رواية رغبة شرسة الجزء السادس
بعد ما محسن زوج نيفين كتب لي بعض الارقام علي الرمال
وذكر لي اسم وليد ابني مرتان..
ثم قال لي سامحيني ...قبل ان يموت اكثر من مره
من ساعتها وانا الشكوك بدات تتسرب الي قلبي في
كل الناس
واولهم.. المقربين ليا
وتاكدت شكوكي تلك...
حينما ذهبت لبائعة الجرائد واكدت لي ان محسن هو من قام بخطف وليد ابني
بمساعدة..
رجل اخر كان يجلس بالسيارة التي استعملوها في خطف ابني
وقطعت الشك باليقين ..عندما ذهبت لنيفين وسالتها فا اعترفت لي
بانها كانت تعلم بكل ذلك..
ولما سالتها
..ليه مقولتليش عن المعلومات دي قبل كده عشان نبلغ البوليس؟
قالت..مكنش ينفع ابلغ البوليس لان في مصيبة اكبر
قلت..هي ايه المصيبة الاكبر كمان لسه؟؟
قالت..انها اكتشفت.. ان الديون الي كانت علي محسن كانت لبعض تجار المخدرات..
والديون دي بسبب بضاعة كانت مع محسن ومدفعش غير نصف ثمنها فقط..علي امل ان يصرف البضاعة..
ويسدد الباقي بعد ذلك...
ولكن حدث ما لم يكن في الحسبان..
حيث علم البوليس بامر تلك المخدرات بعدما اصبحت في حوزة محسن ..وبعدما اعطاها لبعض رجالة كي يقوموا ببيعيها
والبوليس قبض علي اتنين من رجالة محسن الي كانت المخدرات معاهم ساعتها
..لكن رجالة محسن لم يذكروا اسم محسن في التحقيق
ونسبوا البضاعة لنفسهم ..
فا قبض البوليس عليهم وحرزوا جميع البضاعة
وبعدها التجار الي كانوا مدينين محسن بنصف فلوس البضاعة..اعتبروها دين عليه وهددوه بانه لو مدفعش الدين الي عليه هيقتلوه
واعتقد فعلا انهم نفذوا تهديدهم ..ولم يكن ضرب النار العشوائي ده بالصدفة
لاني شاكة بان تجار المخدرات هما الي قتلوه
وطبعا لو بلغنا البوليس دلوقتي عن موضوع محسن وزياد..هيبدءوا يحققوا في القصة كلها..وهيتكشفوا بان زوجي محسن كان بيتاجر..في المخدرات
وانتي عارفة وضعي كا طبيبة وسمعتي وسمعة عيلتي
ممكن يحصلهم ايه؟
بعد ما استمعت لكلامها وانا مصدومة وغير مصدقة..لما سمعته.
.سالتها
قلت..وانتي ازاي لما عرفتي ان محسن بيتاجر في المخدرات..فضلتي مستمرة معاه وعايشة علي ذمتة بعدها؟
قالت..صدقيني يا سالي انا كل الكلام الي بقولهولك ده معرفتوش غير قبل ما محسن يموت بيوم او يومين..
ومحسن لم يقل لي انه بيتاجر في المخدرات غير لما انا سمعت شهادة المراة بائعة الجرايد وطلبت منه يروح يشهد في البوليس بموضوع زياد بس محسن كان خايف ومتردد لان امره ساعتها كان هيتفضح
قلت. يعني المفروض دلوقتي انتي بتطلبي مني اني اسيب ابني تاية وانسي امره تماما عشان سمعتك وبرستيجك..انتي يبقي زي الفل ادام الناس وانا ابني يتحرق مش مشكلة صح؟؟؟
قالت..انا مقولتش كده طبعا
انا كل الي عايزاة اننا منذكرش اسم محسن خالص في الموضوع
قلت..وانتي فاكرة ان كلام بائعة الجرايد مش هيوصل للبوليس؟ ده ان مكنش وصل فعلا؟
وزمان طبعا الست شهدت بان محسن جوزك هو الي استدرج وليد
قالت..لامحنا هنقول ان محسن هو فعلا الي استدرج وليد لزياد ..عشان البوليس يبحث عن وليد علي اساس صح
لكن مش هنقول ايه الظروف الي اضطرت محسن يقبل بخطف وليد وتسليمة لزياد
عشان لو البوليس عرف بتجارة محسن للمخدرات..هتبقي فضيحة كبيرة لعيلتي كلها وانتي عارفه ومقدرة حساسية الموقف طبعا
واخذت نيفين تتوسل لي..بان لا اذكر شيئا عن ما سمعته منها بشان تجارة محسن للمخدرات.. فقبلت طلبها امام كل تلك التوسلات
وبعد قليل ..تركت نيفين ودخلت لغرفتي ..لاستلقي واخذ قسطا من الراحة حتي استطيع التفكير بعدما فقدت التركيز
وبمجرد ما وضعت راسي علي المخدة..رن جرس الموبيل وكان المتصل هو حضرة الظابط الذي يحقق في حادث اختفاء وليد
قمت بسرعة لارد علي المكالمة امله.. بان يكون هناك اخبار عن ابني
قلت..الوو
رد الظابط
قال..الوو مدام سالي ياريت لو تيجي حالا في امور جديدة جدت في حادثة اختفاء وليد
قلت حاضر هكون عند حضرتك حالا
وفعلا .. وصلت لمكتب الظابط في سرعة البرق لاعرف ما هي الاخبار الجديدة؟
رواية رغبة شرسة كاملة
وعندما دخلت مكتب الضابط..طلب مني ان اجلس
وبدء الضابط في الحديث
قال..عندي اخبار جديده وغريبة في نفس الوقت
قلت..ايه هي الاخبار دي؟
اخرج الضابط من جيبه صورة..لوليد ابني وقربها مني..
