(الفصل الخامس والعشرون)
محستش بنفسي غير وشعرها في ايدي
بتجولي ايه يا بت ال...... عايزة تفهميني انها كانت بتقرطصني كمان
اه سيب شعري يا مجنون اومال انت فاكر ان دي كانت اول مرة
سيبتها من يدي وبعدت عنها عطيها ظهري وواقف قصاد الشباك
من قبل ما تسافرو الغردقة وهي علي علاقة بيه يا قاسم
دلوقتي بس اتأكدت انها حية وبتبخ سمها
اه ايتها الافعي اللعوب
كم انتي ساحرة وجميلة من الخارج
ولكن ما تحمليه بداخلك قادر علي قتلي بهدوؤ تام
قاسم ماتزعلش عليها مش دي اللي تستاهل حبك وحياتي عندك ماتزعل عشان خاطري هي اخدت جزائها خلاص
ليه انتي ماتعرفيش انها هربت
ازاي ده مش معقول هي دي تعرف تهرب لوحدها
لفيت ليها وانا بسخر من كلامها وقاصد اخوفها
انتي مستهونه بوعد اوي علي فكرة
اكيد زي ما عرفت تقتل لوحدها هاتهرب لوحدها بردو ومش بعيد تنتقم لوحدها
دي وعد الديب يا ندي
وشها اصفر فجاءه وحسيت بالخوف في عنيها
تنتقم من مين وليه
مني او منك لما تعرف اننا بقينا لبعض
فجاءه عينها لمعت بفرحة غريبة و قربت منى اكتر
بقينا لبعض اخيرا يا قاسم قولتها
ضمتها ليا وانا بقولها
طبعا انا مستحيل اسيبك يا ندي
////////////////////////////
اما كريمة انتي فين ياام
اني اهنه يا وعد واه مالك يا بتي
اني تعبانة اوي وعمالة ارجع هاتيلي من حداكي حفان ملح او حتة جبنة حدقة
ردت عليها الست كريمة بفرحه
واه انتي حامل يا وعد
ايوة ياامي بس تعبانه جوى
طب تعالي ارتاحي في سريرك واني هاجبلك وكل اوعاكي تطاوعي روحك للحادق اكده
هو فين ابوي اني عايزة اتحدت معاه
جاعد مع الرجالة في الجنينة برة السرايا
نامي انتي مطرحك واني هنادي ليه
نيمتها في سريرها وجريت للشيخ حسن عشان تنديه
شيخ حسن يا شيخ
مالك يا حجه في حاجه
ايوة تعالي يا خوي اني عايزاك
خير عايزة ايه
وعد حامل يا شيخ حسن
والله الف مبروك هي فين
في الجاعه بتاعتها وبتقول عايزاك
حاضر اني اهو تعالي نروح ليها
دخلو عليها الجاعه وهي نايمة في سريرها
وهتف ليها الشيخ حسن بفرحه
وعد مبارك يا بتي كيفك دلوك
تعبانة اوي يا ابوي اتصل بقاسم وخليه يجى بجي
ههههههه هو مايعرفش اياك طب ما تستني لما يجي براحته وتعمليها ليه مفجاءه
عارف يا بوي عارف
واه وبتبكي ليه دلوك عاد
عشان طلجني
وقف الشيخ حسن من مطرحه بغضب
كيف يعني طلجك انطجي يا بت كيف ده حصل
رمي عليا اليمين ساعة ما دخل عليا شقة صاحبه بس بعد ماروحنا النيابة فهم كل حاجة وفهم اني مظلومة
وبعد ما هربني من المستشفي جالي انها كلمة جالها في ساعة غضب ولما يجي هايردني
اه الغبي ده هيضع نفسه في مرة بقسوتة وتسرعة ده
هو اكدة يبجي طلجني يا ابوي
ايوة طبعا هي صحيح كانت ساعة غضب بس ماحدش بيطلج وهو فرحان يعني
بكت كتير و سابها الشيخ حسن تخرج كل اللي جوها وخرج وهو بيفتح تليفونه علي رقمي
//////////////////////////////////
خوفت ارد عليه احسن يكونوا مرقبين تليفوني وطلبته من خط تاني
