#قدري_والدال_ميم
#الرابعه
رنيم بتمسك خد محمود وبتبوسه من شفايفه .....
رنيم بتبرق
محمود بيبرق
رنيم بعدها ضربته بالقلم.....محمود بيحط ايده ع خده وبيحاول يهدي نفسه عشان مايمكسهاش يعجنها....
رنيم بتقوله بخجل....
- انا ، انا ، انا اسفه....
محمود بيهز راسه بحزن وهو لسه حاطط ايده ع خده ومش بيبص عليها....
رنيم بعصبيه بترد عليه
- بس انت الي غلطان ع فكره
محمود بيكتفي انه يبص ناحيتها بدون رد ، لانه مافيش رد اصلا!!
ولكن رنيم بنفس عصبيتها بترد عليه
- ايوه انت الي غلطان ، فضلت تجيبلي كتب وهدايا ، وتستغل ضعفي وتقربني منك
انت عاوزني احبك ولا ايه ؟!
اه طبعا مش لاقي كلام يا اوستاذ تدافع بيه عن نفسك و...
محمود بيقوم من جنبها....وبيروح ناحيه باب الاوضه....
-انت رايح فين وسايبني ؟!
محمود كان كاتم جواه حاجات كتيره ، ومحمود كان عنده مبدء مريح جدا ف التعامل ف اوقات الغضب ، افضل رد ف وقت الغضب انك ماتردش خالص ، لان اي رد وقت الغضب احتمال كبير يخسرك حاجة انت ماكنتش عاوز تخسرها ، او يخليك تندم ع كلام ماكنش له لازمه ، ف احسن حاجه انك ماتردش لحد ما تهدى وتفكر ايه الصح
محمود فتح باب الاوضه ولسه هيخرج منها...
- بكلمك يامحمود ع فكره انا !!
ولكن محمود قفل الباب وراه وسابها...
رنيم قعدت تهز ف رجلها وهيا بتلوم نفسها ع الي هيا عملته
- انا غبيه... غبيه والله ، ايه الي عملته دا ، يعني الراجل شكله كدا يعني تقريبا بيحبني ومهتم بيا وبيجبلي كتب وهدايا ، اوووف الي انا عملته دا ياربي....اروح اعتذرله....لا لا هو هينسى دلوقت ويطلع بس هو برضو غلطان ، يعني هو عارف اني مش بحبه واتفقنا ع كدا ، ليه يخليني اتعلق بيه يعني....بس انا برضو زودتها ، وضربته جامد كمان ، اوووف...اعمل ايه بس....
محمود كان نزل وراح ناحيه عم عبده ف المطبخ...
- ايه يابيه شكلك مضايق ؟!
- مافيش ياعم عبده ، اعملي حاجه كوكتيل تنسيني اسمي ياعم عبده
- خمره ع بيره ع...
- ايه ياعم عبده انت شيطان ولا ايه !!! لا عاوز كوكتيل شاي ع قهوه ع نسكافيه حاجه تعلي الكافين ف جسمي تخليني سبع سنين صاحي معرفش انام....
- حاضر يابيه....
بيعمله كوبايه كابتشينو....محمود بعد ما بياخد بوق منها بيقوله...
- بعدين خد هنا ياعم عبده ، بيره وخمره ف الفيلا دي ، دا ناقص تجيبو نسوان هنا ياعم عبده!!
- موجودين يابيه ، لو عاوز يعني....
- ايه ياعم عبده دا عيب كدا ، هششش وطي صوتك شويه عشان مانتفضحش ، لو عاوز هتعمل ايه بقى !!؛
- عيب يابيه احلى مزز ومن أوكرانيا يابيه....حاجه الوان ولوز اللوز يابيه
- شوقتني لايام الشقاوه ياعم عبده
- انت كان ليك ف الشقاوه يابيه !!!
- لأ ، بس كان نفسي ، بس احنا كدا مش هنفهم بعض كدا ياعم عبده!!
يعني افرض مثلا كان نفسي ف حاجه معينه كدا ولا كدا
- لا لا لا ، اسحملي كدا يابيه هقولك عندك مراتك و...
- مراتي!! " بيمصمص بشفايفه "... لا خلينا مانفهمش بعض عادي
رنيم اتصلت ع عم عبده من الانتر كوم ف المبطخ
- ماشوفتش محمود ياعم عبده
محمود بيشارو لعم عبده انه يقولها انه خرج بره
- بيقولك انه خرج ياهانم
- اتعلمت الكدب ياعم عبده من محمود ، اتفضل اخرج دلوقت ياعم عبده.
عم عبده بيميل ع ودن محمود وبيقوله
- خلص واديني رنه يابيه
- حبيبي الي هيطري القعده عليا ف الفيلا دي !!!
بعد ماخرج عم عبده
رنيم دخلت على محمود وكانت لابسه قميص نوم قصير ازرق شفاف ومبين جسمها وريحه برفيوم جذابه وحاطه روج احمر ومظبطه شعرها...
