(الفصل الرابع)
دخلت اوضته عشان اخضه وهو نايم بس انا الى اتخضيت ...
شفت دنيا نايمه جمب مراد و حاطه راسها على صدره و هو حاضنها ب ايده الشمال
اتصدمت جامد وخرجت بهدوء
سبت المستشفى و روحت القصر مع ان المفروض انا طبيبه مقيمه فالمستشفى
جريت على اوضه بابا و صحيته وانا بعيط
بعياط - بابا قوم يا بابا انا موجوعه ومش عارفه اعمل اى
باباها قام مخضوض لان دى اول مره يشوفها بتعيط اساسا واول مره تصحيه من النوم عالفجر
$ اى الى حصل يبنتى اهدى بس كل حاجه بتتحل
بعياط - بنتك شكلها حبت يا بابا ..
$ طيب وفيهااى لما تحبى . اكيد مش هتفضلى طول عمرك متحبيش اى حد
بعياط - بس يا بابا انا حبيت انسان زباله وبتاع بنات
$ مين ؟! قوليلى هو مين وانا هطين عيشته
بعياط -مراد يا بابا
$ مراد !! مش كنتى بتقولى انكم اصحاب بس ؟!
- ....
مسحلها دموعها
$ طيب خلاص اهدى احكيلى اى حصل بالظبط وخلاكى تعيطى كدا وانا هتصرف
رينا حكتله كل حاجه حصلت من سعت اول مره شافته بيبوسها و وقتها مراد قالها ان دا حصل عشان لسا مكنش فاق من البنج لغايه المره الى شفته حاضنها ونايمين جمب بعض
$ يعنى شفتيهم بيبوسو بعض ومع ذلك صدقتى حجته ؟!!
بعياط - يمكن صدقته عشان كان نفسى اصدقه ..
$ طيب اهدى انا هجبلك حقك منه
رينا مسحت دموعها بسرعه
- لا يا بابا متعملهوش حاجه خلاص انا هبطل شغل فالمستشفى و مش هخرج من البيت لغايه ميسافر تركيا
بعصبيه $ يعنى يكسر قلب بنتى الوحيده وعايزانى اعديهاله !!!
- انا مسامحاه خلاص ..
$ طيب تعالى اوصلك لاوضتك وهفضل جمبك لغايه متنامى
حضنته
-مش عارفه من غيرك كنت هعمل اى
* اليوم الى بعدو*
مراد صحى و شاف رينا نايمه جمبه ( المشهد الى وصفته ف اول البارت)
قام مخضوض
و زقها جامد
= اصحى !!
بسهوكه + صباح الخير يا حبيبى
= اى الى حصل !!
+ مفيش .. مكنتش عارفه انام ف قولت اجى انام جمبك
= بتهزرى !!! تنامى جمبى ازاى يعنى انتى شكلك مجنونه
+ فيها اى يعنى انا نمت جمبك بس . محصلش بينا حاجه
= طيب قومى بس من جمبى وياريت مشفش وشك تانى . انا هخرج من المستشفى النهارده
+ ممنوع تخرج غير بعد كذا يوم
=وانا بقولك هخرج . انتى اتعديتى حدودك جامد معايا وبعدين افرضى حد شافنا كان هيفهم اى وقتها !!!
+ مش بهتم بكلام الناس
بعدها مشيت وسابته
مراد كان مستنى رينا تجيله وتطمن عليه بس هى مجتش
فيه ممرضه دخلتله عشان تديله حقنه
= لو سمحتى هو الدكتوره رينا مش موجوده النهارده ولا اى ؟!
£ لا دى قدمت استقالتها الصبح
=نعم !! طيب اى السبب دى لسا متعينه امبارح
£ محدش عارف
= تمام ..
مراد فضل يفكر ليه هى استقالت وليه مقالتلهوش . كان خايف جدا انها تكون شافته مع دنيا وتكون فهمت الموقف غلط
بس تفكيره مدامش لوقت طويل
باب اوضته اتفتح جامد فجأه
و دخل بابا رينا
اول لما دخل مسكه من ياقته و ضربه قلم جامد
$ انت ازاى تتجرأ تعمل كدا ف بنتى !!! ازاى تكسر قلبها بالشكل دا ! انا عمرى مشوفتها مكسوره ولا مجروحه بالشكل دا !
