هتسفري يعني وتسبيني .؟؟ سامحيني ؛ انا عارف النا غلطت بس مقدرتش .. مقدرتش اشوفك مع غيري ؛ والغيره كانت عمياني ؛ مقدرتش اسمعك ؛ انا اسف سامحيني .
= للاسف يمالك مبقاش ينفع خلاص . ؛ انا هاخد ماما وهسافر انا محتاجه اريح اعصابي شويه ومش هقدر اسامحك بسهوله كدا .
_ وانا مش ممانع انك تسفري بس ع الاقل تسامحيني واردك تاني .
زعقت =قولتلك مش بالسهوله كدا ؛ زي مانت قدرت تستغني عني ومتعرفش الحقيقه طول الوقت دا انا بردو مش هقدر اسامحك بالسهوله دي ؛ انت اتخليت عني ف اكتر وقت كنت محتجالك فيه ؛ انا بكرهك يمالك بكرهك .
" سبته ومشيت وطلعت بره الشركه كلها وانا دمعتي علي خدي ؛ مهو مستحيل اسامحه بالسهولة دي ؛ مالك وجعني اوي ووجع قلبي "
......................................
_ يابنتي هو انا كل ماشوفك الاقيكي بتعيطي كدا ؟.حرام عليكي نفسك .
= يعني هو بمزاجي يماما ؛انا خلاص هخدك واسافر عشان محتاجه اريح اعصابي شويه .
_ ماشي يملك لو دا ال هيريحك انا معنديش مانع .
" رجعت اسكندريه بلد ماما اكتر مكان برتاح فيه نفسيا ؛الطريق كان طويل اول مره نروح اسكندريه من غير مالك بس لازما اتعود علي عدم وجودو وادوس علي قلبي ؛ منكرش النا لسه بحب مالك بس مش ب ايدي والله ؛ اين كرامتي انا لا اراها .!"
.......................................
= اهلا ب الغاليه بنت الغالي .
_ اذيك يتيته عامله ايه.
= انا بقيت كويسه اول مشوفتك انتي متعرفيش كنتي وحشاني اد ايه .
= وانتِ كمان والله ياحبيبتي واديني جتلك اهو .
_ مالك مجاش معاكي ليه ؟
ماما بصتلي وهي بتتكلم = اصل . اصل مشغول شويه وهيبقي يجي المره الجايه .
= اوعو تكونو زعلنين من بعض وانتو بتكدبو عليا ؟
_ لا يحبيبتي مفيش حاجه ؛ انا هطلع اريح شويه عشان هلكانه من السفر .
"طلعت الاوضه وقعدت ع السرير وانا بفكر ف حياتي ال معقده دي .. عرفنا نكدب ع تيته ونقولها انا ومالك مش زعلانين ولا حاجه ؛ بس لحد امتي . لحد امتي هنخبي عليها كدا . احلي حاجه اني انام ؛ اهرب من العالم المؤذي دا ."
.......................................
= قومي يلا يملك دا كلو نوم . بنت خالتك تحت وعايزه تسلم عليكي وتقعد معاكي شويه .
_ صحيت ياحبيبتي ؛ خليها تطلع ؛ اعبال اما افوق .
................................
= اي يغيبوبه دا كلو نوم .
_ وحشانيي يمريومه والله .
= انتِ اكتر ؛ عامله اي مع مالك وهو مجاش معاكي ليه .
عيطت = مش وقته كلامك دا انا تعبانه مش قادره اتكلم دلوقتي .
خدتني ف حضنها _ خلاص خلاص ؛ انا اسفه مكنتش اعرف ال انتو زعلنين .
= انا ومالك أطلقنا وخلاص كل واحد راح لحالو .
_ بتهزريي ؛ ال حصل يبنتي ؛ مش اخر مره كلمتيني قولتي النتِ هتعمليلو مفجاه وكدا .
" حكتلها ال حصل من اول يوم روحت الشركه "
= بس يست دا كلو ال حصل .!
_ منا قولتلك يملك اهلو دول مبيسكتهوش ؛ وبذات أخته الحربايه دي .