كيفك يا عم الشيخ وكيف ناسي اللي حداك
ثار عليا الشيخ حسن جدا وهو بيقولي
ناسك مين انت مالكش ناس حداي
انسي خالص انك ليك حد اهنه يا ولد الديب
انتفضت من علي مكتبي واني بقوله
كيف يعني اني مرتي حداك
ليه انت مش طلجتها
لاه دي كلمة جولتها في ساعة غضب
اكد ة بالساهل وهو في حد بيطلج وهو فرحان بردك يا قاسم ياديب
هاردها لعصمتي تاني
ومين اللي جالك اني هردهالك تاني
اني جولتلك جبل اكدة حافظ عليها واحميها وخليك اب واخ جبل ما تكون زوج
جولتلك رفقا بالقوارير ياقاسم لكن انت
طالع لجدك الديب الكبير قاسي والقسوة في دمك
اديني وعد اكلمها يا عم الشيخ
لاه لا هاتكلمها ولا ليك صالح بيها
تاني فاهم يا قاسم
وقفل التليفون
قعدت افكر هوفعلا هايقدر يبعدها عني
لاه هي عمرها ما هاتوافج علي اكدة لازمن اكلمها لو كنت اقدر اسافر ليها كنت سافرت بس الحكومة بتراقب كل خطواتي
اني هاستني لما يهدي شوية وابقي اكلمه تاني
////////////////////////////
قاسم
نعم يا ندي
انت هاتفضل قاعد كدة ولا ايه خلاص احنا في معاد الانصراف والموظفين كلهم مشيو
معلش يا ندي انا قاعد شوية هنا تقدري تمشي انتي
امشي ازاي واسيبك لوحدك لاء مش هايحصل علي فكرة
دانا حتي بفكر اني ماروحش البيت النهاردة واخليني معاك
اخيرا جاتلي الفرصة
النهاردة يا ندي هاتجني حصيلة اللي زرعتية
انا تعبان اوي يا ندي فعلا محتاجك جنبي النهارده
خلاص يا حبيبي انا معاك ومش هاسيبك تعالي نروح عندك علي الفيلا
لاء الفيلا لاء
الله ليه يا قاسم
اصل من يوم اللي حصل والحكومه كل شوية تطب عليا هناك وانا مش عايز حد يعرف ان في بينا حاجه دلوقتي علي الاقل انا هاخدك ونروح الفندق ايه رايك
موافقة طبعا
////////
اخدتها وروحنا علي الفندق اللي كان تقريبا لسة بيبتدي يشتغل وطلعت بيها علي جناح فيه
قاسم بقولك ايه فك بقي بص اطلب لينا عشي حلو كدة عقبال مادخل اخد شاور وارجع ليك
ماشي ادخلي
كنت قرفان من نفسي جدا وانا بس بفكر ازاي هاعمل كدة ازاى هاقدر اخون وعد حبيبتي
وبعد ما دخلت وقفلت الباب قومت بسرعة .عملت اتصال مهم جدا
ايوة يا باشا شايفني كويس
شايفينك وسمعينك يا قاسم
بس يا ريت تنجز وتركز بسرعه وتاخد منها اعتراف كامل
مش تاخد حاجة تانية والا هاتلقيني بقبض عليكم متلبسين بقضية زنا
ماتخافش يا حضرة الظابط مش هتوصل لكدة يلا سلام دلوقتي
مع السلامة
////////////////////////////
قفلت معاه الخط وهي خارجة من الحمام ولابسة روب الاستحمام عليها
ها طلبت لينا العشي
لاء لسه جاتلي مكالمة شغل وانشغلت فيها
قعدت جنبي علي السرير وقالتلي بهدوء وعينها كلها رغبة
لية انت مش جعان ولا ايه
اي راجل لو في الموقف اللي انا فيه ده كان فرح جدا
انثي بكل ما يحمله المعني من جمال ورشاقة و دلال بتدعيني دعوة صريحة
لكن انا كان هاين عليا اخنقها بكفوفي الاتنين الا اني تراجعت في اخر لحظة
جعان يا ندي جعان اوي
اخدتها بين احضاني وبدأت اتخيل ان وعد هي الي في حضني
