رواية بعياط = قالي انه بيحبك انتي يا ندى وانه خطبني كاملة وحصرية بقلم مجهول
بعياط = قالى انه بيحبك انتى يا ندى وانه خطبنى عشان انتى مكنتيش معبراه ف حبنى عشان يعرف عنك كل الى عايز يعرفه بحكم انى البيست فريند . كنت بشوف لمعه ف عينه كل لما اقول حاجه عنك و يفضل يسألنى ويقولى احكيلى مواقف اكتر .. كنت فكراه عايز يعرف عن مواقفنا سوا عشان حابب احكيله اى حاجه حتى لو ملهاش لازمه . طب ليه كدا يا ندى ؟! انا وحشه مثلا ؟
اخدتها ف حضنى
-هو ميستاهلكيش يا سما . امسحى دموعك و قولى لاهلك يكلموه عشان يفسخو الخطوبه . انتى تستاهلى حد يحبك وانا هعرف اتصرف معاه ازاى و اعاقبه عالجرح الى سببهولك دا
= بس انا بحبه يا ندى
- يا سما انتى لقيتى كرامتك ف كيس شيبسى ولا اى . دا قالك بنفسه انه كان بيستغلك عشان يعرف معلومات عنى و عايزه تكملى معاه ؟؟؟!
= هكمل معاه على امل انه يحبنى يا ندى . انتى عارفه انه بحبه بقالى ٥ سنين . اعرف كل حاجه عنه وبراقبه من بعيد
فلاش باك
= شايفه يا ندى ضحكته قمر ازاى . ولا ستايل لبسه القمر دا كمان
- يبنتى بقولك بقالى ٥ سنين انك متفكريش فيه كتير و لا تبصى عليه حتى . هتعلقى نفسك بحاجه مش هتحصل ومحدش هيتأذى غيرك
= يعنى دا بإيدى يا ندى ؟انتى عارفه انى بحبه جدا
- ربنا يهديكى
كان يومها علينا امتحان . اخر امتحان فالجامعه و طبعا انا ف لجنه و سما ف لجنه تانيه
☆احم احم
شوفته واقف قدامى ف طنشته ومشيت بعدها وقف قدامى تانى
☆ استنى بس
-عايز اى
☆ بصى انا بصراحه بحبك وعايز اجى اتقدملك . انا بعتلك على صراحه كتير بس ولا كأنك شوفتيهم . بعتلك حتى ف رساله منهم اسمى و اكيد عرفتينى ولا مشفتهاش
-لا شفتها ومتجيش تتقدملى عشان كدا كدا هتترفض
☆ طيب اى سبب الرفض ؟ انا حتى شاب امور و كذا بنت تحلم بس انى اكلمها
- وانا مش من ال كذا بنت دول
سبته ومشيت وفكرت اقول لصحبتى او لا بس قررت مقولهاش عشان متزعلش و قلبها يتكسر و تكرهنى . كدا كدا هى مش هتشوفه بعد التخرج . هتشوفه بس فحفله التخرج بعدها مش هتشوفه تانى خالص وبعدها هتعرف تنساه لما يكون بعيد عن عينها
* فحفله التخرج*
كنت واقفه مع سما وشفته جاى علينا و كنت خايفه جدا انه يقول حاجه و سما تعرف انى خبيت عليها
= الحقى يا ندى دا جاى علينا . يارب يارب يقولى انه معجب بيا
☆احم .. انسه سما انا عايز رقم باباكى و غمزلها
وقفت مصدومه وقتها . مش كان من يومين بيحبنى ؟! بيلعب على صحبتى ولا اى . وقتها جه ف بالى انه ممكن يكون هيخطبها عشان يستغلها عشان يعرف معلومات عنى بس قولت لنفسى اى الهبل الى بفكر فيه ده اكيد هو عرف انها بتحبه ف قرر يخطبها
بعد م مشى
= ندى انا عايز انط من الفرحه . تعالى نمشى من الحفله بدل م افضح نفسى
ضحكت-ماشى
رحنا نتمشى عند النيل
سما صرخت ب اعلى صوتها
= شكرا يارب انك حققتلى دعوتى . طلع بيحبنيييي
- يا مجنونه انتى وطى صوتك الناس هيسمعوكى
=انا مبسوطه اوى يا ندى
كانت ماشيه بتغنى فالشارع زى المجنونه
وانا كانت التساؤلات ماليه عقلى
* يوم الخطوبه*
☆ هى ندى صحبتك مش جايه ولا اى
= لا طبعا اكيد جايه دى خطوبه اعز صديقه عندها
☆تمام
وحاول يغير الموضوع
☆ هو انتى ليه فرحتى اوى اول مطلبت رقم باباكى
= عشان بحبك من زمان اوى . من اول مره شفتك فيها . تقدر تقول انى براقبك من ٥ سنين واعرف كل حاجه عنك
☆ياه للدرجه دى بتحبينى
=واكتر كمان
=انت بقا اشمعنا اخترتنى انا وخطبتنى
وقتها ندى دخلت القاعه الى فيها الخطوبه
كريم فضل باصص عليها ٥ دقايق
=كريم انت سامعنى !
