Ads by Google X

روايه كيف احببتك الحلقه الرابعه


 الحلقه الرابعه.... 


ياسر جري بسرعه على المستشفي، هو كان فاكر انها تعبت بس اللي حصل انها عملت حدثه بالعربيه.... 


خير يا دكتور في اي، رحمه مراتي مالها.. 


للاسف مدام رحمه فقدت دم كتير، وحصلها شويه كسور في جسمها، دا غير  خبطه جامده في الجمجمه ودا احتمال كبير يسبب في مضاعفات... 


طب هي هتبقي كويسه، طمني بالله عليك.. 


ادعيلها يا استاذ ياسر وربنا يقومها بالسلامه 


            ***********************

بعد ساعات عدت وياسر بيصلي وبيدعي ربنا وهو بيعيط، لاول مرة حاسس انه عاجز، ازاي الشخص الوحيد اللي حبه بيروح منه ومش قادر يساعده، 


" يارب انا عارف اني اذنبت كتير، عارف اني عملت كل حاجه وحشه، بس انت عارف اني توبت من يوم ماعرفتها، يارب انت عارف مليش غيرها رجعهالي يارب " 


استاذ ياسر 


طمني يا دكتور، رحمه كويسه 


احنا عملنا اللي علينا، والباقي على ربنا.... هي دلوقتي في غيبوبه ومش عارف الحقيقه هتطول ولا لا، لان الحقيقه الحادثه كانت كبيره، وكل حاجه بأيد ربنا... 


           ************************ 


ياسر بيدخل الاوضه اللي فيها رحمه وهي حواليها اجهزة كتير، مع ذلك شكلها زي الملايكه، ازاي في حد جميل اوى كدا،  ازاي خلتني اوقف حياتي عليها عليها هي وبس.... 


عدت 48 ساعه ولسه رحمه في الغيبوبه، الظاهر فعلا انها هتطول... 


شايفه يا رحمه انا نزلت اشتريت نوت اللي بتحبيه وكان نفسك حد يكتبلك فيها كلام كتير، انا جبتها وهكتبلك فيها كل حاجه كان نفسك تعرفيها وانا اتهربت منك وقتها... 


ياسر مسك القلم وفتح النوت وبدا يكتب.... 


" حبيبتي رحمه، عارف اني انسان وحش اوى، جشع وبتاع بنات وخمورجي، بس من يوم ماشوفتك حبيتك انا عشقتك، ابوكي كان شغال في  المصنع وانتي كنتي بتكلميه وقتها، ضحكتك خطفت قلبي، براءتك طريقه كلامك، كل حاجه فيكي سحرتني، قعدت شهور اراقبك من بعيد، كنت بروح كليتك واقف بعيد عنك عشان ابقا قريب منك، حبيت اعرف كل حاجه عنك، من اصغر تفصيله لاكبر تفصيله، لحد ماتقدمتلك كنت عارف ان ابوكي هيوافق خوفا مني بس، لكن كنت بقول يمكن تحبني، يوم الفرح لما عيطتي وقلتليلي متلمسنيش حسيت اني غلطت اوى لما خليتك تتجوزيني وانتي مش حابه من الاول، بعديها قررت اني اتغير بس لازم الاول تحبيني بكل حاجه وحشه فيا وقتها هعرفك قد اي حبيتك وقد اي اتغيرت، لما جينا نصلي وقلتلك نازل، انا نزلت اليوم دا صليت في الجامع محبتش ابين توبتي قدامك يارحمه، بعديها رجعت مكنتش سكران ولا حاجه بالعكس انا عملت كدا عشان اوريكي اني وحش جدا، ولازم عشان تحبيني تعرفي دا،" 


النهارده عدى 5 ايام وانتي لسه في الغيبوبه يا رحمه، تعرفي انك وحشتيني اوى اوى، لما روحت البيت اغير حسيت ان البيت وحش جدا، بقا شبه المهجور، متعودتش يبقا كدا من يوم معرفتك، التلفزيون والكارتون اللي بتحبيه، سجاده الصلاه والمصحف، الاكل اللي كان بيتعمل في نص الليل وتقولي جعانه، تعرفي ان كل دا كان بيخليني احبك اكتر،  نظرتك وبيجماتك اللي شبه بتاعه الاطفال دى، كتبك ورواياتك، صوتك وانتي بتقرئ القرأن، طريقتك وانتي متعصبه، كل حاجه خليتني احبك، انا بحبك اوى، قومي بقا يا رحمه قومي " 


النهارده 8 يوم وانتي لسه في الغيبوبه، تعرفي من وقت الحادثه مروحتش الشركه وروحتها النهارده، قد اي ملهاش اي طعم من غيرك، تعرفي اني اصلا خليتك معايا عشان بتوحشيني بتوحشيني كل دقيقه وكل ثانيه، مقدرتش اقعد فيها اكتر من ساعه ومشيت، وازاي افضل وانتي مش معايا، ريحه القهوه بتعتك وانتي داخله بيها المكتب، الورق والملفات اللي بتفضلي تتناقشي فيهم، طلبك الاجازات للموظفين عشان عندهم ظروف، فاكره دار الايتام اللي خليته ومهدتوش، انا سميته على اسمك... دار الرحمه، ملقتش احلى من دا اسم، حرفيا انا تعبان من غيرك يا رحمه قومي بقا عشان مش قادر اعيش من غيرك " 


عدى لحد دلوقتي شهر، ورحمه زي ماهي، حياتي ملهاش طعم من غيرها، مش بعمل حاجه غير اني كلمها في النوت واصلي وادعيلها، حياتي كلها بقت عندها، فاضل كام يوم وعيد ميلادها يجي، كنت ناوي اعملها  مفجأه في اليوم دا، واقولها اني بطلت كل حاجه حرام، وبقيت عايش عشانها هي وبس، لكن هي فين، اتمنى تقوم بقا انا مبقتش قادر اشوفها كدا... 


لوسمحتي انا رايح البيت وراجع خلي بالك من رحمه، لتفوق ومتلاقنيش جنبها 


حاضر يا استاذ ياسر انا جنبها اهو لحد ماترجع.. 


             *********************** 


طلعت غيرت هدومي وصليت ودعتلها زي مابعمل،  جبت الصور وقعدت اشوف صورها، واتامل فيها... 


بس فين صور الفرح صح.. 


بدور كتير مش لاقيها بس هو اي النوت دا.. 


فتحت اول الصفحه... دى بتاعه رحمه...... 


......... اي دا دا..... رحمه كانت....... 


........ يتبع 



#كيف_احببتك


#تسنيم_خالد 


        الحلقه الخامسه من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-