الفصل الاخير
مازن : مرام ردي عليا وجاوبيني دلوقتي حالا مين ده
مرام : انت مين ؟ قالتها بصوت واضح وملفت ليتوقف ماهر عند سماعه سؤالها ويلتفت إليها وتلتفت هي ايضا إليه ويظلا ينظران لبعضهما ثم تقترب منه ببطء حتى تقف امامه وتنظر لعينيه والمسافة بينهما لا تتعدى إنش
يظلا صامتين حتى تقطع الصمت هي قائلة : انت مين ؟
ينظر ماهر لها بإستغراب لتكمل (بعصبية وحيرة): انت غيرت كل حاجة....كل اللي انا برتبله وكل اللي كنت بفكر فيه...كنت عارفة ايه اللي انا عايزاه وايه اللي ححققه ...ليه لما دخلت حياتي حسيت اني انحرفت عن مساري ....كنت عارفة انا ماشية فين بس مجرد ما قابلتك ضليت الطريق ......كنت مرتبة حياتي ع نمط معين ليه جيت انت وغيرت النمط ده ....كنت دايما بستخدم عقلي...كل حاجة بحسبها بالورقة والقلم وبحسب حساب الخطوة قبل ما امشيها ....ليه عقلي بقى مشتت ...ليه مبقتش عارفة انا عاوزة ايه .....فضلت تتكلم عن الحب ...والمشاعر ....العلاقات......لحد اما وقفت وسألت نفسي يا ترى ماشية صح ولا لأ .....انت مين؟
شاور ماهر مكان قلبها وقال : انا اللي ده كان مستنيه من وقت طويل ...واديني جيت
- (بدموع وحزن) بس ده ضعيف قوي ...لو اتعود عليك وحبك فكرة بعدك بالنسبة له هتبقى مميتة
- وانتي ليه تحطي اعتبارات للبعد...البني ادم لما بيحب مش بيعمل اعتبار لحاجة...بيحب وبس
تقول مرام لنفسها : وانا بحبك وبس
يقترب ماهر اكتر منها ويهمس فأذنها بحب : وانا كمان بحبك
تتفاجأ مرام وتبتسم : انت ازاي...قدرت تسمعني ؟
ماهر بحب : قلتلك...انا اللي ده كان مستنيه من وقت طويل
مازن : مرام ..يناديها ليقطع عليهم تلك اللحظة
مرام : مازن عاوزة اقولك انه ...
يقاطعها مازن : متقوليش ....كل حاجة واضحة ...اتمنى تكوني مبسوطة بقرارك
يمر مازن من جنب مرام لتمسك معصمه وتقول : يمكن مش من حقي....بس لو قدرت تسامحني فيوم من الايام متبخلش عليا وسامحني ....يبعد مازن معصمه عن يديها ويخرج من القاعة ....تذهب مرام لوالدتها قائلة : انا عارفة ان انتي زعلانة مني...بس انا...
تسكتها صفعة من يد والدتها لتنظر مرام بصدمة لها
سميرة (بدموع) : ليه عملتي كده ...ليه....انتي بنتي الوحيدة...انا عملت كل اللي اقدر عليه عشان اربيكي واعلمك وابني مستقبل ليكي ...ليه تدمري حياتك ومستقبلك بإيدك ليه
ترد مرام : مش يمكن يكون هو ده المستقبل اللي المفروض اعيشه....مش يمكن ده اللي هيخلي مستقبلي احسن ومبسوطة ...ماما الحب مش مؤذي زي ما انتي فاكرة
سميرة : خلاص يا مرام...انتي اخدتي قرارك...وانا كمان اخدت قراري
تطلع مرام لها بخوف
سميرة بحزم: من هنا ورايح انا معنديش بنات....بنتي الوحيدة ماتت
تتطلع مرام لها بصدمة وقهر لتتركها سميرة وترحل حازم : بنتك مغلطتش لما حبت يا سميرة
سميرة وبدون ان تتوقف عن المشي : الوقت هو اللي حيحدد اذا كان قرارها صح ولا غلط .