☆ اه معلش بس سرحت
=كنت باصص على صحبتى ندى . حلوه صح . متشوفلها عريس من اصحابك ونعمل فرحنا فنفس اليوم
(طبعا سما عمرها متخيلت انه يكون باصص عليها عشان بيحبها )
كريم اتعصب وقتها
☆ اقولهم ازاى يعنى تعالو اخطبو صاحبه خطيبتى
بعياط =طب خلاص متتعصبش انا اسفه
☆ لا استنى متعيطيش اهدى انا بس انفعلت شويه. خدى المنديل دا
=مقولتليش ليه اخترتنى انا بالذات
☆ عشان جميله و محترمه مثلا ؟
=هتحبنى مع الوقت ان شاء الله
☆ان شاء الله . كدا كدا الحب عندى مش مهم اهم حاجه الاحترام
طبعا الخطوبه طولت لغايه الساعه ١٢ بالليل وندى مرضيتش تمشى عشان صحبتها متزعلش منها . لازم تكون معاها لاخر اليوم
= ندى تعالى باتى معايا النهارده . بيتك بعيد جدا ومش هتلاقى مواصلات دلوقتى
- لا يا سما ماما مش هترضى . انتى ناسيه اخوكى ولا اى
= يعم عادى اخويا دا قمر اصلا ومحترم . طب متتجوزى اخويا وكدا ينفع تباتى عندنا كل يوم حتى
ضربتها على دراعها
- بس بقا يا غلسه
كل دا وكريم واقف سامع كلامهم
☆تيجى اوصلك ؟
=ياريت يا كريم . انا مش عارفه ازاى هتروح وحدها دلوقتى
- لا شكرا انا هفضل مستنيه لغايه م يعدى تاكسى
☆ طيب ماشى براحتك
سما روحت مع اهلها وندى لسا واقفه فالبرد مستنيه تاكسى
كريم عمل نفسى مشى بس هو فالحقيقه ركن العربيه فالشارع الى قبله و فضل باصص عليها وبيراقبها
◇ اى يا حلوه . متيجى نسهر مع بعض وتكون سهره حلوه
♧ تعالى بس مش هتندمى
□ يلا يا حلوه تعالى اركبى العربيه
بصيت عليهم ب احتقار و وديت وشى الناحيه التانيه كأنى مش سمعاهم
واحد فيهم نزل من العربيه
ومسك دراعى
◇ مش بتسمعى ولا اى
- اوعى سبنى يا حقير
غمضت عينى من الخوف
فتحتها شفته بيتضرب . بصيت مين بيضربه ولقيته كريم
☆ يا كلب يا حيوان ماشى تعاكس فبنات الناس
صاحبه التانى نزل من العربيه
□ انت بتضرب صاحبى ؟؟!؟
ونزل فكريم ضرب
الراجل كان عنده عضلات كأنه بيروح جيم كل يوم
مع ذلك كريم قدر يضربه جامد ويوقعه عالارض (عشان سكران طبعا ف مش ف كامل قوته)
نزل الراجل التالت من العربيه
وضرب كريم على راسه من ورا ب زجاجه خمره
و جرى عليا وشالنى و كان هيدخلنى العربيه
كريم وقتها قام و مسكه من الجاكيت ونزل فيه ضرب لغايه م فقد وعيه
طبعا انا كنت بعيط من الخوف
بعياط -انت.. انت كويس ؟؟!
☆اهدى بس متعيطيش انا كويس
شاورت على راسه -بس .. بس راسك بتنزف
ابتسم ☆ عادى دا جرح سطحى اهدى بس . انا لو اعرف انى هشوف خوفك دا عليا كنت جرحت نفسى من زمان و ضحك
ضربته على دراعه
-انت كمان بتضحك ؟!
