الفصل الاخير
_لا انتى فعلا لازم تروحى العباسيه انتى اتجننتى عاوزة تموتى ابو بنتك وتعيشيها يتيمه عشان اى عشان بتحبى واحد لو موتى قدامه كده عمره ما هيبصلك ،حسن جوزى وبيحبنى ى اميره وانتى لازم تروحى الخانكه انتى خطر على بنتك وام غير مسؤله
"لقيتها بتصرخ وبتهجم عليا بالسكينه ومع صريخها صحيت رؤى وكانت بتصرخ معاها ،ساعتها رجلى اتشلت مكنتش قادره اتحرك من منظرها ومنظر بنتها المفزوعه غمضت عينى واتشهدت وقولت خلاص دى النهايه وفجأه سمعت صوت السكينه بيقع وهى بتشهق جامد فتحت لقيت طارق وحسن قدامى "
_حسن الحقنى ى حسن شفت ى طارق اميره طلعت متفقه معاها
_اهدى ى ورد اهدى ى حبيبتى انا هنا خلاص
_اى ى اميره مش مستوعبه اننا قدامك
_حسن ...حسن انا....انت شفت جميله بتعمل اى دى متفقه على ورد وانها تتهمها ف شرفها قوله ى طارق قوله
_اقوله اى انا مش هقول غير حسبى الله ونعم الوكيل فيكى انتى اكيد شيطان ازاى اتخدعت فيكى كده ازاى بقى عاوزة تموتيها وتموتينى
_انت مش فاهم حاجه اسمعنى بس
_اسمع اكتر من اللى سمعته ،عيبك ى اميره انك كنتى مستهونه بيا دايما ،مكنتيش شايفه راجل غير حسن كنت بشوف انبهارك بيه ف اى موقف حتى لو فتح علبه صلصه جامده شويه وبشوف عنيكى وهى بتلمع له بنظره عمرك ما بصيتهالى ،كنت بشوفك وانتى بتفتحى صورته ع الموبيل واعمل مش واخد بالى لحد مااجيب اخرك ى اميره وجيبته
_انت ظالمنى ى طارق انا بحبك انت ومبفكرش الا فيك
_انا ظلمت نفسى وظلمت بنتى انى اخترتك تكونى امها اخترت ام لعيالى مريضه نفسيا بتدمر حياه اللى حواليها عشان خاطر وهم ف دماغها بس ربنا كشفك
"لقيناها بتضحك بهيستريه
_هههههههههههههه هتعمل اى يعنى ى تيتو هتقتلنى متقدرش انت اضعف من كده ،طيب هتبلغ عنى هتبلغ بانهى تهمه ولا هتطلقنى يلا طلقنى ارمى اليمين
_انا من ناحيه ممكن اقتلك فممكن ومش هاخد فيكى دقيقه واحده عارفه ليه لانى عندى كل تسجيل مكالماتك مع ايمن وظبطتها ع الاخر عشان اللى يسمعها يتاكد انك ف علاقه معاه وهو هنا اهو نايم جوه وبنقطتتين منوم من اللى جبتوه ده انيمك جنبه وتبقى قضيه زنا اى رايك واقتلكم وادينى بدافع عن شرفى
_انت ...انت بتقول اى انت متقدرش هتخاف على سمعه رؤى بنتك لما تكبر وبعدين انا معايا الورق اللى يخلى اعمام حسن يقتلوك هو زمانه ف الطريق لهم دلوقت
_اه يا فاجره انتى اى معندكيش ضمير ولا قلب ولا رحمه انتى ازاى كنتى عايشه معانا ومحدش خد باله منك ازاى كنا مأمنينك كده ،ازاى عمر بحاله معاكى ومعرفتش حقيقتك
_انت السبب ى حسن انت مخترتنيش،كنت بتجيلى دايما اختار معاك كل اللى يخصك هدوم ساعات برفانات كل حاجه تخصك وانا برده كنت اخصك كنت دايما لما حد كان يضربنى او يزعقلى تتخانق معاهم وتقولهم دى تخصنى ليه بقى مخترتنيش ليه ى حسن
"انهارت اميره وانا انهارت معاها ،قلبى وجعنى منها وعليها هى حبته اوى اوى وهو محبهاش لا هى بخاطرها ولا هو بخاطره قلوبنا ملناش سلطان عليها هى اللى بتمشينا واحنا مش ف ايدينا غير الطاعه ،فقت على صوت خبط جامد على الباب ولقيت ناس داخلين بسلاح"
_مين فيكم طارق،من سكات كده يمشى معايا انا مش عاوز الليله تبقى نهايتها دم
_انت مين ،انت اللى عمى بعتك مش كده
_انت بقى طارق قدامى يلا
_اولا انا مش طارق انا اسمى حسن وكل الورق اللى وصلكم ده مضروب
_اه انت هتلعب معانا ى ابن عادل
_انا لا بلعب ولا عاوز منكم حاجه انا عاوزكم تسيبونى ف حالى وتعتبرونى ميت من يوم ما رمتونى على سكه القطر ومبصتوش وراكم
_اى انت بتقول اى ى حسن الفلوس دى حقك وحقنا
