Ads by Google X

القائمة الرئيسية

الصفحات

رواية قدرى انت الفصل العاشر


 الفصل العاشر

فضلت قاعده مستنياه محاولتش حتى اخرج بره الاوضه استكشف الدنيا وكأن الدنيا واقفه عليه بس هو عصبى وانا مشاء الله برود الدنيا فيها بخب الهدوء والتفاهم بس الغريبه انى مزعلتش منه ممكن عشان انا ال غاطانه اصلا ومسمعتش الكلام او يمكن عشان انا عارفه انه قلبه طيب ويمكن حادثه بباه مسبباله هاجس ف حياته ومش عايز يفتكرها قاطع شرودى دا صوت خبط ع الباب
ايوا
الاستاذ زين قال نبعتلك الحاجه دى
حاجه اى
مش عارفه والله تقدرى تشوفى بنفسك
تمام ماشى شكرا
دخلت وفتحت الحاجه لاقيته فستان ..كان فستان نبيتى طويل وحاجه اخر فخامه ومعاه الشنطه والجذمه وورقه صغيره كان مكتوب فيها .." دا اقل اعتذار منى البسيه وهكون مستنيكى تحت الساعه ٨" بصيت ف الساعه لاقتها ٧ روحت لبست ووحطيت لمسات ميكب خفيفه كانت الساعه ٨ الا خمسه لاقيت فى صوت ماسدج فتحتها لاقيته بيقولى مستنيكى اخد شنطتى ونزلت



كنت بدور عليه بعينى لحد ما لاقيت ايد بتتحط ع كتفى بصيتله لاقيته زين ..لابس بدله سودا وجرافت ومنديل نبيتى كان وسيم جدا فيها
سرحانه ف اى
فيك
عارف
اى الثقه دى
انا عارف انى حلو بس عشان معاكى
.......
سكتى
متغير لى
انا عمرى ما كنت طبيعى اد دلوقتى تعالى بقا نكمل كلامنا فةحته تانيه
بيرمى الكلام ويغطى عليه بس انا مبسوطه بس ع اد الانبساط دا ع اد ما انا خايفه وقلبى مقبوض وبدعى ان ربنا ميجبش حاجه وحشه
روحت معاه المكان كان ضلمه خاالص وكان محدش فيه
بصى استنى هنا ثانيه واحده لما انادى عليكى ادخلى
حاضر بس هو مافيش حد هنا
هتعرفى دلوقتى
وفجاءه كان اختفى من قدامى مافيش ثوانى لاقيته بينادى ع اسمى ومع اسمى النور بداء يفتح كان فى طريق من الورد وشموع ف كل مكان والاضواء هاديه وهو كان واقف اخر الطريق وحاطت ايده ف جيبه مشيت لحد ما وصلتله وقتها اخدنى من ايدى وروحنا ع طربيزه وسحبلى الكرسى وقعدنى عليه وهو قعد ف وشى
مالك ؟!
مبهوره
ابتسم :انا اسف والله مقصدش انى ازعق فيكى او ازعلك
لا ما خلاص انا نسيت اصلا ال حصل كفايه المفجاءه دى
عجبتك
ينهااار يزين جدا بس قولى انت اى عرفك انى بحب اللون النبيتى
اللى يسأل ميتوهش
وال سألته قالك بردو انى كنت بحلم بحد يعملى كل الحاجات دى
الصراحه لا دى افكارى انا
شكرا يزين شكرا بجد
انا اللى المفروض اشكرك اشكرك ع حاجات كتير اوى انتى عملتيهالى وانتى مش واخده بالك
عقدت حواجبى بمعنى انى مش فاهمه انا حقيقى معملتلهوش حاجه
عملتى كتير لما دخلتى الفرحه لقلب جدى يبقى عملتى لما تخلينى مس عارف اقسى ع حد تبقى عملتى لما تحلى مشاكل اخواتى ال كنت ملهى عنهم تبقى عملتى
بصيتله ال هو انت عرفت منين اصلا
متبصيش كدا هما قالولى اصلا ..ايييي فينك
موجوده
شكلك مش مبسوط
لا والله خالص بالعكس انا اسعد واحده حاليا
طب اى رئيك نكمل جو الورايات دا ال مبيتكررش كتير برقصه
ابتسمت وهزيت راسى ب معنى اه
قام واخدنى واشتغلت اغنية سامو زين لانك معايا
انتى متأكده انه مافيش حاجه
كأنى ف حلم
ودا يزعل



اه جدا
اشمعنا
عشان هيخلص وكل حاجه هتروح ل حالها
ما كل حاجه بيجى عليها وقت و بتخلص
زين هو انت ممكن تحبنى
تحبى نقعد ناكل
زين انا بتكلم بجد
عايزه اى
ممكن تحبنى
لو كنت شوفتك زمان كنت حبيتك اكيد
ولى مش دلوقتى
عشان حسابات كتير اتغيرت عشان لو حبيتك هظلمك
ولو قولتلك انى راضيه بالظلم دا
وانا مينفعش ارضهولك ال مقبلهوش ع نفسى مش هقبله عليكى
طب ال الحسابات ال اتغيرت
حاجات كتير اوى زى انى تايهه زى انى مش عارف اعيش او مش ضامن حياتى
يعنى اى
مش مهم ممكن نخلينا ف دلوقتى
تمام
هو انتى بتحبيتى
لى بتقول كدا
مش انا ال بقول اصرارك ع انى ابقى معاكى هو ال بيقول
ممكن نقعد انا تعبت
تعالى ياالا
مينفعش ارد لان مينفعش انا ال ابادر ب الاجابه انا مراعيه كل حاجه حواليه بس هبقى غلطانه لو جاوبت بس يعنى اى حياته مش ضمنها بيستهبل دا ولا اى
كلى
ما باكل اهو
يبنتى انتى ملمستيش الطبق
لا والله اهو باكل
تحبى اغنيلك
بتعرف
استنى اوريكى
شاور لحد وراح جابله جيتار
تحبى تسمعى مثلا