مثل انه موجوع
☆ اه يا دراعى
بصيت عليه تانى بخوف
-انت كويس ؟؟!
ضحك تانى
☆ طب رفضتينى ليه طالما بتحبينى كدا
- عايزنى ابقا الواطيه الخاينه الى حبت حبيب صحبتها ؟ طيب فاكر البنت الى ب ضافير الى كنت دايما تدافع عنها ضد المتنمرين واحنا اطفال ؟ فاكر البنت الى كل لما كانت تعيط كنت بتهديها و تحاول تضحكها ؟ اكيد مش فاكر اصل كنا ف ٢ ابتدائى . انا بقا البنت دى . اول لما شوفتك فالجامعه عرفت ان دا انت و كنت لسا هحكى ل سما بحكم انها البيت بس اتفاجأت انها بتحكيلى عنك و انها حبتك حب من اول نظره . قلت يومين وهتنسى بس لا يا كريم هى منسيتش . هى فضلت ٥ سنين تحبك و دلوقتى عايزنى اخطفك منها ؟؟!
☆ ياه يعنى انتى فكرانى ؟؟! دا انا قولت انك مش فكرانى من تعاملك الزفت معايا . انا كمان عارف ان دا انتى من اول يوم بس مرضيتش اكلمك غير ما اكون جاهز ولما كلمتك على صراحه استنيتك تبعتلى الرد على اك الفيس بتاعى بس مبعتيش حاجه . جيت وقولتلك انى بحبك بس قلتيلى مش هوافق عليك . مكنش قدامى غير انى اخطب صحبتك عشان اعرف اكون قريب منك بس والله العظيم مكنت اعرف انها بتحبنى . لو كنت اعرف مكنتش لجأت للخطه القذره دى . انا مش عايز أأذى حد
- يعنى لما تخطب واحده حتى لو مكنتش بتحبك عشان بس تكون قريب من صحبتها ف انت كدا مش بتأذيها؟؟؟!!!!
☆ كنت هعترفلها والله يوم الخطوبه واقولها تساعدنى . صدقينى مكنتش عايز ااذى حد بس هى يوم الخطوبه فاجأتنى وقالتلى انها بتحبنى من زمان وقتها مقدرتش اكسر قلبها و اقولها الحقيقه
-تمام يبقا تكمل معاها فالخطوبه و تتجوزو وتنسانى خالص . انا مش هقبل ان قلب صحبتى يتكسر عشات خاطر اى حد فالدنيا حتى لو انت
☆ اتجوز واحده مبحبهاش ؟؟!!!!
- انا مالى . انت الى بدأت الخطه دى ولازم تتحمل عواقبها
☆ طيب هتيجى اوصلك ولا نستنى نتخانق مع ناس تانيين
- وقفلى تاكسى بس
☆يمرارى .. بت انتى .. هتيحى تركبى ولا اشيلك و اركبك غصب عنك وانتى اصلا خفيفه
- طب خلاص اهو هركب
☆ راكبه ليه من ورا تعالى جمبى
- هنزل والله لو قلت كلمه تانيه
☆طب خلاص ورا ورا
طول الطريق بيبص عليا من مرايه العربيه
الحقيقه انا كمان كنت ببص عليه بس لازم اوقف الى بعمله دا . انا كدا بخون صحبتى الى وقفت جمبى فكل محنى وانا اكتر واحده عارفه هى بتحب كريم اد اى
☆ اهو وصلنا . استنى متنزليش هقولك حاجه
- لا هنزل . الوقت اتأخر
لسا كنت هفتح الباب وانزل بس هو فتح الباب الى جمبه بسرعه وجرى ناحيه الباب الى راكبه جمبه
وانا كنت نازله فنفس الوقت ف لكم ان تتخيلو اى الى حصل
ضربته بالقلم
☆ طب انا اى ذنيى احنا الاتنين كنا مسرعين . انا بجرى بسرعه وانتى بتنزل من العربيه بسرعه . وبعدين متنكريش انه كان حضن جميل
ضربته بالقلم تانى
- اخرس يا قليل الادب . اسمعنى لاخر مره خليك مع صحبتى لان مش هتلاقى حد يحبك قدها و انا كدا كدا مش هرضى بيك حتى لو فسخت خطوبتك معاها
مشيت وسبته وطلعت البيت . احنا ساكنين فالدور الارضى
اول لما خطبت فتحلى بابا
¥اه يا بت الكلب الى قاعده فالشارع للساعه ٢ وكمان جايه البيت بعربيه واحد و اى يبت الحضن الى انا شفته دا ؟؟! انتى اتجننتى ولا اى يا منحله انتى
بخوف وعياط - بابا اهدى بس واسمعنى .. انا هحكيلك بس اهدى ..