حازم(بصوت عالي) : مش كل الناس يوسف يا سميرة
لتتوقف سميرة عن المشي وتتطلع له بصدمة ويتتطلع له مرام وماهر ونور ايضا بصدمة
سميرة بصدمة : انت كنت عارف ؟
حازم بحزن وغضب : ليه يا سميرة ...ليه....بقالي سنين نفسي اسألك السؤال ده ....حبيتك اكتر من اي حد....حبيتك ف الوقت اللي محدش سمع فيه حاجة عن حازم الجبالي........حازم صلاح الجبالي اللي كان من اكتر من ٣٠ سنة حازم صلاح الدين عزت زميلك ف الدفعة
Flashback
حازم : انسة سميرة ؟
سميرة : ايوة
- انا حازم زميلك ف الكلية
- ايوة في اي خدمة اقدر اقدمها
- كنت عاوز اقول لحضرتك حاجة واتمنى تصدقيني
- اتفضل
- ابعدي عن يوسف
- نعم
- صدقيني هو بني ادم مش كويس
- وانت تعرفه منين اصلا عشان تقول عنه كده
- انا مش بكذب والله يوسف شخص مش كويس
- (بعدم تصديق)شكرا ع المعلومة ولو سمحت اتمنى اني مشوفكش تاني ...عن إذنك
Back
سميرة (بصدمة): مش معقول
حازم : فعلا مش معقول....مش معقول طول السنين دي مفتكرتنيش...او حبك ليوسف كان عاميكي لدرجة انك مقدرتيش تعرفيني في الوقت ده مكانش عندي الجرأة اني اكلمك او حتى اتقدملك....اتقدملك ازاي وانا لا كان حيلتي فلوس ولا حتى اهل....اتخرجت..واشتغلت...وتعبت...تعبت قوي...عشان ف الاخر ابقى حازم صلاح الجبالي ....تفتكري كل ده كان عشان مين ......(بإستنكار)عشاني مثلا
تبكي سميرة
حازم: واتقدمتلك من اهلك ...اليوم اللي كنت بشتغل وبتعب ع نفسي عشانه من مدة طويلة ....بس فرحتي كانت ناقصة ...لإني اكتشفت إنك لسه بتفكري ف يوسف ....فكرت انك مع الوقت هتشوفي حبي ليكي وهتحبيني ...بس للاسف لأ ....طول السنين دي كنت متجوز سميرة...بس مش سميرة اللي حبيتها...بني ادمة تانية...جسد من غير روح ....طول السنين اللي فاتت بقول انها مع الوقت هتنسى ...استنيت قلبك انه يحبني او ع الاقل يحس بحبي ليكي...استنيت سنين طويلة.....بس انتي عمرك ما حبيتيني...(بإستنكار)او بمعنى اصح عمرك ما نسيتي يوسف
سميرة بدموع : مش صحيح...انا نسيت يوسف من وقت طويل
حازم : لو كان ده صحيح كنتي حسيتي بيا...لكن انتي محسيتيش
سميرة : حازم اسمعنى انا........حازم ..حازم استنى
يتركها حازم دون ان يستمع لكلامها
تسقط سميرة ع الارض وتبكي : انا خسرت كل حاجة ....خسرت كل حاجة...حياتي...بنتي ..وجوزي ....والاهم من كل ده ...خسرت بني ادم حبني حب حقيقي...بس طول الوقت ده مكنتش شايفاه
ينزل ماهر لمستواها ويقول : مخسرتيش حاجة...لسه في ايدك فرصة
مرام : ايوة يا ماما....بابا بيحبك وع الاكيد مش هيزعل منك وينهي كل حاجة ببساطة ....اللي خلاه يصبر كل السنين دي...قادر انه يهون عليه حزنه ويسامحك
سميرة (بحزن): لا يا مرام...انا جرحته قوي وضايقته
ماهر : وهتعوضيه...وهتبتدوا حياة جديدة كلها حب
سميرة : ازاي ؟
ماهر : هقولك
يجلس حازم في ركن الإستقبال الخاص بالفندق إلى ان اتت له سميرة
سميرة بثقة وتمد يدها لمصافحته : سميرة عبد العزيز كنت زميلتك فالدفعة كلية سياسة واقتصاد القاهرة
استغرب حازم من طريقتها ..هم ليتركها ويرحل ولكنها قالت : مأظنش انه من الزوق انك تمشي لما حد يكون عاوز يتعرف عليك
إلتفت حازم إليها ومد يده وصافحها ببرود : حازم الجبالي
سألت سميرة بإستنكار مصطنع : مين حازم الجبالي ؟
حازم وقد طفح كيله : مالك مجموعة شركات الجبالي للبناء والتشيد
سميرة : وإيه كمان ؟
حازم : هو ده مش مكفيكي
حركت سميرة رأسها بمعنى لا
حازم : صاحب كومباوند Heaven اكبر مجمع سكنى ف الشرق الاوسط
سميرة : وايه كمان
حازم : كل الشركات عاوزة تتعاقد معايا.....بخلص صفقة ربحها ملايين خلال دقايق
لتشد سميرة يده فجأة نحوها ليقترب منها وينظران لبعضهما
سميرة بصوت انثوي وجذاب : ومدام انت جامد كده ومحدش قدك.....وكل الشركات عاوزة تتعاقد معاك ...وبتخلص صفقة ربحها ملايين خلال دقايق....حركة زي دي كنت مستخصر تبادر انت بيها
ينظر حازم لها بإعجاب وتبتسم سميرة له
من بعيد كان ماهر ومرام يراقبونهم...مرام : انا اول مرة اشوف بابا وماما عاملين كده
فرح ماهر ايضا لكنه صدم عندما وجد فتاة تخرج من الفندق....
ماهر (بصوت عالي) : استني عندك
مرام : ايه يا ماهر في ايه
ماهر : تعالي معايا
يلحق ماهر ومرام تلك الفتاة قبل ان تهرب
ماهر : انتي
نور : انا ايه في ايه
ماهر : ايوة انتي....هي يا مرام هي نفسها
تقاطعه نور : هي..هي ..هي مين وبعدين يا ست مرام...لسه ع البر وبيقولك هي...امال لما تبقي ع زمته هيقولك ايه
بدأت مرام ف الإستيعاب وقالت لها : يعني انتي اللي ...