= ...
$ اسمع .. انت تسافر بكرا على تركيا واياك بس اشوفك فمصر هنا تانى
سامع ؟!!
= هى شافتنى ؟!
$ كمان ليك عين تسألنى ! ايوه شافتك يا خفيف وانت نايم مع السنيوره بتاعتك . هى دى اخرتها ! دا انا رحبت بيك فالقصر و عاملت احسن معامله
= انا عايز اشوفها .. هفهمها كل حاجه .. هى فهمت غلط والله
$ فهمت غلط !! بقولك اى يلا . انا عارف الاشكال الى زيك كويس . هو انت عشان ممثل مشهور فاكر ان حجج الافلام بتاعتك دى هتمشى علينا ! طب رينا كانت هبله وصدقتك اول مره انما انا مش بصدق الحجج السخيفه دى
ومشى وقفل الباب وراه جامد
مراد قام من سريره و خرج ابر المحاليل من دراعه و خرج من اوضته
+ رايح فين !
= بصى انتى بالذات متتكلميش خالص ..بسبب تصرفاتك السخيفه دى رينا مش عايزه تشوفنى تانى
+ مراد انا بحبك ... هى مش بتحبك يا مراد ليه بتجرى وراها زى الكلب
ضربها بالقلم
= القلم دا كان لازم تاخديه من بدرى بس اعمل اى . كنت غبى و مكنتش عايز اجرحك
ومشى من المستشفى
راح ناحيه القصر
* فالقصر *
× كلى اى حاجه يا رينا حرام عليكى نفسك
- مليش نفس اكل حاجه . لو سمحتى اطلعى من الاوضه واطفى النور انا عايزه انام
× تنامى ! الساعه ٧ بالليل يا رينا
- عايزه انام ... ومحدش يصحينى انا هصحى لما اعوز
سمر خرجت برا الاوضه وراحت ناحيه اوضه بابا رينا الى مراحش شغله بسبب حاله بنته
× مش راضيه تاكل اى حاجه و عايزه تنام وبس
$ شكلها هتمر بحاله اكتئاب .. منه لله الكلب دا . رينا كانت ورده مفتحه طول الوقت بتضحك و اهى من اول الصبح مش راضيه تخرج من اوضتها ولا تاكل حاجه و طول الوقت يا اما نايمه يا اما بتعيط
وقتها رن مراد عالباب
× هروح اشوف الباب
$تمام..
سمر اول لما شافت مراد اتخضت
×، انت اى الى جابك هنا ! مش مكفيك الى حصل ف رينا بسببك ؟!
= انا عايز اكلمها ولو ل ١٠ دقايق . عايز اوضحلها كل حاجه . هى فاهمه غلط
ضحكت سمر بسخريه
×اه طبعا فاهمه غلط . عموما انا مش هقدر ادخلك القصر
= وانا هستنى لغايه لما ترضو تدخلونى
سمر قفلت الباب ف وشه و راحت لبابا رينا
× مراد واقف برا عند الباب ....
بصلها بعصبيه وغضب شديد
$ بتقولى اى !!!! هو فيه بجاحه اكتر من كدا فالدنيا !!!
راح ناحيه الباب وهو متعصب
سمر خافت من منظر بابا رينا لانها اول مره تشوفه متعصب بالشكل دا . هو بطبعه انسان هادى جدا
راحت لاوضه رينا بسرعه
× رينا الحقى .. باباكى هيموت مراد
-مراد !
