Ads by Google X

القائمة الرئيسية

الصفحات

روايه كيف احببتك الحلقه الثالثه


 الحلقه التالته... 


ومشينا رحنا الحفله بس اتصدمت من المنظر.. 

 كانت ناس كتيره جدا، وستات تقريبا لبسهم مش ساتر جسمهم، اغاني عاليه اوى،  خمره من كل نوع... تقريبا انا عرفت هو ليه ياسر كدا.. 


طبعا اول مره تشوفي حاجه زي كدا.. 


داحنا لو موتنا دلوقتي هندخل جهنم ضهري... 


ياسر بصلها وفضل يضحك " والله معاكي حق " 


في الحظه دى بيجي واحد بيرحب بيهم وبيسلم عليهم... 


اتفضلو اتفضلو.. 


ياسر " رحمه معلش هروح اسلم على ناس هناك وراجعك اوعي تتحركي " 


حاضر 


رحمه في سرها " اي دا كله فعلا،  ياريت الناس دى تفهم بس ان في الاخر هيسيبه كل دا ويروحو عند ربنا، ياتري دى اشكال جاهزة تقابل ربنا،  يارب توب عليهم يارب توفاهم وانت راضي عنا وعنهم يارب... 


احم احم... ممكن اتعرف بالقمر 


بصت جنبها لقت شخص وسيم ببدله ومبتسم ليها... " غريبه انك الوحيده اللي لابسه حجاب هنا " 


ليه ممنوع 


لا طبعا هتصدقيني لو قلتلك انك مميزة جدا،  وتقريبا اجمل بنت في الحفله 


شكرا...رحمه بتبص على ياسر اللي بتلاقيه مع ناس 


العفو... انتي سكرتيره ياسر 


رحمه لسه مركزه مع ياسر، اللي بتيجي وحده بتحضنه من ورا وتبوسه.... 

ها هي حصلت كمان 


تقصدي ياسر، ههه اصل الواد دا بيقع واقف، دى ميرنا وحده من المزز بتوعه.... مفروض انك سكرتيرته وتبقي عارفه 


ها.. اه.. اه 


هو انتي اسمك اي صحيح؟ 


........ 


يبنتي.... انتي مش معايا خالص.... طب ماتيجي نرقص.. 


وهنا لاحظت رحمه ان ياسر بيبص عليها وعيونه كلها غضب وهو جاي عليها.. 


ها لا لا.. انا مش بعرف ارقص 


تعالي بس هعلمك... ومسك ايد رحمه 


بس ياسر جه في الوقت المناسب ومسكها قبله... 


" حاسب يا احمد،  اصل رحمه مراتي ملهاش في الحاجات دى " 


مراتك!؟  انا اسف بجد والله، معرفش انها هي.... عند أذنكو.. 


تعالي نرقص يا رحمه 


بس انا مش بعرف 


هعلمك 


ياسر بياخد ايد رحمه وبيحطها على كتفه وهو بيحط ايده في وسطها، بتشتغل موسيقي هايه والاضاءه بتخف، بيقرب منها اكتر وعنيهم بتتقابل لاول مره عيونهم في عيون بعض، بيرقب منها اكتر وبيهمس في ودانها 


" مكنش لازم تخليه يتكلم معاكي ويمسك ايدك، كنت حاسس اني هتجن وانتي معاه " 


رحمه بتقرب منه وبتهمسله 


" ازاي تسمحلها انها تحضنك وتبوسك قدامي!؟  " 


دة وحدة مش قادرة تفهم اني اتجوزت خلاص، بس لو اخدتي بالك انا بعدت عنها وكسفتها قدامهم ومستحيل تقرب مني تاني..... " على العموم انا اسف " 


" وانا كمان اسفه عشان وقفت معاه " 


صمت بيحل بينهم ومفيش غير نظرات، مع حركات رقص خفيفه، وكل دا بيخلص والاضاءه بتعلى والناس بتسقف... 


             ...         **************** 

في العربيه وهما راجعين البيت.... 


عجبتك الحفله..


مليش في الجو دا، انا بحب الهدوء وبس..... دا غير كميه الذنوب اللي عملناها طبعا 


ههه معاكي حق، بس دا شغل.. 


ياسر معلش وقف العربيه هنا... بليز بليز 


حاضر.. 