الا اني بعدت عنها
الله مالك يا قاسم بعدت عني كدة لية
ندي قومي البسي هدومك
انا مش فاهمه حاجة انت مش قولتلي انك بتحبيني
بحبك بس
مش قادر انسي وعد ومش قادر اصدق انها ممكن تكون خانتني
صرخت فيا وهي بتلف حزام الروب حوالين خصرها
وعد وعد وعد
الله يحرق وعد علي اليوم اللي شوفتها فيه يا اخي اعمل ايه تاني عشان اخلص منها دانا ناقص اني ادور عليها واموتها بآيدي المره دي
عملت نفسي مش فاهم حاجة وحستها علي الكلام اكتر
بطلي وتقولي كلام انتي مش اده وعد اصلا لو شافتك كدة هاتكلك بسنانها
تاكل مين يا حبيبي دانا ندي
وحياتك انت عندي انا اللي هلف حبل المنشقة حوالين رقبتها
انساها يا قاسم عشان خاطري
انسي اي بنت ممكن تكون قابلتها في حياتك الا انا انا اللي حبيتك بكل جوارحي
انت ماتعرفش انا عملت ايه عشان تبقي ليا لوحدي
عملتي ايه يا ندي قوليلي عملتي ايه عشاني
عملت كل حاجة عشان ابعد اللي اسمها وعد دي عنك وكمان ابعد عصام عني واخلص من شيطانه نهائي
مش فاهمك وضحي كلامك يا ندي
انا اللي اتصلت بوعد عشان تجيلي شقة عصام وانا بردو اللي بعت ليها الرسالة اللي فيها العنوان
وانا اللي بعت ليك الرسالة اللي فيها صورتها
وعصام مين اللي قتله انتي ولا وعد
انا يا حبيبي انا اللي قتلته وهي دي تعرف تقتل فرخه
طب وليه بعتيلي الرسالة يا ندي
عشان لما انت تيجي وتشوفها تقتلها انت كمان ونتخلص بقي من الاتنين
بس للاسف ماتوقعتش ان البوليس اللي انا بلغته يجي بدري كدة ويبوز كل حاجة
اه يعني كنتي عايزاهم ىيجو يقبضو عليا انا ويتهموني بقتل وعد وعصام
كانت هتبقي قضية شرف ومش هاتخد فيها يوم واحد سجن
بس خلاص الغبية لبستها لما مسكت السكينة باديها واهي غارت بعيد عننا وانشاء الله هايمسكوها وتاخد اعدام
غارة لما تاخدك يا بت ال....... يا و....... بقي انتي تعملي كل ده انتي يطلع منك كل ده
بقيت بضرب فيها زي المجنون كانت خلاص هاتموت بين ايديا لولا ان الشرطة دخلت واخدوها
كفاية يا قاسم هاتموت في ايدك
لاء مش كفايةانا لازم ابهدل بنت ال...
دي زي ما بهدلت مراتي
بقي انتي فاكرة يا رخيصة اني انا ممكن اخون وعد مع واحدة ساقطة وسافلة زيك انتي
سيبهالنا احنا بقي يا قاسم دي شايلة كمية تهم تقعدها طول عمرها في السجن ولما تحب تطلع هتطلع علي الاعدام
حطو الكلبشات في ايدها وهاتوها علي البوكس يلا
قعدت تصرخ بشدة وهما بيجروها علي برة
سيبونيى حرام عليكم انا ماقتلتش حد سيبوني سيبوني
ربي إغفر لي ولوالدي ولمن دخل بيتي مؤمنا وللمؤمنين والمؤمنات، اللهم إغفر لي كل ما تقدم بي من ذنب وما تأخر
لبست هدومي وجريت علي عربيتي ركبتها وقررت اني اروح لوعد
اما بقي ندي اخدوها علي القسم وهي منهارة من العياط ووقفت قصاد الظابط اللي كان قاعد حاطط ايدة تحت ذقنه مستنيها تسكت
اقعدي يا ندي
......
بصي كل اللي انتي بتعمليه ده مش هايجيب نتيجة
احنا معانا اعتراف بصوتك وصورتك كمان
...........
