قصة : مريم👣
الحلقة الخامسة 5⃣
ريهام : ايه فينك ؟؟
( ميردش بيعيط )
ريهام : ايه الي عملته مع ماما دة خلتها من امبارح مش عارفة تنام وعمالة تعيط تعالى البيت حالا
( يعيط اكتر )
ريهام : ي بني ؟
رامي : يعنى امك مماتتش 😨
ريهام : ماتت ايه الهبل دة !!!
رامي : مماتتش 😣
ريهام : لا طبعا ومتطنش ي رامي وتعالى صالحها حرام عليك بقا
رامي : حاضر حاضر جاي والله جاي 😦
( يقفل رامي ويجري يلبس هدومه بسرعة رهيبة )
نغم : رايح فين دلوقتى ؟!!
رامي : ملكيش دعوة ومن بعد انهاردة مش عاوز اعرفك تانى ولا تتصلي بيا فاهمة 😡
نغم : ليه كدة انا زعلتك ف حاجة ؟
( تقرب تحط ايدها ع دهره )
رامي : ي بنتي ابعدي عن امي بقااااا 😡
( يزقها )
نغم : مالك ؟!!!
( تستغرب نغم .. يمشي رامي .. يوصل قدام العمارة ويطلع .. يفتح ب المفتاح ويدخل .. يلاقي امه قاعدة ف الارض بتصلي .. يجري عليها يحضنها ويعيط .. تستغرب الام وتسلم )
الام : في ايه !!!
رامي : انا اسف حقك عليا سامحيني والنبي سامحيني عشان خاطري 😖
( يبوس ف ايدها وف رجليها )
الام : اهدى طيب اهدى 😦
رامي : حقك عليا 😖
( يعيط اكتر ف حضنها )
الام : لا اله الا الله .. انت مكنتش كدة ي رامي .. مكنتش كدة ي بني .. نفسي ترجع زي زمان .. جرالك ايه بس 😔
رامي : والله هرجع زي زمان واتغير بس انتي متزعليش مني وتسامحيني بس بالله عليكي 😧
الام : مسمحاك ي بني
( يفضل ف حضنها .. ف بيت مريم .. مريم قاعدة ع سريرها .. تدخل اختها )
ايمان : ازيك اميرو
مريم : الحمدلله
ايمان : بتعيطي ؟!!
مريم : لا 😒
( تمسح دموعها )
ايمان : وحشك .. صح ؟
مريم : جدا 🙂💔
ايمان : مفكرتيش تكلميه ؟؟
مريم : هو بيحاول يكلمني .. بس انا بتهرب منه
ايمان : ليه ؟!
مريم : خايفة منوا .. خايفة يكون عاوز يرجع عشان يهيني اكتر او ينتقم مني عشان القلم الي ادتهوله كان قايل ل حبيبة هيردهولي
ايمان : لا بس رامي بيحبك مش هايعمل كدة
مريم : حتى حبه مبقتش واثقة فيه .. مظنش بقا بيحبني زي الاول 😔
ايمان : انا فاكرة كان دايما رايح جاي مع مصطفى وعبدالرحيم .. مكانش بيفارقهم ابدا
مريم : مصطفى زعلان منه اوي .. دايما يكلم شروق عليه
ايمان : هو ايه الي حصل خلاهم زعلوا من بعض ؟
مريم : كان رامي واقف مع شلة محمد دي وجه مصطفى ينده رامي ف محمد قعد يتريق ع مصطفى ويقول الشيخ مصطفى جه وقولنا ي مولانا مش عارف ايه والكلام دة هزقوه
ايمان : ورامي متكلمش ؟؟
مريم : وقتها كان رامي لسة مصاحبهم جديد وشكلوا كان خايف ل يزعلوا منه .. ف كان بيضحك معاهم .. ودة الي زعل مصطفى اكتر
ايمان : من ساعتها بقا مبيتكلموش ؟
مريم : بالنسبة ل مصطفى عادي انتى عرفاه طيب وقلبه ابيض بس رامي الي مبيكلمهوش
ايمان : رامي خسروا اكيد
مريم : اكيد 😑
ايمان : طب يلا قومي العبي معايا احسن زهقانة ومتزعليش نفسك
مريم : العب ايه
ايمان : العب باليه ههههعهعهههععخخخخ 😂
مريم : هههههههه جزمة 😄
مريم : هههههه خليكي فريش 😂
( يعدي الوقت .. رامي ف الجامع عمال يصلي ويعيط .. يدن الفجر .. يصلي رامي ويطلع البيت .. امه صاحية )
الام : كل دة تحت .. تاني السهر ي رامي مش قلت هتتعدل !!