سابنى عالباب ودخل يجيب الحزام
¥ انا اخويا يتصل بيا ويقولى الحق بص من الشباك شوف بنتك جايه البيت فعربيه شاب غريب ؟؟؟!؟ انا يتقالى كدا يا بنت الكلب
طبعا كان صوته عالى و سمع الشارع كله . كان كريم لسا ممشيش و لسا واقف قدام عربيته . سمع الصوت و طلع العماره
شاف بابا وهو بيضربنى بالحزام قدام الباب
شدنى من تحت ايده
☆ اى يا عمى دا ليه بتضربها ؟؟؟! حضرتك هى معملتش حاجه غلط . انا بس وصلتها عشان
لسا كان هيكمل كلام بس بابا وقتها ضربه بالقلم
¥ طبعا لازم تدافع عنها اومال اى
بعياط-امشى انت يا كريم دلوقتى الله يخليك
☆ امشى اى . استنى انا هوضحله كل حاجه . بيضربك ليه ومن غير ذنب كمان
¥ كمان هتعلمنى اربى بنتى ازاى ؟؟؟؟!!!! امشى من قدامى والا والله لاربيك بالحزام دا . شكل ابوك معرفش يربيك ف انا الى هربيك
بعياط - امشى بقا يا كريم اسمع الكلام . انا هعرف اتفاهم معاه امشى انت بس
☆ تتفاهمى معاه اى دا شكله مش بيفهم بالكلام . طب سبنى اوضحلك طيب قبل متحكم
¥ قدامك خمس دقايق وتمشى من قدامى وتسيب بنتى اربيها بنفسى
☆ وانا مش ماشى
مسكته من الجاكيت بتاعه
بعياط- اسمعنى بس . متخلنيش اتكسف من نفسى اكتر من كدا . سيبنى انا هعرف اتصرف معاه مش اول مره يضربنى يعنى . انت روح بس و شكرا على مساعدتك
¥ بتوشوشيه تقوليله اى يا بت الكلب
¥ الخمس دقايق بتوعى خلصو
☆تمام وانا ممشيتش
خلع كريم الجاكيت
☆ و ادى اهو الجاكيت خلعتهولك عشان تعرف تضرب براحتك . متصربش ندى سيبها تدخل جوا و اضربنى انا . انا الغلطان مش هى
بغضب ¥ غلطان ازاى يعنى . اى الى حصل بينكو
☆ اى يا عمى انت فهمت اى 
طب طالما كنت عارف انها مغلطتش فحاجه كنت هتضربها ليه
طب طالما كنت عارف انها مغلطتش فحاجه كنت هتضربها ليه ¥انت قولت دلوقتى انك انت الغلطان . ضحكت على بنتى ؟؟؟!
☆ والله مجيت جمبها حتى يعمى
- يا بابا والله محصل حاجه هو بس وصلنى عشان مكنش فيه تاكسيات
ضربنى بالقلم
¥ انا هعرف اربيكى . إما خليتك تتتمنى الموت مبقاش انا
اول لما بصيت وشفت نظرته و شفت وشه ازاى بقا احمر وباين عليه متعصب اكتر من اى مره جريت و وقفت ورا كريم ومسكت فالتيشرت بتاعه من الخوف
كريم وقتها لفلى و حضنى . كنت برتعش وقتها
☆ اهدى بس انا معاكى مفيش حاجه . مش هيعملك حاجه
¥ وكمان يا قذر بتحضنها قدامى و فالاخر تقولى مجتش جمبها
وضربه بالحزام على ضهره وهو بيهدينى
- كريم لو بتحبنى امشى دلوقتى . مش هيسيبك غير لما يكسرلك عضمك يا كريم
☆ مش ماشى يا ندى
وقفت عند الزاويه بتاعت مدخل العماره وانا مغمضه عينه وبعيط وسامعه صوت الضرب . صوت كل مره بيتضرب فيها بالحزام و كريم ساكت مش بيبدى اى رده فعل حتى لو صغيره
الكلام دا لغايه الفجر . الجيران لما سمعو صوت الضرب دا استمر لكذا ساعه نزلو يشوفو فيه اى . شافو بابا وهو بيضرب كريم جامد و كريم باين عليه انه ساند طوله بالعافيه من كتر الضرب الى اخده
€ اى يا عم محمد اهدى بس سيب الواد
¥ محدش ليه دعوه بالى بعمله يا حاره
واحد كبير فالسن و باين عليه شيخ مسك الحزام من ايد بابا و فضل يهدى فيه
وواحد تانى اخد كريم على بيته يستريح شويه وانا رحت وراه
قعد عالكنبه وهو بيتنهد
☆ بس باباكى دا طلع صعب اوى . بيضربك كل يوم؟!