نزلت قعدت قدام النيل وهو نزل قعد جنبها... 


الجو حلو اوي النهارده... والنجوم جميله 


بتحبي النجوم اوى انتي ها؟ 


جدا جدا.... النجوم بتديني امل في بكرا.... نجوم يعني نور.... لما ببص للنجوم بحس اني رجعت طفله 


..... 


ساكت وبتبصلي كدا ليه 


شكلك حلو اوى وانتي بتتكلمي.. 


بتبصله وبتبتسم وبترجع تبص للنيل... 


تاخد مناديل يا بيه؟ 


اسمك اي!؟  


شيكا يا بيه.. 


تعالي يا شيكا.... خد دول خليهم معاك.... وخد الكارت دا كمان خليه معاك ووقت ماتحتاج فلوس تاني تعالي.. 


ربنا يكرمك يا بيه.... ربنا يخليلك عيالك يارب 


ليه عملت كدا؟ 


بصي يا ستي، انا فكرت في الموضوع بتاع دار الايتام وقررت اخليه، واحاول اجمع اطفال الشوارع فيه،  انا متاكد ان بكرا او بعد كام يوم الولد دا هيجيلي عشان الفلوس، ووقتها هحاول اخليه معايا ادخله دار الايتام ويقدر يعيش صح،  لكن لو قلتله من دلوقتي عليها هيخاف عشان دول مساكين بيخافو من اي حاجه بيخافو حتى يحلمو... 


بتبصله وبتبتسم تاني.... " ممكن اسألك سؤال " 


اتفضلي 


ليه بتعمل كدا.... قصدي انك جواك حلو اوى، ليه مصر تعمل حاجات وحشه تخليك وحش بس 


بصلها ورجع بص للنيل،، " كان عندى عشر سنين، وقتها امي زهقت من عمايل ابويا، ضرب وأهانه وخيانه طول الوقت، قلتله عاوزة انفصل، مترددش لحظه وطلقها بس منعها مني وخدني منها، مقدرتش تستحمل ان ابنها الوحيد يفضل بعيد عنها ماتت من الزعل،  وانا عشان معيطش او اعمل حاجه تضايقه بقا بيعملي اي حاجه عاوزها مهمها كانت،  عملت كل حاجه غلط تقريبا، شربت مخدرات، صحبت بنات العالم كله، بعمل اي صفقه في دقيقه وممكن اخطف، اولع، ادمر اي حد يفكر يقف قدامي، ابويا مات وسبلي كل دا ومشيت على اللي بيعمله واللي هو انا كمان بعمله، قلبي مفيهوش غير القسوه والكرهه لكل الناس، معادا الفقرا.... مقدرش اجي عليهم كفايه الدنيا عليهم " 


طب وانا!؟  اشمعنا سبت كل البنات الحلوة دى واخترتني انا! 


ياه يا رحمه الساعه 1،يلا بينا نروح انتي نسيتي ان عندنا شغل الصبح ولا اي 


لا منستش بس... 


يلا بينا طيب 


حاضر، " هو ليه اتهرب مني ومقليش، حاسه ان في حاجه غريبه " 


ياسر في سره " مش هقدر اقولك على حاجه دلوقتي يا رحمه سامحيني،بس وعد هتعرفي كل حاجه قريب " 


              ************************** 


اتفضل يا ياسر، دى كل الاوراق اللي طلبتها 


تمام... بس مالك يا رحمه وشك باين عليه التعب ليه كدا 


لا لا انا تمام بس حاسه اني تعبانه ومصدعه 


طب اتفضلي روحي دلوقتي ادام تعبانه 


بس الشغل 


شغل اي وزفت اي بس،روحي بس ارتاحي ولو لسه زي مانتي كلميني نشوف دكتور....امشي  يلا...السواق تحت الشركه انزليله ولما تروحي اتصلي طمنيني عليكي...


حاضر، مع السلامه


............


الو الو مين؟


يتقول اي رحمه مالها....مستشفي اي بسرعه..


رحمه مالها يا دكتور....قلي رحمه مالها 


.......للاسف مدام رحمه.....


........يتبع 


#كيف_احببتك 


#تسنيم_خالد 

      

              الحلقه الرابعه من هنا

تعليقات