( يروح يقعد جنبها )
رامي : كنت سهران فعلا .. بس سهران ف بيته
الام : بيت مين ؟
رامي : بيت ربنا 🙂
الام : كنت ف الجامع ؟!!!
رامي : اه .. من ساعت منزلت .. كنت بدعيله يغفرلي الغلط الي عملته ف حياتي .. كنت بدعيله يثبتني ع دينه وهدايتي .. كنت بدعيله يقبل توبتي .. يارب يقبلها 😔
( تاخده ف حضنها )
الام : ربنا غفور رحيم ي حبيبي .. قادر يصلح حالك وحال كل الي زيك يارب
رامي : امين يارب
( تعدي الايام ورامي مبيرحش الكلية دايما ف الجامع .. الصلاة خلص ورامي لسة ساجد ف الارض .. بيفضفض ل ربه وبيعيط ب حرقة .. يشوفه شيخ الجامع .. يقرب يقعد جنبه .. يقوم رامي يسلم ويخلص )
الشيخ : شكلك شايل كتير !!
رامي : اوي 😟
الشيخ : احكي لو حابب
( يحكيله رامي عن كل حاجة )
الشيخ : تعرف .. انت ف غفلة .. انت وكتير اوي من جيلك وحتى الكبار .. عايش الدنيا ب طولها وعرضها وزي متيجي هو احنا هنعيشها كام مرة .. بس ليه بقا مش عامل ل اخرتك ؟
رامي : انا قلت اني لسة صغير .. يعني متمتعش ب الدنيا والي فيها 😟
الشيخ : وليه المتعة بالنسبالك الحرام بس .. ليه مبتبصش للحلال .. دة حتى طعمه احلى ب كتير .. كلنا ف غفلة .. بس هييجي علينا الوقت الي نفوق منها .. بعد يوم .. اسبوع .. شهر .. سنة .. بس ي ترى هانلحق ولا ﻷ .. هنلحق نصلح غلطاتنا .. هانلحق نقابله واحنا نضاف .. ولا هانخاف نقابله .. انت كدة كدة رايحله .. إن لله .. وإن اليه راجعون .. مهما عملنا خير مهما عملنا شر بردوا هنرجعله ف الاخر .. يوم دفنتك .. الناس كلها هاتمشي .. الي زعل زعل والي عيط عيط والي صوت صوت والي دعالك دعا .. طب ف الاخر .. كله هيمشي بعد نزولك .. هتنده عليهم .. هتقولهم متمشوش .. بس محدش هيسمعك .. الكل هيسيبك .. هتتردلك روحك و هيقوموك ملكين .. مهما اتحكالك عن شكلهم محدش هايقدر يوصفلك الرعب الي هتشوفه فيهم .. هيسألوك أسالة مافيش اسهل منها بس مش اي حد بيعرف يجاوب عليها مهما حفظت فيها ومهما شفتها سهلة .. لو انت مؤمن هتعرف تجاوب .. بس لو ع وضعك دة .. هاتقوله ايه .. هتقول معرفش انا سمعتهم بيقولوا وقلت زيهم .. ساعتها ربنا مش هيأذن انه يتفتحلك ابواب السما ولا ابواب الرحمة
رامي : عندك حق .. بس عنده اهون بكتر م الدنيا دي .. ياريت ياخدني 😔
الشيخ : اهون .. اهون ازاي بيتهيقلك .