(الفصل الرابع والعشرون)
اوف الطريق طويل اوي يا عصام انا مش فاهمه يعني انت صممت ليه نسافر بالعربية ما كنت حجزت لينا طيران أحسن
وهو انتي عمرك ركبتي طيارة يا ندي بعدين عادي يعني انا بحب اسافر بالعربية هانت خلاص انتي اصلا قضيتي نص الطريق نايمة
طب هو انت حجزت لينا في نفس الفندق اللي فيه دينا و رامي
لاءطبعا انا ماحجزتش في فنادق احنا هانقعد في الڤيلا بتاعتنا هناك
نعم لاء طبعا مش هاينفع انت عايز تفضحني قدامهم ولا ايه اقعد انت براحتك في ڤيلتك لكن انا تحجزلي اوضة في اي فندق
بطلي هبل بقي ياندي ومش كل شوية تعيشي عليا دور الشرف ده هما اصلا مش هايسيبو فرحهم ويركزو انتي قاعدة فين الحكاية اصلا مش طالبه استغلال
انا بستغلك يا عصام طب هاستغلك ليه وانا بحبك
بتحبيني ماشي هاصدقك لاني عايز كده بس ماتنسيش انك اذا كنتي بتديني حاجه فانتي بتاخدي مقابلها اكتر بكتير
يعني ايه الكلام ده انا اذا كنت سلمتك نفسي فده عشان انت وعدتني اننا هانتجوز
يييييي هانرجع بقي للسيرة دي تاني ماقولتلك هانتنيل نتجوز لما ابويا يوافق
واذا ماوفقش
يبقي هانفضل زي ماحنا مبسوطين مع بعض من غير نكد ده اذا كنتي عايزة تفضلي عايشة عيشة نضيفة
////////////////////////////
وعد
نعم يا قاسم
قومي حضريلي شنطتي عشان انا مسافر يومين وحضري لنفسك شنطة صغيرة عشان هاوديكي تشوفي ابوكي الشيخ حسن وامك كريمة
نظرتها ليا كانت كلها حزن كانت بتلومني و بتقولي ليه البعد بس ردت عليا بكلمة واحده
حاضر
مشيت من قصادي ودخلت اوضة اللبس ووقفت تبكي منغير صوت
دخلت وراها وهي عطياني ضهرها ضمتها لصدري وجفلت عليها
ليه البكى
مش ببكي
هاتكدبي عليا في دي كمان
اني مش كدابة
لفتها بين ايديا وهي لساتها في حضني وعيني جات في عينها
انتي احلى كدابة يا وعد
ببكي عشان انت مخاصمني وباعد نفسك عني
طب ما انتي عارفة اني مخاصمك ليه وبردك مصممة تكدبي عليا
ماتبعدنيش عنك يا ديب
اه يا جلب الديب اللي مخلوع من صدره ومش جادر يبعد عنه
خليني جانبك وانت ترتاح
بجيتي سبب عذابي وراحتي في نفس الوقت طول ماني حاسس انك مدارية عني حاجة لاهقدر ابعدك عني ولا هاقدر اقربك مني
شيل الاحساس دة من جلبك وانت ترتاح وتريحني اني بحبك يا قاسم وعمري ما هكون غير ليك
اني عارف انك بتحبينى يا وعدي وحتة انك مش هاتكوني غير ليا دي مش بمزاجك انتي ليا سواء راضية او لاه
راضية وحياتك انت عندي راضية يا قاسم بس خايفة منك وعليك
جوليلي ايه اللي مخوفك واني هاعرف اتصرف بس جولي سبب خوفك يا وعد
كل اللي هاجولهولك اني بحبك حتي لو حبستني اهنه لحد ما ترجع وقفلت عليا بماية جفل هبقي راضية ومستنياك يا قاسم
كلامها قصر فيا وعنيها سحرتني اكتر ما هي سحراني والمرة دي اتجرئت وقربت مني واتعلقت في رقبتي
شيلتها بين ايديا وخرجت بيها وان ببوس كل حته في وشها
وانا مش هاقدر ابعد عنك اكتر من أكدة خلاص انتي مرتي ولازم الناس كلها تعرف انك ملكه وقاعدة علي عرش جلبي
يعني مش هاتسيبني يا قاسم
لاه مش هاسيبك ابدا يا روحي
///////////////////////////////////
خرجت من الحمام لفه جسمها بفوطة كبيرة
لقيتني لسة قاعد في السرير ابتسمت لي بكسوف وحاطت وشها في الارض
تعالي
لاه
بجولك تعالي ليا اهنه
لاه اني هادخل البس
قبل ماتجري من قصادي لقيتني شايلها بين درعاتي
مافيش لاه اوعاكي اسمعها منك تاني مش عايز اسمع غير حاضر ونعم وبس
بكفياك بجي مازهقتش
جولتلك انتي روحي حد بردك يزهق من روحه
طب ما انت عايز تسيب روحك وتسافر
لاه هاخدك معاي خلاص بعد اللي حصل بينا دلوك ماهقدرش ابعد عنك ابدا ابدا
يا حبيبي يا ديب
تعالي بجي يا مرت الديب عشان في كلام كبير جوي عايز اجوله ليكي
ههههههههههه بكفياك كلام يا قاسم عشان تلحج اتسافر
لاه اني عايزك في موضوع مهم جوي تعالي بس يا بت عزوز بلا سفر بلا نيله
/////////////////////////
ياعريس يا عريس
حمدالله علي السلامه يا زفت ازيك يا ندي