_اخرسى ى اميره انتى ملكيش حقوق عندى انت مرات اخويا وبس وحق مراتى ورعبها ده هاخده منك
اما انت بقى ارجع لعمى وقوله يجيب ورق التنازل عن ميراثى كله وانا همضى عليه وكأنكم لا شفتونى ولا شفتكم
_انا هكمله ف التلفون وهقوله ى ابن عادل وهنشوف
_جميله فين ى حسن انت ...انت لحقتها قبل مااايمن يصورها
_انا عاتب عليكى ى ورد كده تعملى في اختى كده
_اختك كانت هتدمرنى ى حسن هو طارق مقالكش كنت عاوزنى اعمل اى وبعدين انت عرفت ازاى
_طارق كلمنى وقالى على كل حاجه وجيت والحمد لله لحقتكم قبل ماتضيعوا منى انتى وجميله
_طيب جميله فين دلوقت
_جميله جوا لسه مفقتش انتى ماسكه رؤى كده ليه
_خفت عليها اوى خفت امها تعمل فيها حاجه،انتوا هتعملوا اى مع اميره
_ لازم تدخل مصحه وتتعالج ورؤى هتفضل معاااانا اااه
_حساااااان
"صرخت باسم حسن اللى وقع مابين ايديا ،فضلت اصرخ كتير انا ورؤى لحد ما حسيت ان قلبى هيقف،وقعت بيه على الارض وهو ف حضنى هو ورؤى،وفجأه سمعت صوت ضرب نار واميره بتقع جنبنا"
_جميله عملتى اى ى مجنونه ارمى المسدس ده
_قتلتها هههههههههه قتلتها زى ما قتلت حبيبى
"المكان كله حواليا بقى دم ،دم حسن اللى ف ايدى ودم اميره ولقيت البوليس داخل اخدوا جميله وطارق طلب الاسعاف لحسن واميره؛قمت بالعافيه وف حضنى رؤى كانت بتصرخ كنت حضناها بتحامى فيها مش هى اللى ماسكه فيا وروحنا المستشفى"
_انا اسف البقاء لله مقدرناش ننقذ مدام اميره
_طيب وحسن حسن فين
_الحمد لله طعنه السكينه موصلتش للقلب الجرح كان سطحى واضح ان اللى ضربه ايده كانت مهزوزه
_الحمد لله يارب الحمد لله طيب نقدر نشوفه ى دكتور
_بكره الصبح بإذن الله هيتنقل اوضه عاديه ادعوله
"قعدت انا وطارق كل واحد فينا ف عالم تانى هو بيفكر ف مراته اللى عشقها وكانت لعنه ف حياته واخته اللى دخلت المصحه لانها فقدت عقلها بالكامل وانا بفكر ف حسن ورؤى انا قررت هربيها مع حسن وهتبقى بنتى وفقت على صوت بيكلم طارق"
_حسن لسه مفقش تقدروا تيجوا لما يقوم بالسلامه وهو هيمضى على التنازل حسن كلمته واحده
_احنا يابنى هنديله حقه كله بس يسامحنا كفايه اللى حصل لنا ف الليله المشؤمه دى بعمرنا كله
_انا مش فاهم حاجه
_انا عم حسن الوسطانى واللى جالكم ده ابن عم حسن الكبير بعد ماسبكم كلمنا عشان يقولنا ع اللى حسن قاله فجأه وقع من طوله وفى راجل جاركم شاله جرى ع المستشفى وعلى ما وصل كان مات ولما كلمنا وعرفنا اخويا الكبير مستحملش واتشل مكانه وانا خفت ى ابنى خفت من عقاب ربنا فجيت ارد الحق لصاحبه وربنا يغفر لنا ويارب حسن يسامحنا
"مبقتش عارفه ارد من الصدمه يعنى ف يوم وليله الحال يتقلب كده وكل الحقايق تتكشف سبحانك ياااربى تمهل ولا تهمل"
_ورد ...حسن فاق وعاوزك
_الحمد لله ى طارق الحمد لله
_ورد
_قلب ورد حمدالله ع السلامه ى عيونى
_الله يسلمك ى حبيبتى اى االلى حصل طارق بيقولى جميله...
_متشغلش بقالك انت ى حسن كل واحد اخد جزاءوه واحنا الحمد لله مع بعض وكويسين بس انا ليا طلب عندك ى حسن
_اؤمرى ى ورد
_انا مش عاوزة اقعد ف البيت ده تانى واهو اعمامك رجعوا حقك تعالا ناخد رؤى ونسافر نبدأ من جديد
_وانا ى ورد هتاخدوا بنتى وتسبونى من غير اخ ولا اخت ولا بنت
_لا طبعا ي طارق كلنا هنسافر وافتحوا شركه بالفلوس ونبعد عن هنا عشان رؤى وعشانا كلنا
_اى رايك ى حسن ولا خلاص انا مبقتش اخوك
_اى اللى بتقوله ده ى طارق طول عمرك هتفضل اخويا وسندى وحمايتى
_ربنا يديمنا ضهر لبعض ى حبيبى
بدل ماتدور وتبحث علي الروايات خليها علي تليفونك وحمل تطبيقنا