× ايوه هو قدام الباب ومرضيش يمشى لما رفضت اخليه يدخل
- طيب استنى انا نازله
نزلت بسرعه ( طبعا هى عشان بتحبه خافت عليه . حتى لو هو فنظرها انسان وحش ف مش هتقدر تمنع نفسها انها تحبه)
وقتها كان مراد وباباها بيتخانقو
بابا رينا ضربه قلم جامد لدرجه انه وقع عالارض
- بابا استنى يا بابا متضربهوش دا مريض .لسا الجرح مقفلش
$ اسكتى يا رينا . سيبينى افش غلى فيه . دا كمان بجح وجاى لغايه البيت هنا
= رينا سيبينى اوضحلك كل حاجه ..
- سيبه يا بابا انا مسامحاه ..
$ وانا قولتلك مش هسيبه . لازم ياخد عقابه عشان يعرف ازاى يعمل كدا مره تانيه
ومسكه من ياقته و بايده التانيه ضربه ف بطنه و رماه عالارض
- يا بابا سيبه ارجوك
مراد قام من الارض
= اعمل فيا الى عايزه بس سيبنى اكلمها ١٠ دقايق بس بالله عليك
بابا رينا اتعصب اكتر
$ سمر . هو الجرح بتاعه فين بالظبط عشان نسيت
سمر اتوترت و رينل بصتلها بصه كأنها بتقولها متقولهوش
بعصبيه و زعيق جامد $ قلت فين الجرح يا سمر !!!!
بتوتر وخوف × فصدره الشمال ...
بابا رينا وقتها اتقدم ناحيه مراد وضربه بالبوكس ف صدره الشمال عند الجرح بالظبط
- بابا !!!!
مراد حس بألم شديد جديد و الجرح اتفتح و ظهر بقعه دم كبيره على قميصه ( قميصه لونه ابيض )
وقتها بابا رينا قفل الباب ف وشه وسابه وهو بيتألم عالارض
بعياط - يا بابا سيبنى اوديه المستشفى او اطلبله الاسعاف حتى .. يا بابا جرحه اتفتح وبينزف جامد ..
$ وانا بقولك ملناش دعوه بيه يموت ولا يعيش
رينا كانت عارفه اد اى باباها عنيد ومستحيل يقتنع
وقتها ركعت على ركبتها قدامه وهى بتعيط
- ابوس رجلك يا بابا سيبنى اطلبله الاسعاف او اوديه المستشفى
باباها استغرب جدا من الى عملته . دى اول مره تعمل كدا
$ طيب خلاص وديه المستشفى خلينا نخلص ...
رينا فرحت و فتحت الباب وجريت عليه
- متقلقش هتبقا كويس
بصوت ضعيف = الحكايه مش زى م انتى فهماها خالص .. هى جت نامت جمبى بعد م انا نمت وانا والله والله محسيت حتى و لما شفتها الصبح هزقتها جامد .. اقسم بالله بقول الحقيقه
- سيبك بس من الكلام دا دلوقتى . تعالا اخدك عند اقرب مستشفى
= مش هتحرك غير لما تصدقينى ..
رينا بصت على الارض وشافت بركه من الدم قدامه
- مراد انت بتنزف جامد . بطل عند قولتلك نشوف الموضوع دا بعدين
=وانا بقولك مش متحرك غير لما تصدقينى
رينا فكرت وقالت فنفسها ان اكيد مش بيكدب وهو فالحاله دى . قررت تصدقه للمره التانيه ..
- خلاص مصدقاك يلا بطل عند وتعالى معايا
فعلا اخدته لاقرب مستشفى
مع الوقت علاقتهم بدأت تتحسن . هى كانت فرحانه وهو كان فرحان وباباها استسلم لرغبتها لما قالتله انه صالحها . كل الى عايزه سعاده بنته
* فيوم من الايام*
= ريناا انا جاى اخدك
- مااشى مستنياك
- البس اى النهارده يا سمر
× كل لبسك حلو حلو يا رينا
رينا اختارت فستان احمر مع هيلز اسود و فردت شعرها
- حلو كدا يا سمر ؟!
