الفصل الثامن والتاسع
نزلت مليكه ومراد نزل وراها
معتز : مليكه
مليكه : ايوة يا معتز
معتز: انا عايزك تصورينى كام صورة
مليكه : لسه هترفض لقت مراد ماشى يا معتز يلا
منى : مليكه انتى اول مرة تصورى ولد
مليكه : وفيها اى
مراد: واقف باصص على مليكه واضايق لما معتز وقفها والغضب زاد لما لقاها بدأت تصوره
مراد: لا دا الموضوع زاد اوى
مراد مشى وراح عند مليكه وملامحه لا تنذر بخير
منى : مليكه مراد جى وشكله مش مبشر يلا نمشى
مليكه بخوف : طب يلا معلش يا معتز كفايه كدا انا لازم امشى
معتز: ماشى
مليكه لسه هتمشى سمعت صوته الغاضب اوقع قلبها
مراد: مليكه
مليكه وهى تبتلع ريقها: نعم
مراد: اركبى العربيه حالا
مليكه : انا انا هروح
مراد: مليكه ان مركبتيش العربيه صدقينى تصرفى مش هيعجبك
منى: اركبى يا مليكه
مليكه ركبت العربيه ومراد ركب وساق العربيه على اقصى سرعه
منى: ربنا يسترها
كل هذا تحت انظار شاهى ومجهولها
شاهى : اطلع وراهم
مجهول : حاضر
..........................فى العربيه
مليكه بخوف : لو سمحت خفف السرعه
مراد : ساكت ومش راضى يرد
مليكه بصراخ : بقلك وقف العربيه
وفجأه مراد وقف العربيه ومليكه اتخبطت
مراد : انتى كويسه
مليكه : نزلت من العربيه انت كنت هتموتنا
مراد بغضب : انتى وصلتينى لكدا
مليكه : انت بتقول اى
مراد بصوت عالى مكنش لازم تتكلمى مع الواد اللى كان واقف معاكى لا وكمان بتصوريه
مليكه: انت ملكش دعوه وبعدين انت ملكش دعوة بيا
مراد: مليكه متنسيش ان انا خطيبك
مليكه : منستش بس حضرتك نسيت انك خاطب واتقربت من شاهى ولا كأنى موجودة
مراد: انا مكنتش فى وعى
مليكه بصراخ : مش مبرر
مراد مسك دراعها وقربها منه : صوتك لو على تانى انا هزعلك مفهوم
مليكه بخوف والم : مراد ايدى انت بتوجعنى
مراد بصوت عالى : مفهوم
مليكه : هزت راسها مفهوم
مراد : لو لمحتك واقفه مع ولد ولا بتصورى ولد هيبقى ليا تصرف هتندمى انك مسمعتيش الكلام
مليكه : ساكته
مراد بغضب: نور ردى عليا
مليكه بصتله وقلبها وجعها : على فكرة انا اسمى مليكه مش نور عن اذنك
مراد : مليكه استنى بس هى جرت وركبت تاكسى ودموعها نازله وبتكلم نفسها مين نور دى وغلط فيا ازاى معقول تكون حبببته وعايز ينساها بيا
يارب دلنى على الصح
........................
اياد: خدى اجازة الايام دى وانزلى هاتى اللى ناقصك
رهف : ماشى يا حبيبى انا اتفقت انا ومليكه ومنى هننزل سوا
اياد: خدوا تقى معاكوا
رهف : انت عارف تقى بس هكلمها واشوفها
اياد: ماشى روحى جهزى نفسك بقه عشان هنتغدى سوا
رهف: هوا
..............................
جلال : اى الاخبار
مجهول :.........
جلال: هاتلى كل المعلومات عن الحيوان دة
مجهول :........
.........................
مراد رجع المستشفى وهو زعلان من مليكه وعليها وبيلوم نفسه معقول غيرتى عليها لانى شفتها كانها نور معقول قطع شرودة دلوف جلال
جلال: اى الاخبار
مراد: كويسه الحمدالله انت عامل اى
جلال : ببخير عندنا شويه عمليات عايزين نخلصهم عشان نفضى لكتب الكتاب
مراد بشرود: اه
جلال : مالك يا مراد فيك اى
مراد: ها ولا حاجه يلا نشوف المرضى
جلال: هما الطلاب هيجوا امته
مراد : بكرة
....................