مش اهون خالص للي معملش حساب الاخرة دي .. ناس كتير بتقول الموت راحة يارب خدني وريحني .. طب لما تبقا قاعد كدة زي الفل مافيش فيك حاجة وفجأة تشوف ملايكة حواليك .. وملك الموت واقف عند راسك وانت جسمك زي المتخدر مش عارف تتحرك كأنك مشلول .. تبقا هاين عليك حتى تقوله اديني 5 دقايق بس اصلي فيهم ركعتين يمكن ربنا يغفرلي اي غلطة عملتها .. يمكن يقبل توبتي .. بس دة مش هايحصل .. هاتشوف روحك وهي بتطلع قصاد عينك .. تبقا مش عارف تمسكها ولا تقولها ارجعي هاتروحي ل ربك تقوليلوا ايه .. هاتقولي ايه .. طب ايه الفرق بينك وبين الكافر كدة .. الفرق انك انت عارف معلومات عن دينك وماشي ب معظمها كمان .. ماشي ب الي ييجي ع هواك .. بس انتوا الاتنين مبتسجدوش ل ربكم .. ودة وجه تشابه بينكم .. ودي اول حاجة هتندم عليها صلاتك .. الي كنت بتكسل ف الشتا وانت قاعد تحت اللحاف وسقعان .. ولا نايم ف نص اليوم عدى وتقول هابدء من بكرة واليوم يعدي بردوا وهاكذا .. ازاي فوتها .. ازاي ربك ينده عليك عشان تقابله ف صلاتك وتتكلم معاه وتشكيله فيها وتدعيله ي مؤمن بالله ومتقومش .. انت لو امك ندهت عليك بتجري تشوفها عاوزة ايه .. ازاي ربك .. ربك الي خلقك ينده عليك كل يوم 5 مرات .. 5 مرااات .. ومتقمش .. تكسل او تسمع اذانه وتكمل نوم وتطنش .. ازاي لما ندهك مقلتش حاضر ي رب وقمت .. طب انت متأكد انك هتقدر .. هتقدر تقف قصاده كدة وانت مستعد .. طيب هاتقوله ايه .. طب صحابك الي دايما معاك سهران سكران معاهم لازقين ل بعض لهيينك عن اخرتك والحلو الي ف دنيتك .. هايبقوا فين ساعتها .. هيدفنوا بدالك .. ﻷ .. هيتعذبوا بدالك .. ﻷ .. مش هايبقوا موجودين ساعتها .. والقرأن .. كان هيحصلك ايه لو كل يوم قريت صفحة واحدة بس صفحة .. كان هيونسك ف قبرك وينورهولك .. انت متعرفش يعنى ايه وحشة القبر من غير القرأن .. قدامك لسه تصلح حالك
رامي : طب اعمل ايه ؟
الشيخ : متخليش الدنيا تغرك .. و أوعي تفتكرها دايمة .. بتروح ف غمضة عين والله .. خليك مع ربنا هو الي دايم هو الي ليك وهو الي جابك للدنيا دي وهو الي هترجعله .. والله هو بيحبك اوي .. لكن احنا فاكرين ان الدنيا بتحبنا أكتر .. خليك حريص علي الحسنة .. متكسلش عن طاعته .. اللي انت بتضيع نفسك علشانهم زايلين و مش نافعينك ولا هينفعوك .. والله م حد باقيلك غير ربك .. قرب منه .. خلي يوم موتك لقاء شوق مش لقاء خوف .. " واتقوا يوما ترجعون فيه الى الله " .. وبعدين بترجعوا تقولوا الحياة وحشة ويارب خدني وانتحر و و و و .. طب ازاي عاوزها تحلى وانت مش قريب م الي معاه مفتاح الدنيا وما فيها .. ربنا قال " ومن اعرض عن ذكري ف ان له معيشة ضنكا ونحشره يوم القيامة اعمى " .. ربنا يهديك ي ابني ويهدي الجميع 🙂
رامي : يارب 😔
( يسكت رامي .. يروح الكلية )
محمد : ايه ي بني فينك ؟
احمد : قافل موبايلك ليه ؟!!
رامي : عاملكوا بلوك
محمد : لا والله !!
فادي : وليه ان شاء الله ؟!!
رامى : كدة .. بنضف حياتي م الو***ة الي فيها
محمد : ايه الي بتقوله دة انت اتهبلت ولا ايه ؟!!
