الفصل الاول
في الصباح
عبدالله ( بزعيق):- جوم يا ولد
معتز ( بضيق):- يا بابا خليني نايم شويه
عبدالله:- كفايه نوم يلا جوم
معتز ( بتنهيدة):- حاضر قايم اهو
عبدالله وهو خارج في نفسه:- شباب آخر زمن
معتز بصوت واطي:- معرفش اي إلي جابني هنا كنت عايش في القاهرة احسن من هنا
عبدالله:- بتجول حاجه
معتز:- لأ بقولك خمس دقائق وجاي وراك
علي السفرة تحت
عبدالله:- صباح الخير
الجميع:- صباح النور
يوسف:- امال فين معتز
عبدالله:- چاي اهو
معتز نزل وقعد علي السفرة
رحيم:- وعليكم السلام ورحمه الله وبركاته
معتز:- لأ والله بتتريق
عبدالله:- ما انت داخل كأنك داخل علي يهود
معتز:- غلطه
هاله:- اقعد يبني كل
معتز:- حاضر يا عمتو احسن وحدة في البيت والله
شمس نزلت من اوضتها
شمس:- السلام عليكم
الجميع:- وعليكم السلام ورحمه الله وبركاته
يوسف:- شوف يا اخويا رمت السلام مش انت
معتز:- ما انا قولتلك غلطه المرة الجايه يبقي أقول
شمس ( بنت هاله الوحيدة معجبه بمعتز بس محدش واخد باله بس هو مش مديها اي اهميه)
رحيم:- امال فين سارة
يوسف:- سارة تعبانه مش هتفطر
رحيم:- آه يا بابا أنا نازل القاهرة
عبدالله:- ليه مش انت واخد إچازة
رحيم:- ما هما اتصله عليا ولازم اروح
هاله:- انت محلقتش تقعد يبني
رحيم:- ان شاء الله هاجي أول ما اخلص شغل
معتز:- اشطااا ابقي أنزل معاك بقي
عبدالله:- هتنزل تعمل اي؟ طب هو عنده شغل وانت ان شاء الله نازل ليه
معتز قعد شويه وبعدين رد:- هروح بقي لو ملازم نزلت ولا حاجه
عبدالله:- لو فيه حاجه نزلت رحيم هيجبهالك هو جاي
معتز:- ما هو رحيم مش هيعرف أنا هنزل وابقي اجي معاه مش انت مش هتعرف تجبها يا رحيم
معتز بيبص لرحيم بتحذير
رحيم بابتسامة مكر:- لأ هعرف اجبها أقعد انت وانا اجبهالك
معتز بصله بقرف
شمس:- اهو قالك أقعد انت بقي انت محلقتش تقعد
معتز:- مالكيش دعوة يا رخمه انتي
شمس:- أنا رخمه اسماله عليك
معتز:- اتلمي علشان مزعلكيش
عبدالله:- حلو خالص كملوا خناقه يلا
هاله:- شمس اسكتي
شمس:- انتي مش شايفه يا ماما بيقولي اي
عبدالله:- لو كلمتها يا معتز تاني أنا هزعلك
معتز:- لأ والله هو أنا ابنك ولا هي
عبدالله:- انتوا التنين
يوسف:- انت يا معتز حاطط دماغك بدماغها خليك عاقل كده
عبدالله:- مين الي يبقي عاقل معتز مظنش
رحيم قاعد بيضحك علي منظر معتز إلي بيطلع نار من جوا
معتز ( بضيق):- خالي ابنك يتلم
عبدالله:- هو انت خلصت مع شمس بدأت في رحيم أقولك يا معتز أنزل القاهرة
معتز بفرح:- بجد!!
عبدالله:- آه بجد انت هتدوشني ليه
هاله:- اطلعوا شوفوا اختكوا قبل ما تمشوا
معتز:- هي منزلتش ليه أصلا
هاله:- تعبانه اوي
معتز:- من أمتي
رحيم:- ما هو انت مش فاضي تسال
*في القاهرة*
️رنيم:- يلا يا ماهي أنا نازله
ماهي:- ثواني أنزل معاكي
رنيم:- غيري الطقم ده
ماهي:- ليه
رنيم:- علشان ضيق ومش حلو يلا
ماهي:- ما هو حلو اهو
رنيم:- لأ مش حلو يلا
ماهي:- طب استني
رنيم:- ماشي
*بعد ربع ساعة من الوقت*
ماهي لبست بنطلون جينز واسع من وبلوزة نبيتي ولمت شعرها
ورنيم ( فستان اسود منقط بابيض وطرحه شبه الشوز) كانت شبه الاميرات
هما نازلين في الاسانسير
رنيم:- عندك كام درس
ماهي:- عندي تلات دروس
رنيم:- طب متخرجيش مع حد يبقي روحي علي طول علشان تذاكري
ماهي:- نفس الجمله بتقوليها كل يوم
رنيم:- أنا غلطانه يعني علشان خايفه عليكي
ماهي بابتسامة:- لأ طبعا لو أنتي مخفتيش عليا مين هيخاف عليا غيرك
بعد فترة من الزمن
رنيم وصلت المستشفي
:- دكتورة رنيم محتاجينك في الطوارئ بسرعه
رنيم:- تمام جايه أهو
في الجانب الآخر في الصعيد
معتز ورحيم لبسوا وطلعوا عند ريم
ريم ( اختهم اصغر وحدة معاها ثانوي عام ومكلمتش علشان عندهم محدش من البنات بيسافر بره الصعيد مع انها ممتازة في الدراسه وكان نفسها تكمل بس التقاليد إلي منعتها)
ريم:- ادخل
رحيم ومعتز دخلوا
رحيم حضنها:- عامله ايه يا قلبي
ريم:- الحمدلله ريحين فين كده
معتز:- عامله ايه دلوقت والله لسه عارف دلوقت منهم أنك تعبانه
ريم:- احسن من الاول يعني مرتدوش
رحيم:- أنا نازل علشان عندي شغل في القاهرة ومعتز نازل يدلع
ريم ( بضحك):- الفرج جاله
معتز:- حصل
رحيم:- عايزة حاجه اجبهالك وانا جاي
ريم:-: عايزة سلمتك
رحيم:- مع السلامه
****************************
رحيم ومعتز نازلوا سلموا علي العيله وركبوا العربيه
معتز:- يبقي كده يا ندل تقول لابوك أنا هجبله الملازم
رحيم ( بضحك):- بهزر يعم
معتز:- ماشي مش هنسهالك
في المستشفي
رنيم خرجت من اوضه العمليات ودخلت اوضتها بعد ثواني الباب خبط
رنيم:- ادخل
محمد:- عامله ايه يا دكتورة
رنيم بضيق:- الحمدلله خير
محمد:- يعني أنا جاي اطمن عليكي وانتي مش عجبك
رنيم ( بضيق) اكتر :- مين قال كده أنا الحمدلله فيه حاجه تاني يا دكتور
محمد ( دكتور مع رنيم في نفس القسم بيحب حاجه إسمها بنات بس مجرد ما شاف رنيم أول يوم في الشغل وهي مجنناه بيحبها بس هي مش بطيقه؛ بيدخل علاج في المستشفي غلط وبايظ من ورا المستشفي)
محمد وهو بيقرب منها وهي متوترة:- لو احتجتي اي مساعدة أنا جمبك
رنيم بتوتر:- ...م.اشي اتفضل اطلع بره
محمد ساكت وبيقرب منها اكتر واكتر
رنيم بخوف منه:- اتفضل بره