مليكه روحت وهى زعلانه ومضايقه وتعبانه
منى كانت مستنياها
منى : عملتى اى
مليكه : ولا حاجه اتكلمنا شوى
منى : الامور اتصلحت
مليكه : اه معلش يا منى انا تعبانه وعايزة انام
منى : طبعا يا حبيبتى ارتاحى وانا هقعد شوى مع طنط وبعدين اروح
............................
عدى يومين ومليكه بتتهرب من مراد ومش راضيه تنزل المستشفى ولا تروح الجامعه والموضوع دة زعل مراد جدا وحس ان هو مفتقدها وزعل اكتر لما عرف انها بتخرج مع رهف من غير ما تستأذنه وكان مضايق جدا من اهمالها لى
مراد: الو ازيك يا رهف
رهف:.......
مراد: عايزك فى خدمه
رهف:...........
مراد(.........)
رهف : .......
مراد: شكرا يا رهف سلام
رهف: .............
........................
عند مليكه
سميه : هتخرجى دلوقتى
مليكه : اه بس هأخر عشان هصلح الكاميرا بتاعتى
سميه : مالها الكاميرا
مليكه بتوتر : ها ملهاش يا ماما هظبط فيها شويه حاجت (لما اتخانقت هيا ومراد مسك الكاميرا ورماها على كرسى العربيه واتكسرت )
سميه : ماشى خلى بالك من نفسك ومتنسيش تجيبى فستان اللى هتلبسيه بكرة
مليكه : حاضر
........................
رهف اتقابلت هى ومليكه
رهف : تعالى نشوف الفساتين نختار منها
مليكه : ماشى يلا
لفوا محلين ووصلوا لمحل تانى
رهف : مليكه هعمل تليفون واجيلك
مليكه : ماشى وانا هتفرج عالفساتين
وبعد مدة رجعت رهف
رهف: اخترتى حاجه
مليكه : مش عارفه اختار اوف
وفجأه سمعت صوت من وراها
مراد : ممكن اساعدك
مليكه : حست بحنين لصوته وقد اى كان واحشها بس مبينتش دة
مليكه : من غير ما تبص عليه شكرا مش محتاجه
مراد: طب بصيلى وشدها لفها وبص فى عنيها الحزينه
مليكه : ممكن تبعد
مراد : مليكه ممكن نتكلم شوى
مليكه : نتكلم فاى
مراد : الاسئله اللى بدور جوا راسك انا هجاوبك عليها
مليكه بخوف : ماشى
مراد: رهف انا ومليكه هننزل الكافتريا اللى تحت هنستناكى
رهف : ماشى
مراد اخد مليكه ونزل الكافتريا وكان وسيم ولابس تيشرت وبنطلون جينز زاد من وسامته والبنات عنيها كانت هتطلع عليه
مراد: تشربى اى
مليكه : مش عايزة ياريت ندخل فالموضوع عالطول
مراد بغضب : مليكه مبحبش اسلوب الكلام دة
مليكه : وعايزنى اكلمك ازاى وبأى اسلوب انا اصلا مش عايزة اتكلم وهمشى وقامت ولسه هتمشى لقت ايد مسكتها جامد
مراد : لو مقعدتيش حالا تصرفى مش هيعجبك يا مليكه
مليكه بخوف والم : حاضر
مراد: اولا اسف انى ناديتك باسم نور
مليكه بسخريه : والله كتر خيرك بس اسفك مش مقبول
مراد: معطاش لكلامها اهتمام مش عايزة تعرفى مسن هى
مليكه: لا
مراد : بس انا هقلك نور تبقى مراتى
مليكه : اتفجأه بكلامه نعم
مراد: نور دى حب حياتى كنت بعشقها كانت حب طفولتى لان هى بتكون بنت عمى دخلت معايا نفس الكليه ونفس التخصص كانت زميله ليا وصديقه وحبيبه وحبتها حب الطفوله زى ما بيقولوا واتخرجنا واتجوزنا انا وهى عشت معاها اسعد ايام حياتى لحد ما عرفنا بحملها الكل قال ان الحمل خطر عليها بس هى رفضت وصممت تكمل فالحمل لحد ما جه يوم الولادة بس للاسف خسرتها هى وبنتى ومن بعدها وانا عايش جسد من غير روح لانها كانت روحى وخطبتك يمكن تقدرى تخرجينى من الماضى انا كنت قافل قلبى وعايزك تفتحيه
مراد قاعد يحكى ومش راضى يبص فوش مليكه وماسك التليفون ومطلع صورته هو ونور