كرهتنى ف الحب
بضحك: ياساتر يارب لى كدا
ايي اغنيه جميله اوى
طب غيرها
قد الفراق
اعوذ بالله من نكدك يا شيخه اسكتى خالص بقا ها
مستناش ردى وبداء يغنى عيونه لما قابلونى
نسيت الاكل ونسيت المكان وسرحت ف صوته
لا اله الا الله هو يوم السرحان ولا اى
لا خالص بس متوقعتش صوتك يبقا كدا
عدل لياقه قميصه
بهرتك صح
ضحكت:صح
هدى
نعم
ضحكتك حلوه اوى
بإرتباك :شكرا
هو ممكن نرمى اى حاجه عةجنب ونبقى صحاب
ابتسمت ومعرفش ابتسمت لى ع الاقدار ولا ع الطلب الغريب ولا عشان حسيت انى قريبه من هدفى
اكيد طبعا
قعدنا طول الليل نفتكر ذكرايات ونحكيها ل بعض القعده مخليتش من الضحك والهزار لحد ما جاله مكالمه وكان ادم بعدها وشه اتغير
فى اى يزين
لازم نرجع حالا
لى خير
يالا بس وهقولك بعدين
خرجنا من المكان وروحنا الاوتيل وهو كان سأل ع طيارة رجوع وكان فى طياره كمان ساعتين لمينا حاجتنا بسرعه وطلعنا ع المطار
ماقولتليش فى اى
ماجد عرف ان مراد ظابط ماجد مش هيسبيه لازم هكون هناك
طب وهتعمل اى
هنسلم الورق ال يدينهم
طب وال مشغلهم
انحنى شويه وحط ايده ع راسه
مش عارف انا اهم حاجه عندى هو مراد
متقلقش يازين خير ان شاء الله
القلب دليل زى ما بيقولوا وانا كان قلبى دليلى كان بيقولى ان فى حاجه هتحصل انا دلوقتى ال بتمناه من كل قلبى ان محدش يتأذى وربنا يعديها ع خيره
طلعنا الطياره وقعدنا
قول يارب هو احسن منى ومنك
يارب ياارب
سمعنا صوت الطيار وهو بيقول نربط الحزام عشان الرحله هتبتدى لاقيته وقتها مسك ايدى وانا ميلت عليه ساعات قليله كنا وصلنا
خليكى هنا وخلى بالك ع نفسك
وانا هتروح فين
هروح لماما اطمن عليها وبعدين اطلع ع ادم
طب انا هاجى معاك بالله عليك عشان خاطر
ماشى يالا




دخلنا الشنط ونزلنا وروحنا ع طنط وكلم ادم ف التلفون وقاله يجيله ع هناك
لقاء:اهدى يبنى عصبيتك دى مس هتفيد ب حاجه
زين:اهدى ازاى يا ماما اخر ماسدج جت من مراد بتقول انه ماجد عرف الحقيقه وبعدها مردش ع مكالماتنا
هدى :اهدى يزين التوتر دا مش هيخلينا نعرف نفكر
ادم:حلنا الوحيد دلوقتى اننا نبلغ رسمى وعنهم
شويه وتلفون زين رن
الو
مراد موجود معانا لوعايزينه حى يبقى تسلمونا الورق ف اقرب وقت
*********************************************
فى مكان ما مهجور
انت غبى يا ماجد يعنى اى تخطف ابنى
ياباشا دا الحل الوحيد والا كان سلمنا كلنا
تقوم تخطفه اى مشغل بهايم عندى
ياباشا محدش جه جنبه وبيتعامل معامله بشواتى اوى
وفكرك مش هيوصلولنا انت غبى وفتحت علينا طاقه جهنم وسع من وشى
رايح فين يا باشا
رايحلهم ماهو مش معقوا ابنى مخطوف وانا مش معاهم اسمع خلص ع زين والنهارده مش عايزه حى
*********************************************
ادم:عدى بتاع ساعتين هنعمل اى
زين:مش عارف يا ادم
فجاءه كان الباب بيخبط كان اكرم ابو مراد
خير اى ال حصل يا ولاد ابنى اتخطف ازاى
زين: غريبه اى ال عرف حضرتك انه مخطوف
بإرتباك :ها اصل ...اصل فى رساله تهديد جاتلى بخبث بيقولوا انكم لازم تسلموا الورق عشان مراد يبقى بخير هو ورق اى دا ياولا
زين: ورق كدا يعمى يدين ناس كدا
اكرم :ما تسلموا يبنى انا معنديش اغلى من ابنى انا كلمت المتر رزق يجى وبعدها نشوف ممكن تديهولهم ازاى
وقتها زين جاله مكالمه تانيه
زين :ادم يالا مافيش وقت
ادم: يالا ع فين
زين: لازم نمشى دلوقتى انا كلمت احمد صاحب مراد وهو حدد مكانه وعملنا بلاغ رسمى بس عشان يروحوله هيتأخروا
ادم:بس يا زين
زين:مافيش بس يالا
زين طلع يجيب مسدسه
وكانوا هيخرجوا من البيت



هدى: زين
زين :مش هتأخر وعد
هدى:خلى بالك من نفسك
كنا بنتكلم لحد ما حسيت بحركه غريبه ولاقيت حد صوب المسدس ع زين مكنش فى اى رد فعل مناسب غير انى اخدها بداله


تعليقات

تعليق واحد
إرسال تعليق

إرسال تعليق