تقاطعها نور : انا اللي ايه ...كمليها...... (بفخر وتكبر) انا اللي لولايا مكنتيش هتجتمعي مع حبيب القلب...وكان زمانك متجوزة بني ادم مبتحبيهوش وكنتي هتظلميه وتظلمي نفسك
مرام : بصي يا نور ...الكلام ده تضحكي بيه ع حد تاني غيري ....انا وانتي عارفين بعض كويس ....قولي من الاخر ...ايه اللي خلاكي تعملي كده
تسكت نور ويظهر الحزن ع وجهها
مرام : بتحبيه
تلمع عيون نور وتبتسم لا إراديا وتخجل وخدودها تصبح حمراء
تضحك مرام ع منظرها لتنظر لها بسخط : تصدقي وتؤمني بالله...انا غلطانة اني ساعدتك
همت لترحل لكن تسحبها مرام لأحضانها وتبادلها نور الحضن وتقول : عاوزة اقولك حاجة بس مش عارفة إذا كنتي هتصدقيني ولا لأ
مرام : قولي
نور : انا......لو كنت حسيت للحظة انك بتحبي مازن وانكم هتكونوا مبسوطين مع بعض مكنتش فكرت اعمل كده
مرام : وانا......تمسك كتفي نور بيديها وتبعدها عن حضنها ...هعمل نفسي مصدقاكي
يضحكا ...فتقول مرام : يلا إلحقيه
نور : تفتكري
تمسك مرام بيديها وتقول : لو بتحبيه ...هتعرفي تخليه يحبك
تذهب نور لتجد مازن جالس بسيارته وحزين تركب نور بجانبه
مازن : نور !
نور : مالك يا مازن
مازن : مش عارف
نور بحزن : حبيتها
مازن : ماهو ده اللي مضايقني
نور بحزن اكبر : انك حبيتها
مازن : لأ ...اني مش عارف ايه الحب ده
تنظر له نور بإستغراب ليكمل : انتي فاكرة ايه يا نور ....إني كل تفكيري ف الشغل والنجاح والفلوس ......انا كمان نفسي اتجوز بني ادمة احبها وتحبني ...لما خطبت مرام كنت فاكر اني ححبها مع الوقت .....لكن لما غيرت رأيها فأخر لحظة.....انا فرحتلها...بس فنفس الوقت متضايق....لإني لحد دلوقتي ملقتش البني ادمة اللي تحبني
نور : الحب مش زرار....مجرد ما تقوله تيجي يجي...الحب دايما بيفاجئنا و يجي فوقت مكناش متوقعينه ...الحب حاجة كبيرة قوي يا مازن
مازن : ازاي يعني
نور : تعالى وانا اقولك
تنزل نور من عربيته وتفتح له باب عربيته وتومئ برأسها لها لكي ينزل
............................
بارك الله لكما وبارك عليكما وجمع بينكما ف خير
تزوج ماهر ومرام في حفل زفاف لا يوجد به غير والد والدة العروس بالإضافة لنور ومازن
مرام : ماهر انا مبسوطة قوي بجوازنا
ماهر : وانا كمان ....بس في حاجة عاوز اقولك عليها
مرام : قول
- انتي....انتي
- انا..انا ايه
- انتي من اول يوم شوفتيني فيه اقتنعتي اني بني ادم مش كويس وان اي بنت بالنسبالي هي تارجت ولازم احققه
- تمام
- لكن الحقيقة ....انك اول واخر واحلى تارجت حققته ف حياتي كلها
تسكت مرام قليلا
ماهر : ايه يا مرام اتضايقتي ولا ايه
- بص يا ماهر....مش عيب إنك تكدب...اصلا مفيش راجل مبيكدبش ع مراته...بس في كدبة تتصدق وكدبة لأ ...يعني مثلا لو انت ....
- (يقاطعها) بسسس بس خلاص انا غلطان عن اذنك
-رايح فين
-ثانية وراجع .....ذهب لمشغل الاغاني وحدثه وعاد لمرام
-كنت بتقوله ايه
- هتعرفي دلوقتي
لتبدأ اغنية اختراع ليرقص الجميع مع شريكته ...مرام مع ماهر...نور مع مازن ...وحازم مع سميرة
معروف انا من زمان ولا واحدة بتملالي عنيا جت هي حصل جنان شكلي هيتعلم عليا لأ دي تعظيم سلام...حلوة جدا مش عاديةةة....ده الحب ملوش كبير وانا ايه فاكر نفسي خبرة وبوقع ناس كتير وبعدي من خرم إبرة قال ايه جامد خطير خدت درس مية ميةةة ..طب هي دي إختراع قلبي راح غير مساره دي جمالها يجيب صداع كام برج من عقلي طارو...ايوا ام عيون فظاع...دبت جوا القلب ناااره ...دبت جوا القلب ناره
بدل ماتدور وتبحث علي الروايات خليها علي تليفونك وحمل تطبيقنا