بعياط - انت كمان لسا بتسألنى . بتنزف من مناخيرك و هدومك اتقطعت من الضرب و لسا فيك حيل تتكلم
☆ انا كويس مفيش فيا حاجه
الراجل الى اخده على بيته اتكلم
₩ بص انا هقطعلك باقى التيشرت بالمقص عشان نعرف نشوف مدىالضرر الى حصل لجسمك . عارف انه هيوجعك انى المسك بس استحمل
فعلا قطعله باقى التيشرت بالمقص
وكريم وقتها اظهر انه اتوجع . شكله معرفش يخبى اكتر من كدا
₩ ياه معقول يا عم محمد تعمل فالشاب كدا . بص انا هروح اجبلك مطهر و شاش من الصيدليه وجاى ومتقلقش انا ممرض
ابتسمله ☆ تمام خد وقتك
بصيت عليه وهو قالع التيشرت . صدره و ضهرو بقو عباره عن علامات ضرب . خطوط طويله و لونها احمر و بيطلع منها دم
عيطت اكتر
- كل دا و بتقول انك كويس
☆ يبنتى مفيش فيا حاجه بس انتى مجاوبتيش على سؤالى . هو بيضربك الضرب دا كل يوم ؟؟؟؟؟!
بعياط - لا لما برجع متأخر او لما يتعصب جامد بس
- انا اسفه بجد ان دا كله حصلك بسببى
☆ اقوم ارقص يعنى عشان تتأكدى ان مفيش فيا حاجه ؟؟!
- وكمان بتضحك
وقتها عم سيد جه من الصيدليه
₩ بص اول لما احطلك المطهر هتتوجع شويه بس لازم عشان نطهر الجروح
اول لما بدأ يحطله المطهر كلام شال ايده من عليه
☆ لو سمحت يا عمى انا هبقا اعمله مع نفسى لما اروح البيت . شكرا على استضافتك بس ينفع تشوفلى تيشرت عندك
₩ تروح البيت اى بس انت تطهر الجروح بقولك وبعدين هى دى عربيتك الى برا ؟؟! هتسوق ازاى وانت فالحاله دى
☆لا يا عمى مينفعش . البتاع دا بيوجع اوى و بصلى
ف فهمت انه مش عايز يبين وجعه قدامى
-طيب انا هستأذن يا عم سيد . خلى بالك منه ومتخلهوش يمشى غير لما يخف شويه
₩ متقلقيش يا بنتى هو ف امانتى بس روحى شوفى باباكى وهديه ربنا يهديه
☆ لا استنى انتى اتجننتى رايحه لباباكى وهو متعصب يروح يعمل فيكى عاهه؟؟!
عم سيد بص عليه وضحك
₩ متخافش عليها . الشيخ هداه وهو بقا كويس
مشيت و رحت البيت . بيتى قدام بيت عم سيد
فضل باصص عليا لغايه م طلعت السلم
₩ بتحبها ؟؟!
☆ اوى
₩ متتقدملها
☆ مش هترضى يا عمى ...
وفعلا بدأ يطرهرله الجروح
دخلت البيت وكان بابا فعلا هادى
نمت لغيه العصر بعدها صحيت واتغدينا عادى
¥ بعد الغدا استنينى ف اوضتك هقولك على حاجه
-حاضر يا بابا
*بعد الغدا *
¥ ابن عمك اتقدملك وانتى نايمه وانا وافقت و كتب كتابكم الاسبوع الجاى
- ايييييه ؟!؟؟!؟!!!!!!!
