امل :البحث اللي عملتي في بيت ايه
ايمان :لو سمحت أنا كلامي مع المديره
امل :طيب ردي علي الاستاذه المديره
المديرة:انتي فعلا عملتي بحث في بيت ايه
ايمان :محصلش بس لما احب اعمل مساعده اكيد مش هقول مني انا شخصيا علشان ارعي مشاعر البنت
امل :المفروض اننا نصدق وكلامك مع استاذ حسام أنه يديها درس بدون مقابل
حسام:مساء الخير
المديره:مساء الخير
حسام :حضرتك بعتي ليا
المديره: ايوه ةاتفضل يا استاذ حسام هي استاذه ايمان طلبت منك انك تدي درس بدون مقابل لبنت
حسام :الكلام ده محصلش هي قالت البنت ظروفها وحشه وطلبت من أن هي تتدفع الفلوس وانا قولت ليها لا البنت متفوقه جدا بصراحه وتستاهل أن أيدها بدون مقابل تشيجع من المدرسه ليها
امل :الكلام ده محصلش
حسام :يعني انا كداب
امل :لا مقصدتش والله بس هي قصدا أنها تتعدي علي شغلي
حسام:ليه وخدا بالطريقه دي متقوليش أنها بتعمل لله
المديرة:بس خلاص طيب انتي ليه مش عرفتني يا ايمان
ايمان:معقول اللي بيعمل خير بيقول عليه
حسام :ايوه فعلا عندها حق بس عندي سؤال هو حضرتك عرفتي منين
المديرة : من استاذه امل
امل :اه البنت قالت ليا
حسام :منها لنفسها
امل :مش فاهمه
حسام :يعني جت وقالتلك كده لوحدها
امل :اه لوحدها
ايمان : ارجوا متجرحيش البنت يا استاذه امل
المديره :انا عايزه البنت دي
امل :ليه حضرتك
المديره:عايزه اشوفها
ايمان :طيب حضرتك انا عندي حصه دلوقتي اقدر امشي
المديرة:اتفضلي وانت كمان يا استاذ حسام
حسام :بعد اذنك وخرج هو وإيمان
ايمان: انا مش عارفه اشكرك ازاي
حسام تشكرني على ايه انا قلت الحقيقه
ايمان : مش عارفه ليه قلت استاذه امل حطاني في دماغهاة قوي كده
حسام:ربنا يهديها
ايمان:بعد اذنك علشان عندي حصه
حسام :اتفضلي ودخلت ايمان فصلها
ايمان :صباح الخير
التلاميذ :صباح الخير يا ميس وبدات تشرح الدرس
وفي نهايه اليوم جت بنت وقفت معاها اسمها اسماء
اسماء :مساء الخير يا ميس
ايمان :مساء الخير يا حبيبتي في حاجه مش فاهمه
اسماء :لا انا عايزه اقول لحضرتك حاجه بس تكون سر بينا
ايمان:اتفضلي يا حبيبتي قولي
اسماء :معانا بنت هنا في المدرسه مش عايزه تروح بيتها وعايزه تيجي معايا وانا بحبها ومش عارفه اقولها لا
ايمان:يعني اي مش عايزه تروح بيتها
اسماء :هي باباه ومامتها منفصلين وكل واحد فيهم متجوز وهي المفروض عائشه عند مامتها بس جوز مامتها مش كويس
ايمان :بيضربها
اسماء :لا احسن أن اخليها هي تقولك الموضوع
ايمان:هي فين
اسماء :ثواني جودي يا جودي تعالي
جودي :مساء الخير يا ميس
ايمان :مساء الخير اتفضلي اقعدي
جودي :شكرا لحضرتك اوي بصراحه انا كلنا بنحبك جدا وحاسين انك كويسه
ايمان :ينفع نقعد لوحدنا يا اسماء
اسماء : حاضر بعد اذنك ومشيت اسماء
ايمان:اتكلمي يا حبيبتي
جودي :انا ماما متجوزه وجوزها بصراحه بيعمل حاجات غريبه وبيقولي حاجات اغرب
ايمان:اتكلمي برحتك يا حبيبتي انا سمعاكي
جودي الاول انا كنت بقعد قدامه بلبس قصير وخفيف بصراحه كنت بحسه بابا لاني عمري ما شوفت حنيه من بابا زيه بس بعد كده بقيت بحس بحاجات غريبه اديه عالطول علي جسمي بطريقه متلاحظه جدا ولما بقيت بلبس طويل بقي يتكلم في كده
ايمان :وفين ماما
جودي :منا قولت لحضرتك الاول كان عامل فيها بابا
ايمان:طيب مقولتيش لماما
جودي :قولت ليها وهي كدبتني
ايمان:طيب ينفع اخد رقم ماما
جودي :لا والنبي مش هينفع لأنها مش هتكست اني حكيت لحد
ايمان:متخافيش انا هتكلم معاها بطريقتي
جودي :اتفضلي
ايمان :بس مينفعش انك هتسيبي البيت ده اكبر غلط بس خليكي في اوضتك لحد ما اتكلم معاه مامتك ولو حد كلمك قولي ليه بذاكر مش فاضيه ولبسك يكون واسع تقعدي بعيد عنه خلي في مسافه كبيره
