الفصل الخامس
• بعدما فيروز راحت الفيلا عند أنس كان موجود هناك كمان الدكتور هانى
• اول ما دخلت عليهم كلهم تصدموا لانها طلعت ونس
• وأنس صرخ بإسمها وحاول يقوم
• أنس : ونس حبيبتى إنتى رجعتى تانى أخير وحشتينى قوى كنتى فين متعرفيش الايام اللى راحت منى دى كنت هموت عليكى إزاى يا حبيبتى
• دكتور هانى : أنس دى مش ونس دى فيروز الممرضه
• أنس ببكاء : ان فاكر إنى مش عارف ونس أنا بحس بنفسها من بعيد هي دى ونوستى حبيبتى
• مامت ونس ببكاء واخدتها في حضنها بنتى حبيبتى أخيرا رجعتى اخيرا لقيتك يا قلبي
• حسن : بنتى انا مش مصدق اخيرا
• حسين بيحضنه : حمدلله على سلامه ونس بنتنا اخيرا اتجمعنا مره تانيه وهيدخل الفرح حياتنا مره تانيه
• ام أنس : يا حبيبتى يأنس مشيتى واخدتى فرحتنا وبرجوعك كل حاجه هترجع مره تانيه
• فيروز بعدم تصديق : أنتوا مين انا معرفش حد فيكم
• أنس : حبيبتى إنتى مش عرفانى أنا أنس حبيبك وجوزك
• هانى : أكيد في حاجه غلط يا جماعه انا مش فاهم حاجه
• ونس مسكت دماغها لانها مش مستوعبه اللى حصل واغم عليها وكلهم اتخضوا عليها
• وهانى حاول يفوقها ومفاقتش اداها حقنه مهدئ وسابها ترتاح
• دكتور هانى : انا مش فاهم حاجه ممكن حد يفهمنى
• حسن : دى بنتى ونس اللى بندور عليها من سنه يا دكتور
• هانى إتصل بهدى وجات بسرعه
• هدى : حصل لفيروز إيه يا دكتور هانى
• هانى : انا والله مش فاهم حاجه يا هدى بيقولوا إن فيروز هي بنتهم ونس اللى بيدوروا عليها من سنه
• هدى : يعنى طلع إسمها ونس
• دكتور هانى : بتقولى إيه
• هدى : هحكيلكم من الاول من حوالى سنه كنا مسافرين انا وأهلى وإحنا راجعين البلد وقفنا في الصحراء شويه ف لقينا غيروز غرقانه في دمها اخدناها معانا وقعدت ٦ شهور في غيبوبه واول ما فاقت مكانتش عارفه هي مين واحنا دورنا كتير علشان نعرف اهلها مقدرناش نعرف ف قعدت معانا على اساس من وقتها وكانت شاطره بتتعلم بسرعه ف علمتها التمريض وجت اشتغلت معايا من وقتها واما كانت بترفض تتجوزك يا دكتور هانى في كل مره بتتقدملها فيها علشان كانت خايفه ان يكون عندها عيله او متجوزه او مخطوبه او كانت بتحب حد وتظلمه في انها تسيبه وتتجوز حضرتك لان هي كانت دايما تحلم بشخص دايما وكانت متأكده ان في حاجه بينهم ومينفعش تخونها
• انس حتى وهى مش فاكرانى مش عايزه تبعد عنى انا بحبك قوى يا ونس وراح قعد جنبها ومسك أيديها وباسها
• وفضلت ونس نايمه ٤ ايام مش بتصحي ابدا وأنس مسابهاش ثانيه واحده
• أنس : انا عمري ما هبعد عنك ثانيه يا حبيبتى اخاف اغمض عيونى تختفي تانى وملاقيكيش قدامي انا مكنتش عارف إنى بحبك للدرجه دى ومقدرش أبعد عنك مش عايزه تقومى ليه وتشوفينى وابص في عيونك الحلوين اللى وحشونى واننزل في نص الليل ناكل شاورمه واجيبلك الورد اللى إنتى نفسك فيه وولا مره جبته ليكى انا لو فضلت اوصف انا بحبك قد ايه ومحتاجك هعيش عمري كل اوصف ومش هيوصلك نص احساسي إنتى عارفه يوم كتب كتابنا يوم ما بقينا لبعض انا بكرهه قوى علشان ده اليوم اللى بعدنا عن بعض لو اعرف مين اللى عمل فينا كده هاكله باسنانى
• في مكان تانى
• مجهول ١ : انت اتصلت بيا تانى ليه مش خلاص قولت مش عايز تشوفنى تانى
• مجهول ٢ : ونس رجعت
• مجهول ١ : يادى النيله السوده 