يا بنت الناس مش هاينفع كدة لازم تتكلمي
حاضر هاتكلم
حلو اوي اكتب يا بني
س/ انتي اللي قتلتي عصام
ايوة انا اللي قتلته ولو كنت اقدر اولع فيه كنت عملتها
س/ قتلتيه ليه يا ندي
بصت للظابط ورجعت بصت قدامها تفتكر
فلاش باك
براڤو عليكي يا ندي بس بنت اللذينا دي
حتي بعد ما قصت شعرها بردو زي القمر
ماخلاص بقي ياعصام هو احنا هانفضل طول عمرنا نتفرج علي صور المحروسه
ما تخليك معايا بقي شوية شوف الكارثة اللي انا فيها دي ياعصام
مالك قلقانة ليه بس اذا كان علي الحمل سهله خالص ديتها علقة اكبر بشوية من بتاعت المرة اللي فاتت وبعدها هاتلاقيه نزل
بعدت عنه بخوف ورجعت لورى
اياك تقرب مني انا بقولك اهوه
اتحول فجاءه لشيطان حيوان دانئ بيقرب منها وعايز يفترسها
ليه هو بمزاجك كل شوية تيجي تقرفيني بالحوار ده خلاص بقي سيبني اخلص نفسي واخلصك منه
من كتر رعبها منه وقعت علي الارض وفضل يضربها في بطنها وضهرها برجله وهي تصرخ
وفي الاخر اعتدي عليها بكل وحشية وبعدها سابها مرمية في السرير وقفل عليها الشقة ومشي
وبعد ما فاقت لقت نفسها غرقانة في دمها والام فظيعة مكتسحة جسمها كله
فضلت لوحدها في الشقه اكتر من يومين مرميه وبتنزف لحد ما رجع وفتح الباب
بابتسامة خبيثة دخل ليها
ندوش عاملة ايه دلوقتي
بصتله بغضب والدم بيغلي في عروقها
روح منك لله ربنا ينتقم منك
كدة بردو يا ندي وانا اللي قولت انك هاتشكريني عشان خلصتك من المصيبة دي
اشكرك انت عارف انت عملت فيا ايه انت قتلتني روح يا شيخ منك لله
قتلتك ايه بس يا حبي مانتي زي الفل وعايشة قدامي اهو خفي بقي بسرعة خلينا نرجع ايامنا الحلوة تاني
انت فاكر اني ممكن اعرفك بعد كدة اسمع انا مش عايزة اشوف وشك تاني
لاء يا قلبي الكلام ده انتي
مش قده خالص بصي كدة علي الصور دي قوليلي ايه رايك
شهقت بخوف لما شافت صورها وهي بين احضانه
وصلت بيك الوقاحه انك تصورنى
اه توصل دانا ممكن احملك احلي سيديهات كمان لو بس فكرتي تسيبيني
حرام عليك يا عصام منك لله يا اخي ........ابو الفلوس اللي خلتني اتحوج ليك انت واسلمك نفسي
بلاش قلة ادب يا ندي واعرفي ان لوليا انا كان زمانك مرمية في الشارع بعد ما سيبتي بيت اهلك ولا فاكرة نفسك كنتي هاترجعي ليهم تاني
طب امسح الصور دي يا عصام عشان خاطري امسحها
اهدي يا حبي انا مش محتفظ بالصور دي عشان اهددك بيهم لاء دي اللي هانجيب بيهم وعد
بصتله بعدم فهم
وايه علاقة وعد بصوري انا وانت
ازاي بقي يا روحي بصي البرنامج ده كدة
احنا ها نقص وشك الجميل ده من علي الجسم المرمر ده ونحط وش القمر وعد
عليه
وليه دا كله
يا بت فتحي مخك بقي ماهي دي الصور اللي هاتجبها ليا وتخليني اعرف اطولها
ياخي حرام عليك انت اكيد مش بني ادم انت شيطان شيطان
طبعا يا روحي شيطان بس انتي بردو مش ملاك يعني يا ندوش
يلا بقي خفي بسرعة وقوميلي بالسلامة عشان نبدأ ننفذ خططتنا
خطة ايه انا مش هاشترك معاك في حاجة
لاء دانتي هاتشتركي وبمزاجك وهتوافقي كمان
اشمعني بقي
لان ده اللي هيبعد وعد عن حبيب القلب ويرجعلك تاني
قعدت تفكر في كلامه وهي بتخطط لحاجه تانية خالص
وبعد مرور يومان راحت ندي علي الشركة وهي لسة تعبانة
///////////////////////////////
صباح الخير يا قاسم
صباح النور الله مالك يا ندي انتي لسه تعبانة
ايوة شوية ماتشغلش بالك انت
ازاي ماشغلش بالي ياندي انتي وشك اصفر اوى
معلش دلوقتي هاشرب شوية عصير وابقي كويسة
لاء بصي يا ندي انا مش هافرح لما توقعي مننا في الشركة انتي تاخدي اجازة وتقعدي في البيت ترتاحي ولما تخفي ترجعي براحتك
انت شايف كده
ايوة طبعا
ماشي هاخلص شغلي النهاردة ومن بكرة هاقعد في البيت
اخبار وعد ايه
ههههههه اسكتي ربنا هديها اليومين دول ومابتعمليش مصايب زي عاويدها
بتحبها ياقاسم
وعد دي كل ناسي يا ندي ازاي ماحبهاش بس
الغيرة لمعت في عنيها وبصتله بحزن وخرجت من مكتبه في هدوء
/////////////////////////////////////
وبعد مرور ايام كتير
كانت استردت فيهم صحتها ورجعت منها لي شغلها تاني
كانت في الموقع معايا جاتلها رسالة من عصام علي تليفونها
خلصتي شغلك ولا لسه
لسه
خلصي وتعالي بسرعه عشان هانفذ النهاردة
مش هاينفع انا عندي شغل كتير ولسه هرجع علي الشركة
ماليش فيه تخلصي وتجيلي علي هنا ولما هي تيجي ابقي روحي ماطرح مانتي عايزة
قفل التليفون
بقت واقفة سارحنة ومش مركزة معايا في الكلام
هاتي الفايل يا ندي
........