مليكه : دموعها نازله مسكت التليفون من ايدة وشافت صورتها واتكلمت
مليكه : بعد كل اللى قلته دة اعتقد انى داخله فى معركه خسرانه وانا اللى هكون خسرانه
مراد : انا هستنا قرارك اى يا مليكه لو موافقه تفضلى معايا هستناكى بكرة ولو مجتيش ردك هيكون وصل
سلام
مليكه قاعدة ودموعها بتنزل مراد واقف بعيد وشايفها وحاسس ان قلبه واجعه عليها سامحينى يا مليكه بس لازم اعرفك كل حاجه
مليكه: معقول طب هعمل اى هو بيعشقها ختى بعد ما ماتت لسه حبه زى ما هو يمكن بيزيد يارب
رهف : مراد فين
مليكه بحزن : مشى
رهف : مالك يا مليكه
وفجأه جت منى
منى : معلش اتاخرت عليكوا
رهف : اهلا يا حبيبتى
منى : وهى بتنظر ل رهف مالها يار رهف
رهف : مش عارفه مراد جة واتكلنوا شويه ورجعت ملقتهوش
منى : مالك يا حبى
مليكه : مراد مش بيحبنى
منى : اى اللىةبتقوليه دة
مليكه: بقول انى كنت بكدب على نفسى وسمحت لنفسى احلم احلام مش من حقى وهو دخلنى معركه انا خسرانه فيها
رهف: احكيلنا اى حصل
مليكه قصت لهم كل ما قاله مراد
منى: هو محتاجك جنبه واديه عرفك كل حاجه وبيطلب منك تخرجيه من الماضى
رهف: منى معاها حق هى ماتت ومش موجودة وانتى لو عرفتى تقربى منه هتخليه ليكى دافعى عن حبك وصدقينى معركتك انى اللى هتكسبى هو قافل قلبه من لما نور ماتت ورافض اى واخدة تقرب منه وهو بنفسه قرب منك انتى يبقى هو عندة مشاعر ناحيتك وانتى دورك تكبرى المشاعر دى
مليكه بتعب: انا عايزة اروح
رهف : ماشى يا حبيبتى يلا نروح
......................
الجد: راقب اخوك يا محمود هو اكيد عارف مكانهم
محمود: راقبته يا جدى وببقى وراه وفجأه القيه اختفى
الجد : اتصرف يا واد المركوب انت انا عايزها مذلوله ادفع فلوس لبتاع الكليه دة واكيد هيديك المعلومات
محمود : هحاول تانى يا جدى
الجد: ماشى يا بنت حسان ماشى
........................
مليكه روحت البيت
سميه : ازيك يا حبيبتى
مليكه بتعب : الله يسلمك يا ماما
سميه : مجبتيش فستان لى
مليكه : ها
سميه : اكيد مراد قالك
مليكه : قالى اى
سميه : انو جابلك الفستان
مليكه : فستان اى
سميه : ادخلى شوفيه فاوضتك
مليكه مشت ومش فاهمه حاجه ودخلت اوضتها ولقتت علبه كبيرة فتحتها لقت فستان جميل جدا ومطرز ومعاه نقاب وتاج ولقت كارت
مراد: لما شفته شفتك فيه اتمنى زوقى يعجبك
مليكه بضحك ودموع فى عنيها: كان نفسى اصدقك
.................
جلال : اكيد اتجننت مكنش لازم تقلها
مراد: لا لازم تعرف
جلال : انت قلتلها لى اصلا انا دخلت حياتها تحميها وكدا هتخليها تبعد عنك لى همك اوى تعرف عن نور
مراد : مش عارف يمكن مش عايزها تتعلق بيا عشان لما ننفصل متتكسرش
جلال : طب لى عطتها امل انك ممكن بتحبها وطلبت منها تساعدك وتخرجك من الماضى
مراد بغضب: معرفش معرفش
جلال : لا انت عارف بس بتكدب احساسك وبتخترع اى كلام انت عايزها جنبك وفى نفس الوقت مش عايز تبطل حبك لنور الميته وحاسس انك لو اعترفت بمشاعرك هتمون بتخون نور
مراد ساكت ومتكلمش
جلال : انت حبتها بس مش عايز تعترف ولو فضلت تخبى مشاعرك دى ومطلعتش نور من قلبك صدقنى هتندم وهتخسر ومليكه هتكون اول خسارة ليك فكر فى كلامى يا صاحبى نور ماتت ومش راجعه تانى عيش حياتك انت
.........................