ثم سالني
قال..انتي شوفتي الصورة دي قبل كده؟
اخذت الصورة من يدي الضابط وبمجرد ان رايت ابني بالصورة ..دمعت عيناي فقد كانت الصورة لوليد وهو يجلس وحده بسيارة ملاكي ..
فا اخذت احتضن الصورة وانا اسال
قلت..الصورة دي لوليد ابني بس انا مشوفتهاش قبل كده.. حضرتك جيبتها ازاي ومنين؟
قال..احنا كان لازم ندور ونكثف البحث ورا كل المحيطين بيكي ..وكل من كانت ليكي بيهم علاقات..
ولما عملنا تحرياتنا عن طليقك الثاني..واسمه هشام عبد المجيد...
وجدنا انه انسان محل لاي شبهة لانه اعماله كلها مشبوهة
وعليه اكثر من حكم في اكثر من قضية مشابهة.. ومنها خطف اطفال وطلب فديه من ذويهم وغيرها من القضايا المماثلة التي تشير بان هشام اقدم علي اختطاف الاطفال اكثر من مره
لكن المحامي بتاعة كل مره كان بيخرجة من القضايا دي من خلال ثغرة من ثغرات القانون...
وبعد ما اتكدنا من المعلومات دي
ساعتها حطناه تحت المراقبة واستصدرنا امر من النيابه بتفتيش منزلة وسيارتة. وبعد التفتيش ..وجدنا الصورة دي
وبعد فحص المعمل الجنائي للصورة اكتشفنا انها صورة جديده التقطت بعد اختفاء وليد
قلت..يبقي هو الي خطف ابني حسبي الله ونعم الوكيل..
ثم اخذت ابكي بحرقة وانا اسالة
قلت..عرفتوا منه فين وليد؟
قال..احنا لسه بنحقق معاه
قلت..انتوالازم تستجوبوه وتعرفوا منه ابني فين؟
قال..احنا عملنا كده فعلا لكن هو بينكر اصلا انه له اي علاقة بالصورة..
بالرغم من ان الصورة ملتقطة لوليد في سيارتة
قلت.. وايه اكد لكم ان الصوره اتخدت في سيارة هشام؟
قال الصورة كانت ماخوذة من مسافة تمكننا من رؤية ارقام العربية والحروف الهجائية عليها ايضا ..ذلك بخلاف لونها وموديلها
وكمان لما سالنا عن السيارة بمواصفاتها دي في المرور..
وجدنا ايضا بانها ملك لهشام
وبالرغم من كل ذلك الا ان هشام طليقك مازال ينكر اي علاقة له بالصورة او بخطف وليد من الاساس
قلت..طيب ما يمكن الصورة متركبة؟
قال ..لا احنا اتاكدنا من الصورة بانها صورة حقيقية وليست مركبة وتاريخ التقاط الصورة بيشير لانها التقطت امبارح فقط
قلت..افهم من كده ان وليد ابني لغاية امبارح كان كويس وبخير؟
واخذت ابكي وانا اشكر الله
واقول الحمد لله يارب
نظر الي الظابط..ثم اجاب
قال..فعلا احنا اهم معلومة توصلنا ليها من خلال الصورة دي ان وليد لغاية امبارح كان بخير
قلت.. يبقى اكيد يا فندم هشام هو اللي خطف وليد ..
او حتي يعرف هو فين؟..
لازم تستجوبوه وتعرفوا منه ابني فين ؟
قال...هيحصل لكن دلوقتي عايز منك حاجة مهمة جدا..مفيش حد غيرك يقدر يعملها ..لو كنتي عايزة نوصل لوليد بسرعة
قلت ايه هو الطلب ده؟
وقبل ان يجيب الضابط
يرن الموبيل الخاص به ليرد الضابط بعدما تتغير ملامح وجهة ..
وهو يسال من يتحدث معه علي الهاتف ويقول.....
قال..انت متاكد من انه اتوفي فعلا؟
ثم ازدادت ملامح الظابط عبوسا وهو يقول ..طيب اتحفظوا علي الجثة لغاية ما اجيلكم
وعندما انهي الظابط حديثة..وضع وجهه بالارض
وقال...للاسف يا مدام سالي مش عارف اقولك ايه
قلت..وليد ابني صح؟؟؟
رد الظابط قائلا.............