× يا رينا كل يوم تسألينى نفس الاسئله دى . انتى مكنتيش بتسألينى كدا ابدا يا ريناا
وهما بيتكلمو مراد رن عالباب
- يلا اهو جيه . باى يا سمر
ونزلت بسرعه
مراد اول لما شافها صفر
= مين المزه دى
ضربته على دراعه
- بس يا رخم
= بصى قبل منركب العربيه عايزك تحطى القماشه دى على عينك
- لييه
=يلا بقا اسمعى كلامى
- مااشى
وفعلا عملت كدا
وصلها لغايه العربيه و ركبها بعدين هو ركب
وصلو لمكان عالبحر
= مستعده؟!
- ايوه عايزه اشوف ليه خلتنى احط القماشه دى على عينى
شالها من على عينها
شافت المكان كله متزين ب بلالين حمرا و زينه كتيير و شموع زى كأنها ف فيلم
فجأه وقف على ركبته وطلعلها خاتم الماس
= تقبلى تتجوزينى ؟
رينا وقتها نطت من الفرحه 
- موافقه
بعدها لبسها الخاتم وحضنها
روحت القصر وهى فرحانه جدا و حكت لباباها وسمر
باباها مقالش حاجه عشان كل الى يهمه سعادتها و باركلها وفرح ليها و مراد حدد معاه الفرح بعد اسبوع
*اليوم الى بعدو *
=ايوا مين معايا
+ انا دنيا يا مراد .. انت متعرفش حالتى عامله ازاى . من سعت لما سبت المستشفى وانا بتعالج من الاكتئاب . انا بموت بالبطئ يمراد ارجوك اقبل اننا نتقابل ولو لمره واحده نودع بعض فيها
= فرحى بعد اسبوع ف مفيش امل لينا مع بعض . الاحسن انك تنسينى وتعيشى حياتك عادى
+ حاولت والله بس معرفتش . ارجوك اقبل هى مره واحده بس الى هنتقابل فيها ..
دنيا صعبت على مراد ف قرر يقبل و قرر كمان انه مش هيقول ل رينا عشان متتضايقش و عشان متشكش فيه
= تمام انا موافق ابعتيلى اللوكيشن وانا جاى اهو
فعلا بعتتله اللوكيشن و فخلال ساعه كان هناك
+ انا فرحانه جدا انى شوفتك . مش متخيل ازاى دا هيفرق فخروجى كن اكتئابى
=خليكى فاكره ان دى اخر مره نتقابل فيها ...
+ متقلقش انا فاكره
كانت بيحكو مع بعض . مراد كان زهقان جداا و نفسه يهرب بس كان بيقول طالما هقدر اساعدها ف ليه معملش كدا
+ تعالا بقا نشرب بمناسبه اخر لقاء لينا
= مش بشرب ...
+ يلا بقا يا مراد دى اخر مره متقابل فيها . اخر طلب ليا بليز اقبل
= يبنتى مش بشرب . اخر مره شربت فيها سكرت جامد
+ بليز بقا يا مراد بقولك اخر طلب ليا
= طيب خلاص ماشى بس هو كاس واحد ..
بعدها شرب الكاس وهى كمان شربت
تحسو ان الشرب دا ادمان كل لما كان بيشرب كاس بيعوز كاس تانى .. ونسى انه قاعد مع حربايه مش طبيعيه
بعدها بنص ساعه بس كان مراد سكران جدا و مش قادر يمشى حتى
+ تعالا اوصلك البيت يا مراد
= اى يا مزه انتى اسمك اى
دنيا ضحكت كأن دا الى هى كانت عايزاه . كانت فرحانه انه وصل للدرجه دى من السكر
مسكته من دراعه وهو مش حاسس ب اى حاجه فالدنيا . راحت معاه عالفندق
وهناك حصل بينهم كل حاجه
واتصورت جمبه وهو عارى من فوق وهى جمبه لابسه قميص نوم
بعتت الصور ل رينا
رينا اول لما شافت الصور اتجننت
رمت نفسها من البلكونه ..