ندي انتي مش سمعاني ولا ايه
هاه اسفة اصلي حاسة بشوية صداع
طيب هاتي الفايل اللي قولتلك عليه وارجعي انتي علي الشركة
حاضر اتفضل حضرتك
سابتني ومشيت وهي ناوية تروح علي شقة عصام وبعدين ترجع علي الشركة
//////////////////////////////
قولتلك يا عصام انا مش هاعمل كده
يابت افهميني انتي هاتبعتي ليها الصورة بس وتكتبي تحتيها
لو عايزة تفهمي تعالي وانا افهمك هتلاقيها جات لوحدها
صرخت في وشه وهي بتزقه بعيد عنها
قولتلك لاء مش هاشترك معاك في الجريمة دي
بتمدي ايدك عليا يا بنت ال....... ضربها بالقلم علي وشها ضربة وقعتها علي الارض جانب تربيزة الانترية اللي كان عليه طبق فاكهة وسيكنة جانبه
قامت من علي الارض ومسكت السكينة وهي بتقولة
انت اللي ابن ستين ........ خلاص يا عصام انا مابقتش اخاف منك
ههههههههههه ناويه تقتليني يا ندي طب يلا مستنيه ايه مانا قصادك اهو يلا اضربي
فعلا قربت منه وحاولت تضربه الا انه مسك السكينه من ايدها ورماها علي الارض وفضل يضرب فيها
بترفعي السكينة عليا يا واطية
مش بسهولة كدة هاتخلصي مني وزقها جانبها تاني
وعاطها ظهره
يلا قومي نفذي اللي قولتلك عليه اخلصي احسن شكله كده موتك انتي اللي هيبقي علي ايدي
وقفت وراه بسرعه من غير مايحس بيها
لاء يا عصام انا قولتلك لاء
بتقولي ايه ااااااه
غرزت السكينة في صدره اول ما لف ليها
ووقع تحت رجليها علي الارض
وبدل ما تبعت الرسالة لوعد بعتتها لقاسم واتصلت بيها هيا ومثلت التعب عليها
//////// ////////////////
واخيرا وصلت السرايا ووقفو الرجالة بتوعي يرحبو بيا
وبعد ما سبتهم دخلت وانا فرحان اني برأتها وفرحان اكتر بلوأها بعد المده دي كلها
لكن صدمني الشيخ حسن بمقابلته ليا
جاي ليه يا ديب
اني قاسم يا عم الشيخ مش جده
كلكم سلسال واحد نسل شياطين من اول الديب الكبير لحديك انت
لزمته ايه الكلام ده بس دلوك بجي دي مجابلة تجبلوني بيها بعد الغيبة دي كلتها
لما ترجعلي بتي مطلجة يبجي انت مالكش حدي سلام من اصله
كلام ايه ده وعد عارفة كويس جوي انها كلمة جولتها في ساعة غضب
وهو في حد بيطلج وهو فرحان اياك الطلاج مش لعبة في يدك ماهياش كلمة هاتجولها وترجع فيها تاني
خلاص يا عم الشيخ اردها لو كان الطلاج. اكده وجع ىبجي اردها لعصمتي تاني
اكده بسهوله وكأنك ماجولتهاش طب وبعد اكده يا ترى كل ما تغضب بجي هاطلجها ولا هاتضربها تاني
يعني عايزني اعمل ايه دلوك
تبعد عنها بتي مش هترجع معاك علي مصر تاني
مش بكيفها ولا بكيفك انت كمان ياعم الشيخ
وعد حامل ولازمن اردها اظن انت عارف كويس ان شرع ربنا بيجول
الحامل عدتها بتفضل سارية تسع شهور لحد ما تولد
يعني يحقلي اردها في اي وقت طلاما حامل مني واللي في بطنها يبجي حتة منى
اكدة والله براوة عليك فاهم انت في اصول دينك جوي
بس اللي اني عرفته بجي انك من يوم اخدتها وانت ثقتك فيها معدومه
جالك منين بجي ان اللي في بطنها ده يبجي حتة منك
اللهم اجزنا جزاء الصابرين المحسنين وارزقنا بفضل رحمتك الواسعه جنة النعيم يا رب العالمين يا كريم