صباح يوم جديد
مراد : قاعد ومش عارف اى هيحصل مليكه هتيجى ولا لا ونزل تحت لقى الكل بيجهز فكل حاجه
خالد : عامل اى يا حبيبى
مراد : بخير
خالد : اطلع لمامتك يا مراد محدش هيقنعها غيرك
مراد : حاضر يا بابا
........................
عند مليكه
منى : هتعملى اى
مليكه: مش عارفه
والباب خبط فجأه
عبدالله : منى ممكن تسبينا لوحدنا شوى انا ومليكه
منى : حاضر
عبدالله : .......
................................
بعد مرور مدة من الوقت
والكل اتجمع فى فيلا المغربى مابين حزين وسعيد
خالد : افردى بوزك يا سهير مينفعش كدا
سهير : اهو ارتحت
تقى : عامل اى يا جلال
جلال بقرف : بخير
تقى استعجبت من طريقه جلال بس معطتش اهتمام
الماذون وصل والكل اتجمع ومراد حس انه خلاص مليكه نهت الموضوع
المأذون : فين العرايس
خالد : مراد فين مليكه
مراد لسه هيتكلم بس سمع صوتها
مليكه انا هنا يا عمى
مراد لف ليها وفرح ولقها جميله قمه الجمال فى الفستان اللى اختارة

المأذون بدأ فى مراسم كتب الكتاب
المأذون : مين وكيلك يا رهف
رهف :بصت وقامت وراحت عند مراد تقبل تكون وكيلى
مراد ببسمه وفرحه : اكيد مراد بهزار مع اياد : احذرنى انا بقيت وكيلها لو زعلتها انا اللى هقفلك
اياد بخوف: نهار اسوح دى وقعه سودة دى
رهف : بتقول حاجه يا اياد.
اياد: ابدا يا حبيبتى
الجميع هعهههههههههه
وتم كتب كتاب اياد ورهف وكتب كتاب مليكه ومراد
جلال : الف مبروك يا جماعه والكل بدأ يهنى ونادين حضرت وراحت عند مراد
نادين بحزن: مبروك يا مراد فرحتلك
مراد: شكرا يا نادين عقبالك
نادين : عقبالى اى بقه ما خلاص
مليكه عرفت ان نادين كانت بتخب مراد من نظراتها ليه وكمان نادين مردتش تسلم ولا تبارك ل مليكه
سهير راحت عشان تسلم على مليكه
سهير بقرف : مبروك
مليكه : الله يبارك فى حضرتك
وراحت لرهف برضه وباركت ليها ورهف حزنت جدا من معاملتها
اياد: متخفيش انا جنبك
رهف ببسمه : عارفه
جلال يالا يا جماعه عايزين العرسان يرقصوا مع بعض
مليكه : لا
مراد : لا لى
مليكه من غير ما تبص : مش عايزة انا حرة
مراد شدها من ايدها وقالها هنرقص وبدأت الاغنيه تشتغل وكانت اغنيه رومانسيه (سمعنى نبضك)
مراد: بصيلى يا مليكه
مليكه رفعت وشها : نعم
مراد : انتى عطتينى فرصه من جديد
مليكه : لفت وشها ومردتش ترد وفجأه اتكلمت
هى نادين كانت بتحبك
مراد بتنهيدة : حاجه زى كدا
مليكه ولى مدخلتهاش هى لحياتك وهى جنبك ونفس مستواك
مراد: مليكه انا اخترتك انتى وياريت نقفل بقه عالسيرة دى
مليكه : هى مامتك حاسه انها مش حبانى ولا حابه رهف
مراد: معلش هى كدا عايزة كل حاجه على مزاجها وحب يغير الموضوع انا محتاج اروح المستشفى بعد الرقصه دى
مليكه بعدم فهم : لى
مراد : انتى دوستى على رجلى اكتر ما دوستى عالارض
مليكه بزعل : انا اصلا مبعرفش ارقص وانت اجبرتنى
مراد : متزعليش تحبى اعلمك الرقص
مليكه : بعد اى
مراد : حطى رجلك على رجلى
مليكه : حطت رجلها على رجله وقربوا من بعض قوى وتلاقت العيون وكأنها تحكى عنهم
وانسجموا مع الاغنيه والاغنيه خلصت وهما بعينهم بيرقصوا
عمر راح عندهم
عمر: انا اسف انى هقطع اللحظه الحميمه دى بس الاغنيه خلصت من عشر دقايق
مليكه بخجل : احم
مراد : ماشى يا خفيف