عدت قدام محمود ف المطبخ ، كأنها هتعمل لنفسها حاجه سخنه....ولكن كانت عاوزه تخلي محمود يبص عليها ... بس محمود ولا عبرها ، كأنها هوا بيتحرك..
- احم ، حوده قصدي محمود ، انت يعني بتشرب ايه ؟!
محمود باصص بعيد عنها
- معرفش اسالي عم عبده....
- طيب ممكن ادوقه طيب
" وبتقف قدام محمود عشان يبص عليها ولكن محمود كان نظرات عينيه بعيد عنها وهو بيقولها "
- خدي الكوبايه كلها انا كدا كدا خارج ، عن اذنك....
بحزن بترد عليه
- هتسبني....
بيبص عليها ورنيم ابتسمت فكرت ان كدا محمود هيتثبت بقى ولكن محمود قالها وهو بيحط مفاتيح عربيته ف جيبه
- عن اذنك يارنيم...
رنيم بتبص ف انعكاس صورتها ف التلاجه
- هو انا وحشه ولا ايه !!!
محمود بيخرج ورنيم مابين انها مضايقه من نفسها ع الي عملته وبين انها مضايقه من محمود عشان ماعبرهاش وحسساها انها وحشه....
قعدت ف الاوضه مستنيه ساعه واتنين وتلاته واربعه وخمسة ومحمود لسه ماجاش ، جات ف بالها فكره انها تخرج كل حاجه ف الاوضه ممكن محمود ينام عليها لما يرجع عشان مايلاقيش غير السرير وانه ينام جنبها....وفعلا عملت كدا....رنيم قرب الفجر خلاص حست باب اوضتها بيتفتح وهيا عملت نفسها نايمه عشان تشوف محمود هيتصرف ازاي ، ولكن محمود اخد مخده من جنبها وحطها ع الارض وهو بيقول ف سره
- يعني انتي عاوزاني اكون جنبك ولا مش عاوزني ولا انتي ايه حكيتك
حط راسه ع المخده وكانت الاضاءه هاديه ف الاوضه
وهو ع الارض وغمض عينيه عشان ينام حس بحد بيوسع ايده الشمال وبينام ف حضنه
محمود بصوت عالي قبل ما لسه يشوف مين الي نام ف حضنه
- عم عبده ، انت جيت!!!
بيفتح عينيه بيلاقيها رنيم وعينيها كانت مدمعه
- طب بتعيطي ليه طيب ؟!
- عشان انا ضايقتك النهارده ، وانا اسفه والله...
محمود بيمسح دموعها وهو بيقولها
- خلاص طيب ...
- لا انت لسه زعلان مني
محمود بيمسح دموعها لسه
- لا خلاص حصل خير
لسه بتعيط وهيا بترد عليه
- لا انت لسه زعلان مني ، والله انا مش عارفه عملت كدا ازاي انا ساعات بكون غبيه و...
- هشششش خلاص موضوع وراح لحاله وماتقوليش غبيه عشان انتي قمر
- انا قمر
- اه والله
بصوت عالي
- ولما انا قمر بتسبني ليه وتخرج !!!
- يادي النيله...
- خلاص خلاص انا اسفه
- ماشي...
- يعني بجد خلاص مش زعلان
- لا خلاص
بزعيق بتقوله
- طب ولما انت مش زعلان سايبني ليه طول اليوم كنت بتتصرمح فين سعادتك ؟!
- لا اله الا الله ، رنيم بصي....
- ايه عاوز ايه انت ؟!
- ف سكينه تحت ف المطبخ انا شوفتها ، هاتيها وخلصي عليا!
- بعد الشر عليك ماتقولش كدا ...
- انت عاوزه ايه دلوقت يارنيم ؟! عاوزه تتخانقي معايا ؟!!!
- لا
- طب عاوزه ايه ؟!
بتبوسه ف شفايفه بوسه طووويله
محمود بيقولها بعد البوسه ...
-اهو دي تمام بوسه طويله مافيش مشاكل تضربيني بالقلم بعدها لكن التانيه ظلم....
بتضحك وهيا بتبوسه تاني وبتقوله.....
- انا اسفه
محمود بيبتسم وهو بيقولها....
- خلاص حصل خير...
وبتحط راسها ع صدر محمود وهيا بتقوله
- عاوزه انام ف حضنك النهارده....
محمود بيضمها لصدره اكتر واكتر وبيحرك راسه ع راسها وهيا ف حضنه
وبيقولها....
- هرمرونات دي صح !!!.
بتضربه ع صدره ضربه خفيفه ب ايديها وهيا بتقوله بدلع...
- ياحوده بقى....
- حوده ايه بس !!! ، ما علينا ، بقولك ايه يابطتي !!
- ايه ياحوده ؟!
- ماتيجي نطلع ع السرير بدل النومه الي هتجبلنا الغضروف دي !!
رنيم بتضحك وهيا بتقوله
