(الفصل الخامس عشر)
فجاه رن هاتف عشق أجلبت الهاتف ثم أجابت:
-الوووو
مجهول:
-بقولك ايه ابعدي عنه احسنلك
عشق باستغراب:
-انت مين يعني الاول
مجهول:
-مش لازم تعرفي أنا مين اسمعيني وبس ابعدي عنه هو مش بيحبك ولا هيفكر في كده
"نظرت عشق لمازن باستغراب ثم أغلقت الهاتف"
مازن بدهشة:
-مالك يا عشق مين كان بيتصل
عشق بدموع:
-سيبني يا مازن دلوقتي روح شوف طريقك
ثم ترجلت داخل غرفتها وأغلقت الباب خلفها
مازن بإحراج:
-هستاذن انا بقي المهم اتطمنت علي ادهم
ليلي بابتسامه لطيفه:
-كتر خيرك يا حبيبي وتسلم علي وقفتك معانا وكمان تيا
مازن بابتسامه تداري إحراجه من صديقته المقربه:
-تسلمي ادهم ده اخويا الصغير لازم اقف جنبه يلا عن اذنك
"في فيلا السيوفي
يجلس زين مع جميله وشريهان ومروان أمام التلفاز"
ترجل مراد لداخل الفيلا:
-السلام عليكم اخباركم
رد الجميع السلام واقتربت شاهي من مراد:
-اتاخرت ليه يا ميرو قلقت عليك
نظر لها مراد ببرود:
-معلش كنت مشغول ثم وجه كلامه لوالدته انا هطلع ارتاح
جميله بحب:
-ماشي يا حبيبي
مروان بهزار:
-ايه يا ميرو ما تقعد معانا شويه
مراد بضحكه رجولية:
-هههه والله ما قادر من انبارح منمتش بكره نقعد سوا او انا فاضي بكره هجيلك الشركه نقعد
مروان:
-ماشي يا سياده المقدم تصبح علي خير
مراد بابتسامه بسيطه:
-وانت من اهل الخير وأقترب من زين وانت يا زيزو عايز حاجه
زين بدلع طفولي:
-اطلع ارتاح وبكره اطلب بقي
مراد:
-ماشي يا عم الي تطلبه اعمله يلا سلام
"في منزل الرفاعي خاصه غرفه عشق
كانت عشق نائمه وشعرها الاسود مبعثر علي الوساده حولها وتنظر للسقف"
عشق بذهول:
-منا مش فهمت يعني قصدها ايه دي هبله باين علي كده لازم اعرف هي مين واقابلها أو اواجهه هو
قاطعت عهد شرودها:
-هااا سرحانه في ايه كده
نظرت لها عشق:
-ولا حاجه تعبانه بس من انبارح
وفجاه ارسل لها أشعار برساله
محتوي الرساله(افتحي نت عايزك)
دهشت عشق:
-مين ده ، ده رقم غريب
ثم فتحت الهاتف
"في منزل عنود عبدالحميد"
نجوي بحب:
-اخبار اول يوم شغل ايه
عنود وهي مشغوله في اللاب:
-جميل يا نوجه حلو جدااا
نجوي بإحراج:
-طب جايلك عريس
تركت عنود اللاب جانبا:
-مين يا ماما
نجوي بحزن:
-هيكون مين يعني ماانت عارفه ابن خالك مش هيسكت وعايزك
عنود بدموع:
-بس انا مش عايزه مش بحبه يا ماما قوليله عنود مش موافقه
نجوي بحزن شديد:
-حاضر هنشوف
"نرجع الي أحد الأماكن المهجوره"
مجهول1:
-عملت ايه يا منيل الواد مات ولالا
مجهول2:
-لا يا معلم مش مات
مجهول1:
-وريني كده الكاميرات الي شافها الظابط
مجهول2:
-حاضر حاضر يا معلم ثانيه بس
بدأ مجهول1 يشاهد:
-يخربيتك ويخربيت اليوم الي عرفتك فيه انت هببت اييييييه مش ده الواد مش ده يا متخلف
مجهول2 بخوف:
-يعني ايه يعني ايه يا معلم
مجهول1:
-رايح تخبط واحد تاني ليييييه مش ده الي قصدي عليه
مجهول2:
-ماانت قولت هيتقابل هو وهي في المكان ده
مجهول1:
-هو معني اتنين يتقبلوا يبقي ده
"نرجع الي منزل عنود"
عنود بحزن:
-انا نازله شويه اتمشي
نجوي باسي:
-طيب يا حبيبتي بس الاول انت جبتي ايجار البيت من مصطفي
عنود:
-اه جبته وحطيته في نفس المكان جوه
(فا ذالك ايجار منزل نجوي فا قد أخذته ميراث عن والدها)
"في فيلا السيوفي"
زفرت شاهي في ضيق:
-ينفع كده يا انطي جي جي بحس مراد مش بيطيقني
جميله:
-يا حبيبتي هو تعبان بس هيرتاح وبكره يكون كويس
ضحك زين ضحكه مكتومه:
-ومين بيطيقك اصلا
رفعت شاهي حاجبها:
-بتقول ايه يا زين
خبط مروان زين:
-يلا بينا نروح لجدو ونطلع نرتاح
زين بدلع طفولي:
-يلا بينا يا مروان انا منعوس اصلا وصح يا جي جي شوفي هنروح مصيف امتي انت وعدتيني
جميله بحب:
-حاضر هنشوف نفضي بس
مروان:
-يلا اسبقني علي فوق لحد ما اشوف جدك
زين وهو يتنطط:
-حاضر
ترجل مروان لداخل المكتب:
-ها يا مختار بيه اخبارك
مختار وهو مشتت من الورق الذي حوله:
-بخير يا هندسه انت عامل ايه والسكرتيره الجديده كويسه ولا نغيرها
افتكر مروان جمالها وشعرها البسيط:
-لا كويسه جدا وشايفه شغلها كويس
مختار:
-تمام خير والله ربنا يستر واعمل حسابك في بكره صفقه بينا وبين شركه اجنبيه ولازم نثبت وجودنا
مروان بغرور كالطاووس:
-اكيد مختار بيه هنشوف وهنشرفك يلا تصبح علي خير