= ال مزعلني مالك ميهمنيش عيلته يهمني اوي اد منا بحبه اوي اد منا عايزه اربيه وادوقه من نفس الكاس .
_ داحنا اتغيرنا اوي .. وقلبنا بقي قاسي .
= انتِ عارفه النا مكنتش كدا ؛ بس مالك جرحني اوي ووجع قلبي ومستحيل اسامحه بسهوله دي .!
_ سيبك أنتِ من دا كلو ؛ تعالي نروح ناكل كريب ومانجا ونتمشي شويه ع البحر .؛ البسي يلا وهستناكي تحت .
" نزلت مريم وحقيقي هي مش بنت خالتي بس هي اختي بحبها اوي اوي لو في ايه لازما تطلعني من النا فيه "
.....................................
=كل دا بتلبسي .
_ انا متاخرتش علي فكره انا بخلص ف ثواني .
= طب يلا ي يختي .
وصلنا لمحل الكريب وحبنا وروحنا جبنا منجا ؛ كفيله الهما يفرحوني والله .
_ بت يملك !!!!
اكتفيت ب اني اهز راسي وانا مش مركزه معاها اصلا .
_ أنتِ يبنتي مالك انا شيفاه جاي علينا .
انا اول مسمعت اسمه قلبي اتخض والكريب وقع من ايدي وبصيتله بصدمه . مش معقول ؛ انا بتخيل ولا ايه .!
= وحشتيني ؛ انا موحشتكيش .
_
" مريم لقيتها مشيت وسبتني المهزقه دي ، خدو مريم وبدلوهالي بكربايه طيب ."
= انا مش قادر استغني عنك اكتر من كدا ؛ انا اسف عارف النا غلطت ،و
زعقت _ متحلمش .. متحلمش النا ارجعلك ، مش كنت عايز تروح تخطب سها مخطبتهاش ليه.، انا نسيتك اصلا وانت كمل حياتك بعيد عني وانا كمان هشوف حياتي يمكن الاقي واحد يقدرني .
بصيت عليه لقيته وشه احمر وبيبصلي بغضب ،وانا كنت عامله زي الكتكوت المبلول والله ، بس مبينتش .
لقيته قرب ومسكني من كتفي = قسما بالله يملك لو جبتي سيره اي راجل غيري مش هتتصوري انا ممكن اعمل اي .
زقيته وفضلت اضرب فيه = انت مالك انت اصلا مش اطلقنا وكل واحد راح لحاله، انت عايز مني ايه ي اخي انت دمرتني ، انت عمرك مهتتغير اصلا ، انا بكرهك يمالك بكرهكك ..
زعق _ وانا بحبك .
مش هيأس وهفضل وراكي لحد متسمحيني ولو وصلت بيا يملك اخطفك هخطفك .
" سبني ومشي بس انا لا إراديا كدا ابتسمت مش عارفه اي سر الابتسامه دي بس حسا مشاعري متلغبطه ، وتيها ."
............................
= أنتِ حيوانه انت ازاي تسبيني مع مالك كدا وتمشي .
_ وه .! وانا مالي يلمبي ، هو ال شورلي، ومكنش ينفع اقف كدا وانتو بتتكلموا .
= احنا نازلين مع بعض مكنش ينفع تسبيني كدا وتمشي .
_ خلاص يست تعالي ، تعالي اصالحك بكريب تاني بدل ال وقع .
= لا مش هتصالح ب اكل انا وابقي معنديش كرامه . و
_ طب كريب ومانجا طيب .
= قولنا لا .
_ طب نزود شوكلتات طيب .
هصلحها بس عشان قلبي ابيض مش مش عشان بحب الحجات دي لا .! = خلاص عفونا عنك يفتاه .
حضنتني _ بحبك اوي والله .
= وانا جامد اوي .
.....................................
= ملكك اصحييي بسرعههه .
_ ايه يماما، في اي
= هو هو ، في واحد كلمنا وبيقول ال مالك عمل حادثه ونقلوه المستشفي .
عيطت = مالك؟؟ ومستشفي !!؟ مستشفي ايه يماما بسرعه . انا هلبس بسرعه وهروحله.
= اهدي ياحبيبتي اهدي ، البسي بسرعه اعبال مالبس ونروح يلا .