الحارس اتخض و راح يشوف اى الصوت وشافها وهى غرقانه ف دمها
جرى على سمر و بابا رينا وهو مخضوض وقالهم
طلبو الاسعاف و بابا رينا جاتله ازمه قلبيه
الاسعاف نقلت رينا و باباها للمستشفى
الصبح طلع
مراد قام من النوم وهو متصدع جامد
اتخض لما شاف انه مش لابس حاجه وجمبه دنيا
فضل خمس دقايق يستوعب الى حصل
ضرب دنيا بالقلم
= قومى يا فاجره .. اى الى حصل دا انا امش فاكر حاجه
بسهوكه +صباح الخير يا حبيبى.. مش فاكر حاجه ازاى بس دا امبارح كانت اجمل ليله
قام وهو بيضرب نفسه بالقلم
= اى الى عملته دا يمراد
لبس بسرعه و هو نازل دنيا نادت عليه
+ على فكره انا بعت صورنا لمراتك المستقبليه
بعدها ضحكت بسخريه
+ دا لو كانت هتوافق تصدقك المرادى
مراد اتعصب جامد و ضربها بالقلم تانى
= اسمعى يا بت انتى . خلينى بس اشوفك تانى فحياتى . هقتلك لو شوفتك تانى ...
نزل بسرعه وراح ناحيه القصر ... مكنش عارف يقول اى ولا اى .هى صدقته المرتين الى فاتو بس المره دى اكبر . اكيد مش هترضى تصدقه
وصل عالبيت ومكنش فيه غير الحارس
₩ محدش موجود فالبيت يا استاذ مراد
= ازاى يعنى !!
بحزن ₩ الانسه رينا حاولت تنتحر ونطت من البلكونه و الاستاذ رأفت اول لما عرف بالى حصلها جتله ازمه قلبيه ....
=نعم!!!!!!!!!!!!
= هما ف انهى مستشفى
₩ مستشفى ...
جرى بسرعه ناحيه المستشفى . كل دا حصل بسببه وشكل رينا عمرها م هتصدقه غير انه خايف يكون حصلهم حاجه او لا قدر الله يموتو
راح للمستشفى وسأل عليهم
اول لما سمر شافته جريت عليه و فضلت تضربه على صدره
بعياك × حرام عليك دمرت عيله كامله . حرام عليك دى صدقتك مرتين تروح تخونها قبل الفرح ب اسبوع ؟!
مكنش عارف يتكلم يقول اى . هى عندها حق فكل كلمه قالتها
فضل فالمستشفى مستنى اى دكتور يطمنهم عليهم
£ للاسف الاستاذ رأفت اتوفى . ربنا معاكم
سمر انهارت فالعياط و فضلت تضرب مراد على صدره تانى
اما مراد كان واقف مش مصدق
دا حصل بسببه . بابا رينا مات بسببه وعمرها مهتسامحه مهما حصل ...
= طيب ورينا يا دكتور ؟!
£ خرجت من العمليات و لسا ال ٢٤ساعه الجايين هيحددو هل هتعيش او لا
مراد فضل مستنى ال ٢٤ ساعه يعدو . كان واثق ان رينا مش هتسامحه ولا هترضى تبص ف وشه اصلا
عدى ال ٢٤ ساعه ورينا فاقت وبقت كويسه
مراد مرضيش يدخلها . الدكاتره قالو ممنوع الانفعال
م سعت مفاقت منطقتش بكلمه . الدكاتره قالو انها فحاله صدمه لدرجه انهم مكانوش عارفين هل يقولولها ان باباها مات ولا لا
بس فالنهايه استقرو على قرار انهم يقولولها عشان تشوفه لاخر مره وتودعه فالجنازه لان دا حقها
رينا فضلت ٤ شهور عالحال دا . كانت قاعده ف مستشفى الامراض النفسيه ومكنتش بتاكل ولا بتتكلم . وشها بقا باهت و الابتسامه فارقته سمر كانت كل يوم تروح تزورها وتطمن عليها
اما مراد ان بيراقبها من بعيد . كان قلبه بيوجعه كل مبيشوفها فالحاله دى خصوصا انها فالحاله دى بسببه ..
وفيوم من الايام
مراد كان بيراقب رينا من بعيد كالعاده
+ مراد انا حامل فالشهر الرابع ...
لو مكان رينا هتسامحوه ولا لا؟؟
