم و نادية دخلت لورد الاوضة
نادية : الناس قالوا هييجوا النهاردة
ورد :....ماشي يا ماما بس متحطيش في بالك اني موافقة عليه
نادية : شوفيه بس
ورد : ماما مش اكيد طنط شيماء قالت شوية صفات في الراجل ده قوليلي حاجة منهم
نادية : هي قالت انه محترم و مبيحبش الست تكلم رجالة و بيحب الست الراكزة و العاقلة
ورد : استنى عليا بس...
نادية : بتقولي ايه يا ورد
ورد : لا و لا حاجة..... الا صحيح هو اسمه ايه
نادية : اسمه محمد علام
ورد : ماشي.... يلا انا هقوم اغير هدومي علشان عندي شغل
و غيرت ورد هدومها و راحت الشغل و اما وصلت لقت ياسين داخل من الباب و قال صباح الخير و هو مبتسم و قال لورد تجي على المكتب
ورد : شايفاك اتعودت على الابتسامة... شوفت ازاي بقا في راحة في الشركة كدا
ياسين : عملتي ايه بقا امبارح
ورد : اما قولتلهم و كمان سمعتهم التسجيل كانت هتموت.....
ياسين : طيب ناوية على ايه
ورد : سيبك منها دلوقت هي اصلا روحت بيتها.... انا عايزاك في خدمة كدة
ياسين : اؤمري...
ورد : انا متقدملي عريس.... و عايزاك تعمل حاجة كدة
ياسين قال في سره : عريس..! هتضيع مني....
ورد : انت بتقول حاجة
ياسين : لا... انتي عايزاني اعمل ايه
ورد : ماما قالت انه مبيحبش الست اللي بتكلم رجالة و كمان مش بيحب الست العاقلة.... فانت هتيجي انت و نورا و عبدالرحمن و اتنين تلاتة كمان من الشركة و هتعمل ان احنا عندنا شغل كتير و لازم نشتغل لوقت متأخر و سيب الباقي عليا
ياسين : بس كدا الموضوع دا سهل...
و راح ياسين قايم و نده على نورا و عبد الرحمن و سالم و ياسر و قالهم يجوا المكتب
ياسين : عندنا مهمة....
عبد الرحمن : مشروع جديد
ياسين : لا... عملية انقاذ
و قعد ياسين حكى كل حاجة و هيعملوا ايه بالظبط
ورد : انا مروحة بقا علشان ورايا حاجات ياما.... هبعتلك علشان تيجوا
ياسين : ماشي.... خلاص كدا اتفقنا و كل واحد عرف هيعمل ايه
و كلوا خرج و عبدالرحمن لا
عبدالرحمن : احكيلي انا زي اخوك برضو
ياسين : احكيلك ايه
عبدالرحمن : بتعمل كل دا ليه... و اوعى تقول زميلة
ياسين : الصراحة.... انا بحب ورد.... و مش عارف اقولها ازاي... و قلقان من ردة فعلها
عبدالرحمن : و اخوك مش هتفتكره بحاجة
ياسين : افتكرك بايه
عبدالرحمن : انا معجب بصحبتها
ياسين : سلمى.....؟!
عبدالرحمن : لا التانية تقى.... كلمتها على التيليفون مرتين و شوفتها في الحفلة..
ياسين : اااه... خلاص كدا كدا تقى موجودة عند ورد في البيت
عبدالرحمن : خلاص ماشي... اشطا
ووصلت ورد البيت...
نادية : يلا خشي اجهزي يا ورد
ورد : ما انا جاهزة اهو
و جه الليل و الباب خبط و نادية فتحت
نادية : اهلا و سهلا يا تستاذ محمد... اتفضلوا
ام محمد : ايه مش هنشوف عروستنا القمر
نادية : ورد.... ورد
و راحت ورد الصالة و سلمت على اهل العريس و قعدت جنب مامتها
ام محمد : لا بسم الله ماشاء الله قمر
ورد : دا من زوقك
ام محمد : تعالوا نطلع البلكونة و نسيبهم لوحدهم شوية
نادية : اتفضلي...
محمد : ازيك
ورد : كويسة...
محمد : اتفضلي عايزة تسأليني اي حاجة اسألي
ورد : هسألك شوية اسئلة و هم دول اللي هيحددوا شخصيتك
محمد : اتفضلي
ورد : اول سؤال 'اسم الحرباية اللي ريبانزل كانت مربياها ايه'؟
محمد : الحرباية هي اللي هتحدد شخصيتي
ورد : اه... عارف الاجابة و لا لا
محمد : الصراحة لا.... بس عايز اعرف ايه الاجابة
ورد : باسكال.... السؤال التاني ' الساحرة كانت خاطفة ريبانزل كام سنة'
محمد : انا ههبد
ورد : اتفضل
محمد : تسعة
ورد : لا 18
محمد : لا وقت طويل دا... هي ريانزل هي اللي هتحدد مستقبلي
ورد : لا في غيرها " بيل كانت بتقرا رواية ايه للوحش"
محمد : مش عارف الصراحة
ورد : روميو و چوليت
محمد : طيب سؤال كمان... معلش
ورد : ماشي " اسم النمر اللي في علاء الدين كان ايه"
محمد : ايه الاسئلة دي... طيب ايه اسمه
ورد : راچا... طيب علشان انا طيبة هديك سؤال كمان بس ده الاخير " اسم اللي بوكاهانتس بتحبه ايه "
محمد : مين بوكاهانتس دي بنت خالتك
ورد : لا... على العموم شكلك كدة مش عارف و بتتهرب من السؤال... الاجابة هتبقى
چون سميث
محمد :.... هي الاسئلة كلها كرتون
ورد : اه علشان دي الحاجة اللي انا بحبها
و الباب خبط للمرة التانية و ورد قامت فتحت
ورد : ازيك يا ياسين... ايه المفاجأة الحلوة دي
ياسين : اهلا بيكي انا جيت و جبت الشغل هنا علشان انتي مشيتي بدري
محمد :.......؟!
