(الفصل الاخير)
عبدالله: منورنا والله يا أستاذ مراد
مراد: دا نورك ياعمي
عبدالله: طيب احنا هنسيبكوا شوية وأنا قاعد هنا برا لو احتاجتو حاجة
مراد: شكرا يا عمي ، بعد ماخرجوا اتكلم
مراد: ممكن ترفعي دماغك وتبصيلي
ملاك رفعت وشها وهو ابتسم تلقائي واتكلم في سره: بسم الله ماشاء الله، سمعته ملاك ابتسمت بفرحة لكلامه
مراد: تحبي اتكلم ولا تتكلمي انتي
ملاك: اتفضل اتكلم
مراد: أنا اسمي مراد عندي 24 سنة يعني أكبر منك بسنتين اخر سنة ليا في الجامعة ومعاكي في الكلية .
ملاك: ممكن أعرف انت عرفتني منين وايه الرسالة بتاعة امبارح دي
مراد: ممكن مجاوبش ع السؤال دا دلوقتي ، ان شاء الله ساعة كتب الكتاب هقولك
ملاك : وانت متأكد اني هوافق عليك اصلا
مراد : ان شاء الله ربنا مش هيخذل دعائي لمدة سنة ، اتمني انك توافقي ، بعد اذنك هستني ردك من والدك ولو تمت الموافقة هيكون كتب الكتاب اول الشهر انا اتفقت مع والدك ، سابها ومشي من غير ما يستني ردها
ملاك لنفسها: ايه ابن المجنونة دا ، هو كان قصده ايه بدعائه دا ، بس ايه القمر دا يا ناس ،أنا ليه فرحانة كدا ايه الهبل دا ، بابها دخل وعرفته انها هتصلي استخارة وتبلغه ،وبعد يومين وصل مراد ردها بالموافقة فبعتلها على الواتس
مراد: مش قلتلك هتوافقي، أنا عارف نفسي اصلا
ملاك ابتسمت لكلامه وحست فعلا انها مرتاحة ليه علي عكس جاسم اللى كانت بتكلمه وهى دايما خايفة حد يشوفها او يسمعها : انت مغرور
مراد: لازم اتغر بيكي اصلا ، يلا مينفعش كلامنا دا ، عشان انا كدا بخون ثقة والدك ، ان شاء الله اول الشهر هجيب بابا وماما ونيجي نكتب الكتاب
ملاك: انت قصدك اول الشهر اللى هو الاسبوع الجاي ؟
مراد: أيوا .تصبحي علي جنة
ملاك: وانت من أهلها .
بعدها كانت مبسوطة جدا وكلمت هدي
ملاك بفرحة: طلع خايف عليا قالي مينفعش نتكلم انا فرحانة اوى
هدي بحب: الله يفرح قلبك دايما ، مش قلتلك ربنا هيعوضك خير
ملاك: ربنا يخليكي ليا يا أحلي أخت في الدنيا ، تصبحي علي خير
هدي: وانتي من أهل الخير يا روحي.
مر الاسبوع كل يوم مراد يكلم ملاك بس قدام ابوها ، يطمن عليها وعلي اخبارها ، كل يوم ملاك بتغرق فيه أكتر من اليوم اللى قبله ، عرفت ان جاسم كان مجرد طيش منها وان مراد هو نصيبها وعوضها لحد ما جه يوم كتب الكتاب
ملاك: يا هدي انا متوترة جدا
هدي: اهدي يا حبيبتي خايفة ليه بس
ملاك: معرفش بس متوترة ، أمير بعتلي رسالة ع الواتس وبيقولي هقول لحبيب القلب علي محادثاتنا وأكيد سارة متفقة معاه ، أنا خايفة يقولوا حاجة لمراد ، مش هقدر استحمل انا بقيت بحبه اوي يا هدي
هدي: سيبك منهم هما بس مش حابين انك تكونى احلي منهم ، انما ميقدروش يعملوا حاجة بالنسبة لمراد ، انت مش محتاجة تبرري ليه حاجة دا ماضي هو ملهوش دعوة بيه ، ربنا غفور رحيم وستر ليكي غلطتك مينفعش انتي تفضحي نفسك . قومي يلا زمانهم هينادو عليكي عشان يكتبوا الكتاب
ملاك : حاضر
بالفعل طلعوا برا وقبل كتب الكتاب ملاك بعتت لمراد انها عايزة تقوله حاجة واخدها ودخلوا بعيد عن الناس من غير ما حد ياخد باله
ملاك بتوتر: مراد ممكن أقولك علي حاجة
مراد: انتي جاية تقولي دلوقتي
ملاك: ايوا لازم نبدأ مع بعض علي صراحة أنا كنت قبل كدا يعني ، هو ...