وانتهت الحفله واياد خد رهف وسافروا
ومليكه واهلها استنوا لما ودعوا رهف
سميه : عن اذنكوا احنا كمان
خالد قرب من مليكه وحضنها وقالها : نورتى عيلتى يا مليكه المغربى
مليكه : شكرا يا عمى
عمر: اشمعنا مليكه المغربى مش فاهم
خالد: يعنى هى هتملك قلوب العيله دى كلها وبص على مراد
عمر: والله عندك خق هى اصلا ملكت قلبى
جلال : خف يا خفيف مراد بيطلع شرار من عنيه
عمر: قصدى مرارتى متفهمش حاجه يا باشا على وضعك يا زماله وفضل يقول كلام لحد ما هرب
جلال : جبان
مليكه : هههههههه
عبدالله : يلا يا ماما نروح احنا كمان
سميه يلا يا حبيبى
مراد قرب من مليكه
مراد : هعدى اخدك عالجامعه بكرة
مليكه : مش لازم
مراد : مبخبش اقرر كلامى مرتين مفهوم
مليكه : مفهوم وسابته ومشت
جلال بتيجى تكحلها تعميها
مراد : اطلع من راسى يا جلال
جلال : طب لى عايز توصلها
مراد: عبدالله بيقول ان ابن عمها كان فالجامعه من فترة وامبارح كلمنى وقال انه هيكون موجود وهيسال الكل عليها المرادى
جلال : ساكت وباصص على تقى
مراد: روحت فين
جلال : ولا حاجه انا همشى بقه سلام
مراد: سلام
....................................
صباح يوم جديد مراد راح عند بيت مليكه عشان ياخدها وهى نزلت
مليكه : مكنش لى لزوم اللى بتعمله دة انا اقدر اروح لوحدى مش اول مرة
مراد: مليكه ينفع تسكتى وبعدين انتى لى رافضه انى اوصلك
مليكه بتوتر: مفيش بس انا مش عايزة حد يشوفنا سوا ويفهمنا غلط
مراد بغيظ: انتى مراتى يا مليكه مش واحدة اعرفها
مليكه فرحت بكلمته جدا وقلبها نبض بشدة
مراد: يلا
مليكه : يلا
........................
فى الجامعه
شاهى : كدا كله بقى تمام تورينى بقه هتتطلع من دة ازاى
مجهول : انتى دماغك سم
شاهى : هى اللى جابته لنفسها طير انت لحد يشوفك
مجهول : سلام
...................
عند مليكه
مليكه : وقف هنا
مراد : لى
مليكه : انا هكمل وحدى
مراد بغيظ : انتى لى عايزة تخبى علاقتنا عنهم
مليكه : لان ببساطه انت دكتورى ومش عايزة حد يحترمنى لانى مرات دكتور مراد المغربى لان انت عارف كويس لو عرفوا هيعملونى ازاى
مراد: ماشى يا مليكه انزلى
مليكه نزلت وقابلت منى فالطريق
مليكه : اى اللى بيحصل هما بيبوصوا علينا كدا لى
منى : مش عارفه
شاهى : اهلا بالاخت المحترمه او اللى عامله نفسها محترمه
مليكه : انتى بتكلمينى كدا ازاى
شاهى : لا استنى فى مفجأه مستنياكى جوة تعالى شوفى
مليكه ومنى دخلوا واتصدموا من اللى شافوة صور متركبه ليها هى ومراد وصور لما كانوا سوا مع بعض
شاهى : اى رايك فالمفجأه دى
مليكه مصدومه ومش قادرة ترد
احد الزملاء: منتى مدوراها امال عامله علينا الطاهرة الشريفه لى
بنت: لا دى شكلها بتنشل عالدكاترة
منى : كل واحد يحترم نفسه
شاهى : طبعا ما انتى صاحبتها مش بعيد تكونى زيها
منى : اخرسى لاقطع لسانك مليكه اشرف منك انتى وهى
العميد : ممكن افهم اى اللى بيحصل هنا
شاهى : شايف يا دكتور الصور دى لدكتور مراد هو ومليكه وفى اوضاع مش تمام
العميد : ممكن توضحى يا انسه مليكه اللى بيحصل هنا
مليكه ببكاء : والله يا دكتور معظم الصور فبركه
العميد بغضب : يعنى اى معظمهم اى العلاقه اللى بينك وبين دكتورك
وفجأه سمعوا الصوت الغاضب
مراد : مراتى