جودي :والله العظيم انا لو وافقه بغسل المواعين بيدخل كأنه هيعمل شاي ويفضل واقف ورايا حد لما ببعد نفسي
ايمان :اول ما تشوفي داخل المكان اللي انتي داخله فيه اخرجي كأنك رايحه الحمام وبعدين نادي علي مامتك كانك هتساليها في حاجه واتكلمي معاها في اي حوار واوعدك الموضوع ده مش هيطول هكلم مامتك عالطول
جودي :المهم ياريت محدش يعرف
ايمان :اكيد يا حبيبتي اتفضلي يلا علي فصلك وبعد نهايه اليوم كان ماشي حسام جنب ايمان
حسام: مالك يا استاذه ايمان عامله اكلمك
ايمان:اي معلش كنت بفكر في حوار كده امال فين عربيتك
حسام :مجتش بيها انهارده
ايمان'بجد دماغي صدعت
حسام:الله يكون في عونا بس كل البنات بتحبك والله
ايمان :المشكله ان في بعض المدرسين واخدين أن الحل الضرب التكشيره الزعيق هو اللي بيجيب نتيجه بس انا دائما شيفاه أن التفاهم احسن بكتير من الضرب
حسام :عندك حق والله بس ياريت كل المدرسين يعملوا زيك كده
ايمان :صحيح متعرفش موضوع ايه
حسام :لاوالله اخر حاجه عرفتها ان المديره كانت عايزها
ايمان :اي ده معقول وصلنا عند البيت بسرعه كده
حسام :اول مره الطريق ميخدتش وقت
ايمان :بعد اذنك
حسام :اتفضلي ومشيت ايمان وطلعت عند خالتها
حنان :تعالي هنا مين ده اللي كنت معاه
ايمان:براحه يا خالتو ده حسام مدرس معايا
حنان :,متجوز
ايمان :معرفش جعانه
حنان :جعانه اي خليكي معايا بس هو ساكن هنا
ايمان :اه تقصدي ساكن قصادك
حنان :خلاص انا هعرف متجوز ولا لا
ايمان :خالتو ارجوكي مس ناقصه
حنان :برضه هعرف خدي هنا رايحه فين
ايمان :هنزل اغير
حنان :اختك جايه
ايمان:ده اشمعنا
حنان :معرفش بتقول عايزكي ضروري اوي
ايمان :يوووووو عارفه ضروري اوي بتعتها دي
حنان :انا مش عارفه قولي
ايمان:عريس جديد
حنان :بجد مبروك
ايمان :خالتي لو بتحبني اقفلي عالموضوع ده
حنان :الباب بيخبط اكيد هي
ايمان :يا وجع قلبي
حنان :تعالي يا بطه
بطه :والله العظيم حرام كده كل لما احب اشوفك هيجيلك المشوار ده
حنان :امال عايزه اي
بطه :مش كانت شافت شقه في القاهره
حنان. ما كان عندها بيت ابوكي وانتي وجوزك اللي بعتوا
ايمان :مش وقته تعالي يا بطه
بطه :بقولك اي انا لازم ارجع القاهره بسرعه
ايمان :لا
بطه :لا اي انا سيباه العيال لوحدهم
ايمان :منا بقولك لا علشان ترجعي بسرعه مش موافقه عالعريس
بطه :وانتي عرفتي منين
ايمان:وانتي هتتعبي نفسك وتيجي لحد هنا الا لو موضوع عريس
بطه :انتي عارفه هو مين ده مدير جوزي في الشغل اه هو مطلق بس اي غني اوي
ايمان :انا نازله اغير هدومي
بطه :عجبك كده يا خالتي
حنان :ثواني اقفلي الشقه وراكي يا ايماااااان انتي اي يابت معندكيش دم جيباه ليها عريس مطلق
بطه :ومالو بس غني وبعدين بقي مش هيحط جوزي في دماغه لو العروسه قربيته
حنان ،:احضرلك الاكل ولا تمشي علشان مش تتاخري
بطه :كده ماشي يا خالتي شجعيها
واتصلت ايمان ب ام جودي
ام جودي :الو ايوه
ايمان :مساء الخير
ام جودي: مساء النور مين معايا
ايمان : انا ايمان مدرسه جودي في الفصل
ام جودي : خير في حاجه وجودي عملت حاجه
ايمان : لا بس عايزه حضرتك بكره شويه
ام جودي : طيب افهم في ايه بس
ايمان : لما تيجي بكره هتفهمي كل حاجه
ام جودي : حاضر ماشي هاجي لك
ايمان : هستناكي اكيد
ام جودي: حاضر مع السلامه
ايمان : الله يسلمك وقفلت السكه
وثاني يوم في المدرسه راحت ام جودي
ام جودي: مساء الخير انا ام جودي حضرتك كنتي طالباني
ايمان :اه اتفضلي اقعدي اقعدي يا جودي انتي كمان
بدل ماتدور وتبحث علي الروايات خليها علي تليفونك وحمل تطبيقنا