رامى : ياريت كل الناس تتهبل زيي 😒
( يمشي رامي .. يقرب ع شلة ولاد واقفين )
رامي : مصطفى
( يبصله )
رامى : عاوزك دقيقة
( يروح معاه مصطفى يقفوا ع جنب )
رامي : عامل ايه ؟
مصطفى : الحمد لله .. انت ايه اخبارك مش بشوفك تقف مع شلتك !!
رامي : مبقتش شلتي .. بعدت عنهم
مصطفى : لا بجد ؟!!
رامي : والله .. بعدت عنهم وعن اي حاجة غلط .. ربنا هداني .. بحاول ارجع زي الاول واحسن ان شاء الله
مصطفى : ياريت .. ياريت ترجع ربع الاول حتى
رامى : هارجع ان شاء الله بس انت ادعيلي ي صاحبي .. انت من الحاجات الي ندمان عليها .. ندمان انى جرحتك ف يوم م الايام وبعدت عنك .. نفسي نرجع زي م كنا
مصطفى : م انا قلتهالك قبل كدة .. وقت متتعدل انا موجود .. وهافضل طول عمري صاحبك
( يحضنه وتنزل دموعه )
رامي : وحشتنى ي صاحبي 😣
( يشوف مريم قاعدة ف الكفتريا بتذاكر .. يفضل باصصلها .. تعدي الايام .. رامي ف البيت قاعد مع مامته )
الام : قولي بقا .. موضوع ايه المهم الي عاوزني فيه
رامي : عاوز اخطب
الام : لا بجد 😃
رامي : اها
الام : مين هي بنت مين ؟؟
رامي : هي زميلتى ف الكلية .. هتكلم معاكي بصراحة
الام : قول ي حبيبي
رامي : انا كنت بحبها وهي كانت بتحبني .. هي متدينة جدا .. محجبة وبتصلي وبتصوم واهلها ناس طيبين ومحترمين جدا .. هي فكرت انى هتغير ولما انا بقيت بتنيل اكتر سابتنى وقالت ان مش هينع تكمل معايا غير لما ابقى كويس .. هي من ضمن الاسباب الي انا حابب ابقا كويس عشان مخسرهاش والحمدلله ربنا هدانى .. وبجد نفسي اكمل حياتى مع انسانة زيها .. ف انتى ايه رأيك ؟؟
الام : انا ميهمنيش ف الدنيا دي اد راحتك وبس .. وطلاما هي انسابة مؤدبة واهلها محترمين يبقا نتوكل ع الله .. كفاية انها كانت سبب ف هدايتك 😊
رامي : يعنى موافقة اني اتقدملها ؟
الام : موافقة طبعا .. شوف عاوز تروح امتى وانا اقول ل عمك ونروح نقابل اهلها
( يحضنها رامي )
رامي : ربنا يخليكي ليا يارب 😄❤
( تقرب ريهام )
ريهام : وانا مليش ف الاحضان دي ولا ايه بقا
رامي : تعالي ي غيورة
( يخدها ف حضنه )
ريهام : هييييييييييح .. ي سلام ع كمية الراحة الي ف حضنك 😑
( يحضنها اكتر )
الام : ربنا ميحرمكوا من بعض ابدا
ريهام : ولا يحرمنا منك ي ست الكل 😚
( تعدى الايام .. رامي ف الكلية .. يقرب ع مريم )
رامي : مريم ...............
( تسيبه وتمشي .. يتنهد رامي ويمشي .. مريم ف بيتها .. قاعدة ف اوضتها بتذاكر ومعاها اختها .. يرن فون اختها )
ايمان : الو
رامي : ايمان معايا ؟؟
ايمان : ايوة مين معايا ؟
رامي : انا رامي
ايمان : رامي !!!
( تتخض مريم .. تفتح ايمان المايك تسمعها )
رامي : اه وياريت متقفليش السكة احسن
ايمان : انت عاوز ايه ؟!
رامي : خلي مريم تكلمني
ايمان : مريم مش عاوزة تكلمك ولا عاوزة تعرفك اصلا
رامي : خليها تكلمني احسنلها انا قربت ع بيتكوا متخلنيش اطلعلها
مريم : تطلع فين انت اتجنيت 😨
يتبع...