مراد سكتها: ممكن متتكلميش دلوقتي وبعد كتب الكتاب تقولي كل اللي انتي عايزاه
ملاك: جايز اللى هقوله يغير رأيك فيا
مراد: عمر رأيي ما يتغير فيكي أبدا ، يلا الناس مستنية
كتبو الكتاب وقام مراد باس دماغها متكسفش من اي حد موجود وهمس في ودانها
مراد: بحبك يا ملاكي وبعد عنها ولا كانه عمل حاجة وهي كانت مكسوفة جدا وخدودها كانت حمرا
مراد: عمي ممكن لو سمحت أخد ملاك ونخرج
عبدالله: ما تسيبها يبني النهاردة وبكرا ابقي خدها ، النهاردة اقعدوا معانا نفرح بيكو
مراد بابتسامة: حاضر
عبدالله: خدها يلا وادخلوا اقعدوا جوا .
ملاك: ممكن بقا تجاوب علي سؤالي يا استاذ مراد
مراد: حاضر يا استاذة ملاك ، أول مرة شفتك فيها من سنة لما كنتى خارجة من الكلية سرحانة وكتبك وقعت منك ساعتها ساعدتك بس مأخدتيش بالك مني ، كنتي جميلة اوى وهادية خفت عليكي فضلت ماشي وراكي لحد ما لقيتك قاعدة علي الكورنيش وبدأتي تعيطي فضلت مستنيكي لحد ما خلصتي وبعدها اخدتي مني منديل وبرضو ما أخدتيش بالك مني بس من يومها وخطفتي قلبي معاكي ، بقيت براقبك دايما وبتابع حركاتك ، كنت بغض بصري عنك علي قد ما أقدر بس كنت غصب عني بتشد لبراءتك ، كنت بدخل معاكي ساعات المحاضرة مع اني اكبر منك بس كنت بحب اتابعك بقيت أدعي ربنا بيكي انه يجعلك من نصيبي ، لحد ما شفتك في يوم بتتكلمي مع بنت وولد وبتتخانقي معاهم وبعدها حكيتي لهدي صحبتك كل حكايتك غصب عني سمعتك كان نفسي اروح أموت أمير وسارة عشان زعلوكي ، وكمل بزعل ولم اتكلمتي مع جاسم قلبي اتكسر فضلت أدعي ربنا يخرج حبك من قلبي بعدها كنت بستغفر كنت عايز افضل أحبك حتي لو من غير أمل اتمنيتلك السعادة وكنت بفرح جداا بالتغير اللى بيحصل معاكي ، ولما عرفت انك قطعتي علاقتك بجاسم الامل كبر جوايا وقلت لازم اجي اتقدملك قبل ما حد تاني يخطفك منى
ملاك بدموع: كل دا شايله في قلبك ، ليه مجتش تكلمني
مراد بحب: كنت بحافظ عليكي ،كنت بخاف أعصي ربنا فيكي عشان متعاقبش بيكي يا ملاك ، وبخاف عليكي من كلام الناس .
ملاك: مراد أنا محبتش حد قبل كدا
مراد بحزن: طب وجاسم
ملاك: صدقني محبتهوش ، هو كان مجرد واحد بس اهتم بيا فاتشديت ليه ،صدقني يا مراد
مراد اتنهد وبصلها: خلاص يا ملاك الموضوع خلص ياريت نبدأ حياتنا مع بعض من دلوقتي علي صراحة .
ملاك بدموع: صدقني أنا مبحبش حد الا انت
مراد بصدمة: قلتي ايه
ملاك: ايوا محبتش حد غيرك انت اول واحد واخر واحد قلبي يدق ليه
مراد قام وشدها لحضنه ومسح دموعها: ومراد مش بيعشق حد الا انتي والله يا أغلي ملاك في حياتي ، أنتي ملاكي .
ملاك بحب: وانت مرادي
مراد: أنا بقول ناخدك ونروح بيتنا
ملاك بابتسامة: لا يا حبيبي أنا لازم أكمل كليتى الاول وأحقق حلمي
مراد بحب: وأنا تحت أمر أميرتي .
"وسلامًا علىٰ قلبٍ أحب بصدقٍ، وأبىٰ أن يعصي الله فينا"