اهلا ازيك يا رامي اومال فين دينا
دينا مش هنا خرجت من الفندق كله مع مامتها واختها يشترو شوية حجات تعالي يا عصام انا عايز اتكلم معاك
الله مالك يارامي مقابلني مقابلة ناشفة كده ليه
تعالي بس وانت تفهم
طب وانا هاتسبوني لوحدي
اقعدي في الريسبشن وهاطلبلك حاجة تشربيها واحنا مش هانتأخر عليكي
وبعد ما بعدو عنها
ماتقولي يابني انت مالك واخدني علي الحامي كده اوعي تكون عايز تخلع من الجوازه
ليه وانا زيك
زيي في ايه يارامي مالك بتكلمني كده
بص يا عصام انا حذرتك قبل كده من اللي كنت بتفكر فيه لكن واضح انك اتمديت في تفكيرك لاء وخطط ونفذت كمان
انا مش فاهم انت بتتكلم عن ايه اصلا
بتكلم عن وعد الديب يا عصام
اه البت اللي قاسم مقعدها في بيته وبيقول عليها اخته وهي مش اخته ولا حاجة
هي المحروسه اللي اتلمت عليك قالتلك بس الجديد بقي واللي انت ماتعرفهوش انها تبقي مراته يا حلو عارف يعني ايه مراته
مراته دا كده أحلوت اوي
بتقول حاجه يا عصام
بقول ولما هي مراته ليه كان مخبي علينا
واحنا مالنا يا اخي ماهو حر دي حاجة خاصه بيه هو
وبعدين انت عارف قاسم كويس اوي ده صعيدي وانت عارف الصعيادة في الحته دي مابيتفهموش
الا الحريم عندهم يا عصام دي بيبقي فيها دم وبعدين انت مش كان كل اللي يهمك ندي
وانا شايف يعني انكو بقيتو اكتر من الاصحاب
هههههههه تصدق اه دي طلعت سهله اوي يا رامي
الله يخرب بيتك انت ايه شيطان طب يا خويا خليك معاها بقي وابعد عن قاسم ومراته احسنلك
ماعتقدش انها هاتقوله اصلها بتخاف منه اوي يا رامي ومحتاجه حد حنين يبقي معاها
لاء وانت الصادق
هو عرف ان في حد بيطارد مراته بس لسة ماعرفش هو مين وحالف اول مايعرف ليقتله
ماشي انا هابعد بس لو هي قربت بقي يبقي ماترجعش تلومني
يعني مافيش فايدة فيك
خلاص يا رامي ما قولتلك هابعد عنها المهم دلوقتي عايزين لما قاسم يجي نصالحه علي ندي عشان يرجعها شغلها
ليه هما اتخانقو ورفدها ولا ايه
اه هي بتقول انه حاول يتهجم عليها وهو بيقول انها يعني
اممممم وانت بقي مصدق مين فيهم
مصدقه هو طبعا
طب ولما انت مصدقه عايز ترجعها ليه ومتمسك بصدقتها اوي كده
متمسك بيها لانها لانت بقت تسمع كلامي ومعايا في اي مكان وفي اي وقت
طب ما تشغلها في شركة ابوك وتبعدها عن قاسم
لاء ابعدها عن ابويا الله يكرمك انا مش عايزها تعرف سكته اصلا
وفي نفس الوقت ترجع شغلها اصل طلباتها مابتخلصش بصراحه وطماعة اوي
اه قولتلي بس تفتكر قاسم هايرضي
انا قولتله بس هو قالي تيجي وتعتذر ويرجعها
وهي وافقت
اه وافقت طبعا اومال يعني هاتخسر مرتبها دا كله بالساهل كده
///////////////////////////////////
وعد مالك مكلبشة فيا اكدة سيبيني يا بت بجي
لاه والنبي يا ديب ماتسيبني اني خايفة والنبي نزلني
هههههه انزلك منين هو احنا راكبين المراجيح يا بت انتي داحنا في طيارة
وانت يعني شايفني كل يوم بركبها
ههههههه طب بس هتفضحينا وسط الاجانب يا مخبلة انتي
واه مخبلة عشان خايفة مانا لازمن اخاف دانا راكبة حتة حديدة وطايره بيا فوج البحر
هههههههه بس بجي جاتك بو والله كلامك هيخلي الطيارة تجع بينا
واه انت بتتكلم صح يا قاسم ممكن تجع بينا لاه جول للسواق يوقف وينزلني
ههههههه ياخربيت برائتك يا جلبي انا ماشوفتش حد جبان اكده
ضربتني في كتفي وهي متغاظة
بتخوفني اياك طيب يا ديب ربنا يفوت النص ساعة دي علي خير وننزل من المحروجه دي واني هاوريك
وهاتعملي ايه بجي يا عروستي
عروستك
واه انتي نسيتي اننا لسه النهاردة بس متجوزين ولا ايه
اه وعشان اكده رايحين نحضر فرح حد غيرنا
اخدتها في حضني وهي قاعده جانبي
وعشان كمان نقضي شهر عسل انا وعروستي حبيبتي
واذا كان نصيبنا مانعملش فرح يبجي نفرح احنا الاتنين سوي
اللهم إهدني لصالح الأعمال وإقضي لي الحوائج والأمال يا من لا يحتاج إلى التفسير والسؤال يا عالم بما في الصدور يا رب
بدل ماتدور وتبحث علي الروايات خليها علي تليفونك وحمل تطبيقنا