" لبست في ثواني وخدت ماما وجرينا علي المستشفي "
_ لو سمحتي ، جتلكوا حاله من قيمه نص ساعه تقريبا ، هو في غرفه ايه .؟
= 410 يافندم .
روحت الغرفه ال مالك كان قاعد فيها وسالت الممرضه ع حالته قالت دخل العمليات وانا الخوف بينهش في قلبي ، مالك ظلمني كتير وتعب قلبي ، بس مع ذلك لسه بحبه ، ومبحبش اشوف حاجه وجعاه أو بتأذيه .، لقيت امو واخته جاين علينا وبيعيطوا ."
= مالك . مالك ابني فين هو هو كويس انا ال عملت فيه كدا انا السبب .
مكنش ينفع متكلمش معاها كان لازما اهديها بذات وانا شايفه حالتها كدا.
_ اهدي يماما ، مالك في العمليات وان شاءالله هيكون بخير .
= يارب يارب ، حقك عليا يبنتي انا ظلمتك كتير ، وانا السبب في حدثه مالك ، جالي وعرفني الحقيقه ،. وانا اتعصبت عليه وطردته سامحيني يبنتي .
خدتها ف حضني _ مسمحاكي ياحبيبتي ، اهدي مالك هيكون ب خير والله .
لقيت الدكتور جاي علينا
= طمني يدكتور مالك بخير صح ، هو كويس صح .!
_ الحدثه كانت بسيطه الحمدالله ، هو بس جاله كسر في رجله االيمين وجرح سطحي في دماغو بس هو عده مرحله الخطر .
مامته= الف حمد والف شكر ليك يارب . الحمدالله ، بس هو هيفوق امتي يدكتور .
_ نص ساعه بالكتير اوي ، احنا نقلناه اوضه عديه .
= طب ممكن ندخل نطمن عليه يدكتور .
_ اه اكيد بس ياريت متتاخروش عشر دقائق وتطلعوا .
اول مقال كدا جريت علي اوضه مالك دخلت لقيته تعبان اوي وتحت عينه اسود تقريبا مكنش بينام ، واجع قلبي وانت بخير وواجعه وانت مريض اعمل اي في قلبي دا بس ، ماما ومامته اطمنوا عليه وطلعوا يجيبوا غدا .، .. مالك كان لسه مفقش من البنج وعمال يقول ملك ، انا اسف سامحيني .
عيطت وحضنته بكل قوتي = مسمحاك يمالك مسمحاك ياحبيبي .
كح كح كح كح
_ مالك انت فوقت ، هروح انادي لدكتور بسرعه .
= انا كويس . كويس ، هبقي كويس اكتر اما تسمحيني وترجعيلي . والله بحبك واتعذبت كتير في بعدك ارجعيلي بقي .
_ سمحتك ياحبيبي ، وحمدالله علي سلمتك .
شدني لحضنه = الله يسلمك ، أنتِ مش متخيله فرحتي اد. ايه والله وعمري مهزعلك ابدا ابدا .
_ وانا هثق فيك يمالك المرادي ومتاكده انك مش هتخذلني المره دي ..واوعي كدا انت قافش فيا كدا ليه .
= انا اقفش فيكي برحتي انا مسدقت انك رجعتيلي وان شاءالله مفيش حاجه هتفرقنا ابدا .
بصتله وابتسمت : أن شاءالله ، بس دا ميننعش اني بردو مديقه منك عشان قولت هخطب سها اوعي بقي كدا .
باس جبيني = انا كنت بديقك بس مش اكتر ، وأنتِ عارفه اني مستحيل احب غيرك المفروض تكوني عارفه كدا، وانا عمري مبصيت لاي واحده غيرك ،مهما لفيت عمري مهلاقي زيك يملك .
_ تعرف يمالك نفسي تكون علاقتنا حلوه كدا وتدوم طول العمر .
= هتدوم يقلب مالك .
" مالك خدني وروحنا كتبنا الكتاب تاني ، ورجعنا عشنا اسره لطيفه تاني "
ومهما طالت المسافات ستظل انت رفيق الروح ❤️
تمت.❤️
الاء محمد❤️
